[لامارا]

((الجزء السادس))


فيصل جلس على الرمل وبدء يتحسس الرمل اللي كانت تلعب فيه وسن برد ودخل وأول ما دخل
أم فيصل: فيصل تعال أنا أبيك
فيصل : إن شاء الله
فيصل دخل غرفة أمه: خير يمه
أم فيصل: فيصل أنا زعلانة منك مو هذا ولدي المتعلم المتفهم اللي يسوى كذا
فيصل بندم: أنا أسف يمه وهذي بوسه على الرأس
أم فيصل : ما أبي تحب راسي أبيك تفهم شيء صحيح أخوي حنون لكن معاملته لوسن كذا لأنه في سبب والسبب.........................
فيصل جلس يستمع لأمه وهو مستغرب

************
بعد ما رجعوا كل واحد لبيته بعد التمشية رجعوا وهم كل واحد حامل مشاعر ما في مثلها
فيصل" وحبه لوسن اللي كل يوم يزداد "
ومنصور "وإعجابه بشخصية ندى وكلام خواته عن جمال وسن"
وسن "و شعور ثاني لا أول مره تحسه في حياته "
ندى "حامله رايات النصر وقدرت تقرب نفسها من منصور "

------------------------

سمر بعد ما طلعت من مدرستها قالت للسواق يوديها المكتبة تأخذ حاجات لها للمدرسة}سمر في الثانوية سنه ثالث علمي {
دخلت المكتبة وتدور في الكتب كانت محتاجة أشياء خاصة للبحث للمدرسة
وهي تدور في الكتب جاها واحد يكلمها
......: حددي وش اللي تبين و إحنا نساعدك
"التفتت شافته شاب وسيم وطويل وجذاب عيونه عسلية وشكله ناعم"
سمر : خير وش تبي
.....: عادي أنا اعرف كل شي هنا في المكتبة قولي اللي تبينه وأطلعه لك
جاها صوت تعرفه أخوها حمد سمر في نفسها ( يا ويلي الحين يذبحني حمد يفكرني أكلمه )
وباستغراب شافت حمد يسلم على الشاب
حمد : كيفك فهودي
فهد:الحمد لله تمــام وأنت؟
حمد : بخير إن شاء الله
حمد: أختي في المكتبة ما وصيك فيها
فهد:أنت تامر
سمر لمن شافته يسولف مع أخوها راحت لزاوية ثانيه
حمد لمح أخته من بعيد وراح لها
سمر : حمد وش جابك هنا
حمد: شفت السايق واقف عرفت الملقوفة هنا
سمر: أنت الملقوف بسم الله علي من اللقافه
حمد:هههههههه من جد هبله
سمر: حمد حرام عليك
حمد أبتسم: طيب خلاص شوفي هذي مكتبة واحد صديقي أخذي كل اللي تبينه وهو بيراعيك بالأسعار هذا ما تنازلك عليه و آخذتيهم ببلاش
سمر: عيب إحنا مو طرارين
حمد: هههههههه وش يفهمكم انتووا يا البنات خلاص خلصي
فهد" عيونه على حمد وأخته وفي نفسه > هذي أخته أكيد حلوه حمد ما شاء الله عليه وسيم وأكيد البنات أحلى من الأولاد <
حمد عطى فهد الكتب اللي أخذتهم أخته
فهد: خلاص حمد ما يحتاج كل ها الكتب على حسابي هذي المرة بس نبي نكسبكم زباين
حمد: ومن قال أني بدفع لك حطهم في كيس
فهد: ههههههههه أنت تأمر أمر
"سمر واقفة متكتفه ومعصبه على أخوها "
فهد عطى حمد كرته: شوف أي شي حاجه تبونها اتصل و أنا أجهز لكم من قبل
حمد:فيك الخير يا أبو الشباب يا الله ســلام
فهد: الله يـسلمك

_-_-_-_-_-_-_-_-_-_-_-_-_-_

سمر دخلت البيت وهي تتأفف و زعلانة على حمد
حمد دخل وهو يضحك عليها : والله ها البنات دلعهم زايد
مروه: خير وش فيكم ؟
سمر: أخوك فشلنا دخلت المكتبة وأخذت لي كتب وأدوات المدرسة وطلع يعرف صاحب المكتبة وطاحت الميانه بينهم اخذ كل شي بدون ما يدفع
مروه : خخخخخخ إذا خويه ما فيها شي
سمر بنرفزه: ليه شايفنا مساكين يبي يساعدنا
مروه سحبتها لداخل : أسكتي حمد طيب ويتصرف على سجيته ما ينافق وأكيد ربعه مثله يحبون يخدمون بعض فيا ليت تهدى أشوي
سمر جلست: بس تعرفين صاحب المكتبة عيونه تذبح
مروه:عيب وشها الكلام لا يسمعك أخوك
سمر جلست تقول لــ مروه كل اللي صار

ـــــــ7ــــــــــ7ـــــــ ـ7ــــــ
وسن وهي في المدرسة جالسه مسالمة كا العادة إلا دخلت بنت معاها في الفصل اسمها مضاوي
أول ما دخلت مضاوي جلست على طاوله وسن وهي جالسه تكتب
وسن: لو سمحتي يا مضاوي بعدي
مضاوي: وإذا ما بعدت وش راح تسوين
وسن ماردت عليها وحقرتها
مضاوي : ليه ما تردين عليه ما تسمعين أنتي
حطت صبعها على راس وسن إما وسن وقفت : شوفي مالي خلق مشاكل معاك بعدي عني اسلم لك
مضاوي باستهزاء: يا عمري الرقيقة وش راح تسوين؟
وسن مسكت أيد مضاوي وبعدتها عنها :سمعي أنا مو فاضيه لا ألاعيبك
مضاوي تخصرت وهي واقفة : شكلي أنا اللي بربيك يا كلبه
وسن: احترمي نفسك وبلا ألفاظ مو زينه
مضاوي مسكت شعر وسن وجرتها بقوه
وسن :آه حرام عليك
وسن ما تبي تصير ذليلة لمتى بـ تنذل وعلى يد وحده ما تسوى قوت نفسها ومسكت يد مضاوي وعضتها و سدحت مضاوي في الأرض وبدت ترفسها وتطلع حرتها
مضاوي| خافت اول مره احد يوقف بوجهها وقفت وتراجعت لوراء |
وسن عدلت وقفتها : سمعي أنا مو مثل أي وحده هنا ترضى تتجبري عليها وتسكت تبين الناس يحترمونك احترمي نفسك أول شي فاهمة
ورجعت وسن لطاولتها وصلحت شعرها
مضاوي نفضت مريولتها من الغبار وناظرت وسن بحقد وطلعت
إما وسن حست براحه وقوة أخيرا حطت حد لمعاملة مضاوي لها

++++$++++++$+++++++
\اشتقــت لـك يا صـاحبـي ويــن ألاقـيـك\
\محتــاج لك بالحــيل ودي أشوفــك\
\اشتــقت أســولف معــك واسـمع حـكاويــك\
\و أللمه الحـلوة وباقـي مـزوحـك\
يا صاحبي من كثر ما أطريك و أغلـيك \
\صـرت أتحلم فـيك و أصـحى و أشـوفـك\

فيصل دخل البيت وهو مبسوط باس رأس أمه: السلام عليكم يا أغلى أم بالدنيا يا تاج راسي ونبضي وإحساسي
أم فيصل: وعليكم السلام خير مبسوط خبري تجي من الدوام وأنت هلكان واليوم مبسوط وتغني
فيصل: يمه خلاص أخذت قراري وما راح أتراجع
ام فيصل: أي قرار
فيصل : أبي أتزوج وسن
أم فيصل: زين ما خترت هذي اللي أبيه من زمان تتحرك و تتلحلح
فيصل بحب: خلاص يمه أموت فيها ما أقدر أعيش من دونها يمه تكفين كلمي أخوك
أم فيصل: عيب هذا خالك أول شيء وأبو زوجتك
فيصل : أحب رأسه بعد مو بس خالي يخليه ربي اللي جاب ها الملاك
أم فيصل: خلاص فضحتنا بأخذ موعد مع أخوي وأكلمه

~*~*~*~*~*~*~*~*~*~*~*~*~*~*~*~*~
منصور يقرأ في كتاب بدر شاكر سياب
لك الحمد


لك الحمد مهما استطال البلاء

ومهما استبدّ الألم

لك الحمد، إن الرزايا عطاء

وإن المصيبات بعض الكرم

ألم تُعطني أنت هذا الظلام

وأعطيتني أنت هذا السّحر؟

فهل تشكر الأرض قطر المطر

وتغضب إن لم يجدها الغمام؟

*****

شهور طوال وهذي الجراح

تمزّق جنبي مثل المدى

ولا يهدأ الداء عند الصباح

ولا يمسح اللّيل أوجاعه بالردى

ولكنّ أيّوب إن صاح صاح:

لك الحمد، إن الرزايا ندى

وإنّ الجراح هدايا الحبيب

أضمّ إلى الصّدر باقاتها

هداياك في خافقي لا تغيب

هداياك مقبولة. هاتها

*****

أشد جراحي وأهتف

بالعائدين:

ألا فانظروا واحسدوني

فهذى هدايا حبيبي

أبتسم منصور: آه كم هذه الفتاة تكبر في عيني
منصور قراء الديوان كذا مره وأول ما يقراء صفحة ندى الذي خطته بأيدها

*&*&*&*&*&*&*

ندى في الكلية مع شجون تحكي لها انتصاراتها وفرحتها وتنتظر الخطة القادمة
شجون : حبيبتي أول شيء تسوينه هو أتصلي على مروه وقولي لها أنا جايه عندكم البيت
أكيد راح تسألك خير قولي لها عندنا بحث نتكلم فيه ,نتساعد علشان يصير بالمستوى المطلوب ولانك عندك خبره
يعني قولي اي شي وخلاص
ندى: طيب إذا قالت لي أشوفك في الكليه
شجون : صرفيها قولي لها محاضراتي غير وقت محاضرتك
ندى: طيب وكيف أشوف منصور
شجون: بتشوفينه هناك أكيد انتهزي أي فرصه
ندى متعجبة من ذكاء شجون : طيب

(())(())(())(())(())(())(())(())(())


قولــي أحبــك كي تـزيد وسامتـي
فبغير حبك لا أكون جميلاً
قولي احبك كي تصير أصابعي ذهبا
وتصبح جبهتي قنديلاً
قولي أ حبك كي يتم تحولي
فا أصير قمحاً أو أصير نخيلاً
الآن قوليها ولا تترددي
بعض الهوى لا يقبل التأجيلا
فيصل طاير من الفرح صاير إنسان غير حتى أعصابه صايره هاديه يضحك ويمزح أكثر من أول
((آه قلبتي أحوالي يا وسن خليتني أشوف الدنيا حلوه أحبك أحبك يا وسن نفسي أصرخ وكل العالم تسمعني وأنا أقول أحبك ))
عبد الله شاف فيصل سرحان ومبتسم : فيـصــــل >>عبد الله صديق فيصل وطبيب معاه في المستشفى<<
فيصل: أيوه خير وش تبي
عبد الله : اللي مأخذ عقلك يتهنى به
فيصل: عبودي حرام عليك شقول لك بنت خالي شاغله تفكيري
عبد الله : روح أخطبها وخلص
فيصل: أكيد عطيت الوالدة الخبر بس استناها تتقدم وتكلم خالي
عبد الله : خايف خالك يرفضك
فيصل: ما أدري خالي له حركات وأتوقع منه كل شيء
عبد الله: توكل على الله وان شاء الله يوافق
فيصل: إن شاء الله
عبد الله : كيف منصور من زمان ماله حس؟
فيصل: وأنا أقول بعد من طلعت معاه في الشاليه وماله حس
عبد الله: ليكون يحب
فيصل : هههههههه منصور رومانسي ويسويها
عبد الله: بتصل عليه اسأل عنه
فيصل: سلم عليه يا الله عن أذنك شكلهم مسوين لي نداء لمريض أشوفه
عبد الله: أوكي

-----------------------
عبد الله" اتصل على جوال منصور ومارد عليه خاف عليه لا يكون فيه شيء مو متعود ينفصل عنهم اتصل على تلفون البيت ورد عليه صوت أنثى خيااااال ناعم"
عبد الله: الو السلام عليكم
مروه: وعليكم السلام
عبد الله : موجود منصور
مروه:أي لحظه وأناديه لك من أقول له؟
عبد الله: قولي له دكتور عبد الله
مروه: إن شاء الله
مروه دخلت الغرفة اللي يجلس فيها منصور لوحده دايم يقرأ كتب وعامل له غرفه مليانه كتب
مروه: منصور
منصور: خير
مروه: في واحد يسأل عنك في التلفون اسمه الدكتور عبد الله
منصور: طيب قولي له أنا مشغول الحين اتصل عليه بعدين
مروه: طيب
مروه ترفع السماعة : الو
عبد الله : الو
مروه: منصور يقولك انه مشغول يكلمك بعدين
عبد الله: يعني هو زين ما فيه شيء؟
مروه: أيوه بس ها اليومين أكيد غرقان في كتاب يقراه ومنعزل لين يخلصه هو بــ يكلمك إن شاء الله
عبد الله: أوكي سلمي عليه
مروه: الله يسلمك

>>""عبد الله شكلها أخته فيصل يحب ومنصور ورآه أكيد قصه وأنا ما عندي شي أقوله لهم لازم اخلي أمي تشوفها إذا مزيونه مثل صوتها تخطبها لي مراح ألقى مثل منصور أناسبه وأخذ أخته"""<<<
+_+_+_+_+_+_+_+_+








1- منو هذي مضاوي وشنو دورها في روايتنا؟
2- وفهد هل بـ يصير معاه تطورات مع سمر؟
3- وهل بتعجب مروه أم عبد الله ؟
4- و أبو ندى بـ يوافق على فيصل والا لأ ؟
5- شنو التصرف اللي بـ يتخذه منصور لندى؟
اسفه لزوم الحماس هذي فقط الجزء السادس
وانتظروني الحماس اكثر في الجزء السابع

////////////////////////////////////////////////////////////

انتهى.......