[لامارا]

~ الـــــــــــــــــجزء السابع ( 7 ) ~

وفي غرفة نورة

منى واهي شوي وتموت من البجي

: بموت منها نوار والله ذبحتنا من كلامها .. ما تحب لنا الخير
نورة واهيا لامة اختها : يامنى مب بس انتي الي تعانين .. شنقول احنا الا من انولدنا ليومج هذا ناكل ونشرب زف ومناجر من امج
علاء بعصبية واهو واقف يم دريشة غرفة اخته : والله هذي وايد مزودتها .. كلش ماكو احترام .. تزف وتناجر الي تبيه .. الله يهديها بس
نورة بهدوء : المشكلة انها امنا .. ما نطلع من يزاها وهذي عادتها مب من امس او اليوم هذي من انولدت جذي .. مسيطرة .. قاسية .. اففففف الله يهديج يامي بس
وهني الكل يلتفت للباب الي انفتح بلا احم او دستور
ليلى بعصبية زايدة : شوفو بقولكم .. آنه ما عندي عيال يطلعون من شوري .. ولاني بقابلة الى اي شخص يوقف بويهي .. ان شاء الله لو كان منو .. ما يهمني صغير او كبير .. كلمتي اهي الي تمشي .. والي اقوله أمر .. والي مب عايبة ترا الباب يوسع يمل .. وانت يا علاءو من وين طلع لك لسان .. مب انت اليبان الي كلمة تييبك وكلمة توديك .. شلة صاير هاللون .. يزعم قوي ونافخ عمرك .. ترا يا بابا .. لو وين رحت ووين ييت بتظل ولد عبدوو .. لا تطالع فوق وايد لا تنعوي رقبتك .. فاهم .. يا سيد علاء
علاء بهدوء واهو منزل عينه يمشي بأتجاه الباب : على ما اعتقد .. انج امي .. عدل ولا لأ؟؟
وهني علاء يفج عينه بعين امه الي توايهو عن الباب
ليلى : لاني امك ولا اعرفك .. دامك على شي سخيف تطلع من شوري
علاء واهو يكمل طريجه : اذا عرفتي اني ولدج ولا لأ بعدين تعالي قولي لي امي ولا غيره ويالله نوار برزي عمرج انتي وخواتج بطلعكم شوي .. تغيرون جو .. عن هالجو الزفت
نورة بعد ما عطلت اخذت جنطتها واختها ونادت انور وباجي الخوات عشان يطلعون لان اذا ظلو اكثر .. ليلى بتطيح مناجر حتى مع الطوف
نورة بصوت عالي : فاطمة .. شهزلان .. انور .. زهبو نفسكم ونزلو تحت يم الفيلا بنطلع يالله
شهزلان واهي مطلعه نص جسمها من باب غرفتها : آسفة حبيبتي .. ما اقدر اطلع .. علي وايد ضغط .. ابي ادرس
نورة : قلت لج زهبي نفسج وتعالي معانا .. لا ييتج وكفختج تكفخ .. واخلي خدوج يصيرون طماط معفن
شهزلان بأستغراب لانها فهمت من كلام اختها ان امها تشب نار مكانها : ههههههههه اوكو غيرت رايي كاني الحين ياية بالدرب
نورة بابتسامة : ونادي انور وفطوم معاج
شهزلان برد سريع : ان شاء الله
وهني طاف الموقف على ليلى بكل سرعه واهي واقفة محلها تتذكر كلام ولدها
شيقصد هذا لما قال

(( اذا عرفتي اني ولدج ولا لأ بعدين تعالي قولي لي امي ولا غيره ))

شعلي منه بستين ألف داهية تاخذه ولا ترده

علاء فتح باب سيارته

(( البورش )) وقعد داخلها ينطر خواته لين ما ييون
وفي نفس هذي اللحظة الهام ورهام واماني وسوسن كانو في سيارة رهام الي مستعيلة تروح البيت وتاخذ اختها شيخة عشان تطلع الشلة كامل الى المطعم
واول ما لفت انتباه عين علاء اهو اماني الي كانت يالسة جدام كرسي السايق وتبدل في اشرطة الاغاني

واويلاه علاء رد شاف اماني

.. شبصير الحين ؟؟