[لامارا]

البارت الجديد وصل وسوري ع التأخير

في بيت ابو فهد ..
شموخ تصارخ : علللووووي , علووووي وينك ؟
بدر نازل من تحت : وجع شفيج تصارخين ..
شموخ : وينه علوي .؟
بدر : شوفيه في غرفته .. ليش كل هالصراخ ..
شموخ : انزين بااي ..
بدر: الحمدلله والشكر .. شفيها ذي استخفت ..!!
شموخ راحت تشوف علوي اذا في غرفته او لا ..
دقت الباب : علوي انت داخل ..

علي قاعد على الكمبيوتر : أي ادخلي ..
دخلت وعلى طول علي بدا معها التحقيق ..
علي : ها بشري .. كلمتيها ,قلتيلها .,شقالت أي والا لا .. خلصيني ..
شموخ : بسم الله الرحمن الرحيم ..شفيك شوي شوي علّي ..
علي بنفاذ صبر: انزين قولي شصار معاج ..؟
شموخ : قالت حق لي علي كل اللي صار بينها وبين شوق ..
علي : يعني في امل انها تحبني ..
شموخ : امل كبير بعد ..
طلعت شموخ .. وعلي يحس بالثقه وقرر انه يحاول يتقرب من شوق بأي طريقه ..

................................

في اليوم الثاني الصبح في المدرسه ..
شموخ: شعول قولي لي بسررعه وين أحط الاكل ؟
مشاعل : انا حطيته في الخزانه اللي في الصف .. روحي شوفي اذا في مكان او لا ..
شموخ : اخاف يفتشون الصف .؟
مشاعل : خلاص حطيه عن شوقو ..
شوي والا دشت نوف وفي يدها كيس ساندويشات ..
نوف : السلااااااااام علييكم ..
شموخ+مشاعل : وعليكم السلام ..
راحت سلمت عليهم ..
نوف: شنو جبتوآ ..؟
شموخ : انا عن نفسي جبت لكم شبوس (جمع شيبس) ووآآجد عليكم بعد ..
مشاعل : انا جبت لكم كرك (الكرك: حليب بالشااي يتميز به الشعب القطري) وقهوه .. وانتي نوفي شنو جبتي معاج ..
نوف : انا جبت لكم ساندويشات, انزين هند جات ..؟
مشاعل : لا توها ماوصلت .. عن اذنكم بنات بروح اشوف اذا شوق والربع جااو ولا لا ..
شموخ ونوف : اذنج معاج ..

..
راحت مشاعل الصف اللي جنبهم صف شوق ومي وريتاج ..
مشاعل: السلام عليكم ..
ريتاج : وعليكم السلام ورحمه الله وبركااته ... كيفيك مشاعل ..؟
مشاعل : الحمدلله .. انتي شخبارج .؟
ريتاج : انا الحمدلله منيحه ..

مشاعل : شوق ومي ما جاو .؟
ريتااج : لا والله لسى ما إجوو ..
مشاعل :طيب يا حلوه ..شو جبتي معك ..
ريتاج :عملتلكو كيكه حاتاكلوا صوابعكم وراهآ ..
مشاعل : هههههه .. يلا عيل آخليج ألحين اذا جاو الربع قولي لهم يجون عندنا ..
ريتاج : بس لحظه .. انا عندي فكره مشان نخبي الاكل ..
مشاعل : شنو هي ..
ريتاج : شفتي المخزن القديم ؟ محدا راح يفكر يفتش جواته شو رايك نخبي فيه اكلنا .؟
مشاعل : أي والله الفكره مب شيته خلاص بخبر الربع ..
" في هاللحظه كانت شهد تسمعهم وفي نيتها انها تسوي اللي تقدر عليه عشان تخرب عليهم "
..
بعد ربع ساعه ..
شهد : أي صح مهوي ..دريتي بنات عمج وربعهم جايبين آكل من البيت .. واعرف وين راح يحطونه ..شرايج نخرب عليهم ونعّلم الضابطه .؟
مها وهي سرحانه : أي صح ..
شهد : وشو اللي صح اصلا انتي ما سمعتي اللي قلته ..؟آصلا انتي شكلج مب طبيعي من يوم ما طلعتي مع الحب .. كنج شااربه خمر ..
مها : شهد ابي ارد البيت احس راسي بينفجر ..
شهد : انزين ,وبنات عمج اللي بنخرب عليهم .؟
مها: خربي بروحج انا تعبانه وبرجع البيت ..
شهد : اوكي براحتج ..
راحت مها آتصلت على البيت وبعد نص ساعه جاو اهلها وخذوها ..
اما شهد راحت عند الضابطه وقالت لها عن كل شي ..
..
شهد : أي ابله من صجي ..شفيج مب مصدقتني انا شفت الاكل بعيوني ..
الضابطه : وألحين اكيد هم خبوا الاكل صح ..
شهد بفرحه : أي وانا اعرف وين حطوه ..
الضابطه : وين بعد ..؟
شهد : في المخزن اللي عند صف ادبي فرنسي 1
الضابطه : اوكي انا اراويهم .. خلاص يا ابله انتي روحي على صفج وانا بتصرف ..
شهد : اوكي ابله .. (وراحت )
..
راحت الضابطه على غرفة المخزن ولقت الاكل ونادت عاملتين .. وصدّروا الاكل كله في غرفة الاداره ..


...................

عت الحصة الاولى على خير .. وعلى طول طلعوا من صفوفهم عشان يشيكون على الاكل ..

شموخ : امبييييييييييييه

مي : لااااااااااااا
ريتاج : مش معئوووووول
شوق : لاتقولون ..
مشاااعل : لااا عااااد ..
نوف : ووينه ..؟
هند : شلون لقوه ..؟

" وقعدوا يتحلطمون وفجأه مرت الضابطه من عندهم ..
الضابطه : انصدمتوا صح ..ماكنوا متوقعين هالشي ..
شوق: ابله ليييييش
مشاعل : حرام عليكم ..
الضابطه : روحوا تفاهموا مع الوكيله " قصدها عنتره"

راحت الضابطه وخلت البنات وهم ميتين قهر ..
شوق: اموت واعرف شدراها ..
ريتاج : اكيد في حدا مفتن علينا ..
مشاعل : حد مثل منو. ؟
شوق : والله ما اعرف بس والله لو عرفتها تعرفون وش بسوي فيها ..
مي : ألحين خلكم من هاي لازم نعرف شلون نرد الاكل ..
نوف : شرايكم نكلم الابلة ..؟
هند : يلااا زيين ألحين عنتره بتسمع كلامنا وبتعطينا ما أظن ..

شموخ بخبث : شرايكم نآخذه غضبآ عن الادآره ..؟
ريتاج : كيف .؟
شوق : لحظه لحظه قصدج نسرق مب صح .؟
شموخ : هو مب سرق هو استرجاع حقوق ..

الكل قام يضحك واتفقوا على هالشي وبدايه المهمه بتكون مع جرس الفرصه ..
راحوا على حصصهم .. ومحد منتبه مع الابله الكل سرحان ويشوف ساعته ..

وأول ما رن الجرس ...

في صف شموخ ومشاعل :

شموخ : يلا بنات ..
مشاعل : توكلنا على الله ..
هند ونوف : يلاا ..
طلعوا ولقوا شوق وريتاج ومي ينتظرونهم برآ ..
وكآنت الخطه كألآتي :

شوق ومشاعل يدخلون ويشغلون عنتره ومي تقعد تحوس برا مع ريتاج ويشوفون الاوضاع وينبهون اللي داخل اذا في شي.. شموخ ونوف يدخلون داخل وياخذون الاكل ..

وهند تنطرهم عند باب الاداره عشان تاخذ الاكل منهم وتوديه الصف بسرعه ..

وفعلا نفذوا الخطه بحذافيرها ..بس يوم كانوا يشردون وحده من الاداره شافت شموخ ومي بس محد انتبه لها ..

ردوا وخبّوآ الاكل في مكانه القديم .. ودخلوا الحصه الرابعه وهم مستانسين ..
وفي نص الحصه الرابعه فب صف ادبي رياضيات صف شوق ..

طق طق طق ..

الابله : منو ..؟

الضابطه : اسفه ع المقاطعه بس الوكيله تبي كم من بنت
شوق وريتاج ومي شهقوا عرفوا ان هم المقصودين ..
الضابطه : وين مي ..
مي : انا ..
الضابطه : قومي يلاا ..
مي : ابله شسالفه ...؟
الضابطه من اللي كانوا معاج ..
مي : محد ..
الضابطه : لا تعاندين وقولي ترا اذا ما قلتي بتاخذين تعهد بروحج ..
مي : ............
شوي الا وقامت شوق : ابله انا معاها ..
ريتاج : وانا كمااان ..
الضابطه : انزين وين اللي اسمها شموخ ..
شهد : ابله في الصف اللي جنبنا ..
شوق بقلبها : الله ياخذج يالسوسه " وتعطي شهد نظره "

الضابطه : اوكي خلاص طلعوا انتوا معاي وسوري يا ابله على الازعاج ..

طلعت من الصف وراحت ع ادبي فرنسي ..

ونفس الشي قومت شموخ ومارضت تعترف لين اعترفوا بروحهم ..
الوكيله " عنتره" : خييير ان شاء الله شنو هالحركه الحلوه اللي سويتوها
البنات : ...............
عنتره : ردوا ليش ساكتين ..

شموخ : ابله احنا بس كنا نبي ناخذ الشيبس ..
عنتره : وبكل وقااحه تقوليييين ..
شوق: ابله اسفين
عنتره : اسفييين ..وين اصرفها هااذي .. هااااااا
البناات ساكتين وماسكين ضحكتهم ..

عنتره : خلاص كلكم توقعون ع تعهد ..

وخلتهم يوقعون على تعهد بسبب " احضار المأكولات بدون اذن <حبتيييين ..

..................

في بيت عبدالرحمن ابو مها..
مها قاعده على سريرها وماسكه راسها من الألم ..
ودقت على سلطان ..

لقت عنده انتظآآآر ( خط ثاني )

مها : يااااربي هذا وقته ..

وتمت تدق لحد ما رد عليها ..

سلطان : هلا بقلبي ..

مها : سلطان واللي يسلمك ألحق علي ..

سلطان وهو مبتسم عرف ان خطته نجحت : اافااا شفيج يالغاليه ..؟

مها : مدري .. راسي كااان يعوورني .. يوم عطيتني الحبه خف الألم ..
بس ألحييين رجع ..

سلطان : طيب .. امرّج واخذج للمستشفى .." عارف انها بترفض "

مها : انا برقد ألحين .. واذا تم يعورني بدق عليك ..
سلطان : اوكي يالغاليه تحت آمرج ..

سكر منها وهو يحس براحه غريبه ..

في بيت ابو فهد ..

شموخ تكلم مشاعل بالتلفون ..

.. : يالسخييفه .. ترى ما في وقت هي بتجي بعد نص ساعه ..


والامتحانات ماباقي عليها شي .. على الاقل تشرح لنا جزئيه ..

مشاعل : اوكي .. خلها تشرح لج بروحج انا ما أبي ..

شموخ : مب بكيفج .. تجين يعني تجين ..

مشاعل : اوكي تحدي .. هين ..

شموخ : اوكي شعول .. امي تبي تكلم امج .. آهي عندج .. >كذآبه<

مشاعل : اممم أي لحظه .. يمآآآآآآآآآآآآآآآآآآآآآآآ آآآه ( وهي تصاارخ)

ام مشاعل جايه من المطبخ : وصمه .. انتي يالهبله متى راح تعقلين ..وتخلين حركات البزران ..

مشاعل تطلع لسانها : بس خالتي ام شموخ تبيج بالتفلون ..

وخذت منها السماعه وراحت المطبخ تسوي لها ساندويش ..

ام مشاعل : هلا وغلا ..

شموخ : هلا خالتي .. شحالج ..!

ام مشاعل : الحمدلله يسرج حالي ..

شموخ : اقول خالة ..

ام مشاعل : آمري ..

شموخ : ما يآمر عليج عدو ..بس بعد نص ساعه عندي مدّرسه خصوصيه ..

وبغيت مشاعل تجي عندي بس هي رافضه ..

ام مشاعل : ام سالفة الدراسه .. مب على كيفها ..

شموخ بنذاله : أي تكفين ..

ام مشاعل : خلاص اعتبريها عندكم ..

شموخ : تسلمين يا أحلى خالة ..

... وسكرت منها ..

ام مشاعل : مشاااااااااااعل ..

مشاعل طالعه من المطبخ ماسكه صينيه فيها ساندويشات وكولا .. : لبيه يمه ..
ام مشاعل : متى امتحاناتكم ..؟

مشاعل حست ان شموخ ورآ هذا كله : العلة كذبت عليّ (بصوت واطي )

ام مشاعل : وشو ..؟؟

مشاعل : بعد ثلاث اسابيع .. لييييييييييييييه ..؟

ام مشاعل : اقول روحي انقلعي ألبسي عبايتج وخلي طلال يوديج لشموخ ..
مشاعل : والله كنت حاسه ..

ام مشاعل : ولا كلمه ..

مشاعل : ان شاء الله يمه ..
وطلعت فوق لغرفتها .. وتفكر شنو تلبس ( لزوم الكشخه ) وطلعت لها بنطلون جينز سكيني .. ولبست فوقه فستان فوشب قصير ..

وفاكه شعرها وحاطه فيه فيونكه فوشيه مليانه كرستال ..
ودقت على طلال ..

مشاعل : هلا طلال ..

طلال : هلا ابو الشباب .. وييينك فقدناك ( هذي حركته اذا كان عند ربعه )

مشاعل: ههههههههه .. اقول امي تقول ودّني بيت عمي راشد ..شموخ عندها مدّرسه وابي ادرس معاها ..

طلال : اوكي دقايق ..

سكرت وهي تضحك ..

مشاعل : يا حليلك .. اذا كنت عند ربعك تصير مطيع ..

وطلعت مع اخوها ..
وفي السياره ..
طلال : اقول متى تبيني امرج ؟؟ كانت الساعه 7 ..

مشاعل : تسع ونص اوكي ..

..........

ودخلت بيت عمها وسّلمت على خالتها ..

ام شموخ : يا هلا ومرحبا يا حي الله من جانا ..
مشاعل : الله يحييج ..وين شموخ ..

ام شموخ : فوق بغرفتها ..
ودخلت وفتحت الباب بقووة ..

شموخ : بسم الله الرحمن الرحيم ..
مشاعل : سويتها يالنذله ..وجات حضنتها ..
شموخ : شسوي لاني احبج وابيج تدرسين معاي ..

وفصخت عبايتها ..
مشاعل : انزين متى راح تشرف الاستاذة عزهّ ؟
شموخ : بعد شوي ..( وسمعت امها تناديها تحت )

شموخ : دقااايق شعوول ..
ونزلت ..

ام شموخ : المره صار له نص ساعه وهي واقفه هنا (تقصد المدرسه)
شموخ : السموحه ..أهلا تفضلي معاي ..(وراحت فوق )

............................

في بيت ابو تركي ..
تركي : يماااااااه ..
ام تركي: هلا يمه ..
تركي بملل : يمه انا ابي اتزوج ..
ام تركي: هاذي الساعه المباركه .. والعروس عندي ..
تركي نقز عندها : من هي يمه ..
ام تركي: ساره بنت عمك محمد ..
تركي ويحس انها دخلت بمخه .. باس امه على راسها : اللي تشوفينه يمه ..

................

في بيت ابو فهد ..
عزه : ها قيلرز .. في أي سؤال ..؟ فاهمين ..
مشاعل : أي يا ابله فاهمين ..وتطالع شموخ ..
شموخ : أي فهمت عّدل ..
عزه : اوكي قيلرز .. شي يو تمورو ..
البنات : اوكي .. وطلعت المدرسه ..
شموخ : فكه ما بغينا نخّلص ..

مشاعل: يا خي يارده بطريقه مب طبيعيه .. ااف ..

ودقت على اخوها طلال ..

مشاعل : هلا طلول ..

طلال : اهلين خلصتي ..
مشاعل: أي خلصت متى يتمّر علي ..؟
طلال : نص ساعه ..
مشاعل : اوكي ..

وسكرت منه ..

شموخ : يالسخيفه ما تعرفين تقعدين شوي ..
مشاعل : حمّدي ربج .. بقعد نص ساعه .. اقول تراني ميته جوع ..
شموخ : روحي المطبخ وآكلي ..

مشاعل : احلفي بس .. وين اكرام الضيف ..

شموخ : شوفي اخواني مو موجودين .. بدر وفهد طااعين السيلين مع ربعهم ..وعلوي طالع الستي مع مشعلوه وصويلح ..

مشاعل: ما ابي انزلي معاي ..
شموخ : شوفي ماراح انزل لو تموتين من الجوع ..بروح أقعد على المنتدى ابرك لي ..

مشاعل : يا كرهي لج .. لييييش ..؟

شموخ : طقعت ..وهي رايحه صارخت .. شعول ماقلت لج ..!!

مشاعل : وشو شفيج ..!!

شموخ : عندي لج سالفه ..
مشاعل : شولي شوقتيني ..

شموخ : علوي اخوي ..

مشاعل: شفيه ..
شموخ : علوي يحب ..
مشاعل فتحت عيونها : وشووووووو..
شموخ :ههههههه شوي شوي .. أي يحب والمشكله انها قريبه ..
مشاعل :لا يكون ..
شموخ قاطعتها:أي شوقووو ههههههههه
مشاعل :الله يالدنيا .. سبحان الله ..
شموخ راحت تفتح الكمبيوتر ..
مشاعل وهي طالعه : بروح آكل..

ونزلت تحت للمطبخ ..

.................

في بيت ابو تركي..
شوق : حلفي يمه ..
ام تركي : والله انا اليوم بكلم خالتج ام سعود ..
شوق :الله ونااااسه ..على الاقل تفكّني من علته ..
وراحت فوق عشان تخّبر نواف ..
نواف : من ؟
شوق :انا ..
نواف : ادخلي ..
شوق : نوافوو سمعت اخر خبر ..
نواف بملل : شصار بعد ..
شوق : تركي اخونا
نواف: شفيه ..
شوق : بيخطب ..
نواف : احلفي ..
شوق : والله توها امي قالتلي ..
نواف : ومن بياخذ ..
شوق : ساره بنت عمي محمد ..
نواف : والله زين عرف يختاار ..عقباااااااااااالي يااارب ..
شوق : تتوقع ترضى ..
نواف: هو قسمه ونصيب اذا الله راد بياخذها..واذا الله مب كاتب هالشي مستحيل ياخذها ..

.......................

في بيت ابو فهد ..
مشاعل فاتحه الثلاجه وتدور شي يسد جوعهآ ..

في نفس الوقت ..
بدر كان جاي من السيلين ودخل المطبخ يحط القهوه والشاهي ..
مشاعل سمهت صوت ..

مشاعل : شموخ ..اكيد ندمتي وكسرت خاطرج صح ..!!
مشاعل : شفـــ .. ولفت على الشخص اللي وراها وآنصدمت ..
بدر: آسف اذا خرعتج ماكان قصدي ..كان على بالي انج شموخ ..
مشاعل مرتبكه لانه اول مره يشوفها بدون غشوه ..: آآنااا ..لا عادي ..!
بدر حس بإرتباكها وهذي فرصته : مشاعل ..
مشاعل ميته خوف : هـ هـ ..لآ
بدر : ممكن اقول لج شي ..
مشاعل : وعيونها على الباب : تفضل ..
بدر : مشاعل انا ..... ( ما كمل كلامه الا وتدخل شموخ )
شموخ : شعول وينج هاي كله تاكلين ماصارت ..
وبعدين بدور شتسوي ..~
بدر وهو منقهر لان شموخ خربت عليه : كنت جاي احط القهوه والشاهي ..وبطلع عن اذنكم ..وطلع ..
شموخ وهو شااقه الحلق : شقاااالج ..؟

مشاعل وهي لحد الان متخرعه : ممآ عرف ..شموخ انا كنت هني مع بدر بروحي ..!!

شموخ : هههه ..واذا يعني شصاار !
مشاعل : .............
شموخ : انتي تحبينه صح !
مشاعل : هاا !! انا ؟؟
شموخ : ميييشوووو علينااااا ..
مشاعل ووجهها آحمر : شدخل ..
شموخ : وهالخدود المولعه من يوم ما جبنا طاري الحب ..
مشاعل : شموخ خلاص عااد ..
شموخ : ههه حبتين .. انتي بدور ..وشوقو علوي ..الله ونااسه ..
مشاعل : سخيفه يلا وخري بطلع اكيد طلول وصل ..

بعد ساعه ..

في غرفه شموخ ..
علي : شمووخ بطلي الباب ..
محد رد عليه ..دش الغرفه ما لقى آحد ..
علي : شموخ وينج ..!! شكلها محد كان يبي يطلع الا وسمع صوت جوال شموخ وهو يرن ..
علي :شموخ وينج يالهبله جوالج يرن .. , شمووخ ..
محد رد عليه ..
علي خذ الجوال عشان يعرف من المتصل مكتوب " شوق المحبه "
عآد علي شاف انها فرصته .. شموخ بالحمام .. وشوقو تتصل ..
رد عليهآ ..

علي: .............
شوق: يالخبله ويييييييييييينج ..بالبيت محد يرد والجوال بعد ..
علي : ........................( مستانس)
شوق: شموخ شفيج ..!
علي وآخيرا نطق : أ أ أأ .. شمووخ بالحمام ..
شوق تخرعت وصكت التلفون .. حتى ما عرفت من اللي رد عليها ..
علي يطالع شاشة الجوال : آآآآووه لييييش ..

طلعت شموخ من الحمام وتنشف شعرها ..
شموخ : اوووه علاوي ..يالله حيهم ..
علي : تو الناس .. جوالج دق ورديت عليه ..
شموخ : لقااافه .. من .!
علي : شوقو بس صكت بوجهي ..
شموخ : وش دراك انها شوق ..
علي : من الاسم ..
شموخ : احسن تستاهل ..

........................

في بيت ابو سعود ..
مشاعل على السرير بغرفتها وتفكر ..

مشاعل : يااربي .. ليش نزلت المطبخ .. ليش انا بالذات ..امم وش كان بيقول معقوله يحبني ..لااا شنو ذي الخرابيط ..بس كان يبي مني ...اووووووووه

وحطت راسها ونامت ..

....................

بعد ساعه ..

في بيت ابو فهد ..

شموخ نزلت تحت وخلت جوالها في الغرفه ..دخل علي ومسك الجوال وقعد يدور رقم شوق ..وخذه وطلع ولا كأنه سوى شي < بريء ..


....................

في بيت عبدالرحمن ..

مها وراسها بينفجر من الألم وماسكه المخده وضامتها بقوة .. محد يعرف شفيها ..
مها فكرت تكلم سلطان ..

سلطان : هلا وغلا باالغاليه ..
مها : سلطان بموت والله بموت ..
سلطان : وشسوي يعني ..
مها انصدمت : سلطان اقول لك تعبانه ..
سلطان : قالوا لج انا مستشفى ..
مهآ : .................
سلطان : حبيبتي انا ابي اكمل نومي ..
مها: انت ما تحس وبعدين تكلمني كذا شفيك انا مها حبيبتك ..
سلطان : بعيد الشر ..اي والله حبيبتي ..ترى انا مستحيل احب وحده مدمنه ..
هالكلمه نزلت مثل الصاعقه على مها ..انا انا مدمنه ..
مها : سلطان انت شقاعد تقول ..
سلطان : يالغبيه ..انتي مدمنه مخدرات .. مستحيل يروح الألم لحد ما تاكلين حبه ثانيه ..
مها : حسبي الله عليك .. ليش انا شنو سويت لك ..؟ والله اني حبيتك من كل قلبي .. حرام عليك حرام ..
سلطان : اووووه والله انج تعورين الراس ..يلا باااي وسكر بوجهها ..

مها خلاص عرفت انها بتضيع ..وان مستقبلها خلااص انتهى ..
طلعت من غرفتها .. وراحت تنادي امها ..ومره وحده طاحت ....

.................................

في بيت ابو تركي ..

شوق قاعده في غرفتها ..ومره وحده رن جوالها ..
شوق : رقم غريب ..
شوق : ألوو ..
........: ................................
شوق : خير في شي ..اذا انت متصل عشان تستهبل .. فـ انا نا عندي وقت .. يلا باااي ..

.....: لحظه شوي ..
شوق وهي مخرعه : منو معاي ..
علي : انا ااانا علي ..ولد عمج راشد ..
شوق وهي مرتبكه ..: بغيت شي ..شموخ فيها شي ..!!
علي : شموخ ما فيها الا العافيه .. انا ابي اكلمج آنتي ..

.................................................. ......

نهاية البــارت

توقعاتكم..