عرض مشاركة واحدة
قديم 04-01-14, 07:21 PM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,438
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الجزء السادس
شفت القمر بعد الظلام أنور... بالضبط نفس الشعور
إن شفت بسماتك إن كان في... خاطرك حاجه عليه أبشر والله لاأسوق العمر كله لمرضاك
.............................
في الليل الكل راح بيت بو عبد الرحمن و الكل تحمد لذياب وزياد بالسلامه وباركولهم على النجاح
عند البنات كانت الجلسه حلوه إلا شوق الي كانت معصبه على سلامه
رهف: سلامه وش فيها شوق؟؟؟
سلامه:هههههههههههه لاذ كريني كل ما أذكر اضحك
رهف: ليه وش صاير؟؟
وقالت سلامه القصة لرهف
رهف:ههههههههههههههههههه الله يهدي اخوك لازم يقولها طرمه
سلامه: كيفهم هم يتصالحون
وجاتهم شوق
سلامه: نعم
شوق: حلفي ينقال لك زعلانه مفروض أنا ازعل مو أنتي
سلامه: وأنا وش دخلني أنا ماقت له كلمها
رهف: هههههه والله ان زيود جاب راسك
شوق: يهبي الاهو
ذوق: اقول خلونا نروح نساعد خالتي
سلامه: ههههههه قصدك أم رجلك
شوق: تراها بتكون أم رجلك
ذوق وسلامه استحوا
شوق ورهف : ههههههههههههههه
.......................................
اما عند الرجال كان ذياب وزياد جنب بعض
زياد: اقول ذياب
ذياب: هلا
زياد: عمي عبد العزيز عنده بنت اسمها شوق
ذياب: ايه على مااذكر أنها كبر سلامه أختك.... ليه تسال؟؟
زياد قال لذياب السالفة
ذياب: ههههههههههههههههه من صدقك
زياد: وش عليك أضحك لأنه مو صاير لك
ذياب: انت وش خلاك تكلمها؟؟
زياد: سلاموه ...... وهو يقلد اخته .... زياد شوف شوقوه
ذياب: ههههههه اختك هذي روعه
زياد: ماعليك منها... اقول منت ناوي تدخل تسلم ومره وحده تسلم على حبيبتك
ذياب: فديت هالطاري كلمتها اليوم
زياد: بل عليك متى لحقت
ذياب: اول ما وصلت خالتي كلمت بيتنا وكلمتها
زياد: عاد انت ما قصرت معها
ذياب: تعرف ولد عمك ما يقدر
زياد: عن اذنك
ذياب: وين ؟؟؟
زياد: بروح أأدب بنت عمك ....بعد وين بروح اكلم طلال
واستأذن زياد عشان يكلم طلال
بعد ما سكر زياد عن خويه راح عند الرجال وطلب من احمد يجيب له ماي

وشوق في هالوقت كانت في المطبخ تجهز الحلا حق الحريم وياها رهف
رهف: شويق وش سويتي
شوق: هههههههههه قلت لك ماعرف
رهف: طسي عني ..... ماعرف ولاتبين تشردين
شوق: يا حليلي أنا اشرد لا والف لا ..... الله معجنات
رهف : يا ويلك اذا لمستيهم
شوق: وليه؟؟؟؟
رهف: أنا مسويتهم حق ذياب
شوق: ياعيني على الحب
رهف: انطمي لا أدوس بطنك
وهم يكملون شغلهم .... بعدين غنت شوق
(أرقصيييي مع نبض قلبي والقصيد.. داعبي بحر الشعر قبل الرقاد.... وكملت رهف ....بالأنام من طوع الحرف العنيد وارسمي بلوحات حروفي الوداد) بعد ماخلصو الاغنيه
اسمعون حد يصفق لهم لفو جهة الصوت وشافوا احمد واقف...
رهف: احمد... ليه واقف هنا
احمد: ههههههه جيت اجيب لزياد ماي وسمعتكم تغنون قلت ماابغى اقاطعهم
رهف: اهاااااااااااااااا اجل صب لهم الماي وطس
احمد:ههههههههه طيب لاتاكليني
سلامه: شويق ورهيف كل هذا تجهزون .... لحظه صمت .......وشافوا غبار رجولهاااا
شوق: هههههههههههههههههههه سلاموه يالخبله هههه
احمد: هههه حرام عليك ماشافتني
شوق: ههههههه مسكينه
ودخل عليهم عبدالرحمن: حمود وين الماي
احمد: هذا هو؟
عبدالرحمن: طيب وده
احمد: كل من رهيف وشويق جلسوا يسالفون معي
رهف: حميد ياكذاب
عبدالرحمن: خلصنا روح وانتي شويق روحي نادي لي ذوق
شوق: نعم وش قلت؟؟؟
عبدالرحمن: صمخه نادي لي ذوق
شوق: وش فيكم انتوا علي واحد يقولي طرمه والثاني صمخه شتبون مني انتوا؟؟
عبدالرحمن: هههههه ليه من قايل لك طرمه؟؟
شوق: ولد عمك زويد
عبدالرحمن: زياد
شوق: ايه زياد
عبدالرحمن: وانتي متى شفتي زياد؟؟
شوق: هو تحقيق بعدين طس ماراح انادي ذوق استح اذا ملكتوا يصير خير وطلعت عنهم
عبدالرحمن: شفيها هذي؟؟
رهف: ماعليك منها وانت روح لاتفشلنا وهي تقلده نادو لي ذوق طس عند الرجال
طلع عبدالرحمن عنها وهو يضحك
على الساعه 11 الكل راح بيته
..........................
في الصباح صحت شوق لبست وتكشخت
ونزلت تحت
شوق: السلام عليكم
أم عبد الله : وعليكم السلام تعالي افطري
شوق: مو مشتهيه يمه
عبد الله: شفيك مو من عوايدك ماتتريقين مع الوالد
شوق: مو مشتهيه
عبد الله: اقول تعالي لاتاكله هالدب كله.....يقصد ذوق
ذوق: امي شوفيه ما يخليني أفطر
أم عبد الله: خلها تفطر وانتي شويق تعالي بلا دلع
ابو عبدالله: تعالي ياحبيبتي افطري
شوق: خلاص بس عشانك بفطر
عبدالله: مسكينه ياذوق الدلع كله لشويق وانتي ولاشي
ذوق:اصلا انا دلوعة مامي
ابو عبدالله: هههههههههه واجل حمود دلوع مين
الا يدخل عليهم محمد: انا دلوع البيت
عبدالله: اي امبين
محمد:وش قصدك؟؟
عبدالله: سلامتك......اقول يبه انا طالع تامر بشي
ابو عبدالله: سلامتك
عبدالله: وانتي يمه تامرين بشي
ام عبدالله: سلامتك يايبه
محمد: وحنا؟؟؟؟
عبدالله: هذا الي ناقص بعد
ذوق: مساكين الي توهم متفشلين
محمد وهو يطالع ذوق ويتوعد لها ولعبدالله
........................................
عند سميه الي كانت تكلم سلمى
سميه: هاي سلوم
سلمى: هاي اخبارك؟؟؟
سميه: تمام انتي اخبارك؟؟
سلمى: تمامو
سميه: اقول سلمى مادريتي
سلمى: ايش؟؟؟
سميه: توني داقه على عهود وتقول ان ملكتها بعد اسبوعين وعازمتنا
سلمى:جد والله كبرت عهود وبتتزوج .. الا انتي بتروحين؟؟؟
سميه: ايه بروح ..وانتي؟؟
سلمى: دامك بتروحين انا بروح
سميه: اوكي اجل اخليك بايو
سلمى: بايووووووو
وجلست تفكر في اخوها وخطبته لرهف و سلمى لو درت ان ياسر بكون لغيرها
وش راح يصير لها
ونزلت لامها
.......................................
ود: رهف.. رهوووووف
رهف: انا هنا
ود: وش تسوين؟؟؟
رهف: في خاطري بيتزا تبغين؟؟؟
ود:أكيد نجرب طباخ الشيف رهف....اقول انا اليوم رايحه السوق بتجين؟؟
رهف:أكيد يا أختي العزيزه
ود:تجهزي بعد العصر بنروح
رهف:من بروح معنا؟؟؟
ود: جوري وخالتي ريم
رهف:مممممممم من بويدينا
ود: شيك فاتحه تحقيق انتي بالعه راديو
رهف:ههههههههههههههه بس اسأل
ود: سواقنا او سواق خالتي
ولا يدخل عليهم عبد الرحمن :الله وش هالريحه الحلوه انا اشم ريحة بيتزا
ود: نعم يا اخي اختك الشيف رهف مسويتها
عبد الرحمن: اوه رهيف وش عندك داخله المطبخ
ود بصوت ما ينسمع لرهف: هذا كله عشان الحبيب
رهف : انطمي ...اشوفك اذا جا عبود ايش تسوين
ود:اصغر عيالك تنادينه عبود
رهف:شفيكم انتي ورجلك... كل ماقلت لكم شي قلتولي اصغر عيالك
عبد الرحمن: شفيكم تتساسرون
ود:ها.... ولاشي بس اختك تقول شرايك نقولك تطلعنا اليوم
عبد الرحمن: عادي اذا ماعندي شي اطلعكم
رهف:هههههههههههه فشلهااااااااااا
عبد الرحمن: شفيك قلت شي؟؟؟
رهف: لا بس انا ماقلت تطلعنا ولاشي بس بغتك تهزأني
عبد الرحمن: وانا اقدر ازعل حبيبتي رهوف
رهف: فديتك والله
ود: مالت عليكم انتو الثنين خلني اروح اشوف امي احسن لي
رهف: امي رايحه بيت جيرانا
ود: متى رايحه
رهف:مدري سالت لين قالت انها رايحه بيت الجيران
ود: اجل اذا جت قولي لي
رهف و عبد الرحمن: حاضر مدام وهم يهزون راسهم
ود: صدق هبلان
عبد الرحمن: كأنها سبتنا
رهف: ماعليك منها وقولي شخبارك مع ذوق
عبد الرحمن: فديتها والله تمام عال العال
رهف: والله انها ماسوت فيك خير
عبد الرحمن: لازم تتخبل علي ماتشوفين جمالي
رهف: وع مادري وش لاقيه فيك
عبد ارحمن: احسن منك يا الطبل
رهف: مالطبل الا انت
عبد الرحمن: خليني الحق اختك احسن لي من القعده وياك
ام عبد الرحمن: السلام عليكم
رهف: وعليكم السلام واخيرا جيتي
ام عبد الرحمن:تدرين يا يمه سوالف الحريم سالفه تجر سالفه ... الا وين اخوانك
رهف: في حجرهم ماعدا حمود سار بيت عمي مع محمد
ام عبد الرحمن: اجل روحي ناديهم خليهم يتغدون
رهف: ان شاءالله
نادت رهف اخوانها ونزلو يتغدون كلهم




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس