[لامارا]

أجهلك

-2-

صارت الساعه 11 وطلعت ايمان مع امها وخواتها واخوانها عشان يجهزون للسفر , ايمان كانت مبسوطه شوي لان عيال خالتها عطوها وجه شوي غير عن اول , وخاصة ان فيصل دخل عليهم ومعاه مشاري وعبد الرحمن عيال خالتهم الباقين , ومشوها سوالف ووناسه الين تركوا ايمان ومي ياخذون راحتهم وطلعوا كل الشباب

وبعد وصولهم الامارات

يزن : الوايلد وادي يعني الوايلد وادي

ريان : ايه بابا يوم احنا بالرياض قلت لنا معليش

الاب :, انتوا طلباتكم ماتخلص خلاص حنا عندنا اسبوع بنروح كل الاماكن الي تبونها

ايمان تضايقت لان ابوها عصب وهي ماتحب مزاجيته : خلاص لاتتهاوشون , نجود سيتي سنتر وبرجمان بكره

نجود ضاق خلقها بس ايمان اشرت لها تسكت عشان مايتضايق ابوهم وهم يعرفونه ممكن يرجعهم السعودية بكره لو ازعجوه

مرت خمس دقايق وهم يتمشون للفندق

ريان : بابا ماما الحين انا عندي سؤال

الام : اسأل

يزن : سألت عنك العافيه كاكاكاككاكا

( الكل ضحك على سخافته )

ريان : الحين خواتي ذولا موب توأم زينا ليه تسمونهم اسامي زي بعض ؟ ( ويأشر على نور ونوف ونوض )

نجود : ايه صح ماما ليه انا وايمان ماطقمتونا ؟

ايمان : عشان اغير اسمي , بسم الله علي ان شاء الله مايجي يوم واحد يتلخبط في اسامينا

الابو يضحك : انتي ياايمان يومك بالابتدائي ماكان معجبك اسمك

ايمان : ايه كانوا البنات ييستهبلون ( اركان الايمان واركان الاسلام )

( الكل ضحك )

نور : اركان الاسلام هي خمسة اركان .. الشهادتان ..

يزن وريان ونوف : والصلاة والصيام .....

ايمان : ماينقال لكم شي تكفون اسكتوا والله بتصحى نوض منكم

الام : اذا صحت ترا بزعل عليكم

يزن : طيب ماما ماقلتي لنا ليه سميتوهم كذا

الام : مادري انا كان عاجبني اسم نور وسميته , بعدين جات نوف اول مانولدت مره تشبه اختها , ونوض برضوا , بس كذا مافي سبب معين يعني

ريان : انا لاكبرت وجابت زوجتي ولدين ابسميهم فارس وفراس

يزن : ايه وانا احمد ومحمد

الابو يضحك : بعد صغار ويتكلمون في الزواج , شالكلام ؟

نجود : عادي بابا خلك ديموقراطي

الابو يطالع نجود بالمرايه : جات هذي الي عمرها تقول 20 سنه , خليت الديموقراطيه لك

( الكل ههههههههههههههههههههههههه ههههههههههههه)

وراحوا كلهم الوايلد وادي ,, وبعدين راحوا برجمان سنتر , خذوا لهم 3 ايام بدبي بعدين طلعوا عالشارقه علطول

اما في السعودية :

مهند : يمه بسرعه ابلفّ علموني . تبغون صحارى ؟

ام مهند : ايه

مهند : أي بوابه

ام مهند : الاولى

الجوهره اخت مهند( سنه12) : لا نزلنا عند التوسعه والله المحلات أحلى

العنود (11سنه): اقول انزلوا من أي بوابه بس كيفكم انا ابغى اروح تامي

مهند : انا لله وانا اليه راجعون , خلاص جوجو بننزل في الاولى عشان امي

الجوهره : طيب

مهند يوقف السياره : شوفوا انتوا الثنتين خلوكم مع امي , ماحنا فاضين نقعد نجمّعكم

الجوهره : قلنا لكم جيبوا لنا جوال مارضيتوا

ام مهند : ايه اذا طلعت نجود جوال طلعت لكم

العنود : والله ؟

ام مهند : ايه بس لين اسأل اختي متى بتطلع لها

الجوهره والعنود ابتسموا ونزلوا مع أمهم ودخلوا كلهم

مهند : يمه كم يبغى لكم ؟

ام مهند : مادري لاخلصت ابتصل عليك

مهند : عاد مو تنسوني والله وراي اشغال

ام مهند : طيب , انا اذا شفت اني بطول بدق عليك , تروح تشوف اشغالك وترجع

مهند : طيب

( وراح عنهم مهند , وصلته مسج على جواله جلس على الكراسي الي بجمب السيفوي يقراها , وكتب رساله ورد على صديقه , قام من الكرسي ولايشوف بنت صغيينونه واقفه وتصيح , تلفت حوله ماشاف احد يبين انه من اهلها )

مهند : شسمك حبيبتي ؟

البنت : سود

مهند : هاه ؟

البنت : سود

مهند ابتسم رغم انه مافهم اسمها : وين ماما ؟

البنت تهز اكتافها يعني ماتدري

مهند : وين راحت ماشفتيها ؟

البنت هزت راسها : لا

مهند : طيب تعالي , وش رايك نشتري حلاوه ونجلس هنا الين نلاقيهم ؟

البنت ابتسمت : ايه

راح مهند شرالها حلاوه وجلسها معاه على الكراسي

مهند انبسط على البنت , ملامحها بريييئه وصغيييره , وملبسينها اهلها فستان وردي بدون اكمام مع قبعه من نفس لون الفستان

البنت شالت الحلاوه من الكيس وكبتهم في قبعتها وجلست تاكل منها , ومهند يراقبها ويضحك

مهند : ايش اسم بابا ؟

البنت تهز اكتفها يعني ماتدري

مهند ابتسم وجلس يفكر ( المفروض الطفل اول مايتعلم يتكلم يعلمونه اسمه واسم ابوه , علشان لو ضاع زي كذا لاسمح الله )

وشوي الا يدق بندر على مهند : هلا والله

مهند يضحك : هاه شفت الرساله ؟

بندر : ايه الله يقطع بليسك , وينك فيه الحين ؟

مهند : مع الاهل صحارى .

بندر : مايمديك تجيني نتعشى سوى ؟

مهند : شوف انا عندي فكره احسن , ابرقى اتعشى فوق وانت تعشى , وبعد ساعه اشوفك في ستار بكس

بندر : خلاص اوكيه

مهند : تخيل الموقف , بزره زغيرونه ضايعه عن اهلها لو تشوفها يابندر , تدوخ عليها تجنن ماشاء الله

بندر الفاضي : اوصف لي اياها

مهند التفت عليها لقاها نامت على رجوله : .......

بندر : وش فيك ساكت

مهند : نامت ياحلوها , ياخي والله البزران يهبلون

بندر : جانا هذا بعد, انا مو مصدق فيه بزر لزق فيك وحبك , ولا مو من زين شكلك

مهند : اسكت تكفى , مادري شبتسوي لاصار عندك عيال بعدين , مارح تعرف تتصرف معاهم

بندر : الحين انت تعرف ؟

مهند : طبعا

بندر : ياحنون انت

مهند يضحك : لاتخاف بعطيك كورسات , ( والتفت على البنت يبغى يوديها عند السكيورتي بس كيف وهي نايمه , ومايهون عليه يصحيها , قلبه رق عليها كثيييييير )

بندر : هاي انت انتظرك يللا باي

مهند مانتبه ان بندر قفل وهو تم يتأمل البنت وشال باقي الحلاوه وحطاها بجيب الفستان

بعد دقيقتين رجع مهند يطالع جواله وتجي بنت وتوقف من بعيد شوي وتنادي : شوق .. شوق

مهند تلفت وعرف انها تنادي البنت الضايعه : انا اسف , شفتها هنا ( ويأشر على السيفوي ووجهه احمر )

البنت جات وخذت اختها النايمه وشالتها , وحالتها حاله , شوي تنفتح عباتها من تحت , وشوي تطيح من على راسها ,

مهند استحى ولف عنها وهي خذت البنت ودقت على اختها : الو هلا , قولي لامي لقيتها

اختها : وين فيه ؟

البنت : موب وقته بعدين اقولك يللا , مانجو ؟ اوكيه جايتكم هناك

وتقول شكرا بصوت واطي وتروح

مهند قام من مكانه عشان يرقى يتعشى , وشاف القبعه وراه

استغرب كيف جات وراه وهو ماحس فيها , بس كيف له داعي يرجعها لها ؟ يللا على الله بروح مانجو واذا شفت البنت الصغينونه بحط على راسها القبعه وبطلع

ساره : هي ماقلتي لي وين لقيتيها ؟

هبه : واحد شافها وجلس معاها على الكراسي اللي بجمب السيفوي

ساره : وشيبي فيها ؟

هبه : نحمد ربنا جلس معاها ماخذها وانحاش فيها , كله منك والله ماخليك تمسكينها ثانية

ساره تضحك : وكيف شكله حلو ؟

هبه : لاعادي

ساره التفتت على شوق اللي صحت وتمشي وهي تاكل : شوق حبيبتي من وين لك هذي الحلاوه ؟

شوق : دنّد

ساره : مين

شوق تعلي صوتها : دنّد

هبه : انتي ياهبله لو علّت صوتها بتفهمين يعني ؟

ساره تضحك : متحمسه ابغى اعرف وشسمه

ساره وهي تدخل مانجو : ماتحسين شوق ناقصها شي ؟

هبه : اه ياويلي القبعه ؟ ارجع ؟

ساره : كيفك , امي ترا تحب ذا الفستان

هبه وهي تتلفت شافت مهند وهو يعطي شوق القبعه بس ماكانوا منتبهين لانه جا من وراهم ويستحي يكلمهم

شوق : دنّد باي

مهند بصوت واطي بس سمعته ريم : لا مو دنّد , مهند

شوق ضحكت ومستمره تاكل في الحلاوه

ريم بسرعه : ساره شفتي هذاك اللي حاط عوارض وماسك جوال الدمعه ؟

ساره : ايه هذا هو ؟

ريم : ايه

ساره : وتقولين عادي والله انه يجنن

ريم : الناس اذواق

ساره تمزح : وش جابه هنا ؟ لايكون يلحقك ماعطاك رقمه ولا شي ؟

ريم : جايب القبعه ( وتأشر على راس شوق ) بعدين لو شفتي شكله وجهه محمر ومو عارف يتكلم , تبينه يلحق ولا يعاكس

ساره : غريبه

ريم : المهم زي ماتفقنا امي لاتدري بسالفته كأننا لقيناها وخلاص , وعلى فكره , اسمه مهند

ساره : والله حلو اسمه ولا شكله احلى

ريم : اختصري مسافه وروحي رقّميه انتي احسن

ساره تضحك : ويـــــــــــــن , صاحيه

......................................


يتبع......