[Omima Hisham]

السلام عليكم ورحمة الله وبركاته

مرحبا هند

يعطيك العافية على الفصل الرائع..
سعيدة انه ردودي بتنال اعجابك


ليندا..
الامور بتتعقد اكتر واكتر.. جاك الحقير تصل فيه الوقاحة انه يضربها ويهينها بهادي الطريقة... ما هو كان عامل فيها الفارس المغوار لما راح يخطبها من فرناندو... هالحين صار فرناندو ورولا مش عاجبينه...
ليندا ليش تسكت اللي بعمله... بدل ما تقولي لزوج اختك وتفضحيه هالحقير المتخلف...
اختفاء وليم لفترة اسبوع وشوقها اله.. ولهفتها عليه لما رجع.. وفي النهاية خاتم الخطوبة اللي في ايد ويليم... هي سالت حالها سؤال مهم جدا.. انه هي ايش بدها؟؟... فعلا انتي كنتي بدك اياه يضله طول الوقت قدامك وما يتزوج.. رغم انه هروبه وخطبته ما بدله الا على انه ويليم بهرب من مشاعره اتجاه ليندا وانه ممكن يتهور معها في اي لحظة.. خاصة انه شخص محافظ ومنضبط.. وفوق هيك هو عم زوجها... فاكيد مش حيسمح لحاله انه يقرب منها... مش حيكون بهالحقارة هادي..
بس هي كيف بتضل تفكر في ويليم وما بتحاول تلاقي حل للمصيبة اللي هي فيها... يعني انتي اكتشفتي انه زوجك ضحك عليكي وخدعك.. وقدمك لعمه عل انك عشيقته.. واكتشفتي انه مخطوب لواحدة تانية.. وانه ما بملك المال.. وبعدها بدا ياخد كل ممتلكاتك.. وهالحين تطور الامر انه يضربك... وفوق هدا كله اكتشفتي انك ما بتحبيه وبتحبي عمه اللي هرب من مشاعره اتجاهك ورجع لبيته وهو مخطوب عشان يحمي حاله من الوقوع فالغلط معك.. السؤال ليش للحين انتي ضايلة مع جاك؟...

في الفصل السابق حبيت مواجهتها مع ويليم واعترافها بكل اللي عمله جاك الها.. بس شو حتكون ردة فعل وليم لما يعرف انه ابن اخوه ضربها... وهل هي حتعترف عل جاك... وايش بدها تعمل هالحين؟..


وليم...
صحيح اني انا متفهمة تصرفه انه خطب.. وانه هرب من تاثير ليندا عليه عشان ما يتصرف معها اي تصرف متهور... بس ما حبيت يخطب ريتا...
برجع وبقول الموضوع صار معقد اكتر بكتير...


هند
شكرا عالفصل الرائع
منتظرين القادم
تقبلي مروري
تحيتي لكِـ...