[Fatma nour]

المشاركة الأصلية كتبت بواسطة oumniya

السلام عليكم ورحمة الله وبركاته

اهلا طمطم زي ما قلتلك موضوعك غايه في الروعه يا بنتي
من لما كنت صغيره احب حاجه على قلبي الصداقه عشان كدا لما شوفتوا وقريت بعض المشاركات افتكرت ايام زمان وصحباتي الي الحياه لعبت دورها معانا وفرقتنا عن بعض بس اكيد الذكريات الحلوه الي جمعتنا دي جتفضل دايما في القلب
صديقي من يكون؟؟
سؤال كان دايما يشغلني اي نعم انا ليا صحابي بس وعلى حسب طبيعتي مش بحب اصاحب كثير يعني ممكن عدد معين بس
بس اكيد بيختلفوا من وحده للتانيه يعني زمان كنت دايما بقول صاحبتي دي لازم تبقى شبهي بس اتفاجات انو النظريه دي مالهاش اساس فكثير بتلاقينا نصاحب ناس وبيختلفوا عننا 180 درجه بس بيبقوا غاليين علينا اوي ممكن في حاجه تانيه هي الي تجمعنا غير الشبه في الطباع والحاجات دي ودا حسب رايي ليه علاقه بالروح
المهم بقى مش حكثر عليكي انا ليا صحباتي من ايام الدراسه وكمان الشغل والحمد لله لسا في تواصل حلو اوي ما بنا ولا كأن في سنوات عدت اول ما اتكلم مع وحده فيهم بحس اني ما بعتش عنها طول المده دي ربنا يخليهم ليا يا رب
ومع اني زي البنات التانيين كنت بقول انو ما فيش صداقه على النت خالص بس اكيد وجهة نظري اتغيرت خالص بعد ما تعرفت على بنات هنا واصبحوا من احب الناس على قلبي واكيد هما عارفين نفسهم كويس بقولهم كمان ربنا يخليكو ليا يا رب ونفضل كدا على طووووول وصحيح اننا متقابلناش قبل كدا بس الاقي راحتي وانا افضفض معاهم واضحك معاهم وكمان وانا بستشيرهم واخد رايهم
عشان كدا معزتهم في قلبي كبيييييييره اوي
بس حابه اضيف انو ممكن في مره من المرات يحصل سوء تفاهم ما بين الصحبات بس الاكيد انو في الاخر بيرجعوا لبعض مع انو انا شخصيا ما حصلتليش قبل كدا
ممممممم بس الاحتمال الاكبر انو صاحبتك دي اكيد لازم تكون تعرفك كويس وانت طبعا بالمثل وبذلك بتكوني بتعرفي ايه الي يبسطها وايه الي يزعلها وما تعملهوش
وانا طبعا احاول اتعامل كدا مع صحباتي كل وطريقة تفكيرها يمعني معاملتي معاهم تختلف من وحده للتانيه عشان كل وحده عندها شخصيه غير شخصية التانيه
بس عارفه ممكن من لما كنت صغيره كنت افضفض مع نفسي اكثر اه طبعا يفضفض مع صحابي بس في حدود المعقول بس الوحيد الي قدرت افضفض معاه ولقيت راحتي بكدا كاني قاعده مع نفسي بالضبط هو زوجي ربنا يخليه ليا
تسلميلي طمطومتي على الموضوع الحلو زيك يا قشطه

وعليكم السلام ورحمة الله وبركاته
تسلمى يا احلى ميمو (( كذب ))
طبعاً الاصدقاء لازم تبقى بتفهمك و من غير ما تتكلمى معاك
حد تقدرى تقوليله كل حاجة من غير ما تخافى انه يفهمك غلط .. تحكيلة الحقيقة و تبقى متاكدة انه هيقولك الحقيقة .. يبهدلك لما تغلطى و يقف معاكى فى وقت الضيق
على فكرة الصداقة الحقيقية مش عملة نادرة و كتير بنلاقيها
لكن غالبا مسش بنحس ان الشخص كان مميز غير لما يبعد عننا
ربنا يخليلك جوزك و يصبره ربنا على ما بلاه