[فيتامين سي]

((البارت السادس))

بوتركي وجنبه تركي بالجوال : السلام عليكم
شريفة :وعليكم السلام..هلا باخوي ..
بوتركي : تسلمين يالغاليه ..طالبك طلب ولاترديني ..
شريفة : سم ياخوي .. لو عيوني ماتغلى عليك ..
بوتركي : تركي يبغآ يكمل نص دينه .. ووده في اريام ..
شريفة ببتسامة : البنت بنتك ياخوي وانت ابصر بمصلحتها .. انا ماعندي مانع بس لازم اشوف راايهآ ..
تركي ومتحمس وهو يناظر ابوه ويأشر لأبوه وبصوت منخفض : شقالت يبه .؟
بوتركي وهويهدي ولد ويأشر له وهو يكلم أخته : تسلمين يالغاليه بس انتي شووفي رايها وردي علي وخليها تفكر على مهلها لا تعجلينها ..
شريفة :ان شاء الله ..


سارة تضرب باب جناح يوسف : يوسف ... يوسف ..
يوسف وهو عالسرير وبحضنه حور : يالييييل .. منهم .. جااين بوقت مو مناسب ابد..
حور ضحكت بدلع : والله عليك طلعآآت يايوسف ..
يوسف وهو يقرص خدهآآ: شقصدك ..؟
حور : سووووفي .. والله ماقصدي شي ..
سارة وتطق الباب بقوة >>متعمدة : يوسف امي تبغاك تحت
يوسف : هذا الي بقوم وبذبحهآآ
قام يوسف من على السرير وفتح الباب : خير .. امري.. تدللي..
سارة كاتمة ضحكتهآ : أمي تبيك تحت بموضوع ضروري..
يوسف وهو يناظر الساعه : اوكي اوكي .. دقايق ونازل..
سكر الباب وراح عند المرايا يضبط حاله : حورري انا بنزل تمي تبيني بموضوع ..
قامت حور من السرير وحضنته من وراه وراسه على كتفه : حبيبي والله قهر .. تنزل وانت لساتك جاي
يوسف لف عليها ولف يدينه على خصرهآ وهي لفت يدينها على رقبته : امموت انا بهالصوت .. والغنج ..
حور : نزلت راسهآ : طيب لاتتأخر على خالتي انزل .. انتظرك ماراح انام ..
يوسف وعطآها بوسه بعنقهآ : ان شاء الله ... اذا تأخرت نآمي طيب حووبي ..
حور وبدلع عفوي: هذا اذا قدرت ..
نزل يوسف تحت .. والبنات راحوا على غرفهم ..
سلم على أبوه وباس راسه : هلا يبه ..
بويوسف : متى جيت انت .. توني استوعب ومن ساعه تقول امك نادوا يوسف وتوني انتبه انك مسافر وجيت
يوسف : ههههههه .. سويتها سربرايز..
سلم يوسف على فارس .. بس ماسلم على عبدالله لان مازالوا كل واحد ماخذ خاطره على الثاني من الموقف الي صار بينهم .. طبعا ماحد تكلم لان عارفين الوضع بين بعض..
ام يوسف : اليوم جآوا ناس ..
بويوسف : ومين ..؟
يوسف : من وين عايلتهم
فارس: كملي ..
عبدالله مستمع بس>>خخخ
ام يوسف : طلال الـ ...... الي يعرف تركي .. اهله جاييين ..
بويوسف: وبعدين .؟
ام يوسف : طالبين يد سارة لطلال ..
يوسف رفع حاجبه : طيب..؟؟
فارس وقف : لآآآآآآآآآ ..
استغربوا كلهم من ردة فارس المفاجئة..
بويوسف : فارس الله يهداك ليه لا .. انت تعرف شي احنا مانعرفه ..
يوسف : فارس يرحم والديك في شي .؟
فارس بارتباك : لا مافي شي ... ويرقع السالفة .. بس فارس لسآآ باقي له سنتين ببريطانيا .. وانا مابي سارة تتغرب ..
>>>طبعا البنات وااقفين قريب من الدرج يبون يسمعون شنو الي بيدور بين اخوانهم وامهم وابوهم ..
سارة بصوت خافت ورفعت يدها : يييييس
نوار : الله يدوم الفرحة اخت سارة ..
سارة ضربتها على راسها بالخفيف: سكتي انتي خل نسمع ..
يوسف : وشفيها لوراحت وياه ..
فارس جلس عالكنبه :سارة ماتتغرب ..
بويوسف وام يوسف: الراي الاول والاخير لسارة ماحد له سلطة عليها ..
يوسف: خلصتي كلامك يمه ..
ام يوسف : باقي موضوع ثاني ..
بويوسف: قولي يام يوسف..
ام يوسف: قبل لاتجون جات عندي اختك مريم وطلبت يد نوار .. لـ بدر..
بويوسف: بدر والنعم فيه وعاقل ويعتمد عليه ورجل .. يعني ماينرفض..
نور ماسكة دموعهآ ناظرت لنوار .. نوار مسكت يد نور وتحسسها بالامان وكأنها تقول لها لاتخافين ماراح اوافق..

يوسف: بدر مااحتك معاه كثير .. بس رجل صراحة ..
فارس مبتسم : الله يابدوور .. تخطب وانت اصغر مني..
أم يوسف: تعبت وانا احن عليك
فارس قام جنب امه وباس يدها وراسها : افا عليك يام يوسف .. والله انتظري علي بس الاقي البنت الي احسها تناسبني .. واخليك تخطبينها لي ..

بويوسف : اريام بنت عمتك شريفة ..
يوسف: واروى ولجين .. طب وتخير.. هههه
فارس : يعني مشروع زواج عندكم هههه..
عبدالله : يبه ..
يوسف ويناظره باشمئزاز بس عبدالله مو معطيه وجهه ..
بويوسف: آآمر يبه ..
عبدالله : ميامر عليك ظالم .. ترى بدر ينحط عالجرح يبرى .. لاترفضونه ماظن تلاقون احسن منه ..
استغربوا من رد عبدالله وكمل : تصبحون على خير بصعد انام
ام يوسف: ماتعشيت
عبدالله: متعشي مع ربعي ..
البنات هربوا على طول لغرفتهم عشان لايششوفهم عبدالله ..
فارس بعااااااالم ثاني..
يوسف: بوشباب وين مسرح ..
فارس بارتباك : هآآ لا بس مصدع >>طبعا تذكر الموقف الي صار يوم اريام تمسك يده بطريقة عفوية والموقف انطبع بعقله . بس يحاول يتجاهله بقد مايقدر...



علي عند رجول ابوه وحاط ايدينه بيدين ابوه : تكفى يبه الحين دق..
بوتركي عالكنبه : الوقت متأخر اشوي وعمك يادووبه طالع من الشركة .. قووم وجلس زي الناس
تركي وميت ضحك : هههههه والله وتبي تصير معرس .. ياعلي
علييلتفت عليه: اقول ورى ماتسكت .. لاتوترني اكثر ماني متوتر... ها يبه تكفى الحين
بوتركي :امري لله ..
علي : هييييييييييييييه
آروى توهآآ نازلة من غرفتها : اووه مجمعين ..
تركي :تعالي حبيبتي .. انا ابيك..
آروى ابتسمت : آآمر يالغالي..
تركي : بقولك شي بس هآآ توعديني ماحد يدري .. وتراني متعمد اقولك قبل حور وعلي
آروى تحمست : شنو واوعدك ماحد يدري ابد ..

بوتركي: هلا اخوي بويوسف.شخبارك.؟
بويوسف:هلا والله ابخير الحمدلله .. انت شخبارك ..؟
بوتركي: الحمدلله من الله ابخير.... ابغا اكلمك بموضوع ..
بويوسف:أمر.؟؟
بوتركي: علي حان قلبه على الزواج ويبي سارة .. والله مستحي داق عليك بوقت متأخر بس الله يهداه حن علي..
بويوسف: لالا اشدعووة .. أي وقت خذ راحتك .. انا عن نفسي موافق بس لازم اشوف رايهآآ>>فارس عرف ان موضوع علي ورسل رساله لعلي ..: ( هآآ اشوفغك معزم ..ياخي كان صبرت لبكرآى ماهي طايرة البنت ههه))
رسل له علي ( والله شسوي .. انا ابيها .. ولاتستغرب اذا الملكة والزواج بشهر ههه)
فارس( اثقل ياولد)

بويوسف وبوتركي خلصت مكلمتهم ..
علي : هآآ بشر يبه ..
بوتركي: بيشوف رايهآ..
آروى : شعندكـ ........
تركي ماخلاها تكمل حط يده على فمهآ :ماتبين تسنعين الي بقوله ..
اروى :سووري نسيت ..
تركي يهمس باذنها :خطبت اريام .. بس باقي يردون علينا موافقتها..
اروى لاشعوريا نقزت من مكانها: آآآو مااااااي قوود وناااااااسه تركي ..
تركي وهو هاايم ببرائة اخته غمز لها : فديتك ..
علي مستغرب : اشفيك انت وياها امهبلتوا ..
بوتركي: نسيت اقولك ان تركي اخوك ..
تركي قاطعه: لاااا يبه .. احرق اعصابه اشووي
بورتكي : ههه والله انك شيين ..لا بقوله .. اخوك تركي خطب اريام ..
علي قام لاخو وتكتف : أي الخاين وليه ماقلت لي..
تركي وقف نفس الوقفه ونفس الحركة ويبتسم ابتسامة جانبيه : يامعود خل توافق ويصير خير..
علي كعاته مزحه الدفش مع اخوه تركي خذه واسدحه عالكنب وتشابكوا وهم ميتين ضحك بوتركي ضحك عليهم وهز راسه وصعد بيناام .. اروى تساعد تركي ..
تركي : ايه اروى ضربيه
علي: والله اعلمك انتي دواك عندي
اروى : ههههه عندي من يحميني ..
تركي وبغلب علي على وجهه وهو على ظهره ولااف يد علي لــ ورا ..
اروى تلعب بشعر علي ..
علي : تركتي تركي والي يرحم والديك مو قادر اتنفس هههههه
تركي : بعتقك لوجه الله
علي: شقالوا لك عبد ..
واستهبلوا لحد ماقاموا وجلسوا عالكنبه ..

يوسف ومشبيك ايدينه : الأولى علي توافق عليه سارة ..
فارس: الامر راجع لها ابكيفهآ >> وااااضح خخخ
ام يوسف: والله انا من رايي علي عارفينه رجل والنعم فيه هم طلال بس علي منآآ وفينآآ مايحتاج نسئل عنه ..

بويوسف: انا بكلمها وبشوف رايها .. عن اذنكم
يوسف : وانا بعد عن اذنكم بصعد اريح
فارس بخبث لأخوه ويغمز له : متأكد بتريح
يوسف ايتسم ابتسامة جانبيه ولف على امه : يمه زوجيه قبل لايهبلني ..
فارس: ؤؤما عاد ..

طلال : والله.. اشفيك مومصدق ..
تركي : لا بس سبحان الله انا وانت خطبنا بنفس اليوم ..
طلال: سبحان الله
تركي: خلاص اجل اخليك لاني بنام .
طلال : اوكي
تركي: سلاام ..
طلال : مع السلامة..
تركي طللع من غرفته على طول لغرفة علي : علي نمت
علي : لالا ادخل
تركي : بقولك شي بس هآآ مابي احد يدري ..
علي ويأشر على عيونه : تطمن ..
تركي : تدري ان اليوم خويي طلال خطب
علي : ايه وشفيها ههه
تركي: مافيها شي ..بس الي فيها ان خطب .....
علي : منو ؟؟ كمل
تركي : سارة بنت عمي ..
علي وفز من مكانه : لاتقوووووول
تركي :اقسم لك بالله ..
علي ويمسح على شعره : ياالله اشلون كذاا ..وليه عمي ماقال لابوي..
تركي: هذا الي شغل بالي ليه عمي ماقال لابوي ..
علي : تركي أنا حبيتها .. حبيتها ياتركي..
تركي مستغرب ومسك كتف اخوه : علي انت تحب سارة .؟
علي : صار موقف وهالموقف خلاني احبهآ .. بس ماقدر اقول ماقدر
تركي :طيب هد نفسك وان شاء الله بكرة يصير خير..
علي : اشرايك ادق على فارس..
تركي :لالا .. خلها بكرة وشوف يقولك فارس ولا لا..؟
علي :عدل كلامك
تركي: يالله نام ولا تفكر بشي ولا بتخليني اتندم اني قلت لك ...
علي: ان شاء الله بس دعواتك
تركي ببتسامة: ان شاء الله .. تصبح على خير..