[فيتامين سي]

اريام بتفكير بينها وبين نفسها: مارد يمكن نايم مسكين خليني انام .. وبكرة يصير خير .. وخذت صورة ابوها وضلت تناظرها : يبه تراني اليوم ملكت .. وتركي زين اني وافقت عليه
طلع رجل ويعتمد عليه بس يمكن نظرتي كان خطأ له .. اممممم .. صحيح هو ماخلى شي ماسوااه هول فيني بس معليه اهم شي اخلاقه.. وباست الصورة ورجعتها مكانها ..






في اليــــــــــــــــــــــ ـوم الثاني .. على الفطور

عبد العزيز: شوف بيت عمتك شريفة اذا محتاجين شي او احآجة ولاتقصر عنهم ..
تركي : تآمر يبه ..
علي ناظر لتركي بنص عين: وانتبه لهم ياتركي ترى من اليوم تعتبر انت المسئؤل عنهم
تركي فهم قصد علي: امرك عمي اوامر ثانية
علي ابتسم: لا تسلم ياولد الأخو

آروى : تركي نبغآآ نتمشى ونطلع ونغير جو والله زهقت من اجواء البيت والجامعه
تركي يأشر على عيونه : من عيوني
اروى مبتسمة: تسلم عيونك بس هااا لازم نمر ناخذ اريام ..
تركي وهو ياكل: الي تامرين فيه ..



يوسف: صباح الخيرر ..
الكل على الفطور : صباح النور ..
يوسف عقد حواجبه: موكأنكم نااقصين.؟
سارة : نور ونوار بالجامعه .. وفارس لسااته نايم
يوسف : اهااا ..بتردد بينه وبين نفسه : اتسامح منه ولا ؟. ولااتقول خليني اخليها لما نودعهم ..
ام يوسف: يوسف وين مسرح جلس افطر معنا
يوسف : لايمة تسلمين فطرت بجنااحي .
ام يوسف : فيه العافيه
يوسف: الله يعافيك
بويوسف: الا صحيح يوسف مرني الشركة اذا ماعندك شي ..
يوسف: الصباح مو مرتبط عيوني تجيك بس العصر نوويه ..
بويوسف: خلاص تعال الصباح عالساعه 9 ..
يوسف : ان شاء الله.. حبيت اقولكم اني بكرة بسافر وابي الكل موجود .. على اساس بنودعكم انا وحور ..
الكل عدا عبدالله: بسلامة لن شاء الله..
يوسف قدر موقفه ووضعه..



بالجـــــــــــــامعه..
نور : فهمي علي نجمع ببيت واحد ونخلي امهاتنا يجون على اساس تغيير جو او اي حجة من حججنا
لجين: طيب بس لازم بيشكون لييه تبونه نروح وفيه شي ومدري وشو واسئلتهم الي ماتخلص..
نوار بعد تفكير : عندي فكرة
نور ولجين :اتحفينآآآآآآ
نوار: مو يوسف بكرة بيسافر اكيد الكل بيودعه .. كل واحدة تقول لاامها ان لازم نروح نسلم على حور .. والامعات بيقولون لازم نسلم عل عبدالله وانتهينا
نور بحماااس وطقت بصبعها: اووووووب والله مانتي سهلة يام نصور .. جبتيها
لجين: والله اخاف بكرة تغلبين بدور علينا
نوار: اقول مالت عليكم انتي وياها شدخل هذا بهذا ..




عالمغـــــــــــــرب..
نور ونوار : سارة نبيك بموضوع ..
سارة :دخلوا ..
نور ونوار دخلوا وجلسوا على سرير سارة :شعندكم ..؟
نور : اممم سارة احنا قلنا نبي نسوي عيد الأم .. بمآآ ان باقي 3 ايام عليه .. قلنا بنويه قبل بوفت عشان لاحد يشك .. ليه تجمع امهاتنا بنفس اليوم الي فيه عيد الأم
سارة :حلوو ..كملوا
نوار : ايه حبينا نخبرك عشآن تكونين مستعدة .. وتروحين تشترين هدية لماميتوو
نور : ماعندك صبر خليني اكمل لها ..
نوار: افف منك انتي ..
نور: المهم والأهم
سارة :والي يهم عندي بس بقوله بعد ماتخلصون كلامكم
نور : طيب اكملك .. احنا قلنا للجين تقول لأمها ان بكره حور ويوسف بيمشون ولازم نروح عشان نسلم على حور وامها بتقول بالمرة اروح اسلم على يوسف
سارة :طيب.؟
نوار : خلاص خلصنا كلامنا..
سارة :بقولكم شي ..
نور ونوار ناظروها وكأنهم يقولون لها نسمعك..
سارة : لجين خبرتوهآ .. طيب واريام ..
نور ونوار: انتي خبريهآ ..
سارة : من عيوني اخبرها ..طيب وآروى ..؟؟؟!!!!
نور ونوار طالعوا بسارة وسكتوآ : ايه لاتطالعوني كذآ فكرتوا بشعور اروى .. وشنو بتكون ردة فعلها .. لو سويتوه جمااعي .
نور : والسوات الحين ..
نوار : اممممم .. انا مدري ماجا على بالي شعور اروى نهااائيا ..
سارة : ثاني مرة حضرتكم فكروا بالموضوع من كل الجوانب لوحبيتوا تسوونه .. فجآة سارة مسكت جوالها
((ثلاث حروف تتشابه
و فرق المصطلح شتّان

تفاصيل الألم غطّت مساحات الأمل فينا!))



المرسل : علي


سارة تحس كأن احد غرس بقلبها خنجر :........
نور ونوار : سارة فيك شي
سارة تتصنع الهدوء : لا سلامتككم مافيني شي بس شوفوا حل لموضوعكم وعطوني خبر
نور ونوار :ان شاء الله يالله نخليك..
وطلعوا نور ونوار ..
سارة فتحت الرسالة مرة ثانيه وبهمس: آآه ياحبي فيني الالم ولافيك .. ادري اني زودتها بس ساامحني والله مو بيدي انا بعد ذقت الويل بحبك وانت مانت حاس فيني
تجرعت الالم بسكات .. تجرعت الوان العذااب .. آممم ارسل ولا ماارسل .. بعد تفكيييييير

((تلف هالدنيا على الناس وتدور..
والزمن عندك توقف ولا دار..!
أدري مقصر بس لاصرت مجبور..
ودي تسامحني على حكم الاقدار..
كني بدونك..عقد لاصار منثور..
وش يجمع المنثور دام الزمن جار..!!"))




المرسل : احساااسي ..

علي بمكتبه فتح عيونه عالآآآخر ماتوقعها ابد ترسل وبروقآآن : اووه اخيرا رسلت .. الحمدلله يارب ..وضل يعيد ويكرر قراءة الرسالة ..>>> من الطفش سحب الاجازة وراح دآآوم عشان يطلع من الي هو فيه^_^
الممرضة: دكتور علي ..
علي مسرح بالجوال ..:......
الممرضة بصوت مرتفع: دكتور عليييييي
علي ارتبك: هآآآآآآ
الممرضة : بدأ الدوام في طفل حالته مستئآآئه
علي : ايه يالله ابدي بدخولهم .





اريام بالجوال: طيب على كم الساعه
تركي : والله مدري وقت ماتقرر اروى احنا حاضرين ..
اريام تنرفزت اشووي بس تجاهلت كلامه : ايه عادي كل شي ولا اروى ... انا اغليها بقوة
تركي : اووب ماشاء الله انا وانتي نغليها شي حلوو .. طلع بين رابط مشترك وانا مدري
اريام تتريق: لييييه ..رياضيات .؟
تركي بحده : اقول مو قته تتريقين ..
اريام كاتمه ضحكتها: امزح تركيييي
تركي: ايه خليك كذا..



اروى تخصرت: لا ياشيخ المفروض تمر اريام قبل ..
تركي : اشفيك انتي .. انا جاي ماخذ شغله من البيت وقلت بالمرة امرك معي ..>>كذااب
اروى : آممممم طيب طيب ..طلعت وبتركب بالمقعد الخلفي بسيارة ..
تركي اشر لها بيده ويتصنع العصبيه وهو بدااخله شي ثاني: هيييي يام الشباب ماني بسوااق تركبين ورااء اركبي قدآآم
اروى تطل عليه من النافذه : واريام ..
تركي: اذا وصلنا لعند بيت العمه يصير خير ..
اروى استغربت من تصرف تركي بنفس الوقت ماعطته اهمية : طيب طيب..نزلت من وراء وركبت قدآم
تركي يسوي نفسه يدور جواله : أووه ويينه
اروى :وشو .؟
تركي : جوالي مالقيته مدري وينه >>كذااب
اروى :خلاص انا ادق عليهآآ
تركي بخبث ويسوي حاله بريئ: ايه يالله دقي عليها مدري وين ذلف هالجوال>>مسكينة اريام
اروى : هاي ريومة
اريام : هايات ..
اروى : طلعي احنا ننتظرك برة
اريام ومستغربة ليه حضرته مادق: طيب انا طالعه.. بينها وبين نفسهآ : اشفيه هذا لايكون زعل من مزحي بالجوال.. ورفعت كتوفها وبعدها طلعت وركبت بسيارة واستانست بما ان اروى قدام
لانها اساسا تستحي اول مرة تطلع معاه وبتركب قدآم .. :السلام
اروى وتركي : وعليكم السلام والرحمة ..
تركي : وين حاابين تروحون .
اريام : الي تأمر فيه اروى ..
تركي تنرفز يحسبها تتريق وهي ماتتريق ببرود اعصاب : يعني لو اروى قالت على جهنم نروح .؟
اريام : اعوذ بالله ..
تركي : تخافين من النار
اريام : اشرايك .؟
اروى : تركي تكفى جا ببالي الحين نروح الهبي لاند ..
تركي يناظر الساعه : امممم كويس لو نروح الحين .. لساتها الساعه 8 وربع
تركي يناظر اريام من المرايا ويبتسم بخبث وغمز لها.. اريام استحت ونزلت راسها على طول بينه وبين نفسها : وي شكله هذا مايقدر وجود اخته وخجلي
عم الهدوء بسيــــــارة ..
اروى : ليه سااكتين تكلموا خلونا نتكلم باي حآجة ..
تركي : مثلا ..
اروى:لحظة خلني افكر امممممم
تركي :أاااخ الحكة هاليومين ذابحتنب .. اريام حبي ماعرف انا اسوق حكي كتفي >>ابوالكذاب مافيه حكه ولا يحزنون خخخ
اروى : آوه آوه آوه ووالله صرنا نغازل ولا في احترام لوجودي
تركي ابتسم وكأن عاجبه الوضع : افا عليك انا تركي بن عبدالعزيز الـ ..... مو اي احد .. اريام يرحم امك الحكة عذبتني لو انا بحك كتفي بطول وانا مارعف اسوق
اريام متنرفزة من تصرفه قدام اروى كذآ : طيب ..
اروى :بلاعيارة ياخوي انا احك كتفك..
تركي : مشكله مو اليمين اليسار ..
اريام استسلمت للأمر وحكت كتفه : خلاص
الأخ مكيف عالآآخر : لالا احسها خفت بعد نزلي تحت
اريام بينها وبين نفسها :حشآ مجروب .... طيب خلاص
تركي :ايه خلاص بس انتظري خلي يدك ..
وصلوا عند الهبي لاند((ملاهي اسمها الهبي لاند))
اروى استحت وسووت روحها تلعب بالجوال ..
تركي بخبث ولعانه مسك يد ااريام وقربها من شفته وباسها : تسلمين روحي ماقصرتي ايدك بلسم
اريام انحرجت بقوة سكتت :......
اروى : يالله ننزل ..
تركي : ايه يالله

نزلوا الهبي لاند وصلوا عند بوابه الدخول بس قبل لايدخلون شرى تركي تذاكر للدخول وبعدها دخلوا تركي يمشي قدامهم وهم ورااه
اروى : اريام تتذكرين اخر مرة جينا فيها وسارة غامرت وركبت صحن الدوار ..
اريام :ايييه تذكرت حتى حاولت فيني وانا مارضيت
اروى :عاد انتي خواافه هههه
اريام : اروى والله موخوافه بس ماحب اغامر بالالعاب
>>>تركي طول الوقت اذانه عندهم وسمع الي دار بينهم بلعانه بينه وبين نفسه : والله لأعلمك يااريام اي لعبة اشوفها تخوف بنسبة لك لأخليك تركبينها ..بس آآخ احبك والله احبك بس تحملي الصاع الي برده لك
تركي: أنتظروني هنآ بروح اشتري تذااكر ..
اروى بدلع : اوكي ..
تركي رن جواله اثناء ماهو يمشي: اهلييييييييييين
طلال : هلا بالقاطع الي مايسئل لهدرجة بنت عمتك خذتك منآآ.
تركي : لا والله مو عن بس مضغوط اشووي وانت بعد ماجيت ملكتي لانت ولا اهلك ..
طلال : والله وقتهآ مو راايق ورحت غيرت جوو بجدة وخذت خواتي معي..
تركي: معذوور ياشيييييخ .. بس زين صرت احسن مني وسئلت .
طلال: نعلمك الأدب ..هههههههه
تركي : اخبارك يامعود .؟
طلال: والله تمام .. وانت .؟
تركي : والله ابخير ..
طلال: واخبارك مع الحياة الجديدة هههه
تركي : هههههههه والله عسل جرب ومابتخسر ..
طلال : ان شاء الله قريب .. بس بسئلك بكرة عندكم شي.؟
تركي: مااظنتي آمر
طلال: خواتي بيزورنكم ..
تركي : آآووه بكرة اختي مسافرة مع زوجها مافي الا اختي الصغيرة الي بالكلية ..
طلال: آآو ماي قود .. خلاص خلها وقت ثاني واحتمال اجي عندك بكرة ..
تركي: حيآآك ..
طلال: مع السلامة..
تركي :سلام

اشترى تركي التذاكر وراح لعند اريام واروى: يالله تعالوا..
اروى : تركي ابغا اركب هاللعبة حلوة هذي بقوة ..
تركي ويأشر بصبعه : قصدك هذي ..
اروى : ايوآآ
تركي : اوكي ..اريام ركبي معاها ..
اريام :وانت
غمز لهما تركي : مهم .؟
اريام : مو عن بس يعني ليه ماتبي تركي .
تركي بخبث: انا احب الالعاب الي تخوف .. احب اغامر
اريام : طيب خلاص على راحتك ..
ركبوا اريام واروى اللعبة واللعبة هي تكون كأنها كرسي كآمل وفيها حدايد عشآن تحمي نفسها الي تركبها خوفا عليها تطيح وتصعد وتنزل مرة بسرعه ومرة ببطئ>>خخخ مو عارفة اوصفها بس انا ركبتها مرة ماتخوف كثيير حلوة خخخ

تركي تكتف وتسند وضل يناظرهم واريام تحس تركي مو شايل عيونه عنها واروى متحمسة : اريام خايفة
اريام : ها لالا اشدعوة سبق وركبناها ولا نسيتي
اروى :لا مانسيت ههه

بدأت اللعبة تشتغل والبنات الي تصارخ واريام واروى ضحكوا عالبنات الي معاهم وعلى هبالهم وتركي هايمه عيونه باريام بينه وبين نفسه : آآه ياريام لوانك موافقه علي من البداية
كآن ماصار بقلبي كذا .. ولا صار تعاملي معك كذا بس رغم الي صار الا اني احبك ..

خلصت اللعبة والأخ حضرته مسرح وبعالم ثاني آروى هزته من كتفه :تركيييييي
تركي انتفض: هآآ اشفيكم
اروى بخبث: اهــــــــآآ اشفيكم انا الي ناديتك مو الي اشفيكم
تركي ابتسم وكأن الكلام عاجبه وتكتف وميل راسه وناظر لاريام واريام ميلت راسها كأنها تقوله اشفيك : طلعت مني عفوية وبلا كثر كلام يالله وراي
اروى : وين ..
تركي : تعالوا معي وبتشوفون ..
اريام بهمس: الله يستر منك ياتركي ..
تركي ناظرهآ : لاتخافين ..وصلوا عند صحن الدوار .. اروى ..
اروى :نعم
تركي بخبث ويأشر لها بعيونه على اللعبه : تركبينها ..
اروى : تدري اني لوركبت مثل هالالعاب ماستحمل استفرغ على طول
تركي : اجل مافي الا اريام وانا حالف ماركب هاللعبة لحالي ..
اريام وفتحت عيونها عالأخر: تركي لااا انا خواافة ..
تركي وصفق بيدينه وغمز: امووت عالخواافين
اريام : تكفى تركي مابي اركب ..
تركي بحدة :مو بكيفك بتركبين معي يعني بتركبين .. ولا الليلة ماتنامين بيتكم>> الليعن يخوفهآآ هههه
اريام بهمس:اروى قولي شي
اروى بهمس: شقوول ..! >>مستغربة اخوها قبل موكذا
تركي : هآآ خلصتوا .. وسحب اريام من يدهآ :اجل يالله اركبي دامكم خلصتوا ..
اريام مسكينة استسلمت وراح تركب معه تركي عطآ اريام التذاكر ولف شماغه على راسه >>لثمه يعني
عشان لايطير شماغه وربط ثوبه على خصره عشآن يتحكم بحركته وهو بلعبه .. :اروى مسكي جوالي والتذاكر وانتظري هنا لحد ماتخلص اللعبة
اروى :ان شاء الله
تركي واريام ركبوا اريام مرتبكة وخايفة اول مرة تركب لعبه غصبا علبها .. تركي جلس بجنبها : خايفة
اريام عقدت حواجبها وبهدوء : ويهمك اذا اخاف اولا .؟
تركي بلعاانه:طبيعي يهمني انتي زوجتي ..
اريام بزفره : تركي بلييز ابي انزل قبل لاتشتغل اللعبة والله اخاف انا
تريك انكسر قلبه عليها وتذكر كلام فارس ليلة الملكة الي موراضي ينسآه بهالمواقف وظل يناظرهآ :..........
اريام وسكته من يده برجآ : بلييز تركي والله اخاف .!
تركي :.....

انتهى البارت الحادي عشر

أنتظروني بالبارت الثاني عشر ..