[لامارا]

البــــــــــــارت الثــــــــــــالث :

( وقفت السياره على صالح والبنات وما عرف شنو يسوي )

شوق: صويلح .. وش السالفه ؟

صالح : مدري اظاهر ان البترول خلص ..
الكل : شنوووووووو ....؟؟؟؟؟؟؟؟؟

صالح : اوووووف الجووال ما فيييه ارسااااااااال ..أحد عنده جهاز ثاني ارساله اقوى ؟

شوق: جوالي بطاريته ضعيفه ..!!

.................
عند الاهل :
ع الساعه 5 المغرب ..

ام تركي : وينهااا بنتي ..وتصييييح ..

ام فهد : تعوذي من ابليس ياوخيتي .. صدقيني راح يرجعون تعرفينهم هاذي حركاتهم ..

ام تركي : بس طوّلوا .. وبعدين دواها عندي هني شبتسوي اذا تعبت ؟ يا خوفي يصير لها شي ..
ام فهد : انتي هدي الحين بدق ع الرجاجيل وبشوف اذا لقوهم ولا شي ..

ودقت عليهم..

ام فهد: ها يا وليدي لقيتوا البنات ؟؟

طلال : لا يمه ما لقيناهم..

ام فهد : انزين يا وليدي اذا صار أي شي دق علّي طالبتك ..

طلال : ابشري يمه ..

وسكر طلال ..

...........

وفي سياره ثانيه ..

جوال نواف يررررن ..

نواف : أأألووو شوقوو ..

شوق وهي تصيييح : نواف ألحقنا ..........وانقطع الخط ..

نواف : شوق .. شوووووووق ..

.........
ف السياره عند البنات ..

(شوق فيها ربوو )
صالح بعصبيه: خلاص بلا دلع بسكم صياااح ما راح نموت..

شموخ:صالح شوق تعبانه ,ومحد يدري عنّا ولاجابت علاجها..!!

مشاعل : شوقو حبيبتي .. هدي الحين بيلاقونا ..

صالح : انا بنزل بروح ادّور مكان به ارسال ..

نزل صالح وقعّد يدور مثل المجنون ..

شوق :ب ب بنات خلااااص م م ا ااااقدر اتنفس ..
شموخ: تحملي شوي صويلح راح يدور ارسال ..!
.............

عند الرجاجيل ..ومحاولات الاتصاال بصالح ..

وفجأة رن جوال صالح ..

..... : الووو وجع..

صالح : بدور ألحق علينااا السياره وقفت وشوق بنت عمي تعباانه

بدر بعصبيه : كله منك كم مره قلت لك ... الو الووو ..

قام يقطّع الصووت ..

نوااف سحب الجوال من بدر : صالح وينكم ..

صالح بصوت غير واضح : ما ادري ؟

نواف : انزين ما في شي قريب منكم ..

صالح : بلا عمووود >حق الكهربا<

نواف : انزين يلا جاينكم ..
وتوزعوا الرجاجيل على سيارتين ..

علي مع بدر .. ونواف مع مشعل وطلال.. والكل معصب والامهات على اعصابهم ..

...............

عند البنات ..
شموخ ومشاعل قاعدين يهفوّن على شوق ..

ومره وحده سكرت شوق عيونها ..

البنات بصراااخ : شووووق ..

شموخ : افتحي عيونج لا تسكرينهم وتصييييح ..

دقااايق ووصلت عندهم سياره كان فيها علي و بدر وكانت الساعه 7 بالليل ..


وبسرعه نزلوا من السياره ..

بدر: شيلوا شوق وحطوهاّ في السياره بسرعه ..

شموخ ومشاعل يشيلونها ويحطونها في السيارة ..

علي : صالح اتصل على نواف ..

ويدق صالح عليهم ..

.. البنات خايفين وقاعدين بالسياره ..

وصل نواف عند صالح وهو معّصب ..

بدر وعلي راحوا للمستشفى ع طول ..

علي بقلبه : يااااارب ما يصير فيها شي !

بدر كان مسرع حده ..

وصلوا للمستشفى وعلى طول دخلوا شوق للطوارئ ..

شموخ وهي تصيح : علي دق ع اخوها نواف خله يجي ..

مشاعل : يااااارب ما يصير لها شي !

...

بعد10 دقايق وصل نواف على طلعة الدكتور من عند شوق ..

الدكتور : في احد من اهلها هنا ..

نواف : أي نعم انا اخوها ..

الدكتور : تفضل معايا ..

وراح نواف وتمّوا الباقي على اعصابهم ..

الدكتور : بصراحه .. هي اخذت الدواا والا لا ؟

نواف : لا يا دكتور ..
الدكتور : طيب الحمدلله المره دي عدت على خير .. لازمها ترتاح شويه ..

نواف : مشكور دكتور .. بس ينفع ناخذها .؟

الدكتور : منا ألتلك ( قلت لك) هي لازم ترتاح .. على الاقل ساعتين ..

نواف عصّب : قلت لك بوديها ترتاح عندنا ..

الدكتور: خلاص براحتك ..

.........

طلع نواف وقال لهم كل اللي صار ..

شموخ +مشاعل : الحمدلله ..

علي ف قلبه وسرحااان : فديتها والله ما تستاهل يا ليته فيني ولا فيها ..

.........

بعد ساعتين ..في المخيم بدت المحااضره الحريم في المخيم بالبنات ..

جاو الرجاجيل عند البنات ..

بدر: شموخ ..

شموخ : هلا بدر ..

بدر بعصبيه :خير يا آنسة شموخ ؟! حركه حلوه منج هذا وانا عادج العااقلة ..

شموخ :...................
بدر بعصبيه آكثر : وانتوا يا بنات العم( ويطالع مشاعل)

مشاعل منزلة راسها : .........................

شموخ : آسفين ..

( فهد اخو شموخ عمره 24 دايم حاد ما يعرف المزح بس حلو )

فهد : ونعم التربيه يا شموخ ما هقيتها منج
شموخ : احنا ما سوينا شي غلط بعدين ليش كله اللوم علينا وصلوح الخايس وينه

فهد : لا تعلين صوتج .. وسكت شوي .. ويكمل : العشم فيكم يا بنات عمي ما قصرتوا

كل الشباب كانوا ف الخيمة وكل واحد يزف البنات وصويلح
وطول المحاضرة قصدي الزفة وطلال ماعنده شغلة غير انه يطالع شموخ
مشاعل وخانقتها العبره تحس انها السبب : بروح اشرب ماي من المطبخ < عشان تروح العبره ..

وطلعت ..

مشعل حس في آخته .. ويدري انها حساسه شوي ..

مشعل ..: بدور حرام عليك خلاص الحمدلله ما صار شي ..

بدر طلع بدون ما يتكلم ..

شموخ طلعت ولحقت مشاعل .. لقتها تمسح دموعها ..

شموخ : خلاص شعول بدور ما كان قصده

مشاعل : لا شدخل اصلا ما زعلت منه بس تذكرت ابوي الله يرحمه ..

شموخ : شعول امشي نروح حق شووقو .. بنشوف شصار لها

مشاعل :اوك يلا .. مع اني متأكده انها قطوه بسبع ارواح

عند شوق ..

شوق : تو الناس ست شموخ وست شعول كان ما جيتوا بعد

شموخ : ست ولا سبع اقول انتي جب بس جب

شوق او انها زعلت

مشاعل : هييييه انتي يا بقوره .. عن الملاغه الزايده ..يلآ .. عشان خاطر .. طووطوطوطو مشفر هع هع ( تبي تحرجها )

شوق : هي هي هي انتي وشو طووط طوط لا يكون على بالج اني مثلج يا .... هع

يقاطعهم مشعل مع صالح ..

مشعل وصالح : السلام عليكم ..


محد رد عليهم

شموخ : خير استاذ صالح

صالح : .............

مشعل : مشاعل ممكن اكلمج ..

مشاعل : انزين

طلعت مشاعل مع مشعل

مشعل : ميشوو انتي زعلانه

مشاعل : لا شدخل

مشعل : يوم طلعتي حسيت ان فيج الصيحه

مشاعل : .................

مشعل : اوكي خلاص بخليج على راحتج

وراح مشعل مع صالح

ورجعت مشاعل عند البنات ..


............................................

في اليوم الثاني .. الصبح الساعه 9:30

شموخ متعوده على قومة الصبح

قامت ونأكدت ان محد صاحي لا من البنات ولا من الشباب وراحت المطبخ

عند الشباب محد قايم غير علي .. قام وهو ميت جوع وراح للمطبخ ..

لقى شموخ ..

علي شافها فرصه عشان يخرعها ..

علي : بوووووووووووووه ..

شموخ كانت ماسكه الملعقه تسوي لها سندويش .. طاح منها وصراخها :

علوي يا ولد اللذين .. ما تستحي على وجهك ..

علي : هههههههههه .. شتسووين..

شموخ : ارقص .. شسوي بعد ..

علي : عجل سوي لي معاج ..

شموخ : هذا اللي هامك كله تبي تاكل .. ااووووووووووووف ..

علي : اوووهووو ..انزين ما ابي .. الا اقول شوشو ..

شموخ : هالشوشو ما وراها الا المصلحه قول شتبي ..

علي : شخبار بنات العم ..؟

شموخ : كلهم ...!!!

علي : أي اكيد يعني عن من بسأل ؟؟ ( في خاطره ..حسبي الله عليها كشفتني ..)

شموخ: اهاا .. والله تمام ..

علي : ااهااا انزيين و ..

قاطعته شموخ : قول انك تبي تسـأل عن شوقو وبس ..

علي ارتبك وماعرف شيسوي , شموخ حست بإرتباكه وحبت تصرفه ..

شموخ : علوي اذلف صوت ابوي يناديك .. وبعدين الحين بيقومون البنات وبيجون ..

علي : آروح يعني ..


شمووخ : يلآ روح ..


وطلع علي ..
.......................

طلعت برا المخيم ولقته واقف بروحه يتأمل ..



* وآقف بروحه .. يآ ترى من هذآ .. اللي وآقف !!

ومن اللي طآالعه ..!!


بنعرف في البارت الجديد ..