يعنى من كام يوم واحنا مؤهلين لأن الفصل فى متفجرات وبكل سذاجة فكرنا راح ناحية رضا وآسيا وطول الفصل العاشر اقول اهه القنبلة اللى هتوقف فرحة رضا جاية..اتارى يا كارى القنبلة مستخبية فى الآخر ..طيب انا راضية ضميرك ..دى قفلة نستنى عليها اسبوع..البنت شكلها هاتروح فى شربة ميه..لألأ كارى طيبة.. وحبيبة هتنفض حالة الضعف النفسى دى وهاتروح لطشة عم مهند قلم محترم يفوقه..؟أصل بنات الناس مش لعبة .. واستغلال لحظات الضعف من شيم الاندال..بس مهند شكله كده وقع ولا حدش سمى عليه والظاهر انه اتكعبل فى حب حبيبة يعنى على رأى المثل ..تيجى تصيده يصيدك..
رضا.. رضا.. رضا.. طيب المفروض احنا نعمل ايه دلوقتى..يعنى مثلا نقود حملة موسعة ونشن هجوم واسع المدى ضد حكوماتنا الموقرة..ولا نتلهى ونسكت.. والله انا شايفة الحل التانى اوقع.. اصل رضا ده واحد فى المليون ومبروك على آسيا .. وعموما اصل الحكاية ارزاق..ايه كم الحب والرقة واللهفة دى..كارى بجد حوارات رضا مع آسيا فوق فوق الوصف ..حتى اختيارك للمفردات رااااائع..سعيدة لاتمام الزواج ..لكن يا ترى ماذا عن المنغصات..ربنا يستر من القادم..
حوار رضا مع عبد الرحمن اكثر من رائع ..خصوصا قوله" انت ولدى".. ايضا طريقة وصفك لاحتضان رضا لعبد الرحمن مذهلة ..فعلا رضا نموذج الأخ فى مرتبة الأب ..
محسن..الحقيقة وطبقا لشخصيته محسن النهاردة قطع شوط كبير فى التقرب من رحاب ..على الأقل حسيته بحاول ان يتغلب على طباعه من أجلها ..بس عايز كمان دفعة حنية بسيطة..رحااب محتاجة تغير من اسلوبها..لغاية الآن لم تحاول تجربة نصائح ثريا والتى اظنها فعلا ما يحتاجه محسن..مجرد شعوره بغيرتها عليه غير كتير من مشاعره السلبية نحوها
رحاب وهى تدافع عن زوجها أمام سوزان ..حسيت جدا احساسها بالدونية وكأنها نزلت لمستوى هذه الطالبة الوقحة ..بس معلش يا رحاب كل شئ مباح فى الحب والحرب وكان الأولى ان تشعر الوقحة بالاذلال لأنها خارج معادلتك الزوجية ويا ستى طالما ده اعطى لمحسن الاحساس بتمسكك به وغيرتك عليه يبقى انتى الكسبانة..
رفيدة اتمنى ان حققى حلمك.. انت على اول الطريق..
ابتهال ..أنا معجبة جدا بقوة روح هذه المرأة ..حبيتها أوى..حبيت حبها لزوجها الراحل .. حبيت حبها لبناتها وعدم تعنتها امام سعادتهن..
كارى الفصلين يجننوا تسلم ايديكى يا حبيبتى على كل هذا الابداع ..تمتعت جدا جدا بكل كلمة وحرف ..نقلتينا لحالة رائعة بالمواقف الرومانسية بين رضا وآسيا ..سلمت يداك
|