[لامارا]

الجــــــــــــــــــــــ ـــــــزء الأخيــــــــــــــــــــ ـــر

<<<<<<<<<<<<ألمانيا

الوقت بدري أول النهار كان وراه امتحان أخر يوم وممكن بينجح وممكن لأ لأن نايف اهمل دراسته كثير من بعد مرض أبوه ... قام لقى واحد من الشباب اسمه الدكتور حسام ...هذا دكتورهم اللمسؤول عنهم ... شاف نايف ماسك الأوراق والكتب يذاكر منها ... كان جالس على الكنبه اللي تطل على حديقه صغيره برا ... الجو كان منعش وبارد ..... ومغيم .... نايف كان شوي يذاكر وشوي يسهى مع نفسه .... شاف الدكتور قرب من عنده هد أرواقه يكلمه
حسام: صباح الخير نايف
نايف مبتسم: صباح النور
جسام: شخبارك ووشلون المذاكره اليوم
نايف: والله مب مره لك عليها يعني اللي يدخل هلا وغلا واللي مايدخل مع السلامه
حسام: عاد شد حيلك هالاختبار بيحدد الرسوب أو النجاح
نايف: الله يسهل ان شالله
حسام : اللا ماقلتلي وش اخبار الوالد الحين طمننا عليه؟
نايف: ماصارو يدخلونني عليه ...
حسام: افاا يعني للحين ماطلع؟
نايف تنهد: لا
حسام: الله يكون بعونه ان شالله
نايف بتفكير: داري ماحد من اخواني باستثناء الكبير طبعا ماعلمتهم بشي
حسام: احسن لاتصعقهم ماتسوى امك يصير فيها شي
نايف: هذا اللي اقوله
حسام: ودراستك نايف انت اكثر واحد تغيب بين المجموعه وانت تدري وش كثر هذا بيأثر بالنتيجه
نايف: خلاص انا حاسب حسابي حتى ولو رسبت تدري بظروفي
حسام: ان شالله انا قلت للدكتور فهد نايف لازم نتساعد معاه بس البلا من الأجانب مستحيل بيقدرون
نايف: من حقهم هذا نظامهم ... وانت والدكتور فهد مارح انساها لكم ماقصرتو مععي ابد
حسام: شدعوه يستاهل ولد سعود
نايف: كلك ذوق وطيب اصل
حسام: يالله اجل اتركك والله الله بلمذاكره
نايف: ان شالله
مسك الكتاب وكمل قرايه كان الكتاب كله بالللغه الالمانيه صعب وطويل والدوره حقته مب لأي احد يبي لها من يدرس ويتعب بعد ... ... كان يقرا ويحاول يحفظ يستوعب المهم يمشي حاله باي شكل ... جلس له بالساعه يحفظ ...شاف الساعه بدا وقت الزياره والدكتور قايل له ...انه ممكن على اليوم الصبح بيقدر يشوف أبوه ...هد اللي بيده وراح..ماكان يدري ليه لازم يكون متسرع ومتحمس بالشكل هذا؟؟؟
مسك جاكيته المعلق على الشماعه
حسام: وين بتروح؟
نايف: ابروح اشوف ابوي .. واجي مارح أطول
حسام: ابتصل عليك ان جاوقت الامتحان
نايف: كم باقي
حسام: امممم تقريبا بالساعه اللا ربع لاتتأخر
نايف: ان شالله
طلع سريع الجو كان بارد واهو بالطريق بدا ينزل المطر وتبدا الرعود ... حس انه يوم كئيب أجل اكيد مارح يقدم اختبار حلو هذا اول ماجا على باله
تنهد واهو يفكر بها الاختبار واللي بيترتب عليه ...تخيل شكله واهو جالس جنب غلا بالكوشه واللا واهو باني لها بيت كبير ... معيشها بمستوى ابوها ... رجعت به عينه على الواقع نزل من السياره ووقف قبال باب المستشفى ونزل ....
دخل غرفة ابوه على امل انه طلع من العنايه الحمدلله لقاه موجود ويقدر يشوفه
نايف بهدوء وكان فرحاااااان: السلام عليكم
ابونايف:وعليكم السلام هلا نايف
نايف بعد ماحب راسه ويده جلس جنبه ماسك يده: هاه بشرني عنك ابوي ان شالله احسن اليوم والحمدلله على سلامتك
ابونايف: الله يسلمك
نايف: من متى مطلعينك؟
ابونايف: من فتره قبل الفجر بشوي
نايف: افا ماقالو لي كان جيت
ابونايف: انا قلت لهم ابيك تذاكر على اني مشتاق لصوتك
نايف: تشتاق لك العافيه يبوي
ابونايف: اختبرت؟
نايف: لاوالله للحين توني بعد شوي ابدخل
ابونايف: نايف اذا ماعليك امر ابيك وانا ابوك تتصل بأمك واخوانك ابي اكلمهم
نايف: ابشر
ابونايف: بس وش الوقت عندهم الحين؟
نايف: امممم يمكن على الظهر اكيد واعين الحين
مد له الجوال
نايف: السلام عليكم
الشغاله: وأليكم السلام نأم بابا؟
نايف: وين امي؟
الشغاله: دقيقه
ام نايف: السلام عليكم
نايف: وعليكم السلام
ام نايف: ولدي نايف ياهلا والله
نايف مبتسم: ياهلا فيك يمه شلونكم؟
ام نايف بلهفه: ابد الحمدلله مشتاقين لكم
نايف: والله وانا اكثر
ام نايف: وانت شخبارك ووشلون أبونايف عساه احسن؟
نايف واهو يطالع ابوه : الحمدلله ابشرك أحسن من اول
ام نايف: والله؟
نايف: الحمدلله
ام نايف اللي قامت تبكي
نايف: افاا ياام نايف بارجع قريب ومعي ابوي
ام نايف: ولهت ولهت عليكم يمه
مشاعل شافت امها راحت عند التلفون اهي مع الوليد
نايف: ولهنا عليكم اكثر والله
مشاعل: يمه نايف؟
ام نايف: ايه ...
نايف: يالله اجل يمه هذا ابوي يبي يكلمكم
ابونايف:السلام عليكم .... ابد الحمدلله ...انتم شخباركم ..؟... الله يسلمك ووشلون العيال .؟...هاه منصور لقى القبول ول لا...؟؟اييه الحمدلله ....هاتيه خليني اكلمه
ابونايف كلمهم كلهم واحد ورا الثاني لدرجة انه طلب من نايف يدق على شوق في بيتها وجلوي في شغله ويكلمه .... استغرب نايف منه اول مره يتصل على الجميع وبنفس الوقت ....سكر الجوال وجلس مع ابوه
ابو نايف: ..أبيك تجيب لي علاجي الدكتور قايل لي اخذه من عندهم بالصيدليه
نايف: ان شالله ..بس ماقال لك عن اسمه؟
ابونايف: كتبه بورقه بس مدري وين حطها
نايف برحمه لان ابوه مابيشوف حتى الورقه اللي جنبه: ايه خلاص لقيتها ...اروح اجيبه الحين
ابونايف كان متقصد الحركه ويبي نايف يطلع بأي طريقه كان تعباااااان وخلاص حاس بانه مخنووق ومكتووم من بعد ماسكر الجوال ..... أخذ جوال نايف ومسكه .. .....كلها دقيقتين ودخل عليه نايف ومعاه الكيس
نايف: يبه هذا هو العلاج ..ان دخلت عليك الممرضه قل لها انه على الطاوله
ابونايف بابتسامه مختلفه عن غيرها مخربها التعب : ان شالله
نايف لاحظ ان ابوه يبي يريح ماحب يزعجه وخاصه انه توه طالع من العنايه ..لكن شكل ابوي مرره تعبان خلني اخليه وأعلم الدكتور عنه ..
نايف: يالله اجل استاذنك الحين
ابونايف: ابي اسلم عليك
نايف باستغراب لف على ابوه قبل لاييطلع قال بصوت واطي )تسلم؟؟...ان شالله ابشر
جلس جنب أبوه على السرير ....
ابونايف بطريقه نايف استغرب منه حييل ...بدل مايصافحه مسكه وحظنه ..وبصوت مخنوق كان يكلمه أما نايف قتله الاستغراب ..من ابوه ..
ابونايف: كفوو فيك ياولدي يعلم الله اني راضي والله راضي عليك
نايف مب قادر ييستوعب شي التزم السكوت وابوه مازال ضامه
ابونايف يده على اكتافه : والله ينجح باختبارك وحياتك ودنياك كلها ...والله الله باللي وصتك ..مابيك تتغير من بعدي .. وحط بالك على امك .. واخواتك واخوانك ..امانتك يانايف
نايف: افا عليك يبه وش هالكلام ...لاتوصيني عليهم حريص عليهم اكثر من نفسي
ابونايف مبتسم: كفوو والله كفوو فيك يانايف الله يوفقك ..بس ابطلبك تنادي لي الدكتور قبل لاتطلع
نايف: ابشر يبه ان شالله
نايف طلع من عند أبوه واهو مستغرب .. كلشي يدور حوله ...مب مستوعب شي ..غريبه؟.! قام ياكد لي الكلام أكثر من مره ... راح للدكتور ووصاه على ابوه وقال له انه بيطلع وان الدكتور يروح الحين لأبونايف
.................................................. .................................................. .............................................
ركب سيارته ... جا بيحرك ويروح للاختبار ..وقف بنص الطريق قبل لايطلع من دوار المستشفى وقام يفكر ... مارتااح مااش لازم يروح لأبوه مره ثانيه ... رجع بسيارته مره ثانيه للمستشفى وحاس قلبه ان ابوه الحين فيه شي ... دخل للمستشفى سريع ...لغرفة أبوه ...لقا الأنوار مسكره وأبوه شكله نايم ....سكر الباب من دون مايدخل حتى ..المهم انه تطمن الحين ..رجع وركب للسياره بيروح يختبر ....
واهو بالطريق شاف الوقت لسسا وباقي له ... ترك الاختبار وقام يلف شوي بالشوارع اللي مبللها المطر ... شوي ينزل وشوي يوقف المطر ... .وصل اخيرا للمكان ودخل قابله على طول دكتوره حسام
مرت الآن ساعه كامله ...ونايف من بعد ماطلع من المستشفى أخذ ثلث ساعه
نايف: دكتور دخلو للاختبار ول لا؟
حسام نزل راسه وحاول يكتم مابداخله : لايمكن يتأخر الاختبار
نايف عقد حواجبه: يتأخر ؟ ليه؟
حسام باجابات مختصره وكأنه ماوده يحط عينه على نايف: ظروف .. الدكاتره وحتى الأجانب اتفقو انه بيكون متأخر مو الحين
نايف عقد حواجبه : دكتور وشفيه؟
حسام رفع راسه وحط عينه بعين نايف المستنكر كل شي يصير له هاليوم ... تحجرت دموعه على طول وحط يده خلف كتف نايف ... نايف هنا تأكد ان الموضوع مب سهل
حسام: يانايف ....أبــ...وك ...


نايف: طيب؟
حسام: أعطــ...اك عمر..ره
نايف: ابوي؟؟؟؟؟؟؟
حسام: الله يرحمه
نايف: لالالامستحيل توني كنت عنده من ثلث ساعه او اكثر شوي وانا عند ابوي وش هالكلام؟
حسام: مااقول اللا الله يساعدك على دنياك من دون ابوك
نايف يحاول يأكد كلامه: دكتور تعوذ من ابليس ابوي مافيه اللا الخير ..تكفى ترا احرتقت أعصابي لالااابوي مافيه شي وتوني شايفه
حسام نزل راسه ...نايف صنم بمكانه ..ارتبك باين عليه متأكد
حسام: شفت يوم يقول لك انه يبي علاج من الصيدليه ؟ ويبيك تنادي الدكتور؟
نايف معقد حواجبه مستغرب من الدكتور كيف عرف كل التفاصيل: طيب؟
حسام: ماكان يبيك تشوفه بأخر لحظات عمره ...وصى الدكتور يعلمني أنا بخبر وفاته عشان ماتشوفه انت بعينك من شوي دق علي الدكتور وعلمني بهالخبر
نايف اول شي سكت يحاول يستوعب الصدمه وبعدين قال كلام ماحس فيه: لالالامستحيل لاابوي هذا ...أنت وش قاعد تخربط انت وش تقول لا
حسام:...........
نايف: لاوش تقولون ابوي مافيه شي لاتخربطون علي انت وياه
اجتمعو اثنين من الطلاب اللي معاه وطبعا كل الاداره عرفو بها الخبر قبل لايجي نايف
نايف جلس عند أقرب كرسي حط راسه بين كمومه ...واهو ساكت ماقال ولاكلمه
كلهم ساكتين من حوله ماحد تكلم شكله يقطع القلب كلشي على راسه الحين ... ينتظرون ردة فعله الحين وش بيقول
نايف وقف وراح على طول بيطلع للمستشفى
حسام: نايف !!
نايف لف عليه من غير مايتكلم
حسام: تعال اوصلك بسيارتي
نايف مابيده غير انه ينقاد مايقدر يتكلم
ركب مع الدكتور ومعاه ثلاثه من الطلاب ... دخلو كلهم للمستشفى
دخل عليه ..كان مغطى بمفرش أبيض صوف...ممدد على السرير ...لايتحرك ...لايتكلم ..ولايتنفس....
اول ماوصل دخل سريع عند سرير ابوه ومسك يده وقام يبكي ...نزلت دموعه من المنظر ...
الكل تجمعو حوله ..
نايف ماسك يد ابوه جلس له فتره بسيطه سكت ولانطق وبعدها : يبه!!!!..(ضغط على يد ابوه اكثر).يايبه انا نايف مارحت أخــ...تــ...بــر جيـــ...تــ....كـ,,, ..(جلس كله وده بس يستوعب ان ابوه مارح يتكلم ولاينطق من اليوم) ...جلس ساكت كل اللي يقوله يبهـ,,!! وبس هذا اللي قادر عليه ....... (حسام حط يده على كتف نايف اللي جالس على السرير يحاول يبعده شوي ) نايف شهق وبعدين :...دكتور ليه ابوي مايكلمني ؟ياناس فهموني كيف ؟..كيف بيكون تركني؟
حسام: يانايف تعوذ من الشيطان
الباقين متكتفين ومأثر فيهم موقف نايف الصعب ..يعني الحين وراه دراسه ووبرا السعوديه يموت ابوه بنفس اليوم وماحد بيعلم اهله غيره ...كلشي تجمع مايدري وش ياخذ ووش يخلي كان حاط الأمل كله ان ابوه بيرجع حتى ولو على حساب دراسته ومستقبله ... اما الحين كلشي ضاع
حاولو كلهم يهدون فيه لكن نايف من النوع القوي بها المواقف يخدمه قوة ايمانه بربه ... بالأول كان مصدوم وأثرت فيه كثير صدمه مثل كذا لكن بين كلامهم وبين ماكان يستوعب اللي يقوله لأنه كان يكلم ابوه بشكل غريب وكأنه حي بعدها استوعب وجلس يشهق وينحب.. بعدين ... ضم ابوه ودعا له ... وجلس على الكنب اللي بالجنب منزل راسه بين يده ..تذكر ابوه قبل لايموت ووش كان يقول له ..تذكر اللي وصاه عليه ..امك؟! يانايف ؟؟!! (ااخ يايبه لو تدري امي لو دريت امي وش حالتها ان عرفت ووش بيصير ..)تذكره يوم يطلبه انه يبي لكم كل

عياله وزوجته يبي يسلم عليهم حتى لهجته لهم كانت مختلفه ...الصدمــــــــــه الصدمــــــــه قويه يايبه والله قويه
حسام مسكه من يده وركبه للسياره مع الباقين ..ونايف بس يفكر ومب قادر حتى يتكلم ....
وصلو للشقه ... اول ماوصل دخل لغرفته ولحقه خمسه من الموجودين
كلهم عزوه وعظمو اجره ..واهو مستقره معاه حالة الصمت الغريب أول الصدمه كان يبكي ويشهق أما الآن دموع من غير كلام ...
حاولو يكلمونه على خفيف ..لكن الحين لازم يتركونه بحاله اكيد مايبي احد يشوفه بالحال اللي اهو عليها مابقى غير حسام ونايف بالغرفه
حسام: نايف هونها على نفسك ...
نايف بعيون حمرا ..رفع راسه وخلا نظره شاخص على الجهه الاماميه وبصوت ولهجه كلها حزن أول مره تصير له واول مره يشوفونها عليه : عاد تدري؟..ابوي كان موصيني قبل وقايل لي انه حاس بموته قريب ؟..تدري ابوي وصاني انا على كلشي وحتى كان يقول لي انه بيشتاق لي قبل لايموت بدقايق انا مافهمت وش كان يقصد ....وعلمني كلام كثير عن هالدنيا وكيف نتعامل معاها ........(وقف شوي وبعدين كمل)....... حتى يوم يكلم امي لاشكله ولاكلامه أول مره اسمع هالاسلوب من ابوي ....
نــــــــــــــزلت دمعة رجال مكســووور من عينه ..حسام شي طبيعي تأثر لأن نايف كبير ومايشوفونه بها الحال .....يحسبونه عديم مشاعر من كثر مااهو قوي ...لكن ان تعمق في نايف لقى عالم من الاحاسيس الدافيه الراقيه ...وهذا لموضع اللي كسره ..وطيح دموعه ...موقف مافيه مثل قسوته ..ولايحس فيه اللا مجربه ...المساله مب بسيطه ان اللي بيروح أبوك.؟. ويوصيك على كل املاكه وكل عياله ...يخليهم امانه عنده ...واكيد هذا واحبه واهو فخور بها الوصيه اللي مااعطاها غير نايف ....لكن نايف الحيـن وش بيبـــــقى له؟؟؟؟؟؟؟؟؟؟؟؟!من بعد أبوه؟..والسؤال الأهم اهله بالسعوديه كيف رح يستوعبون ..وش الوجه اللي بيقابلهم فيه ويقول لهم ان ابوكم مات ؟...
كان ماغير يذكر ويبكي حسام طلع من عنده عشان يتركه بلحاله أريح له ...
طلع حسام من جهه دق عليه جلوي من جهه ثانيه ..
حط له على مشغول مايدري ليه بس مب متحمل يكلمه ووش بيقول له الحين ...أصر عليه جلوي الين مارد نايف
جلوي: الو
نايف: نعم؟
جلوي: وينك؟ لي سنه اتصل ..المهم شوف عندي هنا ورقه موقعه باسم ابوي مدري شكلها لمستشفى بس مادري وش المهم انا الحين ابيك تعلمني ..........
نايف قاطعه وبصوت حاد: جلوي!!!
بدت الأفكار تمشي يمين ويسار فيه
جلوي مستغرب: نعم؟
نايف :...........
جلوي على طول توقع نتيجة اختباره مااعجبته ول ابوه بالعنايه رجعوه قرر انه يصير اهو اقوى من نايف بها المحنه وكل هذا ونايف ماقال ولاشي
جلوي: نايف حرقت اعصابي وشفيك؟
نايف:جلوي..
جلوي حتى تنفسه صار اصعب من قبل: نـايف..حــ...رام ...علـــ...يــ:....ك ياخوكــ تكلم ...وشفيه؟
نايف: ابوي يطلبك الحل ...اد ع له بالرحمــ ................(خنقته العبره وماقدر يكمل)
جلوي ؟.؟؟؟...............
نايف: اليوم الصبح رحت له ويوم طلعت من المستشفى مالي اللا ربع ساعه علمني الدكتور حسام ... صار ابوي قايل لهم يعلمونه عشان انا لااشوفه تخيل
جلوي ماقدر يستوعب ولاكلمه قالها نايف من بعد يطلبك الحل ...جلس على الأرض ماكان يقدر يتكلم لسانه عاجز عن كلشي لادموع ولاكلام ماصدر منه أي شي بس وده يستوعب الصدمه.....
جلوي:لاحول ولاقوة اللا بالله .......وشــ...لون ؟ ومتى ؟...
نايف:........
جلوي داري بنايف مارح يتكلم: خلاص اسكر منك الحين
سكر من نايف وطلع من مكتبه ...
.::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::
<<<<<<الريااااااااااااااااض
جلوي من بعد ماطلع مالقى نفسه غير قبال باب بيتهم ...
جلوي دخل من غير مايسلم ولاتكلم ..ابد ...ماكان بالصاله غير شوق وام نايف ...
شوق: شخبارك ياخوي تعال سلم عبرنا
جلوي: يمه !
ام نايف باستغراب :جلوي؟
جلوي قرب من عندها اكثرمب قادر يعلمها اللي اعطاه نايف قوي كيف يبيه يقول لأمه ان ابونايف رااح؟
ام نايف:وشفيك؟
شوق: تعبان؟ ول شغلك قايلين لك شي؟ نايف صار له شي؟
ام نايف: لا اليوم الصبح مكلمته
جلوي تنهد : ابوي
كان يطالع بعيون امه وشوق ..راحمهم
جلوي: ابوي تعباان ودخلوه العنايه الحين
شوق: العنايه ؟لاحول ولاقوة اللا بالله
ام نايف عقدت حواجبها ونزلت راسها : لاحول ولاقوة اللا بالله
جلوي بضيق: اليوم من بعد ماكلمنا كلنا ... (كان يبي يكمل بس فضل الصمت عن الاعتراف لاتلومونه موقفه صعب) ...
جلوي بيوقف : يمه اللي قدامنا كثير أنا ونايف
ام نايف اللي حست بكلامه غموض وشي وده يوضحه لها اكيد ابونايف تعبه ينذر ان ساعة الصفر بدا وقت الاستعداد لها : ربك ماينسى احد ياجلوي
شوق : يمـ..هـ ...ابوي اليوم مكلمني حتى عبدالمجيد بعد كان صوته زين ماكان تعبان
ام نايف بس ساكته ولاتتلكم بشي... من الضيقه ...سكتت فتره ..حست ان ابونايف اللي فيه اكبر من كل مره واحساسها دايم يصيب حست ان جلوي وشكله مايقول ابوي بالعنايه وبس ...لكن ماحبت تستفسر منه أكثر ...
ام نايف : جلوي وشوق ادعو لأبوكم .. تراه محتاج دعوتكم الحين هذا اللي نقدر نسويه ...ربكم كريم ...(حطت عينها على جلوي) . مشاعل عند خويتها رح جيبها لاتطول عند خويتها
جلوي: ان شالله يمه
شوق شافت الام راحت مشت وراها للغرفه
.................................................. .................................................. .................................................. .
ركب سيارته ..وحط راسه على الدركسون شوي وبعدين حرك بسرعه لبيت صديقت مشاعل (امل)
جلوي: الو
مشاعل: هلا جلوي
جلوي: انا عند الباب بسرعه اطلعي
مشاعل: لاوين ... توني والله مااخذت ساعه
جلوي معصب: اذا قلت لك تطلعين تطلعين الحين
مشاعل: مابي
جلوي: ماحد بيجيبك بسرعه ول دخلت البيت وطلعت بطريقتي انا
مشاعل: اووف طيب طيب
طوووط طووووووط
امل: لايابايخه وش يوديك
مشاعل: انا ادري عن جلوي تقينه مستأذن وشاف بيتكم على طريقه مرني
امل: اجل تعالي لنا بعدين
مشاعل: مدري بوقت ثاني ان شالله
امل: مع السلامه
مشاعل واهي تسلم: مع السلامه
طلعت من البيت وركبت للسياره ..وعلى طول مسكته تهزيئ
مشاعل: وانت بس ماامداك تمر من البيت على طول تمرني من جد فشلتني عند البنت الحين وش بيقولون عنني ..ان كنت ابوي لو سمحت تجي تصارخ علي وتقول لي اطلعي ول ابطلعك ...مالك شغل فيني فاهم
جلوي مطنشها وماله خلقها اصلن وساااكت .... مشاعل سكتت فتره
مشاعل: هي انت ماعندك لسان تكلم ول بعد تبيني اعلمك شلون
لاحظته مستحيل بيعبرها ... سكتت واستغربت شكله متضاااايق مرره لدرجة انه سااهي ويفكر باشيا كثيره ... فجأه
مشاعل: ههيييي جلوي انتبه لاتصدم باللي قبالك
جلوي وتوه يحس بنفسه اللا فات الوقت وصدم بسياره كانت داخله عليه ...بس احتكت السياره شوي
جلوي بعصبيه: يالييييييل ...رايق انا لسياره بعد ...خلني انزل اشوف
توه نازل اللا وتطلع له بنت بالعشرينات ...متلثمه وراكبه ورا وقبالها سواقها الهندي ملبسته شماغ وثوب .... طلع الهندي ومعاه البنت
البنت:انت ماتحس بنفسك عمياان ول ماتشوف؟ والله سواقة أخر زمن صرنا نمشي ويجيك اللي يصدمك من غير ماتقربه
جلوي معصب وماله خلق احد وزاد عليه هالموقف ...
البنت قامت تطالع بعيونه اول ماشال النظارات الشمسيه عن عينه عيون حمرا وباين انه كان يبكي ..ومعصب بس الله يااخذ ابليسه ياعليه شكل يخبل ...ابتسمت بخبث
جلوي بصرامه ومعصب: حصل خير تصليحها ماياخذ ولاميتين ريال ... دخل يده بجيبه وطلع المحفظه
البنت: لالاوش ميتين ريال هذي لمبرقيني تدري وشو ول لازم أشرح لك
جلوي مد الفلوس وراح بيركب السياره مطنشها ...
البنت لحقته عند سيارته: انت لو صارت أغلى من كذا اوديك للمخافر ومراكز الشرطه فاهم
جلوي: لوسمحتي مستعجل انا كم تبين مثلا؟
البنت: بعد شين وقوة عين
مشاعل: جلوي حرك بسرعه مالي خلق هالأشكال
جلوي: وش المطلوب مننني الحين ؟
البنت: خلاص اوكي ان صارت ميتينين على قولك اوكي واذا مو ميتيين اعطني رقمك عشان اشوف ...
جلوي مد لها الكرت حقه : تفضلي
البنت: مشكور ...
جلوي
وحرك وبسرعة البرق مشى من عندها ...
مشاعل: سيارتنا صار فيها شي
جلوي: لا
مشاعل قصرت على صوت القرآن اللي كان مشغله معقده حواجبها: جلوي وش فيك فيك شي؟
جلوي في نفسه وش مافيني
مشاعل: جلوي تكلم وش فيك؟
جلوي واهو يدخل السياره من عند الباب ...: تغطي زين لأن شياب ابوي جايين هالوقت
مشاعل: طيب
جلوي: ايه وتغطي يمكن فيصل بوجهك الحين
مشاعل: ليه صاير شي؟
جلوي بعصبيه : مشاعل استعجلي لايجي احد يشوفك ارقي من الباب الرئيسي على طول
مشاعل باستسلام: طيب
كان وده يقول لها بس مب قاادر الخبر اقوى منه
جلس بالسياره ..وفك اول ثوبه ...ومسك جواله كان بيدق على نايف
جلوي: الو
نايف: نعم جلوي؟
جلوي: متى بتجي؟
نايف: مدري الحين ادور أقرب رحله تجيبني ...بس انت الحين كمل شغل السفاره عشان ننقل الجثه
جلوي بضيق: طيب ومتى انت جاي ترى لاامي ولاحد يدري
نايف: وش قلت
جلوي: قلت ان ابوي بالعنايه
نايف: خلاص وانا جاي قل لهم ...الجثه ترى مارح تطول يمكن اليوم بالليل توصلكم على او بكره الصبح كلامهم بس انت كمل الأوراق
جلوي تنهد وسكت
نايف سكت وراه فتره
جلوي بغصه: اللـ.....هـ يعـ.....ين
نايف:كلنا هذا مصيرنا
جلوي بضيق: توه مكلمني يانايف
نايف: وش اقول انا ؟ توه جالس معي وقال لي كلام اعلمك فيه بعدين بس انت تعوذ من الشيطان وخل شغل



السفاره يمشي وبعدين علم الوالده ..والله يكون بعونك
جلوي: الله يعين ....فمان الله
نايف: سلام
.
انتهى من الجوال ...فتح باب الكهربائي عشان يطلع السياره من البيت ...طلعها واهو بحاله مايعلم بها غير رب العالمين ..متضااايق ومب قادر يصدق اللي قاعد يصير ..كان يفكر الحين بأهله الكل مابقى لهم غير جلوي نايف بيتزوج بعدين وبيتوفق ومايبقى غيري انا لهم ...يالله بس ابي ارضي ابوي لما اكون معهم يالله ان ماتخون ظنون الوالد فيني من بعده ....
شغل اذاعة القرآن ... وجلس يسمع ويدعي لأبوه ...

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::

يتبع......