[فيتامين سي]

((البارت العـاشر))

بعد مرور شهــــــــــــــر .. وتفكير سارة برفض مين وموافقتها على مين ..
ولجين برفضهآآ لأخو نجود ..
وبعد ماتأقلم يوسف بوضع حور كونها حامل
وهو يقول مبكر عالحمل .. عشان كذا توتر بالبداية بس بعدها اقتنع ..

سارة بعد تفكير طويل لابوها وامها : انا موافقه ..
الام والابو : منو عليه ؟؟


تركي : اقول يبه ..
عبدالعزيز : قول ..
تركي : يبه اسبوع الجآي ابغآ املك ..
عبدالعزيز : خلاص انا اكلم عمتك ..
تركي : ايه خلاص كلمهآآ ..تراني مستعجل .. بينه وبين نفسه : والله لأعيشك بدوامة يااريام ..
علي مسرح ومالا خلق نفسه ..عبدالعزيز : اشفيك علي ..؟
علي بارتباك : هآ .. لالا مافيني شي بس بقوم اطلع اشوي ..
تركي وهو يشرب الكآآفي : لا يبه معليك منه هو متوتر من موضوع بنت اخوك الي ماردت لحد الأن ياخي الموضوع خذ شهر وشوي .. وهي ماردت
تدري يبه انو بنات اختك واخوك شايفين حالهم على وشو مدري ..
عبدالعزيز يضحك على كلامه : ههههه .. والله انك شيين ياتركي ..
تركي: وانا عند ربي صادق..يعني مدري عليهم طلعآآت ..

قام علي بيطلع الا رن جوال ابوه : هذا عمك بويوسف ..
علي فز قلبه ونفس الوقت يئس: اكيد بخصوص اشغالكم ..
عبدالعزيز : انتظر يمكن بخصوص سارة ..
علي تكتف وميل راسه : ننتظر ونشوف اخرتهآ ..>>علي مرة حنون وقلبه طيب ومايقسى لو شو يصير عكس تركي خخخ
عبدالعزيز : هلا بويوسف..
محمد: هلا هلا فيك .. شخبارك ..؟
عبدالعزيز : والله من الله ابخير .. انت شخبارك وشخبار العيال ..؟
محمد : مشييين والله .. الحمدلله .. بس داق عليك بخصوص موضوع سارة وعلي ..
عبدالعزيز وعطى ولده نظرة ببتسامة : اشفيهم سارة وعلي..!
محمد : ههه لا مافيهم الا كل خير .. بس سارة وعلي خلاص على بركة الله ..
عبدالعزيز من الفرحة وقف : الحمدلله .. مابغت تفكر بنت اخوي .. يالله الله يبارك لهم ان شاء الله ..
محمد :هههه اللهم امين .. بس حبيت اخبرك ..
عبدالعزيز : الله يسلمك ياخوي ماقصرت ان شاء الله كم يوم ونتفاهم على كل شي ..

علي فك ايدينه الي مكتفهآآ وارجعت له الحياة من جديد واخوه تركي وقف واحضنوا بعض وقاموا يغنون ويدبكوون ويصفقون .. من الفرحة ..
آروى توهآ داخلة عليهم وتتحمد ورافعه حواجبها: الحمدلله والشكر .. شفيكم ..؟
علي وتركي راحوا لها وعفسوا شعرهآآ وجننوها وبعدها خلوها بالوسط وكل واحد منهم مسكها من يدها من جهة وخلوها تدبك معاهم وهم يغنون
عبدالعزيز :هههههه الله يخليكم يارب ..بس صج انهبلتوآى رسمي ..
آروى ومستغربة من تصرف اخوانها وتحاول تفلت ايدينهآ منهم : قولي لي اشفيييييييكم .؟.
علي توى تاركهآ وجلس عتالكنبة ويتنفس بسرعه وتركي لازال ماسكهآ : سارة ..
آروى : اشفيهآ.؟
علي : يعني شفيها وافقت ..
آروى مبتسمه : مبروك .. والله وبتخلوني بروحي ..
علي : اشدعوة انا وتركي مزروعين بالبيت يعني مابنسكن برى ..
آروى :اخاف تتغيرون اذا تزوجتوا..
تركي لف يده على كتفهآ:لاتخافين احنا لك .. ماانخلقت الحرمة الي تغيرنا عليك
آروى بتوضيح : نو تركي مو الزوجة اقصد .. اقصد يعني يمكن وضع حياتكم يتغير ..
علي : يمكن والله كلامك صح بس لاتخافين انتي مثل مانتي مابنتغير عليك ..
آروى تكتفت وميلت راسها: نشوف ...قالتها لي حور ..
تركي: ياام الشباب حور مو ااحنا..


فارس : مبروك ياالدخس.. والله وبتصير معرس..
علي : مالقيت الا دخس .. مالت عليك .. المهم الله يبارك فيك .. ونشوفك معرس بعد ..
فارس : الله كريم ..
علي : الا تعال انت وي فيسك ليه ماتجون انت واخوك عندنآ بالبيت بدال مجرجرين روحكم بالفنادق ..
فارس: لالا والله مرتاحين بس تننتظر عمك متى يرخص لعبدالله بدخلة البيت ..
علي : الله يكتب الي فيه الخير
فارس: يالله اخليك لأن الحين بنروح الشرطة اليوم الجلد
علي كشر بوزجههآ : اووووف الله يعينه والله .. كم جلدة ..
فارس : 50 جلدة .. طبعا هو تنازل بس على قولتهم لازم القانون ياخذ مجراه حتى بعد التنازل كعقاب يعني عشان لايكررها
علي: الله يعينه ..




ســــارة بغرفتهآ تجي لها مسجات ربعها يباركون لها بخطبتهآآ ..وهي الدنيا مو سايعتها من الفرحة .. بينها وبين نفسهآ : والله ورفعت ضغطك ياعلي وتو الناس
حتى بعد الزواج برفع ضغطك مع اني احبك والله ولاارضاها عليك بس .. معليه تحملني اشووي ..وابتسمت بخبث ..




يوسف : حوري اسبوع الجآي جهزي حالك ..
حور وعالمرآيا ترتب شعرهآ :آمممم على وين ..
يوسف وهو جالس عالسرير ويثبت ايدينه على وراء على السرير وحاط راسه على كتفه : انتي جهزي ملابسك لمدة اسبوعين ولا عليك ..
حور لفت عليه وبدلع : لآآ ياشيخ .. لازم اعرف وين ..
يوسف قام لهآ ويلعب بخصلات شعرهآ : يعني ضروري. ؟
حور مصرة: وابو الضروري بعد ..
يوسف هآآم بدلعها واصرارهآآ الي كله ببرائة : وقربها منه اكثر .. بنساافر ..
حور : صج ...؟؟
يوسف : وابو الصج بعد .. بس على وين خليها بعدين ..
حور بعفوية وميلت راسها : طيب .. خلاص ..


عبدالعزيز طلع هو واعياله .. راحوا على بيت شريفة ..
عبد العزيز : ياختي ترى تركي يبي يملك اسوبع الجاي.. مو مرتبطين.؟
شريفة :لا بس لازم اخذ راي اريام اشوف ماعندها شي
تركي بخبث ولعاانه : لا عمة انا رسلن لها عالجوال وقالت ان اوكي ماعندها شي .. ورضت
شريفة : خلاص ادآم كذا ماقدر اقول شي

بعد ماطلعوا .. : اريام اشلون ماتخبريني عن المبكة
اريام باستغراب وعقدت حواحبها : اي ملكة يمة ..
شريفة :يعني تسوين حالك ماتدرين تو خالك واعياله طالعين من عندي ويقول ان الملكة اسبوع الجآي .
اريام شهقت : وليه ماتاخذون رايي ..
شريفة بعد تصديق: قلنا بناخذ رايك بس تركي قال ان رسلك عالجوال وانتي موافقه على وقت الملكة ..
اريام بينها وبين نفسهآ : ياالله ليه يكذب ويسوي كل شي على كيفه وهو من الاساس مارسل.. لأمها: اساسا مارسلي ولا قالي ولا شي وعلى اي اساس يرسل لي ..
شريفه استغربت : معقوله تركي بيكذب.. شنو مصلحته .؟
اريام بقهر: سووري ماما انا الي اكذب وتركي معصوم من الكذب .. خلاص دآم عاجبكم وقت الملكة ولا عندكم اي اعتراض سووا الي تبونه الظاهر بتمشوني على كيفكم
شريفة : اريام والله انا ماقصدي الي فهمتيه .. بس تركي يقول رسل وانتي تقولين مارسل .. وانا مو عارفة منو اصدق..
اريام وقفت : خلاص يمة صدقوا تركي .. ومشت وبعدهآآ تراجعت .. آآوه صح لازم هالاسبوع أجل اروح السوق واشتري المستلزمآت للملكة ..
وصعدت غررفتهآآ وهي بقمة القهر والحزن ودموعهآآ بعيونهآآ اثناء ماهي صاعده نزلت دموعها ودخلت غرفتها ولا شغلت النور وعلى طول على سريرهآ وتغطت بديبآآجهآآ .. اريام من النوع الكتومة بس تحس نفسهآآ منضغطة
وتبي تفرغ الي فيها.. مالقت الا صورة ابوها الي هي حطتها خلفية بجوالها .. : آآه يايبه تعبت وربي تعبت .. ليه يسوي فيني كذا وهذا ولد خالي ويسوي فيني كذآآ .. يبه
خلاص تكفى أخذني معك .. ماعدت احب الحيآآة .. انا تعبت .. من وين بلاقيهآآ .. يايبه من وين ..!!



بعد ماطلع بوتركي من بيت .. اخته شريفة.. راح على بيت اخوه محمد ..

بويوسف : حي الله من جآآنآآ ..
بوتركي: الله يحييك.. اكثر ياخوي
يوسف: والله ياعمي .. زين دخلت بيتنآآ من زمآن عنك ..
بوتركي مبتسم: شوف نفسك يايوسف من كثر جياتك..
يوسف ابتسم : واحدة بواحدة ياعم ..
بوتركي: سمها مثل ماتبي..
بويوسف : والله هالفترة صايرين قاطعين كلنا من غير زعل . واعم نفسي وياكم
علي ببتسامة : اشدعوة عمي ... بس لابد الواحد تحصله ظروف تجبره على شي هو مايبغآه ..
يوسف صفق له : اشهد لك يابن العم ..
حور نزلت : وسلمت على ابوها وباست راسه وسلمت على اخوانها ..
تركي : هآآ شخبآآ صاحبي ..
يوسف استغرب وعقد حواجبه تركي ضحك عليه : هههههههه اشفيك مستغرب ..
يوسف: لا بس من تقصد .؟
حور كاتمة ضحكتها عن تحرج يوسف: لاآآ يعني .. شقولك .. آمممم ..ويوسف يناظرها وهو على وضعه :كملي ..
حور : يقصد الي ببطني .. فهمت..
يوسف :أهـــــآآ .. لو يطلع على خاله تركي أتبرا منه ..
تركي : لا ياشيخ أحمد ربك ..
علي بثقه وهو يعدل كلر ثوبه: لالا يطلع علي احسن ..
يوسف يحط رجل على رجل ويرجع ايدينه وراء راسه >>جلسته المفضله خخ : ايه علي آمنا بالله بس تركي انتحر ..
تركي ناظره بنص عين وبمزح : زودتها يارجل..
يوسف يغمز له .: امزح معآك ياشيخ ..

بوتركي: حور بالمناسبة احنا جايين نحدد ملكة سارة وعلي ..اقصد نتفق على تحديدهآ.. وترى تركي
خلاص حددنآآهآ ..
حور باستغراب : ومتى ..؟
تركي عفس وجهه: تونآ طالعين من بيت عمتي شريفة .. ليه مستغربه
حور : لا بس فكرت اني اخر من يعلم وعلى متى ان شاء الله ..
بوتركي : ان شاء الله على اسوبع الجآي يوم الاثنين ..
حور ناظرت في يوسف وكأنها تقوله يعني مابحضر بسبب السفر : يوسف اسوبع الجاي ملكة تركي ..
يوسف نآظرهآ وكآن يقولها نأجلها لعيونك: ايه واذا عادي اكيد بنحضر ..
حور تطمنت ابتسمت له ..

بوتركي : اشرايك ياخوي بويوسف .. نخلي ملكة تركي وعلي بيوم ..
بويوسف : علي عنده مانع ..
علي : لا عمي انا عادي ماعندي اي مانع بس حبذا تكون اسوبع الجاي ..وابتسم ..

يوسف: ايه خلوها بيوم لان احنا يوم الاربعاء مسافرين انا وحور ..

بوتركي وبويوسف: ولييه ..؟
يوسف عدل جلسته : لا خير .. بس حاابين نغير جوو ..
تركي وغمز بخبث ليوسف: آآخس عليك ياولد العم وتغير جو بعد .. اثرك مو سهل ..
يوسف ابتسم ابتسامه كأن يوقله فهمت شتقصد: اقول بلا ماتسكت لاقوم عليك ..
تركي: برحمك عشآن لاتذوب علينا بس ..
حور استحت : آمم عن اذنكم بجيب لكم شي تشربونه ..
ام يوسف: حور يايمة ارتاحي كم مرة اقولك ارتاحي ..
حور: لاتخافين علي يايمة والله ابخير ومافيني شي ..
ام يوسف: ان شاء الله .. ابوك جاي بخصوص الملكة ؟
حور وهي تجهز الكاسات وتصب العصير: ايه ..
ام يوسف: خير ان شاء الله ..
حور ابتسمت ..

>>>يتبع