[فيتامين سي]

الجزء الثاني عشر ( نصف بارت )
والاحداث قويه ! بنزل نصف البارت الاخير بكره



اول ايام العزا كان في بيت ابو عبدالله .. غدير تبكي على حال امها وحزنها وفراق اختها
غدير : يمه خلاصص
ام خالد حزينه تبكي : يام عبدالله الله يرحمها ويغفرلها هدي شوي يا خيتي
مها بهدوء ودموعها على خدها : الله يرحمها ويغفر لها
نوف بهمس: مها اعطي خالتي ميس يمكن تلهى شوي
مها : وين اعطيها وهذا حالها .. هذي بنتها يا نوف اكيد بتكون نفسيتها كذا تعبانه بأعطيها بنتي مهي فاضية لها
نوف : قولي لها امسكي لي اياها شوي ورووحي كان عندك شغله ولا شي يختي حرررررام خلاص تقطع قلبي
مها : واذا قالت لا ؟
نوف : عادي خل تقول .. اصري عليها شوي صدقينيي يمكن يفيد واول حفيده بنتك عطيها و اسمعي كلامي
مها : طيب
مها : خالتي لو سمحتي امسكي ميس شوي بروح اشوف الحريم واجي
ام عبدالله والدموع الي ما وقفت من يوم سمعت الخبر : هااااتييييها
التفت على نوف متفاجأه ؟؟ وكأنها تحتريني من زمان اعطيها ميس ؟؟؟
وتضمها وتبوسها وتقول : مشتاقة لك حيل
....

( نوف * .. رجعنا البيت ونفسية امي تعبانه .. كانت تعد ام عبدالله مثل خالتي
ام خالد بالضبط ودايم يجتمعون مثل الخوات ! .. اااه الله يرحمك يا ريم ..
اذكر يوم شفتها وضحكت معها بعرس مها يالله !!! شلوون ؟؟ استغفر الله ..وكلن راح غرفته بهدوء حتى نوره كآنت عندنا )
....
الساعه 2 :30 بعد الظهر

عليا تتفرج ع التلفزيون بغرفتها : يمااه وش اخبار عمتي ام خالد ومها ؟
ام عليا : والله يا بنتي هالايام كان عندهم عزا اخت زوجها
عليا : اييييييييييش من ججججد ؟؟؟ ميييين هي اخته ايت وحده كلهم صغار يا يمه ؟؟
ام عليا : ايه الصغيره توفت ! الله يرحمها
عليا : ريييييييم !!!!!!! كيييييف ليش ؟
ام عليا : يا بنتي من الله هذا يوممها اغمى عليها ودوها المستشفى قعدت شوي بالعنايه وتوفت الله يغفر لها
عليا : لا حول ولا قوة الا بالله .. ليه ما قلت لي على الاقل اقوم بالواجب وادق على مها
ام عليا : والله احسبك تدرين !!
عليا : بروح اكلمها واكلم نوف
.........
( نوف * .. كنت نايمه طول هالوقت ! .. أي نعم ما نمت الا متأخر وطول الصبح ابكي لين نمت وازعجني ..)
: الوو
نوف بصوت ثقيل : هلا ؟
: معليش حبيبتي ازعجتك ؟
نوف : مرره صراحه
: هههههههههه كيفك ؟
نوف ( وجع يضحك ويكمل يسولف ياخي افهم ابي انام ) : تمام كيفك انت؟
نواف : بخير انا .. وش هالنوم كله
نوف : نواف ماني فايقه لأحد اخلاقي زفت ولا طايقه بشر
نواف : اووففف .. ليه شفيك عسا ما شر
نوف : كذا اليوم النفسيه ماهي زينه
نواف : طيب باجيك الحين
نوف : لا ارتاح باللهي ابي انام
نواف : نوف وش فيك ؟؟ احسك مانتي طايقتني انا
نوف ( يووه ابلشنا .. حسيت العبره خقنتني ) : نواف الله يخليك وربي نفسيتي تعبانه مره
نواف : سلامتها من التعب ع العموم ما ابي اضغط عليك ولا شي .. قلت بأونسك اثاريني رفعت ضغطك
نوف بعصبيه :يابابا حبيبي لا ضايقتني ولا شي بس انا نفسيتي تعبانه ياخي افهم
نواف : لنا شهر نكلم بعض .. وتوني الي اسمع حبيبي ! ولا وبهواش بعد هههههههههه
نوف ( بكيت معد قدرت امسك نفسي ) : نواف تكفى بس
نواف : نووووووووووووووووف تبكيييييين ؟؟؟؟؟؟؟؟؟؟
نوف : ....................
نواف : نوف يا قلبي شفيك ليه ضايق صدرك حبيبتي تبيني اجيك اطلعك امشيك
نوف : ياليت والله ابي اطللللللللللللع من البيت
نواف : خلاص لا تبكين يا عمري .. انا بأجيكم
نوف : طيب
( نوف * وش الي خلاني ابكي .. انا خلقه من الله ما اطيقه هالانسان ثقيل دم .. افففف بقوم انزل تحت)

نوف نازله من غرفتها وضايق صدرها : السلام عليكم ..
ام فواز+نوره : هلا وعليكم السلام
نوره : غريبه صاحيه بدري ؟
نوف : قمت عاد شسوي .. يمه ترا نواف جاي
نوره : اييه اثاريه مصحيك ايه قولي
نوف : أي مصحيني يدق باوقات سنعه مو مثل بعلك الي ما يدق الاا 11 بالليل وفوق
نوره : حتى وانتي ضايق صدرك ما تتوبين هههههههههه
نوف : نوره حطي عينك بكرشتك واسكتي
نوره : نوف وجع هذا وانا قايله لخالد بأسميها عليك
نوف ببإتسامه صفرا: لا ما يحتاج
ام فواز : حياه الله .. المهم ترا اخوك فواز جاي الليله بعد احس هالولد في خاطره شي
نوف : في خاطره شي ؟ شلون يعني
ام فواز : مدري ماني عارفه
نوره بإبتسامه وكأنها فهمت : ان شاء الله خير
....

عليا : عظم الله اجرك
مها : اجرنا واجرك ..
عليا : طمنيني على ام عبدالله شلونها الحين شلونك انتي وميس ؟
مها : بخير الحمدلله .. ما عليها ام عبدالله تحسنت كثير الحمدلله
عليا : الحمدلله .. كيفك انتي وش مسويه ؟
مها : انا بخير طمنيني انتي شلون خالي وخالتي وشلونك انتي ؟؟
عليا : كولو تمام ..
مها: كيف دراستك؟
عليا : ماشي الحال .. شخبار عماتي و نوف ونوره ؟
مها : نوف بخير هههههه
عليا : ليش تضحكين ؟
مها : تسألين عن نوف بالذات ولا احد ثاني
عليا : ! ها

مها : الفهاوه ما هي عندي يلا بس قولي ان احساسي صح
عليا : شتقولين انتي
مها : انتي كنتي تسألين عن مين
عليا ببراءه : عن عماتي ونوف ونوره .. الا تعالي نوره ودلت ؟
مها : بعععععععععد هههههههههههه ما تدرين اذا نوره ولدت ولا لا
عليا : شلون ادري وانتو لا تردون ولا تدقون
مها : لا حبيبتي .. يقولون لها احتمال تكون ولادتك بهالايام
عليا : الله يكون بعونها .. تعالي وش قصة الاحساس وعن مين اسأل شسالفتك ؟
مها : معقوله ما فهمتي ؟

عليا : لا والله
مها : يا عمري بريئه ههههههه ..
عليا : اكيد في بالك شي ماهو زين ههههههههه
مها : ههههههههههههههههه برضك بريئه
واستمرت مها وعليا بالـ " السوالف " بحكم ان عليا منذ فتره طويله لم تحاكي مها
.....
نواف : السلام عليكم
ام فواز: وعليكم السلام يا ولدي يا هلا
نواف يقبل راس ام فواز : هلا خالتي شلونك ؟ كيف صحتك
ام فواز : بخير يا ولدي
نوف بإبتسامه صفرا متصنعه : هلا نواف
نواف : هلا فيك ..
ام فواز : نوف حبيبتي انا بطلع انام لي شوي يا بنتي .. سامحني يا ولدي نواف تعبانه اليوم
نواف : لا خالتي خذي راحتك افا عليك وسلامتك
ام فواز : ألله يسلمك حبيبي يلا اخليكم
نوف : تفضل نواف ادخل ..!

نواف اكتفى بإبتسامه ودخل
نوف : وش تحب تشرب
نواف مسكها من يدها : ما ابي شي تعالي اقعدي معي بس
نوف : لا لازم تشرب شي
نواف : طيب اقعدي وبعد شوي نشرب انا وانتي
نوف ( ياليل النشبه ) : اوكي .. وهذاني قعدت
نواف : نوف وش فيك خوفتيني يوم انك بكيتي
نوف ( ايه سو ان قلبك علي ) : ابد بس قلت لك ضايق صدري
نواف : نوف ما يمشي معي هالكلام قولي وش صار معك اقدر ااساعدك ولو بشي بسيط شوفي شلون وجهك مصفر

شوفي شلون ذبلانه وضعفانه !
نوف : نواف كل القصه من بعد وفاة ريم انا متأثره بس !
نواف : تدرين وش الي مستغربه انتي وريم ما قعدتوا سوا كثير !! صح تتأثرين بس حالتك تبين انك مو بس متأثره الا راييحه فيها
نوف إبتسمت : حلوه رايحه فيها حبيتها

نواف : تكفين حبيبتي لا اشوفك كذا الزم ما عليك صحتك
نوف وقفت وكأنها تدور أي عذر عشان تطلع من عنده : ان شاء الله .. هاه وش تشرب ؟
نواف : جيبي لي ولك عصير برتقال فرش .. ولا تعارضين
نوف : تدري وش المشكله ؟
نواف : وش ؟
نوف : عصير البرتقال بيخلص م يكفي الا كاسه وحده ههههه
نواف ( يا زين هالضحكه ) إبتسم : عادي نتقاسمه
نوف : لا انا بشرب قهوه
نواف : قهوه بعينك .. اشربي شي يفيد جسمك ينعشك مو كذا تمشين كانك وحده ميته تمشي
نوف : انا ميته ؟

نواف : اسم الله على قلبك .. نوف جيبي لنا عصير تكفين طلببببببتك احب راسك جيبي عصير
نوف ( بأعاااااانده اوريه وش يعني ميته ) : اممم طيب خلاص
اتت نوف ومعها كوب قهوه وعصير برتقال ..
وضعته على الطاوله اما نواف العصير .. وابقت القهوه مكانها كانت سـتشرب ولكن نوره تنآدي !
نوره : نوووووووف ..نوف
نوف : لحظه نواف ..!
نواف : طيب

( نواف * اخذت قهوتها وشربتها وحطيت العصير قدامها
ولمن جت سويت كأني ماني مهتم ومشغول بجوالي)
نوف : خييييير يابو الشباب شارب قهوتي ؟
نواف : ايت قهوه ؟ هذي !
نوف : لا يا شيخ .. !
نواف : شفتها قدامي شربتها .. مو انتي تقولين انك بتاخذين
العصير خلاص ومافي عصير غير كاسه وحده ما تكفي ولقيتك جايبه قهوه !!

قلت شكلها جايبة لي قهوه شربتها وانا ساكت ! .. فيه باقي شوي اذا مشتهيه !؟
نوف بقهر : نواف .. بجيب قهوه ثاني وانا ماني شاربه غير قهوه
نواف ببراءه : انا اسف حبيبتي بس من جد حسبتها لي .. تبين تشربين ؟
نوف وكأنها صدقته : لا خلاص اقول لشغاله تجيب لي
نواف : لا دقيقه
نوف : وش فيك ؟

نواف : مو تقولين بنطلع خلينا نشرب قهوتنا برا
نوف : لا لا مالي خلق
نواف : نوووووف ؟؟ توك تقولين ابي اطلع وتصيحين وضايق خلقك وابي اطلع
نوف بضيق ومن غير نفس : ايه صح نسيت .. اوكي بلبس عبايتي ونمشي

نواف : الله يخلف على عقلك هههههه .. يلا حبيبتي وقولي لخالتي ولا اختك انك طالعه معي
نوف ( وش هالحرص الزايد ؟؟ والله ما فيني اكلم امي نسيت اقولها ) : عادي
نواف بجديه : لأ اعطيييييهم خببببر ما رح امشي الا وانتي مكلمه خالتي او اختك
نوف ( غريب ! ) : اوكي بقول لنوره امي نايمه
نواف : طيب

( نوف * نزلت العبايه لتحت ما كان لي خلق اطلع معه بس من جدد من جد استغربت جداً لمن قال كلمي امك ولا اختك
لو كان ناوي على شي شين ولا أي شي كان ما قال لي كذا ..
بس احس بتشاؤم استغفر الله من ناحيته مع اني استخرت واحس
اني تايهه وتعبانه نفسيتي من يوم ذيك العزيمه .. وش القصه ؟؟ يلا الله يعين )

نوف : ع فكره نواف ! .. ترا ما رح اطول فواز بيجي بعد المغرب
نواف : لا لا يا قلبي ماحنا مطولين بالكثير ساعه ونص كذا يعني
نوف : كويس
نواف ويده على ظهر نوف وبإبتسامه : يلا مشينا !.. كلمتي اختك !
نوف : ايه خبرتها
نواف : احلفي !؟
نوف : والله العظيم !!!!!
نواف : يلا اجل
......
( مها * وانا قاعده مع ميس وعبدالله الي يقعد بس
عشان بنته وعشاني ولا ذاق شي من يوم خبر اخته الله يرحمها
اللهم ان كان يسكت جوعه بأي شي .. قلبي يوجعني عليه اجيب الاكل لعند سريره ما يبي ما ياكل وان اكل ياكل لقمتين ويقوللي عشان خاطرك بس ولا انا مالي نفسه للعيشه ... الله يشرحك صدرك )

عبدالله : مها اعطيني ميس شوي
مها بإبتسامه : ايه خذها
عبدالله : ترا ما اعرف اشيل بزارين صغار كذا !!! كم عمرها 4 شهور صح !
مها : ايه 4 شهور وعليها كم اسبوع

عبدالله : ليه تجيبينها دايم ع الغدا
مها بضحكه : تفتح نفسنا ع الاكل
عبدالله ( من زماان عن هالضحكه ! ) ويحب يد ميس : أيه والله
مها بجديه : عبدالله ما ودك تاكل !
عبدالله : لا حبيبتي مالي نفس
مها : الله يهديك كل لك شي ما يسير
عبدالله : وربي مالي نفس .. ولا كان اكلت
مها : شوف خالتي مشاء الله عليها وغدير تحسنت
نفسياتهم مو انت الله يهديك 3 ايام العزا وخلاص انسى

عبدالله : تدرين ! .. انا من ذاك اليوم الي .. وانا احس انه عزا
ضاق صدر مها كثيراً وضميرها انبها كثيراً على

العقاب الذي عاقبته عبدالله ندمت كثيرا ولا زال عقلها يأمرها بأن تكابر .. ونفسيتها تزداد سوء ع حال زوجها وقلبها يأمرها ويكرر فكرة النسيان والسماح
مها : عبدالله كلنا نسينا .. انسى تكفى يلا عشان ميس كُل
عبدالله : طيب حطي ليَ شوربه شوي
مها : لا ما فيه بأحط كثير زي ما كنت تاكل قبل وابيك تخلص صحنك دلعناك واجد شوف وجهك انشفط
عبدالله : ههههه انشفط مره وحده


مها : ايه انشفط انت ونوف لا اكل ولا شي !!! خير وش فيكم
عبدالله : قولي انا هه عشان اختي .. بس نوف ليه نفسيتها كذا ؟
مها : ياخي ماهي على بعضها من يوم ذيك العزيمه الي سواها ابوي لميس !
عبدالله : غريبه !!! اقروا عليها يمكن عين من الي موجودين ولا شي
مها : بصراحه كانت مسويه نيو لوك وشي طالع عليها يعني ..! فما استبعد هالشي
عبدالله : نوف حلوه ؟
مها : دخلك فيها حلوه ولا شينه !
عبدالله : تغارين ؟
مها : لا بس حسيتك ملقوف !؟

عبدالله : يعني تغارين بس ما تبين تعترفين
مها : عبدالله خير وش تبي ؟
عبدالله : لا بس كنت بسأل واتأكد من شي
مها ( ياااع احراااااااااج ) : اهاا .. بس ثاني مره لا تتعمق
عبدالله : ههههههههههههههههههههههههه هه
مها : من زمان عن هالضحكه
عبدالله : ايه والله .. ربي يسعدك ويخليك كذا دايم
مها : ......

دق الباب !!!
عبدالله :غريبه من يجي هالحين ؟ الساعه 4 !! بقوم اشوف


مها : اكيد اختك غدير !
عبدالله : مدري بشوف .. منهو ؟
: انا ...................
عبدالله وعينه بالارض ومكشر : تفضل حياك الله
خالد : الله يحيك ممكن اكلمك ؟
عبدالله : حياك ع المجلس
خالد : مها موجوده
مها : هلا خالد ؟! وش اخبارك !
خالد ( مفتشل من صديقي مفتشل من اختي ) : هلا اختي وش اخباركم ؟ شلون ميس
مها : بخير الحمدلله .. حياك الله تعال تغد معنا


خالد : لا حبيبتي بس بغيت اكلمكم بخصوص الي صار
مها قربت من عبدالله وتدقه من غير ما يلاحظ خالد : تفضل طيب بنقعد نتكلم ع الباب افا بس!
عبدالله فهم على مها : ادخل حياك
دخل خالد ..
مها: انا بروح اضبط لكم دلة قهوه انما ايه !
خالد : مها اقعدي
عبدالله : .....
مها : لا تبي تتغدا معانا ولا تبي بعد تشرب شي ؟
خالد : لا حقين حبيبتي اقعدي الله يخليك

مها : طيب !!....
خالد : انا غلطت بحقك يا عبدالله وبحقك انتي بعد يامها ولا احم ولا دستور دخلت فجأه وقمت اتهاوش و.. المهم الي صار صار .. وانا جاي اعتذر عن هالغلط
عبدالله : ...........
مها تدق عبدالله بهمس : انطق
عبدالله : ....
مها : خالد كلنا نغلط .. بس فاجئتني بهالاسلوب بصراحه .. احترم اعتذارك هذا وكنت واثقه ومتأكده انها غلطه

ولعب بعقلك محمد الله يهديه .. ووسوسة ابليس بس تأكد الي بين عبدالله ورهف كان اصلاً حكايه ألفها محمد عليه كله حقد ليش انه تزوجني عبدالله وما تزوجته هو فهذي كل السالفه وقام حتى يألف بيني وبين نواف اشياء

وانا داريه عنها وعن الكلام الي يقوله .. اعتذارك مقبول يا اخوي وانت ع العين والراس
( خالد * حسيت ان عبدالله معانا وماهو معانا وكأن الموضوع اصلا ً ما يعنيه ولا هو قابل لا اعتذار مني ولاشي فـ وقفت وطالعت فيه لين حط عينه بعيني وحبيت راسه ..وقلت ...:: )

: عبدالله تكفى سامحني انا غلطت امس وجيتك اليوم اعتذر تكفى ياخوك سامحني
عبدالله ( يالله كأني تذكرت نفسي يوم اعتذر لمها ) ابتسم وقام ضم خالد : ما صار الا الخير
خالد اكتفى ببإبتسامه
مها : يلا بروح اقولها تسوي لنا شاي
خالد : لا لا حبيبتي انا رايح الحين لبيت خالتي ابي اشوف نوره

مها : اهااااااا ايه قول كذا هههههه
عبدالله بإبتسامه : الله يقومها بالسلامه
خالد : اميين .. ع فكره مها تراها شرهانه عليك واجد تقول تكلمين نوف ولا تكلمينها ! هههه
مها : والله معها حق .. بس اختها شوي تعبانه واحاول اني اكون معها وكذا
اونسها يعني ولا هي مشاء الله نفسيتها ما عليها ماشيه الحمدلله
خالد : ليه وش فيها؟
مها : ما ادري والله حالتها مره ما هي عاجبتني
ولاني لاقيه اصلاً وقت اكلم احد من هالمفعوصه الي عندي.. وابشر ان شاء الله اكلمها الحين
خالد : الله يشرح صدرها وييسر امرها ويزيح همها يارب
مها : امين يارب ... ويشرح صدر الي عندي ويزيح حزنـه
خالد : منهو ؟؟
مها تطالع في عبدالله بنص عين : احد غيره ؟
خالد : ههههههه .. لا ان شاء الله فتره وتعدي ( الله يرحمك يا اخت عبدالله ويدخلك فسيح جناته )
مها : ان شاء الله
عبدالله : الله يعين ........
خالد : يلا يابو ميس فمان الله .. فمان الله مها
مها + عبدالله : فمان الله .. يا هلا
......
بـ احدى مقاهي الرياض العائليه
نوف : حلوه هالمكان
نواف : تخبرين المطعم ؟


نوف بإبتسامه صفرا : اييه اخبره كانت ايام حلوه
نواف يدندن : ايااام حلوه كانت ايام حبك .. اياام حلوه
نوف : تسمع لنوال ؟؟؟؟؟؟؟
نواف : ايه وانتي ؟
نوف : ايه بعض اغانيها مو كلها
نواف بإبتسامه : اغلبها قصدك ..
نوف تتنهد وتطالع بفنجالها : يعني ..



نواف حط يده على يد نوف : قوليلي وش فيك
نوف ( خيييييييييييير وين يحسب نفسه هذا ) شالت يدها : ولا شي انت الي وش فيك
نواف : الحين انا الي وش فيني ؟؟؟؟؟؟ نوف ترا بديت اقلق احد مسوي لك شي احد قايلك عني شي ومتضايقه ما
تبيني مثلاً .. اهلك غاصبينك قولي لي!
نوف : نواف انا تعبانه هذا كل الموضوع

نواف : نوف ترا بديييييييتي تعصبين بي ..
والبكا الي سمعته بالجوال وابي اطلع ومدري وشو احياناً احسك تبيني
واحياناً كأنك تقولين لنفسك لا ما ابيه !! تصرفاتك متناقضه ما افهمك ..
وين نوف الي اسمع عنها

تضحك وتعلق وتمزح وراميه كل شي ورا ظهرها ..
واهم شي الوناسه وكلهم مستانسين
هالنوف الي سمعت بها وعن شخصيتها وينها ليه دايم كذا كئيبه وحزينه ..
لا تقولين لي الموضوع يخص ريم
في شي من قبل انا حاسه .. تكلمي بصراحه ما تبيني ؟؟؟
نوف : ........

نواف: اكلمك من جد ما تبيني !؟؟؟ .............
نوف بضيق وقلة حيله وتخنقها العبره : نواف بس خلاص اسكت انا مخنوقه لا تضيق علي زياده
نواف : من وشو مخنوقه
نوف وتناظر تحت تبي تشيل عيونها عن نواف مره : ابي ارجع البيت الحين
نواف : ماحنا راجعين الا وتقولين لي .. نوف تبيني ولا لاً !!!!!؟
نوف دمعت عينها : نواف ، انت انسان طيب و.... ( معد قدرت اكمل )

نواف : نوف شفيك كملي !!!
نوف والكلام يطلع منها بقوه وتبكي وعينها ع الطاوله ويدينه ويدينها ترجف : انت الف بنت تتمناك وش تبي بوحده مريضه ؟؟ قولي وشششششش تبي بوحده مريضه .. ما ابي اظلممك معي واخاف اقولك خايفه ان

نواف سحبها من يدينها : .......... مريضه ؟!!!!! نوف قومي نروح لـ السياره نتفاهم ما ابي احد يشوفك كذا

تحركت نوف من كرسيها بثقل
حتى ان وصلو الى السياره .. وبالمواقف... شغل السياره وهي واقفه الان