[فيتامين سي]

.....

ام نواف : يمه ولدي وش فيك ؟

نوااف : يمه والله اني تعبان مرره .. ابي اتزوج نوف بسسرعه تكفين كلميهم مستعجل

ام نواف : ليش وانا امك سلامتك .. خلاص الزواج باقي له ثلاث اسابيع

نواف : لا ابيه الاسبوع الجاي

ام نواف : ليش ؟؟؟؟؟؟؟؟

نواف : يمه ابي اتزوجها واطير خلاص زهقت

ام نواف : ههههههه لا لا اصبر كل الشباب كذا

نواف بجديه : يمه كلميهم قولي لهم اني مستعجل وانا كلمت عمي تكفين احب رجولك يمه

ام نواف خافت : نواف فيك شي ؟؟ نوف فيها شي ؟

نواف : اتفقنا انا وياها وخلاص مستعجلين وتقول العرس تبيه عائلي

ام نواف : غريبه ؟

نواف : يمه فيه بنات كذا ما يحبون الصجه والطق وكذا

ام نواف: على راحتكم انا بأكلم ام فواز واشوف

نواف : ايييه يمه تكفييييين

ام نواف تبتسم : كم نواف عندي انا .. وليش سهران للحين يلا روح نام

نواف : يمه انا عادي تعودت ع السهر بس انتي الي غريبه صاحيه ! احد ازعجك

ام نواف : لا ابداً يا ولدي بس حسيت فيك طالع من غرفتك وراجع قلت اشوفك

نواف : والله ضايق صدري

ام نواف: معليه اصبر شوي واكلمهم ابشر

نواف : الله لا يحرمني منك

ام نواف : ولا منك يلا بروح اكمل نومتي

نواف : نوم العوافي حبيبتي

ام نواف : الله يعافيك ..

.....

عليا : كسسسحه يالي بتقعد كسسحه

عبدالرحمن : خيير ؟؟ روحي نامي يا بزره

عليا : اص يلا غيران مانت رايح الرياض

عبدالرحمن : اما رايحه الرياض ؟؟؟

عليا : اييه احسسن كسحه

عبدالرحمن : طيب و ش اسوي ؟

عليا : لا تسوي شي انقهر بس ههههههههههههههه

عبدالرحمن : يلا بس .. سهرانه اشوفك

عليا : أي والله ما جاني النوم متحمسسسسسسه

عبدالرحمن : روحي نامي وراك سفره

عليا : ايه ابيك توديني 9 الصبح كذا اوكي؟

عبدالرحمن : وتوك تقولين كسحه واحسن واقعد وانثبر

عليا : ههههههههههههههه لا لا اسفين خلاص

عبدالرحمن : بأصصير احسن منك ..واقول كم عندي عليا انا ..

عليا : وحده .. يلا بروح اجهز شنطتي واناااااام

عبدالرحمن : يارب تقبلها أي جامعه تبيها وتوفقها ونفتك من رجتها

عليا : اميييين يارب .

...

مها : عبدالله ليش تأخرت

عبدالله : ما اقول الا نوم الظالم عباده

مها : عبدالله اقعد ابي اكلمك

عبدالله : بس ماابي اسمع شي

مها : عبدالله طلقني

عبدالله طارت عيونه وبعصبيه : اطلق؟؟؟ وميس !

مها : ميس تقعد عندي لين تكبر وبعدها يصير خير

عبدالله : مها تعوذي من ابليس ..

مها : يمكن غلطت يوم صرخت وعصبت وسويت هالسالفه بس ما اتحمل اعيش معك

عبدالله : مها ! انتبهي لكلامك

مها : قلت لك طلقني ما ابيك

عبدالله : هذا الي كنتي بتكلميني فيه ؟؟ تبين الطلاق بس

مها دمعت عينها : ليش انت حسبت حسابي يوم تكلم من وراي .. خلاص ياخي ما ابيك شفت واحد غيرك كلمته ومتفقين

عبدالله : كييييييف ؟؟؟؟؟ شلون يعني متفقين ومنهو ومتى .. مها تكفين انا تعبت الاقيها منك ولا من خالد ولا محمد ولا رهف .. والله اني مظلوم والله

مها : لو تبيني صدق كان انت ما سويت هالشي ......صح !

عبدالله مسك يدينها وحبها : والله والله ابيك تكفين خلاص تعبت اترجاك تسامحيني ذليتييييييييني ماكفاك بس

مها : وانت خنتني ! يعني ما تبيني

عبدالله : وش اسوي لك عشان تصدقيني طييييييييييييييب وش اسسسسسسسسسسسسسسوييييييييي

خلاص بأنجن بتهبلين فيني بسسسسسسسسسس

مها : ...............

عبدالله : تحسبين اني ما صدقت وبفتك منك يوم طلبتي مني اطلق .. ما رح اطلق ما رح اتركك له لو اموت

مها : ...... طيب ليه كلمتك رهف

عبدالله : والله والله ثم والله .. بروح اجيب المصحف احلف لك ......... هه والله العلي العظيم ان رهف دقت لتعتذر بس

وتترججاني اسامحها والله

مها : ..

عبدالله : فكري بكلامي وانسي الطلاق ما رح اتركك لو اموت .. انا بدخل الغرفه وانتي روحي نامي وعيني من الله خير

وتعوذي من ابلس تكفين يا مها مو عشاني عشان ميس ..

مها : ... طيب

عبدالله باسها على جبينها : تصبحين على خير

مها : ..

( عبدالله * صكيت على عمري الباب اخذت ذاك الدفتر الي ما بقى منه الا صفحتين كتبت كتبت لين شفت الحروف تدخل ببعضها من الصداع قعدت افضفض .. كل شي بهالدفتر اكتبه ، كانت بي ضيقه تخنقني تأسرني وتفكير ما ينتهي ... من ضمن الكلام الي كتبته ....

ماعَاد
بِي تَركِيز فِي لَحضَة الجَد
ولآ عَاد به شَيٍ يشِد إنتِبَاهِي

الحِزن
متوَاصِل بجوفِي بلآ حَد
وِ تشُوفنِي دَايِم مَع الوَقت سَاهِي ) ~







...

اصبح الصبح .. واستيقظت نوف بعد عناء .. صلت صلاة الفجرَ

تجهزت تعطرت اخفت مظاهر التعب بداخلها وكبتتها .. ونزلت لدور الارضي
( * نوف بكون متفائله ودايم بأحط ببالي (عش كل يوم وكأنه آخر يوم في حياك




نوف : صباح الخييييراااات يا حلوين

ام فواز : ايه هذي نوف الي اعرفها ، صباح النور

فواز : يا هلا ياهلا .. صباح الفل

نوف ( لو تدرين يا يمه وش كانت ردة فعلك الحين ؟ ) : هلا فيك يلا انا جوعااانه

ام فواز : بنتي كلي من هذا مره حلو

نوف : لا لاممنوعه عنه

فواز : وليش ان شاء الله

نوف( عشان مواد حافظه مقدر اجامل او اصرف ولا اذوق أي شي به مواد حافظه ) : اممم حميه خاصه

ام فواز : ببببس انتي زودتيها كل شي حميه ورجيم .. شوفي وجهك

ساره : أي صح شكلك صاير مرره تعبان نوفا

نوف : لا لا يا ناس مو رجيم لتنحيف وكذا لا .. هذا نظاام تمشين عليك لصحتك يعني والاشياء الي ناقصه عندي اعوضها وكذا

ام فواز : الا تعالي ليش رحتو المستشفى امس انتي ونوف ريتا قالت لي ؟

ساره : مستشششششششفى ؟؟؟؟؟ لييييييش

نوف ( الله يفضحك يا ريتا ) : هو عشان كذا وداني يقول بأوديك دكتور يشوف وش فيك وكذا وش سبب الضعف واان وجهي شاحب وكذا عرفتي ! فشافني اخصائي تغذيه

ام فواز : يوووه فشششله ما بعد صرتي زوجته عشان يوديك على حسابه

فواز: يمه خلاص تراهم خالصين متزوجين .. !! بعدين كل يومين ثالث شاري لها شي ومو مقصر

جات على هذي بعدين عااااااااااادي زوجها

ابو فواز: السلام عليكم

الكل : وعليكم السلام

ابو فواز : هلا نوف بنتي شلونك

نوف : هلا يبه

ابو فواز : شلونكم ..!

الكل : بخير .. الحمدلله

ابو فواز يغمز لها : يا ام فواز ترا ابو خالد وام نواف كلموني .. الولد مستعجل يبي يخطف نوف منا

ام فواز : ياااو وراه الولد ؟ صدق !

ابو فواز : ايه والله .. ويقول انه كلم نوف وبيخلون العرس عائلي افضل

ام فواز التفت على نوف : بنتي تبين العرس عائلي ؟

نوف : يمه بكيفكم .. بس افضل انه عائلي

فواز : غريبه ؟ نوف اخبرك تحبين الطقطقه والرجه وش جاك !

نوف : مالي خلق جامعه ونكد .. ولا امداني اتقضى زين والله

ام فواز : وفستانك !

نوف : عادي ادبره

ابو فواز : الظاهر حتى البنت مستعجله تبي الفكه ههههههههه

نوف : لا يببااااه .. بس عائلي احلا .. والله ما رح يمديني اجهز شي ولا لقيت لا قاعه اعجبتني وما بي اوجع راسي

فواز : والله انا اقولكم نوف صادقه اختصروا دام الولد مستعجل

نوف : ايييييه صح تذكرت عليا .. يماه تراعليا جااايه لا تقولون ما قلت .. حتى فواز يدري

انا ما اقدر اطلع من الجامعه ابداً 10 ونص يكون فواز بالمطار ما اقدر اطلع معه

ام فواز : يا بنتي ولا انا ما اقدر انا بقعد عند اختك

ابو فواز : عادي يروح يجيبها فواز لحاله

ساره : ايه بس يبه ما كأنها صعبه شوي

نوف : حركات كبرانه اختي هههههههههه

ساره : نووف لا تتريقين علي .. انا من جد اتكلم

نوف : خلاص طيب والله شكله بيجيني كف

ام فواز : ايه والله صادقه ساره .. !

ابو فواز : لا عادي يروح يجيبها .. بس انتي كلميها قوليلها ترا فواز الي بيجيك وبس

نوف : يبه وش رايك ارسلها السواق

ساره : اشوفكم نسيتوني ! .. خلاص انا اروح مع فواز

ابو فواز : أي والله صح َ! خلو سوير تروح معه

فواز : والله ما طريتي في بالي يا بنت

ساره : هههههههههه لهدرجه يعني !

فواز : لابس نخبرك بزر فجأه كبرتي وصرتي اولى متوسط مدري ساددس

ساره : يماااه شوفي فواز

ام فواز: ههههههه قل مشاء الله

فواز : مشاء الله

نوف : يلا يلا انا تأخرت بروح .. باي

الكل : مع السلامه بالتوفيق

.....

(نوف * انتهت اول محاضرتين .. الساعه 9 ونص دق نواف .. )

اخذني نوف الذي لم ينم الا ساعه فقط ..!

نواف : يلا هلا صباح الخير

نوف : صباح النور .. وجهك رايح فيها

نواف : ما نمت امس

نوف : ليش

نواف ابتسم : افكر فيك

نوف : ....

نواف : قالك شي ابوك ع العرس وكذا ؟

نوف : اييه قالوا دامك تبي كذا وانا ابي العرس عائلي وافقوا وما شافو في أي مشكله والعرس السبت الي بعد الجاي !

نواف : الي بعد الجااااااااااي ؟؟؟

نوف : ايه مو اليوم ربوع ؟؟ مو السبت الي بعده لا الي بعده

نواف : الحممممممممدلله الحمدلله

نواف اكتفت ببإبتسامه ..

انهو التحاليل والاختبارات والاشعات والكشف جميعه .. جهز نواف كل اوراق المستشفى وتذاكر السفره

لألمانيا ولله الحمد ..

رجعت الى المنزل 2:30 ظهراً

دخلت غرفتي وجدت حقائب عليا واشياءها وهي تستحم

نوف : يا هلااااااا بالي بالحمام هههههههه

عليا : يا هلا فيك وش اخبارك ؟

نوف : وش رايك اجيب لك القهوه ؟ ههههههه .. بخير وانتي ؟

عليا : يلا جيبيها ههههههه .. بخير

نوف :الحمدلله ع سلامتك والله

عليا : الله يسلمك .. يلا جهزي القهوه والحين اجيك

نوف : لاتصدقين ههههههه

....

( مها * كيف ترضين يا مها على زوجك كذا ؟؟ ليه ما احترمتيه ! ليه ما صدقتيه ! اكيد انك ظلمتيه لازم اعتذر منه

بس ما احس بنرجع مثل زمان !!! الا مستحيل نرجع مثل زمان )

عبدالله فرحان وراد من الدوام : السلام عليكم

مها : وعليكم السلام

عبدالله : وين الغدا جوعان

مها ( كأنه ناسي وش الي صار امس ؟ ) : قلت لها تحضر الحين

عبدالله : اها .. ايوه واخبارك يا حلوه شلون بنتي

مها وبحضنها ميس: ما عليها تزقح .. عبدالله .!

عبدالله : يا عيونه

مها : انا أسفه ع الي صار

عبدالله : لا حبيبتي ما صار أي شي

مها ( معقوله ؟؟ عادي عنده ) : اكيد سامحتني ؟

عبدالله : إنتي سويتي شي عشان اسامحك .. خلاص انسي احنا عيال اليوم

مها : طيب يلا الغدا امداه جهاز الحين

عبدالله : يلا

....

نوف : ايوه وش بعد

عليا : نوف انتي مره متغيره شفيك ؟

نوف : أبداً الجامعه متعبتني شويتين

عليا : ساره فشلتنييييييييييييييييي قدام اخوك

نوف : هذي الداهيه وش قايله ؟ حتى الولد يوم دخل وجهه منصفق ههههههه

عليا : قالت .. انتي وفواز بأزوجكم وافتك من فواز ومنك ما عندك سالفه غير المدرسه انتي وهو ما عنده سالفه غير انه يقولي يا بزره ..

فواز بعصبيه : احمم .. بنت

عليا : فواز ما سوا شي ورجعت ردت عليه وقالت انت اصلا ما يعقلك الا الزواج

وقال فواز : كلمه ثانيه كف على وجهك لا تحرجين البنت

عليا : من يوم ما قال هالكلمه وانا افررط ضحك حسيته برييييييييء

نوف : تبين اقولك الصدق !

عليا : صدق وشو ؟

نوف : يا هبله فواز يحبك وانتي مانتي بيمه

عليا : نوف كلي هوا .. صايره ثقيلة دم وما تنطاقين

نوف : قد قال لنوره .. وما قالي عارف اني راح اشهر فيه هههههههههههههه

عليا : تمزحين صح ؟

نوف : لا والله .. وساره بعد تدري ههههههههههههههههههههههههه هههههههه لا مستحيل البنت ماتدري !!!

عليا : نوف بسك سماجه

نوف : يحببببببببتس ههههه

عليا : ....! اقولك شي؟

نوف : انتي بعد تحبينه صح ؟

عليا : اكرهك

نوف تكاد تموت من الضحك : ههههههههههههههههههههههههه هههههههههههه ابغى اموت

عليا : موتي احسن

نوف ( لو تدرين ان فعلا بيصير هالشي وبموت قريب وايامي معدوده وش كنتي بتقولين ؟ ) : المهم زواجي ترا تقدم

صار هالشهر تاريخ 15 \ 7 ان شاء الله .. وبيكون عائلي

عليا : لييييييييش عائلي

نوف : انا ابي كذا ونواف بعد .. احسن

عليا : نبي نفرح بك

نوف : بجيب للبيت كوفيره وبنات يغنون ويدقون وبس بسويها بالحديقه برا الزفه

عليا : اهااا .. ايه برآ احلا خاصه النافوره مجمله المكان

نوف : ايه جداً .. ايوه وش بعد



....

بغرفه 143

خالد : الحمدلله ع السلامه يأم فهد

نوره : الله يسلمك .. وش اخبارك

خالد : انا بخير .. انتي شلونك!

نوره : اصفر .. وين ولدي بس

خالد : يقطع ابو الاخلاق .. الحين جايك ومتعني وابي اشوف حرمتي وتهاوشت معهم برا اخر شي كذا تقولين !

نوره : ههههههههه جيب ولدي واقعد معي ابي اشوفه .. تكفى

خالد : خلاص طيب

نوره : بعدين مين قالك بنسميه فهد ! بأسميه احمد

خالد : اقول فهد

نوره : لا احمد

خالد : اص

نوره : والله انا الي تعبانه فيه

خالد : والله وانا بعد دلعتك وراعيتك ههههههه

نوره : خلاص بكيفك بس ابي اشوفه

خالد : اوكي .. على فكره في مفاجأه

نوره : ؟؟ وش ! لا يكون الولد فيه شي

خالد : لا لا ما فيه الا العافيه اسم الله عليه .. يارب اني قلت مفاجأه مو مفاجعه

نوره : هههههه طيب وش هي

خالد : تستهبلين ! اقولك مفاجأه

نوره : طاايب خلاص فهمت

....

مر ذلك الاسبوع ونوف حالتها تزداد سوء ونواف متوتر جداً وحالته النفسيه تسوء .. ونوره خرجت من المستشفى ورجعت لبيتها ، عبدالله يشبهه نفسه بإنه جسد بلا روح يذهب للعمل ويأتي لينام ويخرج بالليل ومها صمت دام معها كثيراً وتأنيب ضميرها غير انها مصره على الانفصال ......

بعد تجهيزات لزواج نوف ونواف سريعه ومتعبه وكثيره في وقت وجيز أنجزت

نوف تكلم الكوفيره : شوفي ضبطي الكحل سويه كذا

الكوفيره : يا حبيبتي ما بينعمل هيك

نوف : اقولك سوي لي بس

الكوفيره : طيب ع راحتك يا عروسه

نوف : ياربيه ابي هاليوم يخلص بسرعه

الكوفيره : بالعكس البنات كتير بنبسطوا في يوم عمرهن يوم عرسهم شو بك !

نوف : ما بني شي ههههه .. بس ابي اخلص تعبت مليت

نوره : نوف المصوره جات

نوف : خلوها تتقهوى وتروق وتجهز اغراضها وقولي لها ما خلصت ميك اب ولا تسريحه يعني مطوله شوي

نوره ترفع فستانها : طيب

نوف : تعالي نوره .. جو ناس ؟

نوره : لا وينك توها 9 .. ما جات الا خالتي ام خالد ومها وام نواف بسس

نوف : اهااا مطولين شكلهم

نوره التفت ع الكوفيره : بالله شفتي عروس بايعتها مثل هالعروس ؟

الكوفيره : ههههههه شو هيدي بايعتها !! ئصدك ما همها شي !

نوره : ايه هههههههههههههههههه

نوف : نوره لا تشغلينها وشوفي شغلك

الكوفيره : يالله يالله البنات في هالوئت ( الوقت ) عادي عندون ايزي

نوره ( لا مره جبتي شي جديد ؟ ) : يلا انا نازله

نوف : طيب

( نوف * خلاص بعد شوي الزفه والحين الساعه 11 ونصَ .. دخلت لي مها ...)

مها : وااو واااو وااااو !!! مشاء الله الله يحميك

نوف : ان اماني قايله محد يدخل عندي .. ! ابسوي لكم سبرآيز

مها : والله نسيت ههههههه .. تعالي اقرا عليك طالعه تهبلين

نوف : لا لا خلاص قريت

مها : كذووبه .. تعالي اقربي اقراا عليك بس .. بسم الله الرحمن الرحيم .. قل اعوذ برب الناس ملك الناس ..من...

نوف عصبت : مهااااااااا خلاص قلت لك قررررررررريت بس

مها : طيب ليه معصبه ؟؟

نوف : بسسسسسسس خلاص لو سمحتي اطلعي برا قلت لك قريت وانا ما ابي احد يدخل وقايله من قبل

مها مندهشه : نوف ؟؟؟ شفيك اول مره تكلميني بهالاسلوب ؟

نوف : خلاااااص قلت لا تقرين لا تقرين .. قريت على نفسي .. لو سمحتي يا مها يا حبيبتي اتركيني اصور واخلص بعد شوي الزفه

مها : خلاص اعصابك الشرهه علي الي بقرا عليك ! .. باي

( نوف * يوووه زعلت هذي من جججججد مالي خللللللللقها .. خلااااااااااص قلت لها لا يعني لا ! )

المصوره : يا ست نوف ادحكي افردي وجهك .. ما بدي هاي التكشيره .. ايه هيك اسم الله عليكي ادحكي

نوف : ابيك تصوريني بكل حركات الدنيا صوري صوري صوري لييين تقولين امين

مصوره : هههههههه بس بدياكي تساعديني .. منشان يجي العريس لهون يتصور معك

نوف : يووه صح خلاص يكفي انا .. بأدق على نواف يجي وبعدين نكمل اذا بقا وقت اوكي؟

المصوره : ع راحتك

نوف : نواف ! ... يلا اطلع عشآن تتصور معي .. بالمجلس بالدور العلوي طيب احتريك

المصور : بدو يجي !!

نوف : ايه بيجي هههه حبيت اللهجتين سوا ع فكره

المصوره : عايشه بالسعوديه سنتين فبتدخل مصلطحات مع حكيي ههههههههههه

نوف : اهااا .. يلا هذا العريس وصل

المصوره : تفضل

( نوف * تصورنا انا ونوااف وادوختنا المصوره مكياجي حلو وعاجبني مرره بس وجهي كان مع المكياج ششاحب

خاصه تحت عيوني َ هالات تعبت وهي تخفيها لي الكوآفيره .. والحين انا انزف .... وبجنبي نواف امشي مبسوطه

وارسل بوسات لبنت مها وبوسات لأمي ومبسوطه حيل .. بس فجأه حسييت بدوخه حاااده اقوى من الي قبلها

لو ان نواف ماهو جنبي كان طحت ...........)

نوااف : بسم الله عليييك انتبببببهي خلاص وصلنا للكوشه امسكي نفسك ماحد انتبه انك طولتي بالوقفه !

نوف خنقتها العبره : نووواف شكل العالم كله بيعرف ابي ارجع داخل

نواف : نوف الله يخليك تماسكي نقعد شوي بس

نوف : اااه اخيراً قعدت !!! اشوف كل العالم داخله ببعضها

نواف : خليك عادي انسي الدوخه مرره انسسيها وكأن الوضع جداً عادي

نوف : ابي ادخل

نواف : اصبري شوي

نوف : الدوخه يا فيييييييييييها صببببببر نسسسسسسيت وش الي فينييييي

نوااف وقف : طيب هاتي يدك

ام فواز لاحظت انهم بيمشون : وين يا بنتي اقعدي توك اقعدي

نواف : .....

نوف : لا يمه خلاص تعبت ابي ادخل تكفين

ام فواز : يلا بس اقعدددددددي كلها ربع ساعه يوه .. نواف حبيبي اقعد اخصرك منها

نواف بقلق : خلاص طيب

5 دقايق ................... 10 دقايق .................15 دقيقه ..........20 دقيقه

نواف : يلا نوف قومي

نوف ويالله ترفع عينها : مقدر !!!

نواف : امسكي يدي حطي كل ثقلك عليها

نوف : هات يدك قومني

نواف سحبها سحب : الله يهديك شكلهم حسو شوفي شلون يطالعون

نوف إبتسسسمت ابتسامه عريضه : لا ما حسو بس انت ووزع ابتسامات وان الوضع عادي اااه يا راسي

نواف : طيب .. يلا مشينا

نوف تنزل من الكوشه : يلا

( مها * وش فيها هذي !! وش الي مغيرها كذا فجأه ! ما سويت شي غلط عشان تصرخ علي بالعكس

والله ان نوف فيها شي يا انها ما تبي نواف يا انه شي ثاني اكبر !)