[فيتامين سي]

الجد محمد\ والله الجو وش زينه وش رايكم نطلع المزرعه بعد الصلاة يابو فيصل ؟
الجد متعب \ ايه والله نطلع نغير جو
العم خالد \ أجل بدق على الحريم يولمون القهوه والشاهي
الجد متعب \ الا الحريم ورا مايطلعون معنا
العم احمد \ اقول ياعمي شكلنا اشتقنا لام العيال
الجد متعب \ ههههههههههه لا ابد البعد عنهم غنيمه
العم ابو فهد \ والله ياعمي اتوقع انك مثل ابوي اذا ابعدتوا عن حريمكم بدا السب والحش واذا صرتوا عندهم ماتخلون من الكلام الزين الا وقلتوه
خالد \ هههههههههه الا والله فكرة عمي زينه بعد خلوا البنات يطلعون يغيرون جو
فيصل \ ايه والله مساكين المفروض يطلعون يغيرون جو توهم مخلصين اختبارات وهم
الجد محمد \ الا ما بعد خذوا النتايج
فهد \لا ياجدي توهم
العم خالد \ اقول يافهد وش اخبار رائد ولارا ؟
فهد \ والله الحمد لله بخير
العم احمد \ ههههه ياحليلهم الى الان حرب على المدرسه
فيصل \ وراه مايبون المدرسه
فهد \ لا الا ودهم يدخلونها اليوم قبل بكره بس لارا ودها تدرس مع رائد بنفس الفصل تقول أخاف أدرس لحالي ورائد معيي يقول بتفشليني ما ابي بنات معي بالفصل
فيصل \ ياحليله هالرائد مكبر نفسه مره
فهد \ ايه والله ما عاش طفولته أول كان يقتنع يقعد مع اللي أكبر منه بخمس سنين ست الحين مايقتنع الا بالقعده مع الشباب تركي وعمانه
فيصل \ هههههههه ياحليله بس والله ماشا الله حركاته توسع الصدر
فهد \ الله يسلمك ويعافيك
عند البنات
جنى \ بنات أنا طفشت مررررررره بأطلع
شهد \ أيه والله حتى أنا
ساره \\لا والله أنا بكبر الوساده عشان سهرة الليله
نوره \ وأنا مافيني حيل
جنى \ يعني مافي أحد بيطلع
ريما \ نو
شهد \ خلاص أجل ياجوجو أنا وياك نطلع
جنى \ يالله
>>>>>>>>>>>>>>>>>>>>>>>>>>>>>>>>>>
العم أبو فهد \ أقول يانواف الله يعافيك روح أنت وواحد من الشباب أفرشوا الفرش بالمزوعه حقت النخل
نواف \ أبشر ( بعدين التفت على بندر ) بندر تعال معي
بندر التفت على عمه خالد لانه كان جمبه ومسوي نفسه حزين \ ياخساره على شباب هالزمان ماعاد فيه أحترام شوف شلون قاعد يكلم عمه ( يقصد نواف )
نواف \ أقول يالاخ انت مره مصدق نفسك تصدق وش أكبر غلط سوته أمي ساره أنها رضعتك
العم خالد \ هههههههههه وأنت وش بيضرك يانواف سكته وقوله عمي
بندر يستهبل \ أفا ياعمي ليش تعوده على عدم الاحترام شوفني أنا أكبرمثل على القدوه والاحترام أسميك عمي مع أنك أخوي في الحقيقه
العم خالد يسوي نفسه بيكب البياله على بندر>>>>>>>>>> يستهبل \ لااااااااا وبعد ناوي تسميني خالد حاف
بندر باس راس عمه خالد \ ولو يالغالي أنت على عيني وراسي
خالد \ ههه ياحليلك يابندر تاكل الواحد بلسانك
بندر \ ههههههههههههههههههههههه
نواف \ يالله يابندر تعال
بندر \ أول قول عمو بندر
نواف \ أنا لله أخلص (وقام ينعم صوته نفس البنات ) ياعمو بندر
بندر \ أيه حلو ان الواحد يصير له أحترام عند عيال أخوه
نواف سحب بندر مع يده\ والله أحترمناك ياعمو بندر بس أنت تخرب على نفسك من هالبربره
العم خالد يضحك عليهم \ ههههههه الله يهديهم عالعيال
عند شهد وجنى
جنى شافت حديقة ورد الجوري \ يااااااااااااااااي الى الان ابوي محمد يزرع الجوري
شهد \ هههههههههههه ايه من عقب ماطلبتي منه حديقة ورد جوري وهو زارع لك الحديقه لا ويداريها أكثر من نفسه
جنى \ ياحيله الى الان يزرع انا اذكر اني كنت طالبه منه يوم كنت اولى ابتدائي صح
شهد \ صح حتى أذكر أنا وساره ماعاد كلمناك عقب هالموقف وزعلنا على ابوي محمد لانه يسمع كلامك
جنى \ ههههههههههههه يالنذلات وانا ووش سويت لما زعلتوا علي
شهد \ ضاق صدرك بس اللي كانت تعبي راسك ريما السوسه تقول ماعليك منهم
جنى \ هههههههه ياحبيلها معي مو مثلكم سوس
شهد \ تخيلي ياجنى تذكرين بركة عمتي أشواق اللي فيها سمك
جنى \ ايه ماشاالله أذكرها كانت خيال
شهد \ كبرها ابوي محمد طلعت تجنن
جنى \ جد ودي أشوفها
شهد \ تعالي
وهم بالطريق للبركه
جنى \ شكله مكبرها ايام الاختبارات
شهد \ يس
جنى \ ياحبيله كل شخص مسوي له ركن بالمزرعه للاشياء اللي يحبها
شهد \ ايه والله الله يطول بعمره
جنى \ امين
شهد \ وهذي البركه
جنى \ واااااااااااااااااااااااا اااااااااااااو ماشاالله جنان روعه
((((((((( البركه كانت زي البحيره كبيره وفيها الوان وأشكال من السمك والأعشاب البحريه وكان فيه عليها زي الايطار من الاحجار وحول الاحجار ورود ملونه كثيره وكان فيه جوا المويه الوان تنور جوا المويه عشان تعطي شكل حلو أما الانوار من برا فشكل ثاني كانت أنوار على شكل نجوم وورود يعني اذا نورت يطلع شكل الانوار اذا نورت ورده ونجمه )))))))))
جنى \ ياااااااااي تكفين وش سوت أشواق تلاقينها أنجنت
شهد \ قهر ماشافها الاساره لانهم جايين بدري
>>>>>>>>>>>>>>>
نواف \ بندروه تستهبل أسحب الفرشه زين
بندر \ لو سمحت عمي ولا عليك أمر
نواف \ تدري اني سخيف يوم جبتك معي العيال وش كثرهم أخذك أنت من بينهم ليه ؟
بندر \ وأنا وش فيني ؟
نواف \ مزعج وقلق وحالتك صعبه
بندر \ ليه عشان الواحد يعلمكم الاحترام وكيفية التحدث مع العم بأسلوب راقي صار قلق
نواف \ بندر ممكن تشتغل وانت ساكت
بندر \ ودي بس مشكلتي اني ما اعرف
نواف \ أجل تكلم بشي مفيد ولا اسكت
بندر \ هل تعلم أن أبو البشر هو ادم عليه السلام >>>>>>>> يستهبل
نواف ماسك بطنه ويسوي نفسه أنه يضحك \ هههههههههه صراحه تضحك مرره
بندر \ ليه قلت شي يضحك مب انت طلبت معلومه انا عطيتك المعلومه
نواف وصل حده خلاص \ انطم من جد قلق وثقيل دم
بندر \ هههههههههه مشكلتي ما اعرف
نواف مشى عنه وهو معصب
بندر ينادي نواف \ تعااااااااااااااااااااااا ااااال وانا عمك ماتبي معلومات مفيده
>>>>>>>>>>>>>>>>>>>>>>>>>شهد \ جنى شرايك نروح المراجيح
جنى \ يالله والله من ززمان عنها
شهد \يالله أجل نتسابق للمراجيح


جنى \ ههههههههه يالله
نواف راح للشباب وواصل حده
تركي \ اففففففففففف وش فيه الحلو زعلان
نواف \ يا أن أخوك قلق
تركي \ مين أي أخوي ههههههههه بندر
نواف \ ياخي وربي انه بلشه الانقوله عمي
تركي \ هههههههههه والله أنه شي
نواف \ أقوله يابندروه صلح الفرشه يقول لو سمحت عمي من جد رايق
تركي \ هئئئئئئئئئئئ يعني أنت قلتله بندروه لا عاد مصختها الحين هو بندر حاف مايرضى فيها وتروح تقوله بندروه ياشيخ زين اللي ماذبحك
نواف \ هههههههههه وربي أنه يرفع الضغط
تركي \ ايه كذا أفردها ووسع صدرك ترا الدنيا ماتسوا
>>>>>>>>>>>>>>>>>>>>>>>>>>
شهد \ وقفت من الركض
جنى \ وش فيك ؟؟؟
شهد \ هذا مهند أششششششش خليني بخوفه
جنى \وش دراك أنه مهند أخافه واحد من الشباب
شهد \ لا هذا مهند حتى هذي بدلته اللي عليه كانت مره عاجبتني
جنى \ هههههههه يالله طيب روحي خوفيه قبل لايشوفك
شهد \ يالله يالله وراحت له بشويش وجته من ورا >>>>> بوووووووووووووووووووووووو ووووه مشعل أرتاع بيشوف من اللي وراه وكانت الكارثه للاثنين
شهد \ أنت مو مهند ؟
مشعل جته الضحكه على هالسؤال الغبي ونزل عيونه وأبتسم \ ليش انتي وش تشوفين
شهد استحت من سؤالها وقعدت تسب حالها في نفسها \ ااسفه مـ مـ اكان قصدي حسبتك مهند
مشعل وهومنزل عينه \ حصل خير >> بس أنصحك تروحين الحين من هنا لاخوك مهند عشان تحفظين شكله زين ولا عاد تغلطين
شهد \ أستغربت من جرائته >> وردت بجواب غبي >>>> اانشا الله
مشعل \ ماقدر يمسك ضحكته \ ههههههههههههههه
شهد انقهرت منه ومن اسلوبه اللي ينرفز
شهد \ وقح
مشعل رفع عينه ماتوقع أنها تهزئه بس بعدين استوعب انه غلطان
طبعا جنى بعد الموقف اللي شافته قدامه تجمدت مكانها ولا قدرت تسوي شي
شهد كانت تظن أن مشعل هو مهند لانه كان لابس نفس بدلة أخوها مهند >>>>>>>>>>لان هالبدله شروها الشباب من الشرقيه يوم كانوا مسافرين للخبر سفره شبابيه شافوها وقرروا يطقمون فيها يوم مع بعض
شهد رجعت لجنى وراسها بالارض من الحيا ووجهها أحمرررررررررررر
جنى تطالع شهد وهي مصدومه \ وش هالموقف السخيف
شهد وفيها الصيحه \ يافشيلتي وش بيقول عني عمك
جنى \ وش بيقول بعد انتي ماقلتي له انك كنتي متوقعته مهند
شهد \ الا
جنى \ طيب
شهد \ أنا قلتله وقح
جنى \ هههههههههه ليش ؟
شهد \ وقالت لها السالفه بالتفصيل
جنى \ هههه انتي بعد سؤالك غبي فيه أحد يسأل هالسؤال
شهد \ بعد عمك المفروض يراعي مشاعري كنت مستحيه
جنى \ ههههههههههههههه ماعليه أمشي نرجع لايصير لنا موقف ثاني بعد
شهد \ هههه يالله