[فيتامين سي]

ــــــــــــــستـــــــــ ـــــــــش فى ..
علي جالس يعالج الطفل الي عنده ..
الأب: هآآ يادكتور بشر..
علي ببتسامة وهو جالس يحرك رجول الطفل: لا لاتحاتي ان شاء الله راح يمشي بس لازم تعرضونه لأشعة الشمس لان الشمس تساعد الطفل على المشي .. وولدك شبه عاجز يعني مصيره باذن الله راح يمشي بس لازم تهتمون فيه .. لان عند لين عظآآم ..
الأب : تسلم يادمتور ماقصرت ..
علي ببتسامة :ولو ..هذا وااجبي وملزوم فيه .. بس راح اكتب لك على موعد للطفل يعني بعد اسبوعيين عنده مرااجعه عشآن اشوف حالته اشلون صارت .. وماعليه شر ان شاء الله
الاب : ان شاء الله خير ..
علي : الله كريم ..
الاب : يعطيك العافيه مع السلامة ..
علي : سلااام ..

فارس يكلم الممرضة الي معاه .. يالله نادي الي بعده
الممرضة راحت لفرفة الانتظار للنساء : أريام زيد الـــــــــــ........
اريام قامت ومشت وراء الممرضة ودخلت معاها للغرفة ..وفارس كان مشغول بالاوراق الي قدامه ولارفع راسه
وهو عارف انها اريام بنت عمته بس تجاهل هالشي بالمستشفى وبتعامل مع الكل على انهم مرضى حتى لو كان احد قريب له .. فارس أشر عالكرسي : تفضلي أختي ..
اريام بخجل راحت وجلست على كرسي الاسنان وبينها وبين نفسها : ياربي شالموقف الي نحطيت فيه .. >>ياكره هالموقف اذا عالجك احد من اولاد عايلتك
ترك فارس الاوراق وجا لعندهآ وهويلبس نظارته : شنو مشكلتك أختي اريام ..
اريام وهي ماتناظر له وتناظر قدآم وتأشر على سنهآ : سني بدأ يسوس ..
فارس شغل اللمبة ولبس كمامته وقرب من عندهآ :طيب وريني ..
فتحت فمهآ وغمضت عيونهآآ وفارس يشوف سنها وشنو يحتاج له : لازم احشيها لك ..
اريام تخاف من الأبره مسكينه .. فارس طلب من الممرضة أنها تعطيه الابره وعطتها اياه واريام مسكينه دمعت عيونهآآ استغرب فارس : سمي بالله وان شاء الله مابتألمك وبعدين ترى يدي خفيفة أنا ..
اريام بخوف من الابره : طيب ..
فارس بيدق الابره ماشاف الا اريام بعدت :خلاص خلاص مابي احشيهآآ
فارس وهو بعد عنهآ وميل راسه على جنب : اريام خابرك كبيرة مو صغيرة تخافين من الابره ..
اريام انقهرت منه : لا بس انا والله من متوسط ماعمري حشيت سن ..
فارس وفيه الضحكه بس كتمها : طيب غمضي وسمي بالله واذا وجعتك رفعي يدك .. وبوقف .. طيب .؟
اريام: طيب ..
فارس ضرب الابره واريام ماحست بالالم وبدآ باالآله يحفر السن عشان يحشيه وانتبه ليدينهآآ اشلون رااصه عليهم من الالم .. بس ماعطى نفسه مجال ان يتعاطف مع هالموقف .. من دون شعور اريام مسكت يد فارس وبعدتهآآ فارس هنآآ علامات تعجب عبى وجهه .. واريام تفشششلت : سووري والله ماكنت اقصد بس عورني بقوة
فارس : لالا دايم تصير عندي .. معورة >>بس الي خله فارس يتعجب انها بنت عمته
خلص فارس من اريام .. وجلست على الكرسي الي بجنب مكتبه عشان يكتب لها علاجات لاسنانها :هذي مضمضه داومي عليها لمدة اسبوع ..
اريام وهي هاايمه وسرحاانه .. وفارس يمد لها الورقة وهي بعالم ثاني ..: اريام اريام ..
اريام بارتباك :هآ... آآ نعم..
فارس مابين ابتسامته : تفضلي صرفي هالعلاج اليوم اذا تقدرين ..
اريام :ان شاء الله .. يعطيك العافيه وطلعت من عنده ..


بيــــــــــــــت محمد التلفون يرن ...
الشغالة :الو ..
شهد : السلام ..ماما هنآآ ..
الشغالة :ان ساء الله ..
ام يوسف : نعم ..
شهد : اهليين ..
ام يوسف : من معي ..؟
شهد :انا شهد اخت طلال ..
ام يوسف :ياحي الله شهد .. شخبارك يمة ,.؟
شهد :بخير ياخاله..أنتوا اخباركم ..؟
ام يوسف :الحمدلله من الله ابخير..
شهد : خاله.. ابغاك بموضوع ..
ام يوسف: أأمري يابنتي .
شهد : لا مايصير يالتلفون لازم أجي لعندك .. بس مدري الوقت الي يناسبك..؟
ام يوسف :حياك الله يابنتي باي وقت ..
شهد: اليوم ..؟
ام يوسف :حيااك..
شهد: مع السلامة
ام يوسف :الله يسلمك ..


آروى : يادوبآآ تجين طيب انا بجمعكم كلكم عشآآن نبغآآ نهبب اشووي قبل الاختبارات ..
لجين :ان شاء الله من عنوني ..
أروى :تسلم عنونك ..اوكي بدق على باقي البنات سيآآ ..
لجين :سيآآ ..

أريام : آممممم ان شاء الله مايصير عندي شي وأجي ..
آروى :ريومة عاد والله ازعل اذا ماجيتي ..
اريام قلت لك ايه اجي بس ان شاء الله حزتها مايصير عندي ظرووف ..
آروى :طيب أتمنى تجيين .. سيآآ
اريام :سيآآ ..


آروى : لاتنسين انتي وخواتك زي ماوصيتك مو تنسييييين..
نور : افا عليك .. انا انسى هالاشياء ..لال حبيبتي مانسااها..
اروى :ابعد بنت عمي والله هذا الي احبهآآ ..
نور :ههههههه طيب طيب .. لاتطحين علينا
اروى :مالت .. يالله سيآآ ..
نور :سيوهآآآآآت

دقت اروى على وجود ولطيفة وعزمتهم لانهم من ربعها الي بالجامعه ..
بدر : يمه شسويتي بموضوعي ..
مريم : خلاص انا اليوم بروح بيت عمك .. بس انت ملزم تبيهآآ .
بدر ببتسامة جانبيه : اكيد يمه اجل العب انا ..؟
مريم :الله يكتب الي فيه الخير ..

بغرفة بوتركــــــــــــــــي ..

تركي : يبه ابيك بموضوع ..
عبدالعزيز : أأمر ..قول .؟
تركي متردد : يبه .. آآ ..يبه انا ابي اخطب ..
عبدالعزيز استانس :هذا الساعه المباركة .. حاط ببالك أحد ..؟
تركي ابتسم : ايه يبه ..
عبدالعزيز : ومين .؟
تركي : انت مين تتوقع يبه .. قبل لااقولها .؟
عبدالعزيز : انا شآآك ان الي ببالك سارة بنت عمك ..
تركي ببتسامة :لا لا لا ..
عبدالعزيز :أجل مين..؟
تركي : اريام بنت العمة شريفة >>>ماتوقع بوتركي لان يفكر اولاده يعاملونها على اساس اخت لهم
عبدالعزيز من الفرحة وقف : لاتقول ..؟
تركي :والله يبه ..
عبدالعزيز : رفع ايدينه ..الحمدلله يارب .. زين ماخترت ياولدي .. اريام جنة ..
تركي :ان شاء الله توافق ..
عبدالعزيز: خل ثقتك واملك بالله ..
تركي : والنعم بالله ..


الساعة 8 ونص بالليـــــــــــــــــــل ..
ام يوسف : حي الله من جآآنا
شهد :الله يحيك ..
ريم :وين سارة والبنات ..
حور : اشووي وينزلون ....الا اخبارك ياازهار مع الكلية ان شاء الله تمام .؟
ازهار :الحمدلله تمآآم التماام بعد..

نور : غريبة جايين اهل طلال ..
نوار :اتوقع جيين يخطبون ..
نور : صح عليك اجل بالأولى يزورون بيت عمي بوتركي .. مو بيتنا اذا كانوا زيارة بس شكلهم زي ماقلتي جاايين يخطبون ..
نوار :من تتوقعين ؟
نور : اتوقع سارة .. لانهم ليلة حفلة تركي ماشالوا عينهم عنهآآ وداائما يسئلون عنها حور ..
نوار : جاايز ..!

حور تطق باب غرفة سارى ..
سارة : مين .؟
حور : أنا ..
سارة وهي واقفة قدام التسريحة تتعدل :تفضلي حور ..
حور :هآآ ماخلصتي .؟
سارة :ثواني ونازلة ..
حور :طيب انتظرك ..


نزلوا البنات وجلسوا يسولفون مع خوات طلال ..
ريم : نور انتي شنو تخصصك ..
نور :انا ونوار نفس التخصص علوم طبية تطبيقية ..
ريم :حلو.؟
نور : والله حلو بس يبي له مثابرة ..
ريم:الله يوفقكم ان شاء الله ..
شهد :أخبارك ياسارة مع الطب
سارة ببتسامة ودلع عفوي :والله حلو بس يبي له احس انتظر التخرج بفارق الصبر ..
شهد : طب وشو .؟
سارة :اسنان ..
بعد ماقاموا البنات يجيبون القهوة والحلا .. ويضيفونهم شهد استغلت الفرصة عدم وجود سارة ..
شهد : ام يوسف جايين نطلب اييد سارة لــ طلال ..
ام يوسف : والله يابنتي مايعيبكم شي بس الراي الاول والأخير للبنت ..
شهد : ايه خليها تفكر على راحتها .. وان شاء الله مانختلف مهما كان رايها ايه اولا ..
ام يوسف ببتسامة :الله يكتب الي في الخير..

دق جوال ام يوسف :نعم
ام بدر : هلا ام يوسف..
ام يوسف :اهلين
ام بدر : ان شاء الله بجي عندك الساعه 10 عندك شي .؟
ام يوسف استغربت من جية ام بدر المفجائة:لاحياك ..البيت بيتك
ام بدر :تسلميين مع السلامة

البنات جابوا القهوة والحلا وضيفوا خوات طلال وضلوا يسولفون

شهد : هلا طلال ..
طلال :انا يم البيت ..
شهد :احان طالعين .. الحين وسكرت الجوال
خوات طلال سلموا عليهم قبل لايطلعون ..
ام يوسف:حياكم الله .. تشرفنا بزيارتكم ..
شهد :تسلمين ياخاله ..

البنات على طول سئلوا ام يوسف .. :يمه غريبة اهل طلال جاين ..
سارة :صح غريبة ..
ام يوسف: جايين يخطبون ..
سارة باستهزاء وتلعب بشعرهآآ : أكيد نور هههههه
نور تخصرت :وليه ماتكونين انتي .؟
نوار : لا تتهاوشون خلونا نسمع كل شي ..
حور : سكتوا خلاص ..
ام يوسف : بلاكم قطاوة تتخانقون ..
البنات ضحكوا على كلمة امهم ..: هههههههه
ام يوسف : خوات طلال جايين يخطبون سارة
سارة اختفت ملالمح ضحكتها وعقدت حواجبها ونزلت رجلها :شنو ...أأأأنا ...؟
ام يوسف :ايه انتي ليه مستغربة ..
سارة :ايه بس انا موموافقه
حور :يؤؤ .. والله انك عبيطة مع احترامي لك ..طلال زيين .. وداائما تركي يمدحه..
سارة وقفت وعطتهم ظهرها :ايه بس انا ماابيه رفضت كثيير قبله .. جات عليه هوو .
نور نوار ناظروا بعض ونوار رفعت حاجبها وهمست لــ نور :ماقلت لك تحبه ولازالت تحبه وهو ولد عمنآ
نور :سكتي لاتسمعك ..
قطع عليهم لما سمعوا صوت الباب والتفتوا كلهم للي جاي وشهقوآآآآآآآآ .................
عالساعه 10 الا ربع ..
بالمستشفـــــــــــــــــ ـــــى

علي مر فارس بمكتبه وجلس على طرف الطاولة ..
علي : فارس ودي افاتحك بموضوع ..
فارس وهو يتعلك :سم ياولد العم .
علي : يرحم أأمك عاد لاتتعلك قدامي تدري مااوطن العلك ..
فارس يضحك ويصفق بيدينه : هههههه قوية عاد ماتوااطنه .. خذ كلينكس ورمآآه طيب وهذا العلك ورمينآآه .أأمر ..
علي :عزمت أخطب ..
فارس فز من عالكرسي وعقد حواجبه خوفا على مشاعر سارة : مييييييين .؟
علي يناظر تعابير وجه فارس: طيب ليه انفعلت كذا ..؟
فارس يبتسم ابتسامة مزيفة : لا ..بس لاني حبيت اخوفك واسوي اكششن وبرواااق :طيب من الي قررت تخطبهآآ .؟
علي : بنت العم ..؟
فارس يستهبل وباخلة فرحة كبيرة لوكانت سارة :فيه عايلة عندنا اسمها العم .,.؟
علي قام من على الطاولة :فارس يرحم امك لاتستهبل .. انا اكلمك جد
فارس رحم مشاعره قام ومسكه من اكتافه : ههه طيب والله ابغأ الطف الجو ... طيب أي واحدة فيهم ..؟
علي على نفس وضعه : سارة أختك ..
فارس بينه وبين نفسه وده يصرخ ويقول ياااارب اخير سارة حصلت مناها .. ونفس الوقت وده يضم علي ويبارك له ومايبين له شعور سارة تجاهه: طيب .. انت رجل يعتمد عليك ومايعيبك شي ..
بس لازم تجون وتتقدمون وناخذ رايها..
علي تكتف :اشراايك اكيد هذا الي بيصير...

ام بدر بطريقها مع بدر لبيت اخوها طبعا بعد مااخذوا راي ناصر ..وناصر استانس وفرح لولده ..
بدر: يمه تكفيين ادعي لي..
ام بدر : ان شاء الله والله انا متأملة خير س انت الله يهداك متوتر ..
بدر : ان شاء الله يمه ان شاء الله ..


بيت محـــــــــــــــــمد .. كلهم راحوا لعنده وضموه وبووسه وحضنوه من عظم شوقهم له ..
حور حضنته بقوة لاشعوريا قدام بنات عمها وخالتها بس ارحموها جلسوا عالكنب وخلوهم هم مكانهم يم الباب:اشتقت لك وربي اشتقت لك
يوسف: لهدرجة فرااقي هبلك ..
حور : مافهمت عليك ..
يوسف ايتسم بخبث : يعني افهم منك قمتي تتجرئين وتحضنيني قدام امي وخواتي حور نزلت عيونها على وضعهم ..: اوووب سووري والله ماكان قصدي بس لاشعوريا طلعت مني
يوسف: فديت هــ لاشعوريا ..
حور بدلع :يوســـــــف..
يوسف:اشرايك بالمفجائة
حور :تهبل وضربته على صدره بس مالت عليك ماتخبرني انا عالأقل..
يوسف: نونو ..


دق جرس الباب ويوسف خلى حور تصعد جناحها وراح يوسف للباب وفتحه
ام بدر : الحمدلله على السلامة .. متى رديت ..
يوسف:الله يسلمك عمة توني الحين .. فجاائتهم.. تفضلي دخلي امي داخل
ام بدر : تسلم ياولد الغالي
يوسف صعد للجناح وام بدر جلست مع ام يوسف وبنات اخوها
نوار :عمتي ليه ماجات لجين . . معك ..
ام بدر ترقعها : ههه مدري عنها .. لان يوم اجي هي بغرفتها
نوار :دوبآآ انا اعلمها ..
ام يوسف: حي الله ام بدر مابغيتي تزورينآآ .
ام بدر : الظروف كذا جآآت .. ام بدر غمزت لام يوسف ام يوسف فهمت عليها
ام يوسف: ام بدر قوزمي معي للمجلس الداخلي ابغاك بموضوع ..
ام بدر : ان شاء الله
قاموا ودخلوا االمجلس :امري يام بدر
ام بدر: جاية اطلب منك طلب وان شاء الله ربي يتممه على خير
ام يوسف: لو عيوني ماتغلى عليك ياخت الغالي
ام بدر: اصيلة يام يوسف.. بدر حآن قلبه يبي يخطب .. وسئلته حاط بالك بنت قال ايه قلت له منو قالي .. بنت عمي بويوسف ..
ام يوسف: طيب .؟
ام بدر : بدر يبغآ نوار
ام يوسف ابتسمت وبفرحة : والله لوبيدي عطيتك اياها هدية بس لازم اسئلها واشوف راايها


نور : اقول ساروووه ..
سارة وهي تاكل مكسرات :: همممم
نور : ليه بترفضين وليد او بالاصح رفضتيه ..
سارة وثقت عن الأكل وناظرتها بنظرة ورفعت حاجب : وليه انتي تدخلين بخصوصيات غيرك .. ابغا افهم ..
نور : لا بس ابغا اعرف السبب حرام عليك ياظالمة هذا ...ولا انتظر احسبهم نوارووه حسبي معي ..
كم مرة انخطبت .. ذاك اليوم .. يوم احنا بثانوي ويوم

سارة انهبلت منها وماتت من الضحك على هبال اختها: هههههه صج انك هبلة اذا انا نسيتهم انتي مانسيتي هب عليك ..
نور : قولي لااله الا الله يالعيااانه
سارة تمددت عالكنبة وحطت يدها على بطنها وتلعب بشعره وهآآم تفكيره بعلي : همممم مابرد عليك خليني بس..

طلعت ام بدر مع ام يوسف من المجلس ودق جوال ام بدر .. يسئلها بدر اذا خلصت ولا لا وقالت له خلصت قالها انا انتظرك بجنب البيت .. وطلعت ام بدر ولزمت عليها ام يوسف تتعشآآ بس ام بدر قالت ماقدر ان شاء الله مرة ثانية
سارة نطت عند امها: الا شعندهآآ عمتي مريم ..
ام يوسف: اليوم يوم الخطبة العالمي ..
نور تركت الصحن الي بيدهآآ ونطت عند امها .. : صدق يمة ومنو بعد ..؟
نوار تاكل وبكل ثقة : أكيد انتي يانويير
ام يوسف تناظر لــ نوار :وليه ماتكونين انتي اينوار
نور هنا وقف قلبهآ من هول الصدمة تحس نفسهآآ بتموت من القهر ..
نوار وقفت فجائة عن الأكل وحطت الصحن عالطاولة ..سارة عقدت حواجبهآآ : يمه لاتكلمين بالالغاز ..
ام يوسف: طبعا لاعن بيت طلال ولا عن بيت عمتك لاتكلم أي واحدة منكم قدام ابوها انا راح اكلمه وهو بيشوف رايكم لان انا ماقدر اتفاهم معاكم وخاصة انتي ياسارة تعبت معك من كثر الرفض..
طبعا ام بدر جاية تخطب نوار لــ بدر .. نور هنا مسكت دموعها وسوت نفسها مو مهتمه ونوار تبادلها نفس النظارت الحزينة
نور :أووه من قدك ..
نوار:افهمت نبرة وحركة اختها .. ابتسمت ابتسامة مزيفة ..
دخل الوالد عليهم .. بتكلمه ام يوسف بالموضوع الا ويدخل فارس ..
ام يوسف: نور نوار سارة على غرفكم ونادي ليوسف وانتي صاعدة ..
سارة :ان شاء الله يمة
فارس:ليه يمه صعدتيهم
ام يوسف:عندي كلام بقوله لكم وانتوا تصرفوا بلي تشفونه صح ..
الوالد وفارس بتعجب :كـــــــــلأام..
دخل عبدالله وشافهم جالسين .. : أووه اليوم فارس مبكر ..
فارس : لا والله ... ياشيخ انت الي جاي مبكر مو انا طالع الساعه كم..
عبدالله يناظر للساعة :: آآه صح


بوتركي وجنبه تركي بالجوال : السلام عليكم
شريفة :وعليكم السلام..هلا باخوي ..
بوتركي : تسلمين يالغاليه ..طالبك طلب ولاترديني ..
شريفة : سم ياخوي .. لو عيوني ماتغلى عليك ..
بوتركي : تركي يبغآ يكمل نص دينه .. ووده في اريام ..


انتهى البارت الخامس..

انتظروني بالبـــــــــــارت السادس..

توقعآآتكم ..!!