[لامارا]

الجــــــــــــــ/18 /ــــــــــــــزء

أم ماجد طلعت للبنات فوق وهي مبتسمه ودخلت غرفه شيماء .....
أم ماجد .. لمى أمك وافقت تنامين بس تبيك تحت قبل لا تطلع
لمى وقفت .. إن شاء الله
وتوها بتطلع وتذكرت أم ماجد شيء .. لحظه لمى ترى ماجد تحت لأنه هو اللي بيوصل أمك
لمى رجعت .. ليه وين السواق ؟
أم ماجد .. قلنا له يرجع مايصلح ترجع لحالها معه
لمى .. صح كلامك ,, طيب خالتي ولا عليك أمر ناديها بس عند الدرج
أم ماجد طلعت .. أن شاء الله
وراحت تناديها وبعدين دخلت لغرفتها تصلي الوتر قبل لا يأذن ونزلت لمى ..........
لمى تنادي بصوت واطي .. ماماااااا
ماجد فز قلبه يوم سمع صوتها وكان وده لو نادته هو بدل أمها بس ويييييييين مستحيلات ...
أم عبدالله توجهت للدرج .. لحظه ماجد (ومشت)
لمى بفرح .. جد ماما عادي أنام ؟
أم عبدالله .. أيه بس لا تنهبلين
لمى .. هوو شقالوا لك بزر تراني كبرت
أم عبدالله .. المهم تبين شي
لمى .. أنتي بيوصلك ماجد ؟
أم عبدالله .. أيه ليه تسألين ؟.
لمى .. حلوو ,, أبي أغراض من البيت وأبغاك تعطينها ماجد ع شان يرجع بها هنا
أم عبدالله .. ووش تبين ؟
لمى .. بيجاما و .... و...... و..... و...... و...... و...... و......... و........ و.......
أم عبدالله قاطعتها .. بس بس بس بس وين بتقيمين عندهم أنتي ؟
لمى .. مامااااااااا تكفين
أم عبدالله .. خلاص طيب (ورفعت طرحتها على راسها) يلا مع السلامه
لمى حبت راس أمها .. مع السلامه
طلعت لمى فوق لغرفه شيماء وأم عبدالله توجهت للبيت مع ماجد اللي وصلها .... ولما وصلوا ألتفتت أم عبدالله لـ ماجد ....
أم عبدالله .. يمه ماجد ماعليه بتعبك معي شوي
ماجد .. أفا خالتي شهالكلام أنتي تامرين
أم عبدالله .. طيب تفضل جوا وأقول لك
سكر ماجد سيارته ونزل ودخل معها للبيت وبما أن البيت مافيه أحد يتغطى عنه فـ دخلته للصاله
أم عبدالله .. ماجد يمه معليش تنتظرني شوي هنا لمى موصيتني تبي أغراض وبروح أجيبها على شان ترجعها معك لها للبيت
ماجد فرح مادام السالفه فيها لمى أنا بنتظر ليما يأذن الفجر ...
ماجد .. عادي خالتي خذي راحتك
طلعت أم عبدالله فوق وجلس ماجد في الصاله ألتفت ع التلفزيون وكان على mbc3 وفيه فيلم كرتون (ديكستر) قام سحب الريموت وقلب في القنوات ووقف على قناه (الجزيرة الرياضية) وشوي وطلعت له ليان من المطبخ ومعاها سفن آب لمّا شافت ماجد قربت منه .......
ليان مستغربه : ماجد ..!!
ماجد ألتفت لأنه توه ينتبه لها : هلاااا ليوووون >> (تدليعه)
تقدمت ومسكت السفن آب بيدها اليسار وسلمت باليمين : ......
ماجد : وش لونك ؟
ليان بحياء : الحمد لله (وتطالع التلفزيون)
ماجد أنتبه لها : معليش غيرت القناه مادريت أنك هنا (وبدا يقلب لين وصل للقناه)
ليان أبتسمت له : تحب ديكستر
ماجد ضحك : ما أشوفه
كشرت ليان : ليه
ماجد : بس ما أحب الفيلم كرتون
ليان : وأنا ما أحبك
ماجد كشر أوفففف ماعندها وقت تطقها في الوجه .. وليه ماتحبيني
ليان :............
ماجد : ليان أنتي بسنه كم
ليان مبسوووطه : بـ ثاني
ماجد : يعني عمرك أمممممم 8 صح
ليان : صح (وطالعته) .. تبي سفن آب
ماجد ضحك : لا بس ممكن تجيبين لي كاس مويه
ليان قامت : بارد ولا نص ونص
ماجد : لا باااارد
كشرت ليان : يالخبل ترا تمووووت
ماجد : ليه
ليان : لأنك تشرب بارد (وهزت كتوفها) لمى تقول
ماجد قال مادام لمى اللي قالت خلاص أبي نص ونص على قولتها .. خلاص جيبي نص ونص
ليان أبتسمت وراحت............
نزلت أم عبدالله ومعاها شنطه سبور كات ( وردي وأبيض)
أم عبدالله .. ماعليه تعبتك معي
ماجد .. شدعوى خالتي تعبك راحه ,,(وأخذ الشنطه) يلا تآمرين شي
أم عبدالله .. لا مشكور سلامتك
ماجد .. يلا مع السلامه
أم عبدالله .. مع السلامه
وشوي وطلعت لهم ليان .. لحظه لحظه ماجد
ألتفت عليها وهي تمد له الكاس .. هذي المويه
ماجد .. شكرااا يا أحلى ليان .........
وشرب ربع الكاس وعطاه ليان ومدت له كولا
ماجد .. وبعد هذا لي ؟
ليان .. أيه بس ترا بارد
ماجد .. مو تو تقولين ماينفع البارد
ليان تغمز له وتبتسم .. بس الكولا والبيبسي لازم تكون بارده صح ولا لا ماجد قبص خدها خفيف وباسها .. ياحبيلك والله يلا مع السلامه
ليان وأم فيصل .. مع السلامه
طلع ماجد من بيت خالته وركب سيارته وحط شنطة لمى بجنبه ....
ولمّا وصل نزلها معاه للبيت ودخل للصاله ولا شاف أحد
(لأن أمه تتسنن وشيماء بالحمام وسعود بغرفته ولمى بالمطبخ)
يخاف يروح لغرفه شيماء ويحرج لمى دخل المطبخ بيحط الكولا فالثلاجه .......
لمى كان معاها كاس مويه وتوها بتطلع إلا ويطلع لها ماجد .....
ماجد أرتبك من الموقف يمكن هذي رابع أو خامس مره يتصادف معاها ,, تعلقت عيونه بعيونها ماقدر يشيل عينه عنها ,, وهي الثانيه كانت خايفه من هالشيء خاصه بعد ما هزأها بالتلفون ........
وأخيرا صحوا من التفكير ...
ماجد بإرتباك .. آآآسف ... ما كنت أدري أن فيه أحد .... هنا (ومد لها الشنطه وطلع لفوق بسرعه)
بعد ماطلع ماجد فوق أبتسمت لمى / ياربي شهالصدف بحياتي ماصادفت أحد كثره (وتذكرت كلمته لمّا قال لها أحبك) أبتسمت بمراره / مثل حالتي بالضبط متعلق بوهم حب من طرف واحد (وتوها بتنزل دمعتها ومسحتها بكل قوه) ../ خالد مايستاهل ولا دمعه من عيني يكفي الدموع اللي نزلتها ع شانه حقير أكرهك .. أكـــرهك
صحاها من تفكيرها صوت شيماء .. ألوووو
لمى .. هلا
شيماء بنظرة خبث .. وين رحتي تفكرين بخالد
لمى بعصبيه .. وش خالد أنتي الثانيه خلاص خالد مايعني لي شيء متى بتفهمين
شيماء .. أشك بهالشي
لمى .. أوهووو وبعدين يعني (وتطالعها) والله ياشيماء ماصرت أحبه .. أكرهه
شيماء تطالع الشنطه اللي بيد لمى .. ماشاء الله ماجد اللي عطاك أياها
لمى أستحت .. أنقلعي دخل وماكان يدري وعطاني أيها وطلع فوق
شيماء أبتسمت .. وشافك
لمى .. شيووووم
شيماء مسكت يد لمى لفوق .. تعالي معاي (وطلعوا الدرج)
دخلوا الغرفه وسكروا الباب
لمى .. أووووف كسرتي يدي
شيماء .. أسمعي بقول لك على شيء
لمى تحمست .. أيش
شيماء .. ماجد أخوي يحبك
لمى ولععععععع وجهها وضربت شيماء بالدبدوب اللي بجنبها
شيماء .. آآآي والله جد شفيك ؟
لمى .. على بالي بتقولين عن فيصل شيء
شيماء نست الدنيا واللي فيها لمّا سمعت أسم فيصل .. صح نسيت أقول لك
لمى .. يلا قولي ترا تحمست
شيماء .. شوفي تذكرين أبوي لمّا توفى الله يرحمه
لمى .. الله يرحمه ,, أيه أذكر
شيماء .. مو بصح دخلت المستشفى كم يوم
لمى .. أيه
شيماء .. مره من المرات ,, ثاني يوم ,, دخلت علي النيرس مبتسسسسسسسسسمه سعوديه مره طيبه دائما تسولف معاي المهم لمّا كانت المرافقه عندي غادة ,, لأن مره غادة ومره ماجد ,, المهم لمّا شافت أن غادة في سابع نومه قالت لي أن فيه واحد كل يوم يسأل عنك وعن حالتك أستغربت أنا ولمّا سألتها مين قالت لي أنه ماقال لها ,, المهم أنا زاد خوفي هذيك الليله وماقدرت أنام لمّا أذن الفجر وصحت غادة ولا قلت لاشي وكل يوم صارت تدخل علي وتقول لي و عرفت أن أسمه فيصل ولمّا قالت لي ,, أنا ماجاء في بالي أي واحد أسمه فيصل يقرب لي بس تذكرت وأنا كنت بنام أنه ولدخالتي (حنان) لأنها صادفت أنهم جايين للشرقيه ............
مداخله للقراء ..
تذكرون لمّا قلت لكم أن أم فيصل مره يسكنون في الرياض ومره في الشرقيه وصادفت أنهم جايين للشرقيه ................................................. وبس (كملّوا)
لمى مستغربه .. يووووه شهالصدفه
شيماء .. أستني وماشفتي شيء بعد ,, آخر يوم لمّا كنت بطلع من المستشفى كان ماجد مو بالغرفه لأنه تحت يسوي إجراءات الخروج ,, فـ دخلت علي النيرس ومبتسمه وقالت لي أن فيصل معطيني أمانه لك ولازم أوصلها قبل لا تطلعين ,, وقالت لي أنها بتعطيني إياها قدام ماجد وكأنها منها ,, وأنا وافقت ,, المهم لمّا رجع ماجد وشال الأغراض دخلت النيرس ومعها بوكيه ورد كبير وروووعه (جوري أحمر وأبيض) وكيس صغير خيش وفيه كرتون بيج داخل ,, أستغرب ماجد وتقدمت لي النيرس مبتسمه وقالت لي : " هذي هديه بسيطه مني قبل لا تطلعين ع شان تتذكريني فيها " ,, وبعدين قربت من أذني وهمست لي " وش رايك فيني ؟؟ " وأنا وياها أنفجرنا من الضحك وحتى ماجد أستغرب بس ماسأل .................وبس
لمى .. طيب واللي في الكيس وشو ؟
قامت شيماء نطت من سريرها وراحت للشوفنيره وجلست ع الأرض وفتحت الدرج الأخير وجلست تحووووس لمّا طلعت علبه ,, وراحت للمى ع السرير ومدت له إياها ........
لمى .. هذي هي ؟
شيماء مبتسمه .. وي (يعني أيه {نعم} بالفرنسي)
لمى أبتسمت وفتحت العلبه لقت عقد فضي ناااااعم فيه 3 كرستالات متلاصقه في بعض بأحجام مختلفه (أو بالأحرى كانت 3 ألماسات مو كرستالات)
لمى أبتسمت .. ماشاء الله روعه ,, ألماس ؟؟
شيماء .. أيه ألماس ياحبي له والله
لمى .. متأكده
شيماء .. وي ,, %100
لمى .. وأيش اللي يخليك متأكده كذا
شيماء .. وريته أمي وقلت لها من صديقتي وقالت لي أنه ألماس وتعرفين أمي عاد تعرف بالأمور هذي
لمى .. آآآآآآه يابختك
شيماء .. لمى ماجد يحبك بس أنتي مو معطيته وجه
لمى .. ياربيييي ترا صجيتيني يحبك ويحبك مين اللي قال لك
شيماء .. والله يحبك يالمى هو قال لي بنفسه
لمى .. ـــــــــ
شيماء .. لمى عارفه أنك مو مصدقتني بس والــ.......
قاطعتها لمى .. ولا راح أصدقك
شيماء حطت يدها على كتف لمى .. لمى أنا عارفه ليه ماراح تصديقيني
لمى لفت وجهها .. ـــــــــــــــ
شيماء .. ماتبغين تعيدين التجربه .. صح ؟؟؟
لمى .. ـــــــــ
شيماء .. لمى لو أقول لك أيش قال لي ماجد عنك وأحنا في بالطريق ماراح تصدقين
رفعت لمى عيونها الرماديه بإهتمام وكأنه تقول " أيش قال "
قالت لها شيماء على كل اللي قال لها ماجد (من طأطأ لـ سلام عليكم)
,,,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ
,,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ
,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ