[لامارا]

البارت السادس

شموخ : مستحيل ..
شوق: والله اتفاقنا كان كذا .. شسوي انتي بس عطيه الجوال وخذي جوالج وتعالي ..
شموخ تفكر ..: امممممممم ..اففففف ..بروح بس على شرط ..!
شوق: قولي آمري ..!!
شموخ : تعبين لي جوالي ما عندي رصيد ..ومب أي كرت ابي ب 100 ريال ..
شوق: نعم ..!!
شموخ : خلاص مب رايحه ..
شوق: اففف زين زين ..
شموخ : يلا قولي له يطلع ويجي عند باب المطبخ ..
( شوق اتصلت حق نواف واتفقت وياه )

شموخ مرتبكه : والله خايفه ..
مشاعل : اروح معاج ..
شوق: لا لا لا اخوي ما يبي غير شموخ ..

( وراحت شموخ المطبخ ..ومعاها جوال نواف ولآول مره تواجه نواف وهي مو متغشيه ..
وصلت المطبخ على وصول نواف عند الباب )

نواف: هلا والله حيّاالله بنت عمي شخبارج ..؟
شموخ : الله يحييك .. بخير
نواف : انا الحمدلله <<ما سألته شخبارك ..
شموخ تضحك : شخبارك ..
نواف ف قلبه فديت الضحكه : اكيد بخير ..
شموخ عطت نواف جواله : تفضل هذا جوالك ( ماسكه الجوال من الطرف )

نواف يمد يده وياخذ الجوال : مشكوره ( وقعد يتفقد جواله )

شموخ : لا تخاف انا مب وحش ما صار فيه شي بس رميته على الارض ..
نواف: هههههه يعني بس رميتيه ..
شموخ : أي ..
نواف مصخها : شموخ ..!!
شموخ : ...................
نواف: زعلانه مني ..؟؟
شموخ : لا
نواف : احلفي ..
شموخ : ممكن تعطيني الجوال ..
نواف: لا ..
شموخ : .......................
نواف : مب قبل لا ترضين علّي ..
شموخ : قلت لك مب زعلانه ..
نواف يعطي شموخ جوالها وما وده يعطيها عشان يطول : تفضلي ..
شموخ : مشكور ..
نواف: لحظه بقولج ..
شموخ : آمر ..
نواف : في احد في المطبخ..
شموخ تتلفت : لا ..
نواف مسك يد شموخ : شموخ انـا
شموخ مصدومة :.....
نواف : انا احبج
شموخ تسحب يدها بسرعه : انزين باي < استحت ..
شموخ رجعت للبنات وجهها احمر ساكته ما عرفت شتقول ..
قعدت تشوف جوالها وتقول في قلبها .. (لا انا ما احبه .. بس ليش ..يمكن احبه)
وبدأت الافكار تتضارب براسها فكره تجي وفكره تروح ..

شوق: هي انتي ..
شموخ : انااا ..!
شوق: صار لنا ساعه نكلمج ..
مشاعل : شصار ..!
شموخ : هاااه ..
شوق ومشاعل : شصااااااااااار ..
شموخ تلمس يدها : ما صار شي ..بس خذت جوالي وعطيته جواله ..
شوق بشك : متأكده ..
مشاعل : ترى محد يعرفج كثرنا ..
شوق: ادري انج تكابرين وتخفين اللي صار ..
شموخ : شنو تقولون انتوا ..!!
شوق: انتي اللي شنو تقولين الحمدلله والشكر ..!!
.... شموخ نست ان لها هديه اللي هي الرصيد 100 ريال كرت هلا ..
... شوق راحت اتصلت على نواف تبي تعرف شنو صار .. لكن نواف نفس الحاله بعد ..
......................................

عند الرجاجيل :
نواف باله مشغول مع شموخ ..
بدر طفش من الشباب ويتمنى انه يشوف مشاعل بدال هالوجوه الخايسه ..
مشعل وصالح كالعاده هواش على السوني ..
فهد شخصيه هادئه وفي حاله ..
........................

الساعه 12 الظهر ..

ابو فهد يدخل الخيمه ..

بدر : حيا الله الوالد ..
الكل قام يسلم ..

ابو فهد : يا عيال بعد الغدا الكل يشيل اغراضه وبنطلع ..
الكل : ان شاء لله ..

بدر جاه مسج من (الأهل ش < يعني شموخ )
" بدر تعال المطبخ ألحين وادخل بدون ما تنحنح ما في الا (انا ) "

شموخ وشوق قاعدين بالخيمه ,مشاعل بالمطبخ تشوي شاهي ..

بدر دش المطبخ : شمووخ ..
انصدم بدر لمّا لقى مشاعل ما عرف شنو يقول : ش ش ش شموخ و وين .!

مشاعل خايفه لانها مب لابسه لا عبايه ولاشيلة طاح الكوب من يدها ..

بدر بقلبه صدق اني ما آستحي : مشاعل ..

مشاعل : بدر داخل قصدي شموخ داخل ..

بدر يطلع على طوول ويتصل على شموخ ..

شموخ : ياا عيوون شموخ ..

بدر : وجع ان شاء الله ..

شموخ عارفه شصاار : شفيك ..؟
بدر: انتي حيواانه .. بس احبج والله ..
شموخ : والله ..
بدر: لا احب مشاعل من زينج انتي ..
شموخ : ترى البنت قاعده تبكي ..
بدر: ليه شفيها ليكون زعلت ..!

شموخ :ههههه لا اكذب عليك ..
.. بدر يسكر التلفون في وجه شموخ وهو مستانس ..
مشاعل تطالع شموخ : كنتي تدرين ..!
شوق بنذاله : أي أي كانت تدري ..
شموخ : اسكتي يالنذله ..
مشاعل : يا ويلج مني ..
شموخ : ههههههههههه ..(وطلعت برا الخيمه )

.....................................
رتبوا اغراضهم .. ورجعوا ..

.... الساعه 4 في بيت ابو تركي ..

شوق قاعده في غرفتها ومطوله على صوت الاغاني ..

وفجأه طق الباب ..

..... : شوق ..
شوق: ........................

......... : شوقوووووووووووو ..ووجع ..
شوق سكرت الاغاني .. : هلا في أحد ..؟

نواف: تو الناس .. افتحي الباب ..

شوق تضحك : انزيييين ..
وفتحت الباب ..

نواف: اوووف ما بغيتي ..
شوق: سوري فديتك ماكنت اسمع .. المهم قول شنو تبي ..؟

نواف: ابي اسألج .. شموخ تحب أحد ..؟!

شوق بجد : ليش تسأل .. ماأظن الموضوع يهمك ..!

نواف: شوووقوو .. قولي عااد ..

شوق: مممم ..لا ..

نواف بفررحه : صدق ..
شوق: أي ..
نواف: انزين .. تتوقعين هي تفكر فيني .؟
شوق: وليش لا ..والله مب ناقصك شي .. عشرين الف وحده تتمناك ..
نواف ابتسم : مشكوره شوشو .. ريحتيني بكلامج ..
شوق: ولا يهمك .. انا بضبطها لك .. ( وتغمزله )
نواف استانس وباس اخته على خدها : فديتج يا أحلى اخت بالدنيا ..
شوق: لا تشكرني الحين .. اشكرني بعد ما اضبطها لك ..
نواف ووجه مليان ضروس من الوناسه : اوكي ..
وطلع من عندها وهو طااااير من الفرحه ..

.............................

في بيت ابو سعود ..

طلال قاعد يطالع المباراه وتفكيره في اخوه مشعل .. يارب من هااي اللي شاغله بال اخوي ؟؟ معقوله بنت !! سمعته وهو يقول"تصبحين على خير يا قلبي " .. ومن وين تعلم هالسوالف ..! محّد منّا سوا كذا .. وتوه صغير على هالسوالف ..

....

في زاويه ثانيه من البيت ..
مشاعل قاعده تطالع جوالها وسرحانه في صورة بدر اللي طرشتها شموخ ..
" ياربي .. عيونه تهبل ..هو بكبره حلو .. الله يكتب لي نصيب معاه ...

قطع تفكيرها صوت الباب ..

مشاعل : من ..؟
طلال: ممكن ادخل ..!
مشاعل : تفضل .. ( وتسكر جوالها بسرعه )

دخل ..
مشاعل: شفيك .؟
طلال: عطيني جوالج شوي ..
مشاعل: ليه شعندك ..؟
طلال : ابي اخذ شي ..
مشاعل : لا مستحيل شتبي كله ارقام بنات ..!
طلال: انزين بتعطيني والا لا ..؟
مشاعل : قول انا بعطيك ..
طلال : ابي رقم شموخ ..
مشاعل شهقت : مستحيل .. طلال البنت ما تفكر فيك ..
طلال : عجل في منو تفكر ..؟ وانتي شدراج ..؟
مشاعل ارتبكت : هااا ..لا بس اقول كذا لان هي ما تحب احد يعني ما تفكر فيك ولا في غيرك ..
طلال : لا بخليها تفكر فيني وتحبني ..

....................

في بيت عبدالرحمن (ابو مها )

مها : انزين متى بتروحين .؟!

شهد : الساعه 5 .. تجين ..؟
مها : خلاص بكلم امي وبرد عليج ..
شهد : اوكي .. تشاااااااااااو ..
مها : تشااووو ..

( راحت عند امها وقالت لها انها بتطلع مع شهد )

ام مها: بس يا بنتي من كأنه طلعاتج كثرت ؟.
مها : اوووووه .. حتى على الطلعات تحاسبوني ..؟ شرايكم تحبسوني بعد ..؟
ام مها: يما انا مب قصدي بس ..
مها قاطعتها : خايفين علي ..ادري حفظتها من كثر ما تقولونها ..لاعت كبدي .. اوووف ..

ام مها: خلاص يا بنيتي روحي ..
مها : مشكوووووووره يا أحلى آم ..
وراحت غرفتها ..ودقت على شهد ..

مها : شهوده ..
شهد : هلا ..
مها : خلاص بروح ..
شهد:اوكي وين نتلاقى .؟
مها : شرايج عند ماكس ...!
شهد : اوكي ..

( سكرت من شهد.. الا ودقايق يرن جوالها )

المتصل " حيآتي "

مها بفرحه : هلا والله ..
سلطان : اهلين ..

" سلطان واحد تعرف على مها عن طريق الشات وتواصلوا .. وسلطان اصلا كان يحب وحده وخانته .. ف صار ينتقم من كل وحده .. يلعب عليها ويخليها .., ومها تحبه "

سلطان : حبيبتي انا خلاص زهقت ابي اشوفج ..
مها وهي خايفه يتركها بعد ما تعلقت فيه: انت تعرف ظروفي ..وامي طول اليوم تراقبني بالبيت ..

سلطان زهق : وبعدين ..

مها : ممممم " تذكرت انها بتطلع الستي مع شهد" انا بطلع اليوم ..
سلطان " وأخيييرا " : أي مكان بتروحين انا بكون هناك ..
مها : ينفع تجي الستي ..
سلطان: اكيد ينفع .. ما يصير نقول لا للغاليين ..
مها بخجل: خلاص الساعه 5 بكون عند ماكس تعال هناك ..
سلطان : خلاص يا قلبي ..

سكرت منه وهي مستانسه اخيرا بتشوف حبيب قلبها ..
.............................

في بيت ابو تركي ..

شوق تكلم مشاعل ..
شوق: هاا بكره بتداومين ..؟
مشاعل : أي اكيد ..حتى انا وشموخو اتفقنا نجيب اكل من البيت ..وبنقول حق الربع ..
شوق: مب كأنه ممنوع ..شفيج مب حافظه شعار السكول " ممنوع احضار المأكولات من المنزل خوفا عليكم من التسمم ..
مشاعل : وهذا احلى شي ..
شوق: تعجبني نذالتج ..حبتين عليج ..
مشاعل: تربيتج هع ..شرايج انتي بعد تجيبين معاج أي شي ..
شوق: خلاص ولا يهمج بكره الصبح الاكل بيكون عندكم ..
مشاعل : تقدرين تدقين على مي وريتاج ..
شوق: اوكي وانتي كلمي نوفي وهندوو ..
مشاعل : خلاص .. اتفقنا..

.................................

الساعه 5 وربع في الستي ..
شهد : وينه لين الحين ما بين .. شكله لعب عليج ..
مها: هي حدج شنو يلعب علي ..هاي يحبني مستحيل يسويها ..
شهد: اهاا ..
مها : شهوده حبيبتي عندي طلب ..؟
شهد : شنوو ..
مها : اذا جا سلطان ينفع تخلينا بروحنا شوي .؟
شهد : من عيوني يا قلبي .. اهم شي تكونين مستانسه ..
مها: تسلم لي عيونج ..

.. دقايق ورن جوال مها ..المتصل " حيآتي "
وردت ..
مها: قلبي وينك تأخرت علي ..
سلطان : سوري يا عيوني بس الطريق كان زحمه وألحين وصلت ..
مها : خلاص انتظرك عند باب السينما ..
سلطان : اوكي ..
.......
بعد 5 دقايق ..
مها دقت عليه ..

مها : وينك انا عند باب السينما ..
سلطان : انا بعد .. انزين مهوي انتي تعرفين شكلي صح ؟
مها : أي اكيد ..بس انت الحين وشو لابس ..؟
سلطان : ثوب وغتره بيضآ .. لحظه لحظه .. انتي عبايتج فيها رسم بالأزرق ..
مها : أي شفتني ..
سلطان : خليج مكانج .. بجيج الحين ..
مها وهي ميته خوف لانه اول مره تقابل سلطان : اوكي ..
شوي وما حست الا احد يمسك كتفها ..

مها بخووف : يمّه ..
سلطان : بسم الله عليج يا قلبي ..
مها : خرعتني ..
سلطان : سوري حياتي ما كنت اقصد ..شسوي مستانس ..
مها بخجل : شحالك ..
سلطان في قلبه .. " هالحيوانه عليها جمال مب طبيعي .. بس للأسف طاحت بين يديني "
سلطان يبتسم : بخير دام اني شفتج يا قلبي ..
مها بخجل : سلطاااااان ..
سلطان : فديت اللي يستحي انااا ..
مها : .......................
سلطان : حبيبتي عادي اعزمج على كافيه ؟
مها : خلها مره ثانيه شهوده تنتظرني ..
سلطان : ااافااا يا قلبي ..ترديني من اول مره ..؟ ترى بزعل ..
مها : خلاص اوكي كله ولا زعلك ..
سلطان : فديتج والله ..

...................

في بيت آبو فهد ..
شموخ: علوي تعرف شنو لا يعني لا ..
علي: الله يخليج بس بكلمها شوي ..
شموخ: انت شفيك استخفيت ؟
علي : شوشو حبيبتي يلا عفيه عليج ..عطيني الرقم ..
شموخ : بالله عليك شنو بتقولها يعني ..؟
علي : بس بسلم ..
شموخ : انا بسلم عليها .. شي ثآني ..!
علي : شموخ .. عآآد مارااح آكلهآآ ..
شموخ: وانت ليش قآآط عمرك عليها .. يمكن هي ماتحبك ..
( علي سكت شوي ..ماعرف شنو يقول ..ماعمره فكر ولاحط بباله هالشي ولاسأل عمره حتى اذا البنت تحبه والا لا )
شموخ بخبث : تبيني أسألهآ ..
علي سرحآآن: هااه ..!!
شموخ : اسألها اذا تحبك او لا ..؟
علي: أي والله تسووين خير ..بس اذا كانت الاجابه أي فلا تقولين لي ..
شموخ : خلاص خلها علي ..

..........................

بعيد عن الناس ..تحديدآ في ستار بكس ..

الجرسون : شو هو طلبك سيدي .؟
سلطآن : هاا حبي شنو تبين ..؟
مها : أي شي ..
سلطان : لا عااد مايصير ..
مها وهي مستحيه : أي شي تطلبه بيكون حلو ..
سلطان : فديتج انا .. حياتي والله ..
وطلب 2 كوفي عادي ..ويوم وصل الطلب ..حط حبه في كوب مها بدون ما تدري ..

وشربت مها وما حست بأي شي لين ما خلصت ..
مها : سلطان انا خلاص بروح البيت
سلطان : ليش يا حبيبتي بدري..
مها :تأخرت .. واحس راسي يعورني ..
سلطان آبتسم بخبث : سلامة راسج يا قلبي فيني ولا فيج ,انزين حبيبتي انا عندي حبة بندول اخذيها يمكن تخفف الألم شوي ..
مها : اوكي .. (وخذت الحبه الثانيه بدون ما تدري )..
ووصلها عند صديقتها شهد ..

.................................

في بيت ابو تركي ..


شوق تكلم بالتلفون: هلا هلا بقلبي ..
شموخ : اهلين شواقي شحالج .؟
شوق: والله تمام التمام .. وانتي ..
شموخ : انا الحمدلله بخير .. اقول شوقو ..
شوق:هلا ..
شموخ (لا الحمدلله مزاجها اوكي) : ممكن اسألج سؤال .؟
شوق:أي عادي اسألي ..
شموخ : شوق بصراحه .. انتي تحبين .؟
شوق آستغربت من سؤال شموخ : لا .. ليش هالسؤال ..؟
شموخ : انزين انتي ممكن تحبين ..؟
شوق: ما راح ارد ..لين ماتقولين لي ليش هالاسئله ..
شموخ : الله يخليج ردي.. عقب بقولج ليش ..
شوق: اوكي .. هو يمكن ليش لاا ..
شموخ : انزين في أحد في بالج ..؟
شوق: ألحين .. اممم لاا ..
شموخ : اهاا .. مشكوره على ردج الصريح ريحتيني .. يلاا مع السلامه ..
شوق : لحظه لحظه ... ( طوط طوط طوط .. سكرت شموخ التلفون
........................
نهاية البارت

ياترا شنو بيكون مصير مها بعد ماخذت المخدرات ؟

وشوق وعلي..في شي بيصير بينهم ولا لا؟

انطرونا ف البارت الجاي