[لامارا]

<><><><><><><><><><><><><><><><><><><><>
الجــــــــــــ/15/ـــــــــــــزء ^ـ^
<><><><><><><><><><><><><><><><><><><><>
بعد كم يوم من عزيمه بيت أم ماجد
الساعه ثنين الضهر في بيت أبو عبدالله ....
وبالتحديد في غرفه لمى
كانت داخله تآخذ لها شاور على شان تصحصح لأنها من ساعه صاحيه بس دايخه شوي صحت تصلي الظهر (ع شان ما تأخرها يعني) ولا رجعت تنام فضلت أنها تصحى وتعدل نومها بلا سهر بلا بطيخ .....
لمّا طلعت من الحمام (وأنتو بكرامه) كانت لافه عليها الروب والمنشفه كمان لافتها على راسها راحت للمرايه ع شان الكريمات واللوشن والشغلات هذي ولما خلصت فتحت دولابها وطلعت لها ترنغ رياضي بنّاتي (برازيلي) يعني ينفع للبيت ومشطت شعرها ونشفته بالمنشفه وتعطرت ورتبت غرفتها وفتحت الشبابيك والستاير ونزلت لقت أختها (ليان) بالصاله تطالع mbc3 .. راحت للمطبخ ولا لقت لا الخدّامات ولا أمها .. طلعت للحديقه لقت أمه وأبوها برّا راحت لعندهم وسحبت لها كرسي وجلست معاهم ..
لمى .. السلام عليكم
أم عبدالله + أبو عبدالله بإبتسامه .. وعليكم السلام
أبو عبدالله .. غريبه صاحيه بدري
لمى أبتسمت .. كل يوم أصحى بدري أصلي الظهر وأرجع أنام بس اليوم لأني قمت متأخرة شوي عن الصلاة مارجعت نمت
أم عبدالله .. أيه أحسن لك كذا صح
لمى تهز كتوفها .. يعني ,, بس ماراح أقدر أسهر عاد
أبو عبدالله .. أحسن لك يابنيتي شوفي وشلون وجهك منور اليوم وصحتك أحسن
لمى .. أن شاء الله ,, بابا ماما ممكن طلب ..
ثنيناتهم .. آمري
لمى .. تذكرون صديقتي بنت الـ....
أبو عبدالله يحاول يتذكر .. لا والله ما أذكرها
لفت لمى لأمها .. وأنتي ماما ؟
أم عبدالله .. لحظه اللي كان أسمها غريب شوي صح هي (وتحاول تذكر) أممم ريوف
لمى .. أيووووه هي ,, بس أسمها ريف ماما مو ريوف
أم عبدالله .. هههههه كله واحد لا تدققين
لمى .. هههههههههههههاي ,, المهم هي قبل فتره كلمتني وقالت أنها ودها تزورنا وبصراحة أنا بعد أشتقت لها وودي أشوفها ,, ممكن ؟
أم عبدالله .. أيه يابنيتي ممكن وقولي لها تجيب أمها معها ياحليلها والله أني أحبها (وتلتفت لأبو عبدالله) .. ماذكرتها ..؟
أبو عبدالله أخيرا ً تذكر .. لحظه اللي أبوها يشتغل في وزاره الـ...
لمى .. أيوووه هي لا ماشاء الله عيني عليكم باردة ذاكرتكم قويه
الكل .. ههههههههههههه
أم عبدالله عمرها (47) أبو عبدالله عمره (59)
.
.
.
بعد مرور شهرين ...
التطورات ...
ريما تزوجت (الوليد) وسافروا شهر العسل لـ (سويسرا) وبعد ثلاث أسابيع تملكت غادة لـ بندر وبعدها بأسبوعين تزوجوا وراحوا شهر العسل لـ تركيا ....
و ريف جت لعند لمى وأخيرا ً .. وأنبسطوا مع بعض خصوصا ً أنهم من زمان ماشافوا بعض .. لا وبعد يومين من الزياره أتصلت أم خالد لأم عبدالله تخطب خالد للمى وبعد فتره ردوا عليهم أنهم موافقين وصارت خطبه رسميه .....
ياترى أيش راح يصير بين هالأثنين وهل لمى راح ترتاح مع حبيب قلبها اللي تمنته من زمان يصير زوجها واللي كابرت تقول له كلمة أحــبــك ولا راح تصير حياتهم عاديه ولاكأنهم حبوا بعض من أول أو بالأحرى حبته قبل كذا ..................
وماجد ؟؟؟ كيف بتكون ردة فعله .......
وفيصل اللي للحين ماسوى أكشن في القصه ..........
أيش موقعه من الإعراب .. .........
ترقبوا الأحداث راح تكون أحلى أحداث بالنسبه لي في هالقصه .......
وأكثر شخصيه راح تعجبني هو ..................
فــــــيــــــصـــــل ,,,,,,,,,,,,,,,,,,,,,؟!؟!؟!؟!؟!
.
.
.
.