[لامارا]

~ الجـــــــــــــزء 14 ~

وفي بيت بو محمود
رهام واهي شوي وتدخل داخل التلفون

: إنت شفييييييييك ؟؟ شلون ما تقدر تيي
ابراهيم واهو يمثل دور المضغوط : عندي شغل لراسي .. مسامحة حبيبتي . ما اقدر امر عليج
رهام بقهر : شلووون ما تقدر تمر علي .. شيخوو ماخذة سيارتي ومحمود راح مع مرته .. وامي وابوي تجدمو واهم الحين في الدرب .. وانه هني بروحي في البيت انتظررررررررك
ابراهيم واهو شوي وينقطع ضحك على عصبية خطيبته : رهام شفيج .. آنه قايل لج الحين ان عندي شغل لراسي .. ما اقدر اتركه
رهام واهي مستسلمة : اففففف يعني بنت الشراع الحين بتروح بتكسي
ابراهيم واهو يدق باب فيلا بو محمود : يالله حبيبتي .. تدبري امرج .. آنه مشغول الحين باااي
رهام اهي شوي وتصيح : لا ابراهييمووو ارجووك لا تهدني .. كا في واحد يدق الباب .. يمة شسوي .. ابراهيم لا تسكر الخط ارجووووك
ابراهيم يسكر الخط بويه رهام
رهام واهي تبجي : مالللللللللللت عليك ابراهيموو .. ما اطيقك يا ثقيل الدم .. ولاني رادة على اتصالاتك يالماصخ
تتقدم رهام لعند باب الفيلا ومن ورا الباب بصوت خايف : منو ؟؟
ابراهيم واهو يغير صوته : فجي الباب لا اكسره على متونج
رهام بخووف : تباعد عن البيت لا ادق على الشرطة
ابراهيم واهو يدق على الباب ويحاول يدفعه : فجي الباب قلت لج .. آنه ما تهمني الشرطة ولا غيرها .. (( وهني يتكلم بصوته الحقيقي )) ههههههههه لأني ياي اخذ خطيبتي وحبيبتي
وهني رهام تقط نفسها على الارض وتقعد تبجي من الخوف
واهني ابراهيم خاف من تصرف رهام .. لانه متعود ان رهام راح تتقبل هالشي بصدر رحب
وكلما ابراهيم يبي يفج الباب .. بس مافي امل .. مقفول .. فحاول انه يشقح وينط السوار الي يحيط بالفيلا .. فنط وشاف حبيبته بأحلى زينتها .. وبأحلى ملابسها .. يالسة على الارض وواضعه يدها على ويهها وتشهق من البجي
ابراهيم واهو يتقرب من رهام ويلمها بكل قوته : شفيج حياتي .. شيعورج
رهام واهي مب راضية تتكلم واهي على صدر ابراهيم تضربه عشان يبتعد عنها
ابراهيم واهو مب راضي يترك رهام : عمري رهوووم شفيج .. والله ما كان قصدي اني اسوي لج هالمقلب عشان اخوفج .. لا تسوين في عمرج جذي يابعد روحي
وهني رهام بدأت تتكلم بتقطيع في الاحرف من زود الشهقة : ها ها تحسب نفسك خفيف .. ها طيحت قلللبي .. تباعد عني .. هاها مابيك
ابراهيم واهو يلم خطيبته بحنان وتدمع عينه : هههههههه .. فديتج والله يالغالية .. عسى قلبي ولا قلبج .. لو شنو تقولين لي .. بظل ابيج .. وابيج .. وابيج
رهام بصعوبة تبتعد عن ابراهيم واهي توقف .. اخذت نفس وتكلمت ودموعها على خدينها والكحل السايل الي ملوث جمالها : ابراهيم !! تحسبني ابجي على الحركة الي سويتها .. هيهات .. ما ازعل منك حبيبي .. بس آنه صادني موقف جذي .. قبل يوم كنت صغيرة .. كانت امي تطلع مع شيخو وابوي لبيت يدي .. ومحمود يطلع مع ربعه .. وآنه بسبب عنادي اظل بالبيت بروحي .. ويوم من الايام .. دق شخص ما اعرفه الباب وابتسم لي بأبتسامة غريبة .. وسألني هني ابوج .. قلت له لأ .. ورد علي السؤال هني امج .. قلت له لأ .. قالي .. انتي بروحج هني .. قلت له اي .. وما شفت الا واحد ميودني من شعري وقاطني في الحوش وانضرب راسي بعمود المصباح وما شفت نفسي الا على سرير المستشفى وظليت في غيبوبة لمدة اسبوعين .. والريال الي سوا لي جذي .. شاف الدم ينزف من راسي .. وبدل ما يتصل على الطوارىء .. اخذ عمره وشرد .. فهالجذي من ذاك اليوم ليومك هذا .. آنه مرة شكبري .. أخاف اقعد في البيت بروحي .. او افج الباب لأي احد .. هالجذي انت يوم تسوي لي هالحركة .. انه تذكرت الي صار لي وقعدت ابجي

وهني ابراهيم ما قدر يصمد اكثر وحس انه غلط غلطة جبيرة بحق خطيبته وحبيبته فراح لها وضمها بكل حب وبكل حنية وهمس في اذنها

: من يوم ورايح .. لا تخافين .. لانج بتظلين وياي بالروح .. وبالقلب .. وبالعقل .. وبالتفكير .. فاهمة (( رهام في هذي اللحظة حست بشعور الطمئنينة وابراهيم ضامها واهي تحرك راسها )) وبراهيم يكمل : ويالله روحي غسلي ويهج وحطي لج كحل من يد ويديد لانه كله اعتفس ههههههههههه
رهام ترفع راسها وتقول لابراهيم : هههههههه تعال انت بعد بدل قميصك لأنه تلعوز كله كحل
رهام وابراهيم : ههههههههههههههههههه

اما بعد صلاة الظهر في بيت بو خالد واهم يتزهبون للروحة الى بيت خليفة بو محمد
ام خالد في غرفة إلهام

: الهامووو .. قومي .. بسج نووم .. يالله بنروح بيت خالتج
الهام بكسل : ريلج خلص ؟؟؟؟
ام خالد : لا .. بعده
الهام : عيل خليني انام آنه اعرف ابوي بعد سنة يجهز .. وانه لابسة وكاشخة وباقي علينا بس نتوكل الى بيت الخالة

(( الهام كانت صج كشخة .. بلوزة باللون الكرزي ومحدد باللون الازرق الجينزي .. والبانطلون جينز محدد بالكرزي .. اما الشعر فهو مرفوع بتشكيلة الشلال .. والمكياج خفيف وناعم .. والنعال كرزي (( عزكم الله )) اما حقيبة اليد جينز وبيها كراكيش باللون الكرزي واكسسوارات بسيطة باللون الازرق الغامج ))

أما ام خالد فهي الاخرى متكشخة

(( جلابية وردية بيها فرو بين الرقبة واليد .. شيلة بحويله كله فرو .. يعني كل ملابسها ملكية وستايل .. خبركم بنات الصغير ))

ام خالد

: آنه بروح ابخر اخوج وابوج وانتي اخذي اغراضج ويالله نطرينا يم سيارة ابوج
الهام واهي تعدل شعرها : ان شاء الله يمة

اما في غرفة خالد
ام خالد

: الله الله شهالحلاة .. معرس .. اسم الله عليك
خالد بأحراج : الله يخليج .. وانتي بعد شزينج ياحلو .. كل ذي لبيت خالتي .. ولا لأبوي
ام خالد واهي تضرب على راس ولدها : هههههه .. نحنا كبرنا على هذي السوالف
خالد بتلهف : يمة طلبتج
ام خالد : يالبيه يا بعد عمري
خالد واهو محتار : يمة .. آنه معزم بأني اتقدم الى بنت خالتي سوسن .. وابيج تكلمين خالتي عن هذا الموضوع
ام خالد ويهها يتهلل بهذا الخبر : والله وابركها من ساعه (( وهني تزغرط ام خالد )) منك المال ومنها العيال يابو الوليد .. ويسعدك ويوفقك معاها هالزينة .. والله يقدم الي فيه الخير
وهني خالد يبوس يد امه وراسها ويضمها في حضنه وتروح الام تبشر ريلها وبنتها بالخبر الي وصلها من ولدها الوحيد والبجر .. والكل يا وبارك له مقدما
خالد في قلبه (( واخيرا سويت الاصعب خطوة في حياتي .. آآخ يا قلبي .. متى تصيرين لي لوحدي لخالد بس يا سوسن ))

وعلى الساعه

1 الظهر الكل متيمع في الميلس
واول من استقبل الضيوف اهو خليفة بو محمد ويوم شاف رفيجه العزيز بو خالد اخذه بالأحضان وكل واحد يلوم الثاني على قطع صلة الرحم ما بينهم .. حتى البجي بجوه .. وتأثرو الامهات بالمشهد فقامو يبجون ويواسوون ريايلهم
خالد : بسكم عاد .. غرقتونا بدموعكم
وهني بومحمد يضحك ويلم خالد
بومحمد : هههههههه .. هذي دموع فرح يابو وليد
خالد بابتسامة : يعل الدموع تفارق عينك .. والفرح ما يبتعد عن ممشاك
وهني بو محمد حس بفرحة كبيرة من ولد رفيجه الي يتمناه لبنت من بناته بسبب اخلاقه الي تخلي الواحد يتيينن عليه
أماني واهي تسلم على ريل خالتها : حيا الله بو خالد .. تفضل اقلط
بو خالد واهو مب شايلته الارض من الفرحة : يحيج الله يا بنتي .. زاد فضلج يالشيخة
ام محمد : تفضلو الميلس
وهني سوسن كالعادة تيي متأخرة ومن يت سيدة سلمت على خالتها
سوسن : السلام عليكم
الكل : وعليكم السلام
سوسن بأحراج : يا حيا الله من زارنا .. تفضلو
خالد وهو بموت على شكل سوسن الملاكي : يحيج الله والنبي يا بنت الخالة
سوسن واهي تتعلق بأمها : آمري يمة تبين اساعدج بشي
ام محمد : فديت راسج .. لا يمة روحي قعدي مع خالتج في الصالة وآنه بلحقكم بعد شوي
وهني تيي الهام وتسلم على الكل
الهام برباشة : افااااااااااااااااااااا .. بو محمد
بو محمد واهو يضحك لان يدري ان الهام بتسوي وياه سوالف وضحك : هلا بنيتي
الهام : سمعت يقولون مسوين انت والوالد فيضانات قبل ما ادخل .. شصاير عندكم عواصف هااا .. الله يعينكم .. عساكم ما تعورتو .. يقولون ان احمدوو ولدك غرق في البحر .. بس كاني مريت على محمد وقالي لا يبة كاهو بخير وسلامة يلعب تيلة
بومحمد : هههههههههههههههههه
بو خالد وهو منحرج من تصرفات بنته الصبيانية : اركدي يا بنت الركادة زينة .. ويالله روحي مع الحريم .. مب يالسة هني تفتحين لج مواضيع
بو محمد وخالد : هههههههههههههههههههه
الهام : يبة خلني شوووي اشووفكم .. من زمان ما سولفت معاكم .. آآخر مرة يوم كان عمري 10 سنين .. الله يا زمن اول .. كنت اسوي بو محمد حصان ههههههه واخليه يدور فيني بكل الحديقة .. عدل خلوف ولا لأ .. ههههههه وعيالك يغارون ليش انك ما تلعب معاهم مثلي
بو محمد : هههههههههه .. للحين تتذكرين
الهام واهي تتخصر : عيل تحسبني عيوز مثلك
بو محمد : ههههههههههه .. اقول روحي مع الحريم لا ابوج يصفعج بهذي الدلال
خالد واهو يغزر بعينه على الهام : الهام صيري مرة وروحي مع الحريم لا اقلبج على راسج واعلقج بهذيج النخلة
وهني بو خالد وبومحمد يناظرون في النخلة الي أشر عليها خالد
بو خالد واهو يتنهد : تتذكر يا بو محمد هذي النخلة
الهام وخالد مستعيبين
بو محمد : ايه اتذكرها .. مب هذي ارتوت على يدي ويدك وكبرت معانا
بو خالد : تذكر من وين لنا البذر
بو محمد : ههههههههههههههه .. من عباسووووو راعي الخباز
بو خالد : هههههههه .. ينناه ينون على بس هذي البذرة
بو محمد : اي والله .. كان يربع ورانا الفريج كله عشان يطقنا هههههههههه
بو خالد : وانت مب هين تنحاش . وانه البطة اظل في ويهه ويعطيني طراقات من الزين
بو محمد : ههههههههههههه
بو خالد : ههههههههه .. تتذكر يوم تدوس على القطو ببطنه وانت تمشي العيربانة (( عربة صغيرة ))
بو محمد

: هههههههههه .. انحشت ورحت على هذي النخلة وظليت يوم كامل .. خايف انزل لا آكل ضرب من عويشووو صاحبة القطوة
بو خالد : ههههههههههه .. ايييييه .. كبرنا يا خوي كبرنا والله
بو محمد : اي والله .. تونا كنا في الفريج نشدخ البنات مع جلبابتهم الواسعه هههههههه والحين احنا ابهات عيال .. شكبرنا
بو خالد : تذكر يوم تخوف اختي بالفار الميت الي كان يم باب بيتكم ههههههه
بو محمد : هههههههههههه .. محد قالها تدوس عليه
بو خالد : شنو كان اسم فارك ههههههههههه ؟؟
بو محمد : سلامو ههههههههههههه
بو خالد : هههههه اويلي ويلاه على زمان أول
بو محمد واهو يبتسم : اي والله
وهني بدأ بو محمد وبوخالد يتذكرون اغلب ذكرياتهم المرحة مع بعض .. اما بالنسبة الى خالد وإلهام فمثل ما تقولون الاطرش في الزفة .. مب فاهمين ولا شي .. بس استمتعو واهم يسمعون الذكريات الرووعة من هاي الاصدقاء العزيزين .. وهني الهام تستأذن وتروح عند الحريم .. وبعدها بدقايق يوصل احمد ومحمد الى البيت واستغربو لوجود بو خالد معاهم لانهم ماكانو يدرون بالموضوع
احمد واهو يبوس راس ريل خالته : يا حيا الله بعمي .. شحالك يالطيب
وهني محمد يسلم على بو خالد : يامرحبا الساع بلي شرفنا
ويسلمون الشباب على خالد
بو خالد : الله يحيكم ويهلي ويرحب بكم .. ماشاءالله تبارك الرحمن من كم سنة من صغركم مااشوفكم والحين انه الي ضايع بينكم هههههههه
محمد : هههههههههههه .. العمر ياعمي العمر
خالد : اي والله
واهني يقعد الشباب مع ابوهم وريل خالتهم واهم ينطرون عايلة بيت بو محمد الشراع
وفي ميلس الحريم
ام خالد : اختي ام محمد .. طلبتج واتمنى انج ما ترديني
ام محمد : افا ياخويتي .. يالبيه حبيبتي .. آمري وتدللي
ام خالد : مايامر عليج عدو يالغالية .. بس ابي اكلمج بموضوع يخص العيلة كلها
ام محمد تتقرب من ام خالد واهي مرتبكة : خيــــر
ام خالد بأرتباك : آنه ما عندي الا ولد واحد واهو خالد حب بنت ويبيها من كل قلبه عشان تكون ونسيته ورفيقة دربة وحبيبة عمره .. وكلمني بالموضوع وقال لي انه ناوي يكمل نص دينه ويفرحنا بعياله ويكبر من اسم عايلتنا بالسمعه الطيبة والحسنة
ام محمد : ومنو هذي سعيدة الحظ الي بتكمل روح خالد
ام خالد بأبتسامة : سوسن بنتج
ام محمد واهي مب مصدقة من الفرحة : ولدج لبنتي
ام خالد : هههههههه اي
ام محمد : الف الصلاة والسلام عليك يا حبيب الله محمد (( كلووولوووولوووووش ))
ام خالد

: هههههههههههه شفيج انتي .. حوووو .. يالمطرووقة .. خلنا نشاور البنت ونكلم الابو بعدين فجي حلقج وزغرطي على قولة اخونا المصريين هههه
ام محمد : شلة ما ازغرط على قولتج .. وانه بنتي بايخذها الريال الي تتمناه كل بنت في هذي الدنيا
ام خالد : سمعي انه قلت لج الحين .. وانتي اخذي شور البنت .. عشان نيي نخطبها رسمي
ام محمد : حياكم يا نظر عيني في اي وقت
ام خالد واهيا تطالع الساعه : وينها ام محمود تأخرو
ومرة وحدة ام محمود ومحمود ومرته وشيخة وابو محمود في الويه وكلهم : الســـلام عليكم
ام خالد وام محمد : وعليكم الســـلام
ام محمد : حياكم تفضلو .. البيت بيتكم
بو محمود ومحمود : زاد فضلج .. وين ميلس الرياييل
ام محمد : كاهو ولدي محمد يأشر لكم .. تفضلو
محمد : ياهلا بشيوخنا .. حياكم .. اقلطو .. يا مرحبا بلي لفانا
محمود : مراحب بك وبأصلك يا ولد خالتي الغالي
وهني محمد ومحمود يتوايهون لان صار لهم فترة ما شافو بعض فيها
فأخذ محمد محمود وابوه ووداهم ميلس الرياييل
شيخة واهي تبوس خالاتها : ويلي عليكم والله .. مبطسين بسطة ملكات .. يعل عيني ما تشوف الا السعادة امبيناتكم
ام محمد : يخليج ربي يالغالية يا بنت الزينة
ام محمود واهي تتوايه مع ام خالد وام محمد : شحالكم يا قطعه جبدي وريحة اهلي
ام خالد بحنية : بخير .. يعل ربي يجعل الخير بدربج
ام محمد : نحمد ربج ونشكره .. شخبارج انتي
ام محمود : اسأل عنكم يالقاطعين
وهني تيي الشغالة وتحط القدوع وتمشي
غادة : شحالكم خالاتي . عساكم طيبين
ام خالد : الطيبة انتي واصلج .. شلونج شمسوية .. عسى رشوود مب متعبج
غادة واهي تيلس يم ام خالد : بعافية .. بفضل ربي ومدارات خالتي
ام محمود : هههههههه .. محد مداريج يالغالية الا ولدي
غادة واهي منزلة راسها : فديته والله
الكل : ههههههههههههههههههه
شيخة : اقول خالتي ..
ام محمد

: آمري عيني
شيخة : ما يامر عليج عدو ولا ظالم .. بس وين البنات
ام محمد : كاهم فوق بدار سوسن او اماني
شيخة : عيل استأذن منكم .. بروح ايننهم هالمصرقعين
ام محمود : قصدج تطلبين من اماني تييب لج كومة طلباتج ههههههههه
الكل : هههههههههههههههههههههه
شيخة : افا يمة .. لو ابي منها مصلحتي .. جان آنه اول وحدة عند بيت خالتي
ام محمد : يعل عيني ما تبجيج .. روحي لهم فوق نظر عيني .. وقوليلهم ينزلون يسلمون على خالتهم
شيخة : ان شاء الله .. من عيوني
ام محمد بابتسام : عيونج السالمة غناتي
وهني سوسن تدخل غرفة اماني شوي شوي بدون محد يلاحظها
اماني : سوسو .. ما قلتلج
سوسن بخجل : لا ما قلتي
اماني : ههههههههههه .. برزي روحج بسافر عنج
سوسن بحزن : اففف .. والله فراقج مب هين يا اختي
وهني سوسن قعدت تبجي وأماني اخذتها بالاحضان
وتتدخل الهام واهي تنط على السرير وتحط يدها تحت الوسادة : هههههههه .. قلبو لنا فلم هندي وهني تحسس الهام بالشي الموجود تحت الوسادة فشالت الشي وطلع انه الرسالة

(( تتذكرون الرسالة الي نورة عطتها الى اماني في الصبح .. واماني تكيسلت وما قرأتها وحطتها تحت وسادتها ))

فإلهام لاحظت ان الرسالة معطرة بالورود وشكلها كلها رومنسي ويجذب الواحد وشافت كلمات موجودة في غلاف الرسالة

(( من علاء الى اماني حبيبتي )) إنصعقت الهام وتغير لون ويهها .. فأخذت الرسالة وحطتها تحت بلوزتها وانحشات من الغرفة
سوسن : يه .. شفيها الهامووو
اماني واهي تدور بنت خالتها : مادري والله .. يمكن انزعجت لان احنا بجينا هههههههه صج تافهين مب كأنها اسبوعين واحنا رادين
سوسن : ههههههههه
وهني يلست الهام تتنفس بشكل غير مستقر وخايفة تفتح الرسالة وتقرأ الاشياء مب على بالها ولا على خاطرها بس الفضول ذبحها

واويلاه ؟؟ الهام كشفت اماني وعلاء

.. ياترى شراح يصير الحين ؟؟