[اسطورة !]

البـآرت العششروون ..
والأخيـــرـر ..
الج‘ـزء الأول ..
"
تعال .. }~
{ محتاج } قربك لا تضيعني
خذني من { الصمت } والحرمان والضيقه .....
محتاج لك حيل قرب يا.. { نظر عيني }
الصبر عنك حبيب الروح ماطيقه
جيتك و حزن { البشر } ودموعهم فيني
مثل الذي بالصحاري { ناشف } ريقه 00 }~
\
/
طلع الدكتور ووجـه معفووس
بندر أول من انتبـه له وبسرعه توجه له : ها طمني يادكتور وش فيها زوجتي
الدكتور طالع بنـدر بضيق و قاله وهو حاط إيده على كتفـه .. : عظـم الله أجـرك ..
عظم الله أجرك
عظم الله أجرك
عظم الله أجرك
عظم الله أجرك
رنت هالكلمه في مسامعه أكثر من مـرهـ ماهوو مستوعب
يعني ايش ساره ماتت ؟!
ساره حبيبتي راحت ؟!
لا مستحيييييييييييل
توفت و هي تكرهنـي يعني ؟! توفت وهي مجروحه مني ولا تبي تكلمنـي ..
راحت الغآليه يعني خلآآص ؟! ... لا لا أكيد انا اتوهـم ...!!
.. مفروض انا مكـآنك ياساره مفروض انا الي مت مفروض انا الي صدمتني السياره مو انتـي .. ليتني بعدتك وخليتها تصقعني انـا ليتك ماجيتي و دفيتيني ليييييتك ياساره ليييييييت ...
قال بسرعه وهو دمعته على وشك انها تنـزل من الصدمه : لا مستحيييييل حآول يادكتور حآآآول مستحيل ساره تموت مستحيل
الدكتور : هـذا الوآقع و هذا مصيرنـا كلنا زوجتـ ..
قطع عليه صوت الممرضه الي طلعت بسرعه من غرفة العمليات : دكتوووور تعـآل بسرررعه رجع لها النبـض ...
ابتسم بندر غصب عنـه وهو يسمع الممرضه
وبسرعه دخل الدكتور لـ غرفة العمليات مره ثانيه ..
سند بنـدر راسه ع الجـدار بأمل مايدري ليـه كان حآس انها بإذن الله راح تطلع من غرفـة العمليات ..
رفع راسه يشوف الي كانت عيونها متوجهه لـه ...
توجـه لها ونزل لـ مستواها " كانت قاعدهـ " و باس إيدهـآ .. : خـآلتي .. سامحيني
حصـه سكتت تنتظره يكمل
بندر تنهد : خالتي ...... صدقيني انا تبت و بعوض ساره بإذن الله عن كل الايـام الي فاتت و إذا بـدر مني أي تصرف مايعجبكم انا مستعد اطلقها .. بس اعطوني فررصـه
حصه : بندر خلها تقوم بالسلامه الحين .. بعدين لكل حـآدث حديث ..
هـز بندر راسه و تنهد ... وقف و بعد عنهم متوجـه لـ مكـان طـآإهـر يدعي ربـه ..
مسسجد كان قريب من المسستشفى ..
طلع متوجـه لـه ولا انتبـه لـ يآسر الي كآآن وراهـ ..
دخل المسسجد .. و ترك البـآب مفتوح توجـه عند مكـاان الإمـآم و سسسجد ..
مايدري ليه على طول سجد بدون حتى مايكبببر ....
هنـا بس يقدر يطلع كل الي مكبوت في داخله
ماقدر يمسك نفسه أكثر ... نزلت دموعـه غصب عليه مو نقص في رجولته أو ضيقه لا أبببد ... نزلت دموعه تقرب لـ ربـه .. تقرب لـ الي خلقه وسوآهـ ... يبي يدعي لها وهو في قمـة خشووعه ... يبي ربه ورب هالكون يستجيب لـ دعاءه
رفع إيده وقـآل بخشوع وبصوت مسموع
" اللهم اشفها شفاء ليس بعده سقما ابدا..اللهم خذها بيدهها اللهم احرسها بعينيك التى لا تنام و اكفها بركنك الذى لا يرام و احفظها بعزك الذى لا يُضام .و اكلأها فى الليل و فى النهار .
و ارحمها بقدرتك عليه ّ.أنت ثقتها و رجائها يا كاشف الهم . يا مُفرج الكرب يا مُجيب دعوة المُضطرين .اللهم البسها ثوب الصحة والعافية عاجلا غير اجلا ياأرحم الراحمين..
اللهم اشفها اللهم اشفها اللهم اشفها..اللهم امين "
كان يـآسر واقف و انصدم من منظر بندر
أول مرهـ يشوفه بهالمنظر .. حس انه فعلا تآب .. حس انه فعلآآآ يحتـاج لـ فرصه جديدهـ ...
قطع عليه أفكـاره صوت بندر وهو يقول بصوت متكدر و صادق : ادعي لها يـاياسر هذاك بالمسسجد .. ادعي
تنهد يـاسر و طلع بندر من المسجد تارك يـآسر يصلي و يدعي لاخته ..
رجع للمستشفى و شافهم على نفس وضعيتهم يعني ماصار شي جديد ولا عرفو شي
قعد على الكرسي و حط راسه بين إيدينه ...
سـآعه
سـآعتيييين ...
3 سـآعـآآآآت
طلع الدكتور من جديد لكن هالمرهـ غير ..
كان مبتسم .. : ابشركم .... بنتكم بخير ومافيها الا العآفيه .. الحمد الله ربكم نجاها مع ان احتمـال موتها كان جدا كبير .. لكن سبحـان الله
ابتسم بندر غمرته الفرحه
الكل كان يصارخ و الي يصيح من الفرح مو مصدقييين
الا بندر بسرعه توجـه لـ اقرب زآويه و سجد لـ ربه سجددة شكررر
مو مصدق انها قامت بالسلامه ...
الحمد الله لـك يـآرب
الحمد الللللللله ...
الكل اسسستغرب من بنـدر .. شلون تغير فجأه ؟! وين كرهه و إهمـاله لها شلون ووين كـان طول هالسنواات وييينك عنها ؟!
بندر : دكتووووور اقدر اشوفها ؟
الدكتور : مـاينفع الحين ... تعبانه و محتآجه لـ الراحه و ماتنفع لها الزياره تعال بكرا وقت الزياره و ان شا الله تقدر تشوفها
\
/
صرخت بقهر : طلقنييييييييييييييييي طلقنيييييي خلآص انا مابيك ماحبببببك ولا ادانيييك طلقنيييييييييييييي
مالك ببرود : هذا بٌعـدك
هـدى بقهر : وش تبي فيني ياخي لا انا بيك ولا انت تبيني ليييه مخليني على ذمتك طلقني
مالك ببرودهـ المعتـاد : لا من قـالك اني مابيك .. انا احتآج لـ جسمك اوقات !!
هـدى : تزوج غيري ياخي بس فكنيييييييي فكني وش تبي في وحدهـ ماتبيك رح شف لك وحدهـ مثلك حقيره تتزوجها
مالك قام و مسك ذقنها : افا ياقمر .. لهالدرجه زعلانه مني ولا تبيني ؟!
هـدى بقرف : ابببببببببعد افففففففف منك بارد تجيب المرض
دخلت الغرفه و سكرت الباب بقوهـ وراها بقهر منـه و من اسلوبه البارد المستفز !
قعدت على سريرها وهي تغلي من العصبيه ودها تفتك منـه تمنت لو انها ماتزوجتـه ولا وافقت عليـه ...
مسكت سسماعة التليفون و اتصلت على أحـلآم ..
أحلام : مرحبـآ
هـدى : هلآ أحلام .. انـا هـدى
أحلام : هلا والله .. حياالله هـدو .. أخبـآرك يـآقلبي ؟
هـدى : اخبـآري ؟! ... اخباري ضغطي مليون من اخوك ياويلي أحلآم لازم تشوفين لي فيـه صرفه صراحه مقدر اتحمللللللللللله
تنهدت أحلام بضيق : هـدى ... استحمليـه استحملتيه 4 سنوات اليوم متنتي بـ قادره تتحملينـه
هـدى بضيق : أحلآم .. برودهـ جنني ... اقوله طلقني يقوم يرد علي بـ أسلوب باارد ينرفز ...
أحلام : يعني ماتعرفينـه ، من يومـه كـذا ..
هـدى : بس خلآص لين هنـا وبس .. ماقدر ماقدر اتحمل من جد ماقدرررررر
أحلام : هـدى ... لو تطلقتي منـه وين بتروحين علميني ؟!
هـدى : يعني انا متزوجتـه عشان يسكني ؟! .. أقدر ادبر نفسي
أحلام : وش بتسوين تدبرين نفسك وش بتسوين طيب علميني ؟! مابيدك شي ولا حتى تقدرين تاخذين لك شقه أو غرفة في فندق ... بدون محرم
هـدى بضيق : وهـذي المشكله
أحلام : شفتي .. يعني فكري قبل لا تطلبين منه الطلاق وش بتسوين بـ نفسك وين بتروحين ؟! و بعدين ترا الطلاق مو سهلل
هـدى : يعني العيششه مع اخوك الي سهـله ؟! .. برود وسكر و اغاني ... استغفر الله شي يجيب النكـد
أحلام تنهدت : ع الأقل انتي عندك الحين مكـان بعدين إذا طلقك مراح تحصلين لك مكـان
هـدى بنرفزه من أحلام : يعني ايششش اقعد متزوجتـه عشان اسكن في هالشقه ؟! بحريقه هو وشقته ياشيخه .. ابسـآفر أبهججججج ابروح البحرين هي اقرب شي .. و أخذ لي شقه هنـاك بدون لا محرم ولا غيرهـ و أدبر نفسي ياشيخه لو اشتغل هنـاك حتى قرسون بس افتك من ذا العيشه
أحلام شهقت : خيييييير ان شا الله وين قاعدين انتي مسوية لي مسلسل مكسيكي ... اي والله اسافر و اشتغل قرسون ! هالشغله ماتنفع لـك
هدى تنهدت وسكتت ..
أحلام : يعني بالله هـدى .. راضيه تشتغلين قرسون في مطعم لا و في البحرين بعد يعني مكـان ماتعرفين حتى فيه أحد لو يصير لك شي محد درا عنـك
هـدى : يعني هنا في أحد بيدري مثلا ؟! .... ماعندي احـد نفس الشي هنـا و هنـآك
أحلام : بس تشتغلين قرسون هذي قويه ... نسيتي انك سعوديه مسلمه !! ماينفع تشتغلين هالشغللله أببد
هدى بضيق : عآآرفه .... اشتغل لي أي شغله ..
أحلام : الي يسمعك يقول انك الحين تطلقتي !! ... تطلقي أول بعدين فكري بهالشي
هدى تنهدت : ابتطلق .. يعني ابتطلق اصبري انتي بس ..
\
/
اليوم الي بعدهـ ‘،
انصدم وهو يسمع الدكتور يقولـه ان وجها تشووووهـ بالكآآآآآمل .. و جزء من إيدها و فخوذها كااااامله ..تشوهت !
قعد على أقرب كرسي لـه بصصصدمـه ..
معقووول ؟! خلوود تشووووهت ؟! وجها كلـه راااح ..؟!
لااا .... وش بيصير فيها لا درت ؟! ... وش بتسسسوي ؟!
انـــــــــا ... كيف بعيش معها وهي بهالحآله كيييف ؟! .... مستحيل اني اتركها بس ولو كيف ؟!
تنهد بضيييق ... قطع عليه افكاره صوت الدكتور : إذا تبي تقدر تشوفها لكن رجاء بدون إزعـاج ولا تبين لها ان فيها شي عشان نفسيتها
صالح : إييه .. ابشوفها
توجـه لـ غرفتهااا فتح البـاب شافها منسدحه و الأجهزهـ حولها
وجها كان كلللله شاش مابان فيها الا عيوونها ومو كلها بعد جزء منها !
يالله ياخلود لهالدرجه كل شي فيك تشوه ؟! مابقت الا عيونك ؟! الحمد الله ع كـل حآل الحمد اللـه ..
تنهد وقرب منها شاف إيدها اليسـآر مغطى جزء منها بسيط بالشششآش ...
ماقدر يتحمل منظرها أكثر من كـذا وبسرعه طلع وهو متضضايق متوجه لـ البيت يشوف كيف صـآر ...!
بعد دققاايق وصل البيت ...
تنهد بـ اسى على الحـآل الي صار البيت عليه ..
خررررب بالكـآآآآآآآآآآآآآآآآآآآآ آآآآآآآمل ..!
دخل لـ البيت وشاف كل شي اكلته النـآر
كل شي خرب و رااح
مشى بخطوات ضآآآيقه لـ الدرج ..
هو الوحيد الي ماتأثر كثير
رقـى مع الدررج و انصدم يوم شـاف الدور الثاني
سليييييييم تقريبـا .. اشياء بسيطه الي تضضررت
لكن مو مثل الدور الأول
توجـه لـ الغرفه و انصدم ان غرفـة الملآبس كانت أكلها النـآر
مابقى فيها الا بقايا ملابس !
كان يبي يغير ثوبه الي كان متوصخ بعد مادخل لـ البيت ..
كان فيه بقايا رمااد و غبـآر
لقى ثوب .. كان محطوط داخل درج
اخذه ولبسه على طول ورجع المستششفى عند خلود ..~
\
/
طقت باب الغرفه أكثر من مـرهـ لكن ماطلع لها أي صوت مجيب ..!
سمت بالله و فتحت البـآب شافت بنتها منسدحه و الأجهزه حولها اكثر من مغذي غير جهـآز الأوكسجين ووووووو..الخ
وجها أصفر و وجها مجروح أكثر من جررح كانو واضحيين معلمين على وجها التعبان
تجمعت الدموع بعيونها ماقدرت تتحمل تشوف بنتها بهالمنظـرـر هـذا
مسكت إيدها و صارت تقرى عليها آيآت و تدعي لهااا بالشفـااء .. ساعه تقريبـا
كانت تحس ان في أحد قربها تسمع اصوات و همسات غريبه ...
لكن ماهو صوت ولا هو همسـه !! وينك يـابندر
وييينك ... تبيييـه تبي صوته تبي تحس فيه جمبها ماتدري ليه راودها هالشعور انها تبيه بجمبها ..! تبي تتطمن عليـه
تسمع صوتـه ... تحس بوجودهـ .. آآهـ يـابندر وش صـآر فيك ياترى ؟! صـار لك شي تأذيت ؟! .. انت عايش ولا ميت ويينك يابندر .. ويين .. فقدتك مرهـ .. بس ماتوقع عندي استعداد افقدك مرتين !!
بعد دقـايق ..
سمعت حصه صوت طق الباب ودخلت مشاعل و معها ريم و داليـا ..
اما يـاسر و البآقين كانو في دواماتهـم ..
مشاعل : ها خالتي طمنينا وش اخبارها ؟!
حصه تنهدت وقالت بضيق : الحمـدالله على كل حـآل ..
قربت داليـا لها و مسكت إيدها بخوف وهي تتأمل وجـه اختها كييف صـآير
داليا بضيق : الله يقومك بالسلآآمه ..
ريم مسكت كتف داليا : ان شا الله بتقوم لنا بالسلاامه لا تتضايقين .. ادعي لها انتي بس ..
قعدو بعيد شوي عنها الا داليـا كانت قاعدهـ جمبها و ماسكه إيدها تـدعي لها ..
بعد ثواني سسمعو صوت طق البـاب : احمـ احمـ .. يــاولد
تغطو داليا وريم و مشاعل ودخل بندر ..
بندر : السلام عليكم
الكل : عليكم السلام
راح وسلم على حصه : وش اخبارها الحين ياخالتي ؟!
حصه بضيق : شوفة عينك ياولدي
تنهد بندر وهو يتأملها بهالوضع ... " انـا السبب يـاسارهـ انـا .. "
مسك إيدها وصـار يتأمل في ملامحها بتمعن " آآخ لو تدرين عن شوقي لك .. والله اشتقت لك .. اشتقت لك ياروح بنـدر انتي "
ماتدري ليه أول مامسك إيدها ضغطت عليها شوي .. وكأنها تقوله لا تتركني !
بندر ابتسم أول ماضغطت على إيده .. معناته انها حسست فيه وحست بوجودهـ
بندر : خـالتي ... ضغطت على إيدي حست فيني
حصه تحـاول تكلمها : سااره .. ساره حبيبتي تسمعيني ؟!
سكتت ساره ماقدرت ترد عليها كانت تحس ان لسانها ثقيييييل اكتفت بهز راسها
حصه بفرح : الحمددددد الله لـك يــاااارب
بندر بفرح : ساره حبيبتي تسمعيني ؟! كلميني هزي راسك طمنيني عليك
ساره بدون ماتفتح عيونها قالت بصعوووبه وبصوت خاافت يالله ينسسمع : بـ ... بـ ..بند ..بندر
بندر ضغط على إيدها : معاك معاك صدقيني
مشاعل وداليا وريم .. صارو يناظرون في بعض و انسحبو
ووراهم حصـه انسحبت ...
بندر مسك إيدها و قربها لـ شفايفه وباسها .. : انا جمبك معاك ياعمري مراح اتركك صدقيني ... تركت مره وكان عذاب بالنسسبه لي .. ماعندي اسسستعداد اتركك مره ثانيه ...
فتحت ساره عيونها أول ماشافته تجمعت الدموع بعيونها
نزل بندر لـ مستواها و ضمها بـ صدره بقققوه بدون ماينطقون بـ أي كلمه
ساره بتعب ودموعها على خددها : بـ .. بندر ... لآ تتركني .. مره .. ثانيه ... لاتبعد عني
بندر وهو ضامها بقوه : مستحيييييل أخليك .. مستحيل اتركك مره ثانيه انا قلت لك تركت مره ولا عندي استعداد اكررها .. ماعندي استعداد صدقيني
ساره بعدت عنه وكان وجها ملآصق لـ وجهه ودموعها ماليه وجها
قرب بندر إيده من وجها الناعم ومسح دموعها ..
كان وده يشيلها ويضمها بقووهـ ويقولها عن الي في داخله من حب لها
حس بـ قيمتها بعد ماتركها .. حست وش كانت هي بحياته حسس انه ظلمها و عذذبهاا وهي ماتستاهل هالشي .. كانت له خير زوجـه لكنه ماكان يستاهلها ولا يستاهل طيبة قلبها ....
ساره بعتب وضييق : وينك عني .. اربع سنوات يـابندر .. لييه
بندر غمض عيونه و كأنه تذكر كل شيييييي صـار له ..
المررض الي جـاه بسبب افعـاله ..... وكيف سسافر و كيف كانت رحلة علآجـه .. كل شي مرر عليه و كأنه الحين قاعد يصير ..
بندر تنهد بضيق و قـال : بعديين ياسارهـ الحين ارتاحي انتي ... اهم شي صحتك
ساره بإصرار وتعب : لآ ... الحيين تقول .. الحين
بنـدر سكت لـ ثواني بعدين قـال : ... ساره .. تذكرين يوم يطردني مشعل من البيت ؟! ... "تنهد وكمل " .. طلعت من عندكم و انا معصبببب و حالتي حـاله رجعت البيت عند سيف و كنت معصب وفجأه جاني ألم شديد في راسي .. واغمى علي .. حسبت انه من العصبيه ارتفع الضغط ولا شي .... يوم اخذني سيف ووداني المسستشفى طلع معآي ورم في الراس ...
شهقت ساره وهي تسمع بندر ... : والحيين ؟!
بندر : اسسمعيني للنهايه ..
بندر : بعدها تعالجت هنـا سنه تقريبا ... مافاد فيني العلآج .. نصحووني اتعالج بالخارج وفعلا رحت و تعالجت في بريطانيـا ... حتى اني شفت عبد الرحمن هناك و داليا .... الظاهر كانو في ششهر العسل ... وأنـا من عرفت بمررضـي ياساره على طول تذكرتك .. و تذكر معاملتي معاك و ظلمي لك و ظلمي لـ ناس كثييييييرهـ تذكرت نفسي و الي كنت اسويه .. وكأني فقـت و جا في بـالي يوم الحساب وش ابقول لـ ربي ... انا قتلت و سكرت و ظلمت و عصصيت ؟! ... حتى صلاتي ماكنت احافظ عليها ! وش اقوول ؟! " تنهد " ... يوم سسافرت جا معي سيف و سكن في ششقه .. كانو اغلب الي ساكنين فيها خليجين ومن حظي ان جاره ذاك الوقت شيخ كويتي .. قاله سيف عني و طلب منه انه يجي ويقرا لي و لبى طلبه .. وفعلا صار يوميا يجيني ويقرا علي و الحمد الله بفضل الله ثم بفضل الشيخ بديت اخف كل يوم افضل من الي قبله لين ماتششافيت تماما ..
ساره و الدموع ماليه وجها .. ضمت راس بندر لـ صدرها : الحمد الله يارب الحمد الله لك يـارب ..
بندر وهو يبعد عنها : ساره
ساره : عيونها
بندر : خلينا ننسى كل الي صـار .. خلينا نبدأ صفحة جديده .. وأول ماتطلعين نرجع لـ بيتنا انا وانتي و ريانه ... و نسافر و ننسى كل شي
ساره ابتسمت بين دموعها : أكيييد ابرجع لك ... مراح اتركك مره ثانيه مراح اتركك ..
\
/
لفت انتباهه ششخص كان توهـ داخل المستشفى
وكأنه يعرفه ؟!!! .... دقق فيه <- أكيد مجرد تشبيه اخر مرهـ متى شفته يا الاب العزيز .. قبل كم سنه ؟! =))
كأنـه عبد العزيز !؟ ..
قرررب منـه وقـال : عبد العزيز
التفت عبد العزيز لـ مصدر الصوت ... و عقد حوآجبه يوم شـاف ابوهـ .... وش فيه ليه هنـا موجود ؟! لايكون فيه شي ؟!
قرب منـه : سم يبه
صالح : وش عندك هنـا ؟!
عبد العزيزبضيق : سساره .. بالعنآيه ‘،
صالح بصدمه : ايشششش ؟! .. ليه وش فيها ؟!
عبد العزيز : صقعتها سياره
صالح : وشاخبارها ؟
عبد العزيز : حالتها الحمد الله مسستقره ويقولون فتحت عيونها
هز صالح راسسه ببرود و مشى ..
وهو رايح لـ غرفة خلود الي غيروها لها كانت عامه .. حطوها في غرفة خاصه بسبب حالتها ماينفع تنحط في غرفة عآمه ..
ششاف حصه و معها ياسر و متعب و عبد الرحمن و داليا وريم و مششاعل ... كانو واقفين يتكلمون ..
توجه لهم صصالح : وش أخبـارها ساره ؟!
حصه بعتب : زين فكررت تجي تسأل عنها
صالح عطاها نظره وسكتت
عبد الرحمن : مافيها الا العـآفيه عمي .. الحمد الله حالتها مستقره بس بندر الحين عنددها إذا بتزور ..
صالح : و من قالك اني جاي لها ؟!
انصدمو الكل من ردهـ و سكتو
داليـا " لهالدرجـه انت يابوي ماعندك قلب ! لهالدرجه انت ظظظآلم ولآ تحسس ؟! هـذي بنتك ضنآك .. جزء منك منت بـ جآي عشششانها اجل ججآآي عشان مين ؟! مادري أي نوع من القلوب قلبك يـابووي مااادري ... الله يهديك بس "
طلعت منها تنهيده غصب عنهااا من تصرف أبببوهـآ وكلامه ...
عبد الرحمن التفت لها وقالها بصوت هامس عشان محد يسمع : لا تتضايقين حبيبتي،أكيد كلمه وقالها بدون قصصد ..
سكتت داليا ولا ردت عليـه
مشعل : يبـه ..
لف عليه صالح بعدم اهتمام : نعم
مشعل : ماتبي تشوف ساره يعني ؟!
صالح : قلت لأ ، ماتسمع انت ؟!
سكت مشعل ولارد على صالح
دخل صصالح إيده بجيوب الثوب و استغرب انه داخله شي
طلعـه شـاف حزمة أوراق ... مربوطه مع بعض بششكل غريب
وفيه كلآم على الورق نفسه لكنه ماعرف يقراه
شهققت حصه أول ماشافته : صصصالح !! وشو ذا
صالح : مادري ؟! ... هالثوب من زمآن عندي ... ماذكر اني قد حطيت هالشي فيه
اخذتـه حصه بخوف تتأمل فيه .. : اخاف انه ... انـه .... لالا ان شا الله
ياسر : انه اييش ؟!
صالح : وشو انه ايش ؟! .. تكلمي !
اخذه عبدالرحمن بسرعه وهو ششاك : عمي ... انت حاطه بثوبك ؟!
صالح : لا .. أول مرهـ اشوفه اصلا
اخذه ياسرر سم بالله وفتحه بخوف
وشهق يوم شاف الي داخله
اما صالح أول مانفك صرخ وتألم
متعب بخوف : يبه وش فيك
صالح بكتمه : احس اني مـ ... مخنووق
فتحه ياسر أكثر و شاف أكثر من صوره
الصورهـ الأولى .. صالح وجمبه مشاعل وعبد العزيز و متعب وهم صغآر ..
الثانيه صصورهـ لندى ..
الثالثه صورهـ لـ حصه وجمبها داليا وياسر و مشعل و سساره ..
الرابعه صصورهـ لـ منيره وريـم ..
ومكتوب في الأوراق نفسها اسم صالح الكامل و معلومات عننه ..
وحوله شي غريب منثوور ... وكلآم بـ لغه غريبه ؟!
حصه بصدمه : .. هـذا.....هـذا ...هذا سحر ..!!
التفت صالح على حصه بصدمه : ايششش !! سحرر لا مستحيل خلود تسوي لي سحر
حصه بعصبيه : ياخي فوووووق .. وشو الي مستحيل لا تسويها هذي شوفها ساحرتك الحقيره فوق الـ 20 سسسنه ياصالح وانت مسحور ...
ياسر : يمه ، يبه .. أنـا اقوول نروح لـ أي شيـخ نسأله .. الحين السساعه 5 ونص والحين يـأذن المغرب ... في مسسجد برا المستشفى قريب نروح نصلي و نسأل الشيخ
عبد الرحمن : الله يستر ...
....... الله اكبر الله أكبـر ...
أذن الإمام منادي لـ صلاة المغرب ..
طلعو كلهم من المسستشفى متوجهين لـ المسجد
الحريم دخلو لـ قسم النسساء .. اما الرجال فـ دخلو قسسم الرررجال
وبدأت الصلآهـ ..
السلآمـ عليييكـم ورحمة الله .. السلآم عليكم ورحمـة الله ..
بعد دققايق الكل صار ينصرف من المسسجد .. ماتبقى غير الإمام
وتوجهو لـه ..
بعد مرور نصص ساعه ‘،
طلعو ششافو داليا و حصصه مششاعل وريـم واقفين ينتظرونهم
مششاعل : ها وش صصار ؟!
متعب بضيق : أبـوي طلع مسسحور ..
شهقت مشاعل ييوم سمعته ..
ريم بخوف : ووينه ابوي الحين ؟!
متعب بضيق : أبوي ... أول مانفك السحر اغمى عليـه ..
شهقت حصه بخوف و هي تطالع داليا الي من سمعت متعب وهي مصدومه و حاطه إيدها على فمها من الصصدمه ..
مشاعل بخوف : طيب وينه أبوي اخاف يكون فيه شي ... متعب تكفى نادو أي أحد من المسستشفى يشوف وش فيه
متعب : مشاعل لا تخافين ان شا الله مافيه شي حتى الشيخ يقول هذا شي طبيعي بعد ماينفك السسحر ..
داليا و الدموع تجمعت بعيونها : كل منها ... حسبي الله عليها تسحر ابوي ؟! ... ليييه وش مصلحتها ... الله لا يوفقها يارب لا دنييا ولآ آخره ..
ضمتها حصه وهي مو مصدقه مصدومه مثل بنتها ! : حسبي الله عليها حسبي الله عليييها
ريم بضيق : خلآص .. دام السسحر انفك ماتوقع صار بيدها شي ، أبوي مراح يخليها
متعب : انا راجع بروح اششوف أبوي وانتو ارجعو المستشفى و أول مايقوم ابتصل اعلمكم .. روحو عند سساره أكيد محتاجتكم ..
هزت مششاعل راسها : يلا خالتي يلا داليا وريم .. وقفتنا هنا مامنها فاييده بوسط الشارع ! .. إذا صار شي بيتصل متعب ..
دخلو المستشفـى وتوجهو لـ غرفة ساره ..
طلع بندر أول مادخلو عششان ياخذون راحتهم
وراح لـ المسسجد مع البآقين ..
دخل المسجد شاف صالح قاعد و وجـه معفوس
وحوله عيـاله وعبد الرحمـن ..
بندر : وش اخبارك الحين عمي ؟ وش تحس فيه ؟
صالح اكتفى انه يهز راسه ..
مـايدري ليه من انفك السسحر عنه حس بإحسساس غريب ... مايعرف كيف يوصفه .. كأنه كان مخنووق و شي كابت على نفسسه طول ذيك السنوات و الحين انزاح
صالح : .. ياسر ، ودوني المستشفى
ياسر بخوف : ليه خير يبه
صالح : ابي اشوف ساره ..
ابتسمو كلهم يوم قال هالكلمه ... حسو انه رجع لـ وعيه ..!
\
/
فتح بـاب غرفة بنته شافها منسدحه و التعب واضح عليها و جمبها حصـه و البنات
حصه أول ماشافته ماتدري ليه خاافت لاييكون فيه شي أو بيسوي في سارهـ شي !
اما الباقين كلهم انصدمو من توآجدهـ ..!
قرب صـالح لـ سـاره الي كانت منسدحه و ماهي حاسه بالي حولها ...
تحس ان هذا ابوها .. بس ماهي متأكده ؟!
صالح ماكان يدري وش يسوي ..! أو كيف يبين حتى انه ندمان وماكان في وعيه
يبي الكل يسامحه .. يبهم يدرون انه صدق وقتها ماكان بيده شي و كان مجبور يسوي اشياء هو ماهو عارف عنها شي اساسا !
صالح : الحمد الله على سلامتك يـابنتي .. " و ابتسسم "
ابتسمت ساره غصب عنها وهي تسمع هالكلمه من أبوها " بنتي ! " .. آآهـ يـايبه .. كم صار لي ماسمعتها منك ؟! كم صار لي ماشفت هالإبتسامه ... محرومين منها سنواااات ... حسبـي الله على الـي كـان السبب ... حسبي اللـه ونعم الوكيـل ..
ردت بتعب : الله يسللمك ..
صالح وهو يمسك إيدها وقال بضيقه : أخبارك الحين ؟!
ساره ابتسمت وسط تعبها : انا بخير .... دا..دامك .. سألت .. عني ..
تنهد صـالح بضيق وهو يسسمع صوت بنته التعبان ... هو سبب كل هذا هو الي زوجها لـ بندر ..... وهذا الي صار لها من ورا زوآجها هذا غير العذاب و الظلم الي عانته معااه .. وغير الحرمان كل ماشافت بنتها تسأل عن ابوها تقطع قلبها .. حفيدتي الي حرمتها حتى من حنـاني حنـان جدها الي مفروض يكون بدال أبوها ذاك الوقت !!
رفع راسه شاف مشاعل قاعدهـ ... تذكر كيف ظلمها مع ابراهيم الله يرحمـه ... وكيف عذبها بزوآج ففآشل بـ رجال كبرهـ ... غصبها عليه عشان الفلوس ولا فكر فيها هي ... لا بـ شبابها ولآ بـ احاسيسها تجاهه ولا اي شيي .. عانت و عانت وعانت .. من بنته و بنت زوجته .. أدمنت بسببهم و مرضت و تغيرت وكل هذا هو سببه ...
ششاف جمبها داليا .... تذكر كيف كان بيسبب بـ طلاقها من عبد الرحمن الي ما منه اثنين ... عزها و كرمها وعمره مازعلها أو ضايقها .. حطها في عيونه ولا قصصر عليها بـشي ... بالله عليكم رجـال مثل كذا وين تلقون مثله ؟! وكنت تبي تخرب علاقتهم ياصالح ؟! ..
وريـم !! ريم ومنيره الي حرمتهم من شوفة اهلهـم ... سنوووووووووات ... من عمرهم ضاعت بدون لا اهل ولا اخوات ... مجرد .. منيرهـ مع ريم .. وريم مع منيره وبسسسسس !! ..
رفع راسه شاف عيـاله كلهم واقفين ..
يـآسر و متعب و مششعل و عبد العزيز ... حرمتهم من بعض .. كل منك ياخلوود كل منك .. حسبي الله عليك من حررمه ..
فجـأهـ ..
تذكر هـدى و أحمد وخـآلد !!! ...
ياترى وينكم الحين وشش أخببـآركم .. هـدى الي مادريت وش سالفتها و خليت خالد يستلم موضوعها ولا ادري عنها بـ شي ... وينك ياهـدى وش صار فيك ؟!
أحمد و خـآلد و هـدى .. حتى انتو ظلمتكم بتربية فآآآآآشله .. كنت اب فآشل بالنسبه لكم مع اني كنت أحبكم .. كنتو غير عن البآقين عندي لأنكم عيـالها ... بس بعد ظلمتكم ! ...
نسـى ... نسى الي جالسسسه وراه ...
التفت و شاف حصه جالسه و دموعها ماليه عينها ..
غمض عيونـه بحرقه وقهر .. " آآخ يـاحصه .. حتى انتي ظلمتك و مديت إيدي عليك أكثر من مرهـ ... و ندى و منيره ... صرخت عليهم و مديت إيدي عليهم و حرمتهم من اشياء كثيييييرهـ ... "
نزل رآسه و نزلت منه دمعه قهرررر ... مسحها على طول مابغى يضعف عند عياله
تنهد بضضيييق ... وقـال : حصه .... وكلكم اسمعوني
الكل التفت لـه ووجه سمعه و نظره لـه
صالح بضيق وهو منزل راسـه : ســ.... سـآمحوني
سكتو كلهم وصارو يطالعون في بعـض مو عآآرفين وش يقولون ..؟!
حصـه وهي تصيح : ... معذور يابوياسر .. معذور
قرب يـآسر منه و حب راسه وضمه ... ضم ابوه الي انحرم من حنـانه سنواااات كبر و تربى على إيد امـه طول ذيك الفتره ...
ياسر : يببه .... حنا ماشلنا عليك عشان نسامحك .. انت بالنهايه والدنا عزوتنا .. مانقدر نشيل عليك
ضم صالح يـاسر بقووهـ ونزلت دموعه مره ثانيه ... حس بقيمة عياله بعد مانفك هالسحر ...
وفجأهـ .. تذكر السحر و خلود ..
تقدم و توجـه لـ باب الغرفه لكن اوقفه صوت مشاعل : يبه ... على وين ماشبعنا من قعدتك ؟!
صالح ابتسم لها : .. دقايق و راجع
طلع من غرفـة سـاره متوجه لـ غرفة خلود ‘،
مافكر انه يطق الباب حتى .. دخل على طول ..
شافها معطييـة الباب ظهرهاا و أول ماسمعت الصوت التفت لـ جهته
خلود ابتسمت لـه بتعب وقـالت : هلا حبيبي
توجـه لها صالح بدون مايتكلم أو يرد لها الإبتسامه
طالعها من فوق لتحت و قـال : لولا الي فيك ياخلود ... كان وريتك
خلود سكتت مستغربـه منه !!
صالح : انتي طااالق ياخلود ... طااااااااااااااالق
شهقت وهي تسسمع صالح يطلقهـآإ ..
خلود و الدموع ملت عينها : ليـ ... لييييه ..
صالح : تسحريني يـاخلود !! .. والله ثم والله لولا حالتك الي انتي فيها الحين كان وريتك ..
سكتت بصدمـه .. وقالت بكذب : أ .. أسحرك !! ... و .. وليه أسسحرك يعني
صالح بعصبيه : اسالي نفسك لييه ... شوفي فلوسي الي عندك مابي منها ولا قرش .. لكن ان قربتي من مرتن ثانيه .. ماتلومين الا نفسك
طلع و خلاها مصدومه منـه دآخل الغرفه ‘،


\
/
صرخ على ولدهـ بعصبيه وهو يشووف مرته طايحه ع الأرض و الـدم ماليها ‘،
ابو مالك : انت ايششششش انت حقيييييييير انت ماتحس
مالك ببرود : تستـاهل ..
أبو مالك بعصبيه : تستاهل !! ليييييه تستاهل وش سوت لك الحرمـه
مالك سكت
ابو مالك : إيه ماعندك رد ! ، اسمعني زين .. بنت الناس ماهي لعبه بين إيدينك فـاهم ولا لا ، ياتصونها و تعزهـآ وتقدرها ... يـا تطلقها و تفكها من شرك
مالك عصب من اسلوب ابوه : وانت وش دخللك فيني هاهـ !! ... زوجتي و كيفي اسوي فيهـا الي ابييييه ... لاحد يتدخل
هدى بتعب وحزن وتصيح : مـالك .... الله يخليك ... طلقني ... بعطيك كل فلوسي الي عندي الي تبيه بس طلقني ... الله يخليك
مالك سكتت وكأن الفكره جازت لـه !
هـدى بصياح : الـي تبيييييـه كل الي تبييه بس طلقني
مالك : .. فلوسك الي بالبنك كلها تحولينهـا لـي ... و راتبك حق الجامعه كلله لي .... و ذهبك بيعيه وعطيني قيمته
ابو مالك بصدمه : وش هالطمع !! .. هدى مراح تعطيك ولا قررش تفهم ولا لا .. و بتطلقها غصصصصصصصب عليك ...
مالك ببروده المعتاد : قلت لك يبه .. مراح اطلقها كذا بالسـاهل !! ..
أبو مالك : .. ششوف يا تطلقها .. يـا انت منت بـ ولدي وانا ماعرفك تفهم ولا لا
مالك ببرود : موب أكبر همـي ..
انصدم أبو مالك من ردهـ ...وقال بعصبيه : بكرا ياهدى تجين معي لـ المحكمـة و راح تتطلقين منه ..
مالك بضحكه : نشووف ..