[فيتامين سي]

...


في الساعه 9 مساءاً ولا تزال نوف مع نواف بالمستشفى .. دخلا عند الطبيب بالتحاليل وللأسف تأكد نواف ان كلام نوف كان صحيحاً .. وانها فعلاً مريضه بسرطان الدم " اللوكيميا " تماسك وصبر وركبنا السياره والخادمه معنا :


وقال : حبيبتي نوف .. لازم تؤمنين بقضاء الله وقدره وان الله اذا احب عبداً ابتلاه فـ...


نوف بضحكه : نواف وش هالكلام حسستني انك من الهيئه جاي تنصح الله يصلحك ، انا قررت بيني وبين نفسي


اعيش احلا لحظات حياتي وانبسط واضضضحك واسوي كل الي الي نفسي فيه .. بأعيش اخر لحظات حياتي وانا مستانسه ابي اموت وانا اضحك


( نواف * وش فيها نوف قلبت توها كانت حالتها النفسيه ممره سيئه وش صار عليها )


نواف : نوف فيك شي ؟


نوف : وش فيني شي ما تبيني انبسط واضحك .. خلاص وكلت اموري كلها لله ما همني


نواف وهو متأثر من هالكلام : كفو خليك ايجابيه بكل شي ويلوموني يقولون ليه اخذت وحده بس تضحك !


نوف : سلامات !!! يلا بس خلنا نمشي لأمك نقعد شوي نسوي تمثيليه صغيره عشان لا سألو امي ما ننفضح


نواف : ههههه من جد .. يلا مشينا


(نوف* بصراحه كان قلبي ناغزني مرره يوم رحت لبيت ام نواف حتى لو ما هي فيه وبالنفس الوقت متطمنه اني مع نواف وشغالتي معي يعني أي شي يصير بتكلم امي .. التفت على جوالي واحنا بالطريق لبيت ام نواف ! .. عليا تدق)


نوف : هلا بهالصوت .. يا هلا


عليا : هلا فيك .. كيفكم ..وو شلون صحتك ؟


نوف ( لو تدرين يا عليا وش كان بيصير !! ) : الحمدلله احسن ششي ، طمنيني شلونكم انتو


عليا : الحمدلله كلنا بخير .. طمنينييييييي على نوووووره


نوف : تووووني طالعه من عندها صرت خاله


عليا : مششششاء الله تبارك الله .. مبروووك الف مبروك يتربى بعزهم ويخليه لهم


نوف : الله يبارك فيك حبيبتي .. شلون جده


عليا : كل ابو جده تسلم عليك .. اسمعي بغيت اقولك شي


نوف : سمي


عليا : تراي بأجيكم بكره من صبآح الله للبيت .. يومين بس يعني ضيفه خفيفه


نوف : حياك الله تنورين البيت يا عمري فرحتييييينيي اخيراً صارت علوش تحب الرياض !


عليا : والله من زمان احبها ! ..


نوف : ههههههههههههه ايه صح مرره تحبينها


عليا : كأنك تقصدين شي ؟ هههههه


نوف : تخبرين ذاك اليوم الي قلتي لي فيه تكرهين الرياض !!


عليا : شوفي انا اكره الرياض بس انتو أي محببيني فيها والله


نوف : حبتك العافيه يا عمري .. بتنور الرياض


عليا : الله يعافيك .. سلمي لي ع كل البنآت


نوف : لحظه الحين متى تجين بكره بالضبط عشان اجيك انا وفواز


عليا : امم الساعه 11 تمام


نوف : كويس


عليا : يلا حبيبتي ما اطول عليك .. تبين شي!


نوف : لا سلامتك حبيبتي


عليا : الله يسلمك .. فمان الله


نوف : يا هلا


.......


خالد : يمه هذا ولدي ؟


ام خالد : اجل ولدي ؟ .. !


ام فواز : هههههههههه خويلد ارحم نفسك


خالد : لا بس ماني مصدق !!............. وش نسميه ؟؟


ام فواز : سموه فهد او احمد


ام خالد : ايه اسم احمد حلو


خالد : لا فهد احلا على ابوي


ام خالد : خلاص فكر بكذا اسم واستشير نوره يا ولدي ..


خالد : اييه


ام فواز : وييينكم ما بتقوم الا اليوم الثاني ههههههه


ام خالد : لااا وينك


ام فواز : انتي لا تصدقين عاد ههههههههه اختي احسك تصدقين بسرعه هالايام شفيك ؟!


ام خالد : ههههههههههههههههه والله مدري .. الا من يوم صرنا جدات واحنا ماحنا بطبيعيين


خالد : انا اشهد ههههههههههه


ام فواز : انت خلك بولدك الخايس


خالد : ترا ولد بنتك


ام فواز : جايب شي جديد يعني ! ههههههه


خالد : يمه خالتي اليوم فااااصله


ام خالد : هههههههههههه عيب


ام فواز : كل تبن بس يلا


خالد : طيب هههههه


.....


نواف : هاه وصلنا البيت


نوف : الحمدلله .. بعيد البيت مره


نواف : مين الي كلمتيه ويقول بيجي الرياض ؟


نوف : بنت خالي


نواف : يتقعد عندكم يعني !


نوف بإستغراب : ايوه ! دايم لا جت تجي عندي بغرفتي


نواف : انتبهي لا تعرف شي


نوف : لا وش تعرف


نوااف : يلا تفضلي حياك البيت بيتك


نوف بإبتسامه : الله يحيك


نوااف ينادي : يمه !! وينك !


دخل " المجلس " ورأى ان امه كعادتها نائمه على الـ " كنب " والتلفاز يعمل وبكل هدوء نائمه


نواف يقرب من راس امه ويبوسه : يمه حبيبتي جوك ضيوف


ام نواف : منهم ؟؟


نواف : نوف جات تطمن عليك وتقعد معك انا بطلع لمشوار


ام نواف : يا هلااااااا نوف عندييييييي يا هلا بنييييتي


نوف تضمها : هلا فيك خالتي .. شلون صحتك ؟


ام نواف : وش فيك يا بنتي كذا مصفر وجهتس ولا تاكلين


نوف : خليها على الله ههههه


ام نواف : يلا بكلم اقول للخدم يسون لتس عصير زيين فيتامين سي يغذيك


نوف بإبتسامه : يلا عصير عصير


نواف يطالع نوف ومبتسم وفرحان بفرح امه فيها : يلا حبيبتي نوف .. انا بأمشي هاه وهذي حقتكم ابعديها عن وجهي


جابت لي المغص هههههههههه


نوف : اوكي هههههههه .. ريتا روحي المطبخ معاهم


ريتا وكارهه نواف وتطالع فيه: اوكي


نواف ابتسم : يلا بمشي .. مع السلامه ... ( وهمست لنوف ) اذا تبين أي شي دقي علي ولا تخافين 10 تكونين ببيت ابوك


نوف : اوكي .. ما قصررت


.....


ام فواز : الوو ؟؟


ريتا : هالو


ام فواز : هاه ريتا وينكم ؟


ريتا : في بيت انا مع نوف ..


ام فواز : ووين نوف طيب ؟ نواف في بيت ولا برا


ريتا : مس نوف ويث ماما كبير ، نووو ما فيه بيت اطلع برا


ام فواز : اها كويس .. يلا انتبهي لها


ريتا : اوكي


--


...


( كنت منزعج جداً من هالاتصالات الي تجيني من ارقام غريبه ورديت ..)


عبدالله : الو


: الووو


عبدالله : نعم وش تبين من انتتتتتي


: عبدالله الله يخليك سامحني انا غلطت بحقك وشفت وجه محمد الثاني سامحني


عبدالله : انتي رهف ؟؟


رهف : ايه انا رهف تكفى عبدالله سامحني دقيت عليك من كل جوال شفته قدامي من كل رقم بس عشان ترد الله يخليك سامحني


عبدالله : وش دراني انها ماهي لعبه سخيفه تلعبينها علي مره ثانيه .. خلاص اتركوني بحالي


رهف : لا لا ما رح اتركك الين تسامحيني تكفففففى عبدالله الله يخليك حبيبي


عبدالله : يلا بس عاد لا تقولين حبيبي بلا مصاخه وقلة حيا زودتيها يلا يلا فارقي


رهف : خلاصصصص اسففففففففه انا الي بقفل


عبدالله : لو اشوفك تتصلين مره ثانيه والله لآوريك انا وجهي الثاني


رهف : لا تكفى بس سامحني الله يخليك


عبدالله : ...........


رهف : عبدالله اسمعني بس انا اعترفت بغلطي و....................................


عبدالله : ....... كملي اسمعك


رهف : سامحني


عبدالله : رهف الي سويتيه مو قليل


رهف : كلنا غلطنا يا عبدالله سامحني تكفى انا تبت خلاااص تكفى سامحني


عبدالله : اسمعيني يا رهف انا ...........


فجأه ! دخلت مها بعصبيه وتصررخ على عبدالله : انت واحد اناااااااني كذااااااااب


عبدالله : مها وش فيييك ؟؟؟؟؟


مها : لا والله سو نفسك بريء .. وانا الي قلت بس خلاص تاب وما عد يرجع رجعت تكلمها يا عبدالله رجعت لها


على فكرره انا ما سامحتك للحين وما رح اسامحك طول عممممممري


عبدالله يصرخ : بسسسسسسس ولا كلمه لا تسوين لي مثل اخوك تدخلين عرض بالموضوع


البنت دقت تعتذر هذي كل السالفه .. وش هالاسلوووووووووووب


مها انهارت: كذذذاب انت كذذذاب عطيتك كل الي تبيه وانت ما اعطيتني الي ابي بسسسس خلاص


العيشه معك ما عد صارت تنطاق اشوف الكل فرحان ويضحك ومبسوط الا انا كله بسبتك


عبدالله : مهااااااا خذي كلميها ولا تكلميني ابببببببببد امسكي الجوال خليها تكلمك وتقول شوفي الجوال وهي الي متصله ما كان لي علاقه فيها من بعد الحادث ابببببببببدا قطعت كل الي بيني وبينها .. امسسسسسسسكي يلاااا


مها تطالع بصمت لعبدالله : اييييه بكلمها واشوفها واطبطب عليها واقول حبيبتي عادي كلنا نغلط خذي زوجي مني خذي بيتي خذي كل شي صصصصصصصصصح ؟


عبدالله رمى الجوال ع السرير وطلع من البيت : لا حول ولا قوة الا بالله .. لا حول ولا قوة الا بالله


مها اخذت الجوال : حسبي الله علييييييييك يا بنت ابليس الله لا يساااااامحك انت بشر ؟؟ انتي شيطان


رهف : مها والله اني دقيت اعتذر والله معد ادق انا اذبحيني لو تبين .. عبدالله تو سمعني كلام وهاوشني وقالي انا عندي بيت وحرمتي ما ارضى عليها و...


مها : ايه متفقين يا كلاب ........ تدريييييييين انا بأطلق من عبدالله وخذيه بقريح انتي وياه يا حقيره


رهف : لاااااااااااااااااااا ما اببببببببييييييييييييييه انا مااستااااااااهله مهاااااا الوووووووو


مها : وش مصلحتك بهالشي قولي بسرعه تبين مني فلوس ؟ تبين مني اتركه تبين مني وشو مقابل هذا


رهف : تبين تتأكدين اذا هو كذاب ولا صادق ؟؟؟


مها : وليش اصدقك عشان اصدقه !!!! انتي وحده كذابه لعابه خسيسه


رهف : اصير كل الي قلتيه بس فكري بكلامي ودقي على هالرقم وتشوفين ان عبدالله يموت فيك وانتي الي بتضيعينه من يدينك .. انتبببببببببببهي انتبهي تنفصلين عنه


مها : ............................. طب وش مصلحتك انتي


رهف : مصلحتي اني تبت ورجعت لربي وغيرت ارقامي وايميلاتي وكل شي خلاص اانتهى هذا كله تكفين عبدالله لا تتركينه .. عبدالله يستاهل وحده مثلك وانتي تستاهلين عبدالله انتبهي اننننننتبهي


مها : ...... يلا بس لاعد اشوفك تدقين


رهف : ما رح ادق الا اذا انتي دقيتي وتبين تتأكدين انه فعلاً متعلق فيك ..


مها : باي


رهف : مع السلامه


( مها * عبدالله ليش يكلمها ؟؟ وهي وش مصلحتها اكيد محمد هو الي دازها علي ياربي ياربي والله تعبت اصدق مين ولا مين .. احس ضميري يأنبني ليش دخلت عليه فجأه ما يجوز اتجسس مهما كان وحرام يمكن ظلمته وفهمت غلط ؟ بس هذي رهف !! ................... وقعدت ابكي وافكر وهلكااانه من الساعه 7 المغرب الين 11 الفجر وانا مستشفى رايحه جايه .. وهالحين احتري عبدالله يجي وابكي وافكر .. وافككر وابكي ! )


..............


نوف : ههههههههه ايه يا خالتي صبغه


ام نواف : يا بنتي الحنا احسن شي وتعطي لمعه ومفيده بس هالمواد الكيماويه


نوف : والله ماكنت ابي اصبغ ابداً ولا طرا ببالي الين شفت بنت واعجبتني صبغتها وصبغت بس


ام نواف : لا لا يا بنيتي لا عد تصبغين مب زين


نوف بضحكه : ابشري ماعد بأصببغ عشانك بس


ام نواف : ألله يحفظك يا بنتي .. هاه وين نواف طول الساعه 11


نوف : مشاء الله عدا الوقت بسسسرعه !!


ام نواف : اييه ما عاد تلحقين على شي .. ومبروك لأختك والله يحفظ لهم هالوليد الصغير


نوف : الله يبارك فيك ...هه هذا نواف يدق


ام نواف : ايه ردي ردي


نوف :الو .. هلا .. تحت ! يلا الحين جايه .. طيب


ام نواف : هاه وش قال!


نوف : خالتي يلا انا بأستأذنك ابي اروح البيت


ام نواف : يا حبيبتي هذي الساعه المباركه انستينا وشرفتينا والله


نوف تبوس راسها : ألله يخليك .. فمان الله


ام نواف : بحفظ الله ..


نوف تنادي : يلا يا ريتا ..


ريتا : اوكي


ركبت نوف السياره ولاحظت على نواف الضيق !


نوف : نواف وش فيك !


نواف تنهد : ......لا ولا شي


نوف : لا صدق وش فيك !


نواف مسك يدها وحبها : كلمت عمي ابو خالد يكلم ابوك


نوف خجلت وما تبي تبين : كويس .......


نواف : نوف انتي تبيني ولا لأ !


نوف : ....


نواف : يعني احسك مانتي لاقيه فرصه تخفين مرضك الا معي بس .. بس تكرهيني صح !


نوف : ......... وش هالكلام ؟ وليه هالتفسير كله


نواف : طيب يختي قولي لي تبيني ولا لأ


نوف : ...........


نواف : بس فهمت ..


نوف : وش فهمت ؟


نواف : زي ما قلت كلآمي واحساسي الظاهر انه صحيح ..


نوف ( يارب يعدي الزواج على خير بس ) : ........


نواف : ههه شفتي ! .. ع العموم هذا البيت قربنا


نوف : مسرع وصلنا


نواف : عشان المشوار الي قبله كان بعيد .. واوراق تحاليلك والاشعه وكله بأخليها معي ..


نوف : ايه افضل


نواف : ابيك تروحين بكره للمختبر تكملين فيه اختبار مدري تحليل ما سويناه ع فكره اقابلك في المستشفى


نوف : اوكي متى تفضى ؟


نواف : بكره عندك جامعه !


نوف : ايه ما عندي محاضرات كثير تعالي بيت الفترتين الساعه 9 ونص


نواف : خلاص تمام


........ ( نوف * اتفقنا .. ثم نزلت للبيت وانا تعببببببباااانه مناعتي جداً ضعيفه وومن لفحة الهوا يمكن اموت حتى انا مستعجله ابي العرس يخلص والحمدلله اني عرفت ان المرض في بدايته وانتشاره مو بالشكل الهائل .. نعمه ! )


نوف : الحمدلله ع السلامه


فواز : ألله يسلمك نوووفا حبيبتي شخبارك ؟؟


نوف : وحشتني يالدب


فواز : وانتي اكثر .. ليه كذذذا لهدرجه انا وحشتك ما تاكلين ولا تشربين وضعفانه كذا ايش هذا ؟


نوف : لا تكفى هههههههههههههه


فواز : يا حبي لك .. كلي تغذي وانا اخوك واتركي الرجيمات لأهلها .. عروس انتي !


نوف : ايوه وش سويت !


فواز : ابدداً طفششششششان مرره قلت اجيكم شوي فرصه يعني !


نوف : ايه تذكرت عليا جايه بكره لرياض وابيك تروح تجيبها انا مقدر مرره مرره


فواز : كيف ؟؟؟؟؟؟؟ عليا


نوف : ايه عليا ليش مستغرب ... المهم كلم امي ولا احد يروح معك انا مقدر مرره


فواز : امممم نوره باقي بالمستشفى .. بشوف امي يمكن تجي معي اشوفها


نوف : شوف اذا ما لقيت احد كلم مها


فواز : لا فشله يوه


نوف : اجل مو فشله تروح تاخذها انت لحالك ؟ ما يسير لازم بنيه معك


فواز : ورا ما عبدالله ومها يجيبونها


نوف : قول لمها تراها فري عادي ماهي مره


فواز : اكيد ما تكش ولا تزعل !


نوف : قولها نوف الي قالت لي ههههههههه


فواز : ههههههه خلاص طيب .. روحي نامي


نوف : يلا حبيبي تصبح على خير ..


فواز : وانتي من اهله


......


بالسياره ..! الساعه 2:30 فجراً


ضرب يده بـ " الدركسون "


( عبدالله * الله يلعن هالرهف ، حرام عليها ظلمتني مها ! .. اناااااااا غبي ليش ارد على الحقيره هذي اصلا .. كل ما قلت هانت ... يزيد الوضع سوء عن قبل ......







يتبــــــــــع





وش يصير بين نواف ونوف ؟




هل العلاقه بتستمر كذا بين عبدالله ومها؟




وش الافكار الي تدور برآس ام فواز بالي جاي ؟