[princess sara]

وااااااو
الفصل رائع جدا يا نيفو وكمان عجبني اوووووووي
يعني اقدر اقول من اجمد الفصول اللي نزلت
وده ميمنعش طبعا ان بقيه الفصول جامده جداااااا
بس الفصل ده اجمد من اللي فات لان وضح حاجات كتيرة للابطال وبدايه للجاي

احمد " اللي عاجبني جدا الفصل ده "
يعني قولت كل حاجه عن البنت اللي عايز تتقدملها وجيت عند اسمها ومرضيتش تقول
كنت قول يمكن كنت سهلت الامر شويه ومش بعيد لاقيت نفسك متجوزها بكرة
بس افتكر ان امك وعمتك مش هيعرفوا انت بتتكلم على مين
الموصفات كلها عن سراب

سراب اللي عجبتني وهي بتندم وتحس بالخجل لما تفتكر اللي عملته زمان
بس هي كانت مجرد مراهقه صغيرة كانت فاكرة انها باللي بتعمله هتحقق اللي هي عايزاه
ورغم كل اللي حصلها الا ان قلبها بيدق لاحمد وبس

ويظهر كده ان احمد عجبته اللعبه اللي بيلعبها مع سراب
فرحان ومستمتع وهو شايفها مش عارفه ترد عليه ولا تجاريه في اللي هو بيعمله

بس هي ام سراب شكلها عرفت ان بنتها هي اللي عليها العين
بس هي ليه مقلقه ؟؟
اظن انها عارفه احمد وعارفه انه مفيش احسن منه زوج لبنتها
ولا هي عشان التجربه الاولي ليه في الزواج فشلت وخايفه تدي بنتها ليه لتفشل هي كمان
ولا هي عارفه ان بنتها بتحبه وخايفه انه ميكنش بيحبها
ولا ايه الحكايه بالظبط

عجبني اووووووي ابو كرم والجلسه اللي عملها مع اولاده
زي ما يكون بيودعهم وبيوصيهم الوصيه الاخيرة
بس انا اعتقد ان كرم مش هيفضل شايل في قلبه كتير تجاه ابوه
هو في الاول والاخر ابوه ومن حقه يعمل اللي هو عايزه في اولاده
اينعم الضربه كانت قويه وجرحت كرم جداااااا بس اللي حصل بقى واديك بعدت عنه وعن الكل اربع سنين
واهو وصى ابنه على غزل
والصراحه كرم متوصاش كويس يعني عاى الاقل ريح ابوه وقاله انه هيعمل اللي قاله عليه
بس بعد ما يعمل اللي في دماغه هو

غزل بقى يعني طلعتي عارفه ان كرم ليه حق في كل اللي بيعمله واللي لسه هيعمله كمان
هو صحيح هيعرف من فين انك كنتي بتستنجدي بيه مش بتتهميه زي ما الكل اعتقد ده
وكمان انتي مش انكرتي التهمه اللي لبست فيه
انتي ما صدقتي مسكتي فيه كأنك بتأكدي انه عمل كده
بس هي كانت في دنيا تانيه اصلا ... هو اللي حصلها قليل
اكيد مش هتفوق من اللي هي فيه وتقول لا مش كرم السبب
بس يظهر ان ساعه الحقيقه حانت ؟!!
ياترى كرم هيصر على انه يعرف كل اللي حصل ؟!!
ولو غزل اعترفت ... كرم هيصدق ؟!!
بس ممكن دي تكون ساعه الحقيقه وغزل تريح نفسها وتعترف
من ناحيه عشان احساسها بالذنب يروح
ومن ناحيه تانيه عشان كرم يرتاح وهي ترتاح من المعامله القاسيه اللي بتشوفها منه

الفصل رائع جدا يا نيفين والقفله شريرة جداااااااا
الفصل شوقني جداااااا للفصل القادم
في انتظاره من دلوقتي
بالتوفيق يارب