[لامارا]

الجــــــ/ 13 /ـــــــزء

.................................................. .......... .............

اليوم الخميس الساعه 3 العصر في بيت أم ماجد في الرياض خلاص أستقروا هناك بلا جده بلا بطيخ .. المهم اليوم فيه عزيمه للكل
أخذ لهم ماجد فيلا راقيه بحي الربيع) المهم

شيماء وغاده كانوا يرتبون البيت مع الخدامات وماجد راح يتأكد من العشاء والموعد والحاجات هذي وسامي بغرفته ولا هامه شي ..
دخلت غاده على سامي بالغرفه وكانت مقلوبه فوووووق تحت من هنا سي ديز ومن هناك ملابس وبيجامات مرميه عـ السرير وحتى الأبجوره ماسلمت من حوسته متغطيه ببلوزه من ملابس الرياضه والمكيف عــ البااااااارد والأنوار كلها منوره
غاده مسكت راسها .. أووووووووووف وش هالحوسه
سامي داخل جو مع الإكس بوكس .. لو سمحتي (ويأشرعـ الباب) آوت
غاده طارت عيونها (صدق قلة حيا).. هييييييي أنت قوم خلي الخدامات ينظفون الغرفه الناس بيجون
سامي بلا مبالاه وبروووووود أعصاب .. ليه بستقبلهم بغرفتي !!!!
غاده عصبت .. يالخايس قوم نظفها وبعدين لا ماراح تستقبلهم بس سعود وين بيجلس
سامي .. طبعااااا ً بغرفتي
غاده خلاص فقدت أعصابها وصرت على أسنانها.. طيب قوووووم خلينا ننظفها
سامي .. ومين بينظفها
غاده .. الخدامات يعني ميييين
سامي .. لااااااا الخدامات نو نو نو نووويييييي
غاده .. ياربيييييي ع التصريف خلاص أنا بنظفها بس قوم أطلع
سامي ويطفي جهازه .. يلا يلا .. بس شوي شوي على ( جارباتش ) لا تحارشينه ترا بياكلك (ويفتح فمه وكأنه يعض) .. عووووعوووو (وطلع)
غاده قعدت تتلفت تبي تفهم مين يقصد بـ ( جارباتش ) وشافت هيكل عظمي كبير معلق بالزاويه وصرخت ... يا مامي (وسكرت فمها بسرعه عـ شان ما أحد يشوفها ويضحك عليها)
.
.
.
عــ الساعه 7 المغرب في بيت أم عبدالله كانت ريم جايه هي وولدها سلطه >> (سلطان) اللي صار عمره تقريبا ً 4شهور وجالسه تحت في الصاله لأنها كانت لابسه قبل لا تجي وتنتظر أختها لمى تخلص
ودق التلفون كانت ريف المتصله
وردت ريم ..ألووو
ريف .. ألوو السلام عليكم
ريم .. هلا وعليكم السلام
ريف .. أختي أقدر أكلم لمى
ريم أعجبها أسلوب البنت .. أن شاء الله مين معاي
ريف .. أنا ريف صاحبتها
ريم تحاول تتذكر .. ريف الــ ... ؟؟؟
ريف بتعجب .. أيه نعم مين أنتي ؟
ريم بــ (سبهلله) .. أنا ريم أخت لمى
ريف .. أهليييين ريم كيفك ؟؟
ريم .. الحمد لله كيفك أنتي وكيف الأهل
ريف بحزن .. أنا الحمد لله بخير بس الأهل يطلبونك الحل
ريم أنهبلت وبدون أسلوب شهقت .. ماتوا
ريف .. ـــــــــــــ
ريم .. آ .. آسفه ريف بس والله تفاجأت
ريف .. لا عادي
ريم .. طيب كيف توفوا
ريف بحزن .. بحادث
ريم .. وأنتي مين جالسه عنده ألحين
ريف .. كنت في جده عند أخوي ريان
ريم تغير الموضوع وبمرح .. طيب ماودكم تزورونا
ريف .. هههههههاي أسكتي تكفين تراني داقه على شان هالموضوع
ريم .. ليه بتجين الرياض
ريف .. أنا ألحين في الرياض
ريم .. هووو مو تو تقولين في جده
ريف .. كنت
ريم .. أها (وبدون أسلوب) طيب ووش جابك للرياض ؟؟؟
ريف .. ماتبوني أزوركم
ريم .. واللللله بتزورينا
ريف .. ههههههه أن شاء الله أنا قلت للمى بعد أسبوع .. لاحظي الكلام هذا له أكثر من شهرين .. ياويلي منها شكلي بتصفق
ريم .. ههههههههههاي
ريف .. أقول ريم
ريم .. يس
ريف .. على ما أظن أني قلت لك عطيني لمى
ريم .. هههههههههه معليش نسيت دقيقه
ريم تصوت لأختها .. لمــــــــى .. لمــــــــــــــــــــــى .. لمــــى
جت لمى نازله من تحت وعين فيها كحل وآي شدو وماسكرا وآي لاينر وحركات والثانيه فاضيه .. نعم شفيك تصارخين
ريم .. ريف تبيك بالتلفون
لمى نزلت تركض .. والله (وتسحب السماعه) أهليييييين ريوف كيفك يالقاطعه وبعدين وين اللي بتزورني
ريف ماتت ضحك .. ههههههههههههه الله يرجك يالخبله أصبري علي حبه حبه
لمى .. طيب كيفك ؟
ريف .. الحمد لله !!!
لمى .. وش أخبارك ؟
ريف .. تمام !!
لمى .. وش علومك ؟
ريف .. هووو لمى شفيك ؟؟!!
لمى .. مو قلتي حبه حبه
ريف .. الحمد لله والشكر
لمى .. طيب متى بتجين
ريف .. وين أجي ؟؟!!
لمى .. للرياض
ريف .. أنا ألحين في الرياض
لمى أنهبلت .. ألحين ألحين
ريف .. أيه ألحين ألحين
لمى .. واااااو خلاص إذا لقيتي وقت يناسبك تجين لنا قولي لي
ريف .. خلاص أن شاء الله
وجلسوا يسولفون ربع ساعه وبعدين سكرت ريف من لمى
راحت لمى تكمل لبسها وطلعت لها فستان ناعم قصير أبيض وفيه دق خفيف بالفضي وأكمامه (cut) ولبست تحته بنطلون جينز فاتح وفكت اللفافات من شعرها وسحبت من درجها إيشارب أبيض وتوها بتحطه على شعرها وشهقت لما شافت شكلها بالمرايه عين مصلحه وعين لا وراحت بسرعه تكمل الميك آب وحطت الإيشارب على شعرها ونزلت خصل متوسطه الطول على وجهها وبان شكلها الطفولي وأخذت عبايتها وشنطتها >> هديه من خالها نواف ماركة (كالفن كلاين) ونزلت ....
.
.
.كانت أم ماجد في المطبخ وشيماء بغرفتها وغادة بغرفتها ...

في غرفه شيماء النعُّومه كانت توها طالعه من الحمام أخذت لها شاور وطلعت وهي رابطه الروب والمنشفه لافتها على راسها راحت للتسريحه سحبت واحد من الكريمات المصفوفه ع التسريحه وسوت لها ميك آب نااااااعم يناسب شكلها .. ولما خلصت شالت المنشفه عن شعرها .. كان طوله إلى نص ظهرها ناااااااعم بس يبرم شوي بعد ماتتروش ولونه بني فاتح طبيعي .. قامت سحبت الأستشوار ونشفت شعرها بس هواء على شان يبرم أكثر .. ولما خلصت طلع شكلها روووووعه مسكته من قدام بــ / بنس / ذهبيات وسوت بف خفيفه وفتحت دولابها وطلعت فستان أسود ناعم لا هو طويل ولا هو قصير وأكمامه جابانيز وقماشه كتان وكان موديله كمان جابانيز وفيه شوي ذهبي .. وتعطرت من عطرها المفضل (برايفت) ولبست صندل فلات أسود لأنها طويله وساعه ذهبيه سبور من (سواتش) عاد هذي الساعه معروفه ومنتشره ..
وطلعت تشوف أختها خلصت أو لا وأول مافتحت الباب طلعت في وجهها أختها غاده
شهقت شيماء .. بسم الله توني بروح لك
غاده .. هههههه شتبين تستعجليني ؟؟
شيماء .. أيه خلصتي ؟
غادة تعدل لبسها .. وش تشوفين ؟؟؟
شيماء .. وااااو هذا الجينز الجديد ؟
غاده .. وي .. حلو ؟؟
شيماء .. ياهووووه يا (وي) ما أقدر ع الفرنسي أنا
غاده .. أكيد ما تقدرين
شيماء و غاده .. هههههههههههههاي
كانت >> غاده ..... لابسه لبس حلو برمودا جينز مع قميص أبيض أكمامه (cut) ومن ورا قبعه ( يعني سبووور ) وصندل أبيض فلات وشعرها رافعته كله ببنس (سبايكي)
.
.
.
نزلوا تحت الصاله وأنفتح باب الحديقه ودخلت أم خالد وبنتها هناء
وأم فهد وبنتها هاجر .. وخالد وفارس وأبو خالد دخلوا للمجلس عند ماجد
.
.
سلم الكل على بعض وشوي ودق الجرس فتحت غاده ودخلت أم فيصل وبناتها ريما وشدا .. وطبعا ً فيصل وأبوه دخلوا للمجلس عند الرجال
.
.
.
في بيت أبو عبدالله
دخل عبدالله وهاجر للبيت وسلموا ع اللي بالبيت ودقايق والكل جاهز وراكبوا السياره مع عبدالله >> (رنج روفر) >> سيلفر روووووعه
بس مو حقته السياره حقت خاله نواف لأن خاله نواف بيجي متأخر شوي وبياخذ السياره الصغيره حقت عبدالله ( BMW )
وربع ساعه ووصلوا لبيت أم ماجد
فتحت لهم هالمره شيماء .
ودخلوا وسلموا على بعض وبعد السلام والتحايا وسواليف الحريم
ألتفتت غاده للبنات .. صبايا شرايكم نطلع فوق
مارد عليها إلا هاجر .. والله ودي ما أحب سوالف الحريم
غاده تطالعها بنظره إستهتار .. قلت صبايا .. أنتي شتبين متزوجه مو بنت
هاجر .. لا ياشيخه
غادة .. ههههههاي أمزح معاك يلا جد والله أحس أني طفشت من حش هالحريم
و ألتفتت على لمى وهناء وشيماء وشدا اللي كانوا ميتين ضحك على سالفه قالتها هناء .. يلا بنات تعالوا فوق أحسن
وطلعوا لفوق .........
وهنا أنقسموا 3 أقسام ..
هاجر وريما وغاده مع بعض
ولمى وشيماء مع بعض
والمهابيل (هناء & شدا) مع بعض
..
............................
عند المجموعه الأولى
.............................
هاجر كانت تسولف لهم عن درر وهبالها وشوي وتغير الموضوع إلى موضوع خطيب (غاده)
وقفت غاده .. دقيقه بنات ألحين جايه
وراحت الغرفه وطلعت من بوكها صوره خطيبها وراحت للبنات .. هاه وش رايكم
ريما .. مشاء الله مملوح زين البنت حلوه والرجال بعد خلص أجل ضمنا العيال بيطلعون مزايين
هاجر .. إلا والله بيطلعون قطاوه
غاده .. هووو ليه ؟؟؟
هاجر .. مشاء الله .. الله لا يضره .. لا إله إلا الله .. على شان ماتقولين صكيته بعين .. عيونه واسعه وأنتي بعد عيونك مررره واسعه
غادة .. بس يجنن صح
هاجر .. والله أنا مايملى عيني إلا عبودي
ريما .. وأنا بعد مايملى عيني غير (الوليد) >> الوليد زوج ريما بس لــ ساع ماصار زواج بس ملكه
غادة .. وععععع من زينكم أنتم ورجالكم بندوري وبس >> (قالت الراء بدلع)
.
.
.
نغير الموجه شوي ونروح للرومانسيات لمى وشيماء
كانوا متحمسين بالسواليف ومطنشين هناء وشدا أو بالأحرى هناء وشدا مطنشين لمى وشيماء يعني الكل مرتاح
شيماء .. لمى شفيك أنتي وهناء صاير شي بينكم
لمى .. لا ليه ؟؟
شيماء .. لا بس أول كنتوا دائما ً مع بعض مدري شاللي غيركم
لمى .. بصراحه ,, هناء ماصرت أرتاح لها
شيماء .. ليه بالعكس هناء مره طيبه وحبوبه
لمى .. أنا ماقلت شي بالعكس أصلا هناء أعتبرها مثل أختي وأكثر بعد بس الله يهديها فضيحه أول ماتقولي لها شي على طول تنشر الخبر مو للشرق الأوسط بس إلا للعالم كله
شيماء .. هههههههه شدعوى عاد
لمى .. والله جد ,, شوفي هي لمَّا تنشر الخبر مو قصدها تغيظني لا والله أنا أعرف هناء بس مسكينه ماتقدر تسكت طول عمرها كذا
شيماء .. ليه هي قد فضحتك بشي ؟
لمى .. قبل لا أجاوبك ,, أنتي تعرفين أني أحب خالد ؟
شيماء .. أيه
لمى .. ومين خبرك ؟
شيماء .. هناء
لمى .. شفتي
شيماء .. والله أنك صادقه ,, بس تعالي أنتي ما قلتي لي عن خالد ليه
لمى .. أووووش وطي صوتك لاتسمعك هناء أو شدا ولا هالماصلات اللي وراك
شيماء .. ماصلات !!!! مين ؟
لمى .. غاده وهاجر وريما
شيماء .. هههههههههه ليه ماصلات
لمى .. كل شوي وحده مطلعه صورة زوجها و خطيبها و مش عارف أيه وأنا ميته أبي صورة خالد
شيماء .. والله شكل الحب حايسك حوس وعامل عمايلوه
لمى .. بشكل فضييييع
شيماء .. لمو شرايك نروح للغرفه أحسن أبي أسمع سالفتك أنتي وخالد
لمى .. أوكي يلا
شيماء وقفت .. يلا
وراحوا للغرفه ...
أول ما دخلت لمى الغرفه أنهبلت من ديكورها وأثاثها رووووعه كله من تصميم بنت خالتها شيماء كانت الغرفه مو أربع جدران على مايقولون .. كانت 3 جدران والجدار الرابع عباره عن باب كبييييير خشب ولما تفتحيه يطلع لك بلكونه مو كبيره مره بس جلسه وواجهتها كلها قزاز عاكس يعني اللي بالغرفه يشوف واللي برَّا لا ..... وكانت الغرفه كلها لونها بيج ودرجاته .. وأنوار أورنج (سبوت لايت) ...
جلست لمى على طرف السرير .. لا .. وتقولين أنا اللي مصممتها هاه
شيماء .. وأنا ماكذبت جد أنا اللي مصممتها
لمى .. والله
شيماء .. أيه والله عجبتك
لمى .. رووووعه
شيماء .. من ذوقك
وشوي وقالت لها لمى كلللللللللل السالفه من طأ طأ لـ سلام عليكم
شيماء .. طيب وش بتسوين
لمى .. خالي قال لي أنا أتصرف ومدري عنه للأن ماسوى شي ,, تدرين (وسحبت شنطتها وطلعت الجوال) بتصل وبسأله
وأتصلت وبعد رابع رنه رد عليها خالها نواف اللي كان جالس بالحديقه مع خالد على شان يفهم منه الموضوع
نواف .. ألووو
لمى .. ألوو هلا خالي
نواف .. هلا لمى
لمى .. خالي وينك ؟
نواف .. ليه ؟؟
لمى .. مو وعدتني تتصرف مع خالد ألحين الوقت مناسب ليه ما تقو.... (قاطعها)
نواف .. كأنك حاسه ألحين هو عندي
لمى فرحت .. والله
نواف .. أيه والله يلا عاد سكري علشان أقول له
لمى .. مشكوووور يا أحلى نانو بالدنيا
نواف .. أحم أحم كبر راسي
لمى .. لا الله يعافيك كلش ولا راسك مافيه أحلى من الكابات عليك وش لون بيجي مقاسك
نواف .. ههههههههههههاي حلللوه
لمى .. يلا باي
نواف .. باي
ألتفتت لمى على شيماء .. جالس يكلمه في الموضوع
شيماء .. هاه شفتي ليه طايره
لمى توجهت للبلكون وطالعت القمر .. تصدقين أشتقت له لي أكثر من أربع شهور ماشفته
شيماء راحت لعندها .. لمى أنتي جد تحبينه
لمى تتنهد .. شرايك .. كل هذا وما أحبه
شيماء .. حتى بعد اللي سواه فيك
لمى .. شيماء والله أحبه فوق ما تتصورين وكل مره أعرف أنه راح يجي أو يتصل يسلم على أمي ما تصدقين وش قد أفرح
حطت شيماء يدها على كتف لمى .. طيب هو يحبك
نزلت دموع لمى من غير ماتحس .. ــــــــــــــ
شيماء .. ماتدرين صح ؟
ألتفتت لمى ودموعها ماليه عيونها .. مادري
شيماء أستغربت .. لمى أنتي تبكين ؟
لمى .. ـــــــــــــــــــــ
شيماء .. والله مايستاهل هالدموع
لمى زادت دموعها .. ـــــــــــــــــ
شيماء و تمسح دموع لمى .. لمو حبيبتي لو خالد يحبك ماسوَّا فيك كل هذا
لمى بهمس .. بس أنا أحبه
شيماء .. لمى الحب من طرف واحد يضيع صاحبه .. (وتشد على يد لمى) والله
لمى .. أنتي شدراك أنه مايحبني
شيماء .. لمى والله واضح .. أجل ليه يسوي فيك كذا
لمى .. يمكن ماكان ناوي يرسل المسج لي يمكن لوحده ثانيه (وغمضت عينها وشدت على أسنانها من الكلام اللي قالته / يووووه والله أني غبيه شهالكلام اللي قلته جد عذر أقبح من ذنب/)
شيماء بتعجب .. بعد !! لمى حبيبتي لا تخلين ولا أمل واحد يعلقك في خالد .. وبعدين لو ماتعرفينه مانقدت عليك بس أنتي بنت عمته وهو ولد خالك يعني معقوله ماتعرفين عن سواليفه وحركاته دائما ً هو اللي يوصل هناء للأسواق بس علشان البنات أنتي ناسيه سالفه الفيصليه والمشكله اللي سواها حتى أبوه بغى يتبرا منه ؟؟ لمو حبيبتي أحسن لك تبعدين عنه ولا تفكرين في واحد ما يحب إلا نفسه
لمى تسد آذانها بيدينها .. بس شيماء خلاص تكفيييين والله تعبت أنا شذنبي لو حبيته وهو ما يحبني (وتبكي) شيماء خلينا نطلع والله تعبت ما أبي أسمع ولا شي عنه بليييز
شيماء .. أوكي امسحي دموعك لا أحد يشوفك بهالشكل وتعالي ننزل
لمى هزت راسها .. أوكي
وراحت للمرايه تمسح دموعها وتعدل الميك آب ولمَّا خلصت راحت لشيماء بالبلكون
لمى .. يلا (وطلعت)
شيماء .. لمى
ألتفتت لمى .. نعم
راحت شيماء لعندها .. لمى آ .. آآ .. آنا آسفه
أبتسمت لمى .. على أيش تتأسفين
شيماء بنظره خوف .. ع الكلام اللي قلته
لمى للحين مبتسمه .. بالعكس أنا مو زعلانه أنا مبسوطه من كلامك لأن فيه أمل أنساه
شيماء .. أكيد
لمى .. والله مو زعلانه ,, شدعوى أنا أزعل منك
أبتسموا لبعض ونزلوا تحت للحديقه
وهم بيطلعون لبرا سمعوا صوت رجال طلوا يبون يشوفون مين وصاروا رجال ( المطعم ) يصفون العشاء ::بوفيه مفتوح:: ولما طلعوا الرجال برا البيت .. راحوا لمى وشيماء للحديقه
لمى .. اللي تو رجال المطعم
شيماء .. أيه أرتعت من أصواتهم
وبعد مالفوا الحديقه كلها يتأكدون من أن العشاء كله مضبوط ....
شيماء .. أقول لمى
لمى .. هلا
شيماء .. في بالي فكره خاطري أسويها بس أخاف مايمدي
لمى .. فكرة أيش
شيماء .. أمممممممم ,, ولا تدرين تعالي (وسحبتها مع يدها)
لمى .. ويييين
شيماء .. تعالي وأنتي ساكته
طلعوا لفوق (غرفه شيماء) وأخذت شيماء ورقه صغيره وكتبت فيها
كلام و لمى مو عارفه أيش مكتوب وتوجهت شيماء للشوفنيره وفتحت الدرج الخامس (قبل الأخير) وطلعت كيس كبير فيه شي جوا وحتى لمى مو عارفه شي .. سكرت شيماء النور وسحبت لمى .. يلا
لمى .. طيب فهميني شالسالفه
شيماء وتركض مع الدرج .. بعدين تعرفين
وطلعوا للحديقه مره ثانيه .. وراحت شيماء عند غرفه السواق وعطته الورقه ومعاها 500 ريال ولمَّا رجعت للمى ......
لمى .. ممكن تفهميني أيش بتسوين
شيماء .. تأشر ع المسبح الكبير بدون حواجز اللي بنص الحديقه وحوله طاولات وحول الطاولات كراسي .. هذا المسبح راح أملاه ورد وشموع
لمى .. وااااااااااو .. بس ماراح تدخل الشموع جوا المويه
شيماء .. لا لا أنا سويتها أكثر من مره ولا طاحت ،، تطفح فوق المويه،،
لمى .. حلو ,, بس يمدي
شيماء .. أن شاء الله يمدي بس يلا خلينا نولع الشموع ألحين ونحطها ولما يجي السواق نحط الورد
لمى .. يلا
وأخذت شيماء الكيس اللي أخذته من درجها وطلعت الشموع الصغار اللي تكون دائريه وتحتها بلاستيكه مدري ألمينيوم سلفر (عرفتوها؟؟) وصارت لمى تولعها وشيماء تحطها في المويه لأن مثل ما قلت لكم لمى كانت لابسه أبيض ولو جلست ع الأرض راح تتوسخ ملابسها أما شيماء لابسه أسود مايضر المهم كانوا يسولفون وهم يشتغلون وخلصت لمى كل الشموع اللي معاها وجلست تنتظر شيماء تخلص ...
،،،،،،،،،،،،،،،،،،،،،،،،، ،،،،،،،،،،،،،،،،،،،،،،
نطلع شوي برا البيت .. مو بعيد مره بس عند باب الشارع كان ماجد في سيارته يطلع الميموري حقت الجوال على شان بيرسل لخاله نواف أشياء منها ولمَّا لقاها نزل من السياره وتوه بيدخل البيت ولقى الباب مسكر دخل جيبه بيطلع المفتاح وبهالثواني وصل السواق ألتفت عليه ماجد والسواق قام ينزل أكياس كبييييره
ماجد .. وشو هذا خليل
السواق خليل (سعودي) .. ورود
ماجد .. مين قال لك تجيبه
خليل .. وحده من أخواتك
ماجد أبتسم .. أهااا ,, أكيد شيماء << يعرف حركات أخته الرومانسيه (ومد يده) مشكووور هات أدخله عنك
مد خليل معاها 150 ريال .. هذا الباقي
ماجد غمز له .. خلها معك بيني وبينك
خليل .. مهي بلك أصلا ً حقت أختك
ماجد .. هههههههه ماعليك منها أنا بعطيها غيرها
خليل حط الـ 150 بجيب ماجد لأن بيد ماجد الأكياس .. لا لا مشكور خيرك سابق
ماجد بجديه .. والله لو ماتخذها ياعم لا أزعل منك
خليل .. الله يهديك ليه تحلف عاد
ماجد .. أبد هي لك ,, ممكن تدق الجرس
**(السواق خليل سعودي يشتغل عندهم أكثر من خمس سنين كبير شوي في السن لذا ماجد يحترمه // وبس )**
(داخل البيت)
شيماء .. لمى الله يخليك أفتحي الباب أكيد هذا السواق
قامت لمى تفتح الباب على شان يدخل الأكياس وأستغربت لما شافت برمودا على السواق ×معقوله يلبس برمودا هو أصلا ً كبير في السن× وقفت ورا الباب على شان يدخل الأكياس من غير ما يشوفها
وماجد دخل على باله أن أحد من أهله بيفتح وألتفت على لمى وأنهبلت لما شافته هذا مو السواق سواقهم أسمر وسمين شوي وقصير بسم الله لايكون مــــــاجد لا لا ماجد مو طويل كذا .. بس شدراك أنه مو ماجد أنتي لك سنيييين ماشفتيه ياربي شهالفشله وش بيقول عني ضيفه وفاتحه الباب ياربي ياليت الأرض تنشق وتبلعني ولا أصير بهالموقف
كانت تطالع ماجد ومستغربه من شكله كان لابس برمودا أبيض وتي شيرت سماوي (cut) وكاب أبيض صندل أبيض ماركة (ديزل) وشكله خياااال عيون واسعه وسوووووووود وحواجب على طول العين وبشره قمحيه
وهو الثاني (مــــــــاجد) كان منحرج منها أكثر لأنه يحبها ،،أيه نعم يحبها وهذا اللي قلت لكم (مو عارفين وش مخبي)،،
ماجد أنهبل لما شاف هالبنت بنت بعمر أخته شيماء ماجاء في باله إلا هناء أو شدا أو لمــ .. ماقدر حتى ينطق أسمها وهو يفكر (ياالله معقوله هذي أنتي يالمى ألا أكيد هي أصلا ً مافيه غيرها بالعايله عيونها فاتحه ×رماديه× من يوم أحنا صغار وأحنا مستغربين من لون عيونها على مين طالعه ياالله يالمى والله كبرتي وأحلويتي ياليت أقدر أقول لك أني أحـــــــــــــــــــــبـ ــــــــك ياليت)
وطول الوقت كانت عيونهم معلقه بعيون بعض ماجد يطالعها بنظرات شوق وحب ووله وهي تبادله بنظره تعجب وخووووف وأخيرا صحوا من أحلامهم على صوت بنت خالتها شيماء .........
شيماء تصارخ .. يلا لمى كل هذا على شان تفتحين باب أخلصي علينا راح الوقت .
أنحرج ماجد من نظراته وحب يطلع علشان ما يحرجها وطلع بدون مقدمات .....
أما لمى كانت بحالة رعب لو ما طلع ماجد .. وراحت لشيماء وعطتها الكيس ولا حكت لها أي شي
شيماء .. يلا عاد ألحين قطعي معاي الورد وأنثريه ع المويه
لمى .. لا حرام يموت طيب خلينا نحط الورد كله ع المويه من دون مانقطعه
شيماء .. هو صدق حرام بيموت بس بهالحاله أو غيره هو ميت ميت كل شي بهالدنيا مصيره الموت
لمى .. ههههههههه يلا طيب
وفككوا نص الورد الأبيض ونص الورد الأحمر يعني 25 ورده بيضاء و25 ورده حمراء والباقي 50 ورده نصه أبيض ونصه أحمر وزعوه ع الطاولات وصار شكل المسبح رووووووووووووووعه بعد التغيير واللون الأحمر والأبيض عم المكان .. قفلوا أنوار الحديقه وشغلوا أنوار (سبوت لايت) وحتى النافوره اللي بوسط المسبح سكروها على شان ماتطفي الشموع ويخرب الورد ............
شيماء .. لمو الله يخليك خليك هنا شوي أخاف البزران يطلعون ويحوسون الدنيا دقايق وأنا جايه
لمى .. خذي راحتك
شيماء توها بتمشي ورجعت للمى .. جد آخذ راحتي أجل لمَّا أخلص بمر ع البنات أناديهم يشوفون الحركات
لمى .. عاد مو تلطعيني هنا أستعجلي
شيماء تلحن .. أووووووووكي ربع ساعه (ودخلت جوا البيت)
قامت لمى تدور بالحديقه وحول المسبح كان معجبها الجو بهذا المكان وكانت تحب دائما ً تجلس لحالها وإذا مررره خرب عليها الجو ماترضى إلا شيماء كونها رومنسية مثلها وهاديه (بيني وبينكم أصلا ً لمى تغير حالها بعد اللي صار لها مع خالد صارت أكثر هدوء)
دارت كل المكان ولقت بالزاويه فخار كبيييير وطويل أقصر من لمى بشوي وجواته عيدان خشب مختلفه أطوالها وسخيفه ومربطه بشرايط بيج وذهبي وأقمشه خيش و..... و..... يعني ديكورها مرررره روعه .. سحبت لها عود متوسط الطول وقبل لا تمشي شافت وراه أزرار كثيره أنتابها الفضول أنها تضغطهم الأزرار الأولى كلها لأنوار الحديقه 6 أزرار والزر اللي بعدهم للنافوره لأنه مرسوم عليه صوره نافوره أما اللي بعده زرين مو عارفه لأيش مرسوم عليها صوره المسبح ترددت تفتحهم أو لا وبالأخير فتحت واحد وأشتغلت أنوار المسبح الداخليه وفتحت الثاني وأشتغلت الأنوار اللي حول إيطار المسبح وراحت قربت من المسبح ورفعت فستانها الأبيض وجلست لأن كانت لابسه بنطلون جينز تحت الفستان لأن الفستان قصييييير وأقرب له وصف بلوزه وبدت تحرك الشموع بالعود وجالسه تفكر بحالها مع خالد وتصرفه الغريب معاها ... تسللت دمعه من عينها على خدها الناعم ومشت وراها ألف دمعه ودمعه .........
.
.
.
نرجع لخالد وعمه نواف
بعد ماكلمه عمه نواف بالموضوع ووعده خالد أنه مايتعرض لها مره ثانيه وأقنعه أن كل اللي سواه لأنه يحبها وأنقهر من حركتها (كذاب) أستأذن من عمه نواف وطلع من المجلس ومشى للباب بيطلع من البيت بكبره مو طايق نفسه وهو يمشي لفت نظره بنت جالسه ع طرف المسبح ومتربعه ومعاها عود تحرك فيه الشموع جلس يتأملها عجبته ووده يعرف مين هذي قرب شوي من عندها وماقدر يشوفها وألتفتت تبعد الفراشه اللي طيحت الميانه وأنبطحت على كتفها ومسحت دموعها وأبتسمت وبانت غمزاتها ...
بس بس عرفتها والله ياأنتي صارووووخ تجنين يابنت الـ إيه معقوله هذي أنتي يالمى والله وكل مالك تحلوين (ويتنهد) ويلوموني فيك آآآه بس لو أقدر أروح لك وأتكلم معاك بس شكلك بتصارخين علينا وتفضحينا بس ما أقدر أتحمل ..
ومن غير مايحس مشى ناحيتها ,, وهي الثانيه حست بأحد جاء لعندها ولما شمت ريحه العطر كان عطر رجالي ألتفتت وشافت خالد قامت بسرعه ووقفت تبي تمشي عنه بس كانت يده أسرع ومسكها .....
طالعته من فوق لتحت وبإحتقار
وكأنها تقول له نعم شبغيت .. ــــــــــــــــ
خالد .. مساء الخير
لمى .. أترك يدي
خالد ترك يدها وتكتفت .. مساء الزفت
خالد .. أوف أوف شكلك معصبه
لمى .. أنت شتبي مني
خالد بدا يعصب .. أنتي اللي شتبين مني
لمى أنقهرت وحبت تنرفزه .. جاي لعندي .. ومتصل فيني .. وتمسك يدي .. وتمسي علي .. وبعد تسألني شتبين مني ؟؟
خالد أنقهر .. ليه مو أنتي تحبيني
لمى مو عارفه وش تقول ليه تسوي كذا ياخالد حرام عليك أنت عارف أني أحبك وأمووووت فيك ليتك تحس فيني .. بس وينك أنت ويييين الأحساس طول عمرك أناني ومغرور ومتكبر وشايف نفسك على أيش مو عارفه .. ـــــــــ ماردت لا تعليق نو كومينت ــــــــ
خالد يجاريها .. لمى أنا بعد أحبك بس أنتي مو معطيتني وجه
لمى مو مصدقه عمرها أخيرا ً قالها قال ((أحــــــــــــــبـــــــ ـك )) يالله ياخالد وش أرد عليك ألحين .. وأخيرا ً ردت بكل قوة وعزة نفس .. وأنا أكرهك .. أكرهك ياأخي ماأحبك .. أفهم عاد
خالد بعدم تصديق وببرود .. لا والله وليه هناء تقول لي أنك تحبيني وأنك دائما ً تسألين عني
لمى بلمت مو عارفه كيف ترد ×يالله عليك ياهناء والله أنك فضيحه× وردت عليه بحزن وزاااااااادت دموعها أكثر وأكثر .. خالد أسمعني زين أنا ما أكذب عليك أنا جد حــ.. حبــ.. حبيتك وأكيد تذكر المواقف اللي تصير لي معاك لما تجي تاخذ هناء من عندي بس أنا من ناحيتي بحياتي ما حسيت أنك تحبني طول عمرك مغرور (وتبكي أكثر) وماتحب إلا نفسك أنت بحياتك ما حبيت أحد ولا عندك لا أحساس ولا ضمير بس أنا ألحين أكــــــرهك ياخالد أكرهك وما أحبك
خالد كان يسمع الكلام من لمى وكل كلمه ترن في أذنه ومانساها أخيرا ً رجع له الضمير وقام يحس دمعت عينه بس من غير ماتشوفها لمى لأنها لفت بتمشي بس مسكها خالد وألتفتت له وهي مستغربه غريبه يبكي وتكلمت ..ماسكني على شان توريني دموع التماسيح
خالد بندم .. لمى الله يخليك سامحيني (وبهمس) أنا أحبك
لمى بدموع .. قلتها أكثر من مره مستحيل أصدقك
خالد بندم واضح .. لمى الله يخليك سامحيني ماكنت متوقع أنك شايله علي هالكثر الله يخليك سامحيني
لمى .. سمعت راشد وش يقول
خالد .. لا
لمى بحزن .. أخاف أسامح وأنصدم فيك بعدين وأرد لأحزاني ولوعة زماني ومن جرح واحد خايف يصير جرحين وأنا والله من اللي شفته كفـــــــــــــــــــــــ اني
ومشت وتركته حااااير من كلامها ......
معقوله لهدرجه تحبك ياخالد بنت قمر وتسوي فيها كذا حرام عليك ماقدر يفكر أكثر من كذا وقام أرسل لها مسج ...
"الله يخليك لمى ردي علي أنا خالد أنتي زعلانه أو لا والله آآآسف على كل شي سويته لك ياليت تسامحيني ..*& أحبك &*.."
شافت المسج وردت عليه ..
بمسج عباره عن صوره بنت تبكي ويطلع من الصوره هذي الكلمات ..
.. .. .. أنت مو قد الكلام .. كل يـوم لك كلام .. .. ..
.. .. .. أنت تلعب بالقلوب .. أنت جـاهل بالغرام .. .. ..
.. .. .. أنت شخص بلا ضمير.. لا تحب ولا تغير.. .. ..
.. .. .. أنا مثلك مالقيت .. لا كبيــر ولاصـغير .. .. ..
.. .. .. أبتعد عني بعيد .. ما أبـي حــبك يزيد .. .. ..
.. .. .. الهوا شوق وعذااااب .. أنت مو داري أكيد .. .. ..
وآآآآآخر جمله كتبتها في نهاية الرسالة .. ((غرورك صادف عزة النفس اللي فيني))
وبعدها قفلت الجوال مو ناقصه مسج
حز بخاطره هالمسج وقال أتصل أحسن وأتصل ..
" عفوا ً إن الهاتف المطلوب لا يـــ....
سكر السماعه من القهر ورماه على الكرسي اللي وراه في سيارته وقام يدور في السياره مو عارف وين يروح ..........
شوي وسمع صوت جواله يدق فرح يحسبها لمى على طول وقف السياره على جنب في الشارع و ألتفت يسحب الجوال و رد من غير مايشوف شاشه الجوال ...
خالد .. ألوووو
.. ألوو أهلين خالد
خالد .. مين أنتي
.. هوو هوو هووو ليه ماخزنت رقمي
خالد عرف صوتها ماغيرها النشبه هناء .. نعم شتبين
هناء .. وليه معصب
خالد من جد عصب .. هناء أخلصي شتبين مو رايق لك
هناء .. بسألك وش أسم الفيلم اللي أمس شفناه بقناة "ون تي في"
خالد .. والله أنك فاضيه جد يلا بس قفلي يالتافــ .... (سكت لمَّا سمع أخته تنادي لمى)
هناء توجه الكلام لخالد .. لحظه خالد (وتوجه كلامها للمى لمَّا مرت قدامها) لمو شيماء تدورك روحي لها
لمى .. وينها طيب
هناء .. يمكن بغرفتها
لمى .. أوكي
وجلست لمى تسولف مع شدا شوي وبعدين طلعت لفوق .. وهناء كانت تسولف مع أخوها وهو مو يمَّها جالس يسمع صوت حبيبته لمى مسكينه هناء جلست تخرط ع الفاضي
"خالد أنت معاي"
خالد أنتبه .. هاه أيه أيه معاك يلا مع السلامه
هناء .. طيب وأسم الفـــ.... (قفل بوجهها)
قامت أرسلت له مسج
"خويلد الله يخليك قول لي أسم الفيلم أبغاه ضرووووري"
أول ما سمع صوت المسج أبتسم يحسبه من لمى وأول مافتحه كشر "ياربي عليها هالنشبه" وأرسل لها أسم الفيلم لأنها نشبه من جد وماراح تخليه بحاله ................
.
.
.
مشت لمى للدرج وأول ما مسكت الدرابزين وقفت لأنها شافت شيماء نازله من فوق ......
شيماء.. أخيرا ً لقيتك .. وينك ؟؟؟
لمى هزت كتوفها .. هنا
شيماء .. لا ياشيخه حسبتك هناك .. مو قلت لك أنتظريني ربع ساعه وجايه و ..... (قاطعتها لمى)
لمى تسحب يد شيماء .. بس بس بس خلاص آسفه تعالي فوق بسرعه (وطلعوا لفوق)
وأول مادخلوا الغرفه لمى دفت شيماء لجوا ودخلت بعدها وسكرت الباب
شيماء .. هههههه أيه هذي لمى اللي أعرفها رجه وهبلا ومطفوقه مو الرومانسيه الحالمه هههههههههه
لمى .. أسكتي ولا كلمه بقول لك خبر يجننننننن
شيماء عدلت جلستها .. قولي
لمى .. شفت خالد
شيماء .. أييييه روحي بس .. على بالي عندك سالفه طيب وإذا شفتيه
لمى .. ياربييي هذي اللي بتذبحني
شيماء .. هوووو شفيك لمى وإذا شفتيه شفيها
لمى .. شيوم << (تدليعه لشيماء) أستوعبي خالد شافني وأنا أحبه وش اللي شفيها
شيماء .. أهاااا قولي شافك مو شفته ترى فيه فرق
لمى .. وأيش الفرق ؟؟
شيماء .. لما تشوفيه عادي بس لما يشوفك مو عادي
لمى .. لا والله فسر الماء بعد جهد بالماء
شيماء .. المهم خلصيني وش صار
ؤلمى بدا عليها الحزن ,,, وقالت لها كل شي صار لها مع خالد
شيماء شهقت وحطت يدها على فمها .. وليه سويتي كذا ؟؟
لمى .. يعني شتبيني أسوي (وبنظره ألم) تبيني أقول له أيه نعم حبيتك وإلى الآن أحبك ومو قادره أنساك وأني ما أنام الليل لأني أفكر فيك وطول الوقت مارحت عن بالي ومن هالحكي .. (وتنهدت ولفت وجهها) ياشيخه روقينا
شيماء .. ع الأقل لو مارديتي عليه أصرف
لمى تطالع شيماء .. ما أقدر
شيماء .. ليييه ؟؟
لفت وجهها مره ثانيه .. يعني ليه تستهبلين ياشيماء (ودمعت عينها من غير ما تشوفها شيماء)
شيماء .. والله جننتيني يالمى ألحين تحبينه وتسوين فيه كذا
لمى عصبت عليها .. شيماء الله يخليك كافي كافي اللي أنا فيه مو قادره أتحمل لاتصيرين أنتي وخالد والزمن علي (وبهمس حزين) مو كافي اللي فيني
شيماء .. حبيبتي لمى ,, والله كذا أنتي بتضرين نفسك ,, حددي موقفك ,, وأرسي لك على بر ,, مايصير اللي تسويه في نفسك
لمى وللحين تبكي .. يعني شتبيني أسوي ؟؟
شيماء .. شوفي يالمى هي وحده من الثنتين ياأنك تحبين خالد زي العالم ماتحب أو أنك تنسينه نهائيا ً
لمى تنهدت .. ياليت أقدر أنساه أريح لي
قطع عليهم كلامهم لما أنطق الباب .......
شيماء .. مييييييييين
اللي ورا الباب (غادة) .. يلا شيوم العشاء
شيماء .. طيب ألحين نازلين
غادة .. ونادي البنات معاك
راحت شيماء فتحت الباب ومسحت لمى دموعها .....
شيماء بتعجب .. ماعندي إلا لمى !!
غادة .. أجل وين شدا وهناء ؟؟
شيماء .. ما أدري تو كانو هنا فوق بالصاله وبعدين نزلوا مره ثانيه للمجلس اللي تحت
غادة .. طيب خلاص إذا شفتيهم قولي لهم العشاء أوكي
شيماء .. أوكي
.
.
.
ياترى وين المهابيل (الثنائي المرح) شدا وهناء ؟؟؟؟
راح أقول لكم بس ترا المكان مارح يخطر في بالكم ..
في )))... الســطـــح ...(((
عاد إيش يسوون هذا اللي راح نعرفه في الجزء اللي بعده ..............
.
.
.