[فيتامين سي]

في المستشفى„
جالس عبدالله على كراسي الانتظار ومعاه ام ساره...
#
الدكتوره نادتهم/ام نجد فين ام نجد
ام ساره قامت/خير ان شاء الله ي دكتوره
الدكتوره/ تعالي انتي واخوها اللي جابها..
نجد نايمه ومرتااحه..وبيدها مغذي وتحت عيونها احمر
~ ومن وراء الستاره”
عبدالله/خير ي دكتوره
الدكتوره/بصراحه البنت واضح متعرضه لستريت قووي،
عبدالله/ايش قصدك بضغط قوي
الدكتوره/لان هي عندها انهيار عصبي،
ام ساره ارتاعت/انهيار عصبي!!
عبدالله،عرف ليه ونزل راسه/
الدكتوره/انا مش عارفه هي جرى لها ايه بس ارجوكم ابعدوا عنها اي حاقه تزعلها...،اوكي
عبدالله بقلة حيله وخنقه/اوكي
ام ساره/بنتي مافيها شيء مححد زعلها...وقبل شوي وش حلاتها معنا تسولف وتضحك
عبدالله تأكد له السبب/ماعليه ي يمه ماعليه..لاتحاتين
ام ساره/طيب متى ناخذها معنا
الدكتوره/اول ما تقوم من المهدئ تقدرون تاخذونها
عبدالله سكت وجلس مكانه وهو مخنوق~
ام ساره جلست وهي قلقانه~
/
/
/
/
جـــده„
دخل الوليد على ابوه/سم يبه طلبتني
بو متعب/اجلس واسمعني
الوليد جلس/
بومتعب/زواجك هالأسبوع..،جهزت نفسك،قررت وين بتقضي شهر العسل
الوليد تضاايق/للحين
بو متعب/اسسمعني ابيك تكون رجاال وماتفشلني،اللي بتتزوجها يتيمه،لا تزعلها ولا تضايقها،،،
الوليد يسمع وهو مقهووور...جاته رساله بلاك بيري من جمانه[أنا موافقه حبيبي] وانبسسسط
ارسل لها[زواجنا راح يكوون بليلة زواجي ببنت عمي السبووع الجااس...بعد الززفه علطوول راح اكون عندك انتي ...أحبك]
جمانه ردت[وأنا كمااان أحبك]
بو متعب/ي وللللد شفيييك وانا اكلمك اترك جهاازك واحترررمني
الوليد/آآسف يبه هذا واحد من العيال ملززم علي اجيه هالاسبوع وجالس اتعذر واعزمه على زواجي
بومتعب ماصدقه من نظراته،،بس مشاها...،

/
/
/
/
/

في غرفتها واقفه وعند المرايه وتشيك على لبسها تنوره سوداء سكيني قصيره وبلوزه دانتيل اوف وايت باكمام وصدرها واسع وحزام....وشعرها مسدوول على طووله وملفلفه اطرافه لفات خفيفه ..ومسويه ميك اب كلاسيكي..وروج احمر صارخ..عندهم الليله عزيمه وهي اول عزيمه بعد زواجها..،وخوال زوجها جايين..
دخل نايف وانبهر بس مسوي مو مهتم،جلس يبدل ملابسه...،،
نورا استحت والتفتت عليه/ ناايف شرايك؟
نايف وقف وهو يتأملها” تاااخذ العقل من جد„جسمها فتنه”؛بس ناظرها من دون اهتمام/عاديه
نورا ابتسمت على جنب وناظرته بنص عين/عاااديه؟؟!!!
نايف قرب منها وهو يحاول يمسك نفسه/عاديه ونص
نورا ابعدت عنه واتجهت للباب/انا بروح اشوف اذا هديل عندها شغل والا تبي مساعده
نايف قاطعها وعيونه تمقلها/وووقفي،وانا اكلمك توقفين وتسمعين لي لين اخلللص وااذن لك تروحين مفهووم
نورا ميلت وقفتها ووميلت راسها بدلللع ورفعت حاجب ونزلت الثاني/والمطلووب.....، وبعدين؟!!
نايف بابتسامة خبث/سكري الباب وتعاالي
نورا تعرف شيدور براسه سكرت الباب وجاته/آآمرني طال عمرك..نونو تحت امرك
نايف أشر على خده/بوسيني
نورا ماصدقت/هااه
نايف باحتقار/صدقتي؟؟هههههه انقلعي بس
نورا ارتفع ضغطها منه،وقررت تعامله مثلما يعاملها، قربت منه بشكل كبير ولصقت وعينها على شفايفه وتبسم بخبث ومكر بناتي،وغمضت وكأنها تستنشق انفاسه،وحطت يدها على خده بنعوومه/اجل ماتبي بوسه هااه؟!!
نايف ماقدر يمسك نفسه،وده يمسكها...وقرب من شفايفها..،
نورا شافته تنح وماعاد يستوعب”تأكدت انها وصلت الشيء اللي تبيه” وانسسحبت من بين يديه بخففه ودلللع/اووكي انا طالعه اشوفك بعدين
نايف بلع ريقه وصحى وهي طالعه”بنت اللذين شسووت بي”
نورا طلعت وهي تضحك بنصر.....،
/
/
/
على الطرف الثاني...
في طريقهم من الريـآض للديـره..،
بو محمد/ي عيااال اصصص ترى ازعجتووني وانا ابووكم
كاترينا/يبه ناااظر محمد يتعمد يزعجني
محمدباستنكار/كذوووب،،ي اللئيمه،،عطيني الايباد بس
كاترينا ناظرته باحتقار/خلك بأيبوودك بس ي بيبي
محمد يغلللي..
ليلى/ي عيااال اهدوو الله يصلحكم
بو محمد/عياال لا تضايقون اختكم الكبيره،،
محمد وعزوز سكتوووا ....
كاترينا/يماااه ليش ماخلوا زواج نجد في جده احسن
ليلى/مايصير... الكل في الديره ،اهلنا وحبايبنا وجيرانا
كاترينا/اهاااه علشان كذااا
بو محمد/اسمعووني ،،ترى روحه يم المزرعه مافي ي شبااب حمود وعزووز ،لا اسسمع انكم رحتوا هناك
محمد/يبه ترانا كبرنا
كاترينا تناظره بنص عين وتبسم وهي سسااكته...
بو محمد/كلامي ما اعيييده..
محمد سكت زعلان..وعزوز مثلله...
،
،
،
في البيت_
نجد تسوي شغلها وقلبها مو معها..،مع هذاك اللي حبه داخل القلب والروح...(ليه ي نجد منتي قادره تكلمين؟؟...ليييه تخلين عبدالله يروح من ايدك ليه،،بكرا بيروح يتزوج غيرك وش بتسوين ساعتها هاااه؟؟!!!...آمووت لو شفت غيري معه،امووت لو شاف غيري انا....،آآآه ي نفسي استغفري،صرتي لغير حبيبك ي نفس)
صووت ليلى داخله عليهم/يـــآ عـــرررب
نجد انقطع حبل افكارها وقطت اللي بيدها ورااحت ركض/خـــآلتي ليلى اااا
„
„
„
„
„
بيت ساره ~
ساره جالسه وتتفرج ع التلفزيون وبيدها كوب كافي وسرحاااانه مو مرركزه،تفكر بتصرفات ”رائد” ...تغير فجأه
دخل رائد وهو يغني وشافها/مسساء الخير ساره
ساره بصوت مكتوم/مساء النور،
رائد جاء ومعاه أكيـآس من السوق وحطهم ع الارض وجلس ع الكرسي المنفرد/
ساره استغربت/وش كل هالاكياس؟
رائد/اغراض من السوق،
ساره ببتسامه/لي منها شيء والا لاااا
رائد انحرج/بصراحه لا، هذي ملابس لي اندر وير وشمغ وبدل وكذا
ساره استغررربت/كـــل هالاكياااس!!!لك انت سلماات ترى دولابك مليان وتوك متقضي قبل فتره ومفصل ثياب
رائد/هههه مو مشكله حاسدتني هههه
ساره بنظرات شك/لا حبيبي عليك بالعاافيه.
رائد قام /الله يعافيك بيبي،يلا انا رايح الغرفه اودي هالاغراض،عن اذنك
ساره حبست البكيه وبلعة العبره/اوكي
رائد تذكر شيء والتفت عليها/حبيبتي نسيت اقولك انا مسافر بعد زواج نجد ابيك تجهزين شنطتي وتحطين فيها ملابسي الجديده
ساره /ابشر من عيوني
رائد/تسلملي عيوونك
<<<<<رائد راح للغرفه
ساره بدأ الشك يلعب بها شمعنى قالي من اللحين اجهز شنطته وهو ماراح يسافر الا بعد اسبوع ...شكها زااد بس ماتبي تواجهه..تخاف يجرحها وتجرحه ويمكن شكهامو محله وهي تحبه ماتبي شيء يأثر على حبه..
~~~~~~~~
٪٪٪٪٪٪٪٪
،
،

بالطريق رايحيـــن للديره ومابقى لهم شيء ويوصلون خلاص..
رسيل بملل/اففف من جدهم هذولا الزواج في الديره
زياد/وناااسه اكتشفي العااالم...عمرري ماجيت هنا هههه
مهند فرحااان بالمنااظر والخضره والحيوانات/هنا فيه غنم وحيوانات كثيير
زياد/هههههههه بالله عليك اللي يسمعك يقول شايف دب الباندا هههههههه
الوليد/زيااد بلا سماااجه
ام متعب بحنين/فددديت الديره والله زمااان عنهاااا
رسيل تناظر الاماكن بغرور وكبر/تكككفييين زايره الريف الفرنسي على غفله
الوليد/رسيل اصبري شوي وتشوفين مزارع عمي حمد ماراح تصدقين عنده انوااع الخيول
رسيل/بذمتك عنده خيل
زياد/بالله عليييك عنده خيل
الوليد/اييه اللي تبون..
ام متعب/اذكر حمد يحب الخيل وكان فارس بزمانه لين طاح وانكسر ظهره
رسيل والاولاد استغربوا/انكسر ظهره!!!
ام متعب/ايه انكسر وظل اكثى من سنه لين تعافى بس ماعاد يخلف..علشان كذا ماعنده غير ساره بنته
رسيل رحمته/ي حبيييبي عمووو حمد حرراااام
الوليد/والله تووني ادرري بذالقصه
زياد/الله يستر
مهند مو معااهم فرحان بالاماكن بس يتفررج.....،
الوليد اشر بيده/هذا بيت عمي حمد وصلناااا
رسيل بتأفف/اااخييييرااا
/
نزلوا الوليد ومهند وزياد راحوا للمزارع...،
اما ام متعب ورسيل دخلوا ...وطقوا الباب بالاول_
ام متعب تنااادي/يــآ أهل البيت
رسيل/ماما شكل ما فيه احد
طلعت نجد من غرفتها وشافتهم وابتسمت هي ماتدري من هم وراحت تستقبلهم/يــآ هلا والله ..اهلين خالتي تفضلوا حيــآكم تفضلوا
ام متعب ابتسمت/زااد فضلك ي بنتي
رسيل استغربت”كلمة خاله”
نجد/هلابكم والله لحظه انادي أمي
ام متعب ببتسامة رضا/تبااارك الله وش هالادب
رسيل/يمااه هذي عيونها زرقاء
ام متعب/ادرري أمها الله يرحمها كنديه،،نعم العروس لولدي
رسيل استغررربت/هذذي نجد عروسة الولييييد!!!!
ام متعب/اييه هذي هي الوحيده اللي عيونها زرقاء بالعايله
رسيل ابتسمت بخبث/اجللللل راااح اخووووي ووطي هههههه(والله وبيطيح سووقك ي جمانه) يماااه تهبل نجد علبالي مو حلوه
ام متعب/الا حلوه ومؤدبه
اقبلت ام متعب ومعها نجد/هلا والله هلا بام متعب
نجد انقبض قلبها(هذولا اهل الوليد)
ام ساره/سلمااات ي رسيل
رسيل ابتسمت/الله يسلمك
ام ساره التفتت على نجد/حبيبتي نجد هذي خالتك ام زوجك وهذي رسيل بنت عمك
نجد ابتسمت بحياااء
ام ساره/يلا حبيبتي روحي جيبي القهوه والشاهي
نجد/ابشررري يمه
رسيل اسستغرربت هي اللي تجيبها وقررت تقوم/لحظه نجد
نجد التفتت/هلا
رسيل/بروح معك
نجد ببتسامه/تعاالي
راحوا البنات مع بعض...وقعدوا الحريم يسولفوون...
/
/
//
في السياره~
بسام ناظر في اخوه/عبدالله
عبدالله بدون نفس/نعم بسام
بسام/اللحين انا بلبس الشماغ هذا الليله
عبدالله/ايه بتلبسه الليله لزوم الكشخه
بسام/اخاف تطيح
عبدالله/لا تطمن موب طايحه
بسام بتردد/طيب عبدالله بقولك شيء بس لا تقول لا
عبدالله/وش عندك بعد
بسام/المدرب في النادي جاء وقالي انهم اختاروني في منتخب براعم المنطقه
عبدالله ببتسامه/والمطلوب كابتن بسام
بسام/يقول المعسكر بيبدأ بعد اسبوع وراح ياخذوننا معاهم وبنخوض مباريات تصفية منتخبات براعم المناطق والافضل راح يمثل منتخب براعم السعوديه
عبدالله محتار/وانت شرايك
بسام ببراءه/ابي اروح،علشان العب في المنتخب
عبدالله/حبيبي بساام اذا وافقت أمي بترووح بس اذا رفضت الشكووى لله
بسام/عبااادي تككفى قولها خلها توااافق
عبدالله/طيب بحاااول بس ترى يمكن ما تسمع كلامي
بسام فررح/انت حاااول بس
عبدالله شاف بيت بو ساره حوله سيارات/شالساالفه
بسام/اكيد علشان عرس نجد
عبدالله اسرررع بسيارته وراح لبيته....،
/

/
/
/
الليل_
وقفت سياره ونزلت ليلى/اسمعي كاتي لا تنزلين الا ومعك هالكيس
كاتي كانت تكلم/اووكي يمه
دخلت ليلى ..،
نزلت كاترينا وفصخت طرحتها ونزلتها على رقبتها وهي تكلم وتسولف وتضحك وراح تتمشى بالحديقة علبالها البيت فاضي.كالعاده...وجلست على جدار صغير/اسسمعي ي رنووش اذا رجعنا من الديره صار خير..تدرين ماقدر ارجع قبل شهر .....
رنا بالجوال/بالله شهرررر!!!!! ليه
كاترينا/يعني مثلك عارفه الديره بنقعد هنا كم اسبوع وبعدها بنروح لجـده..علشان زواج ”نجد”
صوت كلب وحركه مو طبيعيه حول كاترينا..!!
كاترينا/رنووش انا حاسه في شيء مو طبيعي يصير حولي..مضطره اسكر لأني بدخل،،بااي
طاحت عصى قدام كاترينا وجاء كلب يرركض<<اعزكم الله
كاترينا نقزت وقامت تصررخ...وراحت تدخل ررركض
مهند ومعاه زياد كانوا يلعبون مع الكلب ويلحقونه..وشافوا كاترينا وهي مقفيه تركض وتصرخ...!
مهند استغرررب/مين هذي
زياد هز كتوفه/مااادري
مهند جلس عند الكلب/الكلب خاف من صراخها
زياد شاف جوالها مرمي ع الارض/هههههه من الرعب رمت الجوال وهرربت
مهند/ههههه
جاءوا ركض اخوانها عزوز وحمود....
محمد/خييير وش فيه
زياد/نعم ي عيال وش تبون
عزوز/انتم اللي وش تبون هذا بيت خالتنا
زياد ابتسم/اييييه...انا زياد وهذا اخوي مهند حمد يصير عمنا
محمد/ايييه انت اخو الوليد اللي بيتزوج نجد
زياد/ايه
عزوز/قبل شوي سمعنا صوت اختي تصرخ هنا ماشفتوها
محمد نغز عزوز يسكت/
زياد ابتسم على حركاتهم وهو ساكت..،
مهند/ايه كانت هنا ومادرينا عنها وخافت من الكلب وهررربت داخل
محمد مفتشل ...
عزوز راح يلمس الكلب/ي حليله ترى يحب اللعب والتنطيط
مهند/قل والله
عزوز/والله تعال اوريك
زياد/لا ي عيال خلنا ندخل بكرا سووا اللي تبون.
دخل زياد وتركهم وهم لحقووه..،
،
،
دخلت تررركض ،وهي تصيييح/يــمــآآآآآآآآآآآآآآه
الكل طلع يشوف وش صاير...
ليلى يدها على قلبها/خييير ي بنتي وش فيك
رسيل ونجد طلعوا من الغرفه وام متعب وام ساره كانوا بالصاله...
كاترينا جات وضمت امها/يمااااه كلللب براااا كللللب
نجد انفجرت ضحك/هههههه كالعاااده ههههههههههه
رسيل/ههههه من هذي ي نجد
نجد/هذي كاتي بنت خالتي ليلى
رسيل استغربت الاسم/كاتي!!!
نجد ببتسامه/ايوه نناديها كاتي اختصار اسمها كاترينا على اسم امي الله يرحمها
رسيل ابتسمت/الله يرحمها
نجد راحت لكاترينا/كااااتي
كاترينا تتنفس بسرعه/واااي واااي يماااااه خخخففففففت ي نجد
نجد/هههههه ما امدااك تعودين ي الدلوعه..كل ما تجينا لاااازم تعيشنا اكشن
الكل/ههههههههه
كاترينا انتبهت للناس ومسكت نجد وقصررت صوتها/نجد من هذووول
نجد/هذي ام متعب وهالبنت رسيل بنت عمي
كاترينا/اهل زوووجك
نجد نغزتها بكتفها/تحررركي وسلمي على الحريم
كاترينا /آآآي ..طيييب عوورتيني
نجد سحبتها علشان توديها تسلم/تعاااالي ي المايعه
/
/
/
/
بالغرفه_
نجد/يلا بنات اخليكم،ترتاحون وتنامون
رسيل وهي نعسانه/اي والله جبتيها،ابي اناااام بالمرره تعباانه
كاترينا/بس انا مافيني نووم
نجد/كااتي بلا دلع ونامي ،
كاترينا/اففف
رسيل كانت ترمش بكسل ونامت علطوول_
نجد تبسمت على شكل رسيل واضح انها مرهقه حيل/يلا كاتي اششش ناامي لا تزعجين رسيل مسكينه مرهقه من السفر
كاترينا بملل/طييب
نجد/يلا تصبحين على خير انا رايحه غرفتي انام
كاترينا/وانتي من هله
<< طلعت نجد وراحت لغرفتها~
؛
كاترينا تقلب لها ساعه مو جايها نوم،تذكرت ان جوالها طاح منها براا في الحوش جنب الزرع(يــآ الله وش خلاااني ارميه هالررميه...اروح اقوم اجيبه....بس اخاااف!!)لا لا بقووم اجيبه بنفسي،
قامت وهي تتسحب بقميصها القطني الابيض الحاير عليه صوره كبيره لتويتي..مشت وهي تسمي بالرحمن،الجو سكوووون، وطلعت للحوش المزروع وهي تدور/يــآرربي وييينه
صوت من وراها/هذا هو
كاترينا بغى يغمى عليها من الخررعه ماقدرت تلتفت!!
زياد اقبل وهو يشوف شعرها الطووويل الاسوود/مساء الخير
كاترينا ما التفتت„تصلبت!!
زياد جريء وعاادي عنده، لف وصار قبالها، وأشر بيده/هلووو
كاترينا نزلت دمعتها وغطت وجهها بيديها/انت من؟ليش تسوي كذااا ابعد
زياد شاف حركاتها/هدددي هدددي وش فيك انا ززيااااااد اخو الوليد زوج نجد
كاترينا ارتاحت وهدأت شووي/
زياد يطالعها ببتسامه وبخاطره يقول(اصبر لا تهووور)/اهدأي وارتاااحي مانيب ماكلك،ي عسل
كاترينا بلعة ريقها من الخووف/انت شتبي ليش تناظرني كذا
زياد مد يده على فمها/اش ،انا طفششان ماجاني النووم والكل نايم هنا قلت اطلع وتذكرت جوالك وقلت بخاطري اكيد بتطلع تدوره وهذاني شفتك،تعاالي نسهر مع بعض ازين
كاترينا تفاجأت بالطلب ولفت تبي تمشي..،
زياد مسكها/تكفييين لا
كاترينا عصبت/ابعد يدك
زياد قرب من وجهها،وهو يسبل بعيونه/حد قد قالك انك ملكة جمال
كاترينا وللعت من الونااسه واستظرفته وعضت على شفتها التحتيه/حد قد قالك انك فااشل
زياد حب كلمة فاشل بفمها/بصراااحه..انتي اول من قالها،وعجبتني من فمك
كاترينا بغرور ودلع/فاشل وكريه وثقيل دم و..
زياد فاتح فمه وواقف قدامها ومفهي ،من كلماتها!!!
كاترينا سحبت جوالها من يده وهربت/باااي مستر ايديت هههههه
زياد صحى من غيبوبته وشافها راحت وتركته/انا وش موقفني هنا لحااالي...خلني امششي ازين لي
،
،
،
الساعه2بعد نصف الليل،،~
قامت ساره تبي تروح الحمام وماشافت رائد بجنبها واتجهت للحمام وطلعت وراحت تدوره وسمعت ضحكه الخفيف بالمجلس واتجهت له تسمع وش يقول ومن يكلم تالي الليل!!
رائد/ي عمرري انتي..وانا بعد مشتاقلك مووت كلها كم يوم ونتزوج ونصير مع بعض علطول..،
ساره تجمع الدمع بعينها ونزل غززيرر ودخلت عليه ووقفت تطالعه باحتقار..
رائد ارتبك/اوكي باي اكلمك بعدين هااه...
ساره عورها قلبها وهي عاجزه تتكلم..،
رائد قام ببتسامه/حبيبتي وش فيك تبكين
ساره ماتحملت اكثر/راايد انت ليش تكذب علي ليييش
رائد/حبيبتي
ساره قاطعته/انت خاطب من ورااي!!!
رائد/ساره انتي على عيني ورااسي وبتظلين حبيبتي بس أنا آسف..ما اقدر اقعد بدون اطفال انا ابي اولاد يشيلون أسمي. واظن انك ماتكرهين لي الخير ،صح؟؟
ساره بألم/بس انت بكذا راح تخسرني ي رائد،
رائد سكت ...
ساره انصدددمت/افهم من سكووتك انك ماراح تضحي علشان حبي..ما أستاهل انك تحرم نفسك علشاني
رائد/راح تكونين معززه مكرمه
ساره ابتسمت وناظرته بشموخ/غلطاان ي رائد..اذاكنت تظن اني بعيش معك بعد هاللي صار.
رائد/بتتركيني علشاني حبيت يكون عندي ذريه،حاسدتني يعني!!
ساره ودموعها تنزل غزيره انقهرت من كلامه/انا حااسدتك ي راائد أنااا!!! الله يسسااامحك..
رائد/يعني شلون
ساره ببتسامه قربت منه وهي تدور الانسان اللي ضحت علشان حبه و قبلته بقووه/انا كنت متمسكه فيك لأني كنت اظن انك بتضحي علشاني،لكن دامك اخترت،لك الحريه وانا بعد لي الحريه،فكل واحد يشوف نصيبه،انا ماراح انسى الحب اللي كان بينا وراح ارسلك هدية زواجك،طلقني ي رائد طـلقني
رائد قعد يناظر متردد..،
ساره انقهرت منه وتركته وراحت لغرفتها وقفلتها على نفسها وجلست تبكي..
رائد لحقها وشافها سكرت الباب..سكت ماعلق،،
،
،
،
/


يتبع......