[فيتامين سي]

"الباحث عن الحب"


الجزء الرابع



بعد أن تعرف فيصل على صاحبة المحفظة وهي طبيبة
تعمل بأحدى المستشفيات أسمها هند ..
وضع المحفظة داخل درج بغرفتة ..
تمدد على السرير بغرفتة لينام مسترجعاً تلك اللحظات
عندما قابل هند عند الصراف يسترجع ملامحها ونبرة صوتها ..
ليناااام وهو يحتضن مخدة وأحلام اللقاء تتوارى كلحظات مغيب شمس النهاار
في الصباح وبعد الافطار وكانت الابتسامة لا تفارق شفتاه مستبشراً
ذهب الى شركتهم الخاصة وهو المدير العام ..
جلس بالمكتب لينهي بعض الالتزامات ثم خرج ليذهب للمستشفى
وبالفعل توجة للمستشفى وبالسؤال أستدل على مكتب الطبيبة هند
وتوجة الى المكتب وبعد أن وصل للمكتب والباب كان مفتوح
وقف عند الباب وكانت هند جالسة على المكتب وكانت محجبة
وقال السلام عليكم .. أجابتة وعليكم السلام ..
فيصل : انتي الطبيبة هند ..
هند : نعم انا هند اي خدمة ..
فيصل : الحقيقة أني احمل شي يخصك
هند : وشو هالشي علمني بسرعة
فيصل : أخرج المحفظة وقال هذي المحفظة لك ؟
هند : تقف متعجبة يا الله الحمد لله وفتحت المحفظة
نعم محفظتي ياالله تعبت ادورها الحمد لله اوووف اخيراً
فيصل : الحمد لله وصلت لك ..
هند : أنت وين لقيتها ؟
فيصل : هل تتذكرين دخولك للصراف وقتها انا كنت واقف
وكنتي مستعجلة وأكيد انك نسيتي تضعينها بالشنطة
لكن صدقيني حاولت الحقكم لكن للأسف ما قدرت ..
جوال هند واتصال قادم اليها ... تستأذن من فيصل للرد على الجوال
الووو .. أهلا أن شاء الله بس عطوني فرصة يومين
انا لازلت أبحث عن فلة او شقة مناسبة وبعدين ارد
اكيد باجيكم أكمل الاوراق ن شالله مع السلامة ..
هند : اوووف ماعندهم صبر ياسااتر ..
فيصل : ممكن تسمحين لي اسأعدك لو أقدر ..
هند : اول شي ماتعرفت عليك
انا فيصل : رجل أعمال وطلع كرتة وقدمة لهند
ماشاء الله .. تفضل استريح فيصل أنا اسفة تفضل ..
ترفع السماعة على الكافتيريا وش تشرب فيصل ... لاشكراً ياهند
لازم تشرب شي ... تستأهل الضيافة أنت رديت انفاسي المحفظة ماصدقت القاها
والفلوس ماشاء اللة كل شي بالمحفظة وهذا جميل منك ..
فيصل : طيب كاس شاهي بدون سكر ..
هند : لية عسى مافيك سكر ..
فيصل : لا ابداً بس انا تعودت علية بدون سكر ..
وبعدين ماقلتي يا دكتورة هند انتي وش تبحثين عنه بالتحديد
سكن فلة أو شقة ؟
هند : الحقيقة أني أبحث عن سكن خاص لي مع أمي واختي
ولا لقيت شي مناسب ..
فيصل : ممكن أساعدك وأسهل عليك المهمة لو حبيتي ..
وقف عند الباب عامل الكافتيريا ليضع المشروبات وقدمت هند
كوب الشاي لفيصل ..
هند : طيب ماعندي مانع الله يسلمك وانت شكلك ولد حلال ونيتك طيبة
ممكن لو فيه عروض اقدر اختار فلة او شقة المهم بأسرع مايمكن
لانه البنك عامل عرض جيد وهذي فرصة ما ودي تفوتني ..
خذ يافيصل هذا كرتي وأتصل فيني بسرعة وانا بأنتظار اتصالك ..
فيصل : أن شالله وشكراً على الضيافة وأن شالله راح أتصل فيك ..

خرج فيصل من المستشفى وهو سعيداً بالمقابلة والاستقبال المريح
وأستطاع أن يجد فرصة للتواصل مع الانسانة التي كتب له القدر مقابلتها بالصدفة
كما أنه بدأ يستريح لهذة الانسانة وهو في خضم الضغوطات الاسرية وأصبح لديه
بريق أمل بأختيار شريكة حياتة ..
وعند ركوبة السيارة سحب الجوال وأتصل بصديق له صاحب شركة
مقاولات xxxxية ولديهم مجموعة فلل معروضة للبيع وبجميع الاحجام والمواصفات

الووو السلام عليكم كيف الحال عبدالعزيز ..
عبدالعزيز : عليكم السلام الحمد لله اهلآَ بهالصوت كيف احوالك ..
فيصل : الحمد لله رب العالمين بخير وصحة
عبدالعزيز : وينك قبل كم يوم كنا بسيرتك وين أيامك ..
فيصل : أسكت ياعبدالعزيز مشغول هاليومين وربك يسهلها ..
انا متصل فيك ودي تخدمني بحاجة ضروري ..
عبدالعزيز : افا عليك أنت تأمر أمر ..
فيصل : مشروعكم الاخير للفلل وأتمنى أحجز فلة صغير فيه ناس
بيشوفونها وأن شالله تجوز لهم ..
أبشر أنت تفضل للمكتب خلنا نشوفك واللي تأمر فيه حاضرين
ماراح أجي للمكتب الا لما تصلح الفلل لهم وبعدها راح نتفاهم ..
عبدالعزيز : أبشر الفلل موجودة والموقع أنت عارفة وفيه فلل للعرض
أنت شف اللي يختارون ومايصير خاطرك الا طيب ..
فيصل : يالله أنا بأستأذن والله يسعد أيامك مع السلامة ..

انتهت المكالمة ورجع فيصل للمكتب ..

بالليل أتصل فيصل بهند ليخبرها عن الفلل لتذهب لرؤيتها
فيصل : الوو السلام عليكم أنتي هند
هند : أهلا فيصل انا بالفعل خزنت رقمك وصوتك مميز ..
فيصل : أبشرك ياهند لقيت الفلل أن شاء الله تناسبك ..
هند : أنت كريم يارب .. أنت وجه السعد علينا ربي يخليك ..
فيصل : بأوصفلك عنوان مشروع الفلل ..
هند : أهم شي بشمال الرياض ..
فيصل : نعم الشركة ماتشتغل بمشاريعها الا بشمال الرياض ..
هند : أسمع فيصل عندك الفاكس أعمل كروكي للموقع وارسلة تكفى بسرعة
لو ماعليك كلافة ... وبعدين أتمنى تكون موجود بنفس الموقع هناك
أمي واختي لازم يشوفوها معاي .. وعشان أخذ رأيك ونتشاور وتساعدني بالموضوع ..
فيصل : أن شاء الله مايكون الا خير ..

وبالفعل رسم كروكي للموقع وارسلة بالفاكس ..
وكتب المقابلة بموقع الفلل الساعة 6مساءً ..



يتبع