[فيتامين سي]

الفصل الخامس..........

يوم الملكه..................

كانت الكوفيره في غرفة أصايل الي بالاستراحه على المغرب جهزوا البنات وبدت في أصايل

أصايل الي ماتدري ليش بس تبي تهاوش تركي بهذا اليوم وهي متحلفه له بانها اليوم خلاص بتصير مرته فعادي تهاوشه وتهزئه..

دخلت البندري عليها كانت لابسه فستان سماوي وابض ..

البندري /هاه اخبار النفسيه؟؟

أصايل /تسلم عليك وتقولك انها مستعده عشان تروك...

البندري /لا اله الاالله بتقوم الحرب العالميه الثالثه اليوم..

أصايل /ههههه شكلها كذا..

دخلت حنان وكانت لابسه فستان ذهبي ..محليها ومعطيها شكل رزه..

حنان /هذي الشنطه حاطتلك فيها العطور والعوده وفيها عدساتك مع اني افظل ماتلبسينها..

أصايل /مشكوره يالغاليه والعدسات مو لابستها المكياج ثقيل وكثير ومااح يطلع للعدسات شكل اذا لبستها..

البندري / انا بروح فيصل يدق يقولي تعالي بره يبي يكلمني خلني اشوف شيبي..

طلعت البندري لفيصل.,وفتحت الباب الي بينهم وبين الرجال وهو كان واقع يستناها لا الرجال ولا الحريم يقدرون يشوفون الي عند الباب لان الباب بزاويه المهم فيصل يوم فتحت له البندري الباب..

فيصل / انتي زوجتي والا انا غلطان..

البندري تسوي نفسها زعلت../ لا الظاهر غلطان وسوت نفسها بتروح..

فيصل / مسك يدها تعالي امزح عليك بس من جد طالعه حلوه ياحلو انت ويغمزلها..

البندري بدلع تبيه يسكت / فيصل ..

فيصل / اشتقت لك ياقميل وجيت اشوفك..

البندري احمرت خدودها وشافت جوالها وصله مسج فتحته لقت أصايل كاتبه ((((ياعيني على الحب ياجاك وروز)))) اأصايل كانت تشوفهم من الشباك الكبير الي بالغرفه هي تشوفهم بس هم لا..

البندري / فيصل شتبي..

فيصل / ابي اقولك اني احبك ياقمر هاتي بوسه..

البندري / فيصل مو وقته يله عاد عطني الدفتر..

فيصل / يوووووه نسيته ومن حقي انسى دومك قدامي يله خلني ادخله لها..

البندري تناظره / هيه وين رايح الاستراحه كلها بنات هاته انا بوديه وانت اقعد هنا ولاتتحرك..

دخلت البندري بالدفتركي عند أصايل ..

البندري / وقعي هنا عشان تصيرين زوجته..

أصايل / لا مابي اتزوجه مابي اوقع.....

البندري بفجعه / نعم لازم توقعي عشان ينعقد الزواج اذا ماوقعتي ماراح يتم..

أصايل / لا يعني لا.................

البندري / اقول وقعي يابنت الحلال وبلا فظايح الشيخ جالس ينتظر الدفتركي عشان يتمم الزواج..

اصايل جلست تظحك على البندري هي وحنان...

أصايل /رفعت ظغطك عشان تعرفين كيف توقفين مع قيس بن الملوح ياليلى وتطولين.

أصايل شافت توقيع تركي وصفرت / خالكم هذا رزه حتى بالتوقيع بس انا بعد رزه توقيعي ووقعت وحطت اكس ياله ياله ينشاف جمب اسم تركي ..

البندري / انت ماتتركين سوالفك ياربي منك..

أصايل / اقول لايكثر خذي الدفتركي وروحي لقيس بن الملوح جالس يطلع قصيده فيك وبجمالك روحي سمعيها ..

البندري ظحكت وطلعت وعلمت فيصل بالي صار وبالاكس ونقع ظحك على اخته ودا الدفتركي ونادى تركي وراه الاكس ورجع الدفتركي للشيخ..



خلصت اصايل مكياج وناظرت في نفسها وبصوت عالي والله اني حلوه ياحظك ياتركي ..

حنان/ههههههههههههههههه الحمد الله بس من جد طالعه خيال ومع الفستان اكيد احلى واحلى صدق خالي لما طلب تلبسن احمر ..

أصايل / هو صدق حلو علي بس انا ماكنت ابي اشتريه بس عشان اقهره..

حنان / ياربي رحمتك المهم صلي العشى وانا بصلي الحين واجي اساعدك بالفستان خليها تصلحلك شعرك..

أصايل / لامابي تسوي تسريحه جامده ابيها تلف اطراف شعري بس..

حنان / احسنلك شعرك حلو مايحتاج شي يله خلني اروح اصلي..

اصيل خذت عبايتها تبي تصلي وصل لجوالها مسج فتحت المسج كان من رقم غريب..

(((مبروك ..يا أصايل حبيت اكون انا اول من يباركلك وانا متاكد اني الاول

اموووح بوسه مني لك..))))

أصايل فاكه عيونها ياربي من مين اول مره اشوف هالرقم ..

دقت عليه ومارد استغربت .. صلت وخلت الكوفيره تصلح شعرها ..وجاتها حنان..

حنان / هالغاليه خلصتي..

أصايل / ايه بس ابيك تساعديني ابي البس فستاني ..

حنان / امري يله تعالي..

أصايل / حنان في رساله تلقينها بجوالي من رقم غريب توها وصلت شوفيها..

فتحت حنان الجوال وفتحت الرساله ومن شافت الرقم نقعت ظحك..

أصايل / من مين؟؟؟

حنان /الله يغربل عدوينه خالي تركي من البدايه ماشاء الله..

أصايل انقهرت / طيب ياتروك وبعد على طول اخذت رقمي..

ردت عليه ..(((( صحيح انك الاول بس مالت اسوء مبروك جاتني بحياتي كلها.. اما بوستك خلها لك مابيها ياتروك.)))

تركي انقهر بس حب يغايظها..ارسلها ((( معليش ياحلو بجيك الحين وابوسك مباشره عشان ماتقدرين تردينها وبعدين تروك في عينك..))

أصايل ورت حنان الي ماتت ظحك..

حنان / ترى يسويها فكي نفسك..

على طول ارسلتله..((( لا الغالي قبلتها والف مبوك ولاتجي ولاشي ياتركي)))

تركي ظحك عليها من الخاطر.. وهي خزنت رقمه باسم تروك..

اصايل وهي تلبس الفستان / في ناس كثير..

حنان / ايه ماشاء الله على انها ملكه الا انهم كثير الي جايين..

أصايل / يمه لاتخوفيني..

حنان / ليش الخوف عادي كوني واثقه ولحين خليني ارتب الغرفه واعطرها وابخرها وبجيبلك الكيكه والعصير ..

وبعد ماسوت الي قالت عليه كله حنان/ تركي بيدخل الحين نص ساعه كذا وبيروح للعشى وانتي تطلعين للقاعه ساعه الا ربع كذا وندخله للعشى وانتي تجين هنا وتركي يجيك خلك سنعه ..

أصايل / طيب خللك معي..

حنان / لا اخوك طلال وابوك بيكونون موجودين اذا طلعوا بجيك..

حنان نزلت الكيكه من الكرتون وحطتها على الطاوله ..

حنان/ الف مبروك يالغاليه..

أصايل / الله يبارك فيك وعقبالك اشوفك ان شاء الله مع نواف..

حنان ابتسمت من كل قلبها../ او مره اسمع احد يدعيلي مع نواف الله يسمع منك..

أصايل /انتي ياحنان طيبه وتستاهلين اكثر من كذا ولولا الله ثم انتي ماعرفت شاسوي ومشكوره على الكيكه روعه وشكلهاطعم..

حنان / اقول لايكثر بس هذا خالي يدق يله باي خذي الورد الطبيعي توها جايبها المحل واعطتها اياها.. وطلعت.. جلست تناظر أصايل من الشباك تبي تشوفهم وشافت ابوها بالبشت ومبتسم ابتسامه كبيره انرسمت لى وجهها ولسانها يردد الله لايحرمني منك يايبه..وماقدرت تشوف تركي لانها حست بخوف ونزلت راسها ..

انفتح الباب ماقدرت ترفع راسها قلبها يدق بقوه يوم حست ان تركي قريب منها.. دخل ابوها وطلال وفيصل وتركي.وسلموا..

اصايل رفعت راسها وحاولت تناظر بابوها وماتاظر بتركي / وعليكم السلام..

قرب ابوها لها ووقفت سلم عليها وسلمت عليه وحبته على راسه ..

ابوها / مبروك يابنيتي يالاصيل..

أصايل / الله يبارك فيك يايبه..

طلال سلم عليها وهمس باذنها/ ودي اظمك من الفرحه بس اخاف خرب مكياجك وشعرك وافشلك..

أصايل ابتسمت لاخوها ..

فيصل سلم عليها / الف مبروك يالغاليه..

أصايل / الله يبارك فيك يالغالي..

وجاء دور تركي وقلب اصايل بدى يقطع مسافات من سرعة دقاته حست برجفه لما قرب يسلم عليها وحست بدفى هالسلام ..

تركي / مبروك يااصايل..

اصايل / الله يبارك فيك..

جلس جمبها..

فيصل شاف الكيكه الي على الطاوله.. والكيكه الي حطها عند الطاوله اول مادخل كانت على شكل قلب احمر ومكتوب بالبيض الف مبروك وعسى السعاده دوم تشوفونها ..حنان..

فيصل/ خساره نواف جايب نفس هالكيكه ونفس الشكل والكلام بس اللون ابيض ومكتوب عليها بالاحمر سبحان الله توافق بين نواف والي جاب هالكيكه .. وراح عند الطاوله وطلع الكيكه وحطها..

ابتسمت أصايل وكان نفسها لو حنان تسمع هالشي بس مامدها ابتسمت والا ابتسامتها تزول على كلمة تركي./ الكل يحبني شفت.كان ودها ترد بس استحت ابوها موجود..

طلعوا اخوانها وابوها وصكروا الباب ورجع قلبها يدق بقوه ..هي الا الان ماشافت وجهه ودققت فيه ولا هو مع انه كان يراقبها بس ماشاف وجهها ودقق فيه..

تركي بنبره حنونه / ارفعي راسك يالغاليه ابي اشوفك.. ولا اراديا رفعت اصايل راسها..

والتقت عيونها بعيون تركي..



أصايل بدت دقات قلبها تزيد ناظرت في الي جالس قدامها هذا هو الي بيكمل معي طريقي وهذا الي بيكون اسمي مربوط باسمه حياتي بيشاركني فيها ياترى يا تركي بحبك بعشقك ولا علاقتنا بتكون عاديه انا ماراح اظايقك وبخلي الي بقلبي على لساني وماراح اصطنع الكره لا بخلي مشاعري هي الي تقودني.. ياترى ياتركي تسمعني الحين وتسمع لهمس قلبي..



هذي هي ياتركي هذي الانسانه الي بتساندك بحياتك وتوقف معك بالصغيره قبل الكبيره.. هذي الي بتكون حب قلبك الاولي والاخر بس هل انت تحبها؟؟؟ هذي الي بتسلمها حياتك وكل شيء فاكيد لازم تحبها وتغير طريقت علاقتك بدل التحدي تكون علاقة حب ..اه ياصايل شي يجذبني لك شيء يقولي ماغلطت باختياري لك بس هل انت الحين تفكرين بالحياه الي يتجمعنا ..



كان كل واحد فيهم يفكر في الي قدامه وبنظرات كانت هي الي توصل بينهم..

قد سمعنا بنظرات الاعجاب وبنظرات الحزن وبنظرات الحب وبنظرات الاحتقار والتكبر وبنظرات الالم والعتاب..

ومهما سمعنا فهالنظرات كانت شي يفوق الخيال والوصف انولد شعور غريب من خلالها بقلبين فكروا بحياتهم كيف بتكون مع بعض ..

جلسوا فتره طويله وهم على هالحال الصمت امير المكان والكلام تم بالعيون.. قطع الصمت سوال تركي لاصايل / أصايل كلميني عن نفسك؟؟

أصايل / شتبيني اقولك انا انسانه عاديه احب الناس واحب اظحك وافرفش الحمدالله عشت طفوله حلوه والى الان احس اني عايشه طفولتي بين اهلي ..

تركي / بمانك ارتبطتي فيني فوشي المواصفات الي تبينها تكون في الشخص الي مرتبطه فيه؟!؟!



اصايل لفت عنه/ ابي انسان صادق انسان اخلاقه الكل يمدح فيها..انسان يحب اهلي ويفتخر فيهم وفي انه ناسبهم.. انسان يكون حنون معي يقدرني ويحترمني يشاركني بحياته يوفيلي ((ولفت عليه )) باختصار ياتركي ابي انسن بمعنى كلمة انسان ..حنون.. طيب...حلو تعامله.. بعيد عن الغرور والتكبر وحب المظاهر ...واتمنى ياتركي تكون لك هالمواصفات..وبس الحين دورك علمني عن كل شي بحياتك..

تركي / انا يالغاليه توفيت امي بعد ماجابت هنادي اختي على طول.. وكانت بدريه وزوجها الله يرحمه يلحون علينا نروح نسكن عندهم بس ابوي ماكان يبي يثقل عليهم..ولما توفى ابوي هو وزوج بدريه بحادث كان عمر هنادي سنه وكم شهر وانا كان عمري ثلاث سنين ووبدخل بالرابعه..

اختي بدريه كانت حامل بالبندري رحنا وسكنا عندها وانباع بيتنا ولدت بدريه بالبندري وصارت ترظع هنادي و البندري المهم احنا كبرنا ولما كنت في سنك كلمت اختي بدريه اني ابي اطلع انا وهنو بس رفضت هه وقالت اني ماراح اطلع من بيتها حتى لو تزوجت ..ورغم كل شي صار لي وانا صغير الاني ظليت محافظ على ابتسامتي ويمكن في صفات تشابه بيني وبينك فانا احب الناس واحب اظحك واظحك كثير على المقالبندري الي اسويها بعيال خواتي بس اقرب شخص لي من عيال خواتي هي حنان اما العيال نواف ....لايقين على بعض صح..

كانت أصايل تبي ترد بس اندق الباب ودخلت حنان وابتسملها تركي وجات سلمت عليه وباركتله..

تركي / توني اطريك يالغاليه..

حنان / بخير ولا شر..

تركي / اكيد خيـــــــــــــر.؟

حنان شافت الكيكه الي جمب كيكتها وقالت تكلمهم..

مين القلود الي جايب اخت كيكتي..

أصايل /ههههههه حلوه اخت كيكتك هذا الحبيب نواف..

حنان احمر وجهها معقوله..

تركي / عاد تدرين نواف قالي انه راح المحل وطلب منه كيكه بمناسبة ملكه.. فقاله راعي المحل انه قبل شوي جت وحده وطلبت منه حجز كيكه وعلمه كيف الشكل والكلام فاعجب نواف الكلام وقاله يسويله مثلها بس تكون بيضاء والكلام بالاحمر..

حنان / عاد انا لما طلعت من المحل بعد ماحجزت الشكل والكلام وانا رايحه السياره لقيت واحد جالس على كرسي والثاني يدفه كانوا بعاد بس ماتوقعتهم هم.. انا شفتهم دخلوا نفس المحل لان شنطتي طاحت واخذتها من الارض فلمحتهم..

أصايل / القلوب عند بعض..

دخلت البندري وهنادي .. وجلسوا يسولفون مع تركي.. حنان شهقت واسكتوا..

تركي / شفيك؟؟؟

حنان / نسيت الي انا جايه عشانه يله أصايل تعالي معي بندخلك عند الحريم وانت روح نص ساعه والعشى حقكم بيحطونه .. وانتي اذا راحوا الحريم للعشى تعالي انتي هنا اوكي..وبيجيك خالي تكملون السهره..

تركي وهو طالع لف على أصايل ورمالها بوسه بالهوى..ابتسمت له أصايل وراحت مع حنان..

دخلت القاعه الي فيها الحريم زفوها زفه بسيطه ومشت الين الكرسي حقها وجلست..وجوا يباركون لها..

أصايل / ماشاء الله ياحنان الكل يناظر فيك اكلتي الجو..

حنان / اقول خلك ساكته احس اني بموت من الخوف بس انتي ماشاء الله عليك خذيتي عيونهم اول مادخلتي..

وصح الكل اعجبته أصايل بفستانها ومكياجها ونعومتها بس خلاص بنظر الحريم هي صارت بذمة رجال اما حنان فهي الباقيه وكذا وحده خططت على انها تزوج ولدها لها..

شوي كذا وراحوا الحريم للعشى وراحت أصايل لغرفتها .. يمكن خمس دقايق ويدق الباب..

أصايل / ادخلي حنون..

تركي / هذا انا مو حنون..

أصايل / مامداك تتعشى..

تركي / الحمد الله ماشتهيت قلت باكل عندك كيك وعصير...

كانت حنان قاطعه لكل واحد قطعتين من الكيك من الشكلين والباقي اخذته للبنات عشان ياكلونه وحاطه لهم عصير حطته اول ماراحوا الحريم جات وحطته وبعدين رجعت أصايل لغرفتها..

تركي بابتسامه/ هاذي الي بتلبس اسود ها..

أصايل / مالقيت الا هذا اللون عيونك قاري علي الفساتين..

تركي /هههههههه حلوه قاري على الفساتين ..

سكتوا شوي وتكلم تركي بجديه..

تركي / انا جايبلك هديه بس مادري تناسبك وتعجبك ولا لا..

أصايل / اشوف واحكم الشبكه الي جبتها اليوم شافتتها لما رحت للقاعه كانت موجوده هناك ومره ذوق حلوه..

طلع تركي من جيبه علبه صغيره وفتحها ومدها لااصايل..

أصايل انبهرت .. كانت دبله وبالوسط نص قلب صغير وجمبه النص الثاني بلون ثاني وصايرين يكملون بعض..جنان وروعه من جد ذوقه حلو..

أصايل / روعه تسلم ..

تركي / خلني البسك اياه..

ابتسمت ومدت يدها له لبسها الخاتم وحظن يدها بين يديه..

وبكل حنان ومازالت يدها بين ايديه../ هالخاتم يا أصايل اعتبريه رمز لعلاقتنا كل واحد منا يكمل الثاني ويشارك اثاني بكل شي..انا ماراح اتخلى عنك ابد وخصوصا مع هذا الخاتم ((ووراها يده كان لابس خاتم حلو مكتوب من داخله تاريخ اليوم ومرسوم نفس قلبينها من جوه فيه)) راح يدل كل الناس انك انتي لي وانا لك.. ابتسمت له بدى التحدي الي بقلبها يخف عليه بس الا الان ماتقدر تقول انها تحبه ذاك الحب الي هي تتمنى تحبه للي بيكمل حياتها..

جلسوا ياكلون من الكيك والعصير وهم يسولفون ومر الوقت بسرعه ولما تاخر الوقت كلهم راحوا لبيوتهم الكل نام الا اثنين كانوا قلوبهم تنبض بشي جديد مايعفون يترجمونه ..وعقولهم تفكر بالحياه الجايه لهم..واكيد عرفتوا من هم..........

************************************************** *****