[لامارا]

الساعة 11 بليل ..........

خالد قاااعد ابداااره ....يفكر بلي صاااار اليوم.....وقلبه امعوره ان طق دلال ....وقاااعد يدق عليها يبي يكلمها بس جهازها مغلق ....
خالد بقلبه : دلال سامحيني ...والله من كثر ماحبج ...يوم شفت حلاتج اليوم لا اراديا طقيتج ...ماهان على احد يشوفج غيري ....
...

كان لابس بنطلون تريننق لونه كحلي مع تي شيرت بيضا من بووما ...وكان توه سابح وشعره اشوي فيه مااي...

اذبحه التفكييير .....جاان ينزل الصاله تحت ....وشاااف امه قاااعدة اتطالع تلفزيوون ....

خالد راح عند امه وباااسها على راااسها .....وقعد يمهااا ....

خالد : ها يالغالية ...وينج ...اول ماوصلت البيت دورتج ومالقيتج ......؟؟

الام : ايه حبيبي ...انا كنت عند خالك عبالرحمن ...والله تعبااان...لازم اتزوره خالد ...

خالد : ويييه الله يشااافيه ....اي اكيييد لازم ازوره .....

الام اتحط ايدها على راااس خالد : واااي يمااا حبيبي شعرك رطب ...جان نشفته ...تبي تتسخن يمااا ....

خالد يطالعها مستغرب : يماااا اشفيج ترا انا ريال مو يااااهل .....

الام تبوسه على خده : وشنو يعني لاصرت رياااال يعني ما اخاف عليك ؟؟؟ والله لو اشوفك شااايب تمشي بعصاااة بعيوني بتظل ولدي الصغير الي اخاااف عليه اكثر من روحي ....

خالد يبوسها على راسها : الله لا يحرمني منج يالغالية ...

يسكت اشوي ...ويكمل : يمااااه ....ودي اكلمج ابموضوووع ....

الام تلتفت عليه مخترعه : ايه يماااه قول تحجى اشفيييك ....صااير شي ...

خالد :بسم الله عليج ... لا لا يمااااه لاتخترعين ...ماكو شي ...بس..

الام اتطالعه ...: ايه يماااه اشفيك ...

خالد : ادري كلمتج جم مرة بهالموضوووع ...بس خلاص انا ماني قااادر ...انا مابقا شي واكمل 28 ..والصراااحة ابي اتزوج ....

الام تبتسم وتطالعه وبهدوء : عدل ...صح كلامك ...انت الحين مو صغير ...خاالد حبيبي ...والله يووم انا ااجل زواجك مو عشااان مابيك تتزوج ويلا اتسلط عليك ...انت اول فرحتي ...وانت غلاتك بقلبي مالها اول من تالي ...وانت تدري بهالشي ...

خالد : ايه يماااه ادري ....

الام اتكمل : انا كنت شارطة عليك انك اتخلص دراستك وبعدين ازوجك....تدري ليش؟؟!! لاني اخااف اذا تزوجت تلهى عن الدراااسة ولا اتكمل....خالد حبيبي هالزمن زمن شهادات ...حتى لو الواحد عنده فلوووس ...لان الفلوووس ماتدوم ..اما شهادتك عزوتك ....صح ...

خالد : عدل كلامج يمااه...

الام اتكمل : وخلاص دااام انك طلبت منى الزواج اكثر من مرة ...انا ماااراح منعك ...

لاتشوووفووون ويه خالد يوووم ان امه قالتله هالشي.....

الام : بس خلص هالكووورس ان شاء الله ....يكون مابقالك غير كوورس ان شاء الله...وعلى عطلة الربيع اخطبلك ....وزواجك يكووون على شهر سته ...ونفرح فيك فرحتين ...فرحة التخرج والزواااج .....

خالد يقوووم من مكاااانه ....ويبوووس راسه امه : احبج يااغلى ام بالدنيااا ....احبج .....

والام اتطالعه وتبتسم : حبيبي ..والله منى عيني يوووم اشوفك معرس...وان شاء الله انت وطلال بيوم واااحد....والله يعطيني عمر واشوووف عيااالكم واربيهم ...

نزل خالد على الارض ووقف على اركبه ويبوس ايد امه : لا يمااا ...بس كفااايه عليج ...انتي تعبتي معااانا ...مانبيج تتعبين مع اعيالنا بعد ...

الام : انا فرحتي ووناستي معاااكم ويوم اشوفكم مستانسين .....

.................................................

مرت اسبوووع ....
ام دلال وابوها ومشاااري قاعدين بالحديقة يشربون جاااي وقهوة ....الجو كااان عجيب ....توه داااخل البرد .....

مشاااري : يمااا تعالي اشصااار على الي خاطبين دلال ...مادقوووا عليج ؟؟

ام دلال : لا والله مادقواا ....مادري اشحقه ...على الاقل كان المفرووض يقولون مثلا اذا عاجبته او لا ...مايصير ايعلقوون الاوادم جذي...العادة الناااس اتدق من ثاني اليووم ...

واتشر بايدها : وييه كيفهم ...موميتين عليهم .....

الابو : ايه مايشوفون شر .....

الام : عااد اشدعوااا دلول هامها ...يمكن تبيها من الله ....يالله محد ياخذ الا نصيبه ..

الابو ينادي الصبي : باابو ...تعال اهني ...هذااا زرع ليش مايسوي...؟؟

جاان يقوووم الابوو ايرووح ابعيد شوي مع الصبي ......

مشاااري : يمااا ...انا ودي اتزوج بعد .....

الام اتحط استكااانه الجاااي : ويه ويه ويه ...هذي الساعة المباااركة ....مابغيييت تطلب الزواااج ....

مشاري : ايه والله ...احس خلاص ...الحين انا مستعد عل ...

الام اتغمزله :هااا ماافي وحدة ابالك .....

مشاااري : ايه والله يماااه ...فيه وحده حاطهااا ابالي من زمااان ....

الام : جااان زييين ريحني ..والله مالي خلق ادور وادش بيوووت ...ويمكن يعجبونك ويمكن لأ...بس عساااها من مواااخيذنه ...

مشاااري : ايه يماا اكييد ...وانتي اتعرفينها عدل .....

الام : منوووو ؟؟

مشاااري : نــــــــورة رفيجت دلال ....

الام : واااي وااازينها نوورة ...بس....

تسكت اشوي .....

واتكمل : بس امها مصـ..ريــه<< تفكير وااايد ناااس جذي

مشاري : وخير يااطير ...امها مربيتها احسن تربية ...وبعدين انتي تدرين ان نورة حسب ونسب ....

الام : ايه صح عدل كلامك ...رفيجت أخيتك من اسنين ..خابزينها وعاينينها عدل ...على الاقل وحدة انعرفها عدل..وصااج امهااا خوووش وحدة وعلى نياااتها...خلاص الي اتشوفه حبيبي....متى تبيني اكلمهم ؟؟

مشاري : مو الحين الحين ...يعني على الشهر اليااي ...لان احتمال ايدزوني دورة االدوام ..يمكن شهر ...فاا ابي اكووون خالص من كل شي ومريح راااسي ..عشان اتفرغ حق الموضووع ...

الام : الي اتشوفه يمااا ....








================================




دلال ونورة قاعدين ابـ (لورانزينو ) بالافنيوز .... يعني بالطاولات الي بالنص....


دلال كانت رابطة شعرها عنقووص...ولابسه بلوووزه ساااده لونها بني اشوي واسعه وتحتها بودي ابيض ...وبنطلون جينز ضيج مع بوووت(ugg) بيجي ....وجنطة كبيرة من بوتيغااا ...

اما نورة كانت فاله شعرها ومسويته ويفي وحاطه النظاارة فوق رااسها ....ولابسة بنطلون اسود ضيج مع بلووفر رمااادي ولافه على ارقبتها سكااارف جويتي ...مع بوووت اسود ...وجنطتها بعد كبيرة من balenciaga لونها اصفر....

دلال معطااا الناس ظهرها ...ونورة مجابلتهااا ....

نورة : ماني امصدقة انج ليلحين ماااسكة نفسج ومادقيتي على خالد ...

دلال : افف سكتي ..كل اشوي ابطل موبايلي ..واشوفه مس يو منه...وكلش احط ايدي على السيند بس اتعوذ من ابليس و اصكه ...نورو خل يحس انه غلطااان ...امبيه نووروو شنو يمد ايده على ماله حق ابد ...

نورة : معااااج بهالشي ....بس والله من حبه وغيرته عليج ...

دلال : لا بس ولو ....ماعطاني مجال اني اتكلم ...والحمدالله انتي شاااهده ان امي اهي اغصبتني البس واحط ميكآب ويلا انا مااابي ...

نورة : لا لا مو دلال الي معاااي ...انت لو يمر يوووم ماتكلمين خالد يزر عقلج....

دلال : لا نورة ...لازم يتأدب ...اذا سكت عليه الحين راااح يتعود ان يمد ايده على ....صج اني قاااعدة اعاني الحين ..بس ميخالف ...انا افكر بالمستقبل لاخذيته ...لازم يحترمني من الحين ...

نورة :ماااشاء الله عليج قوية ...يليتني نفسج ...<<<تسكت اشوي واتكمل....
نورة: ايه تعالي نسيت اسألج ....خذتنا سالفة خالد ولا سألتج اشصاار ذاك اليوم ...

دلال : عن الي شافوني ...

نورة: ايه قوليلي اشلون واشصااار ؟؟

دلال اتحط شكر بالقهوة واتحوووسهااا : ماااصااار شي ....شفته وقعد يسألني جم سؤال ...ماطولوا ....بس اتصدقين مااادقوااا ليلحين ...احسن فكة ...<<<ترفع ايدها : يااارب ياارب لايدقوون..وان دقووو يااارب يقولون مااكو نصيب

نورة تغططي ضحكتها :ههههه دلول ماتيوزين...انزين ماقلتيلي حلووو ؟؟؟

دلال : ههههه ايه والله اتصدقين مملووووح حييل ...بس مو احلى من خالد ....

نورة : واي على هالخالد ....الحب عمي ...

دلال : هههه ...بسج غيرة ...محتره انه احلى من عزوز ....

نورة تاخذ نفس : انا مااابي حلاته ...ابي الله يهديه ....

دلال : ليش اشصاااير بعد ..؟؟

نورة : دلول انا ماحب اييب سيرته ...تقعدين اتلوميني وبس ....

دلال : لا لا مالومج بس اشصاااير ....

نورة : مااادري عنه ...

دلال : شنوو يعني مادري عنه...

نورة : مااادري ...ادق عليه كله جهااازه مغلق ....طبعا فجأة صار هالشي...مادري امسااافر ..مادري مايبي يكلمني ...مادري عن ولا شي ...

دلال : ماحاولتي توصليله ....

نورة : امبلا حاااولت...مريت يم بيتهم جم مره ....واشوف سيااارته صافطة ...بس ...

دلال : وييه ...كيفه مااايشوووف شر ....احسن الله يفكج منه ....

نورة مخترعة : لا لا ...لاتقولين جذي ...انا ماااقدر اهده ماااقدر ....

دلال مستغربة : وليش ماتقدرين ...الي اخلقه خلق غيرة الف ....اهواا اصلا مو كفوو ...مو بعيدة ايعرف مليوون وحدة على راااسج ....

نورة :كيفه خل يعرف.. بس انا ماااقدر اهده ...

دلال : واااي نورو اتنرفزييين ....على شنو عاااد ....

نورة تفكرررر : ودي ادق على اخته ...انا قايلتلج ان عندي رقمهااا ....

دلال : انتي مو ذيج مرة قايلتلي انه عزيز قايلج ..اذا دقيتي على احد من اهلي ياااويلج ....؟؟!!!

نورة : انزين شسوي يعني ....ابيه مادري عن ارضه من سماااه ...

تسكت نوورة اشوي واتحس ان فيه احد ايأشر لها .....
اتطالع بعينها جهة اليمين ....

نورة اتقرب ويهاا من دلال : دلول قولي منو وراااج؟؟؟

دلال :منووووو؟؟؟

نورة : خالد ...وجنه مع عبدالوهاااب ....<<<قاعدين بالطااولات الي جدااام...

اتكمل نورة : قاااعد ااشر لي ...ويقولي خلي دلال ادق علي الحين ....

دلال معصبه : مااراح ادق ....

نورة: لي متى يعني ماااراح اتكلمينه ...على طووول ....

دلال : لا مو على طوول ...بس لين تبرد حرتي ....

نورة : ابيه شكله معصب ...يقووول خل ادق الحيييين .....

طبعا دلال معطه ظهرها حق خالد ....

نورة : دقي يالله ....شوفي شنوو يبي .....

دلال ماتكلمت ولا كلمة ...اتحط كوعها على الطاااولة وترفع ايدها ...واتأشر ابصبعها ( لأ)..يعني اتقول حق خالد ( لا ) ماني داااقة ....

نورة: ابي دلول نزلي ايدج ...فشالتينا ....في ناااس

اتكمل نووورة مختبصه : ابييييه نورو ...ابييه ...خالد قااام من مكااانه ويااي صوبنا....

دلال : تحلفيييين.....

وقف خالد يم دلال ونزل رااسه اشوي ....وبصووت واطئ

خالد :دلوول لا تكبرين راااسج ...ترا احنااا بينا اسنين .....صيري مرة وفتحي موبايلج ....

حط بالكرسي الي يمهاا جيس اصغيير ومشى.....

دلال : ابيييه لا مو صج ...جرئ جرئ....شلوون يكلمني جدااام الناااس ....

نورة : انتي الي حديتيه على هالشي....يعني مو طايل ارضج من سماااج ....مالقى غير هالحل ....

تسكت نورة ...وبعدين شنو حط يمج .....

دلال اتطل : جيس كارتيير ....شنوو عباله بساحلني بهدية ....

نورة : دلووول خلاص دقي علييه ...يمكن بيعتذرلج ....خلاص عااد ..لاتخسرينه على شااان غلطة...ترا كل انسااان يغلط ....

دلال : ادري دلووول اصلا انا ميته اكلمة..انتي ماتدرين اشكثر احبه ....بس قاااهرني ....

نورة : ميخالف ...اهو بعد ايموووت عليج ...الي لاحقنا لي هني ...وبااااعهااا وكلمج جدااام هالاوادم ...شنوو معناااته ...دلول خالد شااااريج ...شااااريج ...

دلال : اوكي رااح ادق عليه ...بس مو الحين ....اذا رجعنا البيت...

نورة : اوكي بس على الاقل فتحي موبايلج ....

دلال : حني حني اكثر ...وااي اشدعوااا اتحبين خالد هالكثر ...احس ساااعات اتحبينه اكثر مني ...جنه اخووووج والله ...

نورة تضحك : لا مو اكثر منج...بس لان ادري ان اهوااا خوووش واحد و يحبج ....

دلال : انزين اهما ليلحين قاااعدين ....

نورة : ايه ليلحين ....ابيه تدرين بعد شنووو ....خالد قاااعد يدخن ...

دلال منصدمة : جذااااابة ...جان تلتفت اتطالعه .....واترد اتطالع نورة...

نورة : اببيبييه دلول يمكن عشااان متضااايق انه مو قاااعد يكلمج ...

دلال : ايه اهوااا اذا كااان متضااايق يدخن ....واذا صاار مزااجه زين يقطع ....

دلال : افففففففف الحين لازم ادق عليه ... اخاااف عليه مابي يدخن ....

نوررة : دلووول دلووول ...قولي منو ياا صووب طاااولتهم ؟

دلال : منوو ؟؟

نورة : حبيبتج ...؟؟

دلال : منو مااابي التفت .....

نورة : مــــــــنــــــــــيــــ ـــــــرة

دلال انصفق ويهااا ....

دلال : وقاااعدة اتسلم على خالد ؟؟؟!!!!

نورة : ايه ......

دلال :اففف الله ياخذهاا... شلووون صاااير شكلهااا ....

نورة اتطالع دلال ....: دلوول بعد هذي اهي منيرة ...انتي مو كل يووم اتشوفينها بالدوااام .....

دلال : واااي اكرهااا كرهااا ....حتى اهني لاحقتني ....واكيد قاااعدة تتنهوص وتتدلع.....

نورة اتأشر بايدها جنه اتسوي (هااااي) وصااااكة ضروووسها وتتكلم ....

نورة : دلووول ترا اهيا يايه اتسلم ......

دلال : وييييع قطييعة ....

منيرة اتيي عند طاااولتهم .....

منيرة : هااااي...شلونج نورة ...من زمااان عنج ....

اوقفت نورة اتسلم عليها وباااستها ...اما دلال قاااعدة .....

منيرة اتطالع دلال ....

منيرة بدلع : ابييه اشدعووا ...قومي سلمي ....

دلال تبتسم ابتسااامه من ورااا قلبها ...: كل يوووم اشوفج بالدوااام ....

منيرة : ايه بس بوووسة برااا الدوااام غير .....

ابتسمت دلال وقاااعدة اتلعب ابتلفوونها مع انه امسكر ...بس تبي اتضيع السالفة ....عشاان مالها خلق منيرة ....

منيرة : يالله عيل اخليكم ...سي يوو ....

نورة : باااي ....

نورة : دلال ترااا عيب انج ماسلمتي عليها ....

دلال : ختولي ...اصلا كل يووم اصبّح ابويها بالدوااام ...ويع ماااحبها....

نورة : ماتحبينها ويلا اتغااارين منها....

دلال : ايه اثنينهم ....اتبط جبدي ..ترا ماعليج منها موهينه....وبعدين الي يقهرني انها كله تتلصق ابخااالد ....

نورة : ايه وعشااان حلوة ....

دلال بنفس : ايه وعشااان حلوة ....يعني اكيييد بغااار ...

نورة : آآآآآ.. يعني مانلوووم خالد يوم غااار عليج ....

دلال : نورة بس خلاص ...حدي تعكر مزاااجي ....خلنطلب التشيك ....


منيرة ...اكثر انسااانه ماااتحبها دلال ...لان منيرة اتصييير بنت خاال خالد ....وكااانت منيرة جميييييلة وااايد وااايد ...ودلوووعة لانها وحيييدة ابوها ...وامها انجليزية ومطلقة من ابوووها من اسنين ...فمنيرة عااايشة مع ابووها من كاانت صغيرة ...وكااان مدللها حيييل ....وكان شعرهااا اشقر من الله ومخصل ...واتسوي تااان فصاااير لونها برووونز الحلووو ...وكانت طوييله وضعييفة ...وعيونها بني فاااتح...وكاانت دلال اتحس ان منيرة معجبة ابخاالد ووايد تتلصق فيه ووايد تتكلم عنه...فكااانت دلال بموووت من القهر ...مع ان خالد مايهتم فيهااا ...ويعاااملها مثل اخته شيخة....وكااانت منيرة رفيجة اخته شيخة حيييل ....وطبعا منيرة مع دلال من ايااام الثانوية ...والجااامعة ....وداايما يتناجروون مع بعض ...يعني مو نجرة نجرة ...نقزااات ...او منيرة اتقط على دلال حجي ودلال بعد هم ماتقصر ...وكل وحدة تدري انها ماتواطن الثانية.....بس عااادي سلام ومع السلامة ....

اطلبو التشيك وادفعواا ....وحطت الجيس بجنطتهاااا .... ومشواا ...

واهيا ماشية طاااحت عينها بعين خالد ...وخرت عينها بسرعة ....
وكملت ....تسوقت اشوي ...راحت زااارا وh&m وmac.....وبس اطلعت من الآفنيوز ...

واهما بسياااارة نورة ....

دلال تفتح جنطتهااا ...اتطلع الجيس ...ويلا داااخلة علبة صغيرة ....اتبطلهااا دلال ....

دلال : نورة شوفي ....

نورة : الــــــــــــــلــــــــ ــــــــــــه اتينن ....ماشاء الله

دلال مستغربة : نورة...مو جنها هذي دبلة !!!!!!

نورة : ايه صح دبلة!!!<<<يطالعون بعض ...

نورة: ....انزين اقري الكااارت الي حااااطه ...

دلال : اوكي ....

تفتحها دلال ...

آسف حبيبتي....سامحيني ....واذا سامحتيني لبسي الدبلة ...تراني كلمت امي شهرين بالكثير خاااطبج ....
أحبج....
دلال اتطااالع نووورة .....وتبتسم حيييل ....

دلال : انا بحلم ويلا بعلم ....

نورة : لحظة ....وتقرصهااااا حييييييييييييل على ايدهااا ....
وتصرخ دلال : آآآآآآآآآآآآآآآآي

نورة اتصرخ واتلم: لا عيل مو حلم صج صج .....

دلال : ابيييييييييييييه واخيرا....واخيرا ....بتزوج خالد ....ماني مصدقة ماني مصدقة ....

،

لا تحرمووني من تعليقاااتكم وردودكم