[لامارا]

الجــــــــ/ 12 /ــــــــــزء
واللللللللللللللللللللللل لللللله أني قايل ,, (يلف جسمه) ما تطفشين أنتي
أم عبدالله .. ياخوي والله أنها حلوه أدب وأخلاق ود...
قاطعها نواف .. ودين وتربيه و .... و ...... يا بنت خلص ,, يكفي قلت زوااااااج ما أبي
أم عبدالله عصبت .. وشو يابنت شايفني أصغر عيالك أستح على وجهك أنا أكبر منك
نواف ينرفزها .. هاهاهاهاهاهاهاهاهاها زعلت هاهاهاهاهاها مسكينه هاهاهاهاهاها مسكييييييييييينه هاهاهاهاهاهاها
أم عبدالله .. الحمد لله والشكر ,, لاااا الولد منهبل اليوم شصاير لك
نواف .. قلت لك أن زوجتوني ,, بأنهبل أكثر من كذا
أم عبدالله .. يالله لك الحمد والشكر أهل العقول براحه
نواف .. أيه والله ,, براحاااات بعد ,, يلا عاد ودي أروح أجلس مع البنات مشتاق لهم
أم عبدالله بدت الغيره تشتغل عندها .. وأنا
نواف .. أنتي الخير والبركه بس من دووووووووووون طاري الزواج
أم عبدالله .. ههههه يلا يلا بس روح للبنات
نواف وقف .. سلااااام (ومشى)
.
.
.
.
هاجر .. تونا بدري
عبدالله .. وشو تونا باقي ربع ساعه على آذان الفجر
هاجر .. حلووووووو ,, صل بالمسجد وتعال مرني
عبدالله .. مامليتي
هاجر .. لا والله من زمان ماشفته
أنهبل .. منهو
هاجر حبت تقهره .. نانو
عبدالله .. نعم !!
هاجر بصوت عالي .. نانو
عبدالله .. ومنهو نانو هذا
هاجر .. حبيبي
عبدالله .. أيييييييييش !!
هاجر .. ههههههههههههاي أمزح معك هذا عمي نواف
عبدالله .. خالي نواف هنا !!!!
هاجر .. أي اليوم وصل
عبدالله .. يلا يلا أنا جاي ألحين
هاجر .. لوبـ......... (سكر السماعه في وجهها)
عبدالله من عرف أنه خاله نواف موجود على طول راح له لأن الكل يحبه ومايبي يفوت سواليفه الحلوه
هاجر .. طييييب ياعبدالله والله لوريك
.
.
.
لمى كانت واقفه عند باب البيت اللي يطلِّع عــ الحديقه وقلبها يدق يدق يدق وكأن جوا قلبها طقاقات من الخوف وشوي وقرب خالها نواف وزادت دقات قلبها .. ودخل خالها نواف .. هاهاهاهاهاهاها كفشتك شتسوين تتسمعين علي أنا وأمك
لمى وكأنها مو معاه تخاف أمها تجي .. هاه لابس أنتظرك
نواف .. خير شصاير
لمى .. خالي أنت بتنام عندنا اليوم
نواف .. والله إذا ودك ,, وإذا يضايقك رحت لفندق
لمى .. افااااااااا أنا يضايقني وجودك
نواف .. مادري عنك
لمى .. لا لا أنا اليوم عاد أبغاك تنام عندنا وإذا ما وسعك البيت توسعك العين
نواف أستحى .. الله يسلمك ,, طيب ليه
لمى بجد وخوف وحزن .. خالي فيه موضوع ودي أقول لك عليه بس من دون ما أحد يعرف أوكي
نواف بجد .. خير خوفتيني
لمى .. لا تخاف موصاير شي .. (وتطالعه بنظره خوف) الموضوع يخصني
نواف .. طيب متى راح تقولي لي
لمى .. أنت متى بترجع لـــ ((جده))
نواف.. أمممممم هو عندي رحله يوم الأحد بس أقدر أأجلها
لمى .. حلوووو ,, بكرا راح أقول لك أوكي
نواف .. أوكي
ودخلت عليهم هاجر ..
هاجر .. لمى تعالي شوي أبغاك بكلمة راس
نواف .. طيب أستحي أنا موجود صدق قلة حيا (ومشى)
لمى تنادي خالها .. خالي نواف أصبر شو.......
هاجر قاطعتها وتأشر بيدها .. ماااااعليك ,, منه المهم أسمعي عبدالله جاي بالطريق ألحين وبغيت أقول لك ترا إذا ما خبرتي عمي نواف بالسالفه أنا بقول لأخوك عبدالله وماعلي منك
لمى .. ياااااااااويلك لو خبرتيه والله ليكون موتك على يدي (وبلا مبالاه) وبعدين خلص أنا قلت لخالي نواف و ......(قاطعتها)
هاجر .. أحلفي
لمى .. أوهوووووووووو وبعدين معك أنتي بس تقاطعيني أصبري شوي
هاجر .. طيب صبرت
لمى .. أنا بس قلت له أنه في موضوع يخصني ومهم وأبي أقوله لك
هاجر بقله صبر .. ومتى بتقولي له ؟؟
لمى .. ياالله أنتي مدري كيف متحملك أخوي نشبه
هاجر .. لاتغيرين الموضوع متى بتقولي له
لمى .. tomorrow
هاجر .. وليييييييه مو اليوم
لمى .. ياااااااربي أنتي شفيك شفيك خلاص بكره يعني بكره
هاجر .. كيفك لكن خير البر عاجله
لمى .. ليه زواج
هاجر .. خلاص خلاص كيفك ,, عنييييده
.
.
.
أم عبدالله .. لاحول ولا قوه إلا بالله إنا لله وإنا إليه راجعون ومتى صار كل هذا
في الخط الثاني ماجد .. اليوم الظهر
أم عبدالله .. وليه توك تقول أنا لازم أوقف مع أختي
ماجد .. ياخالتي والله لو تشوفينها أنا نفسي مو مصدق هي أكثر وحده صبرت والله العظيم أننا للحين ماشفنا دموعها غير أول ماعرفت بكت شوي وبعدين سكتت..
أم عبدالله .. الله كريم ,, وشيماء متى بتطلع من المستشفى إن شاء الله
ماجد .. خلاص اليوم أن شاء الله بتطلع
أم عبدالله .. أن شاء الله
ماجد .. يلا خالتي سلمي عــ الكل
أم عبدالله .. يوصل وأنت سلم عــ الكل
ماجد .. أن شاء الله
أم عبدالله .. يلا مع السلامه
ماجد .. هلا والله
.
.
.
عــ الساعه أربعه بعد آذان الفجر بعد ماراحوا هاجر وعبد الله لبيتهم قالت أم عبدالله لأبو عبدالله عن أبو ماجد أنه توفى الكل كان يتضايق منه ومن تصرفاته بس لمَّا عرفوا أنه تاب قبل لايموت الكل خف عنه الحزن وصاروا يدعوا له ..
أم عبدالله .. بس الله يخليك ياابراهيم >> أبو عبدالله << ما أبي أخوي نواف يعرف لمَّا بكرا بس
أبو عبدالله .. زين صار ,, ولمى
أم عبدالله .. ولا لمى ألحين هي مبسوطه على شان عيونها نجي نخرب عليها فرحتها
أبو عبدالله .. خلاص بكرا راح أقولها هي وعمها نواف ,, إلا ريم عرفت
أم عبد الله .. أيه الكل عرف ,, شرايك بكرا بعد ما نخبر لمى ونواف نروح للشرقيه نعزيهم
أبو عبدالله .. أن شاء الله
.
.
.
الساعه سته إلا ربع بعد مابدا السفر يطلع والكل نام ,, كانت لمى بغرفتها مو قادره تنام أولا فرحتها برجوع نظرها لها واللي كل دقيقه تفتح المسج اللي من خالد مو مصدقه (لييييه يا خالد هذا أول مسج بيننا وكذا تسوي فيني حرام عليك والله حرام أنا شسويت لك والله أحبـــــــــك /قالت هالكلمه وجلست تبكي بكي يقطع القلب/ )
مسحت دموعها وقامت تغسل وجهها طفشت مالقت شي تسويه قامت دخلت الحمام (وأنتوا بكرامه) وأخذت لها شور سريع لعل وعسى تنسى وطلعت ولبست بيجامه ثانيه لونها بينك وفيها دباديب بيج ونزلت تدور لها شي تاكله .. وهي نازله سمعت صوت وراحت للمطبخ تدور مين فيه ولا لقت أحد وكل ماله الصوت يبعد راحت لجهة المجلس اللي كان نايم فيه خالها نواف طقت الباب مره ومرتين ولا أحد رد فتحت الباب ولقت خالها متسند على مركه صغيره عـ الأرض ورجل مرفوعه فوق الكنب والثانيه عـ الأرض وكان حاط عــ دبي يطالع مسلسل (علي ياويكا) ورافع الصوت ومتحمس داخل جو
لمى .. خالي نواف
نواف .. ــــــــــــــــــــ
لمى بصوت أعلى .. خالي
نواف .. ـــــــــــــــــــــ
لمى بصوت عااااالي .. نوافوه
نط نواف من الأرض .. وووووووجع
لمى ماتت ضحك عليه .. هههههههههههاي شفيك خايف
نواف .. يالدبا أنا خالك وشو (يقلد صوتها) نوافوه ؟
لمى تضحك .. آسفه خالي بس أنا طقيت الباب ولا سمعت ناديتك ماسمعت شسوي لك
نواف رافع حاجب .. طيب شتبين وليه مانمتي ؟
لمى وتبعد المخده الصغيره عن الكنب وتجلس ورجل على رجل .. ماجاني نوم ونزلت آكل شي ولقيتك صاحي قلت أسولف معاك
نواف .. برا برا أنا قاعد أطالع الــ تي في وأنتي جايه تسولفين
لمى تطالع التي في على قولته .. أيوه يا تي في ما أقدر أنا بصراحه
نواف منحرج .. الله يسلمك
لمى تضحك على شكله .. طيب خالي أنا بسكت لمَّا يخلص وبعدين أسولف خلاص
نواف .. تاكوور
لمى مكشره وتضحك بنفس الوقت .. تاكوور بعد !!
نواف .. أيه شتبين أحسن منك
لمى .. هههههههههاي
وراح يكمل نواف المسلسل وحتى لمى بس كانت عيونها عــ التلفزيون وتفكيرها لهنااااااك ,, ولما خلص ..
سحب نواف الريموت وكتم الصوت وألتفت على لمى وهو مكشر وتوه بيتكلم وأنصدم لما شاف دموعها .. لمى شفيك ؟
لمى تحاول تبتسم .. مافيني شي
نواف .. وهالدموع شتبي
لمى ضحكت على أسلوب خالها
نواف أبتسم وبان شكله طفولي .. أيه هذي لمى اللي أعرفها
لمى بجديه .. خالي نواف ممكن أقول لك الموضوع ألحين
نواف يتذكر .. أي موضوع
لمى .. اللي اليوم قلت لك عليه
نواف .. آآآآآه تذكرت ,, أيه يلا حمستيني
لمى .. بس لا تعصب
نواف .. وليه أعصب (وحب يخوفها) وش مسويه يابنت كاسره المرايه
لمى .. هووو أي مرايه
نواف .. أمي الله يرحمها كانت دايما تحكي لنا قصة البنت اللي أنحاشت من البيت علشان كسرت مراية صالتهم
لمى .. ههههههههههههههههههههههههه ههاي
نواف .. لا وبعد كل يوم تقول لي أيََََََََََََََََِّاها لمَّا كبرت ,, شكل البنت ألحين ماتت
لمى .. هههههههههههاي قول لي القصه
نواف .. لا بصراحه أنا جوعان وما أقدر أتكلم لمَّا آكل
لمى .. لا والله
نواف يقلد صوتها .. أيه والله
لمى .. هههههههاي
نواف .. شرايك نطلب من مطعم محترم عـلى حسابك
لمى .. لللللللا أنا مطفره هالأيام خليها على حسابك أحسن
نواف .. يلا طيب معليش جيبي أي منيو مطعم عندك وعسى يوصِّل ألحين
لمى قامت .. طيب
وراحت جابت أوراق كثيره (هرفي ، برجر كنج , ليتل سيزرز , دومينوز , كنتاكي , ماكدونالدز ، هارديز ، ومنيو جاي بالغلط ×الرومنسيه للمثلوثه× ) ضحكت لمى .. أيووووووه هذا اللي ينفع له هالقروي
ودخلت وصفت المنيوز قدامه .. يلا طب وتخير
نواف تنَّح وسحب منيو بينك ×الرومنسيه للمثلوثه× وفتح عيونه عــ الآخر .. هذا
لمى .. هههههههههاي كرم الله النعمه مالقيت إلا هذا
نواف .. ياناس أطب عقده عند هالأشياء شوفي شوفي ويأشر ع المنيو تيس مشوي ,, راس تيس مقلقل ,, تــ ....
لمى (قاطعته) .. خلاااااااص أستغفر الله أنا الغبيه اللي جبته لك شوف هذا بس (تمد له منيو ليتل سيزرز )
نواف بنظره طفوليه غبيه .. ياحليييييييييله هذا اللي يقول (ويغني ويرقص) ثمانيه ثمانيه ثمانيتين تتبعها خمستين (ويعلي صوته) ليتل سيزرز بيتزا بيتزا خدمة التوصيل لمى تكمل .. بيتزا بيتزا
لمى ونواف .. ههههههههههههههههههههههههه هههههههههههههههههاي
لمى .. ياحليلك والله .. ياحظ اللي بتاخذك و........
قاطعها نواف .. لاااااااااااااااااااااا وعععععععععع لا تجيبين طاري الزواج (قال آخر كلمه وكأنها شي مقرف)
لمى .. طيب طيب كيفك بس أخلص علي شتبي
وطلبت لمى (فاهيتا الدجاج) و نواف (بيتزا مارغيرتا مارغيرتا) لوووووووووول
أتصلت لمى عـ المطعم وقالو مافيه توصيل ألحين قامت طلبت وقالت السواق بيجي ألحين وياخذة وطبعا ً السواق كان نايم فأضطر خالها نواف أنه هو اللي يروح ويجيبه
وفعلا ً راح وبعد 40 دقيقه وصل وأتصل على لمى تفتح له الباب لأن لو رن الجرس راح يصحوا اللي في البيت وفتحت له لمى ودخلوا المجلس وبعد ماخلصوا من الأكل ..
نواف كان يفكر وبعد ثواني .. هاه لمو وش الموضوع اللي كنتي بتقولينه لي قبل لاناكل
لمى تغيرت ملامحها .. هاه آ .. آ .. لا لا خلاص هونت
نواف .. هووو شفيك خفتي
لمى .. بقول بس الله يخليك لا تعصب ولا تفهمني غلط
نواف يبتسم .. لاتخافين ماراح أعصب
لمى بجديه .. خالي أنت تعرف أن البنات بهالعمر
لازم يــ .. يعيشون love story
نواف أبتسم .. ياسلام أحلى مشكله وأحلى عمر
لمى أرتاحت .. أشوى سهلت الموضوع علي
وحكت لمى القصه لخالها نواف وتفهم الوضع .......ووعدها أنه راح يتصرف مع خالد
.
.
.
من بكرا
صحى نواف وقال له أبو عبدالله عن وفاة أبو ماجد وقالوا للمى بعد وراحوا كل العوايل اللي في الرياض وجده للشرقيه عشان العزاء ومر 3شهور على هذي الأحداث
////////////////////////////////////////////////////////////
عبدالله وهاجر ........ عايشين حياتهم بسعاده مع صديق عبدالله (سعود) وبنته الخبله درر اللي كل يوم جايه لهم
فهد وريم ............ كمان عايشين حياتهم بسعاده بالذات بعد ماجاء سلطه على قوله هناء (ســـلــطـان)
نواف ............. كل يوم رحله جديده .. وكل يوم جايبين له أخواته أم ماجد وأم عبدالله وأم فيصل وحتى أخوه أبو خالد عروس جديده ويرفض
لمى ............ أرتاحت لمَّا قالت لخالها ع الموضوع وتنتظر يتصرف بس ماعطاها وجه وسحب عليها لووووووووووووول
خالد ......... الكل تخلى عنه بعد اللي ناوي يسويه إلا أصدقاه اللي مستحيل يتخلون عنه لأنه مثل أشكالهم وطبايعهم
هناء ......... للحين تحب فارس وكل واحد ينتظر الإعتراف من الثاني
شيماء ....... طلعت من المستشفى بس صارت مسكينه كل ماصار حدث يضايقها تبدا ترجف وترجف ومحد يعرف شفيها
غادة ........ خلااااااص أفتكت من خطيب الغفله وصارت تعيش حياتها كأي بنت سعيده لا و أزيدكم من الشعر بيت جاها خطيب تحلم فيه أي بنت صديق أخوها ماجد يشتغل في العسكريه ((ضابط))<<(بندر)
ماجد ....... خلص دراسته مثل ماتعرفون وبدا يشتغل علشان ..... (ولا أقول خليكم بعدين تعرفون أحسن) ماندري وش مخبي ماجد بهالقصه
ريما ...... مافيه أحداث جديده بس من الجامعه للبيت للسوق وهكذا ..
شدا ...... زادت علاقتها ببنت خالها هناء وصارت كل يومين أتصالات وسواليف وحتى لمَّا تجي أم فيصل وأبو فيصل وبناتهم ريما وشدا و سعود يزورون بيت خالهم أبو خالد علشان هناء
فيصل ..... أللي للحين ماطلع بالقصه إلا قليل راح نعرف أحداثه بعدين بصراحه هذا أحلى بطل في قصتي (وجهة نظري)
وأخيراً (الثنائي المرح) سعود & سامي ..... كل يوم مغامره بس لمَّا يجي سعود للشرقيه أو سامي يروح لجده أو الرياض لأنهم مره هنا ومره هنا
،،،،،،،،،،،،،،،،،،،،،،،،، ،،،،،،،،،،،،،