[فيتامين سي]

*~ .. الفصــل الــ خ ـــآمس .. ~*
.. و الاوضااع مشحوونه عند زايد و مياري ..

زايد بصوت عالي و فايده الفون : يالصاايعه يالحقييره و مسوتلي فيها شريفه قولي من هذا لا اكسر راااسج الحين

ميراااني ارتبكت من صريخه و الناااس كلهم تجمعوو عليهم قالت بصوت واطي بس فيه كل العصبيه : أووص لا تكمل أنا شريفه و اشرف منك و من طواايفك يالشيخ

زايد تم يصاارخ : لا تكذبين لا تكذبين أنا كشفت كل شي و عرفت كــ ....

هني قاطعووه البنات و سارووه قربت صوبه

سااروه بصوت خفيف : زاايد زايد هدي النااس بدت تتشمت فينا تفاااهمو فالبيت

زايد لف صوب تجمع النااس و قال بعصبيه : نعم فيه شي يلا كل وااحد على شغله
و لف صوب البنات : انقلعن لا بارك الله فيكم يلا

هني البنات كلهم تجدموهم و تمو يمشون بسرعه صوب الباركنات

و ميراني تمشي و تحاول تمسك دمعتها

% ميراني %
" لا مابا اضعف مابا اضعف مب انا اللي اضعف .. الله يسامحك يا زايد لا حشمتني و لا حشمت اني حرمتك .. الحين انا صايعه و حقيره .. بس ما عليه انا برااويه من ميرووه "

% زايد %
" لا لا يعني انا طول المده مخدووع فيها لا مستحييل ما عليه انا البنت بطلقها مب مستعد اخذ وحده ما حشمت هلها و راحت تصييع و ترمس شباب .. لا و بعد تقولهم اسمها "

% شماني %
" أميييه ياا ويلي يا وييلي اكيد بيعق كل حرته عليه فالبيت .. كله منج يا عووويش حرااام عليج خربتي بيتهم اكييد سوت اللي تباه .. الله يهديج "

نرد حق عوااش و محمد

عويش أول ما شافت الموقف ابتسمت بخبث و استانست مووت

محمد : أفففف فكه ما يغت ترووح
عوييش : محمد انا بروح الحمام " أكرمكم الله " و برد أوكي
محمد : اترياااج

و راحت صوب الحمام "اكرمكم الله " و علطول دقت حق علي

عويش : فديتك فديتك فديتك ما تقصر
علي شاف عمره : أفا عليج كل شي لعيوونج بسويه
عويش : تسلم حبيبي
علي : عاد يالله ابا الجايزه
عويش : بدون لا تقول مواافقه
علي : أمممممممـ أبا اشووفج
عويش : بس جي من عيووني
علي : فدييت عيونج انا
عويش :يلا عيل بخليك علاوي
علي : فدااعه الرحمن حياتي
عويش : مع السلامه

و سكرت منه و هي مستاانسه

" و اخيرا و اخييرا زايد بيكون لي "


.. نرد حق داار الغرب .. أمريكا ..

بس في بيت مهاااو

بنتعرف على عايله مها

أبو مهاا : جاسم رجل اعماال عوود و له كلمه مسمووعه .. فري يعني و يتنقل من بنت لبنت فاامريكا بس يحب مهااا واايد و يدلعها كل ما يشووفها لان هوو نادر يشوفها بسبب شغله و البنات

أم مهاا : جيني .. أمريكيه عاايشه حياتها فري و ما تهتم واايد بعياالها يعني حياتها و بس متبعه سياسه ... نفسي نفسي ....

مطر : عمره 25 ريااال خربااان و عاايش حياته فاامريكا صاايع و رااعي بنات و سكيييير و ياخذ من صفات امه

مهاا : 20 سنه امممـ ما اثرت فيها امريكا و لا هم يحزنون مع انه محد ربااها بس هي بعدها محاافظه على عمرها لانها ثقفت عمرها من نااحيه الاسلاام و الصلاه وغيره و قرت كتب و ساعدها ابوها لان امها مسيحيه و ما تعرف شي و هي ما جربت حد يعلمها خصوصا انها راابيه فامريكا و عندها جواز امريكي

ردت مهااو البيت و هي مستانسه و لقت امها ترمس فالتلفون مع ربيعاتها


مها : hi mom " أهلا امي "
أم مهاا : hi baby " أهلا طفلتي "

و رقت فوق صوب غرفه ابووها عسى تلاقيه و صدق لقته

مها و هي تنقز عداله : باباتي
أبو مها : هلا بنتي هلا دلوعتي شحالج اليوم ؟
مها : و الله مستانسه واايد بابا اليوم شفت سيف اللي خبرتك عنه قبل
أبو مها : هي ذكرته أخباره
مها : و الله تمام .. هي صح نسيت أقولك بنرووح رحله حق امريكا الشماليه عقب كم يوم
أبو مها و هو يعطيها فلوس : استانسي هناك يا بنتي و لا تقصرين على عمرج بشي
مها و هي تحب راسه : علني ما خلا منك بابا

وطلعت و لقت فويها أخوها مطر و علطول قفت عنه و سرعت صوب غرفتها

مطر و هو يربع ورااها و يمسكها
:صبري شوي

مها و هي تبعد يده بتقزز : بلييز مطر بعد عني

مطر : لا اله الا الله الحين انتي بتكملين اسبووعين مب مكلمتني عشان شي ما يسوى

مهااا بصراااخ : شي ما يسوى " و تطيح دمعتها " انت ما تحس هذا شي ما يسوى ما تعرف شعوري و انا اقى اخوي عزوتي اللي المفروض يحافظ علي و على سمعتي يحااول يعتدي علي

مطر تنرفز بس صدق كسرت خاطره : بس انا ما كنت في وعيي انتي تعرفين اني كنت سكران

مها و دموعها تطيح أربع اربع : لا لا يا مطر مب اول مره تسويها و انت شارب هالسقم انا ما قووول الا الله يساامحك الله يساامحك يا مطر

و ربعت صوب غرفتها و هي تصييح دم

أصعب شعوور تحس فيه البنت يوم تشوف اخوها عزوتها سكران
أصعب شعور يوم تشووف ابووها يرمس بنات و يتغزل فيهن قدامها
أصعب شعور و هي تشوف امها تطلع مع ربعها و ربيعاتها و لا فكرت تطلع معاها
أصعب شعور يوم تشوف امك و ابوك متزوجين بس و لا كانهم متزوجين كل واحد في عالم
أصعب شعور يوم تعرف انه اخووك ضاايع فالدنيا و انت تصفق يدينك
آصعب شعور يوم تشوف اخووها يحاول يعتدي عليها

آآآآآآآآآآآآآآه يالدنيا لين مى لين متى بتم ضاايعه بدون حد يواسيني و افتخر فيه

متى بس متى

و قربت صوب سيادتها و فتحتها ثم يلست فووقها و يابت القرآآن و تمت تقراااه لي ما حست عمرها ارتااحت سكرت القراان و راحت ترقد

هذي حالتها و هذي حيااتها كل ما تحس عمرها متدمره ما تلقى غير القران و السياده يواسونها فحزنها تشكي و تشكي لربها ترا الشكوى لغير الله مذله

ياربي اشكيلك بحالي...شكوى لغير الله مذله
::
لو مر وقت(ن)ما صفالي...محد(ن)بيسعفني سوى الله
::
يا ربي يا اتعبني سؤالي...يا عالم (ن) بالامر كله

... عند مياري و زايد ..

وصلهم للبيت و هو مااسك عمره

و اول ما نزلوو راح صوب ميراني و مطهامن يدها و رااح صوب الصاله و سكره الباب

ميراني و هي تتالم من مسكه يده بس ما يوصل جرح قلبها : آآآآي خلني يالحماار ودرني
زايد و هو يشد على يدهاا و يفرها عالارض : جب يالحقيييييره هي اكيد بتشوفيني حمار و هالصيع يترسوون عينج صح
ميراني يت تبا ترد عليه بس مسكت عمرها
زايد و هو يقرب صوبها و بصراااخ : قوووليي قووولي من هذا اللي ترمسينه .. رمسسي

ميراني و هي تنش بقووه مب طبيعيه و قالت بصراخ : قلتلك و الله ما ارمس حد و ربي هذا من زمااان يطرش مسجات بس اعطيييييه طااف

زايد بنرفزه و هو يشوف الصدق بعيونها : لا تحلفيييين باسم الله الله عزيز عن هالاشيااااء تقصيييين علييه انتي شاايفه مكتووب عيبهتيه حمااار ما افهم لوو مسجات بدون شي بصدق لاكن مسجااات و فيهن اسمج و احبج و من هالخيااس هاااي وين اصرفها انا

ميراني : و الله و الله بريييييئه شدراااني انا من اللي مسلطه علي و ربي ما عرفه يااااا ناااس ما عرفه

زااايد : و الله لو ما وقفتي جذب يا ميرووه و قلتي الصدق بتشووفين شي ما شفتييه فحياتج و الله لسوييلج فضيحه ما صارت و لا استووت

ميرراااني خلاااص وصلت حدها من الصبح تحلفله ما يفهم : تبا الصدق صح انا قلتلك الصدق و ما صدقتي لانك تبا الصدق غير هالكلام خلاااص بقووول اللي تباااه هي اعرفه و ارمسه و ارمس مليوون غيره و اعشقهم كلهم و كلهم ترسووو عيني الا انت مب هذا اللي تباه هذا اللي تباااه صح

زااايد بدوون ما يحس عطااها كف من الخااطر رد طيحها على الارض

ميراني بصوت يالله ينسمع : تضربني تضربني يا ززاييد

زاايد : اضربج و اضرب اشكاالج يالخااايسه بس ما علييه ان مااربووج هلج انا بربيييييج

" و يا بيضربها مره ثاانيه .. قامت ميره بقووه و مسكت يده "

ميرااني : هااي الخاايسه اللي تقوول عنها حرمتك مقيووله كلنن يرا النااس بعين طبعه و اييدك هااي اكسرها قبل لا تضربني فيها فاااهم هليه ربوونيه احسن تربيه و الرب شااهد مب محتاايه شهادتك و اذا ما تبااانيه طلقنيه مب مستعده اخذ واحد يشك بشرفي و عرضي

زايد فج عيوونه و انصدم من قوتها اللي يتها و انصدم اكثر يوم سمع كلااامها اللي يبين فييه الصدق و لوو ما شااف اسمها فالمسج كان بصم بالعشر انها اشرف و اطهر وحده فالارض بعد كلمتها بنت رياال بس مب انا اللي تخدعني وحده بكلاامها

زايد بخاطره : ما بتخدعيني يا ميرووه بكلامج و نظره عيوونج

و قال بصوت عالي : ما عليه انا بحطج على ذمتيه بس عشاان خااطر عمي عن الفضاايح و كلام النااس لان العرس بعد اقل من اسبوعين و الا انتي ما هميتيني .. بس تلفوون تلعبين لعاايبج فيه ماشي فااهمه

ميره : فهمت خلاص و التلفوون شله ماباه فكتين .. بس بييك يوم و بتندم يا زايد صدقني بتندم على كل هالكلام اللي قلته في حقيه و حق هليه

زايد رااح و شل التلفون من شنطتها و ظهر

ميره طااحت عالارض : آآآآآآآآآآآآآآآآآآآآآآآآه و يلست تصييح و تصييح دموعها اللي كانت حابستنها من ظهرت و تصيح شك زاايد حببيب الروح

.... طلع زاايد من البيت و هو عااايف عمره وصل قوم هاري بيتهم و نزل شمامي و سارووه البيت و ظهر صووب البر حتى انه نسى سالفه شمامي أو بالحرى ما تفيق لها ....
عقب يوومين
... يووم مهم حق نووره بالذات و تعد الثووااني تتمنى توقف و لا يصير هاليوم بس ليس كل ما يتمناه المرء يدركه ...

لبست كندووره حمرا و رفعت شعرها الطويل و سوت قلووس و جحال و اي شدوو آحمر و طلعه جناااان

راشد دخل عليها و هو يصفر : آآووه آآووه ماروم عالكشخه انا عطينا ويه انزين

نواري لفت صوبه و ابتسمت ابتساامه هااديه و ردت تعدل عمرها عدال المنظره

راشد و هو يشووفها من فووق لتحت و يقوول فخااطره : و يقوولوون لي خذ غيرها حد يودر القمر و يرووح عند النجووم انا عندي النوري و تكفيني عن الناس كلهم

نوااري و هي تلف بعمرها بعد ما خلصت كل شي و تحااول تضحك : تراااالااارلااااا شراايك فيني

راشد : آآآآآآآآآه غرااام غرااام تعقين الطير من السما

النوري استحت : ههههه عاد مب لهدالدرجه

راشد بصدق : و الله و الله انتي لييش ما تصدقيني و ربي كنج تقوولين للقمر قوم بيلس مكاانك

النوري حمرت و قالت و هي تمااه يمدحها اكثر محتاجه باور حق اليوم : هههه لانهم يقوولوون السبااله بعين زوجها غزاال

راشد : آآآفا اففااااااا من يقوول عنج سباله اقص لساانه انتي النوري و مب اي حد

النوري : ههه تدري انك الوحيد اللي تقولي النوري

راشد و هو يقرب صوبها و يطالعها بهيام : وهذا المطلووب

النوري : هههههه بعد بعد وراانا عزيمه نحن
راشد بووز : امحق عزيمه
النوري : ماا عليه حبيبي شنسوي بعد يلا ننزل
راشد و هو يمسك يدها بتملك : يلا

... عند سلامي ...

أونها يالسه فالحجره تدرس و هي ترسم و عقلها عند اللي شاافته من زماان

سلامي : هههههه أسميني شرشحته من الخااطر يحليله بس صدق من هذا !!

و قاامت و هي ملانه من الصبح تدرس و دقت على ربيعتها علاايه من رقمها اليديد

سلامي و هي تغير صوتها كنها ريال : ألوو مرحبا
علايه : مرحبتين اخويه .. أممـ شكلك مغلط بالرقم
سلامي أونها ريال : لا لا مستحيل مب انتي علايه
علايه فجت عيوونها : نعممممممممممم و انت من وين تعرفني الشيخ
سلامي " الريال " : أفا افا مسررع ما نسيتيني
علايه بخوف : لا لا ابوويه مغلط و يليت ما تدق عهالرقم مره ثاانيه

و سكرت التلفون فويهها

سلامي بصوت عالي : ههههههههههههههههههههههههه هههههههههههههههههه

هني سالم دخل عليها : الهم سكنهم مسااكنهم بلااج تضحكين برووحج كنج ينيه
سلامي : ههههههه لا ههههه توني مسويه مقلب فربيعتيه هههههههههههه
سالم و هو يقرصها من ذنها : و انتي ما تتووبين من هالمقاالب شو مسويه بعد

سلامي : هههههههه آآي آآي اذني ههههه " و تتذكر الموقف " ماشي بس خليت عمريه ولد و دقيتلها هه

سالم : ههههه الله يخسج يا سلااموه ما تودرينها حركاتج هااي
سلامي : فدمي هالحركات هع
فحالحظه دق تلفوون سالم و اول ما شاف الرقم ارتبك و قال : آآم أنا برووح الحين اشووفج بعدين يالسكنيه باي

و علطوول طلع

سلامه : لا حوول بلاهم هل البيت كل وااحد فعالم خلني ادرس احسن لي ورا بااجر امتحاني .. يالله توفقني فدراستيه

و فتحت كتاابها و تمت تحااول تدرس و تشد على عمرها عشان تييب نسبه ترفع الرااس

.. في امرييكا ..

سيف : يالله هانت باقي 3 أيام عالرحله
سلطاان : هههههههه مستعيل عشووفه مهاا
سيف: جب جب
سلطان و هو يقرب صوب سيف : قول الصراحه حبيتها
سيف و هو يلف صوب سلطان : امممـ ما عرف
سلطان : ههههههه كيف بعد ماعرف
سيف : مادري بشوو احس يوم شوفها احس قلبيه بيطلع منيه بس بعدني مب متاكد من الحب
سلطان : الله يعينك دامك ابتليت بهالمرض يالله نرووح
سيف : يالله

.. و نرد حق العزيمه ..

نزلوو راااشد و نوره و كاانو مستانسين و الكل يحسدهم عالحب الي يجمعهم

راشد و نوره : السلام عليكم
حمده و امها : و عليكم السلام والرحمه

حمده بدلع : شحالك راشد ؟؟
راشد بدوون نفس : بخير الحمد الله و من صوبج
حمده : والله يسرك حاليه الشيخ
نوره و هي تتمسك براشد : شحالج خالوو ؟؟ شحالج حمده ؟؟
حمده بدون نفس : بخير
أم حمده : و الله تمام بشوفتكم .. تعال راشد ايلس عداليه

" نوووره هني تنرفزت هي تدر ان ام حمده تباه ييلس عدالها عشان حمده عدالها من الطرف الثاني و بصرااحه حمده كانت طاالعه حلوه يعني لابسه تنووره و قميص ازرق قدام راشد و لا تستحي و مسويه ميكب ازرق "

راشد و هو حااس بنووره : لا انا بيلس عدال " حرمتي "

و راح و يلس هو و نوره بكرسي برووحهم

نوره ابتسمت لراشد بامتنان و قالت بصوت خفيف : علني ما خلا منك
راشد : و لا منج

أم راشد : تعااالي يا حمده فديت هالزين انا
حمده مسويه عمرها مستحيه : تفدتج العافيه .. و شددت عالكلمه " عمتيييييه "

نوره مسكت عمرها لا تقوم تمطها من كشتها متعمده تتدلع عدال راشد

رن تلفوون راشد فهالحظه و استاذن و قام عشان يرد عالتلفون
حمده : عمتيه انا استااذن شويه برووح الحمام " اكرمكم الله "

أم رااشد : رووحي فديتج اذنج معاج

و رووحت ورا رشد و هي متعمده تبا تيلس معااه بروحهم

حمده و هي تقرب من راشد
حمده : رااشد
راشد لف و هو مستغرب منها : نعم
حمده : اممممـ مشغوول
راشد : لا عادي شي تبين
حمده و هي تتدلع : أباااك تطلعنا تودينا الموول لو ما عليك كلافه
راشد انصدم منها و حاول يبعدها : لا اسمحيلي الشيخه انا مشغوول هالاياام
حمده بفقداان امل : أمممممـ خلاص خذ راحتك
راشد و هو يرووح صوب سيارته : يلا انا مرووح مع السلامه
حمده : فحفظ الرحمن

" نوره دااخل قاعده تااكل عمرها من الغييظ يالله تخلي راشد لي يالله "

% حمده %
" أووف شكله يعشق نويير بس ما عليه ان ما خليتك لي ما اكون انا حمده بنت شوييخ "

بعد كم يوم

عند مياري و سلامه

ميره : أوووووووووووف تعبت
سلامي : ههههه محد قالج قلتلج وقفي هالكورس
ميره : لا والله ادرس طوول الكورس و على الامتحانات اووقف
سلامه الله يعينج
ميره : هي و الله صدق انكرفت بين تجهيزات العرس و الامتحانات
سلامه : كم امتحان باقلج
ميره : 3 و بعدها بيبقااالي يومين و عقبها العرس أنا مادري على شو مستعييليين
سلامه : هه زيود مستعييل

% ميره %
" آآآآآه لا تفتحيين الجرووح يا سلامي عرسنا بعد اقل من اسبووع و هو ما فكر يرااضيني امحق عرس في ذمتيه و الله لو امييه كان ما فكرت اجهز للعرس بس شا قوول غير الله يعيني "

سلامه : اييها ويين رحتي
ميره و هي تبتسم بصعووبه و تقوم : أنا برووح ادرس و عقب بنرووح الصالون و انتي بعد يالله سيري درسي
سلامه : أووكي سي يو

" اممممـ فهالاياام الكل مشغول بالعرس و اولهم ميااري اللي بالغصب تشل عمرها و تسير تشتري الثيااب و غيره و ما استوت لها اي لقااءات مع زايد اللي معااه للحين التلفون و الله اعلم شو بيسوي فيه لانه مب متفيق لشي و عااايف عمره من التججهيزات من ناحيه القااعه و الاكل و غيره "

عند زايد

أم زاايد : ها بوويه رحت حجزت القاعه و لا بعدك
زايد بدون نفس : هي حجزت خلاص
سارووه بنغزه : ياحظك دامك بتاخذ شيخه البنات مياري
زايد و هو يلف صوبها بعصبيه من طاري ميره : لمي ثمج دام النفس علييج طيبه
شما اللي من هذااك اليوم تخااف ترمسو زايد موجود لا يتذكر حركتها : أمييه انا بروح اليوم عند المصمم بقيس فستاني
أم شما بحسن نيه : روحي فديتح الرب لج حاافظ
زايد و هو يطالعها بنص عين : شما بالذات ما تطلع بروحها فهمتووني و يويلج ان شفتج لابسه بنطلوون بعدني ما تفيقت لج لكن دواج عندي بعدي
شما و هي منزله راسها : انزين و هي تقول فخاطرها " لووو الموت ما اودر البناطلين "
أم زايد : بلاك عالبنيه هدي هدي
زايد : انا قلتلكم و اذا شفتج مشبره برا البيت بروحج بحش ريولج حش
أم زايد : خلاص انزين لا تااكلها
زايد بنرفزه : أنا برووح
أمزايد : فداعه الله الغالي
ساره و هي تدري ليش هو مشدد عليها من ذاك اليوم و تقول فخاطرها " زين حد انتبه للي تسويه " : أنا برووح ويااج استنيني لين اخلص دراسه
شما تطالعها و شوي بتاكلها قالت بقله حيله : أوووووووووووكي

.. في امريكاا ..

dr. Jak : are you ready gays ??
دكتور جاك : هل انتب مستعدين شباب

: yes sear we are ready
: نعم مستعدين

dr.jak : let's go
دكتور جاك : اذا هيا لنذهب

سيف و هو يلف يمين و يسار و يقول حق سلطان : وينها ما يت ؟؟
سلطان : يمكن يتها ظرووف و ما بترووح الغايب عذره معاه
سيف تنهد : يالله عيل رحنا

وركبو البااص اللي بيوديهم للقطار

و قبل لا يطلعون بدقايق شاافو طيف بنيه يايه بسرعه

هني سيف ابتسم و كنه بيطير من الفرحه تعرفوون يوم تحسون بفقدان الامل يعني شي كنتو تتريونه من زمان و اخر شي قالولك خلاص ما بيي و فلحظه تشووفه قدامك هذا الشعور اللي كان يحسبه سيف

maha : sorry am let
مها : أسفه تاخرت

dr.jak : no problem baby next time hurry up
دكتور جاك : مب مشكله لكن المره اليايه استعيلي

maha : ok sear
مها ابتسمت : ان شاء الله استاذ

سيف : ههه توج تفيقتي كنا بنروح عنج
مها :شسوي لين يا داد و سلمت عليه و عقب روحت
سيف : يالله المهم ودعتيه هي الا اليوم و بس ما يسمونها رحله بس يالله شي احسن من لا شي
مها : هيه صدقك المهم بنرفه عن نفسنا

و نزلو و رااحو صوب القطار و ركبوو و ما بقا مكان لمها الا قدام سيف و سلطان يعني مقابلتنهم

مها و هي تبتسم : عادي ايلس
سيف و سلطان : أكيد

و من يلست لفت للدريشه و تمت تشوف المناظر مب مستحى من سيف و لا شي بس تفكر بحياتها المتدمره و حياه مطر خووها

طبعا سيف و سلطان استغربوو من الحزن فيها سيف حس بان لها قصه طوووييله تحكي معاناتها من نظره عيونها الحزينه عشان جذي احترم سكوتها و ما حب يزعجها

وصلو للمنطقه اللي محددينها و كانت عباره عن بحر للتسليه يعني يايبينهم عشان يريحونهم شوي من الدرااسه و عقب بيردوون

مها نزلت و راحت صوب البحر و يلست تشووف منظر البحر لان هي تموت فالبحر تحسه اقرب شي لها

يابحر ..فيني من الحزن كثر مافيك..!!
من ..حزن..وأوجاع..وغياب..وغرايب.. !!
لاتلومني إليا شفتني دايم أجيك..
ولاشفتني دايم على الشط سارح ..!!
حزني كبير..أكبر من حدود شاطيك ..!!
وأقسى من جروووووح الزمان العطايب..
وإن كان تنشدني ف أنا مقدر أخفيك ..!!
دايم أظن ويطلع الظن خايب..!!!
في هالزمن أقرب حبايب يشقيك ..
إلين تدفع في غلاه الضريب..
من بعد هذا يبتعد عنك ويجفيك
ما كنه بجنبك قضى الوقت طايب
وإلا الخوي إللى توقعت يفديك
يفديك عمره لا غدت بك نشايب
صد وتصدد مايبي سمع طاريك
وياما أنت دونه أتعبتك الطلايب
لا تقول لي بدري وتوك ويمديك
وتعال وأسمع باقي الهرج صايب
خلك بحالك وأطلب الرب يهديك
ولا تنشد اللى غاب وأين أنت غايب
وأن شفتني غايب عن حدود شاطيك
أعرف تراني تحت ذيك النصايب
وأعرف تراني دايم ؟إذا ضقت :بآآآآآآآآآآآجيك"
لاني أنا والموج صرنا حبايب..!!َ

مها تنهدت فهاللحظه : آآآه
سيف استااذن من سلطان اللي رااح صوب ربعه الثاانيين و قرب صوب مها : سلامتج من الاه

مها لفت صوبه و ابتسمت
سيف و هي ييلس عدالها بس بعيد شوي : مادري ليش احس مما ضحكتيو فرحتي نظره الحزن بعدها فعيونج

مها و هي تشووف البحر :آآه خلها على الله بس تعرف مراات أتمنى أفر عمري فالبحر عشان افتك من الدنيا بس خوفي من ربي يردني

سيف : بسم الله عليج لا تتفاولين على عمرج بالموت انزين فتحيلي قلبج
مها : مادري تصدق انا ارتحت لك احس فيك من ريحه الامارات اللي ولا مره شفتها و هذي برووحها معااناه تخيل تسمع عن بلدك و خاطرك تلمس ترابه بس ما تقدر
سيف و هو منصدم : و لا مرره شفتي الامارات
مها تلف راسها بحزن : لا و لا مره لفيت اوروبا كلها بس و لا مره رحت الامارات عشان داد
سيف : انزين و رمسيني عنج بعض
مها : آآآآمممـ تعرف مالي نفس أحس عمريه بختنق بس ما عليه اووعدك اخبرك كل شي بعدين لاني صدق صدق ارتحت لك من زمان ما رمست حد اماراتي غير ابوي و بغصه قالتها " و اخووي "
سيف لف للبحر و قال فخاطره : الله يعينج و الله بموت انا لو ما شفت الامارات

مها و هي تلف له و تبتسم و لا كنه صار شي : و انت خبرني عن الامارات ابا احس كني فيها بلييز
سيف و هو ياشر على عيونه :من عيوني
مها و هي منزله راسها : تسلم لي عيونك

سيف بدا يرمس أول شي عن بوويه زايد و خنقته العبره و هو يرمس عنه يحس بانه فقده واايد واايد واايد و عقب بدا يرمس عن العين و هل العين المشهورين بالحشمه و البداوه و الشهامه و هل دبي هل الانااقه و الذووق و كثره الاجانب فدبي و هل الشارقه هل الثقافه المشهورين بالثقافه و العلم و هل بوظبي هل الذووق و الزين و هل راس الخيمه المشهورين بالجود و الطيبه و هل ام القيوين و عيمان اللي الكل يشهدلهم بكرمهم و عقب بدا يرمس عن شيووخ الامارات كلهم ربي يحفظهم و اندمجوو كلهم مع بعض لدرجه ما حسو بالوقت و الساعات اللي مرت و هم يرمسوون مع بعض الا يوم يااهم واحد من الشباب و خبرهم انهم بيروحون الحين

مها و هي تقووم و تنفض التراب عن ثياابها : أووه السااعه 8 صدق ما حسينا بالوقت
سيف : هي و الله
مها و هي تطالع سيف بامتنااان : مشكوور و ربي مشكوور أنا كل اللي عرفته عن الامارات و قريت عنه ما يووصل ربع اللي قلته لي و ربي حسيت اني عايشه فالاماراات
سيف و هو يطالعها مستانسه و يحس برااحه يوم شافها فرحانه : العفوو مها تعالي كل يوم
مها : هههههههه ترا بصدق عمري و بييك كل يوم
سيف : امرررررره الدرب طايح

مها : يلا عيل بنرووح لهم تاخرنا عليهم
سيف : يلا