[لامارا]

شوق: علي لو سمحت
علي:تكفين شوق ريحيني خليني اسمع صوتج
شوق: يلا باي
علي: انا احبج
شوق :ـــــــــــــــــــــ
علي حس انه ضايقها : على العموم ياشوق انا اسف اذا ضايقتج بكلامي .. بس هاي الكلام اللي كنت ابي اقوله من زمان واتمنى مااكون ازعجتج
شوق: انا ماعرف .. انزين بسكر الحين باي ..


وتصكر شوق وتتضارب الافكار براسها ..
شلي قاعد يصير ؟؟ علي ولد عمي يحبني . >>>> ويقطع تفكريها صوت الباب (طق طق طق)

شوق : تفضل

رهف تدخل
(رهف اخت شوق عمرها 14 سنه هذاره بدرجه مب طبيعيه 24 ساعه شاقه الحلج )

رهف: مـــلل !!
شوق: انتي تقولين ملل
رهف: اتصلي على بنات عمي يجوناا
شوق: محد فاضي الحين الامتحانات قربت
رهف: انزين
شوق: يعني احنا ثنويه عامه ونبي ننجح
رهف: وانا ثالث اعدادي بعد بدرس يعني بتموتون لو مادرستوا !!؟
شوق: انتي شتبين بالظبط ؟
رهف: دقي على شموخ خلها تجيب الجوري
(الجوري اخت شموخ عمرها 14 سنه تحب رهف وتموت عليها بس طبعها مثل اختها عنيده وفيها عزة نفس شوي )
شوق: افففف يعني ماتعرفين تروحين تحت تتصلين ؟
رهف: لا ممكن تعرفيني ؟!
شوق: لا حول ولا قوة الا بالله
رهف: انزين بقولج نكته !
شوق: مابي نكتج البايخه
رهف: غصب بتسمعينها
شوق: اوكـ خلصييني
رهف: في دراهم صغار منثرين على الارض ليش ؟؟؟؟؟؟؟؟
شوق : لييييييش ؟
رهف وهي ميته من الضحك : ريال مسوي حادث هههههههههههه
شوق تمسك المخده وتحذفها على رهف : يلا يالبايخه طلعي برى
رهف: انزين بقولج وحده ثانيه
شوق: ماابي طلعي برى
رهف : غصب تسمعينها
شوق: يــآآآآآربي

ويمر نواف من عند غرفه شوق ويسمع صراخهم

نوآف: يابنات
رهف: اوبيــه نواف
نواف: شفيكم ؟!
شوق : نواف شوفها لعوزتني !
نواف: رهوف طلعي برآ
رهف: كله تطردوني حضرتي مصخره عندكم


في بيت عبدالرحمن (ابو مها)

ام مها : مها يما قومي شفيج؟
مها: ـــــــــــــــــ
ام مها: لين (الخدامه) تعآآلي بسرعه
لين: نأم ماما
ام مها: روحي اتصلي على الاسعاف بسرعه

وفي المستشفى

ام مها قاعده عن باب غرفه مها وتنطر الدكتور ...

وبعد عشر دقايق


طلع الدكتور

..

ام مها: هآ دكتور بشر
الدكتور: للاسف .... لقينا نسبه كبيره من المخدرات في دمها
ام مها انصدمت وما عرفت ترد : هــآآ !!.. مخدرآت !!؟ بنتي انا لآآآآآآآ .... مستحيل ...

(وقامت تصييح)

الدكتور : اهدي شوي وتعوذي من ابليس واحنا بنسوي اللي علينا وبنحاول نعالجها
ام مها: بس شلون بنتي عمرها ماقربت من هالاشياء الوصخه اكيد في حد عطاها هالشي
بدون ماتدري
ولا في احد علمها على هالاشياء ماافي الا بناات عمها الخيس هذول مايدانونها
حسبي الله عليهم

الدكتور: هي لحد الحين ماصحت انطري شووي



في بيت بوتركي

شوق قاعده علي السرير ومنصدمه من اللي صاار واللي قاله علي .. اهو صج يحبني بس شمعنى انا ؟؟؟ لا اكيد قاعد يمزح ولا .... قطع تفكريها صوت جوالها المتصل
(حيآتي ميشو) ردت شوق

مشآعل: هلآ والله
شوق ببرود : اهلين
مشآعل: شوآقي شفيج ؟
شوق: ولا شي
مشآعل (في قلبها اقص ايدي لو ان مافيها شي ) : انزين انا وشموخ بنروح الستي عشان ندش السينما .. بتجين معانا ؟؟
شوق: لآ مب جآيه
مشآعل: شوق مب جايه الستي ؟! بسرعه بسرعه قولي شفيج
شوق تمت ساكته
مشااعل: شوقو شصااار ؟
شوق: علي ..
مشاعل: علي اخو شموخ ؟ شفيه ؟
شوق: كلمني اليوم
مشاعل شقت الحلج : حلفي شقآل ؟
شوق: قالي .. انه يحبني
مشاعل: لا لا مب مصدقه ومن متى ؟
شوق: ماادري لاتسأليني انا بروحي مب مستوعبه اللي صاار !
مشآعل: انتي الحين اطلعي معانا وبعدها فكري من اليوم لين بكره
شوق: بس
قاطعتها مشاعل : ترى الفرصه ماتجي الا مره وحده من بعدها مانقدر نطلع من الامتحانات العله
شوق: اوكـ دقايق بلبس
مشآعل: بسرعه بعد ربع ساعه بنمر عليج
(وصكرت التلفون)


في المجلس عند بيت الجد

علي يفكر باللي سواه.. مايدري صحيح او لا
بدر: ياجعل اللي ماخذ باللك يتهنى ..!
علي:هاااه (قطع تفكيره)
بدر:هويت في حفره صارلي ساعه اكلمك وكني اكلم لي لوح
علي :ههههههههه
بدر: شفيك؟
علي:زهقان وضايق خاطري
بدر:شرايك تطلع معانا الستي
علي: ليش من بيرووح
بدر:ابد بس اختي تبي شغلات من هناك وبنات العم بيروحون
علي:خلاص كلم الشباب بنتواعد هناك
بدر: حلو .. يلا روح اكشخ خل بنات الدوحة يتخبلون فيك
علي في خاطره:ما هموني دام شواقي في دنيتي
بدر:هيييييييييييييييه
علي:يااخي اذلف رووح لاختك
وطلع راح يكشخ وكلم اخته


بدر:هلا شموخ
شموخ:اهلا بدوري
(طبعا شموخ نذله خلت بدور يوديهم ومشاعل ماتدري على بالها السواق اللي راح يوديهم )
بدر:ها خلصتي
شموخ:أي
بدر:اقوول شوشو
شموخ(يله سترك):نعم
بدر:اخااف تزعل وتعصب (هو اللي ماعطيها الفكره انه يوديهم )
شموخ:لا يبا أي تزعل الا بتطيير من الفرح .. هع
بدر ابتسم وحس بالراحه من كلام اخته : ان شاء لله يصير اللي تقولينه


وبعد عشر دقايق اطلعوو من البيت

علي قاعد قدام مع بدر وشموخ ورا
شموخ:بدور مر بيت شعوول اول وبعدين بناخذ شواقي
بدر: اوكي على امرج
علي فز قلبه اول ما سمع اسم شوق وسأل اخته: شوق بنت عمي عبد العزيز بتجي معانا ؟؟
شموخ ابتسمت : أي بتجي لييش؟! (تبي تحرجه)
علي: لا بس اسأل .


وبعد ربع ساعه .. وصلوا عند بيت مشاعل ..

شموخ دقت على مشاعل : الوو ميشو نزلي يلا احنا تحت
مشاعل: اوكي ثواني
واطلعت من البيت واول ماركبت سلمت عقب انصدمت لانها ماتوقت بدر اللي بيوديهم كان عبالها انه السواق

مشاعل:شموخ يالحقيرة لييش ماقلتيلي ؟؟
شموخ:هههههههه واخرب المفاجأه شقالولج غبية ولا غبية
مشاعل :هييين يالسخيفه اراويج
شموخ ضحكت بصوت عالي
بدر:خير شموخ شفيج تضحكين ضحكيناا وياج
شموخ: شعوول الله يغربلها ضحكتني
بدر طالع مشاعل من المنظره
مشاعل طاحت عينها في عين بدر وتمت اطالع وعقب اسوعبت ونزلت عينها .. وعلى طووول فرصت شمووخ ...
شموخ:اييييي حسبي الله عليج يالحيوانه
بدر:شموخ لالا تتحسبين عليها .. ترى انا مارضى عليها ويطالع مشاعل في المنظرة
مشاعل منحرجة ومتسحية وماتعرف شتسوي ولا شلون تتفادى نظرات بدر لها ..


وعند بيت شوق..

شموخ:شواقي وينج يلا انزلي
شوق: اوكي لحظه
شموخ:انزين
شوق : يلا كاني ... أييييي يالحيوان
شموخ:شفيج ههه شكلج قاعده تتهاوشين
شوق: اففف هاي نوافوو
شموخ:ههههه .. يلا يلا انزلي وسكرت منها
مشآعل: شفيها؟
شموخ: نواف قاعد يستهبل عليها..
مشاعل: هههههه ، امبيه
شموخ: شفيج ؟ توج كنتي تضحكين ..
مشاعل بصوت واطي : علي في السياره وشوقو بتجي ..
شموخ: قصدج ان .... ماكملت الجمله الا وشوق داشه
شوق: السـلآم عليـكم
الكل: وعليكم السلآم
شموخ: شحآلج يالدبه
شوق: والله تمام .. وطبعا شوق لحد اللحين مانتبهت على وجود علي في السياره
بدر: شحآآلج ياشوق ؟
شوق : الحمدلله انت اخبارك؟
بدر:الحمدلله
شوق طالعت قدام وتخرعت يوم لقت علي قاعد .. تمت شوق ساكته ومشاعل تكلمها
مشاعل: هيييييييييييييه شوقو وينج صار لي ساعه اكلمج
شوق: هااا !! تكلميني ؟
مشاعل : مالت عليج وعلى ويهج والحين تردين بكل برود ..
شوق:اهاا اوكي << طبها شوق ماكانت منتبهه مع مشاعل كانت سرحانه وتفكر في اللي قدامها.. علي



في المستشفى ..
ام مها قاعدة عند بنتها اللى صحت

ام مها:مهووي حبيبتي ردي علي قوليلي من سوى هالشي فيج ؟ من علمج هالاشياء ..؟!
مها:يما مادري ماعرف شي وتصيح
ام مها:اكييد هاذيلن بنات عمج
مها يات في بالها فكره: يمآ بقولج بس توعديني ماتعصبين ؟
ام مها: انطقي يما قوولي ماراح اعصب
مها:يما هاي مشاعل بنت عمي محمد مره في المدرسه كان راسي يعورني وعطتني حبه ارتحت من بعدها بس يوم عورني ثاني مره وطلبت الحبه قالتلي انها مخدرات وانا ما حبيت ازعلج واقولج .
ام مها: حسبي الله عليها .. قليله الحيا والتربية ومن يربيها يا حسره وابوها ميت . الله لا يوفقج يا بنت --------


في الستي

بدر وعلي كلموا الشله وتلاقوا .. وبعدما توزعوا
بدر:اقول شموخ لازم احد منا يكون معاكم
شموخ:مب لازم بعدين احنا كبار ونعرف نتصرف.. ليش خايف علينا
بدر: اعتمد عليكم.. مب تضيعون
شموخ:هههههه اوكي لاتخاف بعدين في شي اسمه جوال


وتفرقوا


مشاعل: اقوول انتي يالدبة ليش مانطقتي وقلتي بدر اللي موديكم
شموخ:هههههه كيفي وبعدين هو اللي قال انا مالي خص
شوق ساكته مانطقت
شموخ: تعالي نروح ستار بكس بعدها للسينما
مشآعل: اوك

وراحوا على ستار بكس .. ولما وصلوا .. شموخ قعدت تسولف مع مشاعل . .
وشوق بعدهـآ سآكته ..

شموخ: شوآقي شفيج سآكته
شوق: هآ لآ ولا شي
مشآعل: خليها الاخت سرحانه مب فاضيه لنا
شوق: شدخل اصلا راسي يعوورني ومالي خلق
شموخ: سلآمت رآسج .. انزين صبايا شرايكم اذا خلصنا نروح اندور شوي قبل مانروح السينما
مشاعل: فكره حلوه
شموخ: وانتي شوقو شرايج؟!
شوق: اللي تشوفونه


في المستشفى

ام مها: أي والله هاي اللي صاار شفت تربية بنت اخوك
عبدالرحمن: الله لا يوفقها .. أي ابوها ماات فخذت راحتها الاخت والله لافضحها بتشوفين ..
وصكر منها بعد ماخذ منها رقم ام مشاعل ... ، ودق على ام مشااعل


ام مشاعل: هلآ منو ؟!
عبدالرحمن: انا ابو مها .. اللي بنتج دمرت حياتها الله لايوفقها
ام مشاعل : انت شقاعد تخربط شتقول ؟
عبدالرحمن: أي بنتج الحقيره اللي ماتتسمى الله ياخذها ونعم التربيه والله
ام مشاعل: هييي انت انا مااسمح لك تغلط على بنتي ، بنتي محترمه وغصبن عنك سآآمع .؟!
عبدالرحمن: متربيه هـآآ ؟ متربيه وتوزع مخدرات على البنات ؟
ام مشاعل تمت ساكته من الصدمه وماعرفت شتقول !! : بنتي اناا توزع مخدراااات مستحييييييييييل
عبدالرحمن: لا يامره هااي اللي صاار ان ماربيتي بنتج .. اناا اللي بربيها لج

وصكر الخط ...

ام مشاعل لحد الحين تحت الصدمه ومب مستوعبه اللي صار ..


في الستي .....
البنات كانوا يدورون بروحهم والشباب بروحهم
عند البنااات ..
شوق: بنات انا ابي اروح الحمام
شموخ: اوكي روحي واحنا بننتظرج عن باب السينما
شوق: لا حلفوا تبيوني اروح الحمام بروحي
مشاعل: خلااص بنجي معااج احنا بنروح المصلى عشان نصلي العشاء وانتي روحي الحمام ولحقيناآ

شوق: اوكي خلاص
ودشوا داخل عشان يصلون وشوق راحت الحمام في هاللحظه كانوا الشباب في المصلى
عشان يصلون ( طلآل ، علي ، نواف )
اول واحد طلع من المصلى علي
( مصلى الشباب عند مصلى البنات فأي حد يطلع على طوول يلاقي البنات في وجهه )
في اللحظه اللي طلع فيها علي من المصلى طلعت شووق من الحمام وتلآقوا ..
تم علي يطالع شوق وفي نفس الشي صار مع شوق

علي: اخبارج شوق ؟
شوق: هاا .. تمام أي تمام
علي: انزين شوق انتي زعلتي؟
شوق: أأ .. مـآ .. اناا << ماعرفت ترد

وطلع نواف من المصلى
نواف: هلا والله باختي شتسوين هني
شوق:لا ما شي بس كنت رايحه المصلى
نواف:اها.. اوكي روحي صلي تقبل الله ..
شوق:مني ومنك
نواف:علووي تعال معاي ابي اروح الركن الرياضي
علي:اوكي يلا ... وراحوا مع بعض


في المستشفى ..

عبدالرحمن:خلاص يابنتي لاتصيحين اوعدج اني بردلج حقج وبفضح بنت ال------
اللي سوت فيج جي
مها وتنزل دموعها << الله والدموع: يبا انا خايفه
عبدالرحمن: لا تخافين بنتي وبتشوفين ان ماراويتج فيها .. صج ناس بلا ضمير..



في الستي صوب المطاعم ...
شوق: انا عن نفسي بطلب من كنتاكي
مشاعل:وع.. ياكرهي له .. مادري شتحبين ف هالمطاعم
شموخ: حتى انا ما احبه...باخذ من ماكدونالدز..
مشاعل: انا بعد..
شوق: كيفكم.. بس من بيروح يطلب
شموخ ومشاعل طالعوا شوق ..
شوق:هييييييييه انتو لا تطالعوني جي .. مستحيل اروح بروحي
مشاعل:يلا عاد ارجوج .. عشان خاطر طوووط..هع
شوق: طووط ف عينج
شموخ:لاعاد مب كل مره تقولين ان ماعندج هالسوالف
شوق:شقصدج..؟!
مشاعل: الحيين روحي اشتري لنا عقب بتعرفين كل شي..
شوق:انزين خلصوا شتبون؟
مشاعل:انا ابي وجبة ماك ارابيا مع بيبسي..
شموخ:وانا خذيلي مممممـ سبايس ماك تشيكن مع بيبسي..
شوق: اوكي.. وراحت تشتري لهم
وبعد 15 دقيقه ردت لهم
شوق:يلا قولوا شالسالفه..؟
شموخ ومشاعل طالعوا بعض بنظرات وابتسموا
شوق:اوهووو اخلصوا تراكم تبطون الجبد
شموخ:انزين.. الموضوع ومافيه .. اني في الاونه الاخيره ...
شوق: اوهوو
شموخ: ههههه
مشاعل: حرام عليج انا بقولها.. هي السالفه ومافيها .. ههه
شوق:اوهوو .. شسوي الله بلاني ببنات عم كل وحده املغ من الثانيه
شموخ+مشاعل: ههههههه
شوق: انتو بتقولون ولا شلون ؟
شموخ: خلاص خلاص .. بقولج هو الصراحه انا ابي اسئلج سؤال..
شوق: اسئلي..
شموخ: شرايج في علوي اخوي
هني شوق ماعرفت شتقول وشلون ترد وتذكرت محادثتها الاخيره مع علي
شوق:وليش هالسؤال؟
شموخ: بس .. وابي الصراحه..
شوق:حليو, حبوب, طيوب, ممممـ
شموخ:انزين.. ممكن في يوم من الايام تفكرين فيه
شوق دار في بالها 20الف فكرة وحده تروح وحده تجي..
شوق:شموخ اموت واعرف ليش تسئلين هالاسئله الغبيه ..؟
شموخ:ماعرف , ردي عقب بتعرفين ..
شوق:والله مادري على حسب اذا مكتوب لي احبه بحبه
مشاعل:نفهم من كلامج انه أي
شوق: انا ماقلت جي...
شموخ: اها ..ماقلتي جي
شوق: شموخ عااد عن السخافه ..
مشاعل: شموخ, لاتحرجين البنت وتضحك هي وشموخ
شوق: والله انكم سخيفات افف .. وتموا يضحكون على شكلها..


نهـــــــــــــــآآآية البــــــــآآرت ..


تـوقعـآآتكــــــــــــم !!

شـــوق وعلــــي تتوقعون بيحبون بعض !!