مراقبة عامة ومشرفة منتدى الروايات المنقولة ? العضوٌ???
» 12556 | ? التسِجيلٌ
» Jun 2008 | ? مشَارَ?اتْي » 42,440 | ? الًجنِس » | ? دولتي » | ? مزاجي » | ?
نُقآطِيْ
» | ?? ??? ~ | |
تمت خطبة قصي على روابي , صارت حفلة في فندق الأنتر , طبعا اهل العروسة مسوينها , كانت من أروع مايكون . (
ماراح أدخل في تفاصيل الحفلة , لأن في حفلات جاية وراح نذكر تفاصيلها ).
في الكلية :
روابي : الجازي & اميرة , تراني زعلانه عليكم كثير , ليه ماجيتوا خطوبتي
الجازي : ياعمري والله انا كنت مجهزة كل شي وابي اجي , الا امي تقولي نبي نروح حفلة خطوبة بنت خالي بالخبر ,
ولا والله لابسه على اني اجي حفلتك , يالله معليه ان شاء الله احضر زواجك
روابي : وانتي اميرة
أميرة : ( متزوجه من بين صديقاتها ) على عيني والله وكان ودي أجي , بس سي سيد مارضى . تعرفين اني ساكنه
عند اهله , اهله كانوا مسوين عشى وقال مايصلح تطلعين عنهم
روابي : طيب سامحتكم ,
نورة : والله فاتكم , الحفلة تجنن , وروابي طالعه تجنن
الجازي : من احلى روابي ولا قصي
نورة : تناظر في روابي : الصدق , قصي احلى
روابي : تضحك ايه عادي , قصي احلى مني فديته
روابي : , تسحب من شنطتها الالبوم , وتتلكم , أنا جبت لكم شي
أمير : لاتقولين , الألبوم صحححح
روابي " طلعته , صح عليك , وبما انك شاطرة وعرفتي وش جبت , خذي شوفي أنتي أول الصور بعدين الجازي
الجازي : ماقدرت تنتظر دورها قربت من أميرة وبدوا يطالعون مع بعض ويعلقون
الجازي : روابي طالعه تهبلين , بس والله عرفتي تختارين , ماشاء الله قصي يجنن
روابي : لا تجلسون تمدحون فيه كثير ترى أغار
اميرة : يحق لك , تدرين كنت اتخيل شكلة يشبه قمر , قلت والله حظها روابي تتزوج واحد أشقر
روابي : ههههههههههه وش دعوه عاد يطلع اشقر , قمر , اخته من الرضاعه , يعني امها وابوها غير عن ام واب
قصي
أميرة : تسكر الألبوم , مبروك عليك والله يهنيك ويوفقك ويسعدك يارب
روابي : تسلمين آمين , عقبال الجميع
نورة : طبعا الزواج بالصيف بعد مانتخرج ولا
روابي : أن شاء الله , وياويلكم لو ماتجون ابيك كلكم تجون عشان ارمي المسكة ( الورده ) عشان تتزوجون بعدي و
بااستثناء اميرة راحت عليها
أميرة : لا عادي بوقف ويمكن أمسكها واتزوج واحد غير سالم
نورة : حرام عليك يا أميرة والله سالم حبوب
اميرة : انا ماقلت شي حبوب , بس انا احس اني مخنووقه في بيت أهله مو قادره اخذ راحتي,
في بيت أم قصي :
طن طن
قصايد : بصوت ضعيف , وليد ممكن تفتح الباب ل روان ونجلاء
وليد : يور فريندز
قصايد : يس يالانجليزي
وليد : ومين احلى روان ولا نجلاء
قصايد : تبتسم ابتسامه صفرا
أريام : أنا أقولك , نجلاء احلى , بس الاحلى والاحلى اختي قصايد
وليد : نوت يور بزنس
أريام : وش قلت , تسبني ياولد عمتي تسبني الله يسامحك
وليد وقصايد : يضحكون
قصايد : وليد البنات ساحوا من الحر روح افتح لهم وانا جايه وراك
وليد : يروح عند الباب ويفتح
روان : تناظر في وليد وتناظر في نجلاء
روان : مو هذا بيت قصايد
وليد : يبتسم ابتسامة على جنب , يس ولكم
روان : يؤيؤيؤيؤيؤ نجول هذا مايعرف عربي
نجلاء : هههههههه ياحليله
قصايد : نجلاء , روان ادخلوا
روان : ايه هذي قصايد , اشوى ماضيعنا ب البيت وصار لنا مثل ماصار مع البنت اللي طلبت من كنتاكي ههههههههه
يدخلون البيت
قصايد : عاجبكم الجو وجالسين تتضحكون لي برى , حياكم هاتوا العبايات
نجلاء : تنزل العبايه , من الانجليزي اللي فتح لنا الباب , اخو قمر
قصايد : هذا وليد ولد عمتي اللي عايش ب امريكا قلت لكم عنه
روان : اها , هو مايعرف يتكلم عربي
قصايد : هههههههههه يعرف يتكلم عربي احسن مني ومنكم
نجلاء : تلتفت على روان : يؤيؤيؤيؤيؤؤ اجل كان فاهم وش نقول ويسوي نفسه
قصايد : ادري لعب عليكم وتكلم انجليزي صح
روان : صح , حسبي الله على ابليسه
نجلاء : تجلس على الكنب , قصايد , لا تطيرينه من يديك يجنن
قصايد : تبينه حلالك ترى
نجلاء :والله ياليت
روان : جد حلووو الستايل تبعه اجنبي وعليه البصمه بعد
قصايد : اصلا هو مايحب غير قمر ولا يبي غيرها
روان : هو صاحي وشي يبي فيها أكبر منه بكثير
قصايد : القلب ومايهوى
نجلاء : ساكته وتناظر في قصايد
انتبهت قصايد لنظرات نجلاء
قصايد : نجلاء وش فيك تناظريني كذااا
نجلاء : فيك شي متغير , احس انك تعبانه حيل
روان : ايه صح واصلا نحفتي , وش فيك
قصايد : تبلع ريقها , انا كنت تعبانه فعلا
نجلاء : من ايش طيب
قصايد : مادري فجاة ارتفعت حراراتي ورحت المستشفى لكن الحين الحمد لله بخير صرت احسن
روان : بنااااااااات عندي لكم شي خطييير
الا يدق الباب : قصايد : مين
تدخل قمر وتسلم على البنات وتعطيها العصير
نجلاء : زين انك جيتي ياقمر , الاسبوع الجاي عندنا زواج ونبي نجي تحطين لنا مكياج
قمر :تبتسم برقه وتهز رأسها
قصايد : اوكي نجلاء حياكم , لانها تعرف ان نجلاء مافهمت وش تقصد قمر من هزت الراس
نجلاء : روان وش الشي الخطير اللي جبتيه لنا
روان : تحرك عيونها عليهم وتطلع جوالها , وتبتسم , جبت لكم مقطع البلوتوث حق برجس
نجلاء : اووه اخيرا لقيتيه , يالله ورينا
قصايد : برجس وش المقطع هذا
نجلاء : هاتي روان , نجلاء تتابع وتعفس بوجهها , وع الله يقرفها الوصخه , تتابع
قصايد : وش وش هذا المقطع يا روان
روان : يوه نسيتي مقطع برجس الي الناس مسويه عليه ضجة قبل كم سنه اخيرا لقيته وجبته
نجلاء : وع عليها من شاف كشختها ههههههههههه
روان : هههههه ايه والله , خذي قصايد شوفيه
قصايد : تفتح المقطع وتناظر وتتوسع عينها وترمي الجهاز , تجي قدام عيونها اللي صار لها نفس الي جالسه تشوفه
كانت ب الدنائه هذي كذا كان شكله
روان : وش فيك يا قصايد , مابعد شفتي شي
قصايد : لالالالا مابي اشوف وصاااااخه سكريه مابي اسمع صوتها
نجلاء : انا بصراحه اشوف المفروض البنت تنسجن وتجلد لانها رايحه برجلها للرجال , مو بس يسون الضجه ل
الرجال
روان : صح عليك , المفروض هي جلد وسجن لانه برضاها
نجلاء : بس يمكن هو اخذ الحكم عشان التشهير ب البنت
قصايد : جالسه وتتخيل لو احد صورها او محمد صورها وهي , تغمض عيونها وتفتح وتكلم نفسها لالالالا مستحيل
نجلاء : قصايد وش فيك ساكته شاركينا الحديث
قصايد : هاه , مادري عنهم بكيفهم
نجلاء : عاد يقولون الرجال الي مصورها يجنن
روان : وهو مابغى يشفي الا عليها مو حلوة في من احلى منها
قصايد : بناات بطلوا شماته قولوا الحمد لله , لا يبليكم ربي
روان ونجلاء : الحمد لله
قصايد : عن اذنكم بروح اجيب الشاهي والقهوة
قصايد : تبي تهرب من كلام صديقاتها , جالسين يتكلمون عن مقطع , وهي تتخيل ان الكلام عليها تعبت اكثر , وكل
ماتتخيل ان احد صورها وهي ب ذاك الوضع تحتقر نفسها اكثر وتكرهها.
انتهت الزيارة طبعا نجلاء وروان كانوا زايرين قصايد , لانها غابت كم يوم عن المدرسه .
أم قصي : ترى ولد عمكم رامي رجع من لندن , وراح يعيش هنا خلاص على طول , وزوجة عمكم اتصلت تعزمنا راح
تسوي عشى في مزرعتهم عشان رجعة ولدها
قصي : اها , والله حظه هالولد عنده كل شي وظيفه محترمه , عايش ب احلى مكان , متزوج له شقره , مو ناقصه
شي , يارب ارزقنا
قمر : تكتب ( قصي , ترى انت احسن منه وعندك زينة البنات روابي , ترى بعملها بكلامك )
قصي : والنعم بروابي , والحمد لله على كل حال
قصايد : انا مااراح اروح
أريام : حتى انا
قمر : ( ولا انا )
الام : يؤيؤيؤ من بقى اجل , ممكن اعرف وش سبب رفضكم
قصايد : بناتها يكشخون ويجلسون يفاشرون علينا واصلا هم مايحبونا ومايشوفونا شي
أريام ؛: صح كلام قصايد وانا بعد مابي اروح لنفس السبب , احنا مهما شرينا ولبسنا مانوصل لمستواهم
الام : وانتي ياقمر وش سبب رفضك الروحه
قمر : ( لانها ماقدرتنا , ماجات حفلة خطوبة قصي , قال ايش عندها عزيمة , مهمه لان راح تجي فيها زوجة الأمير ,
الحين زوجة الامير أهم من اهلها )
قصي : معاك حق يا قمر , يعني زوجة عمي تبدي علينا الغريب اصلا الشرهه مو عليها على عمي اللي الفروض
مايسمح لها تروح.
الأم : ماعليه هذا ولد عمكم الوحيد , وبعدين الكل راح يكون موجوده , فشلة أحنا مانكون موجودين
قصايد : وعمي وعياله وزوجته يوم خطوبة قصي ماقالت الكل مجتمع فشلة مانروح
أسد : لا عادي لأن عمتي ماحضرت , هي يمكن فكرت مثلها
وليد : والله أمي شوي وتبكي ودها ب الجية بس أبوي تعب عليها وماقدرت تتركه ,
قصي : عمتي ماقصرت , كلمتني واعتذرت , مو عمي حتى مافكر يرفع سماعة التلفون ويبارك , الله لنا
الأم : واذا قلت لكم عشان خاطر امكم تروحون وش تقولون؟
قمر : ( عشان خاطرك بس ي الغالية )
وقت النت :
نايف : هلا وغلا ب الحلوين , أريام ماأقدر أكلمك مشتاااق لصوتك
أريام : لا مااقدر الحين
نايف : طيب أريام متى أشوفك , افتحي الكام خليني اشوفك بدل كل مره تحطين لي الا رجل الا يد اشوفك مره وحده
ولاتنسين انا فتحت لك الكام , وكل ماطلبتي مني افتحه
أريام : في نفسها الحمد لله يارب أني مااقدر أشغل الكام ولا كان انفضحنا , نايف فديتك انا ماعندي كام
نايف : تضحكين علي انتي شوفي رمز الكام طالع عندي
أريام : أيه فعلا الجهاز فيه كام , بس من اول مادخل البيت اخوي قصي جاب سكروب ( آله تجي من الحديد وفيه
نهايته يكون بلاستك , لا بغينا نفتح برغي نستخدمه ) وكسر الكام وشوف خلني احط لك مكالمة فيديو
نايف : اها حسااافة . طيب دام الموضوع كذا , وش رايك نطلع يوم نروح نتهقوى , نتعشى , ودي أشوفك ويدي تلمس
يدك <<< ضحكة ثعلب
أريام : أنا بعد ودي وه ياقلبي , بس ماقدر انا مااطلع الا وخواتي معاي واللي يطلعنا اخوي صعبه
نايف : مايصعب على أريام شي , ولانسيتي يوم بغيتي تاخذين الجوال , كيف فكرتي وخططتي ونفذتي الي براسك ,
أريام : طيب خلني كم يوم أفكر بخطة أشوفك فيها من غير مااحد يحس
نايف : الخميس عندك شي , ولا أشوفك فيه
أريام : لا الخميس بنروح الدمام
نايف : المول حلو خلاص اشوفك بالمول
أريام : لا ولد عمي راجع من السفر ومسوين له عشى بمناسبة رجوعه
نايف : ألا انتي وين اهلكم انا مااسمع تتكلمين الا عن عمتك
أريام : شوف انا اهل ابوي , أبوي الله يرحمه , وعمي , عمتي فقط واهل امي ساكنين ب قطر , سافروا هناك بنوا لهم
مشاريع وكذا وسكنوا ولا هم سعوديين والحين اخذو الجنسية القطرية , واحنا ودنا كل صيف نروح لهم , بس ماعندنا
فلوس تكفي , راتب اخوي يالله يكفينا اكل وشرب ولبس .
نايف : في نفسه ياحرام مسكينه البنت محرومه من اشياء كثيرة عشان كذا تعلقت فيني بسرعه , أخ لو تطيح بين يدي
ل أكلها أكل.
أريام : انا لازم اقفل النت الحين بس مثل ماقلت لك بفكر فكرة خطيرة وأرد لك خبر مع السلامة <<<<< جاري
تسجيل الخروج.
يوم الخميس :
وصلوا عائلة أم قصي المزرعة , يدخلون المرتبل , اللي كانه بيتهم من كثر ماهو كبير ومجهز بكل شي طبعا واحد
للرجال والثاني للحريم , تدخل أم قصي , قمر , قصايد , أريام يسلمون وهم ب عبايتهم
تفصخ الأم عبايتها : لابسه تنورة وبلوزة , قمر جينز وبدي ضيق على الجسم لونه باذنجاني , قصايد : جينز مع قميص
كروهات ( مبكر ) , أريام بنطلون اسود مع بلوزة طويلة ,
أم رامي : حيالله ام قصي وبناتها
ام قصي : تبتسم الله يحيك
رند : أريام نحفتي كثير جسمك صاير يجنن
أريام : ابتسامه على جنب , ايه الحمد لله
رغد : حتى قصايد وقمر ناحفات وش فيكم ولا ماعندكم فلوس تشترون أكل
قمر وخواتها يحسون ب احراج , يتكلمون بنات عمهم قدام اهلهم ( خالات وبنات رغد ورند )
قصايد : لا احنا ناحفات من الاختبارات
ام رامي : وقمر وش نحفها ولاااااا لايكون دخلت مدرسة تتعلم كيف تتكلم ههه
قمر : تناظر , نظرة استحقار
خالة رامي : الا وين رامي وزوجته ماشفناهم
ام رامي : تناظر في قمر , جايين
رند : اللي يتغطون عن رامي يتفضلون من هنا
خالات رامي بقوا في المكان وبناتهم دخلوا , اما ام قصي وبناتها مايتغطون عن ولد عمهم
دخل رامي وماسك زوجته بيده , رامي فيه شبة كبير من قصي , بس هو جسمه معضل يعني يعتبر وسيم لانه يشبه
قصي , الزوجه وحده طويلة وبيضا وشعرها أشقر , طبعا لا بسه عبايه بس , دخلوا سلموا , طبعا رامي سلم على امه
وخواته وخالاته عادي باليد وبالخد اما زوجة عمه وبناتها باليد , يوم وصل لقمر , ناظر فيها نظرة أعجاب , أما زوجته
سلمت على كل الحضوور بيدها ( طبعا زوجته بريطانيه ) جلس رامي وجلست زوجته بجنبه , دخلوا بنات الخاله
بغطاهم وسلموا باليد على زوجة رامي وبالكلام على رامي, جلس رامي ويكون مقابل قمر تماما
رامي : بينه وبين نفسه قمر صارت حلوة كثير ويني عنها , يناظر زوجته ويرجع يناظر لها , مافي فرق بينها وبين
كارولين , كلهم شقر وبيض لا وقمر نحيفه , هذي لها كرشه , وعلى الاقل اسم انها بنت عمي ومتربية هنا وعارفة
عاداتنا وتقاليدنا , اخ بس ياشين الاستعجال ,
أريام : تدق قصايد , قصايد شوفي زوجة رامي مو حلوة ملامحها شينه لا ودبه بعد , لو انه تزوج قمر احسن له
قصايد : صح كلامك هو احلى منها كثير , بس حرام عليك تقطين قمر عند زوجة عمي وبناتها لا خلهم بعيد احسن لنا
ولهم , شفتي رند ورغد وش لابسات ,
أريام : شفتهم من زين الاجسام ولا البياض عاد من جد قلة ادب , لابسات شورت وبدي يحسبون نفسهم متسدحات
على البحر مع هاللبس
قصايد : شفتي لبسهم الخايس , تلقينه سعر البدي بس يعادل قيمة لبسي ولبسك ولبس قمر بعد
أريام : وانتي الصادقة
يروح رامي عند الرجال , يترك زوجته الي تفهم اللغة العربية ولكن ماتعرف تتكلم ,
رامي : طول الوقت مو قادر يروح من قدامه شكل قمر ونعومتها ,
يروحون خالات رامي ويجتمعون عيال العم في الصالة
رند ورغد : يجلسون جلسة اغراء قدام وليد وقصي
قصي : مو معطيهم أي اهتمام , وكذلك وليد ,
رامي : عيونه على قمر
أسد : يناظر رند ب اعجاب , لكن دون أي اهتمام من رند .
قصي : احنا نستاذن ورانا طريق
رامي : لا وين بدري
قصي : من عمرك اهم شي كسبنا شوفتك والجايات اكثر .
تنتهي الزيارة , يركبون السيارة طبعا ينحشرون فيها قصي وجنبه وليد وأسد ورى الام وبناتها ,
قصي : يفكر في رامي حياته اللي ماعرف كلمة الحرمان فيها
وليد : يفكر في قمر ويقول هي معطية اللون جمال ونعومه
أسد : يفكر ب رند , بالرغم ان البنات مو من اختصاصه لوووول
قمر : تفكر في كلمات زوجه عمها وتفكر في كارولين وش الفرق بينهم كلهم من اصل اجنبي , بس اكبر فرق ان قمر
ماتتكلم وكارولين تتكلم
قصايد : تموت من التفكير كل يوم كل ماتذكر اللي صار
أريام : تفكر في خطه تشوف نايف فيها
ام قصي : تتذكر أيام حلوة ومره عاشتها ايام حياة زوجها أبو قصي
. |