[لامارا]

الجــــــــ/ 14 /ـــــــزء
فوق في السطح هناء وشدا على بالهم أنهم راح يقدرون يطلون ع الرجال >>قليلات الحيا<< هناء مزعجه شدا تبي تشوف فاااارس أحلامها ،فارس، .....
شدا ضربت هناء بدفاشه .. هاه شفتييييه ؟؟
هناء صرخت .. يـا مامي
شدا مسكت هناء اللي بغى يغمى عليها
شدا.. ياربي عليك ياهناء لاتموتين ألحين مو وقته (أستغفر الله)
هناء بدت تصارخ في وجه بنت عمتها شدا .. يالحيوانه بغيت أموت
شدا قامت تشوف المسافه اللي بين السطح وأرض الحوش اللي بغت تطيح هناء منها وفتحت عيونها ع الآخر .. ووووووووووووووه مره بعيد
وألتفتت لها وعفست وجهها .. طيب شفتيه
هناء بيأس .. لا خلاص ماأبي أحاول مو مكتوب لي أشوفه اليوم
شدا .. طيب تعالي من الجهه الثانيه يمكن أحسن
هناء ..قولي الجهه الرابعه مافيه جهه إلا وطلينا منها وبعدين ياغبيه الجهه هاذيك تطل على المسجد اللي بجنبهم
شدا .. ياربي يعني مافي حل
هناء .. لــ ... (توها بتتكلم وسكتت فجأه شافت شي غريب)
شدا .. هناء شفيك تطالعيني كذا (أبتسمت الغبيه) شفتيه ؟؟
هناء بخوف .. أيه قدام عيني ألحين
شدا تضرب على كتف هناء بخفه .. لا تخافين حبيبتي هذا الحب وما يسوي تتوهمين أنه قدامك مو حقيقه
هناء للحين خااااايفه .. والله أنه قدام عيني
شدا خافت وجلست تفكر:::: ياربي أحنا بالسطح وهناء خايفه أكيد وراي جـ .. جنـ.. جنييييييي
شدا بخوف أكثر .. هناء وش اللي تشوفينه قدامك
هناء تأشر على الجدار اللي متسنده عليه شدا .. هذا
شدا ما ألتفتت من الخوف .. هناء ياحماره لاتخوفيني وش فيه
هناء .. ـــــــــ
شدا قامت وقفت وأشوى أنها وقفت وقامت تركض في السطح الكبير ووراها هناء وأخيرا ً وصلوا للدرج وعلى طول نزلوا وهم يصارخون .. جنيييييييي جني جنييييي جنيييييي جنييييييييييييييييييييييي ي
×× بيني وبينكم أصلا ً شدا اللي تخيلت أن اللي وراها جني وهناء الغبيه صارت تقول معها جني جني مع أنها عارفه أن اللي ورى شدا صرصور وصغييييير بس لو جا عند وحده مننا تعرفون وش راح يصير ويمكن الجني أرحم لنا من الصراصير يععععع ××
وهم نازلين يركضون قابلوا لمى وشيماء اللي نازلين من الدرج برضوا بس شيماء و لمى نازلين للدور الأرضي أما هناء وشدا من السطح للدور الثاني إلى الأرضي
شيماء .. هووو ..! هناء شدا من وين جايين
هناء ميته خوف وساكته ......
أما شدا .. تكلمت بخوووووف .. فيه جني فبيتكم
شيماء .. أي جني ؟؟
شدا بنظرة غبااااااء .. ليه هم كم واحد
شيماء أخذتهم على قد عقلهم وهبلت فيهم .. عندنا قبيله فوق محد قال لكم أطلعوا يالمهابيل يلا عاد ماراح يخلونكم بحالكم
هناء بغباء .. وش فارس ..؟؟!!!!!!!!! ,, مين اللي قال لك أننا طلعنا ع شان نشوف فارس
لمى وشيماء ماااااااتوا ضحك على هناء فضحت نفسها
لمى .. هووو هناء محد قال فارس شفيك اسم الله عليك انهبلتي
شيماء .. جد هناء محد قال فارس
شدا .. خلونا من فارس (وتلتفت على شيماء) وقولي لي أنتي جد عندكم جني
شيماء .. أيه وجنين بعد
شدا طلعت عيونها .. والله
شيماء .. وجنييات ,, وجنجون صغنون.. وخدامه وسواق ... جاني وجون بعد..
شدا ماااتت من الخوف :مخفَّه صدَّقت: رحمتها شيماء .. أمزح معك ياهبلا
شدا تنهدت بأرتياح .. خوفتيني
شيماء صدت عنها وطالعت هناء .. وأنتي وش مطلعك للسطح
هناء يقالها بريئه .. أنا ماطلعت فوق
شيماء .. أجل وش دراك أنه فيه جني
هناء .. وش فارس أنتي ..؟!! تراك أزعجتينا فارس وفارس
شيماء بتعجب .. أحد قال فارس ..؟؟ (وبمزح) وبعدين تعالي أنتي ,,, وشو فارس وفارس طالعه على شان تشوفينه ياقليلة الحيا
هناء أبتسمت .. بيني وبينك أنا أحبه
لمى .. وين بينك وبينها وقدامنا تقولين
هناء .. أصلا ً أنتي وشدا عارفين بس شيوم ماتدري
شيماء .. ومين قال لك أني ما أدري
هناء .. نععععم ووش دراك
شيماء .. والله أنك بقره صدق ... أنتي قلتي لي من زماااااان
هناء .. أييييييه صح ذكرت
شيماء .. يلا عاد خلونا ننزل نتعشى
الكل .. يلا
.
.
.
ولمَّا نزلوا راحت شدا تغسل يدينها بعد الغبار اللي بالسطح ولمى وهناء وشيماء يسولفون ولا أنتبهوا لها ولمَّارجعت طلعوا برا للحوش وين ماكان العشاء موجود ....
هناء .. تعالي شدا نغسل عقب القرف اللي فوق
شدا .. أنا غسلت روحي أنتي ولمى وشيماء
هناء .. يالخاينه ولا قلتي لي .. (وألتفتت على لمى وشيماء) .. تجون معاي ؟
لمى .. حتى أنا و شيماء غسلنا قبل لا ننزل
هناء .. يووووه صدق خونه (وألتفتت لشيماء) .. شيوم فيه مغاسل هنا مالي نفس ادخل جوا
شيماء .. مافيه إلا بالصاله هذي (وتأشر ع الصاله من برا بالحوش بس مسكره اللي فيها الحلى والجاتوهات ).. ولسى أمي مافتحتها راح نفتحها بعد العشاء .. (وتذكرت) صح صح فيه هناك مغاسل روحي لها بس أستعجلي وأنتبهي لا يشوفك أحد ترا مجلس الرجال قريب
هناء .. وين ..؟؟ فيه حاجز كبير
شيماء .. عادي دفيه بس .. وراح تشوفين المغاسل قدامك
هناء .. أوكي
راحت هناء للمغاسل وهي متشنكحه << يعني مبسوطه مره لأنها راح تطل على فارس ولمَّا وصلت للحاجز دفته بقووووه >> عربجيه.. ورجعت قفلته بهدووووء >> شيطانيه
المهم راحت غسلت وبعد ما خلصت فتحت شنطتها وطلعت الغلوس والماسكرا وتعدلت وعدلت شعرها (أسود لييييل ولايق عليها لأن بشرتها فاتحه وكان قصته فراوله وملفف شي على فوق وشي على تحت وتقريباً طوله إلى تحت كتوفها بشوي) وتعطرت (عطر نيرسيزو الأسود) وعدلت لبسها كانت لابسه برمودا جينز سماوي فاتح وبودي أبيض أكمامه حاير وفيه حرف M بالفضي لأنها من (مانغو) وصندل أبيض فلات لأنها طويله ... وكانت طول الوقت تتعدل علشان تضيع الوقت ويطلع لها فارس أحلامها وتشوفه وآخر شي طفشت وتوها بترجع إلا ويطلع لها شاب وسييييم قدامها طويل وجسمه حلو ولابس برمودا أبيض وتي شيرت سماوي أكمامه كت وكاب أبيض أكيدعرفتوه أيوووه صح عليكم (ماجد) وطبعا ً هناء عرفت أنه مو فارس لأنها حافظه وجهه حفظ ولا يمكن تنساه .. المهم خافت وماعرفت وش تسوي لا وبعد وراه شابين حاولت تشوف مين اللي وراه وولا قدرت المهم خافت ولا عرفت كيف تتصرف قامت بسرعه لفت ولقت ملجاء وحييييد لها (الحمام)
أبتسمت هناء .. أيوووه الله جابك (ودخلت بسرعه بس الغبيه خربت كل شي لمَّا صبخخخخخخخت بالباب بقوه)
هناء وهي تفكر .. الحمد لله يارب الله ستر أشوى أنهم ماشافوني ياالله شكل اللي وراه واحد منهم فروسي (قالت الراء بدلع >> مو لايق لها أبد) ياربي والله قهر كله منك يامجيييد (قطع تفكيرها صوت الباب ينطق) كان ماجد اللي يطق الباب واللي معاه دخلوا المجلس لأنه أستغرب مين اللي صبخ بالباب كذا
هناء صارت ترتجف من الخوف ياربي شسوي شقول له هالنشبه ..؟؟؟ وطلعت لها خطه حلوه وفتحت شنطتها تبي تطلع الجوال تتصل في أي أحد وهنا المصيبه .. ياربي وين حطيته يؤيؤ شكلي نسيته ع المغاسل أن شاء الله مايشوفه ماجد ياويليييي
.
.
.
وفي الطرف الثاني أبعد شوي
شيماء .. أقول بنات مو كأنه هناء تأخرت
لمى .. ألا والله غريبه وين راحت كل هذا غسيل
شدا .. شكلها تروشت
الكل .. ههههههههههه
لمى .. شيماء روحي شوفيها أخاف صار فيها شي
شيماء .. وليه أنتي ماتروحين
لمى .. أخاف يطلع لي أحد
شيماء .. طيب أتصلي عليها أحسن
لمى .. أيه والله أحسن (وحطت الشوكه ع الصحن وأتصلت)
.
.
.
نرجع لهناء والنشبه على قولتها ماجد
للحين يطق الباب ولاردت هناء من الخوف وفجأه سكتت لما سمعت جوالها يرن ....
ماجد ما أنتبه للجوال ألا لمَّا رن ألتفت وأخذه وشاف مين المتصل وقف قلبه لما شاف الأسم
لـمـى ..
يــتـصل ..
وقام يقلب في الجوال ولفت نظره التعليقه اللي معلقه في الجوال حلقه فضيه ومكتوب بـ الوسط بـ ستراس (hanaa)
أبتسم لمَّا شاف الأسم يعني أكيد هناء اللي بالحمام مسكينه أنحبست ههههههههه
وتكلم على شان يريحها .. أطلعي ياهناء ببعد عن الباب لا تخافين
هناء أنهبلت وتوه بيمشي علشان تطلع ووقف لما سمعها تتكلم .. شدراك أني أنا هناء أصلا ً أنا أنا (جلست تدور أسم) أيه أنا ساره
ماجد .. جوالك يفضحك يلا أطلعي وأنا بدخل المجلس (وحب ينرفزها) .. على فكره مره ثانيه شوي شوي ع الباب آخاف ينكسر تعرفين تونا ساكنين البيت وما أمدانا نتهنى فيها سلاااااااام
هناء بعد دقيقتين تقريبا ً فتحت الباب على شان تتطمن هو جد راح أو لا
فتحت الباب وطلت براسها وشافت مافيه أحد طلعت بسرعه وراحت دفت الحاجز ودخلت وقفلته وتوجهت للبنات وهي خاااايفه
البنات من شافوا شكلها ضحكوا ....
لمى .. هووو هناء شفيك جايه تركضين وخايفه
هناء ع السايلنت بس تحرك عيونها من الخوف
شيماء .. هوووو شصاير
شدا .. هناء شفيك ههههههه
هناء أخيرا ً تكلمت وقالت لهم السالفه ومااااتوا ضحك
لمى .. ههههههه وأنا أقول ليه ماتردين ع الجوال كــ.... (قاطعتها هناء)
هناء كانت تشرب مويه ومن سمعت أسم (جوال) شهقت وشرقت وحطت يدها على فمها
لمى .. اسم الله عليك شفيك
هناء .. جوااااالي
الكل .. شفيه ؟؟
هناء .. نسيته ع المغاسل
الكل .. ههههههههههههههههههههههههه اي
شيماء .. روحي بسرعه خذيه قبل لا يطلع أحد أكيد ماجد خبرهم ولا راح يطلعون
هناء .. خايفه
شدا .. أقول روحي بلا خوف (وهمست) يمكن تشوفين فارس
هناء .. مااااااااابي أشوفه بس أبي جواااالي
شدا .. أجل روحي بسرعه
قامت هناء .. أدعولي بنات
شيماء .. هوو وين رايحه معركه
تأففت هناء ومشت .................
.
.
.
ماجد قال السالفه لفارس لأنه عارف أنه يحب هناء وأول ماعرف السالفه ركض ع المغاسل بس مالحق لأنها راحت للبنات بس لفت نظره جوالها اللي ع المغاسل ....
ألتفت لمَّا سمع صوت ... كانت هناء تدف الحاجز اللي بين الرجال والبنات بس من جهه ثانيه وأول ما أنفتح جت ترررررركض لا وبعد بغت تزلق قامت بسرعه فحطت >> قلت لكم خبله هالبنت .. ولما وصلت رفعت عينها لأنها شافت واحد لابس بنطلون جينز وقميص أبيض وفيه شعارات كثيره ملونه وماكان لابس كاب ولا شي بس حاط جل على شعره وممشط على ورى وباين شكله جناااااان
كانت المسافه اللي بينهم أقل من ثلاث خطوات .. وأول ماشافته عرفته ....
وشهقت وفتحت عيونها ع الآخر .. فـ .. فارس
فارس أول ماشاف عيونها السوداء أنجن عليها (لاحظوا بعد ماتزبطت أكيد بينجن عليها) (أبتسم) .. أهلين هناء كيفك ؟؟
هناء هونت ماعادت تبي تشوفه أنحرجت من الموقف (أبتسمت بخوف) .. بخير ممكن الجوال
فارس مد يده بيعطيها الجوال .. وهي ماصدقت خبر سحبته ومشت
فارس .. لحظه هناء
ألتفتت بخوف .. نعم
فارس .. مو كأننا مطقمين اليوم (ويطالع لبسها)
أبتسمت بحيا .. (وهزت راسها)
فارس .. ممكن أكلمك
هناء بخوف .. نعم !!
فارس بعد تردد .. ماأشتقتي لي ^ـ^
هناء ولع وجهها بألوان إشارة المرور .. أيش ؟؟؟؟؟
فارس .. هناء أشتقت لك
هناء أبتسمت .. وأنا بعد أشتقت لك (ومشت بسررررعه وأختفت عن نظره) وأول مادخلت لقسم الحريم والبنات دفت الحاجز بهدووووء وراحت مكان مالكل جالس......................
تقدمت للمكان وسحبت الكرسي وهي سراحاااانه بعالم آخر وجلست ....
والبنات ميتين ضحك على شكلها وماحبوا يعلقون لسببين
الأول ,, أرتاحو من بثارتها
والثاني ,, مايبغون يخربون الجو الرومنسي اللي هي عايشه فيه ..
/// ،، /// ،، /// ،، /// ،، ///
المهم بعد ماخلصوا عشاهم دخلوا لصالة الحلى والآيس كريم والجاتوهات والعصيرات والتشاكلت والتارت وكل مايخطر ع البال كانت الصاله كبيييييره وأنوارها كلها رووووعه مفتوحه كلها فرق عن الحوش اللي تعشوا فيه كانت أنواره سبوت لايت هاديه ورمنسيه ..
المهم راح أشرح لكم الصاله على شان تشتهون الأكل ..... ^_^
أول ماتدخلين راح يكون على اليسار مغاسل تقريباً ثلاث مغاسل ودورات مياه اثنين ولما تمشين على طول راح يكون قدامك (نافورة تشاكلت كبيره) صدق أنها قديمه بس حلوه عامله ديكورايشن .. ولما تمشين كمان راح تشوفين بالزاويه آآآآآخر الصاله شلال من حجر وتنزل منها مويه بارده وبنص الصاله أثاث الجلسه الكنبات والصوفات وعلى أطراف الصاله طاولات طوييييييله فوقها أشكال الحلويات .. آيس كريم بجمييييع أنواعه والتارت (الغابه السوداء ، موس الشوكلاه ، كوفي ، ستروباري ، تشيز كيك .... ألخ ) أما قسم العصيرات (بلو كوكتيل , بينك كوكتيل , غرين كوكتيل , كاديه , كركديه, تفاح ، برتقال ، كيوي ، ستروباري ، كوكتيل ، مانجو ، ليمون ، جوافه ، ليمون ونعناع ، كيوي وليمون ، توت , خوخ , مشمش .... ألخ) وقسم الجاتوهات كمان حلو بس مايزيد عن قسم التارت
.................................................. .......... ......
.................................................. .......... ........
...............................................أ� �ريتكم صح لوووووول ماعليه لا تنقهرون أنا نفسي وأنا أكتب لكم القصه مشتهيتهم بالذات (موس الشوكلا,و الـ تشيز كيك>>خصوصاً إذا كان من "تشيز كيك فاكتوري" يااااااااااااااااامي ,ياويلي للمره المليون أسوي دعاية,)
.
.
.
بعد ما الكل أكل وطلع من الصاله باقي بنتين بس ماطلعوا جالسين بآآآخر الصاله ... خلينا نروح لهم ونعرف شسالفتهم ...
.
.
رنا و مها ......
مها بغرووور .. لا ولابسه أبيض بعد هالدبا
رنا بتعجب .. بالعكس مره حلو عليها الأبيض وهي أصلا ً مو دبا نحيفه وجسمها يجنن أحسن من جسمك
مها بعصبيه .. نعم !!
رنا .. والله جد حلو جسمها طويله ورشيقه لايكون غايره منها
مها .. نعم أنا أغار منها هالشيفه أصلا ً خالد قايل لي أني أنا أحلى منها ووش جاب القمر للشمس (كذابه)
رنا تضحك .. يعني أنتي الشمس ؟
مها .. لااا ياغبيه هي الشمس وأنا القمر
رنا .. لا لا شكله يقصدك أنتي بالشمس بعد البرونزاج اللي مسويته وهي القمر ماشفتي بشرتها كيف فاتحه وماكأنها مرت بمرحلة المراهقه اللي تعفس الوجه من الحبوب ماشاء الله لا إله إلا الله الله لا يضرها
مها .. بعد وتدعين لها
رنا .. هووو !! تبني أحسدها ؟
مها .. على أيش تحسدينها ياحسره وهي أصـ... (سكتت لما شافت هناء وشدا وشيماء ولـمـى داخلين)
توجهت لهم شيماء ووراها البنات
شيماء .. هاي صبايا
مها بدون نفس وبإبتسامه مصطنعة .. هاي
رنا أبتسمت .. أهلين
تقدموا البنات وسلموا عليهم ....
**(قبل لا أكمل وش صار راح أفهمك مين هذولي البنات)**
(أم عبدالله + أم فيصل + أم ماجد + أبو خالد + أبو فهد :الله يرحمه: + نواف ) مثل ماقلت لكم كلهم أخوان ,, وأبوهم أسمه " عبد الله ">> الجد يعني .. وعبدالله هذا متزوج حرمتين الأولى " نوره " اللي عيالها ×سبق ذكرهم× أما زوجته الثانيه " الجوهرة " جابت منه عبدالمحسن وعبدالملك .. وهذولا يكونون عمّان (هناء وخالد / وفهد وفارس وهاجر) وخوال (عبدالله وريم ولمى وأختهم الصغيره ليان /و ماجد وغادة وشيماء وسامي / وفيصل وريما وشدا وسعود )
المهم عبدالمحسن عنده ولد وبنت (يوسف و مها)
وعبدالملك عنده بنت وحده اللي هي (رنا)
وووبس .......
نرجع للسوليف ..
جلسوا معهم ع الطاوله ..
شيماء .. تصدقون آخر مره شفتكم فيها يوم زواج ريم بنت خالتي هند >> (هي نفسها أم عبدالله)
مها بدلع .. شفتي عاد ,, بس تصدقين أريح أنا ما أحب المناسبات وعوار الراس
شيماء بداخلها / لو ماتحبين المناسبات وشوله رازه وجهك فبيتنا ..
هناء وشدا جلسوا يتساسرون يحشون فيها من غير ما تسمع كانت شدا تقول لهناء / أقصصص أيدي أذا ما كانت هي أول من ركب السياره// وفجأه ماتت هناء من الضحك وصوتها عااالي ..
مها أنقهرت .. ضحكينا معك ياهناء
هناء الغبيه تضحك وتلتفت على شدا .. أقول لها ؟
شدا .. ههههههههههههههههاي
لمى تهمس لشدا وهناء .. هييي بنات بس عاد تراكم مصختوها
شيماء .. أيه والله بلا تفاهه أنتي وياها
هناء خلاااااص بتنفجر .. مايصلح أقول لك يامها لأننا نحـ.... (توها بتقول لأننا نحش فيك بس قبصتها لمى على فخذها من تحت الطاوله)
هناء .. آآآآآآآآآآآآي عورتيني
قطع عليهم صوت أم ماجد وهي داخله .. هوو أنتم هنا وش مقعدكم لين ألحين
شيماء .. أبد نسولف
أم ماجد .. طيب خلصتوا أكل
لمى مبتسمه .. شدعوى خالتي لهدرجه مشفوحات
أم ماجد .. ماأدري عنكم (وتوجه الكلام لبنتها) شيماء أطلعي أنتي والبنات للغرفه.. الرجال بيدخلون يسلمون
هناء مبسوطه .. والله خالـ..... (وصرخت لأن لمى قبصتها).. آآآآآي وشفيك أنتي بس تقبصيني اليوم
لمى تهمس لها .. يالخبله شفيك بينتي قدام خالتي أنك مبسوطة؟
هناء تهمس .. بجلس مع عماتي تحت مو طالعة معكم فوق بسلم على الرجال
لمى .. نعم !!
هناء بهمس .. هووو لمى شفيك ترا كلهم عماني اللي بيدخلون عمي نواف وأبوي وعمان الغفله عبدالمحسن وتوأمه عبدالملك
لمى .. أشوفك مطيحة الميانه أنتي ووجهك (وتتهزاء) عبدالمحسن وعبدالملك ..
هناء .. هاهاهاها ماتعرفين تقلديني
لمى .. وبعدين مين قال لك أنهم توأم
هناء .. ليه ماقد شفتيهم ياحليييييييلهم كنهم ضفادع يتشابهون شكلهم توأم ((^-^)) ((^-^))
لمى ماقدرت تمسك ضحكتها .. ههههههههههههههههههههههههه هههاي
حلوووووه
مها حسبت أنهم يتكلمون فيها ووقفت ..عن أذنكم (وألتفتت لرنا) .. يلا رنا
رنا وقفت معاها لأنها تخاف منها وتوها بتمشي وألتفتت ع البنات .. اللي يجلس معكم غلطان
هناء تصوت .. ياغبيه احنا اللي جلسنا معاكم مو أنتو
لمى معصبه .. هناء بس عاد والله زودتيها
شيماء .. مررره زودتها
وقامت طلعت لمى وشيماء من الصاله يبون يلحقونهم على شان يعتذرون .....
شدا وهناء قاموا ولا همهم راحوا لقسم الآيس كريم وكل وحدة أخذت لها أكبر حجم .........
وشيماء ولمى أول ماطلعوا لقوا رنا ومها يتحلطمون برا راحت لهم لمى وسكتوا كلهم ..
لمى .. مها الله يخليك لا تزعلين من هناء
مها بعصبيه وإندفاع .. لا ياشيخه وأنتي الناطق ارسمي لها
لمى تلفت لـ شيماء على أمل أنها تساعدها .....
شيماء .. مها لو أنك وحدة ثانيه والله ما ألومها بس أنتي تعرفين هناء وهبالها ومتعودة عليها ولـ... (قاطعتها لمى)
لمى .. أصلا ً هناء ما تقصدك والله العظيم كانت تقول لي ع موضوع فـ.. (سكتت شوي) مها والله لو أقدر أقول لك كان ماترددت بس صدقيني الموضوع يخص هناء وأخاف أقول لك وتزعل
مها .. أصلا ً كلكم جيتو لعندي وعند رنا ع شان تستهبلوا علينا تراي عارفه حركاتكم يالبايخات (ومشت وسحبت رنا معها)
لمى ألتفتت لشيماء .. لا حول ولا قوة إلا بالله
.
.
.
وصلت الساعه 3 الفجر الكل راح لبيته إلا أم عبدالله وأم خالد و أم فيصل وهاجر .....
هاجر كانت جالسه مع غادة وريما تسولف وشوي ورن جوالها ..
أبتسمت لما شافت الأسم
عبودك ..
يــتصـل ..
وردت .. ألوو
عبدالله .. هلا حياتي
هاجر .. أهلين
عبدالله .. كيفك ؟
هاجر .. تمااام وأنت ؟
عبدالله .. بخير أقول هجور
هاجر .. لبيه
عبدالله .. ما مليتوا ؟
هاجر .. بصراحه لاء
عبدالله .. طيب متى ناويين ترجعون
هاجر .. والله ما أدري أنت بتجي تاخذنا وإلا نور >>السواق
عبدالله .. لاااا وين السواق بسابع نومه
هاجر .. ههههههههههه
عبدالله .. تسلم لي هالضحكة
هاجر .. لحظة عبدالله
هاجر تكلم (عمتها/خالتها ) أم عبدالله .. خالتي عبدالله يسأل متى تبون نروح
أم عبدالله .. خلاص خليه يجي ألحين
هاجر رجعت الجوال لأذنها ..
هاجر .. عبدالله
عبدالله .. هلا
هاجر .. تقول خالتي ألحين نروح
عبدالله .. ريم معكم ولا راحت
هاجر .. لا جاء أخوي فهد أخذها
عبدالله .. زين فكه هي وعيالها
هاجر .. حرام عليييك
عبدالله .. وأنا صادق سلطان بس صياح وتوم آند جيري طقاق كل شوي
هاجر .. توم آند جيري ؟؟
عبدالله .. أيه شهد ورند
هاجر .. ههههههاي حلوه .. أقول بس لا تتأخر ترى أختك ليان نامت ماقدرت تقاوم
عبدالله .. ههههه طيب يلا جاي
هاجر .. يلا مع السلامه
عبدالله .. هلا والله
بعد ماسكرت هاجر من عبدالله جلست تطالع ليان كانت نايمه على رجل أمها ومتمددة على الكنب من التعب .....
هاجر .. ياعمري شكلها تافله العافيه
أم عبدالله .. أيه والله دائما ً كذا تلعب وتلعب وتجي تطيح طيحة جدار (وتوجه الكلام للمى) .. لمى روحي جيبي صندلها مدري وين حطته
لمى .. أن شاء الله بس لحظه هم وين كانوا يلعبون
أم عبدالله .. مدري والله الضاهر بالملحق اللي بالحوش
أم ماجد تدخلت .. أيه بالملحق ورا الحديقه والصاله اللي بالحوش (طلعت لمى للحوش) وكملت سواليفاها أم ماجد .. الملحق هذا ماجد ولدي مصلحه لأخوه سامي كل ألعابه برا إلا كمبيوتره بغرفته وأحسن لنا ع الأقل لين جو البزارين ماندري وين نحطهم نخليم بهالملحق ونطل عليهم كل شوي ..............
.
.
.
برا بالحوش طلعت لمى وأخذت معها شيماء تدلها ع الطريق ولما وصلوا للملحق جلسوا يدورون بين هالحوسه ولا لقو شي .......
لمى .. أووووف وين حطتها بعد
شيماء .. بروح بشوف بـ البد روم (القبو) يمكن ألاقيها تحت لأن ماأظن دخلوا يلعبون هنا أكيد أخوي سموووي (سامي) طردهم لخاطر سعود على بالهم كبار ههههههاي
لمى .. خلاص بدور هنا وأنتي روحي
.
.
.
كان البدروم كمان فيه ألعاب كثيره وهنا مكان الأولاد والبنات الصغار يلعبون .. جلست تدور شيماء هنا وهناك وهونيك >> حلوه هونيك صح لووووول
.................................
نرجع للمى ..
بينما كانت تدور صندل ليان حصلت صندل واحد بس والفرده الثانيه للحين مفقودة (جاري البحث) .. رن الجرس وماسمعه إلا هي لأن شيماء بالبدروم وسامي وسعود في الغرفه فوق يلعبون بـالـ(أكس بوكس) والبنات والحريم في المجلس وبعيد شوي عن الباب لأن الباب اللي رن جرسه مو الباب الرئيسي الباب الخلفي راحت لمى وهي تتأفف / ياربييي أكيد عبدالله جاء وللحين مالقيت صندل ليااااان أوووووووف بس وصلت للباب بتفتح لأنها متأكده أنه أخوها عبدالله ولو كان أحد من أهل البيت (تقصد ماجد لأن مافيه غيره رجال ,, الأبو ومات) كان فتح بمفتاحه بس كانت المفاجأه أن اللي يرن الجرس مو عبدالله كان مــــاجــد ....
فتحت الباب وهي مكشره ومالها خلق أحد وشعرها رافعته بـ كليِب لأنها ماتت من الحر في الملحق لأنه ماشغلت المكيف بس برضوا كان شكلها رووووووعه
وأول مافتحت الباب .. أوووووف شوي شوي قاموا النايمين من أزعاجــ... (ماكملت لأنها شافت نفس الشخص اللي فتحت له اليوم)
ماجد برضوا منصدم من الموقف / معقوله اليوم مرتين أشوفها آآآآخ بس لو تدرين أني أحبك يالمى والله ودي أقول لك بس مو قادر ياعييييني ع العيون يالمى تجننين حتى وأنتي معصبه تجننين أحبــــك ,, آآآه بس لو أقدر أقول هالكلمه ...
ومن الطرف الثاني لمى / واااافشيلتاااه هذي المره الثانيه اللي أفتح له الباب وش بيقول عني والله طيحه وجه
وأخيرا ً تكلمت .. آ..آ.. آسفه ماكنت أدري .. حسبته أخوي عبدالله (وتوها بتمشي ومسكها ماجد)
ماجد يطالعها ومبتسم .. أنتي لمى صح ..؟
لمى بخوف .. صح شدراك
ماجد .. من عيونك
لمى بتعجب وتساؤل .. عيوني ؟؟
ماجد يبتسم .. ماتذكرين وش كنا نعايرك يوم كنتي صغيره
لمى هزت راسها بـ (لا)
ماجد .. البسه
لمى تحاول تتذكر و أخيرا ً أبتسمت .. أيه ذكرت
ماجد .. وأحنا صادقين لما شبهناك بالبسه مو بس عشان عيونك
لمى .. أجل
ماجد يبتسم .. شطانتك
لمى ضحكت
ماجد مااات على ضحكتها .. لايكون للحين شيطانيه
لمى بمزح .. لا (وأبتسمت) أعجبك
ماجد بخاطره : أيه والله تعجبيني أنتي وعيونك الحلوه وربي أحبك مووووت خليك دائما ً مبتسمه
حست أنها مصختها لما شافت نظراته اللي تمووووت لها وكأنها صحت من اللي هي فيه .. عن أذنك
ومشت عنه وهو مو حاس بنفسه .......
شوي وتنبه ودخل للصاله طلعت له شيماء من تحت ....
ماجد .. بسم الله من وين طلعتي لي
شيماء .. أنت اللي من وين طلعت لي أنا جايه من تحت
ماجد يسوي نفسه مو عارف شي .. كلهم راحوا ؟
شيماء .. لا باقي خالتي هند (أم عبدالله) وخالتي حنان (أم فيصل) ومره خالي عبدالرحمن (أم خالد)
ماجد .. ومره خالي محمد ،،الله يرحمه،، راحت ؟؟(يقصد أم فهد)
شيماء تذكرت شكل هناء وهي تطل على فارس من فوق لمّا ركب سيارته على شان يودي أمه (أم فهد) وأبتسمت .. أيه راحت قبل نص ساعه بس بنتها هاجر لسى لأن عبدالله بياخذ أهله معاهم
ماجد ما أنتبه لأبتسامتها .. طيب قولي لأمي أني وصلت ع شان ماتقلق
شيماء .. أن شاء الله
وتوه بيطلع فوق وطلعت أخته غادة من المجلس وشافته وشيماء راحت برا لعند لمى ..........
غادة .. ماجد متى جيت
ماجد .. توني واصل ليه أمي سألت صح ؟
غادة أبتسمت .. صح وتوني بتصل فيك
ماجد أبتسم .. والله أني عارف توني قايل لشيوم تقول لها
أستغربت غادة من أخوها شكله مزاجه اليوم مروق شيوم .. غريبه ...
غادة .. تبي عشاء ؟
ماجد .. هووو متعشين اليوم
غادة .. أنتم متى تعشيتوا (تقصدالرجال)
ماجد .. قبلكم (يقصد البنات والحريم)
غادة .. عارفه بس الساعه كم يعني ؟
ماجد .. أممممم تقريبا ً 12
غادة .. و ولا جعت ماشاء الله
ماجد .. قبل ساعه ماكلين آيس كريم أنا و.. (أبتسم) أنا وبندر
غادة أستحت ... ــــ نو كومينت ـــــ
ماجد .. وإلا أقول جيبي لي أي شي كان باقي تارت أو شي حالي وكولا
غادة .. أن شاء الله
وتوها بتمشي أستوقفها ماجد .. غـادة
غادة .. نعم
ماجد .. ولا خلاص إذا جبتي لي الحلى فوق قلت لك بااااي
غادة حست أن الموضوع يخص خطيبها بندر أبتسمت ومشت للمطبخ ....
.
.
.
بعد ما حصلوا فردة وحدة من صندل الأميره النائمة (ليان) جاء عبد الله
وأخذهم للبيت وفيصل جاء وأخذ أهله كمان للبيت وكل واحد راح لبيته وعبدالله وهاجر توجهوا لبيتهم ......
.
.
.
نرجع لماجد وغادة .........
طقت غادة الباب على ماجد ووصلها الرد .. تفضلي
دخلت أم ماجد ومعها الصينيه ......
أستغرب ماجد لمّا ألتفت وشاف أمه ع الباب
ماجد .. هلا يمه
أم ماجد .. هلا هاه تعشيت
ماجد يضحك .. هووو وش فيكم كل من شافني قال تعشيت تبون تسمنوني أنتم ههههههههه
أم ماجد .. هههه وش أسوي خايفه عليك وبعيدن من لي غيرك في هالدنيا أخاف عليه
ماجد .. لو يسمعونك الباقين كان يموتون من الغيرة وبعدين وين راحت غادة و شيماء وسمووي كلنا عيالك
أم ماجد دمعت عينها .. بس أنت الرجال ألحين بهالبيت ومالي غيرك بكرا غادة تتزوج وبعدها شيماء وسامي
ماجد .. وأنا ؟
أم ماجد .. أنت وشو ؟
ماجد .. ماني بمتزوج يعني
أم ماجد .. لا مين قال بالعكس أنا ودي اليوم قبل بكرا بس خايفه تجيك المره اللي تاخذك مني
ماجد .. أفا يمه يعني ماني برجال
أم ماجد .. أنا ماقلت كذا بس بكرا إذا تزوجوا البنات كل وحدة بتروح بيت رجلها ومابيبقى لي غيرك أنت الرجال وسامي توه صغير مايتحمل المسؤليه
ماجد يمسح دموع أمه .. واللي خلق هالكون كله ماراح أخلي دمعه الغاليه تنزل مره ثانيه لهاسبب يمه كلنا نحبك وحتى لو تزوجوا البنات أكيد بيجونك و يزورونك
أم ماجد .. الله يسمع منك (ووقفت) يلا يمه بروح أصلي تبي شي
ماجد .. مشكوره يمه ,, إلا وين غادة
أم ماجد .. في غرفتها
ماجد أبتسم لأنه عرف أنها عرفت أن الموضوع يخص بندر .. ههههه ياحليلك ياغادة ..
بعد ماخلص من الأكل راح غسل وأخذ له شاور سريع ولبس بيجاما وراح لغرفه أخته ..
غادة كانت مشغوله بالـ لاب (شابكة النت) هي وأختها شيماء كل وحدة تختار لها موديل فستان وما حصلوا كلها معفنات وآخر شيء قرروا يدخلون مواقع للتسريحات والميك آب و حصلوا أشياء حلوه ونسخوها على الجهاز وبعدين راحت شيماء غرفتها وخلت غادة تتكلم بالمسن مع بنت خالتها (ريما)
غادة : أهلين ريما (صباح الخير)
ريما: هلا (صباح النور) ،،فيس أخضر هع
غادة: مانمتي للحين
ريما : إلا ألحين نايمه،، وأحلم بعد،، شرايك يعني،، أكيد مانمت ولا كيف أحاكيك ألحين ،،:p،،
غادة : تافهه ..
ريما : ماعليك زود
غادة : أقول ريمو ..
ريما : قولي
غادة : تو شفت موديلات فساتين من النت بس كلها معفنه وقديمه ماتعرفين موقع حلو
ريما : لا والله بس شوفي أختي شدا قبل كم يوم شرت آخر عدد من مجله ( .... ) وأنا شفتها فيها موديلات مررره روعه وناعمه
غادة : قهرررر ليتك جايبتها معاك ,, طيب وش موقع المجله
ريما : ليه بتدخلين
غادة : أيه طفشانه وفاضيه
ريما : طيب دقيقه ..
..................
راحت ريما لغرفه أختها شدا وطقت الباب
شدا .. يس
ريما .. أفتحي شوي بكلمك
شدا قامت من مكانها وهي تتأفف لأن أختها خربت عليها متابعة إعادة مسلسل خليجي قدييييييييييم بس كانت شدا تموت في مسلسلات فجر السعيد وعلى ما أضن أن المسلسل (دنيا القوي) على قناة " سكوب "
شدا بعصبيه .. نعم
ريما .. ووجع لا تنافخين
شدا ملتفته ع الشاشه اللي بجدار غرفتها وماسكه الباب ..أخلصي شتبين ريما تبتسم .. ممكن المجله ؟
شدا .. أوووهووو أي مجله وإلا أقول أدخلي خذيها (وراحت أنبطحت ع السرير وكملت المتابعه)
تنهدت أختها ريما وراحت للمكتبه اللي بالزاويه وجلست تدور بينهم وأخيرا ً لقتها ..
طلعت ونست تسكر الباب .. قامت شدا من سريرها بعصبيه تسكر الباب لأن غرفه أبوها وأمها قريبه وهم نايمين تخاف تطلع لها أمها وتغسل شراعها وصببببخت بالباب الدبشه ..
فيصل اللي كان طالع من الغرفه بينزل لتحت أنهبل لمّا سمع الباب وراح طق عليها وليته ماطق .. لأنه صرخت بقوووووه .. نعععععععععععععععععععععععع ععععععععععععععععععععععععع عععععععععع ععععععععععععععععععععععععع ععععععععععععععععععععععععع عععععععععع ععععععععععععععععععععععععع ععععععععععععععععععععععععع عععععععععع ععععععععععععععععععععععععع ععععععععععععععععععععععععع ععم
فيصل أرتاع من الصوت وفتح الباب .. حشى أسد مو أنثى
شدا .. وأنت شعليك بعد يلا يلا روح خلني أتابع كل واحد يجي ويخرب علي (وبدت تتحلطم بكلمات مو بواضحة)
فيصل جلس على طرف السرير وخاطره ينرفزها ويخرب عليها .. وعوووووه من زين المتابعه مسلسل زي وجهك كل سنه يعيدونه ماملوا هذولا ,,(ولمّا طلعت له مشاعل الزنكوي في المسلسل) قال .. ولاّ هذي عاد سحيله أم الخلاقين (وشوي وطلعت له شجون الهاجري) قال .. أووووف كله كوم وشجونوه كوم ثاني وعععع يابغضي لها هالعربجيه (ويأشر ع اللبس اللي لابسته) .. شوفي شوفي بس الحزام اللي لابسته الماصله (سكت لمّا شاف الممثله عبير أحمد ولا علـّق) أستغربت شدا وقالت في نفسها أكيد عاجبته والله وعندك ذوق يافيصل (وشوي وطلع له الممثل يعقوب عبدالله وتوه بيعلق لكن سكت لمّا حس أنه مصخها)
شدا عطته نظره على جنب خطييييرة
فيصل كشر وأشر بيده .. وووع مير
شدا .. وع بعينك شتبي أنت
فيصل .. هييييه أستحي وجع فاصخه الحيا مره وحدة أنا أخوك تكلميني كذا
شدا .. لا حوووووووووول وبعدين يعني
فيصل .. متى بتنامين
شدا .. شعليك ؟
فيصل .. بس كيفي مافيه سهر يلا نامي (وطلع)
شدا وللمره الثالثه قامت بعصبيه تسكر الباب بس الله ستر أنه ماصبخت فيه وصار حطام لوووووووووووووول
.
.
.
طق الباب على غادة ..
غادة .. نعم
ماجد من ورى الباب .. أنا ماجد أفتحي
قامت غادة فتحت الباب .. هلا
ماجد .. أهلين ,, مشغوله ؟؟
غادة تفتح الباب ع شان يدخل و جلست ع الكنب اللي بغرفتها .. لا ,, تفضل
تقدم ماجد وجلس ع السرير المقابل للكنب وطالع اللاب توب .. واااو حلو هذا الفستان (ويستهبل) هذا فستان زواجك
غادة فرحت .. والله ؟؟ يعني حلو ؟؟
ماجد يطالع صورة الفستان.. أممممم مو بشين ,, (ورجع يطالعها) .. أنا ما أفهم بالأمور هذي ,, المهم أسمعي
غادة .. نعم
ماجد .. اليوم بندر سألني متى تبين الملكه
غادة أنحرجت .. ما أدري أسأل أمي
ماجد أستمتع بإحراجها وحب يحرجها مره ثانية .. ليه لايكون أمي اللي بتتزوج وأنا ما أدري
غادة بعصبيه .. ماجد تستهبل ؟؟
ماجد .. والله جد أنتي اللي بتتزوجين مو أمي
غادة كشرت .. وأنا بعد ما أعرف بالأمور هذي
ماجد .. يعني ؟؟
غادة بصوت حاد .. يعني أسأل أمي أحسن
ماجد قام بيطلع .. أوكي أسألها وأرد عليه باااااي
غادة وقفت مكانها ونادت ماجد قبل مايطلع لكن مارد عليها وأكيد أنه زعل من طريقه كلامها أو ماسمعها لمّا نادته
وبعد ثواني .....
طل ماجد براسه .. يس ,, ناديتيني ؟؟
غادة .. ماجد أ..أنـ.. أنا آسفه
ماجد .. على أيش ؟؟
غادة .. على طريقه كلامي ,, بس والله أنت اللي نرفزتني شسوي لك
ماجد حط يده على كتفها .. ولا يهمك ,, (وابتسم) معقوله أزعل على أخواني ,, الله لايحرمني منكم
هنا غادة أشتغلت عندها الحساسيه ودمعت عيونها من كلام أخوها هي أول مره بحياتها تسمع أخوها يقول هالكلام ,, صحيح كان ماجد قلبه كبير(XXL) وطيب لكن كان دائما ً يطلع لهم بصوره غريبه دائما ً يعصب لأتفه الأسباب ويعصب بس ماسرع يعتذر لكن برضوا بطريقه غريبه ,, لكن من بعد وفاه أبوه (أبو ماجد) وهو متغير يحس أنه هو اللي مسؤل عن البيت ألحين كله ولازم يغير أسلوبه ويظهر لأهله مشاعره المدفونه داخله ,, ويمكن لاحظتوا لمّا دخلت شيماء أخته المستشفى كان يبغى يحاول أنه يكون حنون مع أخواته وبذات غادة لأنها تخاف منه بس ماقدر لمّا عصب عليها ,, وهو بصراحه معذور على كل اللي سواه شاف من أبوه شي مو سهل أهانه أبوه بما فيه الكفايه .......
المهم نرجع ..
ماجد أستغرب من دموع أخته وقرب لها .. غادة تبكين ؟
غادة .. ـــــــ
ماجد .. غادة شفيك ؟
غادة .. ـــــــ
ماجد .. غدة خوفتيني ,, شفيك تكفين تكلمي
أرتمت غادة في حظن أخوها وبدت تبكي بكي يقطع القلب ,, وهو الثاني أستغرب منها بالأول لكن بعد ثواني عرف ليه .....
ماجد وهو يمسح على راسها بحنيه .. غادة خلاص عاد والله قطعتي قلبي
غادة .. ماجد أنا أسفه الله يخليك سامحني على كل اللي سويته
ماجد ضحك بحنيه .. هوو ..!! غادة شسامحك عليه ؟؟ أنتي ماسويتي شي
غادة بعدت راسها عنه وبعيونها دموع .. ماجد أنا كنت دائما ً أضايقك في أشياء وكنت أقعد أيام ما أكلمك وأتعامل معاك كأنك عدو مو أخو .. الله يخليك سامحني
أبتسم ماجد .. غادة وش هالكلام ,, أسمعي بس أنا لا زعلان ولا شي ومستحيل أزعل منكم مهما سويتو معاي وعاملتوني بس أنتي عارفتني عصبي وما أتحمل ,, بس بذمتك قد مره رفعت يدي عليك أنتي أو أحد من أخواني أو صارخت عليكم
غادة .. بصراحه ,, لا
ماجد .. خلاص أجل معناته أني أحبكم
غادة أبتسمت وتنهدت .. ياحظ اللي بتاخذك
ماجد أنحرج وحاول يغير الموضوع يخاف يتحمس ويتكلم عن لمى .. يلا أجل بروح أنام تبين شي
غادة .. سلامتك
ماجد .. تصبحين على خير
غادة .. وأنت من أهله
.
.
.
على حدود الساعه خمسة الفجر أو بالأحرى الصباح ,, الكل خلاص نام ,, لمى كانت طول الوقت تفكر في خالد وتصرفاته الغريبه معاها ,, وغادة حايره بين تفكيرين بين أخوها اللي تغير وخطيبها اللي مستعجل ع الملكه ,, وشدا ماكلفت نفسها تفكر في أي شي .. أول ماخلص المسلسل راحت نامت ,, وريما بعد نامت بعد ماسكرت من زوجها (الوليد) ,, وشيماء الرومنسيه بعد نامت بعد تفكير عميييييق بحبها الجديد >> راح أقول لكم مين هو حبها الجديد في الجزء الجديد .. ههههههههاي