~ الجـــــــــــــزء 17 ~
وهني تستقبلهم موظفة الاستقبال وتكمل معاهم الاجراءات ودخلو الطائرة
محمد واهو يمشي مع علاء
: ههههههههههههه .. قول والله
علاء واهو يشرح الوضع الى محمد : هههههه والله العظيم .. اقولك بو الشباب ياب هدف على فريقه . ونطو عليه ربعه ونتفو ريشه
محمد : ههه .. آنه قلت بروح النادي بس ما قدرت خبرك الظروف
علاء : اي والله .. بس صج فاتك .. آنه ظليت اضحك عليهم من قلب
محمد : ههههههههه زين بعد ما دخلت معاهم بالضرب والعفسة الي قامت
علاء : لا يبة مافيني شدة اتشدخ واتشوه منهم
محمد واهو يم سيارة علاء : هههههههه يخاف على عمره اليبان
علاء واهو فرحان : مالت عليك يا ذا الويه .. اذا انا تدخلت بالموضوع بعفسه كله
محمد واهو يربت على يد علاء بضحكة : هههههه اقولك عاد
علاء واهو يفتح سيارته : شرايك نروح القهوى نقعد شوي
محمد : تصدق توني بقولك .. قلبي على قلبك
علاء : شوف انا بعزمك على القهوى بس انت الي عليك حساب الشيشة هههه
محمد : اووووووكي يالبخيل .. يالله مشينا
وهني في بيت ام محمد
ام خالد
: يالله ياخويتي نستودعج بالله .. نحنا ماشين
سوسن بزعل : توا الناس يا شمعه الجلاس .. خالد قول لامك تقعد
خالد واهو مندهش (( يا قلبي تطلب مني بعد روحي هالطلب .. مستحيل اردج )) : ان شاء الله .. يمة خلنا نروح
الكل : ههههههههههههههههههههههههه ههههه
سوسن بضحكة : صج انك
خالد واهو ميود جتف امه: صج اني شنو ها قولي قولي
سوسن واهي حست بأنها تحتاج الى اماني في هالموقف عشان تدافع عنها : ولا شي
وهني خالد يقول لامه انهم لازم يستعيلون عشان يرجعون البيت
بو خالد وبو محمود كانو توهم طالعين من الميلس مع احمد
احمد : طريج يالحريم طريج
سوسن : حياك يبة
بو خالد : يالله يبو يوسف تحمل بروحك ونشوفك على خير ان شاء الله
احمد واهو يلم بو خالد : وانت بعد .. على خيرات ان شاء الله
بو محمود واهو يودع بو خالد وبيت بو محمد : يالله توكلنا .. مع السلامة .. ويعطيج العافية ام محمد على هالطبخة الحلوة .. تسلم ايدج .. ويزيد من فضلج ياختي
ام محمد : بالعافية ياخوي ..
وهني يودعون الضيوف بيت بو محمد ويروحون بدربهم على بيوتهم
سوسن واهي حزينة
: وحشتني امانيووووووووو
احمد : اي والله
ام محمد واهي تقول للشغالات انهم ينظفون المكان : وينهو محمد للحين ما يا
سوسن واهي تناظر الساعه : اي صج وايد تأخر
احمد واهو يتثاوب : يالله يا جماعه انا رايح ارقد .. تبون شي
سوسن : احلام سعيدة
احمد : ولج ايضا ههههههه
وهني تدخل الساعه على ال 12
محمد
: يالله يبو دعيج .. تحمل بروحك ونشووفك على خير بكرة
علاء واهو يودع محمد : على خيرات ان شاء الله .. في امان الله
محمد واهو يفتح باب الفيلا : في امان الكريمـ
محمد يدخل البيت واهو حاس بوحشته الى اماني اخته وابوه
محمد في قلبه
(( والله ولكم وحشة يا خيرة البيت ))
وصلت الطائرة من الكويت الى بريطانيا الى المطار
اماني واهي تدور
: يبة .. وينهم ذيلا مب كأنهم تأخرو علينا
بو محمد : مب كأنهم هذيلا هم
اماني واهي تناظر المكان الي أشر عليه ابوها : اي يبة .. والله يالشيبة عليك نظر ثاقب
بو محمد واهو يصلي على النبي : هههههههه لا إله الى الله
اماني : هههههههههههههههه
واهني بتقرب يعقوب ولد عم اماني
يعقوب واهو يبوس راس عمه ويتحمد له بالسلامة : هلا وغلا بنظر عيني .. الحمد الله على السلامة عمي .. شحالك عساك طيب
بو محمد : طاب حالك يالغالي .. الله يسلمك .. بخير والحمدلله
يعقوب بلهفة : وانتي مدام شخبارج عساج بس مب زينة
اماني واهي تهز راسها بطريقة تستحقر فيها يعقوب : لا نحول .. دامني شفتك شلون بتكون اخباري .. اكيد زفت
بو محمد واهو يتباعد عنهم : يالله عاد .. الحين ببدون .. انا بنطركم في الفندق
واهني اماني تبيها من الله ان ابوها يتركها بروحها مع يعقووب
اماني واهي بتطير من الفرحة : يعقوبوووو .. يعقبق
يعقوب : آمري
اماني : نووووار تسلم عليك هع هع
يعقوب وهو مب شايلته الارض : ويلي عليها الحب تسلم علي .. فديت ويهها البقرة .. الله يسلمها من الشر .. شخبااارها طمنيني عليها
اماني واهي تمشي بطريج ابوها : البقرة مرتك .. واهي بخير والحمد الله .. يالله باي بروح لابوي
يعقوووب واهو يركض ورا اماني : اماني .. تعاليييي .. خبريني عنها
وهني ما يشوف يعقوب نفسه الا واهو طايح على الارض وكل الناس الي بالمطار يضحكون عليه
اماني واهي تلفت ورا وتشوف يعقوب : هههههههههههههههههههههههه
وهني تيي بنت من البنات البريطانيات وتساعد يعقوب
يعقوب بخجل :thank you sis .. I own you one
البنت بكل خجل ودلع
: don't thank me .. And don't call me sis... My name is Magie... Nice to meet you
يعقوب واهو يمشي عن البنت
: well .. Magie... I have to go right now... See you
البنت الي اسمها ماجي
: wait .. This is my number... Call me any time
يعقوب وهو مب مصدق جراءة هذي البنت
: what ??? You're silly girl... Get off my way... bye
ماجي
: hehehe .. I will be the lucky girl in the world if I have you're heart
يعقوب
(( تحلمين عاد .. يلفة وياية ترقم هع هع والله ترترة )) : try and you well see .bye
وهني يي يعقوب مقابل اماني ويساعدها بحمل الاغراض
اماني بتعجب
: شفيك يعقوب .. شفيها هذي عليك
يعقوب : هههههههه شدراني فيها شكلها معجبة فيني
اماني بضحكة : معجبة مغرمة انا بآآآ مش عايزة الا يعقوبوو
يعقوب بتوتر : هههه ..ويهج عاد
اماني : شحليله .. احلى من ويهك
يعقوب واماني : هههههههههههههههه
الا وبو محمد ينادي على بنته وولد اخوه عشان يسرعون لانه لقى سيارته الي مستأجرها
وفي هذي الاثناء
يعقوب واهو يسوق : اي عمي .. يسوف الحين احسن من قبل بس يبي ليه شوي بعد
بو محمد : يابوك هذي العملية مب هينة .. غلط واحد لا سمح الله يأثر على الجسم كامل
اماني بتوتر : انزين يعقوب .. شنو آخر الاخبار الي قالوها لكم عن يوسف ؟؟
يعقوب واهو يطالع اماني من المرايا : والله يا بنت العم .. قالو لنا انه يبي له على الاقل اسبوع عشان تتحسن معنوياته ويدخل بثقة العملية .. مب الحين .. بموت على عمره ويبجي كل ما طرينا له عن الي بصير له
الكل : هههههههههههه
بو محمد : يه .. جيف اهو ياهل .. خلني اشوفه براويه
اماني واهي ميتة ضحك على حركات يوسف وخوفه الدايم من كلشي : هههههه .. براويه السنع بو حمود .. عيل يبجي من تييبون طاري العملية
يعقوب واهو خايف من يوصل الكلام لاخوه : حوووو انتي يالبطة .. لا توصلين كلام الى يسوووف .. ترا يسويها هالملعون ويقوم ويذبحني .. اي ترا انا احذرج .. بعدين تروحين فيها من الشسمة ذيج الي .. اي اي عرفيتها اكيد .. صح صح .. اوكو سكتي الحين ابي اسوق .. بروحي نسيت الطريج
اماني : ههههههههههههههههههههههه .. منهي ذيج ها .. ما اعرفها آنه لا تورطني
بو محمد واهو مستغرب : شسالفة ؟؟؟
يعقوب واماني : ولا شي
بو محمد : يالله خير خاتمة خير .. اللهم ثبت عقولنا .. ورسخ اذهاننا .. انك السميع العليم
يعقوب واماني : هههههههه
اماني : يبة .. قايلين لك ميانين
بو محمد : واخس
اماني ويعقوب : هههههههههه
وهني يوصل يعقوب عمه وبنته الى الفندق ويعطيهم موعد بأنه يي بياخذهم الصبح الى المستشفى الي فيها يوسف ....
وتدخل الساعه على
3 الصبح
وفي بيت بو علاء
فرهاد وهو يوقظ ولد اخته : علاء .. علاء .. قوم يبة بسك نوووم
علاء واهو يتثاوب ومب قادر يشيل نفسه : خالي والله تعبان .. خلني انام
ويحط علاء راسه وينام مرة ثانية لكن هيهات فرهاد يخليه وهني ياخذ فرهاد الوسادة من تحت راس علاء ويفلتها بعيد : علاءووو قلت لك قوم لا اييك بكف اطير مصرانك على الجدار
علاء وهو يتأفف : افففففففففففففففففففف والله حالة .. شتبي ذبحتنا يا اخي شوف الساعه جم 3 الفير الله ياخذك
فرهاد : ههههههههههههههههههههه .. قوم تعال معاي شوي
علاء واهو متعجب : اروح معاك وين ؟؟؟
فرهاد واهو ياخذ بيد علاء : تعال شوي
وهني يجر فرهاد علاء بيده ويسحبه الى المطبخ
فرهاد واهو منزل راسه : علاء حبيبي .. يا ولد اختي الغالي .. افتح لي هالعلبة .. !!
علاء وهو مب مصدق
: الحين انت منادني من غرفتي لهني عشان افتح لك علبة لوبة يالاثول
فرهاد واهو يبتسم ومنزل راسه وبكل براءة : اي .. لو سمحت افتحها .. مب عارف لها
علاء : ههههههههههههههههههههههههه هههه
فرهاد واهو تنرفز : علاء .. قلت لك افتحها .. بطني يغرغر (( اونه ميت يوع )) بموت
علاء واهو يدور داخل الادراج فتاحة العلب : هههههههههههه صج انك اغبى
من الغباء نفسه .. لايكون كل الي في بلدتك مثلك
فرهاد واهو بدا يعصب : علاء .. احترم نفسك لا اعطيك طراق عمرك ما شفته .. انه خالك .. احترمني لا وريتك شغلك .. ما تشوف ريال طول بعرض واقف يمك .. ولا طوفة
علاء : هههههههههههههههه ريال طول بعرض وما يعرف يفتح علبة
فرهاد تبدلت ملامحه : مالت عليك .. الحين بتذلني ذل على بس هالشي .. يالله ترا والله ياخوك ما كليت شي من الصبح
علاء واهو يفتح العلبة : ههههههههههههه تدري .. انه بعد يوعان سو لي شي معاك
فرهاد واهو يبرز اغراض الطبخ : هيهيهيي .. روح غسل ويهك بالاول .. ثانيا مابسوي لك شي آنه .. اذا تبي تعال وسو لروحك
علاء : تدري باخذ هالعلبة وبسويها لي .. مب آنه الي تعبان عليها وفاجنها لك
فرهاد وهو يتوسل الى علاء : لا لا .. لا ياطويل العمر .. افا عليك .. نمزح معاك والله .. شتبي .. آمر .. مب بس اطبخ لك .. الا اقلب الاكل كله عشانك .. كم بو دعيج عندنا
علاء واهو يتدلع : شدعوة عاد .. لو اقولك اطبخ لي مجبوس تطبخ ؟؟
فرهاد وهو يضرب على راسه : آنه علبة وما قدرت افجها .. تبي اسوي لك مجبوس .. صج مخذي
علاء واهو يبتسم : ههههههههههههههه .. يالله يالخال .. آنه بغسل ويهي .. وانت اطبخ عشان ناكل
فرهاد وهو يلبس مريلة الطبخ : اوووكي .. اتفقنا جان (( جان .. كلمة فارسية معناها عزيزي ))
وهني علاء يطلع من المطبخ والابتسامة شاقة حلجه ووقف يم الباب وشاف فرهاد مشغول بالطبخ وقال في نفسه
(( ياويلي على حياة العزوبية .. آآخ على ايام السفر .. كنت جذي واخس .. هههههههههه الله يجدم الخير ويبعدنا عن الشر يالله ))
وهني يدخل علاء الحمام
(( عزكم الله )) وبعد ربع ساعه طلع عقب ما اخذ له شاور على الخفيف .. وراح الى خاله وساعده في الطبخ ويهزو الطاولة وقعدو يتفطرون
فرهاد : اقول علاء
علاء واهو يبلع اللقمة : سم يالخال ؟؟
فرهاد بكل جدية : انت تشتغل مو ؟؟
علاء : اي .. نائب رئيس الشركة .. ألا واهو الوالد الله يطول بعمره
فرهاد : اهاا .. وشحال الشركة ؟؟
علاء : بخير والحمد لله .. ناقصة طلتك علينا
فرهاد : هههههههه .. هذا الي ابي اوصل له
علاء واهو يشرب الماي ويوم خلص : شلون ؟؟
فرهاد واهو متردد : مريم الي معاكم بالشركة .. سكرتيرة الوالد
علاء وهو شوي ويقلب الطاولة من الضحك
فرهاد متوتر : شفيك ؟؟
علاء : صج انك مقرود .. في كل شي حظك نحس .. حتى في الحب
فرهاد بدأ يعرق : شلووون يعني ؟؟
علاء : ههههه لان مريم متزوجة وعندها توأم بعد
فرهاد واهو يكمل اكله : آخ على حظي
علاء : ههههههههه
وهني يدخل وقت اذان الصبح وكان علاء وفرهاد منظفين المكان وميهزين نفسهم عشان يروحون المسيد للصلاة
الا بنورة تطلع من غرفتها : تقبل الله مقدما
فرهاد : من جميع المؤمنين والمؤمنات
علاء : يالله نوار .. وقظي الكل عشان الصلاة .. ما اوصيج
نورة واهي تتثاوب : ان شاء الله .. كاهم قعدو
بو علاء كان توه طالع من غرفته : السلام عليكم
نورة وفرهاد وعلاء : وعليكم السلام
علاء : صبحك الله بالخير يالغالي
بو علاء بابتسامة : يصبحك بالنور وطلة السرور
فرهاد : يالله توكلنا المسيد
بو علاء وعلاء : يالله
انور واهو يركض ويلبس فانيلته : هههه لحظة انه معاكم بعد له ولا نسيتوني
الكل : ههههههههههههههههه
انور واهو واقف يصبح على الشباب : يالله توكلنا ويفج الباب ويطلعون
وهني يتلاقى فرهاد وعلاء وابوه وانور بمحمد واحمد بيت ييرانهم ويروحون يميع للصلاة
وبعد نص ساعه تقريبا
شهزلان واهي تشيل القرآن من حضنها : تقبل الله لكم ..
نورة وفاطمة ومنى
: اجمعين
منى واهي حاطة راسها على السيادة : بكرة بتمر علي ريم بنروح المول .. بشتري لي كم قطعه .. مليت من هالهدوم الي عندي .. اخذت موافقة ابوي .. بس باقي انتو .. ماعليه اروح؟؟
نورة واهي فرحانة بأن اختها حاطة لاخوتها اعتبار في اتخاذ القرار : اي حبيبتي روحي .. بس هاااا
منى ببديهة : ما بتأخر كلها مشوار كم ساعه وآنه رادة
نورة : .. لا يبة لو ما تيين البيت كلش منعرف انتي وين .. في الكافيه تشربين كوفي نعرفج حبيبتي .. بس انا ابي اوصيج على كم قطعة بعد
منى واهي تيلس وتعدل من الحجاب الكامل للصلاة : افا عليج .. تامري امر
فاطمة واهي خلصت من الصلاة : وانه بعد .. بكرة بطلع من البنات .. بنروح المعهد منشوف اذا طلعت نتايج امتحانات التقوية او لا .. وبعدين منتغدى في احد المطاعم .. وخبرت ابوي بعد
نورة : اهاااا .. يعني الكل بيطلع اليوم .. ما بتظل الا شهزلان
شهزلان بتعجب : ليش وانتي وين بتروحين؟؟
نورة : بظل في الشركة .. علي كم شغلة اسويها
منى واهي تقوم من مكانها عشان تربع لغرفتها للنوم : يعني شهزلان انتي بتظلين بروحج .. تعالي معااناا .. غيري الجو من هالحكرة الي حاطة روحج فيها
فاطمة : لا لا .. تعالي معانا نحنا .. ربعي يحبونج هههههههههههه
شهزلان واهي منحرجة : مابي ازعل لا منى ولا فطوم .. بظل في البيت يمكن رفيجتي راقية تمر علي
منى : اهااا .. اوكو تصبحون على خير انا بروح انام (( وهني تسكر منى الباب وتطلع من الغرفة المخصصة للصلاة وتروح غرفتها وتنام ))
وهني فاطمة تنط يم نورة
: نوار .. شخبار يعقوب
نورة وويها انقلب احمر : هههههههه .. شدراني فيه آنه
شهزلان واهي ترتب المكان : صحيح .. امس قايلة لنا انج كلمتيه
نورة : ههههههههههههههه اي صج كلمته
فاطمة والفضول ذابحها : شصاااااار ؟؟ شقالج
نورة : سلم وعلي .. وقال لي وصلت امانة اماني له
شهزلان : وشنو امانة اماني هههههههه
نورة : سلامي له
فاطمة وشهزلان : اهااااا
شهزلان : تدرين انتي هالكلام بالتلفون والمقابلات التافهة ما تنفع سمعتج بشي ؟؟
نورة واهي متعجبة من كلام اختها : شقالو لج .. بقرة ما افهم شي
فاطمة اهي تدافع : الكلام بالتلفون والمقابلات .. كل هذا التعارف قبل الزواج .. حطي في بالج .. ان لو يعقوب يبي يقص على عقل نورة .. او يلعب عليها .. جان ما خبر اعز ربع اختج الا واهي اماني .. ولا تنسين انه امه .. تعرف امي .. ورفيجتها بعض الشيء .. وكلمتها ولمحت لها عن موضوع يعقوب ونورة .. واهي قالت خل عملية يوسف تخلص والكل يستقر .. وبعدين نفتح هالموضوع .. فماليه داعي يا شهزلان تقولين جذي .. وانتي العاجل الي توزنين كلامج قبل ما تقولينه وتحاسبين له ألف حساب
شهزلان حست بغلطتها : مسامحة نوار ما كان قصدي اني اجرحج .. بس انتي تدرين هالايام الشباب قابين بهالحركات .. اي شخص كلمة بنت على التلفون قالها احبج والالخ واهي صدقته وتبيع روحها عشانه
فاطمة : اي والله . ولا تنسين ان الي يكلمج يكلم ألف غيرج
نورة واهي طالعه من غرفة الصلاة وبتروح لغرفتها : بس يعقوب غير .. ومن كلامي عنه .. على ما اعتقد انكم عرفتوه ..وعرفتو اخلاقه .. يالله تصبحون على خير
فاطمة وشهزلان : وانتي من اهله
فاطمة : يالله انتي خلنا نروح غرفتنا لا امج تصفع فينا
شهزلان : هههههههههههه يالله