[فيتامين سي]

الجزء الثالث والأخير لراوية جميلة البلوي

-----------------

بسم الله الرحمن الرحيم
هذا الجزء الثالث والأخير لروايتي ولا تحرموني من ردودوكم وانتقادتكم دمتم بود
------------------------------
بحــــــــــــــــــــور

سرتني جدا" ردودكم وانطباعاتكم عن روايتي الاولى وها أنا الان اضع بين يديكم تكملة الرواية
و(بسم الله)ابدأها


مازلت الى الأن اسعى جاهده ان اوفق في عملي مع الايتام كان امامي بعض العقبات التي لم اتخطاها الى الأن
وددت لوان اهلي يملكو الانترنت حتى يتسنى لي البحث عن افضل الطرق في التعامل
مع الاطفال واحدث الاساليب التي اثمرت بنتائج مرضيه
وفي صبيحة احد الايام وجدت في جهازي رسالة مضمونها أن هناك مسابقه ستقام في احدى المراكز النسائيه وسوف تكون هناك جوائز قيمه فخطرت في بالي فكره منها سأغرس في اطفالي أول دروس الحياه(التوكل على الله)



قال رسول الله صلى الله عليه وسلملو
أنكم تتوكلون على الله حق توكله لرزقكم كمايرزق الطير تغدو خماصا وتعود بطانا)

نهضت من فراشي وذهبت الى شقيقتي
بحور: سديم
سديم:نعم
بحور:خوذي اقري هالرساله
قرت الرساله وناظرت فيني سديم: تبغي تشاركي؟
بحور:بأذن الله
سديم:ودوامك بالجمعية؟؟؟كيف تروحين ؟؟ومتى يمديك تطبخي
بحور:خليني اوضح لك
سديم: قولي
بحور:انا حابه اشارك فطبقين مو طبق واحد
سديم: ؟؟؟؟؟؟
بحور:بشارك فطبقين واحدبأسم عيالي والثاني بأسمي
سديم:طيب والهدف
بحور:اهداف ياسدومه مو هدف واحد
سديم:وضحي
بحور:هذا ياستي اول خطوه بسويها بستأذن من مديرة الجمعية واطرح عليها الفكره بما انهامسابقه راح اجمع عيالي طبعن الكبار وهم
علي وسطام وفهد وعزوز واماني وريم واخبرهم انا نبي ندخل مسابقه وبنتعاون فيها وبنجتهد والتوفيق بيد الله
وقت المسابقه بستأذن واخذهم معي بما انا مشاركين فطبقين فواحد منا راح يفوز بأذن الله وانتي واثقه بطبخ اختك
سديم:ياهوه ياواثق ههههه
بحور:ايش رايك
سديم:حلوه بس من وين بتبدري قيمه الاغراض لاتقولي سلف
هزيت راسي بأيه
سديم:ارحمي حالك بحور راتبك كله 1500
500أمي و500ابوي هذي الف راحت والي يبقى تسددي الديون الي ورطتي نفسك فيها اناكل ماتذكرت 4000الي اخذيتها من ام صاحبتك وفكيتي هم ابوي من الدين بعد ما كذبتي عليه قلتي ذي مكافئه اعطوني اياها الشغل
بحور:بس سديم ياويلك احد يعرف والموضوع ذا قفلي عليه
سديم:لامو مقفله ابعرف ليه
بحور:سديم ابوي ربانا ع كذا ربانا على حب الخير ربنا ع مساعدت الناس لوبأقل شي فمابالك لمايكون ابوي بضيقه ماليه صعب سديم صعب والله صعب اشوف ابوي بهالحال وانامكتفه يديني
سديم:ايه بس مو كذا
بحور:اناراضيه بالي كتبه الله ياسديم اول كنت افكر كثير واتعب من التفكير
ومن تعرفت ع الايتام وانا نفسيتي مرتاحه راح تفرج بأذن الله راح تفرج بس توكلي ع الله
سديم:ونعم باالله
عم الصمت لدقايق وحبت سديم تغير الجو
سديم:صح نسيت ماقلتي ايش الاهداف يم الاهداف
بحور: ههههههه اسمعي ياستي
بحور:اذا تم الموظوع ع خير فالأهداف هي :
اولا"-ابغرس فيهم حب العمل
والاعتماد على الله وان الله هو الرازق المعطي
ثانيا"- هذا العمل بيشجعهم ع التعاون وبكذا بتقاربو الاطفال من بعض وبتروح الحزازيه الي بينهم لان هدفهم واحد هو الفوز
ثالثا"- بذكرهم بالأستغفار واحثهم عليه وابين لهم فضله وثوابه
رابعا"-راح اخبرهم من البداية في حالت الفوز وبأذن الله بنفوز الجائزه ماتزيد عن1000 راح اتفق معهم يتفاسموها وماينسو اخوانهم الصغار يفرحوهم بشي بسيط
اما اذا خسرنا فماراح نخسرالاجربأذن الله ناخذ لنا شوي نتعشى فيه والباقي بخليهم يوزعوه ع اسر محتاجه وماراح اكسر بخاطرهم باخذهم السوبر ياخذو الي يبونه
وتوته توته خلصت الحتوته
سديم:الله يوفقك بس تعتقدين انهم بيستوعبو هالشي
بحور:قصدك انهم صغار؟؟ سديم:ايه
بحور:بالعكس ان احث كل ام تغرس باطفالها صفات الخير من الصغر وتجنيها لاكبر (العلم فالصغر كالنقش على الحجر)
الطفل سهل تشكليه وبتعاون الام والأب ع تربيته وتنشئته نشئه صحيحه ومع التكرار راح يعتمد ع نفسه ويكبر وهو عارف الصح والغلط
سديم انابقولك اخطاء صغيره جدا"يتهاونو فيها الامهات وضررها كبير
سديم: مثلا"
بحور: تخيلي هالمشهد
(ام يأتي طفلها يشتكي بتعبه من ارسال خاله أوخالته بأن يحضر لهم كوب مويا فتقول له لاتروح طنشهم أو تقول قول لهم اناموخدام عندكم!!!!!! وهي متجاهله هالخطاء الفادح الي سوته يكبر الطفل ويكبر معه هذا التفكير)
موالاحسن لو قالت(عادي حبيبي هذا خالك لازم تحترمه عطه المويا عشان ربي يدخلنا الجنه لازم نسوي حاجات حلوه وتبتسم له وتكمل كلامها والجنه حبيبي فيهاحاجات حلوه كثيره) راح يردد هالطفل هالكلمه كثيروعندكل موقف يشوفه بيعلق ع الي حوله أدا شاف شي صح بيقول:هذا صح ربي يدخلك الجنة اذا شاف شي غلط:يحاول يصلحه بالتنبيه :حرام هذا غلط مايجوز كذا بعدين الله مايحطنا بالجنة يحطنا بالنار)
(الله يكفينا واياكم عذاب النار)
سديم:بصراحه
بحور:ايه
سديم:كلامك خطير
لحظه بكلم الي يقرون قصتك قولو ماشاء الله لاتحسودنها
بحور:ههههه مو لدرجه ذي
سديم:الا شوفي شوفي شوفي عيون هذي الي قاعده تقرا
بحور:سديموه كذا بتهججين القراء محد بيقرا قصتي
سديم:لاعاد وش دعوه نمزح لحد يزعل مني
اقول بحور
بحور:هلا
سديم:كملي للقراء قصةالمسابقه واحكي لهم ايش صار
بحور:اوكيه بسم الله نبدا

الظهر رحنا الجمعية وتوجهت
سيده ع مكتب المديره وطقيت الباب
بحور:السلام عليكم
المديره:وعليكم السلام حياكي بحور ادخلي
بحور:ماعليش باخذ من وقتك دقايق
المديره:تفضلي
بحور:حابه اشارك في مسابقه افضل طبق بأسمي وبأسم الايتام وبما انك المديره والمسؤله الأولى جيت اخذ اذنك
المديره:لاعادي بس وين هالمسابقه
بحور:في مركز****النسائي
المديره:ومتى تكون
بحور:الخميس يعني بكره
المديره:بس الخميس عندهم رحله فاعل خيرحاجز شاليه لهم متكفل فيهاحتى نهايةاليوم
بحور:عادي انابحط الطبق باأسمائهم
المديره:اذا كذا عادي
بحور:ايه بس فيه شي ثاني
المديره:ايش هوه
وحكيت لها كل الي عندي وكل الي ابي اسويه
المديره:انامئيدتك الله يوفقك
وان شاء الله تفوزو
بحور:ان شاء الله ياالله عاد استأذنك بروح اشوف شغلي
المديره:اذنك معك تفضلي
وطلعت لعيالي وجمعتهم وحكيت لهم كل شي وكلن يدعي
فهد:يارب تفوزي يمه يارب
عزوز: يمه تجيبي لي حلاوه
بحور:ايوه وكل حاجه تبغاها
عزوز: يارب مامابحور تفوز
علي:يمه انابختار ع كيفي خلاص
بحور:ايه بس تاخذ اشياء مفيده
علي:طيب
اماني:يمه وانا وريم تاخذينا
بحور:اكيد
ريم:ياعسله ياقشطه ياقمره
بحور: وهي مبتســـمة ===>هذي جملة ريم لاكانت فرحانه
صلاح:يمه انا ابغا( بس بس)
بحور:ايش؟؟؟؟؟؟؟
صلاح:بس بس
بحور:وشو ذا
فهود:بس بس يمه ماتعرفينه
بحور:لا
علي:يمه يبون ببسي
بحور:ايوه قولو كذا
خلاص بنجيب كل حاجه نبغاها والي يبقى شوي نساعد فيه الناس
والباقي نشيله خلاص
الجميع:خلاص
بحور:عاد لاتنسو كل شوي
ادعو نفوز لأن ناس كثار يشاركو
سطام:ان شاء الله احنا الاولين
عزوز:يارب كلهم مايفوزو بس مامابحور تفوز
بحور:لاماما حرام فيه ناس محتاجين ماعندهم فلوس يجو يشاركو حرام تقول كذا
عزوز:بس انا ابغا افوز
بحور:ايوه ماما بس ماتدعي ع احد
عزوز:اسف خلاص يمه
بحور:خلاص ياماما

فالليل تعشو ونامو
واحنا رجعنا البيت كتب اغراض بورقه ووصيت عمر يجيبهن ونمت وفالصباح دقيت عليهم فالشاليه وتطمنت عليهم وذكرتهم فالمسابقه وقامو يدعو
بعدالعصر دخلت المطبخ وقعدت احوس وسديم كل شوي ناطه تشوف وش سويت
خلصت ع اذان المغرب طبقين الاول متعوب عليه والثاني شي بسيط الاول بكتبه بأسم الايتام والثاني بأسمي مايهم افوز اولا اهم شي طبقهم يفوز
اتحممت وصليت ودعيت الله ييسر امري ورحت اتجهز والبس
اخذني اخوي عمر ومشينا للمسابقه
وفالطريق دق جوالي (ام احمد تتصل بك)
بحور:هلا ام احمد
علي:مامابحور
بحور:هلاحبيبي علاوي!!
علي:ايوه
بحور:احد عندك!!
علي:ايوه يمه ام احمد اناقلت لهادقي ع ماما ابغاها
بحور:هاه يمه وش بغيت
علي:فزتي
بحور:لسى ماما الحين بدخل يطولو ياماما الساعه وحده يقولو النتايج
علي:طيب خبريني
بحور:بكره ان شاء الله اخبركم
علي:قاعدين يدعون كلهم حتى ماما بسمه وماماعايده ومامانوره كلهم يمه يدعون ان شاء الله نفوز
بحور:ان شاء الله يمه
علي:مع السلامه يمه
بحور:مع السلامه حبيبي
تنهدت وسرحت شوي انتبهت ان السايره واقفه وطالعت بالجهه اليمنى حصلت المركز سميت بالله ودخلت
استغربت الحديقه كانت شبه فاضيه غريبه ليش الناس قليله معقوله عشان الاجازات ايه بس مو لدرجه ذي يعني بالعاده تكون مزحومه
كملت طريقي ورحت لمكان المسابقه
وهناك تفاجئةماكان فيه الا أنا يعني انا الوحيده
الي تعنيت وشاركت؟
يوو اخاف يلغوها؟؟
حسيت بأيد تحركني لفيت وحصلت بنت وكانت ملعقه في رقبتها سلسله نهايتهاكرت وخمنت انها من الموضفات هنا
البنت:اسفه فجعتك
بحور:لاعادي متعوده
البنت: بابتسامـ ــة انت مشاركه فالطبق
بحور:ايوه كيف عرفتي
البنت اشرت ع الحوسه الي اناحاطتهاجنبي
بحور:يو تصدقين نسيتهن
البنت:بابتسامة الي ماخذ عقلك وغمزت لي
بحور:مو ماخذ عقلي الا هالمسابقه ابسألك مواليوم المسابقه0
البنت:الا بس مافي احد شارك للأن انتي اول وحده
بحور:اخاف يلغوها
البنت:لاماأظن انتي وش ذنبك تعنيتي وشاركتي
بحور:معي طبقين واحد لي والثاني بأسم جمعية*****للايتام
البنت :الله يوفقك عطيني الأطباق بطلعها فوق
بحور:بساعدك
طلعناهن وانافرحانة معناته فايزين فايزين تذكرت دعوت عزوز وقعدت اضحك
البنت تناظر فيني منخرعه ع ايش انا قاعده اضحك
وشرحت لها الي حصل وقلت لها ذي حوبة دعوت عزوز
وقامت تضحك
خلصنا وجلست انتظر طفش لحالي جالسه مليت من الانتظار
وقعدت اتفرج بالرايح والجاي
وسمعت صرخه خرعتني
هنادي:بحووووووو ر
بحور:يمه
هنادي : تبتسم
بحور: هناديوه ياوجع خرعتنيي
هنادي: وهي ضــاحكة شكلك يفطس وانتي منخرعه
يبغالك صوره
بحور:لايشيخه هذا بدل ماتسمين علي انتي وجهك
تعالي وش جايبك هنا
هنادي:هههههههههه ياحليلك والله انا امي تشتغل بالمحل هذاك واشرت ع محل بعيد ماعرفت اسمه لاكن واضح انه لبيع اكلات ساخنه
بحور:ايوه ماشاء الله زين انك جيتي طفشانة مره
هنادي:وين سديم عنك
بحور: تجيب بابتسامة سديم رحت وهي واقفه بالمطبخ تغسل حوستي 0
هنادي:ماتستاهل وانتي ليه ماساعديتها
بحور:مامداني الوقت راح
واخاف اتأخرعن المسابقه
هنادي:لسى مااعلنو
بحور:لا
هنادي:غريبه باقي ساعه ويقفلو انتي ر
وقطع حوارنا صوت الميكروفون
(على الاخوات المتسابقات التوجه الى خشبه المسرح)
بحور:هنادي تعالي معي انتي استلمي حق الايتام اوكيه
هنادي:اوكيه ياالله
وطلعنا استلمناظرفين
واحد مكتوب الجائزه(الرابعه)
والثاني مكتوب عليه الجائزه(السابعه)
ماحبيت اناقش كل انسان وضميره طلعت
وبشرت اهلي وفتحت الاظرف وكانت الجوائز دورات ؟؟؟؟؟؟؟؟
مع ان الجائزه الأولى كانت مبلغ مادي !!
دورات كيف اتصرف دقيت ع المديره:هلابحور
بحور:هلا اسفه اتصلت بوقت متأخر
المديره:لاعادي هاه بشري
وحكيت لهاكل شي
وقلت لها ابي اذنك عشان اشوف اذا يستبدولها بمبلغ مادي وسمحت لي واعطتني الأذن
دقيت ع هنادي الي لسى فالحديقه وحكيت لها السالفه قلت لها وانتي طالعه شوفيهم واشرحي الوضع وشوفي بيستبدلوهالنا؟؟؟؟؟
وبعد ثواني دقت وقالت للأسف رفضو
صكيت ورجعت اقرا الظرف من جد وجديد حتى الدورات الاولى دورة تجميل وماتصلح لهم ابدا"
والثانية فوتي شوب ومحتاره اعطيهامين كان صعب اختار شخص واترك الباقي
يووووه
ارسلت مسج لكل صاحباتي وفهمتهم السالفه وقلت اذا تعرفو احد يشتريها خبروني
رن جوالي
(تؤم روحي تتصل بك)
ريم:صباح الخير
بحور:ياصباح النور ياهلا
ريم:هلابك فينك يابنت ماعاد نسمع لك صوت
بحور:دام انامع عيالي الجوال اخر همي
ريم:ياحياتي على هالعيال كيفهم
بحور:تمام ماشفتهم اليوم بس كلمتهم
ريم:ايوه صح مبروك
بحور:الله يبارك فيك
ريم:طيب وش صارمعك
بحور:ماحصلت احد يشتريها
والمشكله نهاية ذا الشهر تنتهي
ريم:وليه مااشتكيتيهن ليش مااعطوكي الجايزه النقدية
بحور:انتي عارفتني ريما شي فيه مشاكل وقطع ارزاق مابيه
ريم:الحنيه هذي هو الي مضيعكي ياشيخه خليهم يتجازو بفعلتهم قسم بالله شي يرفع الضغط
بحور: الله فوقهم ياريم
ريم:ونعم بالله
بحور:غيري الموضوع صحيح وش عرفك باالسالفه
ريم:هندخبرتني ودقيت ابي افزع
بحور:هههه ياقلبي يالفزاعه عطينا الي عندك
ريم:انابحول لك1000
بحور:ري
ريم:لاتقاطعيني خليني اكمل
خوذيها وسوي الي كنتي تبين تسويه والله يابحور اني مفتخره فيك ويشرفني اقول لناس هذي صديقتي
بحور:هذا من طيب اصلك بس ريم اعذريني مارا
ريم:لالالالا وربي لزعل منك
اعتبريها سلف وكل مااستلمتي راتبك طشي شوي
بحور:مشكوره ريم ريحتيني
من هم كبيرربي يوفقك
ريم:آمين واياك ان شاء الله
ريم:ياالله بسيبك تريحي وانابروح انام وراي تدريس بكره دعواتك
بحور:الله معك يالغاليه
ريم:فمان الله
بحور :فمان الله
................................
قفلت وانافيني صيحه هم وانزاح هذول هم الصاحبات القاهن فالشده والرخا لفعل الخير دايم جاهزات
ومابنسى افضال ريما وطاطا واودي والي متأكده لاقرن الحين اساميهن بتطلع عيونــــهن كشخه من قدكن اساميكن طلعت بالرواية
نرجع لتكملة القصه
.....
دوامي كان فشفت المساء الساعه2الظهر وصيت محمدياخذ عصير وشبس وطلعت للجمعية واول مادخلت يادوب ابي اسكر الباب الي وصراخ الاطفال وصوت جري ونطو علي
الجميع:مبروك يمه مبروك الفوز
بحور:ماما شويه بس ابشيل غطوتي اختنقت
وبعدو عندي لثانية
واول ماشافو وجهي وابتسامتي
رجعو ينطو من جديد
بحور:هههههه ياماماموكذا شوي شوي
فهد:ياالله يمه الحين نروح نشتري
سطام:ارجعي البسي غطوتكي ولاتفصخين عبايتك
بحور:ياماما حرالحين خلونا ندخل ونريح شوي وبعدصلاة العصر نصلي ونمشي
عزوز:ع طول ع طول
بحور:ع طول ع طول
عزوز:ونروح بسيارة محمد حسين (سواق الجمعية سوداني)
بحور:ايوه يماما
عزوز:يا الله تعالو نصلي
بحور:عزوز باقي ماأذن لاأذن وقال الله وكبر نمشي
اخذتهم ودخلنا جوا سلمو علي البنات وباركو بالفوز
علي:انا اول واحد عرفت
بحور:صح انتو وش دراكم
علي:ماماهنادي قالت لنا جت الصباح وخبرتنا
مامابحور شفتي البارح لماجينا من الاستراحه كل شوي اقول لهم ادعو ليمه
فهد:وانا نمت وانا ادعي
علي:هههه شفتي فهد وهو نايم يتكلم يقول يارب نفوز يارب نفوز
بحور:ياحياتي والله
جابو لي طلال ياهالطلال الي ذابحني اخذته وبوسته وحطيته بحضني
قعدت اسألهم والعب معهم
شوي اسمع صراخ سطام وفهودي وصلاح
يمااااااااااااااه يمااااااااااااااااه يايمه اذن والله اذن
فهود:يمه اذن انا سمعته
صلاح:كذاب انا سمعته اول
سطام:اصلن كلنا سمعناه صوته عالي مو خفيف صح يمه
بحور:صح يمه ياالله نقوم نوضي ونصلي ونتجهز ونمشي
صلاح:يمه امانتك بروح
فهود:ايوه يمه امانتك مانسوي حاجه غلط
صلاح:الله يخليكي
بحور:واذا سويتي ازعاج
فهود:مانسوي صح صلاح
صلاح:صح
وصالح قط معهم بعد:صح
بحور:ماتلحظون صالح دايم قاط معهم بس بكلمت صح
علي: مايعرف غيرها
بحور:عشانه صغير لاكبر يعرف اكثر صح صالح
صالح:صح
قمنا وصلينا ودقينا ع السواق ياخذنا وفالطريق اعطيهم نصايح محد يسوي شي غلط ودخلنا المجمع ارحم من المجمع السابق اللعبه 2او3ريال خلصو لعب بعدها دخلنا قسم الموادالغذائية
واخذت لهم عربيات صغيره وكلن يفحط من عنده وتعبت وانا ادورهم ادخل من هنا احصل فهوديلف يلف عند المعلبات والمح من بعيدعزوز يفحط عندالخضار>>مختار اوسع مكان بمساعده علي وسطام واماني وريم قدرنا نجمعهم
واخذت عربية كبيره وحطيت بوسطها فهود وصلاح عشان مايلعوزوني وعزوز جنبي
كل واحد اخذ له الي يبيه ووقفنا عند رف الكورن فلكس وصار هالنقاش
فهد:لامابي ابغا هذا
بحور:فهود ياحبيبي اناماقول ماتاخذه راح اشتريه بس اذا اشترينهابعطيه ماماسمر تشيله واذا انت افطرت زين تحط لك
فهد: هذا ليه ماتعطينها اياه
بحور:لك ياما ولأخوانك بس توعدني قبل تاخذه ماتاكله الابعدماتاكل اكل زين
فهد:خلص بس ماتعطينه يمه
بحور:خلص ماراح اعطيها انت تعطيهابس تطعم اخوانك منه
فهد:خلاص
بحور:ياالله نمشي مشو معاي ومرينامن قسم الاطفال واستوقفنا صوت عزوز
عزوز:يمه حقات طلال
ويأشر على البامبرز(تكرمون)
ضحكنا كلنا

ورفع صوته عزوز:ليش حاطينها هنا هذول حقات طلال
خوذيها يمه
بصراحه انامن الضحك مو قادره اسكته ابغا الي يسكتني احاول اصبر نفسي لانفجر بالضحك قدام الناس الي كلن يضحك ع موقف عزوز قدام البابمرز(تكرمون)
وبالعافية سحبته ومشينا وطول محنا عندالمحاسبين يسألني يمه ليش طب ليش ماخذينها حرام هذي حقت طلال خلينا نرجع ناخذها
وصلتنا الجمعية ووزعت اغراضهم عليهم واتعشو ونامو بدري من التعب
وانا اخذت طلال وطلعت
عندالبنات وقعدت احكي لهم واسولف لهم عن الي صار
وضحنا وعلقنا
ام احمد:يام طلال عطي طلال وجهك يضحك لك من اليوم
بحور:فديت طلولي أنا
هند:ليش ماتاخذيه انا لواني منك اخذه
بحور:اهلي خايفين من المسؤلية وشايلين هم كلام الناس
هند:الي يسمع كلام الناس يتعب
بحور:صدقتي
ام تركي:ماابغا اخرعك قبل يومين شفت حلم يخرع فطلال
بحور:بسم الله عليه لاتقولي لي شي الله يحفظه ويحميه ويحفظهم كلهم
جا الباص واستودعتهم الله وسلمت طلول للأمهات الي بينامن عندهن ووصيتها تنتبه عليه بوسته ومشيت
واستمرينا ع ذا الحال لاكني اشوف بعيون المربيات كلام لاشافو طلال معي ولاقدرت اعرف سبب هالنظرات وانساها مع عيالي لا التمو حواليه
وفيوم اول مادخلت من الباب انصدمت بعيالي وهم يقولو طلال راح
خذوه ناس؟؟؟؟؟؟؟؟؟؟؟
صدمــــــــــــــــــــه
صدمه ماكانت ع البال ابد الا طلال الا ولــــــــــــــــــــدي
طــــــــــــــــــــلال لاتاخذوه
ماهم يقولو اسمي ام طــــــــــــــــــــلال انا امه انا الي ربيته يناس
شفتو أيدي الي اكتب لكم هالرساله فيها
بنفسهاهالايد لبسته وحممته
وبفسهاهالأيد رضعته
وبنفسهاهالأيد اشيله وحضنه
ليش هالأيد مامنعتهم ياخذوه ليــــــــــــــــش
ياربي ماعاد فيني حيل ياربي انت ادرى بحالي يارب هون علي والله موقادره استحمل بعده احس انه مقلب مقلب الا اكيد مقلب شفت ام تركي وناظرتها ابي جواب ابي بس ابتسامه محتاجتها تكفين ياام تركي تكفين طفي نارالي فقلبي
لاكن ام تركي زادت طعون قلبي يوم هزت راسها بأيه
لفيت لعيالىي ادورعلي ابي علي ايه علي ابي اشوفه هو مستحيل يخبي عني شي
وشفتــــــــــــــــه
لاياعلي لايايمه ياعلي انا للأن مصدومه من اخوك الي راح وانا ماشفته
ليش يايمه هالحزن بعيونك يايمه لاتزيد جروحي
الي فيني كافيني
بالغصب قلت
بحور:الله يوفقه عادي بكره يكبر ويزورنا
سطام:يمه همه ليش كذا كل ماجابو لنا نونو صغير
يجو وياخذوه
ليش يمه؟؟؟
جلست ع حافة السور جلست يمكن الجلوس يرجع لي شي من قوتي وكابح فيها دمعتي لاتنسكب قدامهم اذا بكيت بخرب كل الي بنيته لاكن الي بخططه انهار مع كلمة عزوز
عزوز:طلال راح مع امه راح بيتهم خلاص مانشوفه يمه
ونزلت دمعه قدرت اخفيها عن الاطفال الاأن ام تركي لمحتها وحست فيني واخذت الاطفال
بكيت تذكرون طلال تذكرون يوم كان فحضني ولمااتخذت قرار اني بكون ام لهم كلهم كان اول المؤيدين كان يبتسم
فرحان
حاسين فيني عيشي معاي الاحساس طفل اناتكفلت فيه احممه البسه ابدله ياماشلته ولعبت فيه ياما ايام نام فحضني ماكنت ابيه يقوم عاجبني شكله
ياناس والله حتى صديقاتي المتزوجات اسألهن واخذمنهن معلومات اكل وشرب ونوم
كله عشان طلال
والحين ياخذووووه طب ليش ماقالولي ليش حرمني اضمه اخر ضمه ليش
آآآآه ياطلال ياترى وش تسوي الحين صاحي ولانايم
رفعت راسي ع علي جالس كان يطالعني بس لما رفعت راسي نزل راسه وكمل لعب
لحــــــــــــــــظه
يبكي؟؟
ليه مايبكي مو هو الي كان يجيب لي طلال اول مااجلس
كم مره جبته لي ياعلي؟
كم مره تطلبني انومه جنبك والبي طلبك واذا نمت اشيل بشويش وابوسك واغطيك واطلع والصبح تعاتبني ليش ماتركته ينام وقولك يمه الانسان لانام مايحس بنفسه اخاف تطيح عليه ولايخنقه اللحاف
بحور حاولي تصبري نفسك7ساعات مايصير كذا قومي وحاولي تكوني طبيعيه قدامهم قولي عادي بكره انتو كمان تسافرو وتعتمدو ع نفسكم ابي اشوفكم رجال
تعوذت من الشيطان وجلست جنب علي
بحور:علويه
علي:نعم
بحور:انتا كمان زعلان عشان طلوله راح
علي:هز راسه بأيه
بحور:ياماما عادي بيجي يوم وانشوفه
علي:؟؟؟
بحور:صدق يمه بتدور الايام وبنشوفه واذا ماشفناه بالدنيا بنشوفه بالاخره وان شاء الله نكون من اهل الجنه
بحور:شوف ياماما شفت الباب هذا
(واشرت ع باب الجمعية)
بيجي يوم اودعكم فيه بنشوف عيالنا الي ربيناهم كل واحد يعتمد ع نفسه
ابغا اشوفكم الي ضابط والي دكتور والي شرطي والي طيار
واكيد مابتنسونا وتجو تزورونا
وان شاء الله يمه بنلتقي فالجنة
ومانبتعد عن بعض ولايوم
قول ان شاء الله
علي:ان شاء الله
قمناودخلنا جوا عندالبقية واستمر اليوم على ماهوعليه وكنت اغلط كثير وانادي سعيد بطــــــــــــــــلال
فالمساء بغرفةالأولادفهدنام
وسطام وعلي ام تركي تقول لهم قصه
رحت لعزوز انومه شغلت له القرأن من جوالي واعطيته وجلس يرددمعه حتى غلبه النوم ونام
كنت ابكي ليش ماابكي وطلال بذا الوقت يكون بحضني يقلب سلسلتي
ظلام الغرفه منع الي عندي يشوفو الدموع الدموع الي تنزل عشان ولدي طلال
تذكرت حلم ام تركي مسحت عيني ولفيت لهم وسألت ام تركي عن الحلم وجكت لي اياه وقالت:اضن تفسيره وقع بروحةطلال
الحلم يخوف ودقيت ع الشيخ (عندي امل انه راح يرجع لي يمكن الشيخ يفسران الناس الي اخذو ولدي مايصلحو له وقتها بسوي المستحيل وارجعه)
سألني الشيخ ايش علاقتي فيه وحكيت له
وقال ليش انازعلانه المفروض افرح الحين له عائله حاله ارحم من غيره
بكيــــــــــــــــت وطلعت برا الغرفه ابهرب من عيون علي وسطام تدرون رجولي وين ودتني ودتني لغرفة طلال وقفت عند سريره فاضي يايمه انازعلانه لاني ماودعتك
يايمه كان ودي اوصي الي اخذتك عليك
يايمه اقل شي باخذ رقمها واتواصل معها انامومديره انا ام ست شهور قضيتها معك والحين ياخذوك بدون ماشوفك ليه يمه ليه
دق الباب ودخلت هنادي وخبرتني ان الباص جا
رحت اخذ شنطتي ولبست عباتي وقبل انزل دخلت غرف عيالي غطيتهم ومسحت ع روسهم ووصلت عندعلي لماجيت اعدل راسه انصدمت فمخدته غرقانه دموع مودموع كلمة دموع ماتكفي
الابحر من الدموع
عضيت شفايفي وجلست عنده بحور:علوي حبيبي ليش تصيح
علي:؟؟؟؟؟
بحور:تصيح عشان طلال
علي:هز راسه بالنفي
بحور:طيب ممكن تقولي يمه وش الي يخليك تصيح
قام فجئه وضماني وقعد يصيح
تدرون وش قال
قال يــــــــــــــــمه لاتخلينا
بحور:مستحيل هذا الشي يصير
من قال لك هالكلام
علي:محد قال
بحور:طب ايش الي خلاك تقوله
علي:اناقلت يمكن عشان طلال راح وانتي تحبيه ماراح بجين
بحور:ياماما انا احبكم كلكم وطلال ربي يوفقه
بعدته حن حضني ورفعت حواجبي وناظر فيني
بحور:انت وجهك يبيلك تكفيخ من وين تجيب هل افكار
واشرت ع فهيدان
فهمني علي
علي: ابتســـم وهز راسه
بحور:فديتك ايه افرد وجهك كذا موحلو انت مادالبوز
قرب بقولك شي
((بكره من الصباح بكون هنا لحد الليل بداوم دوامين ))
فرح كثير وضماني بقوه ودخلت حنان معصبه السواق ينتظرني واناطاقه حنك
ضحكنا واستودعتهم الله وطلعنا
وطول الطريق وانا اصيح
وسديم مثلي
دخلنا البيت وسيده ع غرفتي وقعدت اصيح وجت امي وابي يبتسم وراها وشافوني ذابحه حالي
امي :اذا بتستمرين ع ذا الحال اتركي الدوام بكيتي ع الصغير كيف الكبار لو راحو حرام يابنتي الي تسوينه
ابوي:لاحول ولاقوة الا بالله
كذا احسن له يتربا بوسط عيله
بحور:كان خلوني اشوفه مو كذا
بدون مايقولو
طلعو اتركوني قعدت اتفرج ع صوره بجوالي اخر صوره عيونه فيها حزن
كأنه حاسس ان هاليوم بيجي
آآآ ه ياطلال روح عسى الله يوفقك دنيا واخره
ويوفق اخوانك معك
نمت واناحاضنه صورته وصحيت ع اذان الفجر صليت وحطيت كمادات ثلج تخفف انتفاخ عيوني
بعدها تنشطت شوي ورحت البس واجهز حالي وعدت علي ولازم اوفي بوعدي
رحت الجمعية وحاولت اتناسى طلال مع ان الشي ذا مستحيل يصير
بس لجل البقيه بضغط ع نفسي واتحمل
====================
مضت شهوروالاوظاع ع ماهي عليه ومحبتنا لبعض كل مالها تزيد
تزوجت زواج تقليدي(البنت ماتطلع لبرا حتى لوتقدم لها راعي دين ومشهودله يرفضو)تناسو قوله صلى الله عليه وسلم
اذا جائكم من ترضون دينه وخلقه فزوجوه وان لم تفعلو تكن فتنةفالارض وفساد" عظيم)
قطعت فتره 4 اشهر ورجعت لهم الااني كنت متعبه نفسيا"
ماكنت ابين لاهلي اي شي عن حياتي كنت اخبي عنهم اجيهم وانا اضحك وانافداخلي جروح مو جرح واحد
والجمعية تحت ضغط وحده من الاخوات فض فضت لها همي
ربعية:ال؟؟؟ الح؟؟؟؟ والله مايستاهلك الله لايوفقه بحور قولي لأهلك
بحور:ربيعه لاتدعي ع احد قولي حسبي الله ونعم الوكيل وبس
ربيعه:والله مايستاهلك
بحور:الحمدلله ع كل حال انا الي علي اادي الحقوق الي علي والواجبات وخلاص وهو له رب يحاسبه
ربيعه:لين متى يعني تجلسين معه
بحور:ربيعه بعطيه فرص ياربيعه بصبر6شهور واذا ماجابت نتيجه بروح بيت اهلي
بس اسألك بالله ربيعه سديم لاتدري
ربيعه:ربي يعوضك بالي احسن منه ماتستاهلي والله
بحور:هذا امتحان من رب العباد والله اذا احب عبدا" ابتلاه
ربيعه:والنعم بالله
بحور:مابوصيكم ع عيالي الله الله فيهم وانا بكلمكم يوميا" وايام باخذهم عندي
ربيعه:الله يوفقك
بحور:واياكي ياقلبي ياالله انابروح الأن اي شي يصير خبروني
ربيعه:الله معك
واستمريت علي حالي واستمر التعب النفسي بزدياد يوم ورى يوم يزيد (الواحد لما مو قادر يفتح بيت ليه يفتحه ويعذب بنات الناس معه ليه؟؟؟؟ )

دربي طويل وتايه فيه ممشاي..

مثل الغريب اللي مضيع دليله!

يحدني وقتي على ضيم دنياي..

ورضيت باالمقسوم حتى قليله!

ياطول صبري آآآآآه وياكبر بلواي..

أخفي عن العدوان همي وأشيله!

أخاف أبوح بسر قلبي وشكواي..

وتصير نفسي بين ربعي ذليله!

أضحك ودايم بسمتي تسكن شفاي..

ومن شاف حالي قال محدن مثيله!

وأنابجوفي هم والنار بحشاي..

والجرح ينزف والليالي طويله..!
===================
رجعت متطوعه بدون راتب وصرت اجيهم زياره واحيان اخذهم بيتي البيت الي ياما عدت علي ايام انام فيه لحالي
فيه
شفت الظلم شفت العذاب النفسي كل شي شفته ومع كذا صابره اعطيته فرص وضيعهابعد6شهوراتخذت القرار واخذت اغراضي ورحت لبيت اهلي وحكيت لهم الوضع كله
بصراحه امي وابوي عاتبوني ليش ماقلت لهم من البداية
بحور: هذا حق ايه حق كل زوجه من واجبها تعطي زوجها فرصه مو ع طول خذت عفشها وراحت بيت اهلها
امي: وليه ساكته ليه ماشكيتي لنا
بحور:يايمه انتي الي ربيتنا ع الشي ذا
عمر: انتي تصرفتي صح يابحور بس قولي لي وانا اخوك وش الي تبغية
بحور: ورقتي ياعمر ابي ورقتي
سديم:بحووور؟؟؟؟
بحور:يبه يمه انامايهمني كلام الناس الحمدلله اناماسويت الا الي يرضي رب العباد
سويت يبه الي يرفع راسكم فوق ومعاش من يوطيه لكم
امي:الله يكملك بعقلك يابنتي
وارتحت ارتحت كثير وحمدت الله ان اهلي تفهمو وضعي
وتم طلاقي واطلق زوجي سراحي
ومن بعد ماانتشرالخبر جت امم لبيت اهلي بيأكدو من الخبر وايش الاسباب
ام سعد:صحيح الي سمعناها يابحور
بحور:الحمدلله ع كل حال قدر الله وماشاء فعل
ام سعد:ليه وش السبب
بحور:قسمه ونصيب
ام سعد:والله يقولو ان امه زعلانه هي العيال والبنات مايسمعو فيكي
بحور:ناظرت فأمي وابتسمت وقلت الحمدلله دخلت العايله هذي بصيت طيب وطلعت بصيت اطيب منه
ابتسمت امي
وكملت كلامي لأمي
بحور:هي كلها 6شهور اعتبريني كنت مسافره لدراسه واخذت دوره فالحياه ورجعت
وضحكت امي وقمت وانا مرتاحه وصلت لامي الكلام وفهمته امي
وانتهى الماضي وطويت صفحته ولاعاد ابي افتحها نهائي
زرت عيالي كذا مره كبرو وتغيرو كلها3شهور قطعت عنهم صارو رجال والي فرحني سعيد جته عائله واخذوه
ذكرى فاكرينها تحسنت صحتهاللافضل وصارت تساعدنا فالشغل وجت عائله كفلتها واخذتها
ناصر جت عائله واخذته
استانست كثير صحيح بفقدهم بس بعد روحت طلال حكمت عقلي يعيشو بين عائله احسن لهم
دخلت الجمعية كان فيها 15طفل
والأن 11 وبعد فتره قليله بيصيرو
10 طفل راح يغادر هالدار
علي ولدي علي بيسافر بيبدا حياه جديده ماعاد اشوفه بعد كذا
==================سأصبر حتى يعجز الصبر من صبري .. واصبر حتى يأذن الله في أمري ....
يمه علي يمكن يجي يوم وتقرا رسالتي ويمكن اخوانك
ويمكن شخص مر بنفس التجربه يقراها
يمــــــــــــــــه الدنيا مو دايمه لأحد لاتغرك مظاهرها
يمه اذا انتا يتيم قول الحمدلله ولاتعترض ع حكمه رب العالمين والدنيا ماتوقف ع الشي ذا
اجتهد يمه واسعى ف طلب العلم وخل ايمانك بالله كبير يمه فيه من عاشت تجربتك ارتبط معهابرباط شرعي صححو الغلط الي ماكان لكم اي ذنب فيه
ولاتنسى صلاتك يمه
والله الله بفعل الخير والاحسان لناس والبقره سوره البقره لاتنساها يوميا" اقراها الرسول صلى الله عليه وسلم قال: (أخــذهــا بــركـــة وتـــركــــهـا حـــســـرة)
اجتهد يمه بحياتك وتزود لدار الاخره
اناشاء الله نجتمع في فجنةالفردوس

احبكم يمه احبــــــــــــــــكم

....بحـــــــور....
تمت بحمد الله وحده اشكره فله الحمد وله الشكر
====================
ملاحظه
=الرواية شي انا عشته وعاصرته ليست من وحي الخيال الاسماء فقط هي التي قمت بتغييرها
=لااميز نفسي بين موظفات الداروكون اني لم اتطرق لهن لايعني ان بهن نقص حاشا لله كل ماهنالك اني تكلمت عن تجربتي انا
=الشكر لله وحده ثم لمن شجعوني ع كتابه الرواية فالشكر لقناة بداية والقائمين عليها
=اطلب الدعاء لوالده مديره الجمعية بالشفاء العاجل
=اعذروني ان اخطأت
اسأل الله لي ولكم التوفيق والسداد...
بحــــــــــــــــور
__________________