[فيتامين سي]

*&$#^الجزء الرابع^#$&*


**ماذا لو حصل مالم يكن بحسابنا وتوقفت مسيرة تحقق احلامنا التي خططنا لها بغير تدخل منا..كيف يكون الشعور ..الضعف والانهيار,,,ام تقبل قدر الله وحاولة التغلب على مايحصل..


((البندري ))

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^

الفصل الاول..............................



مرو شهرين على اخر حدث من الجزء الثالث..وهالشهرين احلى الشهور رمضان والعيد..

طبعا بنخلي ابطالا يعلمونكم عن احداثهم بهالشهرين ونبدى بهنادي



اولاالسلام عليكم..انا هنو بقولكم عن هالمده وشالي صار فيها انا وطلال اول ماوصلنا بريطانيا ورحنا للشقه الي كانت داخله مزاجي مره لانها هاديه انا نمت بغرفه وهو نام بالغرفه الثانيه ومن بكره كنت مخططه اسوي الي في بالي وهو زواجنا انا وطلال..

انا قمت قبله لاني مو متعوده على النومه كذا فقمت طلعتلي ورقه من الشنطه وكتبت فيها كلام وعلقتها على غرفة طلال..سويتلي فطور وافطرت وخليت الباقي له بالمايكرويف

اذن الظهر وصليت وسمعت حسه انه قام بيصلي وسمعت ضحكته اكيد قرى الورقه..

المهم انا طلعت ملابسي واغراضي لعرسي والمكياج وكل شيء ..

وجلست على الانترنت شويء ..بس شوي لاتظلموني طلع طلال من الشقه سمعت الباب وطلعت لقيته كاتبلي ورقه..انه بيروح يجيبلي غدا..

يمكن نص ساعه وجا حط غداي عند الباب ودقه,,فتحت الباب لقت الغدى تغديت واذن العصر..صليت .. ورحت الغرفه الكبيره الي بتجمعنا اليوم رتبت اغراضي في الدولاب وتركت له مسافه يحط ملابسه رتبت عطوراتي وكل شيء وبقيت اشياء بغرفتي بعدين ارتبها..

قمت على المغرب..صليت ودخلت اتسبح ..طلعت واستشورت شعري وفتحته انا شعري قصيراو بمعنى اصح قصيته انا بنفسي اليوم تجديد ..بديت اطلع مكياجي واذن العشى صليت وبديت شغل بوجهي يوم خلصت لبست فستاني وتعطرت وتبخرت..ناظرت الساعه باقي عشر دقايق عن موعد الزواج..انتظرت شوي وجلست ادعي شفت شكلي واعجبني كنت لابسه فستان ابيض عريان وقصير بس حلو مررره مخليني عروس بس عروس غير شكل.. تذكرت وردتين شريتها اصطناعيه مسكتها يعنني مسكه..

جاء الوقت المحدد وطلعت ..من الباب وصكرته وهو قابلني توه طالع كان مكشخ ولابس بشت يعنني عريس...مسك ايدي ودخلني الصاله الي من جد استغربت كيف صار شكلها كان ورد كثير فيها ومنثر كان في مسجل مشتغل على اغنيه رومنسيه اجنبيه مافهمت من بربرتهم شيء بس حلوه اعطت جوا ..

جلست انا وياه على الكنبه وطلعلي خاتم ولبسني اياه هديه تكلمنا شوي كلام حلوا وبعدها خلاص انتهى عرسنا بصراحه كان احلى عرس ورحنا لغرفتنا.. نعم تبون تكملون بعد....................



هاي انا طلال شلونكم عساكم بخير انا احل ليله بهالشهرين زواجنا واحلى شيء ورقة هنو الي كاتبه فيها(((اليوم يوم زواجنا لاتنسى الحضور ولاتستطيع مقابلتي الا في الساعه العاشره بالظبط ..اتمنى ان لا تتاخر احظر معك شيء جميل ياكل))ههههههههههه الى الان والورقه معلقه الحين حياتنا انا وهنو من احلى مايكون صحيح نمل ونطفش كثير مافي احد بس من اول مانطفش نطلع نتمشى وتروح الضيقه منا ...امنيتي ..ان هنو تجيبلنا كتكوت يسلينا ويارب تتحقق ..صح نسيت اكيد تبون تعرفون اصايل اختي ودنيتي شكتبتلي برسالتها الي بالشنطه وبصراحة بقولك حسيت اني بصيح واني ودي اضمها كانت كاتبه ((حبيبي طلول انت الحين بعيد عني بس صدقني يالغالي انك بقلبي واني احس انك معي دوم..اتمنى الله يوفقك فحياتك الجديده الي وللاسف ماراح اقدر اشوف كيف راح تبنيها عشان اتعلم منك لانك قدوتي بكل شيء حبيبي لاتنساني تراني احبك حيل ومشتاقتلك اكثر..اختك المحبه لك (الاصيله ) ويله الحين خلني ادق عليها عشان ماتزعل امس انشغلت ولادقيت وهي محذرتني كل يوم لازم ادق مانطول دقيقتين دوم اسلم عليها واسالها عن اخبارها وبس وعلى طول اصكر مانطول يله باي هذاني اجريت الاتصال............



هلا والله انا البندري بصراحه انا ماقدر اتكلم كثير الحمل متعبني وكرشتي زايده كثير الكل يتريق علي ويقولي بطريق بس شاسوي توم ياناس قدروا..................



سلام انا فصول زوج البطه البطريقه دوم احارقها بهالشيء وهي ياقلبي بس تصيح مافي احداث جديده بحياتي انا والبطه الا اه كل اسبوع اقيس بطنها كم زادت .....ههه ....



هاي ياحبايبي انا حبيبتكم الي ماتقدرون تستغنون عنها اصايل والله هالشهرين حلوات زادت علاقتيبتركي كثير وخصوصا بعد سفر طلال الي جلست بعده اسبوع وانا تعبانه وبغرفتي الين ماطلع لي تركي فوق ورحنا نتمشى مع بعض وقالي كلم واااااااي يخقق بس وعلى طول رجعت اصايل الاولى...اسمعوا بعلمكم سر عن جاك وروز يمكن ماعرفتوهم اقصد حنون ونواف تراهم قريب بيتزوجون ياويلي منها الحين بتذبحني المفروض ماعلم بس شاسوي مره ماقدر امسك لساني............



ياحيا الله من جاء انا تروكي وبعلمك عن قليبي والي فيه بصراحه انا صرت عاشق لااصايل بدرجه جنونيه وكل ماحبيتها كل مازادت خناقاتنا مادري ليش تعرفون؟؟؟؟؟

المهم ياويلها اصايل من حنان وبتشووفون..



تركي بلا ثرثره.....اه اخيرا جاء دوري انا حنون صادقه هالثرثاره زواجنا قرب انا ونواف كنت ابي اقولكم انا بنفسي بس للاسف اصايل الهبله خربت علي...الى الان راكان مايكلمني ولاابيه المهم عندي اني بتزوج قريب وكل ماشفت العمال يصلحون ويدخلون بالاثاث استانس .....لاتحسبوني خبله لكن واللح حلو الوحده تشوف ان الناس مهتمين كثير عشان زواجها....





ههههههههههه ياحنان ياقلب نواف انتي ياناس احبها وكيف ماحبها وهي الي خلتني امشي بعد الله وهي الي دخلت السعاده بقلبي..ادعولنا..............





لا والله ياله ياله جاء دوري ليش عشاني عزابي للحين..هلا اكيد عرفتوني انا سعود..

بصراحه سر بقوله لكم انا حاط وحده في مزاجي ..وادعولي ماتروح من ايدي..............





اها اها اها اخر وحده انا وياحسرتي انا خلود هالشهرين كانت تمام بالنسبه لي مافي احداث بس كل ماحسيت بالضيقه رحت وتطنزت على البندري ...مسكينه محد قالها تحمل بتوم....

وخلاص خلصت احداث العايله ارجعوا للقصه وخلوني اشوف حظي شبيصير فيه

************************************************** *******

بعد هالشهرين الي ماخلى من مواقف اصايل وتر ولا من مشاعر نواف وحنان ولا من ضحك فيصل على كرشة زوجته...جات هالليله الي كانوا ينتظرونها الكل...



كانت تمشي كانها ملاك براءه مرسومه على وجهها وابتسامه حلوه مزينتها ..

كانت تمشي على موسيقى رومنسيه ملت القاعه شاعريه..

وبفستانها الي كان تفصيله هديه من اصايل الي فصلته لها تصميم يخليها كانها حورية بحر فيه..

كل من شافها ذكر الله لانها مثل الحوريه..كانت هذي حنان ..واليوم احلى ايام عمرها اليوم زواجها من حبيبها نواف..................

************************************************** *******بعد ما صلى الفجر في الصاله ............



دخل جناحه وسمعها تدعي بعد ماخلصت صلاه..

((يارب ..استجبت دعائي وحققت الي ابيه بس ياربي ابيك تحفظه لي وماتحرمني منه..يارب انك تيسرلي اني اسعده واشيل عنه الهم..يارب عافيه ووفقه وافتح لنا ابواب رزقك من كل مكان.))

كانت هذي دعوات بسيطه بس كانت طالعه من قلب محب..

ابتسم من قلب /امين يارب لهالدرجه تحبيني..

حنان تبتسم /واكثر مما تتخيل ..

ضمها له ورفع راسه للسما ودعى بقلبه .((يارب لا تخليني من هالانسانه))..

************************************************** ****

في مجلس بيت محمد الله يرحمه..

تركي يكلم الشباب..كانوا مجتمعين كلهم ..بعزومة حنان ونواف الي مسويها راشد وبدريه..

تركي / الحين انا وصلت الاخ طلال والاخ فيصل والاخ نواف..

والثالثه ثابته ثبت علي لقب سواق العرسان..مين بيوصلني لعرسي...

نواف / كلنا..

فيصل / بنسوي مسيره طبعا انا بسوق فيك والباقين ورانا..

سعود / حشى والله لو ملك..

تر كي/ليش مو مالي عينك..

سعود / لاماليها لكن ابشر بسوي لك تفحيطتين قدامك اخليك شيء..

تر كي/ لا اخاف تميل علينا وانا ماودي اتكسر يوم عرسي..

راشد /الحين انتوا جالسين تتكلمون عن شيء بقاله سنه ونص ..

تر كي/ معليش نستبق الاحداث عشان كل شيء يكون مخطط..

راشد والكل/ههههههههههههههههههههههههه ه

******************************************

ولأول مره في القصه نسلط الضوء على هالعايله..



دخلت البيت وهي هلكانه اليوم كان عندهم عمليه كبيره تبي تاخذ لها شور وتنام... وهي جالسه تطلعلها ملابس..

دخلت جود وشافتها/ ايمان من متى وانتي هنا...

ايمان / توني داخله وتعبانه باخذلي شور وانام...

جود نزلت راسها وحست ايمان ان فيها شيء..

ايمان / جود فيك شيء..........

جود / لا بس كنت ابي احد يتعشى معي امي منيره تعشت كانت معزومه عن ام عبدالرحمان وانتي الحين بتنامين...يله متعوده اني دوم لحالي..المهم تراى دقت اليوم امك..

ايمان قاطعتها/ وليش تقولين امي تراها حتى هي امك بعد ياجود...

جود ضحكت بسخريه على الي تقوله ايمان /ههههههههههههه أي ام.والي يرحم عزيزينك..

يمكن انتي تقدرين تقولين انا امك بس انا لا.انا من وعيت على الدنيا وبديت افهم ماشفت لي ام ولااشوفها الا كل خميس.عشان زوجها يطلع ولا لو يجلس بالبيت كان ماشفناها ابد.

ايمان حز بخاطرها كلام اختها عن امهم بس يحقلها هي الي عانت اكثر وحده./شقالت

جود / اعتذرت ماتقدر تجي بكره الخميس عندها استراحه..هه عاد الي يسمعها يقول بنموت على زيارتها ابرك..

ايمان / جود لاتقولين هالكلام...

جود مطنشه / ياشيخه ماني فاضيه لهالكلام بروح اطلب من ماك.عطيني فلوس..

ايمان اعطت جود فلوس واعطتها فلوس زياده..

جود /ليش هالفلوس الزياده تبيني اطلبلك يعني..

ايمان /لا انا مابي شيء خلي الفلوس عندك اليوم مامداني اعطيك الصباح فلوس طلعتي وانا كنت بالحمام ..

جود / لاكان معي من فلوس قبل امس...يله باي تصبحين على خير..وجات بتصكر الباب الا بصوت ايمان..

ايمان / جود حبيبتي شلون دراستك..

جود / زوينه........وصكرت الباب..ايمان حست انها هالايام مره مقصره بحق جود بس هي شتسوي تشتغل بالمستشفى كثير وتجي تبي تنام وماتقدر تكلم حد يله اكيد جود بتقدر..



جود بعد ماطلعت من الغرفه راحت ودقت على ماكدونالز وطلبت لها وارسلت السواق يروح يجيب الطلب..

جلست تنتظر ومررره طفشانه .. تذكرت البنت الي اليوم تعرفت عليها بالمدرسه فله. هالبنت ومستحيل تطفش احد يجلس معها قررت تدق عليها ودقت على جوالها..

جود/الو..

ساره / هلا..مين

جود / السلام عليكم ساره انا جود..

ساره / هلا والله وعليكم السلام حيا الله جود..

جود / هلافيك شلونك..

ساره / الحمدالله..بخير ..شدنياك انتي.....

جود / تمام لولا هالطفش..

ساره /ههههه الطفش لاتقولين طفشانه حرام..

جود / الا والله ذابحني الطفش..

ساره / ليش ماعندك احد يسليك..

جود / لا...

ساره / امك ابوك اختك واخوك ولا احد..

جود/ ولااحد امي وابوي مطلقين ومااشوفهم الايوم بالاسبوع اويوم كل اسبوعين..واختي ايمان دكتوره ودوم عندها دوامات ومناوبات والثانيه متزوجه حامل وتعبانه وماتجينا ..

اخو مالي وانا الوحيده الي رايحه فيها..

ساره / طيب ماعنك نت او جوال..

جود / عندي نت وعندي جوال بس تعرفين الواحد اذا طول باستخدام ي شيء بيمل..

ساره / صدقتي..

وجلسوا يسولفون شوي..وبعدها صكرت جود لان طلبها جاء بتتعشى وبتنام..



ساره لفت على باب غرفتها الي كان يدق /ادخل..

دخل اخوها حمد../ وينك ساره لي ساعه ادق على جوالك مشغول قلت اطلعلك مين كنتي تكلمين..

ساره / كنت اكلم جود..

حمد / مين جود هذي اول مره ادري عندك صديقه اسمها حلو جود.وغمزلها..

ساره /هههههههه اه منكم يالعيال..بس تدري حرام والله رحمتها..

حمد / ليش..

ساره / كاسره خاطري تخيل لحالها بالبيت وماعندها احد يسولف معها ويونسها امها وابوها منفصلين واخواتها كل وحده بحياتها..

حمد /والله مسكينه..

ساره / ومع ذلك ماتقدر تقول اذا شفتها ان هالبنت عندها كل هالمشاكل العائليه..قويه وحبوبه ومحد يتوقع ان بقلبها هموم مالها عدد..

حمد / خلك بجمبها ولاتخلينها..ابد..

ساره / اكيد هي زياده على انها اخلاق وعسل حبوبه واسم الله عليها تدخل القلب بسرعه..

حمد مايدري يمكن ماحب يطول يسولف عن هالبنت لاكنه يحس ان يبي يطلع من الغرفه بسرعه../ يله ساروه تبين شيء..

ساره / ايه خذ هذي فاتورتي سددها لي...ترى بينفصل جوالي..

حمد / طيب يله بااااااااااااااي..

ساره / باي....



************************************************** ******

دخلت الغرفه وكان يتفرج على التلفيزيون..ومن شافها جلس يضحك..

البندري وهي معصبه / شايفلك موقف ولا سامع نكته عشان كل هالضحك...

قرب فيصل منها ..

البندري صرخت في وجهه/ وخر عني تضحك علي والحي جاي وخر..

فيصل /افا دبدوبتي زعلت ...

البندري / في عينك دبدوبتي وتقلده(افا دبدوبتي زعلت )..

فيصل /تعالي يالغاليه..

البندري /مابي..

فيصل /لا بتجين ..

البندري /ماااااابي..

فيصل /ترى بلحق وراك...

البندري / ماتقدر..

فيصل قام من على السرير../ ماقدر.. طيب وهذاني قمت..

البندري حست انه صادق وفتحت الباب وركضت على بره..وهي ماسكه كرشتها بيد واليد الثانيه رافعه فيها الشيال.عن الارض عشان ماتطيح..

نزلت الدرج..وهو يضحك عليها ويلحقها ويصارخ يقولها اه قرب منها وهي تسرع زيده وهو ميت ضحك على شكلها..

وصلت الصاله الي هم جالسين فيها وبدت تشاحن..

ام فيصل / شفيك يمه البندري تركضين تعالي هنا يمه..

البندري / يمه فيصل يلحقني الحين يجي قبل شوي يركض وراي..

خلود /ههههههههههههههههههههههههه ههههههههههههههه



دخل فيصل الصاله..

ام فيصل/اه يالي ماتستحي تلاحق ورى مرتك وهي حامل بتوم وبتدخل السابع..

فصل قرب وراحت البندري جلست بين ام فيصل وبين الجده حصه..

فيصل جلس عند خلود/هيا بالله مو دبه من حملت تنفخت....

ام فيصل / تنفخت عشان عيالك الي في بطنها..

الجده حصه /تعال يافيصلوه خذهم وحطهم في بطنك ورينا كيف يطلع شكلك يضحكنا ولا لا؟؟

خلود/ههههههههههههههههههههههههه هههههههههههههههههههههه

البندري /ههههههههههههههههههههههههه ههههههههههههههههههههه ههههههههههههههههههههههههه ههههههههههههههههههههههههه هه ههههههههههههههههههه

فيصل تخيل شكله حامل ومنتفخ مثل البندري صرخ وقال لا مستحيا..

الجده حصه/ اجل ليش تراكض وراها..

فيصل / زعلت لاني قلتلها دبدوبه وجيت اراضيها ومارضت اناديها تصد تحديتها وقالت ماتقدر وركضت وراها..

الجده حصه /الحمدالله على الشكر..الخبل دومه خبل..

فيصل راح عند جدتها وجلس بالطرف الثاني..وشاف البندري تضحك طنشها ولف على جدته..

فيصل /اه ياقميل بديت تسب فينا زعلان ولاغيره..

الجده / بعد عني ياله .. وبعدين من وش اغار عسى منك مالت وكشت على وجهه..

الكل جلس يضحك على الجده وعلى فيصل الي مثور فيها..

*********************************************