[لامارا]

~ الجـــــــــــــزء الثالث ( 3 ) ~



(( شهزلان في نفس عمر اماني ثالث سنة جامعه ونورة تكون اكبر منها بسنتين يعني اكبر من اماني بعد .. بنت خلوقة وحبابة .. عليها جمال يا سبحان الخالق .. عيونها عسلية وفاتحة .. هالجذي اختها رجاء تقول لها بومة ههههه .. جسمها رشيق بس مليان شوي .. شعرها حرير وطويل يوصل لها الى نهاية ظهرها ))

شهزلان

: لا خيو .. بس فاطمة اختج قاعده في الغرفة مع ربعها يذاكرون وانه ما حبيت ازعجهم فقلت بروح عند اخوي انور لانه صغير وما همه الا لعبة فما بينتبه لي وانا اذاكر ..
رجاء واهي مشمئزة من طريقة كلام شهزلان الناعم والمؤدب

: انتي طالعه على منو يالساحرة .. تبين تسكتيني بعيارتج ويا هالراس
شهزلان واهي ترجع الكتاب يم عينها لانها تدري باختها تبيها حجة عشان تتناجر مثل امها : السرعة النسبية لجسمين متحركين هي السرعة التي يبدو أن أحدهما يتحرك فيها عندما يرصد من الجسم الآخر. فا (( توها شهزلان بتكمل الا رجاء تقاطعها بصراخ ))
رجاء

: يالسخيفة طلعي من الصالة يا ثجيلة الدم تسوي نفسها تراجع .. يعلج الرسوب .. وتقعدين تصيحين ليل نهار يالكسلانة
شهزلان : يه .. اختي تدعي لي .. ياااااااااااااي .. هالكثر تحبيني .. يعل عيني ما تبجيج يالغلا .. ادري فيج تموتين فيني ويا خشمج

(( شهزلان واهي تضحك من قلب على حركتها الى رجاء الي خلتها تموت من القهر بكلامها ))

وتدخل شهزلان غرفة اخوها انور مع اختها منى التوأم وتقعد تراجع بلهفة تاركة رجاء تنتظر ريلها الحين قبل باجر عشان تفتك من هالبيت
نرجع الى اماني ونورة
وقبل ما اقولكم الاحداث خلني اوصف لكم اماني

(( اماني .. بنت جميلة جدا .. تقدموو الكثير من الرياييل وهي في عمر صغير .. بس طبعا وعيها ووعي اهلها ما قبلت اي شخص بحجة الدراسة وتكمل مستقبلها بلي كانت تحلم فيه .. اهي انسانة تجلت فيها كل معاني الطيبة .. واهلها ربوها على العمل الصح وتفكر بشي الف مرة قبل ما تسويه .. بنت تحب الحب وتعيش للحب وتكتب للحب .. الى لين ما شافت فارس احلامها .. الي بعد سنين بصير كابوسها الابدي .. واهي رشيقة وجسمها حلو وعلى طول ثيابها تخلي الواحد يتأمل فيها .. لانها انيقة بدرجة .. بيضة وشعرها معتدل في الطول .. عيونها بنية فاتحة .. وفيها شبه كبير من اخوها الاكبر منها فالكل يحسبها توأم محمد الا اهو اخوها ))


نورة

: شفيج امووونة .. انه احس ان فيج شي .. كل الطريج ساكتة وتونين على اغنية عبود رويشد
اماني واهي مب منتبهة
نورة : هيييي انتي يم الليف قاعده اكلمج انه
اماني : هههههه .. هلا .. آمري شتبين
نورة : سلامتج يا نور عيون امج .. بس قاعده اسألج شفيج ساكتة
اماني واهي حزينة ما تبي تقول لاخت حبيبها على الي شافته : مافيني شي وتعالي منو هذا عبود رويشد ها ؟؟
نورة : عبد الله رويشد الفنان الكبير الي قاعده وتونين ورا كلماته
اماني : اهاا .. اي كلشي ولا هالمغني احبه مووووت
نورة تبيها من الله تقول اماني هالكلام عشان تفاتحها بالموضوع : يه يه .. راحت عليك يا علاء ترا هذي المقرودة تحب غيرك .
اماني تبدلت نظرتها الى نظرة باهتة ركنت السيارة في محل المواقف المخصصة وطالعت رفيجتها بنظرة عصبية لكن يبين عليها كلها ألم وحزن وبأول دمعه من عيون اماني

: اي حب انتي تتكلمي عنه .. اخوج مافيه ذرة احساس .. ومن قالج احبه .. خلاص ما عاد ابيه او اسمع سيرته .. كرهني في حياتي .. لا ليلي ليل ولا نهاري نهار .. تحملت امج عشانه .. واذى اختج الي كأنهم سهم يفجر قلبي عشانه .. وبعد كل هذا اشوفه مع بنت يسولف معاها بحنان واهي تضحك .. ياويل قلبي .. شلون حب هذا عديم الاحساس (( وقعدت تشهق وهي تكلمها الى لين ما سكتت وشوي ارتاحت لانها فضت الي في خاطرها ))
نورة واهي تمسح على جتف اماني

: امونة يا بعد جبدي بقولج شي وخليه حلقة في اذاينج
اماني : ........
نورة

: علاء اكبر ولد في عايلتنا وامي ما يابت الا اهو وانور اخوي والباقي كله بنات
يعني تدلعه على الآخر .. بس امي تدليعها غير عن باقي الامهات .. لانها شربته من حليب الحقد والكراهية .. وعلمته على الوحدة .. واهو تعلق فيها من صغره .. خبرج شفهمه توه ياهل .. ابوي لين يطلب من علاء شي .. علاء يرد عليه بقساوة وبقلة احترام .. مما يخلي ابوي يطلع من طوره وبعض الاحيان يمد يده عليه عشان يحترمه لان الكلام الطيب ما فاد معاه .. هالجذي علاء ما كان يقعد في البيت .. كلا يطلع وما يرد الا في آخر الليل وانه في هالوقت انطره ولين يي يقعد يقول لي شصار في يومياته .. علاء تغربل عدل ورافق له واحد مغازلجي علمه على سوالف البنات وقص عليه .. ادري فيج بتقولين علاء مب ياهل عشان ينقص عليه .. بس انتي تدرين اذا الواحد مضغوط ومقهور ما بيده حيلة .. وتعرف على شيرين.. وانتي تعرفينها اهي يتيمة وتبي تعوض حنان ابوها بشي .. وما لقت الا هالطريج الزفت الي الله ما يرضى فيه .. فجاسم قال الى علاء عن هذي البنت وشوي شوي تقربو الى بعض .. شيرين حبت علاء .. طبعا من دون علمج .. بس علاء يحسها انها تافهة بس كان يبي يسولف معاها عشان تنسيه هم بيتنا ومشاكل امي مع اخواني وابوي
فيوم شافج وحبج وانتي بعد احم احم
اماني انحرقت اخدودها انحرجت عدل كانت تبي تقتل نورو على فعايلها بس خلتها تكمل
نورة واهي تكمل : وانتي بعد شسمة شسمونة
اماني : شنو كملي له
نورة : هذا الي يسمونه مادري شنو
اماني : ايهو .. وشلون .. اففف شصاير كملي له والله خربطيني
نورة بخبث : هذا الي يسمونه اذا شخص يملك شغف الى شخصة
اماني : هههههههه .. الله يغربل بليسج ..
نورة

: ايوة ..
اماني

: انزين .......
نورة

: فيوم شافج حبج وسيدة قال لي وبعدين صرت مرسالكم رسالة ياية ورسالة رادة يلعن خيركم ريولي تشتكي منكم .. يا حظي سوو لكم سرداب من غرفتج الى غرفة علاء عشان ينزل لج هالرسايل .. ولا شلة سرداب اخذو برقيات وتكلمو مع بعض .. شقاعده اقول آنه برقيات .. اقصد تلفون يعلج العافية
اماني : ههههههههههههههههههههههههه ههههههههه
نورة : بل بل .. حاسبي لا حلقج يطيح من مكانه
نورة : اعاصبج ابوي مافيني شدة اوديج الطوارىء
اماني : هههههههههههههههههه شدة لو ضمة
نورة : عشتو تسوي روحها تنكت ام ردوح .. وععععع .. كلش ما يطيح
اماني : هههههههههههههههههه ويلي
نورة : ولولوج في طاسة يم راسين
اماني : هههههههههههههههه اوهووو ذبحتيني عيوني قامت تدمع من الضحك .. اعوذ بالله منج
نورة : ليش شايفة شيطان .. شيطان يذبح اسرائيل
اماني : ههههههههههههه من وين لج هالكلمات
نورة : تدرين شكلج ما تبين اكمل السالفة
اماني واهي منتبهة لنورة : لا لا كملي دخليج
نورة : دخلوج في قوطي عصير اوال
اماني : هههههههههههههههههههههههه
نورة : هههههههههه بسج له
اماني : انتي ذابحتني كل كلمة وطلعتي لي شي تذبحيني ضحك فيه
نورة : هههههههههه انزين بس خلاص يلا ابااكمل
اماني : اوكي .. غردي

(( يحيليج يا نورة غيرتي الجو على اماني .. كانت نورة تبي تعلق على آخر كلمة من اماني .. بس قالت خلني اقولها السالفة عشان ارد البيت بسرعه لا امي تاكلني ))


نورة

: وين وصلنا
اماني : يوم اهو حبني و .....
نورة بنظرة فرح وبنبره تبط اذون الي يسمعها

: لا بعيدن ولا أبلين على قولة اخوانا المصريين .. ومن سنتين ما شاف شيرين لانها كانت في مشاكل مع اهلها وما يخلونها تطلع وفي هذا اليوم النحس شافها وهي قعدت تبجي وتنادي بأسمه ومادري شنو يودها يم عتبة باب عمها وقالها اني مابيج خلاص يعني قرر ينفصل عنها نهائيا ولا عاد تقرب من هالفريج وخصوصا يم بيتنا

اماني

: اها

نورة

: لا اها ولا شي .. وانتي فهمتي غلط وخوفتي الريال وقمتي مادري شتسوين في عمرج وتسكين الباب بقوة وذابحة عمرج وامج ثريا الله يطول بعمرها متصلة لي تقول لحقي على اماني كاهي تاكل كيلو فلفل حار تبي تنتحر .. يا اختي في احد ينتحر جذي .. ولا هندي بسوي مثل ما كنتي تسوينه
اماني وهي تمسح دموعها : هههههههه الله يغربل بليسج الي مغربلج بخبالج
نورة : خلي بليسي في حاله ما ارضى عليه .. كل يوم ادعي ليه جان يتوفج في جهنم الحمرة
اماني : هههههههه اوكي اوكي مالي شغل في بليسج
نورة : يس يا girl خلج جذي
اماني : ان شاء الله يا عمري
نورة واهي مبتسمة : يعني اليوم راح اتعب نفسي واعطي علاء رسالة
اماني : لا .. خليني افكر وامهليني جم يوم
نورة واهي فاجة حلجها (( لانها تدري بأخوها بيذبحها من لهفته على اماني اذا ما ردت بخبر يفرح قلبه )) : ليييييييييييييييييييييييي ييييييييييييش ؟؟؟؟
اماني : شوفي انا هالاسبوعين ما بكون بالكويت بسافر مع ابوي بنزور ولد عمي .. لانه مريض
نورة وكلها حزن : شفيه ولد عمج
اماني : لا تسوين روحج ما تعرفينه
نورة واهي تمسك قلبها :يعقوبوووووو شفيه ؟؟؟؟
اماني : قلبه تعبان
نورة واهي بتموت صياح على كلام اماني : شفيه .. شصاير به .. لا تخفين علي يا اماني ؟؟
اماني بخبث : ليش هالفزع بس ههههههه .. انتي مب مخلته في حاله هالجذي قلبه عوره وودوه برع يتعالج
نورة منحرجة حيل وقعدت تلعب بيدها : ههههه مالت عليج وعلى الي قاعده معاج بالسيارة .. يعني مب يعقوب الي مريض؟؟
اماني بحزن : لا .. للأسف .. الطيب مرض وهذا العيار للحين صاحي (( اماني في قلبها .. اسم الله عليهم ولاد عمي .. بس لازم اينن نواروو هههههه ))
نورة بعصبية

: يعلة في علاءو ولا فيه .. ليش تدعين على الريال
اماني ماتت من سمعت علاء : اسم الله عليه .. يعله المرض للعاصين .. ليش تدعين عليه
نورة واهي تضحك : وحدة بوحدة
اماني : هههههههههههههه
نورة : يالله عمري .. اذهبي بي الى المنزل . لكي امي لا تلعن خير نوار حبيبتج فلن ترينها ابدا
اماني : ههههههههههههههههه .. خلني اشتري لج شي تشربينه
نورة : اووووكووووو .. مال مفتي جي قفتي
اماني وهي مستغربة من جملة نورة : شنو قلتين ؟؟
نورة : مال مفتي جي قفتي يعني مال بلاش هههههه اخذه وانت ماشي
اماني : هههههههههههههههههه شهالكلمات الي عليكم
نورة : هههههههههه من الوالدة .. بلشتنا مع كلماتها
وظلو نورة واماني على هالحالة لين ما رجعو البيت
واول ما فتحت اماني الباب دخلت البيت والكل كان قاعد بما فيهم بنات خالتها وولادها
اماني بفرح كبير : الســـــلام عليكم
الكل : وعليــكم السلام
ثريا تلم بنتها : امانيووو انتي وينج .. ولهتج عليج حبيبتي .. شفيج جذي ما تردين على اتصالاتي ولا تقولين لي وين رحتي ولا ..... (( قاطعها شريف ابو اماني )) شريف : اي صج انتي وينج شهالدلع لا اتصال ولا تقولين ولين رحتي (( يقاطعهم احمد اخو اماني )) احمد : اي والله ذبحتين امي لا تتصلين ولا تقولين وين رحتي (( ويقاطعهم محمد اخو اماني )) محمد : شدراني فيها السخيفة لا ترد على الاتصالات الي تيي لها ولا تقول وين راحت
والا بأماني والكل ينقعون ضحك على امها وابوها واخوانها
اماني وهي في حضن امها : فديتج امي .. مفعولج سيطر على الكل
خالد ولد خالةاماني : ههههههههههههههههههههههه اي والله يا بنت الخالة .. الكل عاد الجملة الي قالتها خالتي
اماني : هههههههه كل هذا حبن فيني .. ولا في العصير اللي يايبته للكل
وفي هاللحظة احمد اخو اماني نط الى اماني يدور العصير : اموووني وين العصير وينهو ما اشوف شي .. عسى بس ما طاح وانتي راجعه الى البيت
اماني : ههههههههه يه المطروق .. لا يبة كاهو في السيارة نسيته
محمد : اوكي نو بروبلم آت أول عطيني المفتاح وبروح اييب العصير

(( محمد في باله شي ثاني .. يبي يلحق على عصير المانجو الي اهو يحبه .. لان احمد اخوه يموت في عصير المانجو .. فقال خلنا نلحق على الحلال .. لا يحشه ولد الخال ههههههه ))


نزلت لكم جزئين كرمال عيونكم

فالرجاء الايفاء بالعهد وحسن المتابعة معي كي ابذل كل ما وسعي لأضعها بين ايديكم

واريد تعليقات فقط لاضافة نكهة الحماس والفكاهة