[لامارا]

~ الجـــــــــــــزء العاشر ( 10 ) ~

تقرب واحد من الشباب يلي اتفق مع شلته انه يغربلها ويعطيها رقم موبايله

: يا هلا بهالويه القمر
منى واهي مندهشة : شفيك يافلان .. انت ما عندك خوات .. عيب عليك
الشاب : كلهم يرخصون يم رمش عينج
منى واهي شوي وتموت بجي : يا خوي تباعد عن طريجي .. شبقولون الناس لين شافني اكلم واحد غريب .. وثانيا اخواني ثنينهم يايين في الطريج .. تباعد لا تسوي لي مشاكل لو سمحت

الشاب واهو يتقرب الى منى اكثر واكثر

: بستين الف داهية (( وهني ييود الشاب يد منى ))
منى واهي تصارخ

: يالحقيـــــــــــــــــــ ـر وبردة فعل قوية منى تسطر الشاب سطرة قوية خلت كل ربعه يطنزون عليه ويسوون له حركات تدل على فشله في استهداف هذي البنت
الشاب واهو معصب يبي يسطر منى الي وييها كله براءة بس وقف وقالت له : يالدنيء روح احفظ ماي ويهك وتباعد عني لا اخلي الي يسوى والي ما يسوى من امثالك يلتم عليك ويكفخونك لين ما تشبع ويقطونك في السجن يعلك الفقر .. انت للحين ما عرفت انه بنت منو
الشاب بأستهزاء : بنت منو يعني ؟؟
منى واهي على احر اعصابها : آنه بنت يلي انت وامثالك يعبدونهم ليل نهار عشان ياكلون من خيرهم .. فاهم يا تافه
وتوه الشاب بيكفخ منى الي ضربت على الوتر الحساس و الي وقفته عن حده يي علاء الي كان يشوف المشهد من بعيد ويركض بأتجاه الشاب وياخذه من يده ويبطحه في الارض ويطيح فيه تبكيس ومنى تصارخ : علااااااء كافي بس تباعد عنه عن الفضايح
ويسمع انور صريخ والحالة قايمة فيركض الا مكان الدوشة ويلاقي علاء يكفخ ويضرب الشاب لين ما سال الدم من خشمه وعينه ازرقت من شدة الضربة فيي ويود اخوه ويباعده وينادي على ربع الشاب انهم ييون ياخذونه بس بطيبعتهم خاييفين من تكفيخ علاء لهم ولانهم خافو من نظرته الحادة يوم يهجم على رفيجهم فأنحاشوو ولا بين لهم أثر
انور بتوتر : بس علاء خل هالحيوان عنك
علاء بعصبية : انت اتركني خلني اعلمه السنع
منى واهي تبجي : بس خلااااااص كل الناس متيمعين حواليكم بس خلاص
انور يترك علاء يلي فار من العصبية
ويتقرب علاء من الشاب المطروح على الارض ويفتح بوكه (( محفظته )) ويطلع منها 20 دينار ويفلته عليه واهو يقوله : يود اخذ هالفلوس وروح اشتر لك دفتر بو 200 ورقة عشان ترقم البنات الي مثل ويهك وعلى طينتك يا جليل الحيا يا النذل
وهني علاء يضم اخته الي ميتة رعب ويدخلون السيارة مع انور

وفي الشارع
علاء واهو يطالع اخته من المنظرة

: تعجبيني يا بنت الاصول .. هاي الاشكال اذا سكتي عنهم يزيدون ..
منى واهي ترتجف

: لااا عييلللل اااخللليييه ..
انور

: هههههههههههههههه هوق هوقن الاخت
علاء : هههههههههههه بس زين سويت فيه من زمان ما كفخت احد
منى واهي تمسح الدموع : ههه ههه .. تلاقيه سمممممع نصيييييحتككككك
علاء بنظر جد : هالاشكال يا شباب ما ييون بالطيب .. يحسبون بنات الناس لعبة عندهم .. انزين افرض يا اخي ان الي رقمتها اليوم .. يتقدم لها اخوك او واحد من قرايبك شبكون موقفك
وهني انور يقاطعه
انور : لا هذا احتمال ضعيف .. ليش ما تقول ان اذا رقمت بنت من بنات الناس اليوم .. بكرة اذا تزوجت ولدك يطلع مثلك او بنتك اهي الي تكون بهالموقف ويرقمونها .. سترو على بنات الناس .. عشان الله يستر على بناتكم
منى واهي تلتفت في دريشة السيارة : الله كررريييمممم
علاء واهو يتنهد ويذكر اماني في باله : يخفف الجرح الأليم .. هذا درس له وللي كانو معاه
انور : اي والله .. انزين روح هذا الطريج عشان نروح لابوي الشركة
علاء بابتسامة : ان شاء الله .. منوي حبيبتي ما تبين تروحين البيت ترتاحين .. ولا بتيين معانا الشركة ؟؟
منى : لا خوي .. بروح معاكم الشركة .. ابي اشوف رفيجتي مريم سكرتيرة ابوي
علاء : ههههههه يه في الويه تقولها .. ما تقول تبي تشوف ابوها
منى : ههههه حرام عليك اليوم بطوله كنت معاه
علاء : يالله عيل توكلنا على الله

الشلة كلها توها طالعه من المول والحين اهم في المطعم
شيخة

: عاد اقولج شريت كلشي الا الجاكيت الي كنت احلم فيه
رهام بقهر : لانج غبية .. من متى قايلة تبين تشترين هالجاكيت ولا شريتيه
الهام بابتسامة : شيخو حبيبتي .. اخذي جاكيتي حلالج .. ادري فيج من شفتيه استخفيتي عليه وتبين واحد مثله
شيخة واهي تعدل شعرها : يه .. انه بنت يوسف الشراع آلبس ثياب ملبوسه . يخسيج
اماني : شوف من يتحجى
رهام والهام : هههههههههههههههههههههه
نورة توها رادة مع سوسن من غرفة السيدات
شهزلان واهي تناظر اختها وسوسن: يامرحبا الساع .. حياكم نظر عيني
فاطمة واهي تغير نبرة صوتها : يامرحبا الساع .. حياكم نظر عيني
شهزلان بتعجب : يه .. شفيج
فاطمة واهي تطالع شهزلان بدلع : شدراني فيج يالدبة .. توه من 10 دقايق كانو معانا بعد شلة الترحيب
سوسن واهي تلم شهزلان : وانتي وشعليج يالحشور .. رفيجتي وتبي ترحب فيني .. انتي شيحرج
فاطمة واهي تباعد نظرها عن ويه سوسن : انتي محد كلمج .. ويي .. ما اشتهيج .. لا تكلميني
نورة : هههههههههه شفيكم انتو .. نسوان ريل
فاطمة كأنها ياهل : شدراني عنها هذي
سوسن بابتسامه : اذا مضايقج وجودي .. افا عليج يالغالية ما طلبتي شي الحين اقوم
فاطمة واهي مب مصدقة من زعل سوسن بهالسرعه : يــــــه .. لا يا عمري والله ورب الكعبة كنت امزح معاج .. انتي شيختنا يالغلا
سوسن بأفتخار : آدري بس ابيج تقولينها بعظمة لسانج
الكل : هههههههههه
شيخة بعصبية : انت شفي حبايبك قلت لك 3 صحن باستا و2 مشكل و2 نودلز
اماني شوي وبتموت ضحك على شكل الجرسون المرتبك من شيخة العصبية : انتي شفيج على الريال خلني اتفاهم معاه
شيخة : هييي انت مافي سمجي .. سجل الي نبيه لا افقع عينك بهالقلم الي تكتب فيه
رهام ونورة : ههههههههههههههههههههههه
فاطمة : هيي انتي يالملقوفة الريال توهق منج .. خلاص بيا روح ييب الاكل
شيخة : انتي جب ولا كلمة لا أأكلج هالصحن
شهزلان : انتو شفيكم .. كأنكم اول مرة تيون مطعم .. يا يبة بيوصل طلبكم لا تعصبون
اماني بحنية : شيخة حبيبتي .. بس له لا تعصبين
شيخة : فديتج بنت خالتي .. سكتي لا ابط عينج باصبع شهزلانو
نورة بخبث : شيخة لايكون اليوم ما اتصل حبيبج هالجذي مفورة علينا
شيخة واهي تطالع تلفونها : لا والله توني مسكرة منه تصدقين
نورة : هيهيهيهيهي .. بشري ريلج
شيخة : هيهيهيهيهي .. ليش ريلي جبن
الكل : هههههههههههههههههههههههه
اماني واهي تضرب بالكاس الي يمها عشان تعلن لهم خبر

تعلن خبر

.. يتراوى لكم خبر شنو ؟؟ نشوف مع بعض