[Hiba Ab]

السلام عليكم، أنا من فترة لقيت الرواية وبلشت أقرأها واليم وصلت للفصل الأربعين، بس عندي أكم من ملاحظة،،
1- القصة رائعة رائعة رائعة ومع انو في مبالغة كبيرة بكمية الحزن الي بعاني منها الأبطال بس ما منقدر ننكر انو في كتير فئات من المجتمع عندها نفس المشاكل،، سواء مشكلة صبا وأهلها الي بضغطوا عليها لتتزوج،، سواء خالد والضغط عليه بس مشان يصير عندو لد،، كمان نورة والمعاناة الي عانتها في كتير بنات بفكروا متلها وبأمنوا للشخص الي بحبوه بيطلع بالآخر ندل والشي الوحيد الي بهتم فيه هو الجنس، So كنتي موفقة جدا باختيار قصة بتمس الواقع بكتير شغلات.
2- ملاحظتي التانية بالنسبة لمحمود وحور،، معقول بعد 3 سنين زواج وهي بتعطيه حبها واهتمامها بدل ما يبطل البرود الي فيه، هي تاخد من بروده؟ اتقي الله! من عاشر قوما 40 يوما صار منهم، مستحيل انو هالزواج ما غيّر فيه اشي،، مستحيل رجل ما يطلع ع زوجتو بنظرة تتعدى نظرتو لبنت طفولية، أنا اتوقعت انو العلاقة بينهم رح تتطور وتتحسن بس مش شايفة هالشي!
3- ملاحظتي التالتة بالنسبة لطريقتك في الكتابة، بصراحة متل ما قلتلك القصة رائعة ومشوقة وجذابة، تسلسل الأحداث ممتاز ومنطقي بس المشكلة موجودة بالكتابة، مع احترامي بس حسيت طريقة الكتابة ركيكة وبحاجة كبيرة لعملية تحرير وخصوصا من ناحية استعمال الضمائر متل "ذاك، تلك، ذلك الآخر، كانت هي بينما الآخر" ، كثرة استخدام هاي الضمائر بتنفّـر الشخص من القراءة، وكوجهة نظر شخصية لو ما كانت قصة الرواية حلوة ما كنت رح أكمل لاني انزعجت من طريقة الكتابة.
آخر ملاحظة مو سلبية ولا إيجابية بس إنو مع إني ما بفهم كتير كلمات من لهجتكم بس عجبتني كتير وبالبيت صرت أحاكيهم باللهجة السعودية وهمي مش فاهميين علي hehehehehe
بالنهاية الله يعطيكي ألف عافية ويا ريت تاخدي بملاحظاتي كوجهة نظر بدون أي حقد P: متشوقة لمعرفة بقية التفاصيل وخصوصا لحظة لمن يعرب يسار بكلللل الي صار لنورة وشو مبرراتها لحتى اتصرفت بهاي الطريقة،، إلى الأمام