[فيتامين سي]

((الجزء الثالث))

حزين انا والله .. لاتظلموني
*****************صبرت حتى جاوز الصبر حده
كم ليله تعبت من الدمع عيني
*****************ولا هل دمعي عابر كيف ارده
غديت لنا مابين قسوه سنيني
*****************ومابين قلب جاير الوقت ضده
وفي كل يوم اشوف موتي يجيني
*****************وحزن الزمن غطى عيوني بيده
احترت كيف اموت والحب فيني
******************موتي يهون ..ولا تموت الموده
وقت مضى مابين زين وشيني
******************اغليه مثل الروح لو طال صده
لو هي ثواني حب بينه وبيني
******************كنها عمر له داخل القلب مده
ومصايب من كل صوب تجيني
******************حتى انت في صمت ودي ووده
كانت جروح بغرفتها بعد ماغيرت ملابسها ولبست بيجامتها الورديه واللي كانت ترتاح بلبسها ...قعدت تناظر نفسها بالمرايه وهي تسرح شعرها.. وبدون ماتشعر استلهم تفكيرها في موقفها اليوم مع عمتها وولدها.. تنهدت تنهيده قويه وماحست الا ودموع عينها تنزل ..كانت تحس بثقل الجبال على قلبها..الا وتسمع تخبيط قوي عالباب..ومن قوة الصدمه طارت فرشة شعرها من يدها وأهتزت كل خليه بجسمها من الخوف
جروحووووووووووه افتحي الباب لأكسره على راسك ........................
فزت بسرعه ومن الخوف حاولت انها تمسك المفتاح بيدها لكنها ماقدرت واللي زادها خوف ابوها اللي كان شوي ويكسر الباب من كثر مايضرب فيه...وبعد مااخذت نفس طويل هدت شوي ومسحت باقي دموعها وفتحت الباب .................
ابوها بقهر وشياطين الدنيا فوق راسه وهو يمسك بشعرها..الحين ماتقولين لي وش سالفة تسكير الباب اللي طحتي فيه لايكون وراك بلاوي ... انا اعرفكم ياهالبنات مامنكم امااااااااااان ابد؟؟؟؟؟؟؟؟؟؟؟؟؟؟؟؟
جروح والرعشه مازالت بجسمها.والربكه افقدتها القدره على الكلام . انا انا حراااااااااا......
قطع عليها كلامها ..أقول لاتكثر دندرتك ولد عمتك هالخكري دلوع امه اصرفي نظرك عنه ولا ابي نقاش بالموضوع بلغي امك تبلغ الباقي انا ماعندي استعداد صجه راس
ناظرها بعدها نظره اللامبالاه وبكل تبلد ... قولي لامك تجيب لي العشاء في غرفتي.. ** من ذاك اليوم اللي طلعت فيها ام جروح من المستشفى وهو عازل نفسه عنها وكان يسميها الناقصه اللي ماتعاشر ولا تستحق العشره **
جروح وهي تبلع ريقها .. ان ان ان شاء الله..
طلع ابوها وهي راحت تركض لغرفة امها اللي كانت تتهجد في آخر الليل ولسوء الحظ ماسمعت باللي صار ..

جروح ..يممممممممممه..**وهي بتموت من البكاء**
ام جروح ..بعد ماانهت صلاتها .. ضمت بنتها لصدرها.. بسم الله عليك يمه وش فيك ..؟؟
جروح ودموعها اللي ماقدرت توقفها..يمه ابوي ..
.. بسم الله وش فيه صار له شي وش السالفه روعتيني ,,, جروح وش فيك ؟؟؟ **كانت تبكي بكاء شديد منعها من انها تقدر تكمل **
وبعد ماضمتها امها لصدرها وبعد فتره من البكاء سكتت وقصت لأمها وش صار
ام جروح .. لاحول ولا قوه الابالله العلي العظيم اللهم افرجها من عندك ياكريم .. لا اله الا انت سبحان اني كنت من الظالمين ..ماعليه يابنيتي هذا ابتلاء من ربنا نشوف نصبر او نكفر الحمد لله عل ماجانا وتأكدي ان الله بيعوضك خير على خير مادامك مارديتي عليه ولا تلفظتي بالشين .. خليك بأحترامك وانتبهي لفروضك وشوفي بعدها وشلون بيجيك الخير
جروح .. ان شاء الله يمه .. وقامت وراحت لغرفتها
حضرت ام جروح العشاء وراحت توديه للغرفه ..
طقت باب الغرفه لانه كان بذاك الوقت مقفل ..
ابوجروح ..من .؟؟
ام جروح..انا جايبه لك العشاء ..
ابو جروح ..ايه طيب دقيقه ..
فتح ابو جروح الباب ودخلت ام جروح الاكل وهي بطريقها للباب ..قال لها ..
ابيك تكلمين اختي وتقولين لها تصرف الموضوع عن بالها ..وولدها تدور له غيرها ؟؟
ام جروح حست بغصه ولا قدرت تطلع كلمه غير انها توجهت للباب وطلعت بدون بحرف؟؟
اما جروح ..كان النوم مجافيها تقلبت على سريرها تحول تغط عينها لاكنها ماقدرت .. دورت شي تلتهي
فيه التفتتت يمنه ويسره فتحت درج الكمدينه لقت كتاب الرجال من المريخ والمرأه من الزهره اللي كان من احب الكتب عندها .. واللي كانت تقطع وقتها بقرايته لاكن هالمره قلبته بدون خاطر ففضلت ترجعه مكانه ..شافت المسجل فوق دولابها لانها ماشغلته من فتره طويله فقررت تنزله وتفتح موجه الاف ام يمكن فيه ي برنامج يسليها اذا سمعته
نزلته وجلست تمسح فيه وتنظفه لانه مغبر ومن زمااااااااااااااااااااااا ن ماستعملته ......فتحت موجه^^ الام بي سي اف ام^^ وكانت فيه اغنيه استسلمت لها اذانها وجوارحها من دون ماتقصد:
ابتعدت والعمر محدود حسيت كاني لحالي ..
يومي بالاحلام موعود مديت دونك حبالي..
هارب من ايامي السود تركت خلفي ظلالي..
والنقص يفرق عن الزود والمر ماهوب حالي ..
مادمت بالعمر موجود مافوقك انسان غالي..
سافرت لمك وارجي الفود ماغيرك احد بقالي..
سكرت جروح بعدها الرادووهي تحلطم بينها وبين نفسها .. ياربييييييييييييييييييييي يييه وين مااطقها عوجا ..بغيتك يالرادو عووووووووون طلعت لي فرعون .. اقول انام احسن لي ولو بأطاول الهم كان سهرت عمري كله .

اما ام جروح اللي يعتصرها قلبها حزن وأسى كانت تسجد وتبكي بحرقه وألم. بعدما حضرت العشا لابوجروح . وكل تفكيرها ببنتها الضعيفه وبالموقف اللي حطها فيه زوجها مع عمانهم..كانت مرتبكه ومتضايقه كيف بتتصل على عمتهم اللي كانت زي العسل معها .. كيف بتعلمها ؟؟ كيف راح تتقبل الخبر ؟؟ وبأي وجه راح تقابلها لو حصل وأجتمعت معها بمكان واحد ..أفكاركانت توديها وتجيبها حتى سرقها النوم من دوووووووووووووون ماتحس
.................................................. .................................................. ..................................
0
كان الخبر مثل الصاعقه على ام نواف وولدها وسلطان ماكانوا متوقعين جرأت اخوهم اللي بعمرهم ماضروه ولا سووا معه الا كل خير..غير كذا انهم قد اخذوا منه موافقه مبدئيه..
ام نواف واللي كانت تحاكي اختها فوزيه على التيلفون ..
ليه ياكافي والله الولد مافيه مايعيبه ياوخيتي والبنت بعد ماشاء الله الملح والاخلاق ليش يقطع برزقهم اخوي الله بس يهديه أحنا من عمرنا وأحنا عارفين ان نواف لجروح وجروح لنواف
نوال وهي تتنهد .. أيام وراحت بزينها وجت لنا بشينها ..
فوزيه ,, استغفري ربك يابنت الاجواد هالكلام مايطلع من وحده بمثلك دين وعقل
نوال .. استغفر الله بس والله قلبي مع هالأثنين اللي مالهم ذنب
فوزيه . ياوخيتي بيعوضهم الله واللي مايكتب عسر
نوال .. وانتي الصادقه .. معليش ياوخيتي طولت عليك وانتي ماتتحملين الحكي الكثير يله في امان الكريم وسلمي على البنات
فوزيه ..يبلغ ان شاء الله .يله في حفظ الله وسلمي على سلطان ونواف وقولي له لايزعل بيعوضه اللي ماتنام عينه ..مع السلامه
نوال .. مع السلامه
.................................................. .................................................. .................................................. ...
نواف واللي ضاقت به الدنيا كان يهيم بالشوارع كل اليوم مايدري وين يروح وماكان له خاطر يقابل احد ولا يحاكي احد ..كان مشغل مسجل السياره يسمع شريط منوعات لخالد عبدالرحمن وكان فيها اغنيه من احب الاغاني له وكثير ماكان يكرر تشغليها ..

ااه..من ليل التجافي...مااطول ليله العاشق ثوانيها ليال..
من يقول الشمس باكر مقبله كل شمس مالها ...وجهك ظلال..
بسألك باللي خذى منك الوله وحطه في صدري.. واعطاك الجمال..
حاكني .. لجل الليالي .. الاوله آه انا بموت من ..ذل السؤال ..
هو صحيح إنك حبيبي اللي دله واستوى..عنده فراقي ..والوصال ..
كل جرح غير ..جرحك بأقبله وكل ظلم..غير ظلمك لي.. عدال..
اهتز جواله بجيبه واللي قطع عليه انسجامه.. لأنه كان حاطه silent..
كان ماله خاطر يرد على أحد..
هذارقم واحد من زملاه القدامى اللي من زمان تاركهم على طلب أمه اللي حست انه مايمشي بالطريق السوي وانه راعي حركات ماتعجبها ..واللي قدرت بأسلوبها انها تقنعه بالابتعاد عنه ..وعن الشله هذي والاهتمام بالدراسه وبس....
نواف .. ويييين طلع منه ذا ؟؟ سنيييين ماله حس .. وش معنى اليوم ؟؟
رجعه في الكاركد اللي بالسياره اللي كان على نظام السبيكر..ورجع رفع على صوت المسجل فجأه.. سمع أأأأأأأأأأأأأأأأألو....اللل للللللللللللللللللللللل لللللللووووووووو.. ويييييييييييييييييييييينن ك يابو الشباب ..؟؟ لا ترد على مكالماتنا ولا تجي ولا تمر ..
**من الضيق ماحس انه فتح الخط بدون مايحس **
نواف بارتباك وتردد .. هلا هلا ..ناصر ..
ناصر يتطنز .. وش هلا هلا ملحوق وانا أخوك .. أخيرا تنزلت ورديت علينا ياخوي مانبي منك صدقه كل اللي نبيه نشوف كشرتك الجميله سلم وبعدها أستلم الباب .. تتغلى علينا وانا اخوك ؟؟؟؟؟
رد عليك وكأنه بيخنقه..هلا ناصر لا والله لا تغلي ولا يحزنون بس تعرف مشاغل الحياه
رد عليه باسلوبه الساخر المعتاد واللي كان كثير مايضايق نواف .. ادعسسسسسسسسسس يارجل الاعمال اللي يسمعك يقول هالشركات اللي صاكه طريق العليا العام ولا هالبزران اللي ماتدري وش تدبر فيهم ,, أقول يارجاااااااااااااااال قم بس قم ..
نواف ..هههههههههههه لين اللحين وانت على مانت عليه عربجه وتنكيت وهستره ..
ناصر ..ايييييييييييييييييييييه الى باتسر ولا زدنا بعد أقول كانك تبي تنضم لحملتنا وسع صدرك وارم همومك ورا ظهرك سير علينا في الملحق اللي خبرك ..
نواف وكأنه بدا يرضخ .. متى بتجتمعون ؟؟
ابتسم ناصر وقال..بتجي؟؟ .. الله محيي أصلك يالله تراني باحتريك احنا جمعتنا من بعد عشر الليل حتى الفجر ... يله تعال مشتاقين ياحلوووووووووووووو..
نواف .. ان شاء الله احاول اجي
ناصر .. صار ننتظرك يله بااااااااااااااااي
.................................................. .................................................. ...........
مرت الاسابيع ونواف معسكر بالملحق سهر وغناء وافلام وبنات وعلى حسب تفكيرهم فله حجاااااااااااااج....
كانت ام نواف حاسه بحال ولدها اللي انتكس و تغير راس على عقب ..كم مره حاولت تحاكيه بالموضوع بس هو كان يحاول ينهي النقاش باي طريقه الشي اللي كان مضايق امه حيييييييل ..
وبيوم كانت هدى طالعه لمشغل قريب من بيت نوال علشان كانت بتسوي بروفات لفستانها اللي مفصلته لزواج وحده من صديقاتها ولانه بجنب بيت نوال قالت امر واسلم ..
ام نواف..حياالله القاطعه وينك من زمان ماسيرتي .. هلا براكان وريان **تسلم عليهم وتبوس روسهم **وشلونكم حبايبي ماشاء الله حولهم مثل القمرين صايرين ..
هدى وهي تبتسم...هههههههههه الله يسلمك بس ماخبر لنا الا قمر واحد .. الا ان كان ذا شي جديد مدري عنه..
ام نواف واللي حمر وجهها وابتسمت..الله يغربل بليسك والله من فرحتي بجيتكم ماعاد ادري وش اقول ؟؟ بعدين ماشاء الله توم صعبه امدح واحد والثاني لا هههههههههههههههه
هدى تسلمين ..هههههههههههههههههههههه الا وش اخباركم ؟؟والله اني مشتاقه اسولف معاك واسال عن اخباركم..وش اخبار اختي فوزيه وبناتها اللي تشتتوا في كل ديره مسيكينه اعرسوا بنياتها وماعاد بقى عندها احد ......
ام نواف.. وش بتسوي كل يتبع نصيبه وانا اختك... اللي بالدمام ,واللي بحايل, واللي بالقصيم,, لا وبعد علي دخل بالحربيه اللي بالعيينه يقولون بيقعد اربعين يوم ,,ثم يطلعونه بعدها كل خميس وجمعه .. ويمكن الاعياد.. مابقى لها الا عمر ......الله بس يوفقهم ..وهي ماعليها احس ان صحتها تحسنت اكثر من اول بكثير يالله لك الحمد بس الاكسجين معها طول الوقت اذا حست بكتمه اللي كانت تجيها من فتره للثانيه..
هدى بانشراح..الحمد لله الله يفرج لنا ولها قولي اامين... ياحبي لها افكر ازورها هاليومين بس خلي عبدالعزيز يفضى ..حق وواجب ..الا وش صار على نواف ولدك بعد ماانتهى موضوعه .؟؟.
ام نواف **وهي تتنهد حاسه بضيق بصدرها ** ..خليها بالقلب تجرح ولا تطلع برا وتفضح .. الولد ضاع من يديني .. من بعد موضوعه والولد متغير سهر الى الفجر وافلام ولاعاد يقعد معاي ولا يسأل عني والحين هو بالبحرين ما يتصل علي الا بالنادر له اسبوعين مدري وش يسوي ..ترك شغله ومصلحته واهله وراح هناك .. مدري متى بيرجع الله بس يهديه ويعقله لي سالم غانم مثل الاول ....
هدى واللي تأثرت بكلامها ..لا ياوخيتي ولدك ماينخاف عليه ربيتيه وان شاء الله تعبك مايروح كذا هو يمكن حب يرفه عن نفسه يحاول ينسى موضوعه ويوم راح انشغل بس
ام نواف واللي صوتها بدا يضعف ..نزلت راسها ..ينشغل عن امه..انا انا ياهدى اللي معتبرته سندي بهالحياه **ونزلت منها دمعه واللي حاولت تخفيها**لاكن مااقول ا لاحول ولا قوه الا بالله.. الله يهديه لنفسه وبس..
غيرت هدى السالفه لانها حست بأختها الي تضايقت من سالفة نواف... جلست تسولف معها عن الموديلات وعن حركات توأمها راكان وريان اللي ماتنتهي ونوال كانت مبسوووووطه..مر الوقت بسرعه بعدها رجع عبدالعزيز واخذها وعيالها ورجعت لبيتها بعد مااطمأنت على اختها ..

سافر نواف لانه يظن ان السفر هروووووووووووووووووب من واقعه اللي انكتب له لاكن السؤال هو هل راح تكون هالسفره من صالحه وينسى حبه؟؟؟؟ نكمــــــــــــل ونشوف...!!!
.................................................. ........................
((((((((((((((((((((((((((((((((((((((((((الجز ء الرابع)))))))))))))))))))))))))))))))))

وفي البحرين...
تعرف نواف عن طريق زميله ناصر على شاب عربي معاه جنسيه اميركيه اسمه %عماد% كان يشتغل كمدير لاحد المطاعم الليليه ..في وقت كانت اخته هيلدا تشتغل في نفس المطعم تغني وتزوووووووووووك شوي وترقص شويات ..واللي كان ناصر طايح بدباديبها على مايقولون بس كان محتفظ بها الشي عن نواف ..
وهم في المطعم وفي ساعه متأخره وبعد ماثقلوا عيار الشرب ,وضاعت خرايطهم الله يكافينا ويعافينا ويحمينا وشبابنا والمسلمين..
نواف وهو يرجع الكاس للطاوله..الله يخسك يانويصر من جبتني وووووووانا ضايع وتلفااااااااااااااااااااا اان هههههههههه ..حتى الشرب ماكنت اعرفه ولا ادري به..
ناصر وهو يصفق لهيلدا اللي كانت ترقص بالمنصه..ياااااااارجال عساك سالم ...
نواف وهو يستهتر به..سالم ولا محمممممد هااااااااااااااااااهااااا اااااااااااااااااااي..
ناصر ..الله الله صرنا نمزح بعد خخخخخخخخخ..
نواف..اقول نويصر ماتدري عن هيلدا مرتبطه ولا لا .؟؟؟ ياخي البنت خاااااشه مزاجي ودي اخش معها علاقه
ناصر واللي حس ان الدم بدا يغلي بعروقه .. اقول اقوووووووووول ياهوووووووووووووه انت قد اللي تقول خليييييك في شربك واللي يرحم والدينك وبعدين هيلدا لا عااااد اسمعك جايب طاريها على لسانك ..
نواف واللي حس بالانفعال بنااااصر حتى ان الكاس اللي بيده طاح ... الناس اللي حوله التفتوا على صوته العالي ..أقول وراك انت انفعلت شف الناس حولك وبعدين وش دخلك بذيك الادميه اللحين تشوفها تتنقل من حضن لحضن واستكثرت علي كلمه طلعتها ..لايكون بينك وبينها شي..
ناصر واللي كانت الربكه بينه بعيونه..اقول لاتكثر بربرتك اصلا وش اللي يخليني اقعد مع اشكال زييك **قام بعدها بسرعه** انا رايح الحين وبأمشي للدمام لسعد ولد خالتي ولا اشوفك داق علي ابد ..
نواف والشر طاير من عيونه..خير عسى ماشر انا وش سويت لك علشان تقب علي فجأه وتكلمني بها الطريقه ..لايكون فاكر انك تصرف علي وانا مدري ياخي احمدربك اللي متحملك وفوق كذا متحمل اصرف عليك ..البدايه قلنا حبيب وغالي ولا يغلى عليه فلس ..لاكني اللحين عرفت فيها معدنك الشين ياااااا
ناصر ...خيييييييييييييير ياعم وش قلت ..**وبعدها قام وقلب الطاوله فوق راس نواف ونشبت بينهم هوشه كبيره مافكهم الا تدخل عماااااااااااااااد بعد ماراحت له اخته هيلدا تخبره لانها تعرف باللي بينهم غير كذا كانت تكن شوي من المحبه اللي وراها مصلحه لناصر ..بمعنى انه لو صار له شي يعني ان احد مصادر دخلها بيطير لذلك فضلت انها تدافع عنه** ..
عماااد.وعلامات الارتباك على وجهه.خير شو عم تعملوا ؟انتوا ناسين انكوووون بمطعم محترم ؟؟
نواف معصب.اقول اي محترم ياشيييييخ سكار وغناء وبنات وتقول محترم اقووووووووووووووووووووول تفوووووو عليكم كلكم ..**وطلع بعدها وهو معصب **
ناصر ..اقول فكني اروح امردغه في الارض هالسفله الواطي ..الشرهه مهيب عليك الشرهه على اللي يجرجر بزارين معاه ..

عمااااااااااااااااد ..هدي حالك خييييو الدنيا مابتستاهل زعلك ..
ناصر ..اقول ابعد تكفا انا ناقصك بعد ويطلع ويركب سيارته مسرع بيتوجه للشرقيه ..على الموعد اللي بينه وبين قريبه...
تضايق نواف واللي كان بطريقه للغرفه من هالموقف ماكان متصور ان الاحداث تصير بينه وبين ناصر بهالسرعه كان يلوم نفسه على الوقت اللي ضيعه معاه وعلى نفسه اللي ارخصها وخلاها تتبع هواها والشيطان .. استغفر ربه مليون مره لانه ندم اشد الندم على مافات وعلى غفلته لدرجه وصلته لما هو عليه ...
لاتعتذر مني ..ولابعتذر لك..
****************ابي فراق مايجي عقبه فراق
ماعاد يعنيني وش اللي حصل لك
****************قلبي بوصلك ياعديم الوفا فاق
ذليتني مره ..وانا كيف اذلك
****************واحرقت في عيني من الماضي اوراق
مابه حديث ارويه ..ويش اقلك
****************اللي باقوله بس ..مامنك ميثاق
لو كنت دمعه عين والله لهلك
*****************ولاعاد يبقى لك اثر بين الاعماق
بعد ماوصل للغرفه اخذ له دش وغير ملابسه وطلب له عشاء خفيف مع عصير فرش fresh.. بعد ماتعشى حط راسه على المخده ونام على طول لان ماكان وده يفكر اكثر باللي صار...

.................................................. .................................................. ............................................



ياليت يكون هالجزء حاز على رضاكم واستحسانكم ونشوفكم وانتم بخير في الاجزاء الجايه


تحيااااااااااتي


اختكم


رجـــــــــــــــــــــــ ــــــــــــــــــــاوي