[فيتامين سي]

((تتمة الجزء السادس))

في بيت هدى ..
اول ماوصل سلطان استقبله الثنائي بكل حفاوه لان كان لخالهم سلطان معزه غريبه .. طبعا الخال مانسى يمر على اقرب سوبر ماركت وجمع لهم ماقدر من حلويات وبساكيت وعصاير ..والاطفال بطبيعتهم لما يتعودون من احد على طبع ماينسونه ابدا ويتعلقون فيه بشكل كبير ..
هدى ماتقصر يااخوي والله هالعيال بيطفرون بك كل مره تشقل لك من هالحلويات الله يغنيك قل اامين ..
عبدالعزيز ..يعني واحنا مالنا من الحب جانب هذاني كل يوم ادخل عليكم بشي ماجاني من هالدعات الزينه ..
سلطان .. الله الله ماقدر انا عالغيره ذي؟؟؟
هدى حمر وجهها وقررت انها تفلت من لسان رجلها واخوها .. اقول انا اقوم اجيب القهوه احسن لي ...
سلطان .. تسلمين لي يااحلى اخت بهالعالم ..
عبدالعزيز حب يناقر سلطان .. الله يحماك لي يااجمل زوجه بهالوجود ..
سلطان .. ياهووووووووووووووه تتغزل باختي كذا اشكره على مايقول الاماراتيه ..
عبدالعزيز ..هههههههههه ياداخل بين البصله وقشرتها
سلطان ..مادام الدعو بصل وقشورخلني اسكت اسلم لي هههههههههههههههه
جابت هدى القهوه والشاهي وحطته لهم وراحت تشوف عياله ومنها حتى ياخذون راحتهم بالسواليف..
عبدالعزيز ..احس بلسانك حكي يااخوي خذ راحتك كلي اذان صاغيه....** مد له فنجال القهوه** تفضل
سلطان اخذ الفنجال .. زاد فضلك ابو راكان ..صدقت انا جايك بموضوع وابي منك فزعه..
عبد العزيز.. ابشر بها وانا اخوك ..
سلطان .. ادري بك قدها وقدود يابو راكان ..
عبدالعزيز .. ماعليك زود
سلطان ..بصراحه الموضوع عن اخوي عبدالله اللي انقطعت عننا اخباره و عاد اتصل فينا ولا جاء من فتره وبيني وبينك انا خايف واحس ان الموضوع فيه ريبه
عبدالعزيز .. ريبه ؟؟ وليه حكمت بهالحكم وش دراك عنه وعلى قولتهم الغايب عذره معاه
سلطان .. مااختلفنا وانا اخوك ..لاكن زيارته الاخيره قبل ثلاث شهور هي اللي خلتني ماانام الليل..
عبدالعزيز .. وضح مافهمت عليك ..
سلطان .. سم ..تذكر العزيمه اللي سواها لنا .. يوم يجمعنا كلنا احنا واخواتي واهل محمد والباقين ..؟؟
عبدالعزيز .. ايه اذكر انه قام بالعزيمه كلها وتكفل بمصاريفها من الى بس الى الحين مافهمت المقصود ؟؟
سلطان .. بعد ماطلعتوا وطلعوا كل اللي كانوا عندنا بالبيت كنت بغرفتي بانام ..طق علي الباب بحجة انه مافيه نوم ووده يسولف يبي يعلمني انه بيمشي لجده مع زملاه..المهم انه دخل وجلس يسولف لي عن نفسه واحلامه وطموحه ورغبته بالجهاد وحال العراق وافغانستان وحال الامه وووووو..انا كنت منبهر بطريقه كلامه كان متحمس للموضوع وكان يتعمق بمواضيع ماتنقال .. انا حاولت فيه انه يغيرمن فكره وانه مستحيل يصلح هالكون .. لاكنه رد علي اذا لا انت ولا غيرك مادافعتوا عن دينكم فانكم تعتبرون من المؤيدين للضلال والفساد المنتشر بالبلاد.. اول ماقالي هالكلام انفعلت عليه وقلت له لاتكون من اصحاب الفكر الضال اللي انتشروا في بلدنا مثل النار في الهشيم .. تنرفز بعدها وقال انه غلطان يفتح مواضيع معاي وطلع ..
عبدالعزيز .. لاحول ولا قوة الا بالله ..
سلطان ..قمت من بكره وعرفت انه شال شنطته وراح قبل مانقوم واذكر اني لقيت ورقه على مكتبي مكتوب فيها .. ان مضطر يمشي قبل مانقوم وانه يعتذر انه ماودعنا وانهى كلامه بانه يوصيني اضحي له ولامي وبوي كل سنه واني ادعي له ولا انساه ...
عبدالعزيز.. فيه احد يدري بالموضوع غيري ..
سلطان لا ليه؟؟
عبدالعزيز .. بصراحه افضل انك تسكت عن الموضوع لين نشوف له حل لاني مو مطمئن بصراحه .. بعدين تقول بعدها ماكلمكم ابدا؟
سلطان..الا هي مره وحد بس وكانت قبل اربع اسابيع وحتى اذكرنواف قال ان عبدالله دق وكأنه مستعجل يسأل عننا وسكر بسرعه..
عبدالعزيز..عبدالله من عرفته وهو غامض .. بس مااتوقع توصل فيه انه يسوي اللي ببالك ابدا ..
سلطان .. وهذا اللي من جد اتمناه ..كل يوم يعدي اقول لازم اروح ابلغ الجهات الامنيه علشان تساعدني بالموضوع لاكني دايما مااتردد!!
عبدالعزيز .. لا لا تبلغ اول شي نحاول نعرف المقربين له واللي كان على اتصال هم نسألهم متى ااخر مره سمعوا عنه او شافوه ..ونحاول بنفس الوقت نعرف الاماكن اللي كان يتردد عليها وان شاء الله مايكون الا كل خير ..
سلطان .. اللهم اامين..والله انه حمل شايله بصدري مدري متى بتنفرج؟؟

عبدالعزيز..لاتحاتي وانا اخوك انا معاك لو تبي من بكره نطلع ونسأل ونشوف ؟؟
سلطان .. لا ماتقصر انا باتولى الامر بنفسي وانت خلك مرتاح وبنفس الوقت علشان ماتحس اختي هدى بشي
عبدالعزيز ..اللي تشوفه المهم انا جاهز لك بأي وقت تبغاه..
سلطان ..ماتقصر وانا اخوك هذا العشم بك ..** جلس يناظر الساعه ** يله الحين استأذن ..
عبدالعزيز .. ياساتر عليك على طول تمشي مافيه مقدمات؟؟؟؟وبعدين تبي اختك تفضحنا ..اقعد وتعشى معنا ..؟؟
سلطان .. لا وانا اخوك وش عشاه والله اني مشغول لراسي ..باطلع للمحل.احنا باخر الشهر لازم اروح اتابع جرد المحل مع العمال واجهز رواتبهم .
عبدالعزيز ..على راحتك والله يعيني على لسان اختك الحين ..
سلطان وهو يضحك .. قبل ساعه كانت حبيبه ..ومافيه مثلها بالوجود .. وش اللي تغير؟؟ ياقيس ابن الملوح
عبدالعزيز هههههههههههه وش قيس ابن الملوح.. قل "" التــــيــس الملوح"" يمكن تركب علي ..
سلطان ضحك على طريقته بالحكي وهو يستهبل .. والله اختي صايره قصاب مهيب عاقله هههههههههه بأروح لا تقصبني بعد انا ههههههههه.. سلم لي عليها اخاف ادخل عليها وتزن علي اقعد اقعد ..
عبدالعزيز ..يبلغ ان شاء الله وانت لاتنسى تبلغني باللي يستجد معاك بالموضوع..
سلطان.. صار ان شاء الله في امــان الله
عبدالعزيز .. في امــــــــــــــان الله..
.................................................. .................................................. ..................................
(((((((((((((((((((((((((((((((((((((الجزء السابع)))))))))))))))))))))))))))))))))
طلع ابو جروح لبيته الثاني وكالعاده البيت ماكان فيه احد ..يعني بعكس بيت ام جروح اللي ماكان يجي للبيت ابدا ويلقاها برا ..وشتااااااااااااااااان بين البيتين ....ركن سيارته البي ام دابليواللي اعطته له زوجته قبل كم شهر %.مو لسواد عيونه على قولتها % بس لانها كانت تحرص على المظاهر وتبغى زوجها يكون واجهه اذا قابل احد من معارفها او راح لشركتها.. مر بالحديقه الي كانت مصممه بدقه كبيره.. الخضره كانت تكسي المكان غيرالنوافير والشلالات اللي اعطت المكان جمال ثاني ..
بعدهادخل القصر اللي يتميز بمساحته الكبيره اضافه لفخامة البناء..كان بيت** ليلى **ان صح التعبير يمتاز بالدقه في اختيار الاثاث واللي كان بعضه من دبي ومصر والاردن..غير المقتنيات الصغيره اللي تختارها من المعارض اللي تقام في دول اوروبا وامريكا لانها تحرص دايم انها تحضرها ..
..ليلى ** ام الوليد** ومثل ماقلت قبل من طبقه راقيه وغنيه جدا جدا .. كل معارفها واقاربها من ذوي السلطه والنفوذ تجاريا واداريا .. هذا غير ابوها اللي كان في شبابه وقوته يملك اكثرمن نص السوق اسهم وتجاره .. كان يسمونه الحوت الكبير .. لاكنه بعد ماتعب في ااخر عمره و بعد ماجمع الاموال اللي ماتاكلها النيران..وزعها على عياله قبل مايموت ولذلك كان نصيب ليلي نصيب الاسد ... كان محمد *ابوجروح** على معرفه بالجد **ابوليلى**وعياله من خلال السوق والجد كان يعرف ذكاء محمد ونفوذه بالسوق لذلك قرر انه يزوجه بنته اللي ترملت بعد زواجها الاول هو حب انه يستفيد منه بادارة املاك بنته...علشان كذا وافق يتزوجها على الفور ..حتى انه استقال من وظيفته ومركزه العالي لانه يظن ان الملايين بتكون من نصيبه مادرى ان اللي بيتزوجها اذكى منه واللي كانت تصرف عليه شهريا راتب مثل اي موظف في شركتها .. كان محمد ماسك الشغل الاداري بس بالواجهه اما التواقيع واصدارالاوامر كلها ياخذها من زوجته وهولا يهش ولا ينش.. ماله اي دور .. ولولا العيب والعادات والتقاليد كان مسكت امور الشركه واستغنت عنه نهائيا .لذلك.كان محمد يشعر بالنقص الشديد والضعف لاكنه مجبور يسكت ولا يتكلم لانها المصدر الوحيد ماديا واللي كان يصرف به على ام جروح وبنتها ...
اما بالنسبه لعلاقته مع عياله الوليد وعهود والعنود فكانت سطحيه مررررررررررره .. العيال ماكانوا يحترمون ابوهم بالعكس كان لسانهم يطول دايم عليه لان امهم كانت مثلهم ماتحترمه ابدا ودايم ماتهينه قدامهم وتقويهم عليه لحد ماراحت شخصيته وهيبته ...علشان كذا كان يطلع قوته على الضعيفه جروح..!!
في الصاله...
كوماري .. هاي سير ...مدام طلع مع مس أنود وأهود ويقول لو سير يجي خلي يروح مكتب علشان يجيب ورقه هناك زروري ..

محمد وهو يتحلطم.. والله صاير لها سواق هالحرمه حتى الشغالات محرضتهم علي..
كوماري .. ايوا سير انتا في كلام ؟؟
محمد وهو معصب ..لاخلاص اقلبي وجهك الحين ..راحت كوماري الضعيفه وهي ماتدري وش قال للمطبخ ...
محمد.. والله الواحد مايرتاح في هالبيت ابد.. طلعات ودخلات لاحسيب ولا رقيب عيال مايحترمون ..وام مثل عدمها.. الله ماادري وش اسوي بعمري مع هالمره اللي ماتعدني الا طرطور ..
طلع للمكتب حسب التعليمات ولما رجع كانت ليلى وبناتها واصلين من فتره ...الام كانت بغرفتها اما البنات فكانوا بالصاله وحده ماسكه التيلفون تهذر مع زميلتها عن الاكاديميه والثانيه فاتحه على قناه الاغاني على العالي وجالسه تترقص ..دخل عليهم ابوهم فجأه..
محمد .. قصروا عليه قصر حسك كل هذا صقه .. سمعتي الجيران لا بارك الله فيك..
طلعت ليلى على صراخ رجلها لانها ماترضى عليهم ..وهي لابسه الشورت مع التوب الابيض والسليبرس الفرو الابيض ..
هييييييييييييييييه ...هييييييييييييه انت خير وش عندك داخل علينا ولسانك يلوط اذانك.
محمد .. والله ماحاس هالبنات وخربهم غيرك .. لا تربيه ولا اخلاق كل بنت تسرح وتمرح على كيفها لاحسيب ولا رقيب.. وبعدين انتي ماتملين من هالطلعات اللي مالها سنع ماعمري جيت البيت ولقيتكم فيه ....
ليلى.وهي تصفق له استهتار. الله الله براافو عليك .. من متى تحاسبني على طلعاتي ودخلاتي اشوفها طالت وشمخت .. لايكون انت مصدق نفسك انك ولي علينا ..
محمد ..ولي امرك غصب عليك وش عادتني هنا طرطور ومالي كلمه؟؟ ..
ليلي وهي تضحك بطريقه مستفزه حتى انها التفتت على بناتها اللي ضحكوا معها ..سمعتوا ااخر صرعه في التخلف هههههههههههههه اقول رح هناك لا اشوفك وان سمعت لك حس ترى ياااااااااااويلك!!!
محمد .. ضحكتي من سرك قولي اامين انا تارك لك البيت باللي فيه ..
ليلى .. رح لاحضان حبيبة القلب كفوك تأمر عليها مثل ماتبي اما انا وبناتي تبطي عليك ...
العنود .. يمه تكفين لاتجيبين هالطاري ترا فيني حساسيه اذا سمعت عنهم يبدا جسمي يحكني ههههههههههههه
عهود .. لا انا عااااااااااااد اذا سمعت طاريهم يبدا بطني يمغصصصصصصصصصصصني واحس بغثيان ماتتصورين وشلون؟؟ خخخخخخخخخ
محمد .. شب ولا كلمه انتي واياها هذولا اهلكم منكم وفيكم بس وش اقول غير ..........عطاهم ظهره وطلع وصقع الباب وراه..
ليلى ..روحه بلا رده هذا اللي كان ناقصني.. اقول حطي بس على قناة الافلام بيجي فلم الحين لبروس ويليس ..وانتي عهود دقي على السواق يروح يجيب لنا عشا لاني مالي خلق اطلع للمطعم ..
عهود .. لااااااااااااااااااااااا ماااااااااااااااااااااااا ااامي ماابي ابغى اروح للمطعم انا مواعد صحبااااااااااااااااااتي بعد ساعه لان اليوم عيد ميلاد فوفو ولا نسيتي ....؟؟؟
ليلى .. يوه ياماما نسيت.. خلاص شوفي العنود اذا بتطلع معاك ..؟؟ انا ماالي بالطلعه اليوم؟؟
العنود .. نو ماما انا تعباااااااااااانه ابي انام ..

عهود تطلع لسانها..احسن انا ماابيك تروحين معاااااااااي ... بأطلع اوسع صدري وانتي خليك هنا .. ونادت على كوماري علشان تقول للسواق يحضر السياره
بعدها بشوي نزلت وهي متشيكه ومتأنقه ومتمكيجه على ااخر شي وريحه العطر تسبقها ..كانت ليلى منسجمه بالفلم وبيدها كاس العصير ..
ماما انا بأطلع الحين تبين شي..؟؟؟
ليلى .. لا حبيبتي مابي شي بس انتبهي على عمرك ولا تتأخرين...؟؟
عهود .. اوكي مام .. سي يوووووو..
وطلعت على طول وهي مبسوطه على الاخر.. الام رجعت تكمل الفلم اما العنود دخلت الغرفه وقعدت ساعتين تكلم حبيب القلب بالجوال بدوووووووووووووووووون حسيب ولا رقيب >>>>>> اللي يقولون عليها حريه !!!!!!!!!!!!

.................................................. ...............................
ومع الصباح الباكرجروح اتجهت للجامعه وهي مستضيقه وشايله هموم الدنيا على راسها .. رغم انها كانت تشوف ان الجامعه هو المكان الوحيد اللي تنفس فيه عن روحها..

في كافتيريا الجـــــــــــــــامعه....
ساره ... اعرفك زين ياجروح بتغبين علي وانا اللي عاجنتك وخابزتك ويمكن بعد انا اللي اكلك لو تحبين !!!!!
جروح ..ههههههههه والله مافيه بها الدنيا يوسع صدري غيرك.. الله لا يحرمني منك يااعز صديقه بهالوجود..
سارا ..ايه هين لو اني الغاليه كان تكونين اول الحاضرين لعرسي مو اعطيك البطاقه وتقولين عطيها غيري مااقدرعلى الاقل جامليني وخذيها ولو وصلتي بيتك احرقيها ..
جروح..الله عليك ياسارونه يعني لازم اعيد وازيد وانتي اكثر وحد عارفه ظروف بيتي وابوي وقشارته.. اذا ذاك اليوم هزئك يوم دقيتي وشلون لو اقوله بأحضر عرسها..
سارا.. يووووووه على ذاك اليوم والله بغت تعلق بيننا اقوله ابيها ضروري مسألة حياة وموت يقولي عساك الموت صدق ..بغيت ادخل عليه من السماعه واوريه شغل الله ..
جروح ..هههههههه ابوي واعرفه الجوال مانعني عنه يقول البنات ماينوثق فيهم وبنات اليوم وبنات اليوم .. فيه عقده من هالبنات ويحط الحره فيني ..
سارا وهي تناظرفجأه على فوق وتصرخ.. طارت طارت ..
جروح قمزت من كرسيها راح تفكيرها لشي ثاني..وش اللي طار وينه وين ..؟؟؟
سارا.. حسناتي راحت لابوك مالت عليه كأنه كفو ..
جروح رمت عليها شنطتها من القهر.. عما يالشينه طار عقلي بسم الله قلت ديناصوردخل علينا على هالزعقه..
سارا ..خخخخخخخخخخ والله توني ادري ان الديناصورات تطير ...خخخخخخخخ
جروح .. تسوي نفسها زعلانه لفت وجهها للجهه الثانيه ..اقول روحي هناك بغا يطير عقلي وانتي تمزحين ..
سارا وهي ميييته من الضحك ودموعها اربع اربع... والله انتي بعد اجل الديناصورات تطير وبعدين الديناصورات وش بيجيبها الكافيتيريا..اخبرها ماتروح الا عند العميده طوالي خخخخخخخخخخ
ضحكت جروح على خفة دم سارا ..اقول قومي اشتري فطور لي تراني جايعه ماافطرت تأخرت على الباص راحت علي وامي نومه وماامداني افطر..
سارا .. وش المقابل تعرفيني انا انسانه كاش وعلى بلاطه وبنت اجاويد وعلى باب الله والبنزين خلص والعيال بالسياره وانا ...
جروح .. انتي متى بتتركين شغل الطراره ..والله لو يدري عنك زوجك كان يصرف نظر ...
سارا.. إلا ملوكي عمري وحبيبي وحياتي ونظر عيني مايستغني عني ..
جروح .. خلااااااااااص خلاااااااص اكلتيني بقشوري... خلي ملوكك لك...... قومي يله جيبي لي فطور ومعها اكبر غرشة مويه نشفتي لي ريقي ..
سارا تمد يدها..فلوسك ؟؟
جروح ..نو نو نو بتباشرين اليوم علي ..
سارا .. وهي تهز مصري .. هوا انا خلفتك ونسيتك ياحبيبتشي ..اقول هاتي الموني...
جروح .. الا متى وانتي بتبربرين .. انا بأروح اشتري هونت ماعاد ابي شي يمه منك ..بتبدأ المحاضره وهي تترقص..
سارا .. خلاص واحد كتكات وبيبسي يكون دايت تعرفيني اسوي رجيم هالايام ولاتنسين الصبه وبسكوت ديمه لايكون فانيلا جيبي برتقال .. انا ماابي اكثر اليوم اكل علشان مااخرب الحميه
جروح ..هههههههههههههههههههههههه هههه طيب وش رايك لو تهضمين بصحن فول وكاس لبن ؟؟
سارا..خلاص افكر انقنق عليها بالمحاضره ...
جروح .. خليني اروح احسن لي قبل لا استخف ..
وراحت جروح للكافيتيريا وجابت الفطور وافطروا ...وبعدها دخلوا المحاضره ..
وفي غرفه المحاضرات..
شوفي وشلون لينا تناظرك من فوق لتحت ..
جروح وكانها غير مباليه بالموضوع .. وش الجديد؟؟
سارا..يابرودك ياختي قومي عطيها بقس يطير هالجسر اللي حاطته في خشتها تقول كبري مشاه في طريق الملك فهد كل يوم جايتنا بلون يااحمر يااصفر يافسفوري........
جروح..وهي تحاول تتابع مع دكتور الشبكه..اتركيها بحالها البنت ماجاء منها شي ليش احرق رزي معاها خليها تناظر لين تشبع..
سارا .. جعلها الماحي اللي يمحاها قاهرتني هي وهاللي معلقته على رقبتها كأنا من بقر الهند..
جروح..طارت طارت ..
سارا.وهي تضحك بصوت عالي ..الديناصورات...؟؟؟ خخخخخخخخخخخ
قامت المشرفه اللي كانت تراقب عليهم وناظرت سارا بذيك النظرات اللي خلتها ترجف بمكانها ..
المشرفه .. اسمك بسرعه وين انتي قاعده بمجلس اهلك.
سارا نزلت راسها خايفه ..ووجهها انقلب زي الطماطه ...سارا علي ناصر
اخذت المشرفه اسمها وكتبته وقالت .. يصير خير يابنت علي خلي ضحكك ينفعك اذا جيتيني بنهاية السنه تترجيني على درجه ...
سارا .. والله ااسفه ماكان قصدي ..
المشرفه طنشتها ورجعت لمكانها ..
سارا ..والله اللي رحت فيها ..
جروح .. وحده بوحده يالشينه بغيتي تطيرين عقلي بالكافيتيريا وجاك من يطير درجاتك
سارا ..شت اب ..اوريك بس خليني اعرس يالدبه لاوريك شغل الله
جروح ..خخخخخخخخخ شكل هالمشرفه طيرت مخك؟؟؟ انلحستي جد ..
سارا .. على حلاوه ...اششششش ...لا تجي هالوحش المفترس وتشوتني مع الباب شوفيها تخزني من بعيد ..
جروح ..خلاص بأسكت شوفيها تطالعني انابعد لايلحقني الدور ..
سارا الصديقه الوحيده اللي كانت قريبه لجروح تتميز بخفه دمها مع الجميع انسانه فرفوشه وبسيطه وفيها طيبة قلب عجيبه واللي بقلبها على لسانها ماتحب احد يزعل منها وهي اللي دايم مع صديقتها جروح بالحلوه والمره.. التقت معاهافي مرحلة المتوسطه واستمروا مع بعض باقي المراحل ..حتى بالجامعه كان حظهم حلواجتمعوا بقسم واحد وهو قسم اللغه الانجليزيه.. كانت سارا تتعاطف مع زميلتها دايم وترحمهاعلى وضعها المأساوي بالبيت..سرهم واحد ولايخبون عن بعض اي شي مهما كان ..علاقتهم هذي اقتصرت على الفتره الصباحيه فقط اما الاتصالات فكانت محدوده في اوقات يكون ابو جروح برا البيت .. كانت ام جروح تعرف عن سارا واهلها وكثير ماكانت تشكرها على وقوفها بجنب بنتها..انخطبت سارا لولد عم امها عبد الملك وزواجها تحدد في بداية الاجازه الصيفيه .. كانت تتمنى ان صديقتها هي اللي تزفها بيوم عرسها لاكنها تعرف ظروفها زين وماتبي تحرجها ...



شفنا الصداقه اللي بين جروح وسارا اللي كانت مررررررررررررره قويه ...هل تتوقعون ينكتب لها الاستمراريه ..؟؟؟؟؟؟؟؟
.................................................. .................................................. .................................................. .................................................. .................................................. .........

مرت اسابيع على وفاة ناصر والحزن مازال مخيم على نفسية نواف ماقدر ينسى الموقف اللي كان بينهم .. كان بوقت يلوم نفسه .. وبوقت يحمد ربه على ان عطاه فرصه ثانيه يصحح اللي بينه وبين ربه وبين امه او اي احد غلط عليه بيوم ..باشر نواف دوامه بالعمل بانتظام غير ماكان عليه وضعه بالسابق هالشي لفت نظر رؤسائه بالعمل اللي كثير ماكاوا يثنون عليه ويشجعونه يستمر على هالمنوال ...
امـــــــــــــا في البيت....
كانت نوال **ام نواف** ملاحظه هالشي على ولدها ومرات كثيره كانت تناقش الموضوع مع اخوها سلطان اللي بدوره كان يحاول يهديها ويصبرها ..
يابنت الحلال والله انك مبالغه بالحكي ’’اليوم ماتغدا’’..’’ امس رجع وماتكلم معاي ’’..’’وقبل اسبوع ماكمل فطوره’’..تراك يانوال ومن غير قصد تبعدينه عنك.. تراقبينه بكل تحركاته.. خليه في حاله هو من نفسه بيرجع طبيعي وأحسن بمليون مره من اول ..لاتنسين هو رجال طول وعرض وشوره بعقله ماأحد يحكمه’ حاولي تخففين عنه المراقبه شوي..
نوال وبنبره من الحزن ..غريزة الام لاتلومني عليها.... انا حاسه ان ولدي فيه شي ونفسي اعرف كيف اطلعه من اللي هو فيه.
سلطان ..والله الموضوع مايستاهل ..الولد متأثر انه فقد زميله .. كانوا مع بعض وبيوم وليله يقولون متوفي ..يعني هالشي اكيد بيكون له تأثير على نفسيته..
نوال بعجله..طيب وش رايك نزوجه؟؟
سلطان ..بسم الله عليك ...والزواج شاورما من مطعم الله يهديك؟؟؟ يعني يبي لنا ندورله على عروس وقبل كذا احنا ماندري اذا هو يفكر بالموضوع من الاساس ولا لا ؟؟
سكتت نوال ماعاد قدرت تعلق على كلامه..وبنفس الوقت نزل نواف من غرفته كان ناوي يطلع ..
نواف ..سلام ..
ام نواف وسلطان .. وعليكم السلام هلا..
نواف ..انا طالع تبون شي ..
ام نواف .. وين طالع يايمه شكلك تعبان لاترهق نفسك ؟؟
رد سلطان بسرعه وهو يناظر في نوال ..لا مانبي شي رح بس ووسع صدرك وماعليك من شي ..
نوال جلست تبحلق في سلطان ولا قدرت تتكلم ..
نواف ..اجل انا بأطلع واحاول مااتأخر في امان الله..
طلع نواف من البيت ..وكان مبين عليه حزن وكآبه شديده..
التفت سلطان لاخته وهو مغتاض .. محاضره ساعه الله يهديك وترجعين تحققين معاه؟؟
نواال كانت زعلانه .. ماقدرت لاتلومني ..
سلطان .. انا ماالومك بس والله اني اتكلم من مصلحتك ..الشباب كذا مايحبون احد يحكمهم ويراقبهم..ولدك يمر بشده يعني لازم نوقف جنبه ولا نخليه ينتكس ويرجع مثل اول..ترا إذا فات الفوت ماينفع الصوت..
نوال واللي كأنها اقتنعت بكلامه.. الله لايقوله انا ماصدقت يرجع لي حرام عليك ..مااقول إلا الله يمضي هالحال على خير..
سلطان وهو يقلد الصعايده بكلامه ..ايييييييييوه خليكي جدعه امااااااااااااااااااااااا ااااال دا انتي نشفتي لي ريقي ..
نوال وهي تضحك .. معليش يااخوي غربلنااك معانا ..والله مدري بدونك وش بأسوي ..
سلطان .. بدت الحلقه الأخيره اشوف .. الله يهديك انا قايل لك الكلام ذا تقولينه لواحد غيري إلا اذا تعتبريني اجنبي عنكم ..
نوال .. لا والله العذر والسموحه.. ماقصدت هالشي..
سلطان اجل هالكلام ماعااااااااااااد ابي اسمعه .. انا بأروح لسوق الخضره بأجيب المقاضي اللي كاتبتها قبل كم يوم والله توني افضى لها..
نوال .. ماجا منك قصور خذ راحتك والله يخلف عليك ان شاء الله ..
سلطان .. اامين ...تبين شي غيره اجيبه..
نوال ... سلامتك ..
الله يسلمك اجل في امان الله..
طلع سلطان وبالصدفه شاف روان للمره الثانيه لاكن هالمره (((غيييييييييييييييييييييي� �ييييييييييييييييييييييي ييييييييييييييير))) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟..


وش تتوقعون بيكون التغيير هالمره

تحياتي لكم