[لامارا]

~ الجـــــــــــــزء الثامن (8) ~

اماني بلهفة

: رهام .. ما عندج كست الى عبدالله رويشد
رهام : لا يبة ما عندي .. بس اذا تبين للجسمي كاهو في الدرج
الهام واهيا تتأفف : افففف .. امانيووو .. تراج والله ذابحتنا برويشد كلا تسمعين له غيريه عاد
سوسن واهيا ماخذة موقع الدفاع : لا عاد ولا ثمود .. احسن مغني عندي وعند امون اهو رويشد
اماني : give me five soso
رهام واهي مستعيلة

: افففففف .. خلصوني خلني امشي
الهام بعصبية : الحين من ميودج يالله روحي بيتكم .. هالعلة اختج شيخوه ذابحتني اتصالات
اماني : ههههههههه .. تلاقينها مزهبة يدها عشان تكفخ رهام
رهام بأستهزاء : خس بحظها تلمس شعرة من جسمي .. ترا والله أعلم عليها عند برهوه
سوسن بضحكة غريبة : هههههههههههه .. قبل برهوم والحين برهوه ههههه من وين لج هالكلام
رهام واهي تطق يد اماني عشان ما تغير الاغنية الي في المسجل : خليها هذي الاغنية موت احبها
اماني واهي تهمز يدها : آآآآخ .. شفيج يالمتوحشة
الهام ورهام : مشتاقة ليه شوق الهوى لروحي
سوسن بلهفة : وحياة عينيك ذابت أنا روحي .. من زمان مشتاق انا اشوووفك .. ويا زمان ترجع لي بوصوفك ..
الهام وسوسن ورهام بضحكة

: والسبب بعدك حبيبي .. حبيبي .. والسبب بعدك حبيبي
اماني : الحمد الله والشكر
سوسن : هههههههههههه

وتسوي اماني نفسها زعلانة وتلتفت جدام الا عينها بعين حبيبها

(( ياربي .. علاء يالس في سيارته ويناظرني .. ياربي بس لا تطالع هههه ياي ما اقدر اتحرك من نظراته يربك الواحد .. ))

الهام

: اموووون امووووووووووون
اماني واهي مب منتبهة ومنحرية حدها
رهام : هييي انتي يم كشة شفيج ؟؟
اماني : ......................
رهام

: مب منها .. من هذا الصنم الي حاط عينه بعينها
الهام بضحكة : وينه .. وينه ؟؟
سوسن : هههههههه كاهو .. ياحليله ولد الييران
الهام غيرت نظرتها من سوسن الى علاء وانصدمت .. عــــــــــــــــــــــــ ـــلاء

(( علاء ما غيره.. من صجي اشوفه لو هذا خيال .. لا لا اكيد حلم .. او طيف .. لا مب طيف هذا علاء صج .. اقووم له واسأل عنه .. علاء حبيبي .. يا آآآسر قلبي كل هالسنين .. مدة ما شفتك والحين بهاللحظة اشوفك وجدام عيني وفي سيارتك بعد .. لا لا اكيد بيطلع .. بيهرب مني مثل ما هرب ذيج المرة .. ياربي .. علااااااء هني مب مصدقة .. ياويل قلبي ))


سوسن حست شي صار الى الهام فعلى طول حبت تغير الموضوع

: هههههه اماني خففي على الميك آب في المرة الياية .. خليتي ولد الييران ينسحر فيج
رهام بخبث : قولي والله هذا ميك آب .. احسبه لون ويهج الطبيعي .. اشهد انج جيكرة بلا هالألوان هههههههههههه
اماني : ههههههههههههههه .. مب حاطة شي والله .. انتي تعطين فرصة احد يتعدل
رهام بحزن : كلا من شيخووووووووووووو .. ذبحتني اتصالات
وهني علاء يتليعن ويطول على صوت الاغنية الي يسمعها الى الجسمي عشان تسمعه اماني
المسجل : لا تجرح احساسي .. انا انسان حساسي .. ليتك تداريني .. وتحس يا قاسي
اماني في قلبها (( وانت من يقدر يجرحك يا بعد روحي ))
علاء يلتفت الى الجانب الثاني نحو فيلته
المسجل

: تجرح ولا تبالي .. وتصد عن غالي .. يغليك ويداري .. يا اكبر آآمالي
رهام : ويلي عليه يينن .. لو مب مخطوبة لبرهوووم .. جان رقمت هذا لين ما يتزوجني
سوسن واماني : ههههههههههههههههههههههههه هههههههههه
سوسن واهي تنقز بيدها على اماني : ما تقولي شي يا حظي
رهام فهمت الحركة : لالالالالالالالالا .. لا تقولين انج تحبينه .. او اهو يحبج
اماني انحرجت وبالغلط حركت راسها فوق وتحت يعني اي
رهام : افففففففففففففف .. حتى في هالشي منحوسين
اماني بأحراج وسوسن : هههههههههههههههههههههه

(( هني الهام ماتت .. شنوووووووووووووو .. لا لا .. مستحيل .. اماني تحب علاااااء .. حبيبي .. لاااااااا مستحيل .. اهي صج كانت تتكلم عن شخص تحبه ويحبها وبينهم مراسيل .. وتمدحه على طول .. بس ما توووووقعت بكون هذا حبيبها .. لاااااا مستحيل .. اكيد تمزح ))


علاء يلتفت في ويه اماني واهو يردد على الاغنية
علاء

: ولي ملك روحي .. هو سبة جروحي .. ما اريد انا غيره .. اهواه وابوحي
واهني اماني ماتت حيا (( شسوي فيك انت .. هههههه يحليلك ))
وتيي نورة الى سيارتها وتوها بتفتح السيارة الا فاطمة اختها تقولها كاهي اماني بتطلع بعد
نورة

: فطووووم ضربي السيارة سلف (( فتحي السيارة )) وبييج دقايق
شهزلان : نوار وين رايحة
نورة واهي مستعيلة : دخلي انتي وفاطمة السيارة وخلي انور ومنى يروحون سيارة علاء .. دقايق وآنه رادة
شهزلان بأستغراب : اوووكي .. منووي .. انوور .. يالله على سيارة علوووي
منى وانور : يسسس هياااااااا .. افتكينا من هالبطة مع سواقتها
شهزلان وفاطمة : هههههههههههههههههه

(( اونه يقصدون ان نورة تسوق بطيء اما علاء كلا يضرب ريس مع نفسه ))


نورة الى البنات

: يااااااااااهلا بالشلة
توها رهام واماني بفجون الباب الا نورة تقولهم : لا تفجون الباب آنه بسلم وبشيل عليه
اماني بحزن : ليش وين بتشيلين عليه
نورة : بطلع مع اخواني .. زهقت من قعدة البيت هههههه .. خبرج كلا نوم وأكل
سوسن : ههههه .. حيا الله بالغالية .. تفضلي معانا .. نطلع يميع
رهام واهي تقاطع سوسن : اي يبة تفضلي وتأشر الى اماني تروح ورا عشان نورة تقعد محلها
اماني واهي تخزر في عين رهام : مالت عليج يالبقرة هالقد انه مثجلة عليج عشان تخليني ورا
نورة : ههههههههههههههههههه .. قعدي محلج يالدبة آآآنه بروح سيارتي شسوي فيكم
رهام : اهاا .. وين بتروحون
نورة واهي تطالع سيارتها bmw x5 والله الشابات يبون يروحون البحر وبعدين المول يتشرون لهم لليامعه ومرة وحدة نتعشى واحنا رادين البيت .. خبرج ما نقدر نتأخر لان مدام عبقرينو معانا

(( مدام عبقرينو اهي شهزلان .. الي مسميها هالاسم اهي الهام .. لان شهزلان ما يهمها الى دراستها وعلى طول متوفقة .. ولين تقعد معاهم تتكلم عن الدراسة واحوالها .. او معلومات غريبة ))


نورة واهي تطالع في المقاعد الورانية

: هييييي انتي .. الهامووو يالنايمة ما تشوفين شيختج ياية ليش ما تسلمين عليها
سوسن لاحظت شي غريب من الهام من يوم شافت علاء وعرفت ان اماني وعلاء يحبون بعض
رهام تطالع الهام من اليامة الي معلقة في السيارة : الهاموووو يا حظي البنت تناديج
نورة : خلها خلها الحين براويكم فيها
اماني بأستغراب : يا بنت الخالة شفيج .. الهامووو
وفي هذي اللحظة تيي نورة عند دريشة الهام وتسوي حركة غريبة وتزهق الهام
نورة : ههههههههههههههههههههههههه ههههههههههههه
الهام : يالكريهة يالتافهة يالسخيفة يالباهتة يالمطروقة يالمزهوقة يعلج الموت
سوسن ورهام واماني بيفطسون ضحك على ويه الهام الي تغير وصار الوان من الخوف
نورة : ههههههههههههههههههههههههه هههه انتي شوفي ويهج بالاول بعدين تحجي
الهام واهي ماسكة قلبها وتعدل من شعرها الي تتطافر من الخوف : تسوين نفسج تضحكين يا ذا الويه .. طيرتي قلبي يالله طيرج من هني الى بانكوك
نورة : ههههههههههههههههههههههههه ه وطيرج معاي عشان نحصل ريل من هناك
الهام واهي مالها نفس تضحك : هههههه شسوي في ريال هناك ياحليلهم ريال بلدنا
سوسن : صج والله .. ومن الي ميت على براد بيت
الهام بأشمئزاز : شسوي في هالامريكي اليلف .. اخلي ولد ديرتي .. وآخذ هذا
اماني بابتسامه : ههههههه وين كلامج عنه من قبل يومين
وهني فاطمة تطق هرانة على نورة عشان تستعيل لان علاء ذابحهم من الحنة عشان يمشون
نورة واهي معصبة : افففففففففففف .. والله سوالف الشلة ما تنمل بس يالله حبايبي نشووفكم مرة ثانية .. فطوم بتاكل السيارة اذا ما ييت
اماني : ههههههههههههههههه .. انزين تعالو معانا
نورة : وين بتروحون
رهام واهي تقاطعهم : انتي سبقينا واحنا منيي وراج بس باخذ شيخو وياية
نورة : عيل تعالي بحر ال ****** وبعدين بنروح مول ******
رهام واهي تنغز بعينها على علاء

: وهالقمر بيي معانا
اماني بعصبية : هيييي انتي .. شنو قمر ما قمر .. الزمي حدودج لا أعلم عليج عند ابراهيم
نورة تسبق رهام في الحجي : وييييييييييييييييي فديته بعد جبدي
رهام واهي شوي وتطلع من الدريشة : يزعم خفيفة .. يالله يالله فجي ذاك الصوب
نورة واهي تمشي على طريج سيارتها : ههههههههه نشوووفكم على السيف
رهام : صااااااااااار