[فيتامين سي]

...........

مها + وعبدالله .. بالمستشفى

مها : يلا دورنا ياعبدالله

عبدالله : يلا دخلنا .. السلام عليكم

الدكتوره : وعليكو السلام ورحمة الله وبركاتو.

مها : دكتوره بنتي من اسبوع تعبانه ..

الدكتور : عومرها كام ؟

مها : عمرها 7 شهور

الدكتوره : ده يمكن عشان اسنانها ابتدت تظهر عايزه اكشف ع الئموره ..

مها : اوكي



( عبدالله * بعد ما كشفنا على ميس وصياحها الي رج المستشفى كله وكل شي شلتها وطلعنا برا العياده رحت للرسبشن ( الاستقبال ) بأستفسر عن شي التفت يمين !!...وو )

عبدالله : نووووواف ؟

نواف ارتبك جداً : هلا هلا عبدالله

عبدالله : هلا بالعريس شلونك ؟

نواف : هلا فيك .. تمام شلونك انت!

عبدالله : بخير الحمدلله عسا ما شر ؟

نواف : لا ماشر يالحبيب بس بأخذ نتيجة نوف مو امس كانت تعبانه وكذا وبروح للبيت

عبدالله : نوف هنا ؟

نواف ( وش اقوله وش اقوللللله ؟؟؟ ) : ها ! .. ايه اليوم تطلع

عبدالله : ينفع نسلم عليها بس ونمشي

نواف ( الله ييستررررررررر ) : ياخوي والله ما فيه داعي تتعب نفسك نوف ما فيها الا العافيه اخذت لها مغذي وباخذ ادويتها وما فيها الا الخير بتطلع وتشوفونها

عبدالله متقصد يضغط على نواف لانه فكر بنفس تفكير ام فواز : لا عيب والله نروح كذا من غير ما نشوفها !

نواف انحرج : صدقني ما فيها شي ، بس اذا حابين كيفكم بس انهي اشياء واوراق واجي اوديكم لها

عبدالله : لا ابد علمنا الغرفه كم واحنا نسبقك لان دوامي 11 والحين 10 ونص !

نواف : على راحتك غرفة 59 قسم الـ ...

عبدالله : قسم وشو ؟

نواف : قسم امراض السرطان الله يكفينا شره كان ضغط والغرف مليانه بالمستشفى وحطوها بذاك القسم

عبدالله متفاجئ : كيف ؟؟

نواف : اييه !! حطوها بقسم امراض السرطان .. ترا نوف ما فيها شي وبعدين قلت لك ياخوي يتطلع اليوم

حتى لو كان فيها هالشي شلون بخليها تطلع بالمستشفى ؟ وبنسافر لشهر العسل !

عبدالله بدا يطمأن : اشوا يا رجال روعتني .. بأخذ مها ونطلع

نواف : دقيقه ميس شكلها تعبانه صح ؟

عبدالله : ايه والله رشح وحراره وكذا تقول الدكتور بيطلع لها اسنان

نواف : اعطيني اياها

عبدالله : لا بتشغلك

نواف بجده واصررار قوي : لا اعطيني اييياها ما رح تطلع فوق

عبدالله : ليش ممنوع

نواف : ايه ممنوع

عبدالله : طيب خذها .. يلا احنا طالعين ها

نواف وبيدينه ميس : اوكي

عبدالله : مها .. شفتي نواف!

مها : ايه طبعا شفته لكم ساعه تسولفون

عبدالله : امشي خل نشوف نوف فوق

مها : من جدك !

عبدالله : ايه نروح يلا .. احفظي معي قسم امراض السرطان غرفة 95 الدور الثالث

مها ويدها على قلبها : يووووووووووه عبببببببببدالله وش تقققققققول انت

عبدالله مسكها من يدينها : هيييييه ما فيها شي حطوها بذاك القسم لأنه ضغط بس

مها تنهدت : اشششوا يارب لك الحمد

...

نواف : الوووو نووووف

نوف : بسم الله شفيك

نواف : ترا عبدالله ومها جايينك الحين لا تبينين أي شي وانا بأطلع فوق انبه الممرضات محد يجي عندك انتبهي يعرفون قلت انك تاخذين مغذي وشوي تطلعين اوكي!

نوف : يوووووه وش جااااااابهم هذولي

نواف : بعدين بعدين يلا باي

نوف : باي

مها تطق الباب : السلام عليكم

نواف :هلا وعليكم السلام

عبدالله من عند الباب : هلا نوف .. سلامتك ما تشوفين شر

نوف : الله يسلمك ياخوي شلونك ؟

عبدالله : بخير الحمدلله .. الف لا باس .. حبيت اسلم عليك بس انا بنزل لنواف تبين شي ؟

نوف : الله يسلمك .. سلامتك والله ما تقصر

عبدالله : الله يسلمك فمان الله

مها : سلامات يا قلبي ما تشوفين شر

نوف على اعصابها : الله يسلمك حبيبتي .. شلون ميس ؟

مها : والله تحت مع نواف .. انتي اليوم شلونك !

نوف : والله ماشي الحال الله يعين

مها : والله قلقنا عليك يوم طلعتي انتي ونواف مره

نوف : والله شسوي طحت عليه مسكين يالله بس لحقت اغير ملابس والبس العبايه وشالني لسياره شيل

مها : يا عمرررري ما تشوفين شر

نوف : الشر ما يجيك

طق الباب : السلام عليكوم .. مس نوف الحين لازم فيه عطي انتي كيماوي

مها طارت عيونها : لا مس نوف مافي شي هذا روم غلط

ممرضه : نووو

نوف شوي وتبكي : بليييز نوت ناو بلللللييييز قو اوت ( لو سمحتي مو الحين اطلعي برا لو سمحتي )

الممرضه : وات ؟ !

مها تناظر في نوف : نوف وش السالفه بسرعه قوللللللللللي

الممرضه : اوكي ون مينت بعدين انا يجي

مها : انطططططقي وش قاعده تقول تقول كيماوي يا نوف وقسم سرطان وش فيييييك تكلمي

نوف تصرخ : خلاص اطلعي برا مالك شغل

مها : ما رح امشي الين تقولين لي وش سالفتك

نوف ضمت رجولها بيدينها وتبكي : مها انا معي اللوكيميا

مها : كيييييييييييييييييف

نوف تهدد مها : والله لو تقولين لأهلي ولا لأي احد والله لأنتحررررررر وربيييييييي لأسوي في نفسي شي ما حد يدري غيرك انتي ونواف والله والله يا مها لو احد درا لأسوي في نفسي شي سسسسسسسسسسامعتني

مها مصدومه ولا تحركت !

مها : .... طيب ليش تخبين

نوف : مالك شششششششششغل مالك شغل انا بسافر لألمانيا اتعالج ..والله لو احد يدري يا ويلك

مها بدت تبكي : ماني قايله لأحد .. بس وش صار فيك ليه

نوف : لي 3 اسابيع الحين .. لا تبينين لأحد يامها لا تقولين لأحد تكفين

مها ضمت نوف بقوه : ماني قايله لاحد .. لا حول ولا قوة الا بالله

نواف يطق الباب : السسـ............

مها حست فيها وبعدت عن نوف : هلا نواف

نواف : ؟؟ كويس ! .. هاه نوف اخذتي المغذي ؟

مها : أي مغذي !!! كيماوي يا نواف

نواف ارتبك : انتي درييييييييتي ؟

نوف ضحكت : جات الممرضه وفضحتنا

نواف : تكفين يا مها لا تقولين لأحد

مها : تطمنوا والله ما اقول ........... الله يشفيك .. هذا عبدالله يدق

نوف : ولا عبدالله لا تقولين له شي

مها : والله ما رح اقول تطمنوا .. نواف وين ميس

نواف : مع عبدالله اخذها

مها : الو ؟

عبدالله : هلا مها يلا انا بالسياره احتريك

مها : يلا بأجيك

مها : ودي اقوله ابي اقعد معك

نوووف : لا لا لاروحي اخاف يشك تكفين مها الله يخليك نشوف بعض في بيت ابوي وبسافر بالليل انا

مها بضضيق : طيب على راحتك .. مع السلامه

نواف + نواف : بحفظ الله

.....

بعد 3 ايام من العناء والتعب وبألمانيا تحديداً ونوف ع الفراش منهد حيلها

نواف يحب جبينها : شلونك اليوم ؟

نوف بتعب : الحمدلله

نواف ضمها ( الله يشفيييك ) خنقته العبره

نوف : نواف ؟

نواف مسك نفسه : سمي

نوف : لا تتضايق انا بخير

نواف بعد عنها : طيب حبيبتي تبين شي مشتهيه شي اجيب لك اياها اسوي لك اياها ؟

نوف ابتسمت : ايه مشتهيه ساندوتش بس

نواف : بس ساندوتش ؟؟ طيب وشو تبين دجاج ولا لحم ولا ايش

نوف : اممم لا ابي بس جبن ببببببس

نواف : بس ؟

نوف : وعصير بس

نواف : ابشري بروح اجيب لك اياه

( نواف * وانا طالع من الغرفه بالممر امشي بسرعه ما صدقت نوف تطلبني اكل اجيب لها صدمت واحد بقوه وانا ماني قاصد له لحيه سودا وشعر اسود وملامحه عربيه ومرتب انا ارتبكت يم صدمته هالصدمه فغلطت وقلت له ) :

وتلخبطت باللغه ونسيت اني بألمانيا : يووه معليش سامحني .. اااا ..اا أأأم سوري اام سوري

الرجال يطالع بنواف مستغرب : حصل خير ! الاخ عربي ؟

نواف متفاجئ : هلا ايه سعودي .. سامحني وانا اخوك ما قصدت

الرجال : لا لا عادي .. يا حي الله اهل السعوديه كلهم

نواف : الله يحيك الاخ من وين

الرجال : انا من الكويت اسمي جاسم الله يطولي بعمرك

نواف : هلا بالكويت والنعم .. انا نواف

جاسم :هلا بنواف .. الله ينعم بحالك .. عسا ما شر اخوي احد لك مريض ولا انت فيك شي ؟

نواف: والله ياشيخ خلها على ربك .. زوجتي .. فيها سرطان بالدم الله يشفيها ويعافيها فجأه طلع لنا هالمرض

جاسم :الله يشفيها.. دقيقه دقيقه قلت لي فجأه !! انا واحد اعرفه ع فكره كان هنا وكان مريض بنفس المرض حتى ان المرض جاه فجأه زي ماتقول .. حتى ما يتقبل احد يذكر الله قدامه او يسمع قرآن !

وطلع الي فيه الله يكفينا شر عين او سحر واغلب السراطانات من العين والسحر

نواف : اعوووذ بالله .. من جدك!

جاسم : الي في زوجتك دامه طلع فجأه ودها عند شيخ واسمع كلامي العلاج بالرقيه وانا اخوك ما فيه مثله كلام الله

نواف : ونعم بالله .. بس ما ادري والله .. تعرف احد يقرا هنا ؟؟

جاسم : شوف ممكن ادبر لك بس الي اعرفه اجنبي مسلم ماهو عربي !

نواف : ما فيه مشكله اهم شي مسلم ويعرف وموثوق فيه

جاسم : هذا الي اقولك عليه واعرفه ما عالجه الا هالاجنبي هذا والحمدلله سليم ما فيه الا العافيه الحين

نواف : الله يطمنك ييييييارب ممكن رقمك ؟

جاسم : ايه هات اسجله عندك

......

نوف : الو هلا يمه

ام فواز : هلا حبيبتي هلا بنوفه

نوف : هلا امي كيفك كيف صحتك .. كيفكم كلكم

ام فواز : هلا حبيبتي كلنا بخير ومششششششششتاقييييين لك مره انتي كيفك

نوف : تشتاق لكم الجنه .. انا بخير ومبسوطه الحمدلله هذا نواف راح يجيب لنا الغدا

ام فواز : الله يسعدكم يا بنتي ويبارك فيكم يلا حبيبتي ما ابي اطول عليك .. انتو الغدا الحين واحنا عندنا الساعه 11 الليل

نوف : اهاا .. اوكي يمه ، يلا تبين شي من هنا ولا شي هه

ام فواز : لا والله ابي سلامتك حبيبتي.. وفواز يسلم عليك

نوف :الله يسلمك ويسلمه سلمي لي على الكل حبيبتي .. فمان الله

ام فواز : يوصل .. مع السلامه

فواز حاط راسه بحجر امه : يمه !

ام فواز : نعم وش تبيييي من اليوم تدلع يمه يمه قم يلا اشوف

فواز رفع راسه : اااااي ليه كذا ! خليك حنونه مع ولدك

ام فواز : انا ما مجنني الا انت

فواز : يمه زوجيني

ام فواز طارت عيونها : وششششششششششو ! انت تفكر بالزواج ؟

فواز : يمه بنت اخوك تهببببببل

ام فواز بتفصخ صندلها : وووووووووووجع ان شاء الله انا اوريك بنت خالك يا كلب تقول كذا

فواز بينحاش: ااااممممممممممممممممممممز ح والله امززززززززززززززززح لا تررررمين بس امزح

ام فواز : اها ايه اشوا .. بس ترا حتى لو مزح يا ويلك

فواز : لا صدق اخطبي لي اياها

ام فواز : من جد فواز ما تلعب انت ؟

فواز : يمه وربي من جد

ام فواز : ايت بنت خال فيهم .. هنادي بنت خالك تركي !؟

فواز : لالالالالالالالالالالالا يع .. اقصد عليا

ام فواز : عليييييا صغييره يا ابوي توها 19 سنه

فواز : فيه بنات يتزوجون وعمرهم 17 سنه جت علي .. شوفي مها تزوجت وعمرها 20 سنه مشاء الله

جت علي انا المسكين .. ؟

ام فواز : اخاف خالك يقول لا توها صغيره

فواز : يمه تكلمينه ولا انا اكلم ابوي ولا انا اكلمه !؟

ام فواز : حلوه هذي ههههه مستعجل بعد .. خلاص ابشر اكلم امها واشوف

فواز يحب راس امه : الله يخليك لي

......