[فيتامين سي]

بالداخل

نوف بصوت يالله ينسمع : نواف وديني لغرفتي تراي ما شوف قدامي

نواف : يلا تعالي حطي يدك على كتفي

نوف : ابي المستشفى احس اني بموت

نوااف : نوف تكفين الله يخليك غيري ملآبسك بس عشان نمشي للبيت

نوف يالله قعدت وبقوه تتنفس : طيب انا بغير وانت احتريني عند الباب

نواف : يلا احتريك

نوف بصوت ضعيف : نواااف ..نواف

نواف : هاه خلصتي ؟؟

نوف : اييه يلا ودينييي المستشفى

نواف : يلا قومي معي

بالمستشفى !!

نواف : هاه دكتور بشر وش صار !

الدكتور : والله ياخوي وش اقولك لازم تاخذ الكيماوي ولا لاسمح الله تموت الهيموجلوبين 6 !!!

نواف : دكتور انا توني طالع من العرس وهذي زوجتي ابي اسفرها المانيا كل شي جاهز بس لين بعد بكره ابي اوديها هناك احسن

الدكتور : بس لازمم تاخذ ادويه وكيماوي ودم قبل تروح .. انت بتخاطر بحياتها لواجلت هالشي ليومين بس



نواف : لا حول ولا قوة الا بالله

الدكتور : الله يكون بعونك

نواف : تكفى يا دكتور لحد يدري اهلها ما يدرون ولا اهلي ولا احد غيري انا وياها طلبتك

الدكتور متأثر : ابداً ما رح احد يدري .. الله يشفيها يارب

نواف : امين .. طيب ينفع اخذلها جرعة كيمياوي وتاخذها وتاخذ دم واليوم الثاني نمشي عادي ما يضرها ؟

الدكتور : اذا كذا ممكن بس لازم كل الجرعات والاشياء الي تاخذها طبعا بتكون مكتوبه بورقه لازم تترجمها ضروري جداً .. اتمنى انها ما تكلفك وقت

نواف : لا سهله ان شاء الله .. مشكور ما قصرت

الدكتور : واجبنا

نواف دخل للغرفة الي موجوده فيها نوف : هلا حبيبتي

نوف : هاه وش قال ؟

نواف : والله يا نوف يقول لازم تاخذين لك ...اا...

نوف : كيماوي ! صح

نواف بضيييييييق: أيه

نوف : لا تتضايق نواف تكفى .. هذا امر الله .. طيب حنسافر ولا بتعالج هنا

نواف : لا طبعا بس على بال ما اترجم الاوراق الي قال لي عليها ضروريه ونسافر على طول .. ونقول لأهلك انه شهر عسل واقول لأمي انا بعد

نوف : يووووووووووه نوااااااااف نسيت خالتيييييييييي

نواف اخذ الجوال من جيبه : ايييييي نسيت امممممي يا ويلي .. 11 مكالمه من خالتي ام فواز وامي وعمي ابو فواز

يا فشيلتيييي وش اقول لهم

نوف : قول لهم يوم دخلنا داخل نوف كان تحس بدوخه وداخت ووديتها المستشفى عادي !

نواف : لا يا شيخه .. عشان يرتاعون ويجون المستشفى ويعرفون وش فيك ؟

نوف : لا انا بكرررره بأطلع

نواف : ما يسير !

نوف : الا مو تقول نسافر .. خخليهم الصبح يعطوني ولا الحين يعطوني الي يشوفونه ويصير نسلم عليهم ونسافر

نواف : اكيد !

نوف : ااييه اكيد انت شايف مجال غير كذا !!! كلمهم يلا وقول اني الحين بالبيت نايمه بسابع نومه

نواف : واذا سألت امي عليك وما شافتك وش اقول لها

نوف : نواف وش فيك !!! سو الي قلت لك عليه لا مرح تشوفني هي الا الصبح ع اني توني صاحيه وانا اطلع من المستشفى واجيكم للبيت

نواف : بس دقي علي

نوف : ايه اكيد بدق عليك

نواف : واذا نامت امي بأجيك

نوف : لا ما فيه داعي انت نام وارتاح عشان بكره نروح مروقين لهم

نواف : لا بأجيك

نوف : بكيفك عاد .. يلا كلمهم

........

مها : والله يا عليا غريبه ذيك الانسانه انقلبت 180 درجه !

عليا : حرام عليييك اليوم كان مره مستانسه .. يمكن كانت متوتره وضغطتي عليها

مها : بس ما عمرها ردت علي كذا .. !

عليا : يختي عرسه كم مره بيصير مره وحده خليها

مها : يلا عبدالله يحتريني .. تآمرين على شي ؟

عليا : لاسلامتك حبيبتي

مها :ألله يسلمك .. تصبحين على خير

عليا : وانتي من اهله

...

عليا حطت راسها على كتف عمتها : عمتتتتي بتوحشني نوف

ام فواز : يا بنتي خليها الله يوفقها ان شاء الله .. عاد صفت لك الغرفه لحاااااااالك اليوم هههههههه

عليا : هاااو عمتي ؟؟ نسيتي يوم تبكين على نوره ليش نوف عادي

ام فواز : والله ارتحت يوم تزوجوا كلهم باقي هالمقرود فواز

عليا : وليش يعني وش فرقت بين نوف ونوره

ام فواز : تبيني ابكي ؟

عليا : ايه هههههههههههه

ام فواز : يلا ضفي وجهك روحي غرفتس نامي بكره بتجي نوف

عليا : صصصصدز !

ام فواز : والله اشوفك تعلمتيها ههههههههههههههه .. ايه صدز .. يلا ابي اشوف غبارك وانتي تركضين

عليا : هههههههههه اخاف اركض ينقطع الفستان

ام فواز : انتي وهالكراعين الي مطلعتهن

عليا : موضه موضه

ام فواز : ايه هين

عليا : يلا تصبحين على خير

ام فواز : وانتي من اهله حبيبتي

( عليا * ركضت ابي اطلع بسرعه ما احب اقعد بالفستان والميك اب ابي امسحه عيني بالارض وانا اطلع الدرج

واطلع الدرج بسررررعه وللمرره الثانيه )

عليا ويدها على جبهتها : اااااااااي هبببببببببلااااااا ما تشوفين ......... بغييييييييت اطيييييييي...اااا

فواز : انتي براسك بلا حشا ما هو راس هذا راس فولاذي .. اوجعتيني

عليا قعدت ساعه لين استوعبت : .....

فواز : مين انتي ؟

( عليا * سلامات وش يحس فيه يوم يسألني معقوله ما يعرفني ؟؟ شلون تقولي نوف يحبني انا حاسه انها تكذب ما هو داري وين الله حاطه .. طلعت اركض وما شاف الا غباري .. اجل بقعد اكثر من كذا متنحه ؟ .. واسم الله على راسي الرحمن الرحيم . . رجه رج )

فواز : هيييييييه انتي علياااااااااااااا؟

عليا ( دقيقه انا احلم صح ؟؟؟ يارب انه حلم يارب !!) : .. ها

فواز : انتي عليا

عليا ( ما يستحي بهاوشه ) : استح على وجهك غض البصر

فواز : والله انك فاتنه هههههههههههههههه

عليا بعصبيه طلعت لأخر الدور ومن ورا الدربزين ( ما يشوفها ) : قليل ادبببببببببب

فواز ميت ضحك : يا حيوانه والله لأوريك

عليا : والله لأعلم عمتي عليييييييييك تشوووووف

فواز : انتي الي تشوفين ههههههههه .. وه يا ناسسسسسسس

عليا دخلت غرفة نوف وقالت : ثقيل دم

فواز : يا زيييييييينها والله لأبهذلها بهذله اوريك يا عليا

........

مها : هلا عبدالله وش اخبارك ميس

عبدالله : ميس زينه بس كانت تصيح واجد يوم جيت قبلك

مها : الله يعين .. اقولك عبدالله

عبدالله : سمي

مها : نوف ما هي طبيعيه ابدااااااااااااا اليوم صار موقف بيني وبينها وفيها شي ما يعرفه غير نواف او يتعلق بنواف

عبدالله : انا بعد حسيت .. ! نواف راح ولا سلم ع الرجال ولا شي اخذها وراحو ..

مها : نوف فيها شي تخيل انا جيت بقرا عليها من يوم قريت شبت فيني واطلعي برا وانا ما بي احد خفت اول مره تكلمني كذا

عبدالله : ...........؟ غريبه والله

مها : انا الي عرفته من خالتي انها داخت ووداها المستشفى بس ماني متأكده ولا فاهمه السالفه زين !

عبدالله : !! اماااا وش صار

مها : مدري ! .. المهم ترا بكره لآزم اودي ميس طبيب الظاهر بتطلع لها اسنان وياحياتي عشان كذا تعبانه اليوم

عبدالله : سلامت قلبها .. خلاص بوديها بدري مرره

مها : يلا اجل روح نام وبكره بأصحيك بدري الصبح اوكي !

عبدالله : اوكي .. تصبحين على خير

مها : وانت من اهله لا تصك الباب بأجي انام عندك

عبدالله مندهش : !!!!!!!!!!!!

مها : وش فيك تطالعني كذا ! ما تبيني انام عندك ؟

عبدالله : لا بالعكس .. بس اخبرك تنامين بغرفة ميس دايم

مها : لا الشغاله نايمه معها الحين مابي اصحيها

.....

ع سريرَ المستشفى الساعه 4 ونص الفجرَ

نوف : هلا نواف

نواف: انتي باقي صاحيه ؟

نوف : ايه ما بعد نمت

نواف : يلا يا قلبي نامي بكره ورانا اشغال

نوف : طيب ليه جيت

نواف : جيت ابتطمن عليك

نوف : نواف ابيك تجيب لي من شنطتي الي بالبيت لونها احمر حقت مكياج ابي امسح ميكياجي ما صارت كل م دخل

دكتور ولا دكتوره تنحو بوجهي ويقوولون هذي جايه تتعالج ولا وش !

نواف : ههههههههه .. صادقه المفروض انا بعد ما اقبل بكذا خاصه الدكتاره مالهم داعي .. المهم ايت بيتي ولا بيت ابوك

نوف : لا لا بيتنا عند خالتي

نواف : يعني بيتنا احنا ؟

نوف : ايييه شفيك ههههههه

نواف : والله ماني مستوعب هههههههه .. طيب قبل لا اروح وش قالولك متى تخلصين

نوف : اول شي يقولون بيعطوني دم بعدها يشوفون اذا يعطوني كيماوي .. واذا بيعطوني بيكون الساعه 8 الصبح

نواف : لازم اكون فيه ! .. يلا بروح اجيب لك الشنطه وبرجع البيت انام لي شوي واجي الصبح

نوف : والله انك متعب نفسك ..

نواف : ليش كم عندي نوف انا

نوف اكتفت بإبتسامه

نوف : تعال تعال قبل تروح

نواف : هلا

نوف : وش قلت لأهلي

نواف : قلت لك ان دختي دوخه عاديه وطلع انه من قلة الاكل بس وهي الحين عندي بالبيت

نوف : ايه وش قالت امي

نواف : حسيتها ما اقتنعت ! وتحسب اننا بالبيت

نواف : ايه اشوا

.....

نوره : يا حليلك يا نوف ماني مستوعبه نوف تزوجت

خالد : الله يوفقهم

نوره : امين .. وللددددددي بروح اششششوفه اشتقت له

خالد : من زينه

نوره : لا والله ! .. ترا يشبهلك يعني

خالد : ها هههههههههه

نوره : احسك كارهه ليه

خالد : والله غيران تشتاقين له وتأكلينه وتسحبين علي دايم

نوره : يارب لك الحمد

خالد : انقلعي شوف ولدك هذا

نوره : افا هههههههههههههههههههه بشوفه واجيك

خالد : ايه ايه طيب

نوره : يختي ع الي يزعلون

خالد : نوره طسي خلاص ههههههههههههههههه

نوره تضحك : اليوم انت فااااصل !

خالد : أي والله مرررره

نوره : هههههههههههه

خالد يصرخ : شووووووفي وللللللللللللللللدك

نوره مندهشه منه وتضحك : طيب

خالد يقول بصوت واطي : اعوذ بالله ما تنعطي وجه ههههههههههههههههههههه

نوره بتدخل غرفة ولدها فهد : سمعتك

الساعه 7 ونص الفجرَ

والمنبه بجوال نواف يدق !



( نواف * اششوا امي ما قامت باقي ,, سحبت نفسي ولبست الثوب ومشيت تسحبت ابي اشوف نوف اتطمن عليها )

نواف يطق الباب : السلام عليكم

الدكتور : وعليكم السلام .. اخ نواف تفضل

نواف : مشكور .. هاه شلون زوجتي

الدكتور : والله شوف هي بخير وبعد شوي بنعطيها الكيماوي لان من اول ما جبتها وهي تتألم من جميع جسمها مره راسها مره رجلها ع العموم اعطيناا مسكنات والحين لازم نبدأ بعلاج الكيماوي

نواف : لا حول ولا قوة الا بالله

الدكتور : طيب هي الفتره الاخيره وش كانت تاكل وش تشرب !

نواف : ما اظن له دخل بالاكل مره ! بعد وفاة اخت قريب لها ولي كانت بسنها تقريبا وهي ما هي طبيعيه

الدكتور : الله يشفيها يارب .. شفت كثير حالات سرطان .. بس هالحاله كانت جداً غريبه علي

نواف : ليش دكتور عسا ما شر ليه غريبه

الدكتور : ما ادري والله يا اخوي .. متى تروح لألمانيا انت

نواف : اليوم المغرب طيارتنا .. بغيت اقولك لو سمحت ابي الاوراق الي قلت انها مهمه كلها ابي اترجمها لو سمحت

الدكتور : اوكي بعد ما نعطيها الجرعه وكل شي بأعطيك اياها ..

نواف : متى تطلع ؟

دكتور : شششششلون تبيها تطلع لازم تقعد لأخر لحظه بتمشون فيها وبعدين المسافه مرره طويله وانت جايبها متأخر الله يهديك ..

نواف : وش اسوي اقولك تونا متزوجين تووونا جايك من عرسي على وش تبيني اسوي

دكتور : استغفر الله .. خلاص نعطيها ونشوف بعدين وش يصير معنا

نواف : يارب .. الله يسهل

......



جِيتككَ على رجَوىَ معآلج جُروحي
مآ كِنت أضنكْ تلحق الجرح بـــ الجرح



( عبدالله سهران و سرحان بمها الي غاطسه بالنوم جنبه * والله نفسيتي تعبانه من الي صار بسبة رهف .. هي للحين تبي الطلاق ؟ ولا هي كلمه بس عشان تشوف اذا انا ابطلقها او ابيها ! .... غلطه دفعت ثمنها غالي مدري هي ترتاح اذا مت ولآ ماهي مرتاحه ؟؟؟ هي تكرهني ولا ... تعبت من هالاسئله انا ما صدقت ترجع احسن من اول وصارت تكلمني بعد وفاة اختي وجات رهف وحاست كل شي واليوم تكلمني عادي وفجأه تقلب علي ليييييييه ! الله ياخذذذذنيييي

........................... استغفر الله ( إن بعد العسر يسر ) – الله كريم ...* )



عبد الله : مهااا ..مها

مها : هممممممممممم

عبدالله : يلا قومي الساعه 9 امشي عشان نودي ميس

مها : وش رأيك نخليها العصر بس

عبدالله : لأ دوامي اليوم من 11 – 8 يلا

مها تقوم بهدوء : طيب طيب

دقائق ..............................

مها : يلا جهزت

عبدالله : تعالي افطري معي

مها : لا الحمدلله

عبدالله : ماني ماشي لين تاكلين شي

مها ( يا ليل يلا ابي اخلص ) : طيب بأكل شوي بس

....

على طاولة الفطور .. عليا وام فوآز لحالهم

ام فواز : ما ادري وش قصة نوف ونواف !

عليا : ليش خالتي !!

ام فواز : كلمت نواف امس يا بنيتي شفتيهم راحو فجأه والولد لا سلم على الرجاجيل ولا البنت سلمت ومشو فجأه والكل يسال .. دخلت داخل لقيت فستانها على سريرها والعبايه ماهي فيه وشنطة اليد بغرفتها بعد بس اخذت جوالها

ونواف تارك بشته !! ومشو كذا .. دقيت دقيت دقيت ما ردو .. لين رجع دق علي نواف .. يقول انه كان بالمستشفى

نوف اغمى عليها وشالها للمستشفى وهي ببيته نايمه ورجع اخذ امه وروحوا لبيتهم معقوله يكون هالكلام صدز !؟

عليا : اوففف اوفف !!!!!!!!!!! معقوله

ام فواز : ايه والله انا استغربتها منهم حاسه ان فيه شي ثاني

عليا : عمتي اول شي ماهو معقول نواف ولا نوف يسوون هالحركه بلاش..! اكيد ان كلامه كان صحيح !!!

ام فواز : وحتى نوف كانت مستعجله ع الكوشه وتقول لنواف يلا نمشي يلا نمشي .. لين هاوشتها

عليا : خااااااالتي تبببببببين الصدق ؟؟؟ بنتك لو انها ماهي حاطه هالمكياج كله وتشوفين وجهها كان قلتي ان كلام نواف صح .. وجهها يا عمتي مزرق والله ذاك اليوم مسوده البنت تحسين ماعد فيها دم

ام فواز : شدعوه يا عليا هذا كله انتي تبالغين .. تراها تتغدا وتاكل معنا اسم على بنتي ودايم تشرب عصيرات اشوفها يعني لو قلنا ان البنت فيها فقر دم كان تقولنا احس بدوخه ودوني اعرفها نوف تتكلم ما تسكت على نفسها

عليا : ..... ما ادري

ام فواز : من يوم ما نوره جابت بنتها وانا ماني متطمنه من هالنواف ااااااابدا ياخذها ويرجعها البيت اخاف ان .........

عليا : اسسسسسسسسسستغفر الله لااااااااااااااا يا عمتي صدقييييني لا لا مستحيل حتى نوف ما رح ترضى بهالشي

انا ما فكرت بهالتفكير شلون انتي امها تفكرين كذا اسمحي لي ، نوف فيها انيميا حاده وكل دقيقه دقيقتين اشوفها تمسك راسها ومبين انها تحس بدوخه واسألها نوف شفيك ! .. تقولي ولا شي صدقيني الموضوع بس فقر دم

ام فواز بضيق وتبي تنسى الموضوع : استغفر الله اعوذ بالله من الشيطان .. كلمتي ابوك ؟

عليا : اممم ايه كلمته قبل العرس وبارك لنوف وكلمها شوي

ام فواز : والله شرهانتن عليه ورا ما يجي

عليا بأبتسامه: عمتي ابوي طيار ولا نسيتي !

ام فواز : ياذا الطيران الي مايخليه يقعد يشوف خواته واخوانه قهرني والله

عليا : يعني انا هنا ليش ؟

ام فواز : وش ابي بك انتي

عليا : هههههههههههههههههههه ييوووه ما تبيني !

ام فواز : ما ابيك لا انتي ولا فواز

عليا تغمز لعمتها : ايييه قولي تبين الجو يصفالك مرره

ام فواز تضحك : اييه ابي اقعد مع ابو عيالي .. صبي قهوى يا قليلة الادب

عليا : راحت نوف وجتك عليا ههههههههههههههههههه

ام فواز : الله يسسسعدك يا بنتي ويخليك

عليا : ويسعدك

...........