مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
~ الجــــــــــــــــــــــ ـــــــــزء 11 ~ اماني : سمعو حبايبي بعد بكرة آنه بسافر بروح لندن بزور ولد عمتي .. وبظل هناك اسبوعين شيخة واهي تقاطع اماني : اييييييي .. عشان تشترين لي الي بقوله لج بعد شوي الكل يحط اصبعه على ثمه ويقول: شيخة اصصصصصصصصصصصص شيخة بقهر : عشتووووووو هوانم قردن ستي الكل : ههههههههههههههههههههههه اماني : بس له .. خلني اكمل نورة : كملي اماني : فأبي منكم تدعون الى ولد عمتي .. لانه بيتقدم الى عملية وايد صعبة وان شاء الله تنجح لان قالو له ان نسبة النجاح في هالعملية 20% شيخة : الله يكون بعونه ويقومه بالسلامة ان شاء الله شهزلان بحزن : ما يشوف شر فاطمة : ان شاء الله يقوم بالسلامة ويرد لكم احسن من اول نورة : يعل المرض في العدو ولا فيه ويقوم وتفرحون به رهام : الله يساعد قلب امه ويصبر قلب ابوه الهام الي كلش ما كانت في الجو ابدا لانها تفكر بعلاء بس تلفتت الى نظرة سوسن وقالت : ما يشوف شر يعل العافية تسدد في بدنه اماني بفرح غامر وييهها الملاكي : تسلمون يالغلا .. وما تقصرون نورة واهي فاجة حلجها : هههههههه لا والله لا تسوين نفسج طيبة .. وانتي رادة من لندن تييبين لي اكسسوارات و بلوزات .. وقبعات .. وما اوصيج على (( وتوها نورة بتكمل الا رهام تقاطعها )) : هييي هييي ما خليتي لي شي انه وخطيبي الكل : هههههههههههههههههههههههه نورة : لا والله حبيبتي .. صوغتي اهي سلامتج .. تروحين وتردين سالمة غانمة لأهلج وللي يحبونج وهني تغمز نورة الى اماني واماني فهمت قصدها وانحرجت والكل لاحظ هالحركة شيخة تقطع الكلام وتقوم من مكانها : يسسسسسسسسسسسسسسسس .. يابووووووووو الاكل .. اضرب بالخمسسسسسسسسسس الكل : ههههههههههههههههههههههههه هههه فاطمة واهي تمسح دموعها : صج متفيجة ههههههه .. الناس في زلزلة والبنت تدور على ريل الكل : ههههههههههههههههه وبعد هالامسية الروعه الكل رد البيت بعد هاليوم الطوووووووووويل ولي مرت فيه احداث وايد رجعو البنات الى بيوووتهم واهم حاملين شكثر اكياس من جراء شراتهم للاغراض الي في المول ونيي الى بيت ام خالدالهام توها راجعةمن الطلعه مع شلتها واهي مب شاغل بالها الا علاء .. (( شسوي في عمري ياربي .. وشلون هذي تحبه .. مستعدة اقتل الكل عشان رضاك يا حبيبي .. يـــه شلون اقتل الكل .. هذي بنت خالتي .. ورفيجتي .. وحبيبتي .. شلووون .. والله يننتني يا علاء )) الهام واهي مشغولة في التفكير.. ياها صفعه خلت راسها يفتر وتطيح على الارض وتطيح مشترياتها معاها الهام مع اول اعلان لنزول دمعتها : يبـــــــــــة !! بو خالد بعصبية : وحطبة في بلعومج .. شتسوين هالحزة في الشارع يا بنت امج ؟؟؟؟ ام خالد بقهر : بو خالد .. شوي شوي على البنية .. لا تصب غضبك عليها بو خالد يدفع ام خالد على الارض بقووووة الهام واهي تربع عند مكان امها وتلمها واهي تبجي : يمة شفيه ابووي .. شصاير فيه خالد بهدوء : يابوي .. خل عنك هالعداوات وهذي الاحقاد .. شبينفعك كراهيتك لبيت شريف بو خالد واهو يصرخ : بيت خالتكم اذوني واذوكم .. اكلو حقكم .. ما تفهمون انتو .. آنه عانيت لين ما كونت نفسي من جد وجديد بذيج السنوات الي طافت منهم خالد واهو يتقرب يم امه ويشيلها ويطلب من اخته توديها غرفتها عشان ترتاح : يبة .. انت خسرت صفقة من صفقات الشركة .. والي ربحها اهو خليفة الشريف .. وانت نص مبالغك راحت .. وانت تلوم خليفة على انه اخذ الصفقة عشان بس يقهرك .. شهالكلام يايبة .. بو خالد واهو يطلع من طوره : آنه ويا بيت الشريف كنا جذي (( وهني يقرب صبعتي السبابة الى بعض بما معنى انهم كانوو متقاربين وايد )) بس اهو الي باعني عشان هالصفقة خالد واهو يقاطع ابوه : يبة .. لو الكل مكان الشريف جان شفتهم مسوين مثله .. لان مثل هالصفقات ما تتعوض .. والفرصة تييك مرة وحدة في العمر .. واذا ما استغليتها .. راحت عليك .. وانانية منك يايبة اذا تبي كلشي لك .. بو خالد واهو يفور من مكانه : وانت من متى توقف بويه ابوك وتعانده .. آنه لما منعتكم من زيارة بيت خالتكم .. كان وياي الحق خالد بهدوء : قطع صلة الرحم فيها حق ؟؟؟؟؟ بو خالد ارتبك وما عرف شيقول خالد واهو يكمل كلامه : يبة انت ما ربيتنا على جذي .. وصلة الرحم واجبةعلي وعليك .. انسى هالحقد الي تكنه على بيت الشريف .. وتصالح معاه .. ترا والله عايلة كفو بو خالد يترك خالد لانه بالصراحة حس بالاحراج (( عمري ما حسيت بجذي احساس .. الحين ولدي اهو الي يوعيني وآنه ريال شكبري ولا عمري فكرت بهذي النقطه )) خالد ما تمالك نفسه وعلى طول ربع عند غرفة اخته الهام : ادخل خالد خالد بابتسامة : هههههه .. حوووووو .. ساحرة انتي الهام : هههههههه .. ليش بعد ؟؟ خالد بضحكة : لانج عرفتي من ورا الباب الهام : هههههههههه احس يا خوي ام خالد بتنهد : الله يخليكم لبعض ان شاء الله خالد واهو يبوس راس امه : ويخليج لنا ذخر يالغالية ام خالد بتعجب : شصار مع ابوك ؟؟ الهام بدت تعرق ومتحمسة تبي تعرف شصاير خالد يقوم من مكانه : والله يا يمة قلت له ان مالي داعي هالاحقاد الي تكنها الى بيت الشريف .. واهو ما سوا شي غلط .. وانانية منك اذا تبي كل الصفقات تكسبها وغيرك لا ام خالد متعجبة من صراحة خالد : من صجك انت قلت له جذي ؟؟ خالد بأستغراب : اي .. كلامي مافيه شي الهام بهدوء : انزين ابوي وينه ؟؟ خالد : كاهو في غرفته وهني الهام ما عطلت اخذت نفسها وراحت غرفة ابوها بو خالد : نعم ؟؟ الهام بأرتباك : هذي آنه يبة بو خالد بحنية : شتبين الهام : فج الباب ياحلو بعدين قولي شتبين بو خالد : هههههه الحين يايج دقيقة وبعد ثواني بو خالد يضم بنته ويدخلها الغرفة : سامحيني يابوج لاني صفعتج الهام واهي تبجي وتحضن ابوها بقوة : مسموح يا نظر عيني .. بس مشكور بعد بو خالد باستغراب : على شنو ؟؟ الهام بابتسامة : لاني ماعاد بستخدم ميك آب عطيتني احمرار على خدي ببلاش الهام وبوخالد : هههههههههههههه بو خالد واهو يمسح على خد بنته : فديتج يا بنتي .. طلعت من طوري في ذيج اللحظة الهام بتفاهم : يايبة صح كلام اخوي .. خل عنك هالحقد .. وتعال معانا بكرة .. خليفة ريل خالتي عازمك انت واحنا على الغذا .. يتك الفرصة لعندك بو خالد واهو مندهش : خليفة الشريف عزمني اتغذى في بيتهم ؟؟؟ الهام واهي بحضن ابوها : اي يبة .. مو اول مرة يعزمك .. وايد عزمك .. بس احنا ما قلنا لك عشان ما تضايق وتعصب .. بس بما ان الليلة يبتو طاريه .. فآنه ييت اقولك بو خالد وعيونه تدمع : والله ريال من صلب ريال .. كل هالسنوات الي آنه احقد عليه .. واهو يحاول استضافتي في بيتهم .. آآخ على قلبي الاعمى شلون صبر على فراق اخوي وصديقي الهام واهي تحس بطعم الانتصار : يعني بتيي ويانا بكرة يبة ؟!!! بوخالد : اكيد .. بكرة بفتح صفحة يديدة مع بيت الشريف الهام في قلبها (( هييييييييييييييا )) الهام واهي تنقز على يد ابوها : اقول يبة ؟ بو خالد بحنية : لبيه الهام : ايدك على 150 دينار بو خالد : حشى .. مسوية لج طلبية غنم ومواشي الهام : ههههههههههه .. لا يبة بس مصروفي خلص .. وبغيت اشتري لي ثياب لليامعه .. خبرك انه بنت الصغير .. مب لعبة بو خالد : هههههههههههه .. هاج هذا الشيك الهام : اووووه الوالد ترقى قام يكتب على شيكات بوخالد واهو يسحب من يد الهام الشيك : تدرين .. ييبيه .. دامج بتتطنزين علي الهام واهي تتوسل لابوها : لايبة خلاص خلاص .. والله امزح معاك بوخالد : هههههههههه .. مع هالراس .. تفضلي يا بعدهم الهام واهي تبوس راس ابوها : يعلك العافية ووين ما تروح يسدد خطاك .. ويخليك لنا ذخر .. ويطول بعمرك بوخالد : عشان اعطيج فلوس هههههههههه الهام : هههههههههههه هذا هو .. يالله يبة استأذن منك .. بس قبل ما اروح .. ادز الوالدة هني لو ما تبيها .. او عاف الخاطر منها بو خالد : هههههههههههههههه .. خلها تيي بنت الاجاويد الهام : اوووووكي مستر تصالحو بوخالد مع مرته وتفاهو ان بكرة بروحون يفتحون صفحة يديدة ينسون فيها كل الاحقاد والكراهية وكل ما بدا غلط من الطرفين وعدت الليلة على خير على الكل الا إلهام الي ما هدى لها بال ولا غطت لها عيون واهي مشغول بالها على الي شافته بعينها علاء حبيبها علاء وهني تتذكر إالهام علاء في حياتها الهام تتذكر علاء ؟؟ شلون وليش وكيف ؟؟ نشوف هالجزء ؟