[فيتامين سي]

((البارت الحادي عشر))

حور : بنات لبسوا عبايتكم تريك بيدخل ..
اريام قلبها يدق طبول :....
اروى : اريم مرتبكة ..
اريام : طبيعي بماان اول مرة يشوفني ..
اروى ببتسامة : تركي طيب لاتخافين
اريام بينها وبين نفسهآآ : نشووف




وقفت اريآم على مآيدخل تركي
خالد بخبث: اقول لآتروح وطي بس
تركي ((يضبط ااشماغه الي مسويه معفس >>مدري شسمونها هالتشخيصه )) مبتسم: خويلد لاتزودهآ وتخليني صج اروح وطي
فارس بهمس مسك يد تركي وسحبه على جنب: تركي ماوصيك اريآم فقدت ابوهآ من صغر يعني حآول تعوضهآ عن حنان ابوها
تركي تآثر بقوة: ان شآء الله بن عمي لاتوصي
تركي يستهبل: يالله بدخل ادعوا لي
بدر : داخل معركة ههههههه
الكل: ادخل ولايكثر

دخل تركي وابوه عن يمينه وعمه عن يسآره واريام منزله راسها من الحيآ وجاعلى بالها ابوها على طول قرب منها تركي وهو منبهر بجمالها ونعومتهآ
وصل لعندهآ وامها بجنبها طبعا
مسكها من اكتآفها وباس جبينهآ: مبروك عليك
اريام بخجل : الله يبارك فيك
بويوسف بعد ماسلم على خواته هو وبوتركي راحوا لعند اريام وباركوا لها ووصوا تركي بأريام
تركي ويناظر اريام الي منزله راسها ومبتسم ومسك يدهآ بجرئه:لاتوصون اريام بعيوني
اريام تحس جسمها قلب حآر وتحاول تسحب يدها لانها حست انظار البنات كلها عليها وهي مستحية
تركي بهمس مبتسم بخبث: كل هذا حيآ
اريام ناظرته: قدر حيآي اشوي شوف البنات كيف يناظرون وانا ماستحمل هالنظرات حتى لوعن مزح
تركي بخبث وغمز: عادي تركيهم ونآظريني انا وبس
اريام تبي تصرف كلامه ابتسمت :.........
حور وآروى : يالله تركي لبسها الشبكة ..
اريام وتركي وقفوا عشان تركي يلبسها الشبكة والدبلة تركي وعينه بعين اريام واريام عينها بعينه :خطييييرة يابنت العمه ..
اريام قلبها دق بقوة من كلامه : ..........
تركي بخبث: أأأوب كل هذا حيآآ .. أجل رحت وطي اذا حيآآك لهدرجة ..
اريام نظرت له نظرة كانها تقوله لوسمحت لاتزودهآ :........
تركي غمز لها وبدأ يلبسها الشبكة وبعدهآ لبسها الدبلة وهي لبسته الدبلة ويناظر لأصابعها وكأن بياكلهم >> الله يعينك يااريام ^_*
قطعوا الكيك واكلوا بعض وشربوا بعض ..وكل ماتسحب اريام الكاس من تركي تركي يمسكه بفمه كأن يقولها عاجبني الوضع ويناظر لها بخبث >>يجننهآآ


آروى لانها تموت على تركي جلست بجنبه على يد الكنبة : تركي ..
تركي التفت عليهآ : عيونه .
اروى وهي تمسح على كتفه : آممممم مبروك ((وابتسمت))
تركي : الله يبارك فيك وقولي اامين .. عقبال مافرح فيك ..
اروى ابتسمت ..: الله كريم ..
تركي : آروى
اروى : هممم
تركي مبتسم : قومي رقصي ..
اروى: يؤؤ تركي استحي والله ..
تركي بخبث : آووه والله ونستحي قومي رقصي ومسكي يد حور عن الحيآ .
اروى : تركيييييي ..
تركي يقلد عليها : اروووووووى ..
اروى : لاتقلد ..
تركي بنفس نبرتها : لاتقلد ..
اروى : ياربييييييييي..
تركي : برحمك ماراح اقدل بس قومي رقصي ..
اروى وقامت من على يد الكنبة : طيب احط اغنية تطرب ..وبعدهآآ حطت اغنيه ((هلي لاتحرموني منه))
وسحبت حور من يدهآ : هيي انتي مجنونه انا حامل واخاف على الي ببطني مو عايفته ..

اروى : ياالله منك بس حركي ايدينك استحي لحالي..
حور : يمة منك طيب طيب
اروى ببتسامة :ايه هذا حوري .. وقامت معاها حور وحور بس عن نفس اختها مسكت يدها وحركتها ..
اما اروى ضلت ترقص حتى بعد ماحور خلتها >>كله عشان تركي لانها تحبه حييل ..
بعدها الكل لفت نظره وقفة تركي وراح مشى لعند اخته وطلع من جيبه فلوس ورماها عليها وبعدها مسك يدينها وقام يرقص معاها عالخفبف
واروى مستحيه ونفس الوقت فرحااانه .. اريا وصلت حدها من تصرفه بس مابينت للي حوليها اريام من النوع ال تحب الرجل رزيين ماتحبه يرقص ومدري شنوو
البنات طايحين تصفق ويصافرون لها ..
حور : اريام اشفيك..
اريام بارتباك:هآ مافيني شي ليه.؟
حور :لا بس شفتك سااكته ومسرحه ..
اريام بتسامة مصطنعه: لا بس احس نفسي مصدعة اشوي السي دي صوته عالي مرة ..
حور ببتسامة: هه انتهت الاغنيه والكل شوفة عينك بيمشي ..
اريام دق قلبها انها بتكون مع تركي لحالها بينها وبين نفسها: ياالله هذا اذا مع اخته وقدام اهله جريئ اشلون معااي لا ولحالنا ..
شريفة : اريام اريام
اريام مسرحه بعالم ثاني ..
شريفة حطت يدها على كتفها: اريااااام
اريام بارتباك: هآ يمه ...
شريفة : تركي ..((واشرت لها عليه))
لفت اريام الجهة الثانيه وشافته جالس انبهرت انها ماحست بجلسته جنبها :........
تركي ببتسامة خبث تخفي وراها الف شي وشي بهمس: مسرحــــــــــــــين ..
اريام بخوف : لا بس راسي عورني من السي دي ..
تركي بخبث وعدم تصديق: اهــــــــــــــــــآآآ قلتي لي من السي دي ..
حور : يالله انا بمشي يوسف ينتظرني .. وسلمت على اريا الف الف مبروك يالغاليه .. وسلمت على اخوها : مبروك اريام تراها غاليه
هالله هالله فيها ..
اروى سلمت على اريام وباركت لها وراحت لعند تركي وضربته على صدره بالخفيف : بتروح عني يالدب ..
تركي بضحة مستانس على برائة اخته : ههههههههههههه ياعمري اروى .. وحضنها وبهمس هالله هالله بنفسك انا عالفجر او قبل رااج البيت ان شاء الله
اروى وحابسة دموعها : ان شاء الله
تركي بعدهآآ : الدموع هذي مابي اشوفهآ ..
اروى ببتسامة رضآ : ان شاء الله ..


البنات كلهم مشوا بعد ماسلموا على اريام .. مابقى الا تركي واريام وشريفة ..

شريفة : يالله انا اخليكم بصعد ارتاح ..تركي البيت بيتك خذ راحتك بس هآآ ماوصيك بنتي هذي بنت الغالي ..
اريام كأن احد طعنها بخنجر يوم سمعت كلمةالغالي بينها وبين نفسهآ : آآه ليته الغالي موجود يايمة كان ماصار فيني كذا بس الحمدلله على كل حال
تركي : افا ياعمة توصيني على روحي .. اريام بعيوني ..((وقرب منها ولف يده على كتوفها اريام حست كآن جسمها حاار وقلبها يدق بقوة ))
شريفة: اجل ذكا انا مطمنة يالله قوموا دخلوا المجلس عشان الشغالة بتنظف وبتكنس ..
تركي : ان شاء الله عمة من عيوني .. اريام سمعتي عمتي .
اريام : ايه ..
تركي ببتسامة :بلاك جالسة اجل ..
اريام بارتباك : ايه يالله
تركي وقف ومد يده لها اريام بخجل مدتهآآ طول ماهو يمشي معهآآ ماسك يدهآآ واريام منزلة راسهآآ من الحيآآ دخلوا المجلس
تركي بحركة جريئة منه خلاها تدخل قبل ودخل وراها وقفل الباب وحضنها من ورآآها بقووووة وحط ايدينه على خصرهآ حاولت تفك منه بس ماقدرت >>>متعمد اللعين خخ
اريام بهدوئها وخجلها : تركي تكفي فكني ارحمني ياخي ارحم شعوري..
تركي ببتسامة خبث وهو لازال ماسكهآ : ليه تستحين ..
اريام : هذا انت قلتهآآ ..









يوسف على السرير منسدح وحاط ايدينه وراء راسه : حووري
حور منسدحة على جنبها ويدها تحت خدهآ وجهها جهة يوسف : هممم
يوسف: مدري قلبي حآآن قبل لانسافر اتسامح من عبدالله ..
حور فزت لعند يوسف وقابلته فيس تو فيس : والله..؟
يوسف : والله اكلمك جد .. يمكن ماارجع ومابي اخوي.....
حور قاطعته ماخلته يكمل حطت يدها على فمه : اششش لاتقول هالكلام الي الله مقدرة بيصير علينا هنا ولا هناك.
يوسف ورفعا يد من ايدينه وحطها على شعر حور ويلعب بشعرهآ: ادري حبيبتي بس مدري .. احس كان في احد يقولي تسامح من عبود..
حور وتلاطف خده بيدها: ايه حبيبي مافيها شي والمسامح كريم..
يوسف سكت وناظرها بخبث: ..........
حور : اشفييك..
يوسف لازال على وضعيته:......
حور : يوسف شفيك سااكت وتناظرني ..
يوسف: يعني ماتعرفين ليه اناظرك هالنظرة..؟
حور: اممممممم كأني عرفت
يوسف حضنها لصدره ويلعب بشعرها: امووت واجن عليك
حور :..... انا بعد..


اريام :......
تركي : حبيبتي ريموو ليه سااكتة ..
اريام وتحاولماتبين له انها مهتمة بلي سواه لها اول مادخلت : لا ابد سلامتك ياولد الخال
تركي يتريق: اوب صار فيها ولد خال بعد ..
ارايم ناظرته ورفعت حاجبها : تركي فيك شي انت .. احد مسلطك علي..؟
تركي وتذكر كلام فارس الي اثر فيه ولف يده على كتوفهآآ : اريام حبيبتي .. في بالي سؤال ..
اريام وحابسه دموعها وتحاول انه ماينتبه لها: اسئل
تركي: انتي وافقتي علي بقناعتك انتي ولا شي ثاني اثر فيك ولا غرتك العواطف..؟
اريام وحطت عيونها بعيونه وتلمع من دموع عيونهآ : بقناعتي ياتركي .بقناعتي
تركي ابتسم ابتسامة تطمن : تحبيني..؟
اريام : أجل ليه وافقت عليك ..
تركي وتسند عالكنبة وحط رجل على رجل : تصدقين اريام ظهري يعورني ..
اريام استغربت : سلامتك ..
تركي : بس..!
اريام : ايه شنو تبيني اقول اكثر
تركي بخبث ولعانه ووقف ونزل شماغه : لا انا مابيك تقولين انا الحين بسترخي على بطني وسوي لي مسااج ..
اريام انصدمت من تصرفه بينها وبين نفسها : ياربي هذا من اول ليله بملكتنا وجريئئ الله يعين تاليها بس..
تركي فسخ ثوبه والبدله الداخليه واسترخى على بطنه : يالله هالله هالله فيني >>>يتعمد خخخخخ
اريام بحيآآ جلست على طرف الكنبه الي عليها تركي وتحاول تحط يدهآ على ظهره بس مستحية بقوة ..
تركي: ريموو .. يرححم والديك يالله ...
اريام غمضت عيونهآآ وحطت يدينها وتحس كآنها بيغمى عليها من الخجل وبدت تدلك ظهره ..
تركي مكيف عالآآآخر ويبتسم بخبث بينه وبين نفسه:آآه يااريام من زمان عنك وانتظرك توافقين واخرتها ترفضيني وعيشتيني بدواامة
بس والله لااهبل فيك واعيشك بدوامة زي ماعيشتني .. اصبري علي تو الناس ..
اريام شهقت بتصرف تركي الي فجائها ولف جسمه لقدام وهو على وضعيته مسترخي وصارت ايدينها بدل على ظهر ه على صدره ومن حيآآها لفت الجهة الثانيه وغمضت
تركي ضحك بخبث: هههههههه .. والله يابنت العمة حيآك يذوبني لهدرجة صرت زوجك خلاص..

اريام بتبعد عنه وقفت بتمشي الا مسكها من يدهآآ وناظرته : اااه عورتني ..
تركي بنظرته الحآدة : اذا كلمتك ماتركيني وتمشن فآهمة.؟
اريام كعادتها كل ماتحس ان الدنيآ ضاقت بها تتذكر ابوهآ دموعهآ بعيونهآ :..........
تركي رق قلبه لاريام بس كابر ماسمح لعواطفه تاخذ مجراها تجاه اريام بحدة: بلاها دموع..
اريام نزلت دموعها وغمضت ولفت جهة ثانيه: تركي .. والله ماقدر على الجرئة وانا لساتني باول يوم ملكتي رق علي اشوي ..
تركي وجلس وقام يلبس ثوبه: شوفي اريام انا زوجك عادي لو نكون جريئئين من اول ليلة
اريام ناظرته وفتحت عبونها عالآخر :..........
تركي ابتسم وضبط شماغه وجلس بجنبها : خلاص الي تبينه بيصير لايغرك كلامي>>>يلعب باعصابها
اريام : اتمنى ياتركي
تركي ويمسح على شعرها: تطمني روحي
عم الهدوء بينهم ..

اريام : آممم تركي..
تركي ماصدق خبر اريام تكلمه ببرود : عيون تركي..
اريام:تسلم عيونك ..
تركي : الله يسلمك..
اريام : ابغآ اعرف شي يدور ببالي..
تركي: وشو ..؟
اريام : ماتمنيت خالتي الله يرحمها تكون موجودة معنآآ بهالليلة .. ؟
تركي ببرود : الا تمنيت بس الله يرحمها .. ماقدر اقول شي غير كذا وانتي ماتمنيتي عمي الله يرحمه يكون موجود معنا>>>متعمد
اريام بينت قوتها وكابرت الحزن : الا تمنيت بس الله يرحمه هذا الي اقدر اقول ((وابتسمت))


علي في غرفته بينه وبين نفسه : آآه ياسارة لو انك موافقه على ملكتنا الليلة كآن الحين انا معاك وانتي معاي واعبر لك عن مدى حبي لك
مدري ليه تسوي كذا تتعمد ولا صدفة ولا الظروف ضدي .. مدري ..ياربي انك تفرجها..

نور : الا اقول نوار.!
نوار وتلم شعرهآآ : همممم
نور : عمتي ماكلمت امي او عمي بوبدر عن ملكتكم ..؟
نوار التفتت عليهآ : تصدقين مو عن شي والله بس حتى انا مستغربة ..
نور : قلت لك بدر رزيين
نوار بعدم اهتمام : جآآيز


عبدالله بغرفته ومسترخي على السرير ويفكر بلي حصل قبل اسبوع بزفره بهمس: آآآآيه والله ماتوقعت استقبال ابوي لي كذا وله شهر واشوي ماشافني ..وتذكر يوم أمه تحضنه وتبوسه وابتسم : هه الله لايحرمني منك يايمة
بمجرد ماحضنتيني رجعتيني 10 سنوات لورى .. حسستيني كأني طفل صغير .. أحبك يايمة والله أحبك ..


تركي بحنية وطيبة : أووه الساعه صارت 3 الاربع يالله ريمو انا بمشي الحين بروح اريح من اليوم ماغفت لي عين ..
اريام ببتسامة : هههه آمممم اوكي روح ارتاح..
تركي يتصنع الحزن : افآآ يعني انتي من اول ماجلست معاك وانتي تنتظرين متى اقوم ..

اريام بتأثر: لالالالا ..والله مو قصدي واذا تبي تنام هنآآ نام .. عندنآآ غرفتين للي يجي ينام بيتنا
تركي بخبث : اوكي انام هنآآ بس مانام لحالي ..
اريام تخصرت : ويين ياشيخ .؟
تركي : آممممممم بغرفتك ..
اريام انحرجت : ايه وانا انام بغرفة الثانيه
تركي : لالا حبيبتي وياك وين مارحتي ..
اريام مستحية: تركيييييييييييييي
تركي يقلد نبرتها : ارياااااااااااااااام
اريام ابتسمت وسكتت :.......
تركي : يالله حبيبتي .. انا ماشي الحين وان شاء الله لوقدرت بكرآ امر عندك .. ومسح على شعرها :انتبهي لحالك حبي اوكي .؟
اريام وتولد بداخلها شعور ثاني ابتسمت : اوكي
تركي حط يده على خصره: وبعد .؟
اريام مستغربة :وشو .؟
تركي: اوكي حآآآف ..؟
اريام استحت : آممم يعني شنو اقول معاها مثلا ..
تركي : والله أنتي ادرى يابنت العمة ..
اريام تتصنع الغباء: امم جد تركي مافهمت عليك .
تركي بخبث: عيونك فااضحتك ..
اريام بعد سرحآآآن ومستحية :آممم آوكي حبيبي ...
تركي قرب لعندها بخبث وهي بعدت : أووب مستحية
اريام : الساعه صارت 3 ..
تركي : واذا .. يعني ماوراي لاشغل ولا مشغله
اريام بجدية وتركي ماسك يدهآ ويلعب بشعرهآ وهي منزلة راسهآ وهم لازالوا واقفيين: على طاري الشغل .. انت للآآن مالقيت لك وظيفة .؟
تركي بزفره : لاتذكريني .. قدمت ولا قلت بس .. ولا عطوني غاية للحين ..
اريام : طيب ليه ماتشتغل بشركة مع خالي .؟
تركي :جات ببالي بس قلت بنتظر شهر ماعطوني خبر ببدأ اشتغل بجد ..
ارياام :: مع ان لو تستغل هالشهر وتشتغل معه من الحين احسن بس مدام كذآ مريحك خلاص مانقدر نقول شي ..
تركي فجآة تذكر بينه وبين نفسه رفضها له : طيب طيب انا مااشي تأخرت بزياادة مع السلاامة وسلمي على عمة شريفة ..
اريام استغربت من تصرفه المفاجئ : طيب يووصل .. وانتبه لنفسك ..
تركي بعدم اهتمام : لاتخافين علي كاني بصغير ولا بزر .. مع السلامة
اريام متعجبة :مع السلامة




تركي دخل البيت .. وراح على طول لغرفة علي بعد ماضرب الباب ..

تركي : اووه الأخ سهراان .. ماوزراك دوام بكرة
علي ومزاجه متعكر : لا طالع اجازة من اليوم ليوم السبت ..
تركي وجالس مقابل علي على السرير : باين عليك طفشآن ومزاجك مو شي .؟
علي بزفره قووية : آآآآآآآآآآيه .. شقولك ياتركي .. انا وصلت حدي بس والله متحمل
تركي وينزل شمااغه : افآآآ يابوحسن .. قولي من المعكر مزااجك .. من الي مسوي فيك كذآ ..
علي بضيقة صدر : علي ابغآ اعرف سارة ليه تسوي كذا ..
تركي : انا نفسك ترى جآ ببالي يوم طلبت انها تأجل الملكة ..تدري يوم طولت بموافقتهآ قلت يمكن تفكر يحق لها بس تأخر الملكة المسألة فيها أن ..
علي : مدري تسوي كذآ عشآن تبي تغيضني .. ولا عشآآن شي انا ماعرفه ولا اساسا الظروف من الله كذا .
تركي ويتحسس دقنه : اقول علي
علي : قووول ..
تركي : والله لو انا منك اخليها تشوف العسل بأيام الملكة وبس اتزوجهآ لاكسر راسها وراس طوايفهآ ..
علي : لا ياتركي مو منطق .. الأمور ماتنحل كذآ ..
تركي بنرفزه : قوم ياشيييييخ صاير لي فيه المحامي عن حقوق المرأه .. كسر راسها الحرمة ماتجي الا بالعين الحمرآ ..
علي : الا على طالري الحرمة على قولتك .. اخر اخبارك ببيت عمتي ..
تركي بخبث وبتسامة جانبيه : افآآ عليك .. والله طلعت جنونها من اول ليله بس رحمتها الليلة الايام الجأية لأوريها اكثر..
علي عدل جلسته بعد ماكان مسترخي: لااااا ياشييييخ .. لاتقول .. حرام عليك والله البنت يتيمة ومالها الا الله ثم احنآآ وتسوي فيها كذآ..
تركي بجدية وبصوت شبه مرتفع : ياعلي اليحياة يوم لك ويوم عليك .. مثل ماهي عيشتني بدوامة ..بعد رفضها لي . وخلتني اعيش القهر لأعيشها واطين عشيتها .. برغم اني احبها
احبها هذي حاط تحتها الف خط ..
علي: تحبها وتهول فيها .؟
تركي قام من على السرير بيروح لغرفته : اقول بوشباب اذا بتعيش بنت عمك بطيبتك لا عزة الله ضعت ورحت وطي ..
علي : تركي لاتعكر مزاجي اكثر لازم اتعامل اريام من بكرة صح وتنسى رفضها لك.. طيب تعال شنو حسيت شعورهآ؟
تركي: مدري اذا شافتني اعاملها بحدة تستغرب واذا بلطف وحنية الابتسامة ماتفارق وجهه وكأنها تقول احمد ربي اني وافقت عليك .. والله اعلم ..
علي هز راسه : الله يهديك ياخوي ..
تركي :ويهدى الجميع ..بيطلع من الغرفة الا جات له رساله
((لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..))







المرسل : ريمو >>متعمد يسميها بالجوال كذا
تركي ابتسم ابتسامة جانبية وناظر لعلي : خير اشفيك.؟
تركي : لا بس اريام راسلة رسالة ...
علي ابتسم: الله يوفقك ياارايام ..
تركي :اقول بطس انام تعبان حدي ..
علي : روح روح نام احسن لك ولاتهبل بالبنت اكثر مما هبلت فيها .. باين عليها بدت ت تتأقلم معاك من اول جلسة لكم.
تركي : افكوورس نفس الي اشوفه انا ..

>>>>> يتبع