[لامارا]

~ الجـــــــــــــــــزء السادس (6) ~

سوسن

: سمعته له يالله فارج
خالد بسعادة : طلباتج أوامر .. في امان الله
سوسن (( وين رايح .. تعال .. اففففف لا تروح بتذبحني ههههه .. والله مينني هالريال ))
الكل

: في امان الكريم
وراح خالد الى امه اللي كانت يالسة في الميلس مع ام محمد اختها
خالد : يمة .. الوالد الحين متصل يسألني وين انتو .. ردو البيت بسرعه
ام خالد بأرتباك وبصوت خافت : قوله انك وديتنا الماركت او المول وبنرد بعد ساعة
ام محمد : يه .. شولة الماركت او المول .. مب توج تقولين انج قايلة له انج ياية بيتنا
ام خالد تقاطعها : ايوة قلت له اني بيلس معاكم دقايق بعدين بنتزهب على روحة المول بس تعرفين سوالف الحريم ما تخلص هالجذي قلت بنرد بعد ساعه هههه
خالد فهم قصد امه وتكلم وقال لابوه : هلا يابة .. لا لا .. انت تعرف الهامو لازم تأخر امي في المول .. ان شاء الله بعد ساعه بنرد .. لا افا يالغالي تامر امر .. ههههههه عصير موز .. ان شاء الله من عيوني يبة .. في امان الكريم ..

ونيي الحين الى بيت بو علاء

علاء

: منوي عمري ما بعطيج حلاو اذا ما قلتي لي وين وديتي ساعتي اليديدة ..
منوي بضحكة

: ههههههه والله العظيم ما خذيت ساعتك شفيك انت
علاء بحزن : هالساعه غالية علي .. رفيجي مقدمها لي هدية
منى واهي تضرب على جتف علاء : حبيبي علوي .. مب انه الي تطوف علي هالسوالف
علاء يسوي روحه ما يدري : اي سوالف تتكلمين عنها انتي ؟؟
منى بخبث : عن حبيبة القلب .. احم احم
علاء بضحكة شريرة : ههههههه اي حبيبة قلب .. والله ترترة .. وانه ويه حب
منى بعينها الساحرة : اي عيل آنه
علاء : هههههههههه .. مع هالعين .. تعالي براويج شي
منى بكل براءة : فديت عيني .. شبتراويني .. كاني ييت
وهني علاء اخذ منى من يدها وسحبها من شعرها وفلتها على الارض ورفع ايده يزعم منتصر على عدوه
علاء واهو فاج حلجه : يحيا البطل يحيا .. صفقوا الى السيد علاء المنتصر .. نحن معك يا علاء نحن معك
منى ومكورة عمرها على بعض : آآآآآخ ظهري .. علاء .. عــــــلاء ألحقني
وتتغير ملامح علاء كليا ويركض الى اخته : منووووي عمري .. شفيج .. علامج .. وين يعورج
وهني منى تعض يد علاء بقوة وعلاء يصرخ صرخة قوية
علاء : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآه .. يدييييييييي
منى : ههههههههههههههههههههههههه ههه وحدة بوحدة .. عشووون عيل
علاء : براويج يالتافهة اذا حطيت يدي عليج بذبحج يم الليف ..
منى بضحكة

: هههههه محد ام الليف الا مرتك
علاء واهو يتعصر من الألم : براويج لكن .. صبري لج يالكريهة
منى واهي تطلع لسانها : انت قوم بالأول
علاء شال عمره وتوه بقوم الا منى ركضت ودعمت بأمها الي كانت واقفة وراهم وتشوف مزاحهم الي ما استساغته بالمرة
ليلى : آآخ .. يعلج الويع .. ما تشوفين يالعمية .. الله يعميج
منى واهي منزلة راسها وشوي وبتبجي : آسفة يمة .. ما شفتج
ليلى : ما شفتيني !! ليش آنه مخفية .. ولا طوف عشان ما تلاحظين مع هالراس
علاء واهو ماسك يده : يمة ما كان قصدها انها تدعمج .. لا تكبرين السالفة
ليلى : جب ولا كلمة انت .. ثور شقدك .. طول بعرض .. ريال شكبرك .. تمزح مع هالعقربة
وهني منى مب قادرة تستحمل كلام امها فعلى طول رمت نفسها بحضن علاء
منى واهي في حضن علاء وعلاء لامنها : آسفة يا يمة والله ما كان قصدي .. آسفة يا علاء لاني تكلمت معاك من الاساس
علاء : تتأسفين على شنو انتي بعد .. ما اشوف اي غلط في الموضوع .. ولا تنزلين نفسج لأي شخص .. الا اذا كان يستاهل .. ويالله تعالي خلنا نروح الى غرفة نورة نشووفها شسوت على سالفتنا هههه
منى واهي تشهق : ههه هه يالله مشينا
ليلى : لا والله .. من صجكم انتو يعني .. والله ما عرفت اربي .. انه قاعده اكلمكم وانتو بتهدوني وبتطلعون .. شهالمسخرة الزايدة عن حدها
وهني علاء ومنى ما عطو امهم اي اهمية .. فأخذو نفسهم وراحو غرفة نورة
ليلى : هييي انتو .. يا مسودين الويه .. قاعده اكلمكم (( ومرة وحدة علاء دخل الغرفة وصك الباب بقووووووووة عشان ينهي كلام امه الجارح ))
ليلى

: هين يا ولد عبدو .. ان ما طلعت حليب الاربعين من خشمك ما اكون انا ليلى

شنو فيها هالليلى ليش تتعامل مع عيالها جذي ؟؟؟ وش بصير في غرفة نورة