[فيتامين سي]

(((((تتمة الجزء الخامس)))))))



بعد صلاة العشاء...
في بيت جروووووووووووووووووووح..
كانت جروح بطريقها للمطبخ اشتهت تاكل لها قطعه من كريمه الكراميل واللي كانت امها مسويتها مع الغدا....في الوقت كان أبو جروح داخل ومحمل معاه مقاضي البيت --->صحيح انه كان مقصر من الناحيه العاطفيه لزوجته وبنته الا ان الامور الماديه من اغراض البيت الغذائيه والصحيه كان يجيبها على اتم وجه.وماكان منه قصور ..
جروح وهي مرتاعه ..يمه بسم الله..هلا يبه معليش ماشفتك ..
ابو جروح ..خير ان شاء الله وش شايفه قبالك ..؟؟
جروح ..العذروالسموحه يبه بس كنت سرحانه وماانتبهت لك وانت داخل..
ابوها بإزدراء.. اقول لايكثر هرجك روحي جيبي الاغراض من الحوش انقص ظهري ..
جروح .. ان شاء الله يبه .. >>>>>>>>>>>>>
وقبل ماتطلع ..
ابو جروح .. ااه لو كنتي ولد ماكان ذا حالي بس وش نقول الا مالت على حظي مامنك فوووووووود .%لهجه نجديه تعني مامنك فايده%
ضاقت الدنيا بجروح وتمنت فيها الارض تنشق وتبلعها ..( ليه التجريح منك يااقرب انسان لي الى متى وانت تعاملني بهالاسلوب والله حرام عليك يايبه والله حرااااااااااااااااااام ... كانت هذي مشاعر جروح اللي كان ودها تنطق بها لكن الخوف اللي كان يسري بدمها من ابوها منعها ..)
راحت جروح تجر خطاها وهي تدخل الاغراض للبيت.. والدمع ينزل من عيونها ..تمشي وكأنها تجر اذيال الهزيمه..
بعدها بفتره بسيطه دخلت جروح على ابوها اللي كان متعود على قهوة ام جروح بعد صلاة العشاء ..كانت هي القهوه الوحيده اللي يكيَف عليها لأن زوجته الثانيه تفتقر للنفَس في الاكل اللي يزين الطبخ ..يندرانها تدخل المطبخ وتطبخ لعيالها ولزوجها ..متعوده على الخدم والطباخين اللي جايبتهم ..كانت زوجته الثانيه فاطمه من عايله high-class طبقه غنيه جدا لدرجه ان البيت والسيارات والخدم من اهلها ولا كان لزوجها اي فضل في هذا ..هذا اللي افقد البيت الروح الزوجيه الحلوه اللي تكون بين كل زوج وزوجته ..كان كل همها الحفلات والمناسبات واللبس والفشخره..بعكس ام جرووووووح تماما واللي لو تنحط على الجرح يبرى..
و في غرفه الجلوس كان ابو جروح فاتح على قناه الجزيره وجالس يتقهوى دخلت عليه بنته .. واللي كانت تحاول جاهده انها تتمالك نفسها علشان تفاتح ابوها بالموضوع.
جروح بتردد .. يبه ممكن اتكلم معاك بموضوع ..
ابوجروح ببرود وهو يقصر على التيلفزيون بالريموت كنترول..اهااااااااا وش عندك ..
جروح وهي منزله راسها.. هو بس سؤال واحد ؟؟
ابو جروح . خلصينا وش هو؟؟
جروح .. يبه انت رديت على عمتي نوال بخصوص موضوعي مع ولدها ؟
ابوجروح منصدم وهو ثايره ثورته عليها.عمت عينك بلاء عمت عينك ياقليله الادب اشوفك فصختي الحيا مره ...ماتستحين انتي تفتحين زي هالمواضيع ..والله وهذاني احلف ان شفتك فاتحه هالموضوع ثاني مره لااعرف اسنعك ..الموضوع ذايتسكر واذا يبي يعرس بدالك الف وحده يروح يدور له من هالبنات اللي مالين الديره.انقلعي عن وجهي سديتي نفسي عن القهوه الله يسد نفسك قولي اامين..
جروح واللي بدا صوتها يعلى .طيب بنتك ماتبي لها الستر ..والله حرام ..الله مايرضى بكذا ..
ابو جروح**واللي بانت عليه علامات الغضب والغيظ **..وتردين بعد ياقليله الادب.. يابنت امك هذا اللي ربتك عليه راعيه المباديء ..
جروح بغيض تحاول تكتمه..يبه ارجوك ابعد امي عن السالفه هي مالها دخل ولا تدري اني جيت اكلمك ..**كان صوت جروح بدا يزيد من دون ماتحس لانها انقهرت من ظلم ابوها لامها المستمر**
ابوجروح وصلت معاه لان البنت اول مره توقف بوجهه وهو مو متعود منها على هالشي.. لاترفعين صوتك علي قلت لك انقلعي عن وجهي قلعك الله لا ارتكب فيك جريمه..**شدَ شعرها بقوه ورماها بالأرض **
طاحت جروح على الارض وانزلقت وضرب راسها في احد زوايا الدولاب اللي كان بنهاية الغرفه واللي تسبب بجرحه جرح عميييق ..
ارتفع صوت بكاء جروح من شدة الالم واللي زاد معاه الجرح النفسي اللي جرحه ابوها لها.. كانت امها بذاك الوقت مشغوله بالغسيل في الدور العلوي**سطح البيت** وماسمعت باللي صار لان الغرفه اللي كانت فيها بعيده عن جروح..
طلع ابو جروح وهو معصب حيييييييييييييييل .. وماكان منتبه لحال بنته اللي كسا وجهها الدم ..دارت الدنيا بها وداخت والالم يعتصرها وراسها كانه ينضرب بمطرقه من الوجع ..
..بعدها بفتره نزلت ام جروح وسمعت صوت الباب ينصك بقوه تعوذت من ابليس لانها كانت تعرف مصدره ..وهي تعودت على طريقته.&&.بنفس الوقت يطلع وبنفس الطريقه يسكر الباب كل يوم&&
وفي طريقها لغرفه الجلوس سمعت صوت بكا جروح .. اتجهت لها بسرعه .وكانت صدمتها كبيره حست معها ان عروقها جمدت لما شافت بنتها بها الحال خصوصا منظر الدم اللي كان يغطي ارض الغرفه وملابسها :
يوه يابنيتي بسم الله عليك وش اللي جاك ؟ وش هالدم كله بسم الله عليك من ايش طحتي تكلمي.؟؟...** ماانتظرت من بنتها الجواب وقامت بسرعه تجيب والمطهر والشاش والقطن ..
قعدت تسعف فيها والبنت تبكي..وبين كل دمعه وثانيه تشهق بالم : "ابوي ..ابوي ""
انصدمت ام جروح ان المتسبب يكون المتسبب ابوها ولانها مافهمت تفاصيل الموضوع فكرت انها تدق عليه وتشوف وش السالفه لان هالوضع ماينسكت عنه ابد؟؟.
... حاولت كم مره انها تدق عليه بجواله لاكنه ماكان يرد عليها ..ارتبكت بعدها بزياده بعد ماشافت الدم يزيد والبنت صوتها بدا يضعف حست الدنيا ضايقه بها ولا تدري وش تسوي ..كانت تروح وتجي في الغرفه من الربكه ودموعها على خدها ومافي لسانها الا ((حسبي الله ونعم الوكيل وش اسوي انا ؟؟ ))..
دقت على جارتهم الوحيده بالحاره بالبدايه ولا رد احد عليها. فكرت وقالت مافيه غير نوال تنقذها بهالموقف.. رغم انها مفتشله منها عقب موقف زوجها ..لاكن للضروره احكام وبنتها بتضيع من يدها لذلك عزمت تدق عليها واللي يصير يصير..

ام جروح وهي تبكي بحرقه ..الو .. نوال الحقيني بسرعه بنتي بتروح من يديني !!
حست نوال بان الدم في عروقها جمد يوم سمعت بكا وشهاق سلوى واللي اول مره تسمعه.. بسم الله عليك وش اللي صاير هدي نفسك خليني افهم ..؟؟
سلوى واللي كانت بالحسره تجمع الكلام ..بنتي طاحت ..والدم يغطيها ..ارجوكم الحقوني بنتي بنتي .. **ورجعت تصيح مره ثانيه**
نوال ..الله يكفينا الشر بسم الله عليها وش اللي جاها ..؟؟
سلوى والله مدري عجزت ااخذ منها وش اللي صار بس كل اللي قالته ابوي وانا احاول ادق عليه وسافهني .....حسبي الله ونعم الوكيل .. **ورجعت تصيح ثانيه**
نوال ووالقهر يملا قلبها ..انجن ذا لاعاد الا هنا وبس انا بأرقى لسلطان الحين وبنجيك مسافه الطريق بس انتي حاولي تهدين .. بنتك في حاجتك الحين الله يهدي سركم .. يالله دقايق وجايينكم ..
سكرت نوال وطوالي راحت لسلطان ..
نوال وهي تطق باب الغرفه بسرعه ...سلطان ..سلطان رد علي يااخوي بسرعه ..
كان سلطان يتحمم وصوت المويه منع الصوت يوصله .. زادت نوال الضرب بالباب وهي كانت تتوقع ان سلطان نايم لانه كان مبين على وجهه التعب اول ماوصل ..
سلطان سلطان سليطييييييييييييييييييييي ن رد علي وانا اختك امداك تنام وانت توك راقي لغرفتك ..
انتهى سلطان من الحمام وهو يطلع سمع الصوت وارتبك .. لبس روبه وفتح الباب ..
سلطان بربكه. نوال سلامات وش عندك ..؟؟
نوال.. من شوي سلوى كلمتني تقول ان محمد مطيح بنته والحين البنت راسها ينزف وامها بتنهبل الحق خلنا نروح لها
سلطان .. طيب طيب ثواني بس البس لبسي وبأجي والله اخوي محمد ذا يرفع الضغط وصلت فيه المواصيل لهنا ؟؟ بنته..!!والله اللي>>>>>>>> ***وسكت لانه حس نفسه بدا يغلط بالحكي**
لبس لبسه ونوال لبست عبايتها وبسرعه راحوا لبيتهم اخذوا جروح وامها .وراحوا للمستشفى .وهم بالطريق عرفوا من جروح السالفه كامله وكان غيظهم من ابو جروح ماله وصف.
في قسم الطواري..
وفي غرفه الاسعاف ..
الدكتور .. سلامات وش اللي صاير وش اللي وصل البنت لكذا ..
سلطان وهو يناظر في ام جروح ..والله ماادري يادكتور اسأل امها يمكن تفيدك ؟؟ ** فضل سلطان انه يسكت عن الموضوع ويخلي المجال لامها لانه مايدري وش يرد ؟؟
ام جروح بحزن .. البنت كانت بتنزل مع الدرج وماشافت قدامها وطاحت .. وكانت الطيحه على زاويه الدولاب ..هذا اللي صار يادكتور
انصدمت جروح ونوال وانصدم اكثر سلطان على موقف سلوى ماكانوا متوقعين منها هالشي بس حبوا انهم يخبون انصدامهم الى ان تفضى الغرفه..
الدكتور ..لا الف سلامه عليها قدامها العافيه بس الممرضه تغير لها الضماد ولما تنتهي من المغذي تقدرون تتوكلون على الله وان شاء الله مايكون الا الخير ..
**سلطان حب انه يكلم الدكتور على جنب بعيد عن سمع جروح وامها..اخذه عند الباب والدكتور احترم هالشي لانه يعرف ان من حقه يعرف عن المريض.**
سلطان.. وصوره الاشعه الي سويتوها يادكتوروش كان فيها ؟؟
الدكتور .. مااخفيك يا ...؟؟نسيت اسأل عن الاسم ووش قرابتك بالمريضه ..؟؟
سلطان ..معاك سلطان وانا عم البنت ؟
الدكتور .. والنعم فيك ياسلطان ..
سلطان مبتسم.. الله ينعم بحالك.. كمل يادكتور..
الدكتور.. انا مااخفيك يااخ سلطان ان البنت محظوظه هالمره ..لان لو الجرح زاد ملي واحد كان فقدت شي من حواسها خصوصا انه بالقرب من مركز الحواس بالمخ بس ربك اسمه الكريم
سلطان .. الف حمد وشكر يارب .. يعني يادكتور ماعليها خطوره ان شاء الله ..لا الحين ولا في المستقبل ..؟؟
الدكتور..ان شاء الله وربك يسهل تقدر تترخص البنت الحين بعد ماتكمل الغذايه كتعويض عن الدم اللي فقدته بس لازم تنبهوها انها تنتبه لطريقها ثاني مره هههههههه
سلطان ..هههههه ان شاء الله يادكتور يالله سلام
دخل سلطان الغرفه بعد ماتنحنح..ياولد..
نوال .. ادخل ادخل ياخوي ماقدامك احد..
سلطان.. السلام عليكم ..
الكل .. وعليكم السلام..
ام جروح بلهفه.. بشرني وانا اختك وش قال الدكتور ؟؟
سلطان .. قالي خلها تنتبه لطريقها وهي تمشي هههههه ..
جروح.. صحيح يمه ليه غبيتي الحقيقه عن الدكتور كان قلتي لهم عن فعايل ابوي ..؟؟**نزلت دمعتها غصب عليها **
ام جروح والحزن يعتصر قلبها .. غصب علي يايمه .. انتي ماتدرين وش يسوي ابوك لو عرف اني تكلمت؟؟ والله يحرمني منك طول العمر او يعاند ويزيد افعاله وضربه فيك وفيني؟؟.
سلطان بانفعال واضح .. لا الى هنا ماله حق باللي يسويه يازوجة اخوي لكل شي حد..رن جواله>>>>>>>%نواف %يتصل
سلطان طلع من الغرفه وراح يحاكيه برا ..
هلا نواف السلام عليكم ..
نواف ومبين عليه التعب والحزن .. هلا خالي سلطان وعليكم السلام انا وصلت الحين للرياض وانا بطريقي للبيت عسى امي صاحيه مشتاق لها موت
سلطان ..الحمد لله على سلامتك.. انا وامك برا البيت الحين وانت الحين ارتاح ونم ..بكره ان شاء الله بتشوفها وبتشبع من شوفتها هي بعد مشتاقه لك ودايم في طاريك ..
((ماحب سلطان انه يعلم نواف وفضل انه مايسكت لانه يعرف تهور نواف خصوصا اذا سمع بحال جروح غير كذا هو تعبان بعد السفر واللي كان واضح من صوته ))
نواف ..الله يعافيك ياخالي انا باخذ لي شاور وبانتظركم ..عندي موضوع ودي اكلمك فيه
سلطان واللي ماحب انه يطول معاه بالحكي .. اللي تشوفه .. بس ياليت تأجل الموضوع لبكره ..
نواف ..هومايحتمل التأجيل
خاف سلطان من رده لانه كان متخوف من سفرته وكان بينه وبين نفسه يقول الله يستر لاتكون مسوي مصيبه ..
سلطان .. خير وانا خالك ماتقدر تعطيني لو شوي منه .....
نواف والضيقه كبست انفاسه وجلس يصيح .. زميلي اللي سافرت معاه للبحرين صار له حادث وتوفى وابيك تطلع معاي بكره نصلي عليه بعد العصر..
سلطان ..لااله الا الله وانت عسى ماجاك شي ..
نواف .. لا ياخال كان هو طالع لحاله صدم وتوفى بالحال .. وعلى كلام اخوه اللي كلمته يقول انهم بينقلون رفاته بعد ماينهون اجراءاته مع السفاره السعوديه اللي بالبحرين بعدين يجيبونه عن طريق الطياره وبكره الظهر يوصل والصلاه عليه بعد صلاه العصر..
سلطان مندهش ..رفات ..؟؟
نواف .. ايه الله يرحمه مات محترق بسيارته واللي قدروا يجمعونه من رفاته بيرسلونه ..
سلطان متأثر .. ان شاء الله مايكون الا كل خير والله يرحمه رحمه واسعه ويغفر له وموتى المسلمين..
نواف ..يله خال طولت عليم هذا انا وصلت للبيت سلم لي على امي ..
سلطان ..يبلغ ان شاء الله .. في امان الله..وقبل مايتعدى مكانه ويرجع غرفه جروح دق على اخوه محمد لانه كانت واصله معاه منه ومن تصرفه اللي ماعاد ينطاق
رد عليه بكل برود لانه ماكان يدري بالسالفه اصلا .
سلطان .. السلام عليكم .
محمد.. بكل برود هلا سلطان بغيت شي ..
سلطان ماقدر يمسك نفسه ...ياخي والله ان تركيبتك ماادري وشلون ....ترد علي بكل برود و بنتك بالمستشفى بغت تروح بغمضة عين؟؟
محمد انقبض قلبه شوي بس حاول يبين ان الموضوع ولا يهمه.. خير وش اللي صاير..اليوم طالع منهم مافيها الا العافيه..
سلطان ..اي عافيه .. انت خليت فيها عافيه .. تضرب بنتك دون رحمه وتدفها حتى ضرب راسها الدولاب .. بغت تروح مننا البنت وانت ماتدري عن شي..
محمد يحاول يتذكر وش صار مع بنته لاكنه ماقدر يتذكر لانه بذاك الوقت كان معصب ولا يفكر..طيب وش صار بها الحين..
سلطان .. لحقنا عليها الحمد لله .. احمد ربك ان عندك زوجه سترت عليك ولا كان رحت فيها وصارت حياتك بالسجون...
سكر محمد الخط بدون مايكمل سلطان كلامه او حتى يستفسر عن مكان بنته لانه عصب من سلطان وهو بطبعه مايرضى ان احد يبين له عيوبه ..
سلطان يتكلم بعصبيه وهو يناظر بالجوال.. والله لولا انك اخوي الكبير والمفروض علي احترمك والا كان عرفت اتصرف ..مااقول الا صبر جميل والله يصبر هالبنت وامها عليك
.................................................. .................................................. .........................
رجع سلطان للغرفه ..وجلس معهم ..بعد ساعه الا ربع شالوا المغذي عن جروح ولمااطمأنوا على حاله من الدكتور .. اخذها وامها ورجعوهم للبيت .اما ابو جروح قفل جواله وراح لزميله عبد الاله ..يلعب بلوت ويسهر عنده ..كالعاده اللي مر عليها اكثر من ثلاث سنوات ...وبكل قسوة وجبروت وانعدام رحمه منعه كبره انه يسأل عن بنته او يروح يشوف وش فيها..
ا.......
والله وانا اخوك الواحد طفش من هالحياه ... واللي يزيدها هالبنت اللي زادت غرابيلها بعد ماكبرت والله مدري وش الدبره معها ..**كان ابوجروح مايخبي على زميله اي شي كان يعتبره مستودع اسراره .. والملجأ الوحيد اللي عنده يقدر يفضفض عن كل اللي فيه الا هالموقف كان يحس بالفشله فماقدر يعلمه عنها**
عبد الاله .. الله واكبر عليك وانا اخوك بنت كبر النمله تخليك متكدر كذا .. انت ابوها وتقدر تخليها على الصراط المستقيم افا عليك بس..
محمد .. والله اني عجزت معها وكل يوم عن يوم يزيد طول لسانها واللي مقويها امها ذا العقربه ..
عبد الاله.. ياحوووول انت لو ماتجيب طاري حرمتك باليوم يمكن تجيك حساسيه ..
محمد واللي حس بالغيظ .. اقول غير السالفه بس ..
عبدالاله .. الحمد لله والشكر الحين هي سالفتي ولا سالفتك ؟؟... طيب بأغير السالفه الخمس واربعين الف اللي بتردهم لي لك تسع ايام وكل يوم بكره وانا قايل لك اني في حاجتها ضروري .. ومااشوفك سويت شي
محمد حس بالفشله لانه دايم يصرفه ويطلع له حجه.. ياخوي انا قلت لك ان شاء الله كم يوم وأحاول أدبرها>>>>>>> هو حاول كثير مع زوجته الثانيه انها تساعده ولو بجزء قليل من دينه ووعدها انه يرده لها بأقرب فرصه لاكنها رافضه الفكره تماما ..وآخر شي تقول له خل عندك كرامه ولا تطلب من حرمه..
عبدالاله ..وتوك بتدبرها .. ياخوك انا في حاجتها .. قسط المقاول حق بيتي لازم اسدده وهو كل يوم يكلمني يبيها ..وانا مستحي منه..
محمد واللي حس بضيق .. يعني وش تبيني اسوي انت عارف وضعي زين ..وش الدبره قل لي ..؟؟
عبدالاله .. اهااااااااااااااااااااااا ا وش رايك بالحل اللي يريحك من دينك ويطيحه عليك ولا بأعطيك فوق فلوسي فلوس ؟؟
محمد.. تستهبل علي انت ..؟؟ياخوي مانيب ناقصك من شوي جب فلوسي والحين باطيحها منك وباعطيك فوقها ..؟؟
عبدالاله.. يقرب منه اكثر يحاول يقنعه..ولا استهبل ولا شي .. انا عندي لك حل يرضيك ويرضيني يريحك ويسعدني ..؟؟
محمد .. بعصبيه .. ياهووووه اقول ارجوك اخلص علي ؟؟
عبدالاله حب انه ينهي السالفه ابتسم وقال .. بنتك؟؟؟
محمد وعلامات الاستغراب بوجهه .. بنتي خير وش فيها بتني ؟؟ انت وش تلف وتدور عليه.. ارس على بر !!!
عبدالاله .. لا ألف ولا ادور ..بنتك اللي تقول غربلتني ..ابيها والدين اللي عليك مهر لها ولا بزيدك شوي تتجهز لي ماارضى انها تجيني يد من ورا ويد من قدام..
محمد ................
عبدالاله .. هااه وش قلت او شايفني مو مالي عينك ؟؟
محمد...................
عبدالاله .. وراك ماتتكلم من شوي لسانك يلوط اذانك والحين مو قادر ترد علي ..؟؟؟؟
محمد .. بصراحه الموضوع فاجئني ..
عبدالاله .. يعني نقول مبروك ..
محمد منصدم.. وش مبروك الله يهديك ..كل شي بسرعه مايصير بأشوف البنت وامها ..
عبد الاله ..الله واكبر ومن متى صرنا نأخذ شورهم اوكلمتك مو ماشيه بالبيت..؟؟
محمد .. ياهووووه علينا هذا عرس مهب خربطه .. ولا تنسى توني راد ولد اختي يوم جاها وش بقول لهم رديت ولد اختي علشان ازوجها زميلي ؟؟
عبدالاله يحاول يستفزه..وييييييييييييييييي يين الشخصيه؟؟؟؟ووين الهيبه؟؟؟ ولا كل الكلام صار خرطي!!!
محمد واللي وصلت معاه .. شخصيه غصب عنك ..بسسس
عبدالاله ..انت خذ رايها بالموضوع وشف ؟؟ بعدين حط في بالك ان البنت مو صغيره واذا طولت من غير عرس تراها بتعنس وبتقعد في كبدك..
محمد .. خلاص نشوف ..
عبدالاله .. كل ذا ونشوف ؟؟
قطعه محمد .. انا قلت نشوف يله استأذن الحين سلام ..
اخذ شماغه وطلع بسرعه ولسان حاله يقول وش سويت انا ؟؟ البنت بغت تموت بين يديني اليوم والحين بارميها لواحد مايستاهلها ..؟؟


((((دنيا التناقضات )))).

.اب يخلوا من العاطفه تجاه بنته !!هل ممكن يحن عليها ؟؟ويحس باحساس الاب الرحوم اللي يبحث عن مصلحة بنته.. فوق كل اعتبار؟؟

نلتقي قريبا ونشوف تتمه الاحداث

تحياتي للجميع