[لامارا]

مشعل داوم اول يوم له في الشركه بعد وفاه توام روحه خالد
دخل المكتب دخل له السكرتير: ي استاذ مشعل فيه واحد برا يبيك
مشعل مندمج بالاوراق : لاتدخلي علي احد قولهم مشغول
السكرتير تردد : مو راضي يقول انه من طرف خ
قاطعه مشعل بعصبيه : اقولك لاتدخل احد
السكرتير : الي تامر فيه وكان بيخرج لكن صوت مشعل وقفه :من قال انه من طرفه
السكرتير : يقول انه من طرف خالد
مشعل بااستغراب " م في احد يعرف خالد او يقرب له غير عمه غريبه من هذا " : متاكد
:ايه طال عمرك
:طيب دخله بسرعه ولاتدخل احد علينا
السكرتير خرج ودخل الرجال وقفل المكت عليعم
مشعل ياشر له ع الكرسي : تفضل ي هلا نور المكتب
بصوت رجولي ضخم : ي هلا فيك
مشعل بابتسامه : وش تحب تشرب
بادله الابتسامه : ع ذوقك
طلب من السكرتير يجيب له ثنين قهوه وواحد ماء مشعل مستغرب بس حاس ان الرجال جاد واثق من نفسه انه من طرف خالد وم يكذب : ي ابو وسكتت م عرف وش اسم ولده
: ابو عمر
وصلت القهوه مشعل : تفضل قلت انك من طرف خالد
بجديه اكثر نزل القهوه من يده : زاد فضلك اي نعم
وسكت ثواني وكمل انا بصراحه م اعرف وش اقولك بس خالد كان يكلمني عنك كثير وكل م اقابله يتكلم عنك وكانك روح له وكان يحبك عشان كذا بالفتره الاخيره قبل م يموت طلب يقابلني
اتفقنا ع الموعد والمكان وبدا يقوله حديثهم

"سلمت ع خالد وقلت له: وين مختفي هالايام م تنشاف
خالد ضحك ضحكه خفيفه: مشغول والله
سولفنا سواليف عاديه بس كنت ملاحظ انه يبي يقول لي شي
قلت له :خالد بخاطرك شئ
خالد طلع ظرف من جيبه : والله مدري وش اقولك بس هذا الظرف خله امانه عندك واذا مت وصار لي شي سلمه لمشعل
قلت له : استغفر ي خي وتفاءل بالخير
خالد يبتسم : الحمدلله متفاءل بس الواحد م يعرف يوم موته فعشان كذا وصاتي لك توصل الظرف لمشعل"

طلع ابو عمر الظرف من جيبه وناوله لمشعل : هذا الظرف ويشهد ربي علي اني م اعرف وش فيه وانه من يد خالد الى خزنت اوراقي المهمه وتو طلعت قبل م اجيك
مشعل يدخل الظرف بالمكتب : لا ياابو عمر انت ثقه دام خالد حط ثقته فيك اكيد انك رجال امين
ابو عمر قام : الله يسلمك من طيبك .. استاذنك
مشعل قام : طلبتك وقول تم ان تتغدا معي
ابو عمر : والله لو اقدر م اردك بس ولدي لوحده بالبيت مع الشغاله
مشعل مصر ع رايه: الله يهديك امه م بتتركه محتاج شي
ابو عمر وبحزن : ام عمر اعطتك عمرها من سنتين
مشعل انحرج وبحزن : عظم الله اجرك والله م كنت اعرف اعذرني
ابو عمر : ي خوي عادي م صار
وكانه تذكر شي : قبل م انسى يقول خالد الله يرحمه اقرا اولا الورقه الي بخط يده وفيه ورقه معاها بتتاكد ان وصيته صدق وهو الي كاتبها
مشعل : ان شاء الله مشكور وم قصرت ي ابو عمر
سلم عليه : العفو .. معسلامه و ان شاء نلتقي مره ثانيه ع خير
مشعل : ان شاء الله معسلامه الله يحفظك
مشعل بنفسهه"والله بنفسي افتحه وبنفس الوقت خايف م اعرف ليش " بس فضوله دفعه وفتح الدرج وطلع الظرف وفتحه وبدا يقراءه وكل ثواني وبدت تتغير ملامح وجهه



**
**
لمياء الاطباء متجمعين عليها
فيصل م تحمل ونادى الممرضه وقلبه يملاه الخخوف
الممرضه ترتب الاوراق الي بيدها : يس
فيصل بخوف واضح ورجفه : وش في المريضه ال دخلت قبل شوي
الممرضه : حروق مريضه ينزف
اعطاها كم من ميه بحيث انها تطمنه كل شوي
وناظر في غاده وبعصبيه والشرار يطلع من.عيونه : غاده اخر مره اقولك وش سبب الي صار للمياء
غاده تبكي"ي ربي وش اقول والله لو اقوله الصدق ان يذبححني "
فيصل بعصبيه اكثر ومن بين اسنانه : تلكمي لايصير شي مو زين وبصرخه: بسرعه
بنفس الوقت الصرخه كثفت دموع غاده ومن بين دموعها : انا السبب
فيصل فاتح فمه وعيونه ع الاخير : وشوووو
غاده خافت وترددت بس اذا ماقالت بيعصب عليها اكثر : دفعتها ع الطاوله وم كنت اعرف انها بتطيح
ورجعت غاده تبكي
فيصل يشد ع طرف الكرسي الي هو عليه: ححشابك بعدين
ورجع راسه ع الجدار " ي ربي المصايب تنزل علي من كل مكان ي رب ساعدني ي رب افرجها علي ي رب قومها بالسلامه " واتنهد تنهيده طويله حس روحه بتطلع يحس انه هو الذنب كله عليه
خرجت الممرضه واتجهت لفيصل : مستر فيصل هدا بنت فيه حروق بجسم بدت ب التئام لكن رجعت من جديد واعمق شوي لان الي انجرحت منه كان جروحها لسى م التئمت
فيصل وبخوف اكثر تنهد : الحمدلله ع كل حال .. شكرا
الممرضه : العفو
فيصل بنفسه"انا لازم اخليهم يوافقون واقولهم بكمل دراستي برا وروح اكمل واعالجها انا معاك ي لمياء مستحيل اتركك وعمري م بتركك"
قطع عليه صوت الجوال
رد بدون م يناظربالرقم : انت وينك باي مستشفى
فيصل فز : فهدانا في مستشفى **...** انتظرك
فهد قفل بدون م يسمع اي رد من فيصل من خوفه ع اخته
وصل فهد المستشفى وصعد لدور الرابع وبعد فتره كان يدور لفيصل وبعد فتره لقاه : فيصل وش في لمياء
فيصل فز قلبه : طاحت بالمدرسه
فهد معصب واضح من نبرته : انا قلت لها بلا دوام بس هي رفضت تستاهل الي يججيها
فيصل: الله يهديك بدال م تدعي لها بس انا طمنتني المم ر ض ه
م كمل كلامه وقطع عليه فهد وبعصبيه : انت اساس كل شي انت الي دمرتها وتبي تصلح غلطتك وتتزوجها وجاي تعلمني كيف اعامل اختي "فهد يموت بفيصل لكن الاخ الي من الدم واللحم غير اذا صار له شي تموت بالدقيقه الف مره عليه"
فيصل منصدم من كلامه وقام : شوف ي فهد اعرف انك معصب بس ماهو فهد الي يتزوج وحده عشان سبب كذا عندي سبب يخصني والشئ الثاني احلفلك بالله اني م اتزوج وحده غير لمياء وان م تزوجتها م بتزوج وحده ثانيه وعصب وطلع
نادى غاده وخرج
وفهد جلس ع كراسي الانتظار وهو مازل بصدمته "معقولهه يحبها"




**
**
**بسياره فيصل
الصمت سيد المكان وكل الاشخاص يصارع افكاره
غاده " اسف ي لمياء والله م كنت اقصد بس انتي خنتيني وحبيتي اخوي من وراي طيب كان قلتي لي الحب مو عيب ولاحرام "
فيصل" م توقعتها منك ي اخوي بس الاخ غالي مالومك "




خرجت الممرضه
فهد يناديها : Possible assistant "ممكن طلب"
لفت عليه الممرضه: yes "نعم"
فهد يفكر باافكار جنونيه ينقذ فيها اختها: Do you speak Arabic "هل تتحدثين اللغه الععربيه"
الممرضه تبتسم : نعم اتكلم العربيه
فهد "سهلتي علي الموضوع" : وش حاله لمياء سعد
الممرضه مستغربه : اوه اخوان لمياء فيه كثير
فهد مستغرب : هاه بس انا اخوها .. ليش تسالين
الممرضه واضح في وجهها الاستغراب : كان في واحد هنا قبل م يجي انت.. فيه خوف وفيه اسال عن لمياء واعطي نيرس ثاني فلوس وهو فيه خوف مرا
فهد مستغرب نسى يسالها عن لمياء : شكرا وراحت
فاتح عيونه ع الاخير "معقوله يحب لمياء والا يكفر عن ذنب"
وقطع تفكيره خروج الدكتور من غرفة لمياٱ : دكتور دكتور
الدكتور : اهلا
فهد بخوف واضح : انا اخو لمياء سعد
الدكتور : ممكن تجي الى المكتب
فهد بخوف واضح : طيب






**بجامعه شهد
شهد بالها مومع صديقاتها الي ميتين ضحك
اسماء تاشر ع شهد والكل التفت لها
اسماء فزت لعند شهد : شهد شهوده حبيبتي انا اسماء الي م تخبين عليها شئ
شهد بدت تتجمع الدموع بعيونها لاحضتها اسماء واخذتها لمكان بعيد عن البنات
اسماء تمسك يد شهد : شهوده حبيبتي الدنيا كذا وكل انسان تمر عليه ظروف صعبه شهوده وين كلامك الي كنتي تصبريني فيه يوم كان اخوي وزوجته يعذبوني قبل م انتقل لامي وين شهد الي م تضعف شهد القويه
شهد م قدرت تتحمل وارتمت بحضن اسماء وجلست تبكي ومن بين شهقاتها : اسماء انا بتزوج
اسماء شهقت : وعشان كذا تبكين توقعتك عندك مصيبه
شهد زاد بكاها : انا بتزوج رجال كبر ابوي وزاد بكاها وشهقاتها
اسماء تضمها اكثر وتبكي : خالي ابو فهد يسوي كذا مستحيل مستحيل يجبرك
بعد م هدءت شهد قالت لاسماء كل شئ
اسماء ودموعها تنزل : ي قلبي ي شهود ليه م تقولين لي .. سكتت شوي وقالت شهوده معاي مبلغ بسيط اقدر اساعدك فيه وعادي تردينه لو بعد سنوات
شهد تضمها : ربي لايحرمني منك ويعوضك ربي خير عن عذابك الي فاتت كله
اسماء تسمح دموعها بطرف اكمام بلوزتها وترفع شعرها الي طاح ع وجهها : امين ي رب .. بس وش بتسوين طيب
شهد تنهدت : بكلمك بالليل واقولك عن كل شئ
اسماء بابتسامتها الطفوليه : انتظرك
دخلت وحده من صديقاتهم وارتمت في احضانهم كانها داخت : من فقدتكم وانا يغمى علي هههههه انتبهت لاشكالهم وهي ماسكه الضحكه: وين وين
كنتوا تبكون وبعدها ماتت ضحك
ناظروا في بعض وبعدها ماتوا ضحك لان الكحل
صار دموع سودا وخرجوا وهما يضحكون



اسماء : صديقه شهد من يوم كانوا باول ابتدائي نفس عمر شهد كانوا جيرانهم ونقلوا ببيت اخوهم بعد م مات ابوهم طبعا مرت اخوها تراكم اشغال البيت عليها بحجه " انها تاكل وتشرب ببلآش" اخوها واقف





دخلت غاده وفيصل البيت الا وابو فيصل بوجهم : غاده مسرع طلعتي من المدرسه
فيصل واضح التعب ع وجهه: لا انا استاذنت لها لان لمياء بنت خالي طاحت عليهم بالمدرسه وم ردوا اهلها فوديتها المستشفى انا وغاده وبس
غاده صعدت غرفتها وفيصل جلس بالصاله
ابو فيصل تنهد : الله يشفيها
نادى لونا : جيبي لي عصير ليمون
"معقوله م يوافقون ويروح كل شي لالا مستحيل يعني احبها وبالاخير تروح لغيري لالامستحيل لازم اسوي شي"
بس قطع تفكيره لونا : بابا بابا عصير ليمون
فيصل ضحك ضحكه خفيفه "وبنفسه كبر جدتي تسميني بابا " اخذه منها : شكرا
نزله ع الطاوله واخذ ريموت التلفزيون وجلس يقلب بالقنوات لين غفى بالصاله



أمنية كثيراً ماتراودني

وكم تهفو إليها نفسي

أن أغرق في بحر عينيك

أخطف قبلة من وجنتيك

وأهمس لك

أحبك ياكل عمري





**
**غرفه مها
مها ببرود : ولاجاء ببالي اجهز
سمر تصرخ عليها : خلاص ارضي بالواقع والخير فيما كتبه ربي
مها تلعب بدبدوبها : ونعم بالله
سمر تكلمها بجديه وهي ببرود: ها وش قلتي متى بتروحين
مها عصبت ورمت الدبدوب ع الارض : قلت لكم م بروح
سمر فاهمه مها : حبيبتي الكلام ضايع معاك انا بسوي كل شي بطريقتي
مها ببرود اكثر : كيفك سوي الي يريحك
سمر"بتذبحني هي وبرودها" : يلا معسلامه
مها وقفت : مع السلامه





**
**
جالسه بجلسات الحديقه وتكلم صديقاتها مكالمه جماعيه : ملاك وين بتسافرون بالعيد
ملاك وهي تضحك ضحكه خفيفه : نسيتي اننا بنسوي جمعه بشاليه ابوي
مرام تذكرت: اوه نسيت
مي باستهزاء: اصلا من متى تذكرتي شي اشك ان عندك زهايمر مبكر
مرام طنشتها بكلمكم بالليل امي تناديني
قفلت منهم واخذت نفس طويل
ابو فارس كان خلفها : وش في الحلوه
مرام فزت وباست راس ابوها : لا ولاشئ
ابو فارس جلس : متاكده
مرام باابتسامه : اكيد
جات ام فارس : وشو الي اكيد
ابو فارس : سالفه بيني وبين مرام وناظر في مرام : صح
مرام بابتسامه:صح واستاذنتهم ودخلت القصر
وكلها ثواني ساره ومعاها عادل "زوجها وولد عمها" وبحضنه اسامه الي ضايع بحضنه من ضامته
ساره تسلم ع ابوها وامها : اشتقت لكم
عادل يضحك : توك كنتي قبل امس عندهم
كلهم ضحكوا وهي عافسه وجهها كانها زعلت
عادل يهمس لاسامه : روح قول لماما باذنها يقول بابا تبين يرضايك ع طريقته
راح اسامه وقال لامه ووجهها قلب احمر
لاحضها ابو فارس: يبه انتي تعبانه وش في وجهك قلب احمر
بنفس الوقت م قدر عادل يمسك ضحكته
اسامه فز لعند ابوه : بابا عادي ادول لدد "جد" بالي دلت لي ادوله لماما
عادل "هذا بيفضحنا " يصرف الوضوع : حبيبي انت تبي نروح للالعاب
اسامه بابتسامه فرح : ايوه
عادل بهمس : كان بيفضحنا الحمدلله عدت ع خير
ساره ناظرت فيه وهي ماسكه ضحكتها
ابو فارس "بنفسه الله يهنيكم ولايغير عليكم"






**
**
فهد تنزل دموعه ويتذكر كلام الدكتور " الدكتور ينزل سمعاته ع المكتب : بصراحه باجتماع الاطباء اليوم وسكت
فهد بخوف : تكلم ي دكتور ونزل راسه : اسلوبك يقول ان فيه شي
الدكتور بتردد : انا بوضح لك الامر من البدايه احنا شاكين يعني مو متاكدين ان عند لمياء وسكت
فهد دموعه نزلت وفهم عليه
الدكتور يهدي فهد : استهدي بالله واصبر بعدين تفاءل يمكن مو بالسرطان لاننا شاكين فقط
فهد قام يمسح دموعه : الحمدلله ع كل حال
خرج مكسور من عند الدكتور " ي جعل يومي قبل يومك الله يشفيك ويعافيك الله يقومك بالسلامه البيت م يسوى بدونك ي فرححه البيت "دخل ع لمياء وهي نايمه م تحمل يجلس لانه بيبكي وبتحس عليه فخرج ونزل لمواقف السيارات فتح السياره ورمى جواله الي كان بيده ع المقعد الي جنبه ومشى " ي ربي وش اسوي كيف اقولهم " : ي رب اشفها




**عاىله ابو فهد
الكل عرف للي صار لمياء وراحوا لها "بس م عرفوا ان عندها السرطان"
ابو فهد شوي ودمعته تنزل : حبيبتي لمياء كيف انتي ان شاء احسن
لمياء معصبه : اقولكم لاتهتمون الحمدلله انا بخير
ام فهد تجلس عندها خانتها دمعتها ونزلت : طيب هدي نفسك م فيه شى يستحق تعصبين عشانه
لمياء نزلت دمعتها : الا احس فيه شي مخبينه عني
شهد تضمها: يعني وش الي بنخبيه عنك خلاص هدي والله م قال الدكتور الا الي قلنا لك
لمياء بدت تهدا وامها تقرا عليها
قطع عليهم صوت جوال ابو فهد
طلع ابو فهد وناظر رقم المتصل وتغيرت ملامح وجهه عرفت خرج ابو فهد وبعد ثواني خرجت وراه شهد وم حس فيها
ابو فهد تنهد ثم رد : الو
ابو فارس بجديه : السلام عليكم
ابو فهد جلس ع كراسي الانتظار: وعليكم السلام
ابو فارس بتردد واضح : جاهز الليله
ابو فهد يمسح بيده ع وجهه : ان شاء الله بس وسكت
ابو فارس مستغرب : بس وشو
بعد الجوال عن اذنه شوي واخذ نفس ورجع يكلم : بس بقي جزء بسيط
ابو فارس بجديه : م اتفقنا ع كذا وقلت لك اذا م تقدر خذ الحل البديل
ابو فهد مستسلم : طيب وين نلتقي اليوم
ابو فارس يفكر : امم بالمطعم الي دائم كنا نلتقي فيه
ابو فهد بهمس : ان شاء الله
وقفل نزل راسه بين يدينه وتنهد
شهد م تحملت وراحت لابوها وهي مصره ع الي بتسويه
شهد تنادي ابوها بهمس: يبه يبه
رفع نضره وابتسم ولاكانه صاير شي : سمي يبه
شهد نزلت راسها : يبه اااء
ابو فهد لاحظ بعيونه كلام : تكلمي اسمعك
شهد بتردد وخوف من المجهول : اءانا موافقه ع الزواج وم بغير رايي
ابو فهد فاتح عيونه مستغرب ومصدوم : ممممموافقه اصلا كيف عرفتي
شهد رفعت نظرها بثقه: ايه موافقه وم تدري وين الله كاتب الخير
ابو فهد بعصبيه : شيلي الفكره من راسك لو اموت ولا تتزوجين مجبوره ولابعد شايب
شهد باندفاع : يبه انت م جبرتني انا الي اخترت
وسكتت شوي : يبه اذا تبي سعادتي اتركني اخذ حريتي باختياري
ابو فهد برفض وعصبيه وقف : انا قلت م فيه
شهد مصره ودموعها بدت تتجمع بعيونها "بنفسها لازم يوافق وهو م يرفض لي طلب بس ليش يبه الحين ترفض الي ابيه " مسكت يده وبعيون مليانه دموع ورجا : يبه افهمني والله اني مقتنعه يبه انا مو صغيره اعرف وش اقول يبه طلبتك قول تم
ابو فهد بدون م يناظر فيها عشان م يضعف : خلاص ي شهد كلمه وم بعيدها
زاد بكى شهد " بنفسها م بتركك تتكدر اذا اقدر احل المشكله وانا اتخذت قراري يبه لاتردني" : يبه طلبتك يبه لاتردني وضمته
ابو فهد دموعه تسبق كلامه : انتي اعرف انك م تبين تتزوجين الاعشاني بس انتي شهد الغاليه م بتركك تروحين للجحيم
شهد بعدت عن حضن ابوها ومسحت دموعها : يبه الله يهديك وش جحيمه
ابو فهد يمسك يدينها وبكلمات حنونه : شهوده انتي الحين اذا تزوجتيه يمكن م ترتاحين معاه وهذا الاكيد وم فيه حل غير انك تتطلقيني واذا تطلقتي بيرجع يطلبني بالدين
شهد باقناع : يبه افهمني طلبتك ليش متاكد ان السالفه كذا يمكن ربي يوفقني يمكن يصير عكس الي ببالك يمكن ويمكن اشياء كثيره وبصراحه انا متوكله ع ربي ففي اختياري وانا استخرت
ابو فهد هز راسه وقام : هيا نرجع لهم طولنا عليهم
شهد خاليه من الملامح : يلا ورمت الشيله ع وجهها








**بقصر ابو فارس
ام فارس تاخذ القهوه من الشغاله : الا اقول ي فارس وش رايك ب ميعاد بنت عمك محمد
فارس " يع يع م لقيت يمه الا ذي الله يهداك الله يستر عليه " يسوي م كانه فاهم : من اي ناحيه
ام فهد نزلت قهوته وبابتسامه : مشاء الله عليها كامله والكامل الله
فارس " لو اعنس هههه م اتزوجها " : ونعم فيها ومشاء الله عليها بس انا ابي اختار او اختاري لي غير ميعاد لان ميعاد اخت لااكثر
ام فارس انصدمت : اخت اخت وهي تقلب بجوالها توقعت انك توافق ع طول
فارس مستغرب ورافع حاجب: ليش اوافق ع طول ام فارس مشغوله بجوالها وم ردت
فارس : امي انشغلت بجوالها يعني تكلم لبكره وم تسمع لك وسكت بعدين قال احسن لي اروح اريح شوي







**بغرفه فارس
اتصل ع الخدم : جيبي لي الاب توب من الصاله
: طيب .. اي شى ثاني
: لاشكرا
دخل واخذ دش بارد بعد شمس الظهر وقف قدام المرايه والمنشفه بيده وجلس ينشف شعرها الاسود القاتم الي بارز بياضه فيه اخذ لبسه الي مجهزه قبل م يدخل الحمام "وانتوا بكرامه ع السرير "
ولبس تي شيرت موضح عضلاته كثير اصفر وبنطلون اسود ناظر الاب توب الي ع الكنب الي بصالته اخذه وفتح ع البورصه لكن النوم كان اقوى قفل الاب ورمى نفسه ع السرير وكلها دقائق ونام





**
**
سمر " بنفسها اتوقع رزان اليوم ما داومت بكلمها" اتصلت ع رزان وكلها ثواني وردت رزان : الو
سمر "الحمددلله ردت ع طول " وبهدوؤ:السلام عليكم
رزان عرفت صوتها : وعليكم السلام ي هلا وغلا
تنط ع الكنبه : ي هلا فيك كيفك وكيف اخر سنه
بابتسامتها الهادئه الي م تفارق وجهها : الحمدلله بخير كيفك انتي
: الحمدلله
وسكتت شوي وقالت : بدخل بالموضوع ع طول اليوم بمرك واخذك معاي السوق عشان نجهز مها لانها مو راضيه تجهز ها وش رايك
رزان " هذي المها بتذبحني " تفكر : بشوف امي وارد لك خبر بس امممم م كانه تعب عليك
سمر عصبت : اقول ورا م تسكتين هذي مها مو اي احد
رزان باحراج : تسلمين صراحه م اعرف وش اقول
سمر تضحك : وش رايك اقفل بوجهك م بينا رسميات
وجلسوا يسولفون







**عند لمياء
دخلت شهد بعدين ابوها
لمياء بلقفاه : وين كنتوا
شهد تضحك عليها : وش دخلك فينا وناظرت ابوها :ابوي لاتقول لاحد
ام فهد ولمياء يضحكون ع شهد
طبعا ابو فهد كان منشغل بجواله ومو معاهم
فهد "بنفسها لازم مااوضح لهم شى " وهو يبتسم : سلام
لمياء لفت عنه: اعوذ بالله من وين طلعت
فهد يغير جو ويحاول ينسى : طلعت من الارض وسكت ويبي يغير الجو : تبين اكل جبت لك اكل البيت كله
لمياء تستهبل : اي اي طلبتك جيبي لي كل الاكل الي يجي ببالي ولاتنسى شي
اكتفى فهد بضحكه خفيفه يخفي الي بقلبه يخفي دموعه يخفي مشاعره م تحمل يشوف لميااء وخرج
لمياء باستهبال : لايكون صدق وراح يجيب لي اكل وضحكت من قلب
الي ضحكوا ع ضحكتها
فهد يسمع ضحكهم وقلبه يتقطع ع اخته
وبهمس : ي حياتي ي لمياء




اصبرعلى بلواك والصبر محمود
..عواقبه زينه ولوهي طويله

اصبرتصبربالصبر ومد له مدود
..وبالصبر صبرك ينتهض للفضيله

ولاشفت ميلات الدهر تسبي العود
..وتصير نفسك بالليالي عليله

ارخ اليدين بتالي الليل بركود
..واطلب من المولى تراها نفيله

تطفي لواهيب بها القلب مظهود
..من غيض دنيا ماوراها جميله

الا بذكر الله بها العز ممدود
..ترفع مقامك ماتخاف الفشيله





ابو فارس كان يبحر بخياله قطع عليه صوت نغمه رساله وقلت اخذ الجوال وفتحها
"وافقت " ابو فهد كتبها واكتفى بهالكلمه وقلبه يتقطع لكن يعرف شهد اذا اصرت ع شي خاصه منه م توقف عن اصرارها الا اذا اخذته
ابو فارس مصدوم "غريبه وافقت " وجلس يفكر : بكلمه احسن واتصل ع ابو فهد
ابو فهد اول م شاف اسمه خرج من الغرفه
:الو
بصوت عالي : ي هلا والله
ببدون نفس يحس نفسه مخنوق يبي يتنفس : ي هلافيك
:واله انا قريت رسالتك ومبروك مقدما
بجمود خلاص صار امام الامر الي ما منه مفر : الله يبارك فيك
: حبيت ابلغك ان الزواج بعد اسبوعين لان وباقي التجهيزات تكملها بعد الزواج والشوفه ان شاء الله في الزواج لاننا بنسافر كلنا ويمكن نطول فياليت نستعجيل بالزواج
ابو فهد بصدمه : م كانه قريب يبي لها تجهز وم يمدي
: لا قريب ولاشي بالعكس اشوف انه مناسب
" بنفسه الله يهنيك ي بنتي ويعينك" : الي يناسبك وقفل م انتظر الرد من ابو فارس وخرج من المستشفى يحس نفسه ضايع مخنوق








**
** مشعل
وقف عند باب بيت صغير في حي قديم يحيط به بيوت نفس حالته وبقاله صغيره عندها اولاد يوضح عليهم الفقر والجوع
نزل من سيارته وقفلها وتوجه لباب هذا البيت التفت حواليه وناظر شابين نادهم : لو سمحتوا هذا بيت العم صالح
واحد من الشباب هيئته م تدل ع انه من شباب هذا الحي لانه كاشخ مو نفس البقيه الي توضح عليهم علامات الفقر : اي .. نعم اخوي تبي شي
مشعل : ابي العم صالح
الشاب بحزن : عطاك عمره من شهرين
: الله يرحمه.. طيب م تعرف احد يقرب له
الشاب : انا ولده
: الحمدلله وصلت
: امرني اخوي
مشعل : ابيك بموضوع خاص و ناظر بصديقه وبتردد : بيننا
الشاب طلع مفتاحه : تفضل معي وفتح الباب واستاذن من صصديقه ودخلوا
مشعل مستغرب م كأن فيه احد بالبيت وباستغراب : انت تعيش هنا لحالك
: اي كان معاي ابوي بس الله يرحمه
: الله يرحمه
مشعل سكت : انا م اعرف وش اقولك لاني اصلا م اعرف السالفه بس انا من طرف خالد
انصدم وباندفاع : تعرف خالد لنا كم من يوم نبيه
مشعل باستغراب واضح ع ملامح وجهه : ليش وش تبي منه
الشاب بترجي : تكفى ابي رقمه بس والا دق عليه وانا بكلمه
مشعل خانته دمعته
الشاب استغرب " وبنفسه رجال بضخامته يملا الباب يبكي ! غريبه وش السالفه "
مشعل مسح دمعته : خالد عطاك عمره
بصدمه نزلت دمعته : وووشو طيب وبنته من لها لا اب ولا ام
مشعل "هذا الي ابي افهمه": انا جيتك اليوم ابي افهم منك السالفه لان مشعل مو متزوج بس كتب لي وصيه كان فيها ان له بنت وكان معاها نسخه من عقد الزواج واسماء الشهودد ونسخه من شهاده ميلاد بنته وكلام كثير
بدا الشاب يقول له القصه : خالد رجال على مكانته بين الناس الا انه متواضع وشهم والله ييجازيه خير ع فعايله معانا طبعا هو تزوج اختي وبدا يحكي له القصه
" بيوم من ايام السنه الماضيه بالشتاء كنا بالبر المهم كنا نجهز اغراضنا نرجع ديرتنا ولما ركبنا كلنا لاحظنا ان اختي مختفيه جلسنا ندور لها بكل مكان هي من خوفها جلست تبكي لمحها خالد خالد وسالها وطلبها يوصلها لكنها رفضت وبعد فتره وافقت تركب معاه وصفت له البيت وصلها وكان ابوي بيرجع يدور لها وكأن مصايب الدنيا ع راسه وكان جيرانا واقفين مع ابوي بس ما يعرفون ان اختي ضايعه هو نزلها ودخلت الجيران بدو يتكلمون ع ابوي وعن اختي لكن خالد قال انه مملك عليها وقالهم بيجيب عقد الزواج بكره عشان م يتكلمون فيها طبعا بنفس اليوم راح ابوي وهي وملكوا وجاب الشهود الي يشهدوا بزواجهم عشان يحلفون قدام الجيران وتزوجها وبعد اسبوع اخذها ببيت عيشها افضل عيشه كان يحبها بعد شهرين بعد زواجهم حملت وبعد شهور جابت بنت سمتها "وريف" وبولادتها ماتت وخالد قال لكم انه سافر برا شهرين ولكن ماسافر كان هنا حزين ع اختي ومع بنته كان بيقول لابوه لكن الله يرحمه توفى "
الشاب بثقه : انا مستعد اجيب لك اي اوراق سوا لعقد الزواج او شهادة الميلاد او اي شي
مشعل : لا م يحتاج الاوراق الي عند بببصمات خالد وعقد الزواج واضح وكل شي واضح تاكدت بطريقتي وسكت : طيب وين هي عايشه الحين
: هي كانت معه دايم وكان بيجي يقولكم لكن الله يرحمه وقبل م يموت استاجر غرفه بفندق*** وهي الحين مع مربيتها وكنت باتصل عليه عشان وريف تعبانه هالايام حيل
مشعل خاف ع بنت خخالد وقام : بسرعه تعال دلني ع اي مكان واي غرفه عشان نوديها المستشفى







**
**
رن جوال رزان ناظرت بالاسم وابتسمت : الو
سمر بعجله : بسرعه انزلي لي انتظرك تحت
كلها دقايق وفتحت رزان باب السياره : اسف تاخرت عليك
: لاعادي سامي روح الراشد
سامي يهز راسه م يعرف عربي كثير بس يعرف اسماء الاماكن
سمر تلف ع رزان : اسمعي هالاسبوع كله بتكون لملابس الطلعات والمناسبات واكيد انتي تعرفين ذوق مها وقياسها
: ذوقها قريب من ذوقي وقياسها اعرفه
:حلو سهلتي علينا الموضوع

بمجمع الراشد
سمر باعجاب :وش رايك بهذا
رزان :روعه خلينا ندخل المحل نشوفه من قريب
: يلا
دخلوا واعجبهم مره كانت تنوره ترابيه قصيره وبلوزه اكمامها قصيره فيها ورد ترابي وبني فاتح وبني غامق اشتروها وطلعوا
وبعد وقت طويل بالمجمع خرجوا
سمر تعدل عبايتها : سامي روح مطعم****
سامي هز راسه بالايجاب
سمر : الحمدلله اليوم اشترينا ثلاث لبسات قصيره غير لبسات الطلعات الكبيره
رزان : اي الحمدلله بس تكسرت الله يعينا ع الجاي
سمر ضحكت ع رزان وهي نازله من السياره لف عليها شاب ضخم
: البن ي حلو
مشت بثقه ولا كانها سمعته
رزان بقهر : **** و **** و***** بس احسن انك طنشتيه
: م عليك منه طنشيه هالاشكال دواءها التطنيش
ودخلوا المطعم وطلبوا









الساعه 10 الا ربع دخلت رزان بنفس الوقت كانت مها بالصاله ع التلفزيون : بدري ي ست رزان كان طولتي شوي طنشتها عصبت مها وقامت لعندها : انا اكلمك كل هالوقت فين كنتي هاه
رزان م تحملتها : احترمي نفسك اذا تظنين ان بيوم من الايام بغلط بغلط لانك اختي لان عمرك م علمتينا الصح والغلط بس الحمدلله ان ربي هادينا ع الطريق الصح بعدين انا غلطانه اني اهتم فيك ورمت عليها الاكياس وطلعت
مها واقفه مصدومه من كلامها شافت الاكياس وزادت صدمتها : ي ربي ليت م تكلمت جمعت اكياسها وطلعت وعند غرفه رزان
مها تفتح الباب : رزان رزان
رزان تسمعها بس تطنشها
بعد م ياست ان رزان ترد : شكلها نامت يلا بكلمها اذا صحت
وقفلت الباب واتجهت لغرفتها







**
**
ابو فارس خبر العايله بالزواج كان منهم فيهم معارضين بس هو قال كلمته ومستحيل احد يعارضه بدو يجهزون للزواج "


مرام جالسه ع الاب توب بس بالها مو معاه " وبنفسها وش ذا الزواج الي الملكه والعرس بيوم واحد استغفرالله بس وش علي كيفهم"ورجعت ع الاب توب
ساره فتحت الباب بقوه
مرام فزت خايفه : خير وش صاير
ساره فاتحه عيونها ع الاخير : صدق الي سمعته
مرام تنفست نفس طويل : حرام عليك طيرتي عقلي حسبت ان فيك شي ايه صدق
ساره رمت نفسها ع السرير وشعرها الاسود الي بين المجعد والناعم : بصراحه مو مصدقه
وبدت تبحر بخيالها
ومرام مع صديقاتها ع الشاتات




**
**

ام فهد رفضت تروح من عند لمياء وجلست عندها
شهد بعد م ياست من طلب امها في انها تجلس عند اختها: يلا يمه معسلامه وباست راسها
وسلمت ع لمياء ضمتها : بفقدك لموي
وقبل م تخرج : يلا معسلامه
لمياء وبابتسامه : معسلامه
ابو فهد سلم عليهم وخرج مع شهد
**بسيارة ابو فهد
ابو فهد بتردد: يبه شهد
شهد التفتت له : سم يبه
وهو يصد عنها: كلمت اببو فارس والملكه والزواج بعد اسبوعين
شهد كانها انكبت عليها مويه بارده بس قاومت الصدمه : بهالسرعه
ابو فهد قلبه يتقطع : سامحيني يبه انتي شديت ع الوتر الحساس تعرفين اني م ارد لك كلمه
شهد باقناع : يبه الله يهداك وش اسامحك عليه هذا قدر ويمكن يكون عكس الي ببالك يمكن اكون سعيده يبه لاتشيل همي طلبتك ريح بالك
ابو فهد بدعوه من قلب: الله يسعدك دنيا واخره والله يوفقك
شهد بخجل:امين
:ان شاء الله اذا خرجت لمياء بالسلامه بنخبر الكل
شهد بهمس:ان شاء الله
اكتفي واقف هنا ~
لاتحرموني من ردودكم ~
ابي حمآس~